أختبر نفسك, إذا كنت كوز ظلامي أم ديمقراطي حر.

Quote: عليك الله أقراه تانى و أنا جاييك، وريحتنى كتير انو انت عايش الأن في أمريكا...يعنى مهمتى ما ح تكون صعبه شديد.

للنجمة السداسيّة مقترنة بزعيمها جون قرنق واصفة إيّاه بالوطنيّ المخلص المبتعد بنفسه عن مواضع الشبهات، غير انّ ما أثار دهشتي هو اتصال هاتفيّ تلقيته على هاتفي المحمول من شخصٍ لم أتعرّف عليه يتحدث العربية بلكنة غريبة لم أعهدها من قبل...
- شالوم
- وعليكم الشالوم
- إنت أحمد الراياح؟
- نعم، منو معاي
- مش مهم تعرف
- كيف ما مهم؟
- بقول لك مش مهم، المهم تعرف نحن عاوزين إيه!
- (نحن)؟! انتو منو؟
- مش مهم تعرف
- أسمع يا زول ، أنا مافاضي ليك ، وبعدين انت جبت تلفوني من وين؟
- مش مهم تعرف
هممت بإغلاق الهاتف قاطعاً الطريق أمام محدّثي بعد أن ضقت ذرعاً بعباراته الغامضة، إلا أنّه عاجلني معرّفاً بنفسه...
- أنا الياهو جادوسكي زوج ايستر بلينسكي!
أخذت منّي الدهشة كلّ مأخذ وخامرتني إحاسيس شتـّى، ماذا يريد منّي المقدم بجهاز المخابرات الإسرائيليّ الياهو جادوسكي؟ ولماذا أشار لكونه زوج ايستر بلينسكي؟ هل علم بأمر علاقتي السابقة معها عندما كنت أعمل مهندساً في شركة الطيران الإسرائيلية وكانت تعمل هي في شركة (ماجي تورز) السياحيّة مع صديقنا المشترك ديفيد شارل سمحون؟ تمالكت نفسي وقصدت ضبط مخارج صوتي حتى لا يبدو عليّ الارتباك...
- أهلاً يا الياهو، كيف الأولاد؟
- أنا مش صاحبك ولا عاوز اهظر معاك!
- طيب عاوز شنو؟
- نحن عرفنا إنّك عرفت إن جون جارانج اتفق معانا على خطة التهريب من نيفاشا بالطائرة الإسرائيلية، موشي حاييم ود أورشليم قرا الخبر بنفسو وهو اللي طلب منّي أتكلم معاك.
- موشي حاييم ود أورشليم بجلالة قدرو؟
- أيوه، هو متابع لسودانيز أون لاين وبيقول إنو فيه شباب كويس ممكن يساعدو اسرائيل، وفي شباب تاني ظلامي وبيعمل لخبطة.
- ما فاهم كلامك.
- أنا حافهمك... الخبر اللي نشرتو سبّب مشكلة في الكنيست والأعضاء طالبو بالتحقيق في المسألة ومحاكمة المشتركين في العملية بتهمة تبديد المال العام واستعمال طائرات إسرائيلية لأغراض لا تفيد إسرائيل، موشي حاييم ود أورشليم بيقول إنّو عاوزك تنفي الخبر بسرعة.
- أيواااه، أنت ضارب لي عشان تطلب...
قاطعني بحدّة...
- أنا مش بطلب أنا بقول (نحن) عاوزنك تعمل كده.
- ولو ما عملت كده؟
- مش هايحصل طيّب.
- أنت بتهددني يا جادوسكي؟
- انت حر.
- حا تعملوا شنو يعني؟
- شوف يا سيدي، طبعاً نحن عارفين فريق الهلال مسافر غانا يلعب مع الأشانتي كوتوكو، موشي حاييم ود أورشليم وضع خطة محكمة لاختطاف البرنس بتاعكم ده... هيثم مصطفى، ومش هايلعب المباراة.
تملكني غضب هائل وأجبته بنبرات صارمة...
- ده أسلوب حقير يا جادوسكي... وبعدين الأشانتي ده حايغلبنا حايغلبنا، حتى لو لعب معانا زين الدين زيدان!
- اسرائيل قبل كلّ شيء، نحن مستعدين ندفعلك اتنين مليون دولار وتنفي الخبر بدون شوشرة، ومستعدين كمان نشتري حكم مباراة الأشانتي بأي مبلغ عشان الهلال يفوز، أنا هاتصل بيك يوم السبت عشان أعرف ردّك... شالوم.
الآن اتضحت لي الخطة الإسرائلية الرهيبة لعرقلة مشوار الهلال الإفريقي باختطاف نجمه الأول هيثم مصطفي قبل مباراة الأشانتي المصيريّة، ارتميت على مقعدي محتاراً، حاولت تخيّل الهلال في غانا بدون هيثم مصطفى ولم أقدر، فالفتى لاعب ماهر لا غنى عنه في وسط الهلال ولا بديل له، ماذا أفعل؟ هل أبيع قلمي وأشتري به صعود الهلال للمباراة النهائية أم أرفض الطلب الإسرائيليّ و(اليحصل يحصل)؟!
يتبع ،

أحمد الريّح
____________________________________________________________________________________
قد لا أعود لمواصلة هذه القصة المفبركة، فالأمر لا يعدو كونه هذيان صائم أنهكه العطش، مع الامنيات الطيبة لهلال الملايين بالنصر في مباراة الأشانتي المهمة.