نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 توطين.تجديد.. نسخ..تغير.مسخ واحد دين جديد وصلحو
|
هذه المحاولات اليائسة لتغير الدين حتى يتلائم مع العصر الحديس والحداسة ويكون دين عصرى
اولا الحجاب مافى داعى ليه عشان بيأطر فكر المرأة وبيحولها لعورة
وهو بيحجب الجسم والعقل ايضا ولذلك تكون المرأة المسلمة مرأة جاهلة ومستهلكة وغبيةوتدور فى فلك الرجل ولا قيمة لها.. فى اللحظة التى تخلعى الحجاب تبدأ ذبذبات الحضارة والفهم والتقدم تنفذ الى عقلك دون حجاب فتكونى مثل آلى ماكبيل..بعدين ذاتو الشعر يعفن ويمكن يتملى قمل ذاتو..والله ما امرنا بالتهلكة لانو القمل دا بيجب التايفود والعياذ بالله
ثانيا: الجهاد والدفاع عن المسلمين والاسلام وايقاف الغرب وحقارته
مافى داعى ليه لانه كدا بنشوه سمعة المسلمين العايشين فى بلاد الغرب والناس ما بتشوف فيهم الا ارهابين و بينتحروا بلا سبب لا نه حياتهم قرف اصلها وعاملينو جهاد نوع الما عندو فتيلة يسوى الحد حيلة
الله يهديكم جاهدوا نفسكم وبس وبلاش فضايح نحنا ناس مسالمين وكرهتونا اسامينا الاسلامية..
ثالثا:
زنا شنو كمان الحرام يعنى عايزننا نعرس ونحنا فى الغرب ليه نحنا عورة عشان اذا طلقنا تجى المحكمة تنجضنا وتقسم الشرابات والملاعق النص بالنص..مالو نلد ساكت بلا عرس بلا دوشة..الضرورة تبيح المحظورة ونحنا حائفين من البشتنة.. وفى النهاية يخسكم شنو دى امور شخصية خسوسية بعدين الله غفور رحيم
رابعا:
الفقهاء الثقاة ديل هم منو يعنى ارجل مننا ولا ارجل مننا
البخليهم يعملوا فتاوى ونحا لا شنو.. هم كانو قرو جامعة
ولا بيعرفو كمبويتر.. ولا مسقفين زينا قرو درويش ولا عبدالرحمان منيف ولاماركيز ولا كونديرا ولا عرفو سارتر ولا قرو صمويل بيكت ولا سمعو شوبان و لا حضرو مسرحية
اللوحة بتاعه هارولد بنتر ولا سمعو موتزارت و شوبان ولا بيتهوفن
ولا شافو اوبرا كارمن
ديل ما مسقفين ذاتهم وعرب ساكت بلا لمة العدد تمة..
بعدين حكاية تفسير القرآن دى ذاتها فيها اختلاف كبير شوف فى كم مدرسة بتاعة فقه تمانية عديل كدا بعدين الاحاديث ذاتها لموها بعد ميتين سنة..الحل شنو اننا نشوف البندورو نحنا والما بندورو ننسخو ذى شرب الخمر دا و المخدرات الزول ما يسكر لما يعزف شوية كدا يشعشع بس ويفرفش ومعنوياتو تترفع وينسى الغلب العايشو لانه الحياة الحديسة المعاصرة دى مختلفة كيف بالله عايزننا نتحكم ونقيد بحاجة جات ليها خرطومية حول عليكم الله دا ما جن عديل كدا اطورو حبة جاتكم البلاوى كرهتونا عيشتنا يا بجم خلو دينكم يبقى معاصر..
بعدين ناس الانقاذ ديل ودو الناس بيوت الاشباح والايادى التى فى كتفها صقر قتلننا ثم لم يحينا قتلانا وهم مسلمين يبقى الدين دين ظالم شديد ورفدو الناس ودو الاولاد الحرب وماتو يعنى جد ناس كعبين
والاسلام دا برضو ما نافع لانه بالله دى الفاظ دى يكشو الزول يودو الحرب لا ايدو لكراعو ايه يعنى لو قرنق جا الخرتوم هو ما سودانى ومش الخرتوم دى عاصمة السودان شوف بلاى غايتو الاسلام دا ظالم وعنصرى خلاص..
منلوج من ذول غلبو اليسوى
 
|
|
 
|
|
|
|
|
| العنوان |
الكاتب |
Date |
| توطين.تجديد.. نسخ..تغير.مسخ واحد دين جديد وصلحو | bayan | 01-11-04, 07:54 PM |
 Re: توطين.تجديد.. نسخ..تغير.مسخ واحد دين جديد وصلحو | yumna guta | 01-11-04, 08:04 PM |
| Re: توطين.تجديد.. نسخ..تغير.مسخ واحد دين جديد وصلحو | bayan | 01-12-04, 01:43 PM |
| Re: توطين.تجديد.. نسخ..تغير.مسخ واحد دين جديد وصلحو | yumna guta | 01-12-04, 06:00 PM |
| Re: توطين.تجديد.. نسخ..تغير.مسخ واحد دين جديد وصلحو | doma | 01-12-04, 08:19 PM |
| Re: توطين.تجديد.. نسخ..تغير.مسخ واحد دين جديد وصلحو | Raja | 01-12-04, 08:43 PM |
| Re: توطين.تجديد.. نسخ..تغير.مسخ واحد دين جديد وصلحو | Ishraga Mustafa | 01-12-04, 10:35 PM |
| Re: توطين.تجديد.. نسخ..تغير.مسخ واحد دين جديد وصلحو | Mandela | 01-12-04, 10:50 PM |
| Re: توطين.تجديد.. نسخ..تغير.مسخ واحد دين جديد وصلحو | bayan | 01-13-04, 06:16 AM |
| Re: توطين.تجديد.. نسخ..تغير.مسخ واحد دين جديد وصلحو | Muhib | 01-13-04, 06:24 AM |
| Re: توطين.تجديد.. نسخ..تغير.مسخ واحد دين جديد وصلحو | doma | 01-13-04, 08:49 AM |
|
| |
bayan
فيس بوك
تويتر
انستقرام
يوتيوب
بنتيريست