والعنوان تحوير طفيف لمقدمة رواية الحب زمن الكوليرا لماركيز ..
بإحدى صدف التأريخ اللطيفة, اُهديت يو اس بي USP معبأ بالأغاني ... والأغاني في اعتقادي المفتاح الاساسي للشخصية السودانية والمجتمع السوداني .. والغناء السوداني هو مستودع كبير لاحزان وأشجان وتطلعات وأفراح اهل السودان .. وهو مرأة صادقة لابداع السودانيين وذائقتهم الفنية الرفيعة .. نستحضر الأغنيات في كل أوان .. نرددها سرا وجهرا في مختلف أحوالنا العاطفية والنفسية .. ولكل أغنية مزاجها الخاص, ولكل فنان حظ في تكويننا الوجداني ولو كان عبر تسلل الصوت في الليل من حفلة مجاورة او رادي منفلت, هذا ولكل ذلك مناسباته الحياتية المختلفة.
وكأن حظ انصاف مدني, لحسن حظي, كبيرا .. فادمنت الاستماع لهذا الصوت الفريد.. بدأ الامر دونما انتباه كبير .. مجرد ايقاع لطيف يتردد صداه في الروح ومنذ الطفولة.. ايقاع الدلوكة وغنا البنات.. شيء لطيف يعبق أجواء العربة حين الذهاب للعمل وحين العودة منه .. وهكذا ... وحتى انتبهت للحلاوة اللامتناهية والمتدفقة من اغنية الشيخ سيرو
انا زول عصي جدا على التجديد .. لا اتقبله على الاطلاق بأخوى واخوك .. فأغنية الشيخ سيرو هي أغنية الشيخ سيرو كما يغنيها كابلي .. وحتى لا أتهم بالتشدد قد اقبل الاستماع اليها بأداء سامي المغربي باعمال الكثير من فقه الضرورة ... بيد أن المزاج لا يكتمل الا بكابلي وكأن الاغنية التراثية لم تخلق لسواه.. كان كل ذلك وحتى استمعت لانصاف مدني تغني (الشيخ سيرو)
هذا صوت مختلف, وهذه طريقة اخرى لذات الاكتمال المزاجي (الاستمخاخ) بهذه الاغنية, هذا الايقاع .. وهي الى جانب ذلك, اعترف, طريقة اجمل وأكثر أصالة وكأنها تقودك ومباشرة للحظة ولادة هذه الكلمات في ذاكرتك الممتدة لالاف السنوات في هذه الارض الراسخة في عمق التأريخ .. يا النبي نووووح !!
انصاف مدني فنانة مهولة مكانها الصدر في الفن السوداني ..ولقد ارتقت بهذا الايقاع نحو مكانته الطبيعية في وجدان أهله ..
أعتذر عن جودة التسجيل من اليوتيوب
Post: #2 Title: Re: انصاف مدني .. هناك في ايقاعات الدلوكة, تمضي Author: ABUHUSSEIN Date: 06-13-2016, 12:33 PM
أعمل ليك العملتو لي أبو إستيكة ......؟؟؟؟؟
Post: #7 Title: Re: انصاف مدني .. هناك في ايقاعات الدلوكة, تمضي Author: محمد حيدر المشرف Date: 06-13-2016, 02:51 PM Parent: #2
امنع الفوضة يا اباحسين وارخي اضانك للمقطع بتاع انت للبحر الفيكا بنعوم .. وانت الساحة الفيكا بنحوم .. وأنقز يا صديقي ما شاء لك النقزي في هذه الأجواء الاسطورية .. واقدل براااك كده وشيلك شبال كارب كده و .. أمشي بيتكم راقد سلطه :)
Post: #3 Title: Re: انصاف مدني .. هناك في ايقاعات الدلوكة, تمضي Author: sadig mirghani Date: 06-13-2016, 12:44 PM
