حول التحالفات.. بكري يفتح النار على حزب الامة ويوضح الحقائق !

Quote: علي الطلاق

Quote: لو كنت محل خالد العبيد لما نشرت مثل هدة الرسالة لانها تخدم لود العمدة الامنجى والمؤئمر الوطنى خدمة فركشة التحالفات التى بنيت بعد تضحيات عظيمة من كل القوى الوطنية على خالد ان يسحب هدة الرسالة لانها تجعل الموتمرنجى ود العمدة يتنفس فالمغركة ياخالد و بصبر وحنكة ان يزال هدا الدمل من جسد حزب الامة

Quote: لماذا تسعون (يا خالد العبيد) لتوسيع الشقة، ودفعنا دفعا للعمل بجدية على فض أيّ تحالف معكم، ويشمل ذلك الانتخابات المقبلة؟ وأنا أعني تماما ما أقول؟

Quote: لماذا تسعون (يا خالد العبيد) لتوسيع الشقة، ودفعنا دفعا للعمل بجدية على فض أيّ تحالف معكم، ويشمل ذلك الانتخابات المقبلة؟ وأنا أعني تماما ما أقول؟

Quote: لو كنت محل خالد العبيد لما نشرت مثل هدة الرسالة لانها تخدم لود العمدة الامنجى والمؤئمر الوطنى خدمة فركشة التحالفات التى بنيت بعد تضحيات عظيمة من كل القوى الوطنية على خالد ان يسحب هدة الرسالة لانها تجعل الموتمرنجى ود العمدة يتنفس فالمغركة ياخالد و بصبر وحنكة ان يزال هدا الدمل من جسد حزب الامة ولبست ضد جزب الامة و طلاب حزب الامة فقد خاضوا مع الجبهة الديمقراطية والتنظيمات الاخرى اشرف المعارك ضد اسواء واخطر نظام حكم السودان

Quote: لماذا تسعون (يا خالد العبيد) لتوسيع الشقة، ودفعنا دفعا للعمل بجدية على فض أيّ تحالف معكم، ويشمل ذلك الانتخابات المقبلة؟ وأنا أعني تماما ما أقول؟

(عدل بواسطة طلال عفيفي on 05-01-2007, 03:51 AM)

Quote: اسعد سلام يا سيدي عشان تفهم موضوع الرسالة دي لازم تراجع البوست المعنون ب حزب الامة يراجع تحالفاته في الجامعات و يطالب الجبهة الديمقراطية بالاعتذار او راجع ردي علي خالد عويس بعدين التحالف دا فيهو عشرة تنظيمات يعني في سته تنظيمات اخري غير المزكورة في الرسالة هنا و انا هنا ذكرت ضعف البعثيين و في الجزئية بتاعت غياب الوجود الطلابي و الله الزول الكان بيفاوض باسم البعثيين زول ما طالب في الجامعة و اسمو فرح و لمن تجي ركن البعثيين الهسه عاملين دوشة ديل ما بتلقي فيهو من الجامعة طالب بعثي يعني واحد الي تلاته كده، البقية كلهم بيكونوا من جامعات تانية!! لكن ذي ما قال البعثي حسين داك انو كلهم كوادر سريه لا يعلم عددهم الا الله و القيادة العليا قدس الله سرها، القيادة دي ما ترسل ليها واحد من الطلبة يفاوض بس ساي عشان التنظيم يبقي شكلو ظريف قدام الناس و يقول ها نحن هنا، و مشاركتهم في التحالف بس للحافظ علي الوحدة الطلابية، و لانو بيكون في تنظيم في التحالف زاتو قافل عليهم يكبر بيهم كوموا جوه التحالف، يا سيدي التحالف ضد الكيزان لكنه لايخلو من تناقضات في ذات نفسو، دي عشره تنظيمات يا اسعد كذلك الناصريين وجودهم ضعيف رغم انو احسن من البعثيين، و ناس حزب الامه ادوهم الامانة العامة في السنه الاولي بتاعت فوز التحالف، بعداك ناس حزب الامة راجعو الموضوع براهم و استدركوا الخطا كل الداير اقولو انا انو الكلام حصل قبل كده و انحنا ما اتجرسنا ولا قلنا انو في زول أتامر علينا و الله حتي في الجامعة ما عملنا مخاطبه و لا وزعنا بيان نلعن فيهو ابو التحالف، لاننا لن ننغض ما غزلنا، لكن يصر البعض علي انا يصورننا في الوضع الابليسي الاستهبالي دا دائما دائما نحنا الشوعيين او الجبهة الديمقراطية النجوس و المستهبلين المفتحيين المتــــأمرين علي الاخريين و دي ما حقيقة عشان كده الكلام جاء مر بنفس مرارة الاتهامات بكري

