نضال ونادية... الطفولة المغدورة بتصرخ.... يا ابو مروة..و يا اهلي

Quote: كده كويس ؟؟ ياخ الناس في شنو .. و الحسانية في شنو يا تراجي ياخ ؟؟ ( ح تنطي تقولي لي الحساني هو الإغتصب ما عارف شنو ) .. ما عندكم غير إسقاط الذاتي على الموضوعي و شخصنة الحاجات لمن كرهتونا .. قاعدين تخيطو تهم ورا تهم ورا تهم ورا تهم .. ترزية إنتو ؟؟ ياخي أنا ضد ده كله .. و ضد كلام الجهة و القبيلة و اللون و العرق و العنصر و الشيطان الرجيم و الجن البتسوي فيهو ده . تراجي إنتي في كل مرة بتزيدي و تأججي أكتر و اكتر الشقة بين الناس .. و أكاد أقول إنتي بطرحك ده إنقاذية مليون في المية أكتر من الراكبين ضهر البلد و مدلدلين كرعيهم .. و لابسك توب شين في تفسيرك و تصديك لمفهوم النضال زاتو .. هو من متين نضال السجم ده بقى معكوس ؟ .. إنتي بتدعي لي شنو يا تراجي ؟؟ كدي النسألك ؟ قضيتك شنو .. كدي بس نعرف للدنيا و الزمان .. أنا ما شايف ليك غير دايره تقعدي تتربعي في الصفحة الأولى و تستعدي الناس عليك و تنبسطي أربعة و عشرين قيراط .. يمكن أنا مطموس و عميان ياخ .. نوريني و أخدي فيني الأجر . عارفة يا تراجي .. أحسن زول بيخلق أعداء هو إنتي . شوفي يا بت الناس بيريحك أقول إني جلابي و تعتقيني لله و الرسول من تهمك الجاهزة و بقت لبانة دي ؟؟ فأنا جلابي . في أي تهمة تانية أنا جاهز .. ح أبقى المتعهد بتاعك .. لبسيني أي نصيبة تانية ياخ و فكينا من الكلام المكرور و باهت و يوغر الصدور و ممل ياخ .. ياخ ممل كلامك بقى .. و قديم و دُلقان .. قلت ليك زماااااان لكم دينكم ولي دين . ياخ ما ممكن حتى قضايانا الإنسانية بقت متاجرة و مزايدة .. و تابووهكم جاهز تردمو بيهو أي شي بأي كلام كلام كلام .. ؟؟ إنتو جيتوا من ياتو بلد ؟؟ .. السودان ده وللا حتة تانية في الكون ؟ ياخي طلعتو ديننا باللت و العجن و النضالات و الجهادات و الحرابات و الجن الكلكي .. ياخي ما ممكن إنتي الطوالي صاح و مناضلة و جسورة و مهمومة بالبلد و الوطن و الما بعرف شنو .. و بلا بلا بلا .. و الامة دي كلها كعبة و راكبها الغلط من ضفرها لشعر راسها .. و سجمانة و مفروض تتحرق !!! أنا جلابي يا تراجي .. و رجعي .. و نوبي جهوي و دين حجر .. و بتاع هراء نضيف و حالم و مكنكش في كلاسيكيات الكلام الحنكوش و مسرح حركة ورا , و فوق ده و داك شايف دارفور و الهامش و القامش و فرطوق و دين أيمان أي حاجة .. و قاعد فراجة كده بس .. ناضلوا إنتو .. يللا .. كويس معاك ؟؟