|
Re: وطن للإبتسامة (Re: معتصم دفع الله)
|
مع أطيب التحيات
شروم الكدمبوس نحن شعب بلاد السودان شعب يتميز بخاصية لا توجد فى معظم شعوب الله على نطاق العالم العريض … فيندر ان تسأل أي انسان عن شخص آخر فيجاوبك بأنه لا يعرفه او لا يعرف منزله اولاً يعرف الكنتين الذى يوجد بالقرب من منزلهم بالرغم من انه ربما لم يسمع بذلك الاسم من قبل … وقد حدثت لى مفارقات لطيفة وذلك عندما قررت ان اختبر هذه الخاصية السودانية مية فى المية وان اجرى عليها بعض التجارب … هل منكم من سمع باسم شروم الكدمبوس ؟ … لا اظن ، فانا نفسى لم اعرف شخصاً بهذا الاسم ولم بخطر بذهنى ان يكون هناك شخص بهذا الاسم فى السودان … وانما هو اسم اخترعته اختراعاً واستحدثته استحداثاً فهو اذا اسم مخترع مستحدث . وقد كان ان ارتبكت عربتي (الهتاري) وعملت واحد (سفاري) بين الازقة والحوارى أبحث عن هذا الشخص الوهمي …وبالقرب من سوق احد الاحياء في مدينة امدرمان قابلت احد المواطنين. - اسمع بالله ممكن اسألك سؤال - جداً اتفضل . - شكراً .. تعرف لى بالله شروم الكدمبوس ساكن وين ؟ - شروم منو؟ - شروم الكدمبوس . - ايوه .. كدى خلينى اتذكر … شروم الكدمبوس … شروم الكدمبوس … ايوه … دا مش ولد ناس الطريفى ؟ - الطريفى منو ؟ - ياهو زاتو .. دا ولد ناس الطريفى وهو ساكن بجاي كدي تعال معاى نسال صاحب الكنتين دا . وذهبنا للسيد صاحب الكنتين والذى يقع على ناصية الشارع … - اسمع يا خضر … بتعرف واحد اسمه شروم الكدمبوس . - شروم مين ؟ - شروم الكدمبوس - دا مش الراجل الشغال فى مصنع البلاستيك دا ؟ وقال المواطن الاول : - مصنع البلاستيك بتاع شنو ؟ يا اخى الراجل ولد ناس الطريفى الساكنين بهنا ديل . - لا … دا مش ولد ناس الطريفى … شروم الكدمبوس اعرفه كويس … دا كان بيجينى هنا … دا راجل شغال فى مصنع البلاستيك … وكل يوم عربية المصنع بتجي تاخذه من هنا . وقد كان هناك شخص اخر يستمع الى هذا الحوار فقال : - اسمعوا يا اخوانا منو العايز شروم الكدمبوس . قلت : انا … قال : ازيك يا ابن العم … اولاً انا الاسم دا ما غريب على … وكان ما اخاف الكضب اقول دا كان سكان جنب الجامع … شفت جامع البلة … ؟ ولا اقول ليك استنى شوية … ايوه شروم الكدمبوس … عرفتو ليك – دا ما شغال فى مصنع البلاستيك ، وصاح خضر صاحب الكنتين : انت بتتكلم كيف ؟ يا اخى دا راجل بيجى يشترى من هنا سجاير وحاجات كل يوم و … وقاطعه الشخص المتكلم قائلا: يا اخى دا نسيب عبد الرحمن اخو هناى … ما تقول معاى يا اخى … عبد الرحمن أخو حسن الراجل صاحب الموتر الاصفر دا … حتى قريب دا كان عندهم عرس وصيوان هنا جنب الكوشة الكبيرة دى . ويبدو ان الجماعة لم يتذكروا عبد الرحمن ولا حسن صاحب الموتر الاصفر ولكنهم قطعاً تذكروا الكوشة فقد صاح احدهم : - الكوشة ياتا ؟ الفيها برميل ولا الثانية البدون برميل . - اجاب المتحدث الاخير : يا اخى الكوشة البي اللفة بتاعة ناس اسماعيل الحاج … يا اخ بيت عبد الرحمن الراجل الشغال في وقاية النباتات دا .. وصاح احدهم : لكن داك ما اسمه عبد الرحمن … داك اسمه عبد الرحيم وصاح فيه المتحدث الاخير : ما ياهو يا اخى … عبد الرحمن ولا عبد الرحيم اصلو انا ماسك فايلاتهم ؟ والتفت نحوي قائلاً : شوف يا ابن العم … زى ما قلت ليك … تلف بهنا ولما تجى جنب الكوشة بيلاقيك مثلث فيه كنتين .. ولا اقول ليك احسن انا زاتي اجي معاك . ( وارتكب) معى هذا الدليل العربة ( الهتاري) وهو يرشدنى الى الطريق لف يمين ولف شمال … وعرج بجاى حتى وصلنا الى الكوشة ثم وصلنا الى احد المنازل ونزل الدليل وخبط الباب فجاء احد الاشخاص : - اسمع … بالله ممكن تنادى لينا شروم الكدمبوس ؟ وغاب ذلك الشخص فترة داخل المنزل … وفى هذه الاثناء كنت اجهز في سري ما يمكن ان اقوله لهذا الشروم الكدمبوس وهو اسم اخترعته دون ان ادري ان هناك شخصاً بهذا الاسم موجود وحي يرزق … ويا لها من مصادفة وتبقى مصيبة لو طلع فعلاً ان هناك شخصاً بهذا الاسم ويقيم فى هذ1 المنزل . وبعد مدة جاء ذلك الشخص من الداخل وهو يقول : - والله شروم الكدمبوس ما عندنا هنا .. ولكن فى واحد اسمه صالح لو عاوزينو اناديهو ليكم …
|
|
|
|
|
|
|
العنوان |
الكاتب |
Date |
وطن للإبتسامة | د.محمد عبد الله الريح | 07-08-06, 06:26 PM |
Re: وطن للإبتسامة | غادة عبدالعزيز خالد | 07-08-06, 11:41 PM |
Re: وطن للإبتسامة | عمر عبد الخالق سعيد | 07-08-06, 11:51 PM |
Re: وطن للإبتسامة | الزوول | 07-09-06, 01:41 AM |
Re: وطن للإبتسامة | Gaafar Ismail | 07-09-06, 06:56 AM |
Re: وطن للإبتسامة | د.محمد عبد الله الريح | 07-11-06, 07:36 PM |
Re: وطن للإبتسامة | ناذر محمد الخليفة | 07-09-06, 01:59 AM |
Re: وطن للإبتسامة | Mohamed Abdelgaleel | 07-09-06, 07:28 AM |
Re: وطن للإبتسامة | معتز تروتسكى | 07-09-06, 07:36 AM |
Re: وطن للإبتسامة | د.محمد عبد الله الريح | 07-11-06, 07:42 PM |
Re: وطن للإبتسامة | omer abdelsalam | 07-09-06, 07:53 AM |
Re: وطن للإبتسامة | saadeldin abdelrahman | 07-09-06, 08:23 AM |
Re: وطن للإبتسامة | عصمت العالم | 07-09-06, 08:54 AM |
Re: وطن للإبتسامة | almulaomar | 07-09-06, 08:46 AM |
Re: وطن للإبتسامة | عنيده | 07-09-06, 09:25 AM |
Re: وطن للإبتسامة | معتصم دفع الله | 07-09-06, 10:12 AM |
Re: وطن للإبتسامة | د.محمد عبد الله الريح | 07-11-06, 07:18 PM |
Re: وطن للإبتسامة | مبشر إبراهيم أنور | 07-12-06, 03:38 AM |
Re: وطن للإبتسامة | Ibrahim Adlan | 07-09-06, 11:49 AM |
Re: وطن للإبتسامة | بشير حسـن بشـير | 07-09-06, 12:00 PM |
Re: وطن للإبتسامة | محمد ابراهيم قرض | 07-09-06, 11:49 PM |
Re: وطن للإبتسامة | almulaomar | 07-11-06, 06:04 AM |
Re: وطن للإبتسامة | عوض الله الفولانى | 07-11-06, 08:02 AM |
Re: وطن للإبتسامة | ود الباوقة | 07-11-06, 07:27 PM |
Re: وطن للإبتسامة | Dr. Abdalla Siddig | 07-12-06, 02:39 AM |
Re: وطن للإبتسامة | almulaomar | 07-12-06, 07:43 AM |
Re: وطن للإبتسامة | رأفت ميلاد | 07-12-06, 08:41 AM |
Re: وطن للإبتسامة | bayan | 07-12-06, 11:45 AM |
Re: وطن للإبتسامة | jini | 07-12-06, 01:30 PM |
Re: وطن للإبتسامة | saadeldin abdelrahman | 07-13-06, 07:46 AM |
Re: وطن للإبتسامة | بدرالدين شنا | 07-13-06, 08:03 AM |
Re: وطن للإبتسامة | almulaomar | 07-15-06, 02:56 AM |
Re: وطن للإبتسامة | بدرالدين شنا | 07-15-06, 05:04 AM |
|
|
|