Quote: ود العمدة و الحديث الدائم عن مشاركة الحزب الشيوعي في البرلمان يا سيد اذا اردت ان تفهم اي وموقف سياسي، فلا تنظر له باستقلال عن جملة الظروف التاريخية التي اسهمت في تشكل ذلك الموقف او الوضع السياسي حتي تتوفر علي اكبر قدر من المعرفه بما انت بصدده، الان البلد تحكمها حكومة مكونة من المؤتمر اللاوطني و حلفاءه من جهه،و الحركة الشعبية من جهة و كمان حركة تحرير السودان جناح مني، هذه الحكومة تشكلت وفقا لاتفاقية نيفاشا بين الحركة الشعبية و المؤتمر الوطني هي اتفاقية ثنائية و مشوهة لكن هذا الوضع اسهم في الجميع بما فيهم حزب الامة، حزب الامة اول من بادر بعقد الاتفاقات الثنائية مع المؤتمر الوطني و ذلك بتوقيع اتفاق نداء الوطن في 25 نوفمبر1999و هو الاتفاق الذي ادي الي خروج حزب الامة من التجمع الوطني الديمقراطي، وعودة قياداته الي الداخل، تبني حزب الامة خط سياسي غريب يصف رفاق الامس في المعارضة باصحاب الاجندة الحربية، الذين يريدون تفكيك البلاد، جاء حزب الامة و ضع سلاح المعارضة و دخلت قياداته الي داخل البلاد في تنازل مجاني للكيزان مقابل ان يسمح له بمارسه انشطة سياسية مهادنه، مثل ندوة اسبوعية و لقاء شهري للصادق المهدي مع الصحافه، الموقف في مجمله يطبع النظام القائم بطابع من الشرعية و يجمل صورة النظام امام العالم حيث يقدمه علي انه يقبل الاخر المختلف معه و يتيح الحرية السياسية للخصوم، هذا الوضع خص به حزب الامة فقط في حين كانت بقية القوي السياسية تتعرض للملاحقة و الاعتقالات و التشريد، قبلت قيادات حزب الامة بهذه الحرية المجزأة و عندما وقعت قيادات حزب الامة بالتاكيد لم يكن غائب عن ذهنهم الطبيعة المراوغة لنظام الكيزان و قدراتهم علي الالتفاف علي كل الاتفاقيات التي وقعوها مع اي من خصومهم لكن حزب الامه قبل ذلك و بدون اي ضمانات لتنفيذ تلك الاتفاقية و فرحتم بالاتفاق هذا الوقف مع جملة عوامل اخري ادي الي اضعاف العمل المعارض في الخارج، كذلك اهتمام المجتمع الدولي الكثيف بمشكلة الجنوب و البعد الانساني لتلك الحرب،و بالتالي القفز فوق قضية الديمقراطية و الحريات السياسية مما ادي الي توجيه كل الاهتمام بمشكلة الحرب في الجنوب الظروف دي كلها افرزت نيفاشا كمشروع حل ثنائي ولا احد بامكانه ان يلوم الحركة الشعبية لانها وقعت اتفاق ثنائي مع المؤتمر الوطني و ذلك لعدة اسباب منها ان الحركة الشعبية رغم الطرح القومي الذي تتبناه الا انها ملزمه اخلاقيا و سياسيا باعطاء قضية الحرب في الجنوب اولوية قصوي و ذلك لاني تلك الحرب و قودها الرئيسي هم اهل الجنوب ، كذلك لان حزب الامة هو المبادر الاول في عقد الاتفاقيات الثنائية و بضمانات اقل من ضمانات نيفاشا بكثير فالمواطن في جنوب السودان غير مهموم بالمطالب المترفه المتعلقة بالديمقراطية و حرية التعبير السياسي و حقوق الانسان والذي منه هنالك الناس مهمومين باساسيات الحياة الامن من الخوف و الاطعام من جوع، اذن لن نلوم الحركة علي ما فعلت وشكلت من وضع سياسي و انضم الي هذه الاتفاقيات الثنائية بقية فصائل التجمع في ما يعرف باتفاق القاهرة جملة الوضع الراهن الان هو وضع مفروض علي القوي السياسية كلها اذا كان بقوه خارجية او محصلة قوة مركبه داخلية و خارجية، و للجميع مساهمتهم في هذا الوضع الشائهه،و عليه كل القوي السياسية في الساحة الان لا تطرح في اجندتها وسيلة للتغير السياسي سوي الانتخابات القادمة و التي سوف ينعقد لواءها تحت مظلة نيفاشا، جل ما نفعله الان هو مضايقة هؤلاء الاوباش داخل مؤسساتهم و الضغط من اجل قانون انتخابات عادل من اجل لجان انتخابات نزيهة من اجل قانون احزاب ديمقراطي، و من اجل مخاطبة المجتمع الدولي من داخل مؤسسات الكيزان لمراقبة الانتخابات القادمة و التي وسوف يشارك فيها حزب الامة علي ما اظن و ان كان بعض الظن اثم. بكري

