حول التحالفات.. بكري يفتح النار على حزب الامة ويوضح الحقائق !

Quote: حسين يوسف احمد و الله الوقت اغلي من ان نضيعه في حوار طرشان معاك لكن عشان القراء و اعضاء المنبر الزول غايتو يستحمل، انت عارف مشكلتك وين؟؟ بتناقش السياسية ذي نقاش ناس الكورة ناس هلال مريخ و انتا باقي لي بتحب الكورة لانو شايفك فاتح بوست عن الكوره و المريخ الاحمر، المهم ما مشكله تكون بتحب الكورة و لا المصارعة المشكلة انو ناقشك في المواضيع السياسية يبقي مطبوع بطابع نقاشات الكوره، الكورة للترفيهة و الترويح و هواية لكن السياسية حياة ناس، و مصائر شعوب عليك الله اكبر قدرها اتضح لي انك ما بتقدر تلمح الاسئلة وسط الكلام المكتوب، او بتجاهلها و تتزاوغ منها عشان كده انا ح اضع الاسئلة قدامك واضحة و صريحة و ما تتزاوغ منها هل هنالك اتفاق مكتوب بين تنظيمات التحالف علي تقسيم مقاعد اللجنة التنفيذية بشكل محدد يعني اي تنظيم محدده ليهو سكرتاريات محدده من البداية و خرقت الجبهة الديمقراطية هذا الاتفاق؟؟ اذا كانت الاجابة نعم جيب الاتفاق هنا في المنبر دا ، اذا مافي اتفاق ذي دا واجب انك تعتذر للجبهة الديمقراطية لانك و ود العمده اتهمتوها بخيانة العهود و التأمر هل تم استبعادكم من اللجنه التفيذيه عمدا ام انكم اشترطم علي التنظيمات الاخري يا اما الحصول علي الامانة العامة او ما ح تقبولوا باي شي اقل منها؟؟ و هذا ما حدث كما اورد خالد عمر في رسالته، عينكم علي ما يبدو قوية خلاص انت يا خي لمن انتا وطني خالص و غيور علي الوطن و في عرفك انحنا ذي الكيزان و متحالفين معاهم، شنو البخليك انتا صاحب المبادئ دا، تدخل معانا في تحالف؟؟ و عشان شنو؟؟ ما ترفض دخول التحالف الذي يجمعك بحلفاء الكيزان دا و تعمل تحالف يتبني ما تسمه خط وطني؟؟ كان اقلوا احترمنا و جهة نظرك دي بعدين انا مصر علي راي انو انتو مافي و لم تكونوا يوما احد التحديات المطروحة امامنا في الفتره التي تحدثت عنها و في جامعة الخرطوم بالتحديد، و لي علمك انا لي في السويد دي خمسة شهور بس و طوال فتري الفي السودان و بعد ما اتخرجت كنت متابع و مشارك في النشاط السياسي في الجامعة انت يا حسين لمن قلت في البعث السوداني، و حزب البعث بتاع انا السودان دي كلها تسميات انا ماسمعت بيها، ليس لتقصير مني انا انما لسرية تلك الاسماء علي ما يبدو و التي لا تعرفها الا القيادة العليا او لعدم وجودها من اصلو و عشان اديك تاكيد علي كلامي دا وريني البيان الانتا نزلتوا في الموقع دا في البوست حقك بتاع ناس السودان الجديد دا ما فيهو اي تحديد لنوعية العبث الذي اصدره اقصد البعث الذي اصدره، ما هي دي الطريقة التي تمكنني من التعرف علي البعث أ و البعث ب و البعث ج و لا موش كدا؟؟ حسين يا اخي نحنا في الانتخابات الاولي مرينا بموقف اسوأ من دا اكلونا حمره عين ساي و برضو سكتنا عشان خاطر الخط الوطني و الطلاب الشرفاء!! و في المنابر جوه الجامعة ما جبنا سيرة للموضوع و يشهد لينا بهذا حتي اشد الخصوم راجع كلام الواثق!! يا اخي ما تكبر و تبقي قدر المسئولية تاني بقول ليك امشي اقراء المداخلة المعنونه لود العمدة كان تفهم حاجة حسين و الله انت من يوم ما قلت جون قرنق سفاح و كلام فارغ كتير انا رامي طوبتك يا اخي قرنق سفاح و صدام مناضل؟؟ و الله انا لو ادوني عضوية في البورد دا الا اشردك منو