حول التحالفات.. بكري يفتح النار على حزب الامة ويوضح الحقائق !

Quote: عبد المنعم خيرالله سلامات يا مان نقاشك في المرتين الاخيرتين يحتوي علي مغالطات لا حصر لها شنو يا معلم الحاصل شنو؟؟ اولا حاجة زعمك انو خالد عويس لم يدين سلوكك انت و ود العمدة يعطي انطباع بانك لم تقرأ مداخلة عويس المعنية، او انك لم تفهم ماجاء بها و هذه لا ارجحها، او انك تود المغالطة و لا شئ غيرها، خالد عويس قال بالحرف الواحد( أدين بشدة أي خطاب يجرد الجبهة الديمقراطية من نضالاتها) و كذلك ذكر( لا يمكنني ان أكتب مجردا تنظيم عبدالوهاب بوب وياسر النضيف ومحمد أشرف وشيراز وغيرهم من نضالات كبيرة شهدتها بعيني) لاحظ لكلمة تنظيم و التي بالتاكيد تنسب بوب للتنظيم و ليس العكس، هؤلاء قيادات جماهيرية للجبهة الديمقراطية جامعة الخرطوم عاصرهم خالد عويس و اعترف بنضالهم و بالتاكيد خلف هولاء يوجد تنظيم قدمهم للناس و قيادة تخطط لهم و توجهة مسيرتهم و هم في النهاية جزء من كل انجز تلك النضالات بعدين يا اخي مالك انتا مصر علي تجارب النيلين دي و نحنا نتحدث عن تجربة محددة في جامعة الخرطوم، انتا كادر سياسي بالضرورة مفروض تعرف انو الجامعات واقعها مختلف من جامعة لاخري، و التنظيمات كذلك، فعلي سبيل المثال الجبهة الوطنية الافريقية في جوبا ليس مثل الجبهة الوطنية الافريقية في الخرطوم، و علي هذا يمكنك ان تقيس، انا تحدثت عن تجربة جامعة الخرطوم هنا و انا شاركت في دورتين انتخابيتين في الفترة الماضية و متابع حتي الان للتجربتين الاخيرتين حتي تفاصيل الاخيرة، في جامعة الخرطوم تقسم مقاعد للمجلس الاربعيني بصورة متساوية للجميع و هنالك مقاعد تعطي للروابط الاقليمية هذة تجربة الخرطوم يا منعم وفي نفس تجربة الخرطوم التنظيمات متعودة تحسم مسالة مقاعد اللجنة التنقيذية بعد الفوز في الانتخابات و ناس حزب الامة بشاركوا بنفس هذة الطريقة اذا كان دا تجاوز لقرارت مجلسكم المركزي يبقى دا شئ تاني، لم يكن هنالك اي اتفاق علي تقسيم مقاعد اللجنة التفيذية للاتحاد باي طريقة و اذا كان هنالك اتفاق جيبو يا منعم؟؟و هل تم اقصاء حزب الامة ام اشترطوا الحصول علي الرئاسة او لا شئ غيرها؟؟ و هذا ما حدث بالضبط، و هذا لايدعم روح العمل المشترك، و اذا لسة مصرعلي انو الطريقة التي حصلت بها الجبهة الديمقراطية هي طريقة تامر عليك الله جاوبني علي طريقة التعايشي يكون اسمها شنو و انا من المعاصرين لها في سؤال كيف اقنعت الجبهة الديقراطية بقية التنظيمات في التحالف للتامر لصالح الجبهة الديمقراطية؟؟ هنالك سبعة تنظيمات غير الجبهة و الامة فكيف يمكن يتامر الجميع لصالح الجبهة الديمقراطية؟؟ تعليق اخير علي قوة التنظيم و قوة الخط السياسي يا منعم لازلت تمارس الاستعلاء الاجوف، يا منعم الجبهة ما صغيرة و لا هوينة و قوية و بشهدوا ليها خصوما، واذا كنت عايش علي رنة جماهيرية حزب الامة!! دي الجامعات فيها مكان للوعي والتمميز و ليس الولاء المطلق و الاعمي، اما قوة الخط السياسي دي ما سمعت بيها في حياتي سمعت بقياس شدة التيار بالاميتر و قياس قوة جذب الارض للاشياء بالميزان، لكن ما سمعت بقياس قوة الخط السياسي دي اصلو!!! تكون قاصد قياس شعبية و جماهيرية اي تنظيم و دي بيتم قياسها باستطلاعات للراي او الدراسات الاحصائية التي تقوم بها مراكز متخصصة و محايدة و هذه غير موجودة عندنا في السودان حتي الان، بعدين يا منعم مافي زول بعترف ليك بانوا هو صغير و لا هو من وزن الريشة و يمكنك ملاحظة ذلك في ثنايا هذا البوست شوف كدي العبثي دا عمل شنو و اتطاول قدر شنو بس الله يعظم الاجر ســــــــــــــــــــــــــــــــاي بكري صديق - السويد