(عدل بواسطة خالد العبيد on 05-01-2007, 04:06 AM)

Quote: الطيب بشير سلام لك في البال برضو الاحترام من يوم طرتو مركز الكيزان من الموقع اما حديثك عن مناهج البحث العلمي في السويد التي تمت سودنتها عشان حليفة الطلاق دي اولا انا ما كتبت بحث علمي و في صلب البحث العلمي دا و اثبات الحقائق العلمية حلفت بالطلاق!! انا كتبت عن تجربة سياسية عايشتها ايام الجامعة يعني تجربه من حياة يومية لمواطني سوداني دي بالضروره بتدخل فيها ادوات الاستشهاد و الاستدلال السودانية العزيز طلال عفيفي تسلم يا سيدي انا اتفق تماما مع ما طرحت عن ان التحالفات الطلابية يصيغها الطلاب حسب معرفتهم بواقعهم و ظروفهم، لكن المؤلم في الموضوع و مخليني مساهر الليالي ارسل لخالد في شرق الكره الارضية و قاعد في الشمال الغربي منو و الدنيا ليل عندي، انو في تشويه مريع لصورة الشيوعيين في البورد دائما يا طلال نحنا اباليس و اولاد ستين كلب و بنلعب البيضة و الحجرة و ننصب علي الناس لية كدة؟؟ و بالزور الصورة ما يجب انها تترسخ لانو دي ما في مصلحة العمل الوطني و الديمقراطي في مقبل الايام بالذات الجاي كبير، و القوي الباحثة عن الحرية و الديمقراطية واجبها انها تتكاتف و تبعد عن الصراع الضيق في السياسي اليومي لكن تقول شنو؟ الرياح مرات بتجيك علي غير ما تهوي انت او السفن. بكري

Quote: و اسالوا الواثق انصار السنة كان انا كضاب

الزميل بكري

أخبارك و أحوالك و يا رب تكون بخير..

