يمكن ان يتقدم الى ابنتك زميل دراستها لخطبتها....وقد يكون غير مسلم!!

Quote: العزيز عزيز سلامات يا زول المواضيع دي حساسة في اللحم الحي....فقلنا احسن من بدري بدري نعرف الحاصل شنو! ونحن السودانيين حديثي عهد بالهجرة للعالم الغربي يعني ناس جداد لنج في العالم ده وما دايرين في المستقبل نصطدم بموضوعات حادة زي دي تجيب خبر الزول وتقصر عمرو! عشان كده دسديس الريسين في الرمال والكلام المغتغت وفاضي ده ما بحل حاجة..احسن الناس من بدري تكون متحزمة ومتلزمة لحاجات زي دي... وكلكم نسوان ورجال اباء وامهات عندكم البنيات والوليدات وعايشين وشايفين اي حاجة هنا بالصوت والصورة والالوان..والموضوع خطير جدا! وبعض الناس شايفن اقولوا ليك احسن نرجع السودان وبلدنا واخلاقنا وقيمنا ودينا!! وما عارفين السودان بقي بلد المليون مرفعين وحرامي وبن كلب وبن عاهرة والايدز البياكل الناس ده هناك بجي (بملاح ام دقوقة) وما عارفين الناس في السودان الزواج العرفي منتشر بين الطلبة والطالبات زي عرس بت ام لعاب!!.... وما عارفين الناس في السودان( الكوندوم) بتباع هسع في البقالات عشان بقطعوا بيهو السلطة والكمونية!!وما عارفين شارع عبيد ختم اسمو عبيد ختف وما عارفين هناك في اكثر من الف شقة مفروشة للايجار وجلها لممارسة الدعارة المقننة وما عارفين في السودان التلفون الموبايل بترسل بيهو الرسائل الجنسية المفضوحة وتصور بيهو اوضاع جنسية ومعظم الناس بتستعمل الانترنت وبتشوف الدش بضبانتو اكتر من القنوات السودانيةوانتشرت ظاهرة تعاطي المخدرات بين البنات الطالبات وكثرت ظاهرة الانتحارات بين الشباب واغتصاب الاطفال واللواط!!! وبالموبايل تاتيك الخمر بجميع اصنافها بسيارة ليلي علوي مظلله وبالموبايل تحدد المواعيد الحمراء لتناول ملاح الشرموط في اقرب شقة مفروشة اواقرب غرفة ايجار في بيت اسرة فقيرة يمكن ان تتناول ملاح الشرموط في تلكم الغرفة وانت تستمع لونسة ال البيت الطاهر العفيف واحد اطفالهم يذاكر في دروسه ويتلو بعض ايات من جزء (عم) وقد تشرد الاب المطرود من الخدمة وبعض الابناء خارج وداخل الوطن وبقيت الام واطفالها في وطن لا يرحم الفقراء بسبب سياسات الدولة الرسالية العاهرة التي مكنت الساقطين والمشوهين والشواذ من التحكم في مقدرات الوطن وجر الناس الي هذا الواقع المهين!! يا عزيزي عزيز هذا هو السودان الرسالي العفيف الشريف الذي سيهربون اليه من الغرب الليبرالي لحماية عروضهم وشرفهم من الرذيلة ومن زيجات قد تكون من نصاري او يهود سيحسبونها زنا ولكنها اشرف من واقع السقوط والرذيلة والعهارة في داخل الدولة الرسالية التي تتنطع باسم الله والاخلاق والايدز يحصد ابناءها وبناتها بالالاف!