يشهد الله إنو مداخلاتك دي رجعتني لمنابرك في شارع المين و لفرص النقاش الكان بتاخدها في أركان أنصار السنة و حواري و الأخ محمد زكريا معك عن النشوء و الارتقاء و الديالكتيك في ذلك الزمن الجميل..

و ما زلت كالعهد بك عنيداً و دقيقاً و مرتباً..

الشهادة لله أن الجبهة الديمقراطية هي أقوى تنظيمات التحالف من ناحية تنظيمية و سياسية و أمنية و لقد كنا نهاجم التحالف دائماً بأن كل أدبياته هي أدبيات الشيوعيين و حتى ملصقاته يكتبها خطاطو الجبهة الديمقراطية بل و حتى ملصقات الاتحاد كان يكتبها خطاط الجبهة الديمقراطية و كنا نوقف الركن في بعض المرات لنقارن بين جدارية الجبهة الديمقراطية و جدارية التحالف..

هذا من ناحية سياسية تنظيمية لكن حزب الأمة له جماهيرية كبيرة جداً خاصة في اقتصاد و ما جاورها لذلك يعتبر حزب الأمة أن التحالف يفوز بفضلهم..

و لا أنسى بالطبع (مقلب) الدورة الأولى للتحالف عندما طردت الجبهة الديمقراطيةمن اللجنة التنفيذية في الدورة الأولى و للتاريخ كما قال بكري أكلوها في (حنانهم)..

لا أريد أن أكون طرفاً في هذا الجدال .. و لكنني أتمنى أن أرى الزميل بكري بيننا في البورد و لو أعطاني الإذن سأكتب بوستاً خاصاً لمنحه العضوية ..

أشكرك مرة أخرى..

كسرة : السويد دي مشيتها كيف يا بكري مع الكيزان و الخدمة الإلزامية دي؟؟

Quote: حسين يوسف احمد انا بقول ليك قاعد في الجامعة المعنية بالنقاش تقول لي جامعة الجزيرة سنه 1993؟؟ الكلام دا ما فيهو حبة منطق ولا انا غلطان؟؟ بعدين ضعف البعثيين دا ظاهر لاي زول طبيعي و دي حقيقة و كونوا الحقيقة دي بقولوها الكيزان او غيرهم دا ما بغير فيها شئ يعني تظل الحقيقة حقيقة و لن يضيرها اذا رددها الكيزان او غيرهم، الا يكونوا البعثيين ديل قوم لايمكن رؤيتهم بالعين المجردة بعدين مافي مقارنة بين الحقيقة و الادب السياسي العباره التي ذكرها السيد عبد المنعم خيرالله مجاهدات) تندرج تحت ما يعرف بادبيات الحزب السياسي و هي دائما ما تعبر عن المنطلقات ) الفكرية و النظرية للحزب المعين، و بالتالي استلافها بهذه الطريق يتسبب في التماهي في الخطاب الذي يدعي مناهضته السيد خير الله!! و كذلك انا ذكرت انا العباره تحمل دلالات دينية تعطي الفعل السياسي طابع من القدسية غير المقبولة و تلحقة بشعارت الكيزان مثل هي لله ولا للسلطة ولا للجاه، ولا انتي ما عندك مانع في لخبطة السياسة و الدين؟؟ لانو شايف بيانكم النزل في الموقع مختوم باية قرانية، انتو حزب البعث العربي الاسلامي و لا شنو؟؟ بالمناسبة انتا ياتو جناح في البعث جناح جادين ولا ابو راس ولا جناح ام جكو؟؟ بكري

Quote: و ناس حزب الامة عاملين دوشة،

Quote: حزب أمه وشيوعين ، ناس وطنيين

غايتو دي بتخالف أدبيات تنظيمكـ البتقول ناس حزب الأمة قوى رجعية وطائفية وما إلى ذلك من أقوال مؤدية إلى إبادتهم إبادة جمعية كما حدث في الجزيرة أبا ومحقهم زي ما حدث في مسجد ود نوباي..
ولا إنت قايل دم الأنصار هين ولين..

غايتو يا طلال..


دي جديدة لنج..

Quote: amshi fitish lik jinazat tania 3ashan tashba3 fiha la6m

Quote: ((((هلم جرا)))))؟؟

كلا × كلام..

Quote: لنا مهدي و الله الناس كلميهم انتي يستعينو باي زول انشاء الله الهندي عزالدين عشان يتعلموا و انا قاعد في الجامعة دي شفت و عايشت بي عيني كل الكلام القلتو دا كلوا و عشان المنبر دا فيهو ناس غير حزب الامة و الشيوعيين انا كمان طلبت شهادة ناس محايديين عشان كده قلت ليكم اسألوا الواثق لانو زول عاصر الحاجات دي بي عينو برضو و هو قال ليكي الكلام بتاعي صحيح، و الواثق دا ما عندو اي مصلحة ينحاز للشيوعيين بل هو تعتبر اقرب فكريا و سياسيا لحزب الامة منه للحزب الشيوعي لكن الراجل مشكور زول نصيحة بعدين برضو ذي بقية اخوانك في حزب الامة ما قلتي لينا رايك في الموضوع المطروح ذاتو؟؟ ليه حزبكم مصر يسرق عرق الناس باستمرار و الا فانهم خائنون للعهود، قلنا ليكم الطلبة ديل بيتفقوا في الاول علي عدد المقاعد لاي تنظيم من تنظيمات التحالف و في الفترة الاخيرة بقو يقسمو المقاعد بتاعت المجلس الاربعيني بالتساوي ويعطوا بعض المقاعد للروابط الاقليمية، و يقومون بتأجيل تقسيم مقاعد اللجنة التنفيذية لما بعد الفوزقلتو كان في اتفاق ولسه مافي زول جاب لينا الاتفاق الذي خرقه و نكص عنه الشيوعيين حتي الان؟؟ و ليه ما وريتونا الكيفية التي حصلتم بها علي الرئاسة في الدوره بتاعت الانتخابات الاولي؟؟ لماذا لم تكبروا موقف الجبهة الديمقراطية حينما واصلت في التحالف بكل صمت دون من او اذي و ادعاءات بالخيانة حتي لا تعطي الفرصة لاعداء الحرية و الديمقراطية بكري؟؟

Quote: مره اخري خالد عويس سلام ما اثارته فيك كلمات عن حزب الامة هو نفس ما اصابني حينما قرات مداخلات كل من عبد المنعم خير الله و محمد حسن العمدة و اخرين، تلك المداخلات تتعالي علي الجبهة الديمقراطية بشكل شرس و تصورها كأبليس الرجيم الذي يغوي الناس و يخدعهم وحتي الان هم عاجزون عن ايراد الاتفاق الذي خانته الجبهة الديمقراطية هذا ليس عدل فقد كان لهم قصب السبق و البادي اظلم، و الله انا من شدة ما الكلام حرقني مضيع يومي كلو مصاقر البورد و بكتب في الردود دا بعد ما بذلت مجهود كبير عشان القي ايميل خالد العبيد و اراسله بهذا الخصوص و لك ان تعلم انه ليس بيني و بينه سابق معرفة او اتفاق علي اي شئ بخصوص هذا الموضوع اللهم الا البرنامج المشترك الذي يجمعنا بكري

Quote: ود النعيم سلامات شكرا يا زميل علي تفهمك للموضوع و تقديرك لخيبة الامل الكبيره التي تصيب الواحد عندما يجد ان مجهوداته و مجهودات الزملاء العينهم بتطلع في العمل التحالفي بنسفها زول ساي في لحظة ساي من الزمن بعيد عن ده انا بكري علوم بكري

Quote: الواثق الصادق سلامات كتيره و حاره كمان بحراره نقاشات تلك الايام شكرا علي الاطراء و الله انا اقل مما ذكرت بكثير فشكرا علي مجاملتك تلك لجأت ليك و عارفك ما بتخذلني، و الله انحنا مشكلتنا كبيره خلاص حتي اصدقاءنا و حلفاؤنا مصريين يشككو في ذمتنا و يتهموننا باننا نسلبهم حقهم بالليل البهميم، و كان حلفت ليهم بالله ما بصدقوك و يقولوا شيوعي كافر ساي عشان كده قلت ليهم اسالوا الواثق!! زمان كنت بصلي الجمعة في مسجد الداخلية الامامو ولدكم عاطف ود قانون يالواثق القصة كانت ملخبطاهو شديد الشيوعي البصلي دا حكايتو شنو انا لم انكر دور حزب الامة في يوم من الايام و كنا علي الدوام نحترمهم، لكن المصيبه تحترم الزول و ما يديك اعتبار نهائي و يسلبك حقك، تجتهد في العمل تخلص قدر ما تكمل قدرتك وفي النهاية لست سوي شيوعي مفتّح يسرق مجهود الاخرين، جنس كلام الخيل تجقلب و الشكر لي حماد دا ما لوم؟؟ المهم في الموضوع هو انك تتذكر تلك الايام عندما شربنا المقلب اياهو، لم نتطرق لذلك في المنابر الجماهيرية علي الاطلاق و انما ظل الامر محل تفاوض بيننا و بقية فصائل التحالف الطلابي و حتي عندما كان يحاصرنا البعض بالاسئلة الحارقة كنا نتهرب منها و نوجه الخطاب الي نقاشات حول كيفية تنفيذ برنامح الاتحاد و ضرورة الالتفاف حول الاتحاد و ما الي ذلك لاننا كنا ندرك ان اثاره تلك الصراعات بشكل جماهيري لن تكون سوي كارثة علي الطلاب الذي التفوا حول التحالف و دعموه، و كنا نتفادي ان نقدم مادة سياسية للخصوم الذين لا يرحمون و انت يا الواثق واحد منهم، كنت حتشيل حالنا الليل و النهار في شارع المين دا غير الكيزان طبعا كان الموضوع بالنسبة ليهم مولد و هسه لقوا فرصة هنا في المنبر دا في الموضوع دا زاتو بس تقول شنو ما باليد حيلة. طال ما الناس بتتحالف و تنجز عمل مشترك يبقي لكل اسهامه الذي يجب ان ينال شيئا نظير ذلك الاسهام فالجبهة ناضلت مع بقية القوي من اجل استعادة الاتحاد الكان مغيب سنين عددا، و شاركت بفعالية في فوز التحالف في اربعة دورات انتخابية فهل من العدل الا تتنسم رئاسه الاتحاد و لا مرة من كل تلك المرات الاربعة في حين يطالب حزب الامة بالحصول علي الرئاسه اكتر من مره؟؟ نحن تنظيم سياسي و ليس طريقة صوفية و لا جمعية خيرية من حقنا ان ناخذ قدر ما نعطي و لقد لعبنا دور الاخ الاكبر لمن فترنا فكفاية كسرة اولي: شايف موضوع العضوية دا بكري ابوبكر قال قفلوا و لاتوجد مساحة علي الاسفير الا للشعراء و الكتاب و السياسيين و حسن اؤلئك رفيقا فاذا لقيت لا اخوك فرصة بين ديل و الله تكون مشكور كسرة تانية السويد جيتا بالدرب التحت يالواثق انزل من شارع الظلط و امشي بالتراب ساي!! داير تجي اشوف ليك طريقة؟؟ بس بلد النصاري دا قاسية العيشه فيها و جاي راجع جري بس النتم الدرس ساي، ممكن تراسلني بالايميل دا [email protected] [/QUOTE] -------------------------------------------------------------------------------- (عدل بواسطة خالد العبيد on 05-01-2007, 01:08 PM)