اخ حيدر حبابك بت اللذين دي فيها صوت مبالغ يخلب الالباب الا قالوا المرة دي قاهرة وعلي قول حبوبتي بتشرب السيجارة😈 اما حبيبنا ودالمغربي فصوتو حلو لكن عندو شتارة في ادخال مفردات انجليزية وعامية تفسد عليك خرمتك وتخليك تقول (تباً لك سائر اليوم) ياحيدر الحغيبة حلوه وقديمك نديمك والماعندو قديم ماعندو جديد تخيل جدي شرايطوا بتاعت كابلي الكان بنتشي بيها انا الليلة دي بنتشي بيها ماتقول لي احمد الصادق ولا اخوهو ولا طه سليمان ولا طلال مين كده حتى فرفور اللي هو صوتو ممتاز لو لم يتغني بالحقيبة لما سمع له احد نحن الان نعيش فترة انحطاط شامل سياسي فني اقتصادي اجتماعي واخلاقي فااااا شنو اخير نمسك في غنا ابهاتنا مادام بكيفنا واصل واصل
Post: #4 Title: Re: انصاف مدني .. هناك في ايقاعات الدلوكة, تمضي Author: وضاح عبدالرحمن جابر Date: 06-13-2016, 01:46 PM Parent: #3
سلام دكتور. واعتقد اني اسوا منك في الحته دي. ما قدرت وما قادر لحدي الان اطلع من جيل الرواد واتقبل فنان جديد. نهائي ما قدرت.. قبل سنين اكتر من 15 سنه. كنت بسمع في قلنا ما ممكن تسافر من مسجل في بيتنا. ومعاي اتنين من اصحابي. دخل غرفتنا ابوي الله يرحمه قال لي ياخي تسمع ليك في غنيه من الخمسينات هاك قال لي شغل شريط هاشم ميرغني ده..
Post: #5 Title: Re: انصاف مدني .. هناك في ايقاعات الدلوكة, تمضي Author: عزيز Date: 06-13-2016, 01:48 PM Parent: #4
ود المشرف سلام وكل عام وانت بخير
هنا إنصاف أظهرت روح جميلة وهي فعلا أفضل من يجيد غناء الدلوكة
Post: #6 Title: Re: انصاف مدني .. هناك في ايقاعات الدلوكة, تمضي Author: حمد عبد الغفار عمر Date: 06-13-2016, 02:20 PM Parent: #5
القضية كلها يا مشرف بحة الصوت التي لا يمكن تجاوزها
بتغني كويس وفجأتن كدا بتلقى نفسك معجب بصوتها
Post: #11 Title: Re: انصاف مدني .. هناك في ايقاعات الدلوكة, تمضي Author: محمد حيدر المشرف Date: 06-14-2016, 00:02 AM Parent: #5
الاخ العزيز عزيز ..
انا متابع لصيق وصديق لبوستك حول برنامج أغاني وأغاني للسر قدور .. اتابع البوست باكثر من متابعتي للبرنامج حتى :)
كتلا خيرك ياخ على هذا الجهود الفنية التي تثري اجواء المنبر الرمضانية .. وخير لنا ان نعطي الخبز لخبازيه كما يقول المثل ..
شرفت بحضورك هنا ..
Post: #10 Title: Re: انصاف مدني .. هناك في ايقاعات الدلوكة, تمضي Author: محمد حيدر المشرف Date: 06-13-2016, 11:26 PM Parent: #4
رحم الله الوالد رحمة واسعة, أولئك نفر يذكر المجد كلما ذكروا وهو يعتز حين يقترن ..
ونعم يا صديقي .. كنا ومازلنا مرهونين لتلك الأغنيات القديمة في الروح .. وهل نتطلع لهاشم ميرغني جديد, او محمد ميرغني او زيدان ؟!! لا اعتقد ذلك ولكن .. هذه البلاد انجبت محمود عبدالعزيز .. وستنجب غيره كما نتمنى .. محمد الامين جديد .. وردي وكابلي .. عثمان حسين وما أدراك ما عثمان حسين ..
كان ومازال والدي من محبي كابلي .. لم تكن علاقته قوية بالغناء .. ولكني لاحظت فيه طربا عظيما كلما استمع لماهو عارف قدمو المفارق لكابلي .. للجندول ولماهو الفافنوس وللحسن صاقعة النجم .. وهكذا .. ذات تلك الأغنيات التي أدمنها في غدوي ورواحي .. بيد أني تمددت كثيرا .. من اغاني الحقيبة وحتى عقد الجلاد و . نانسي .. والآن انصاف مدني :)
Post: #8 Title: Re: انصاف مدني .. هناك في ايقاعات الدلوكة, تمضي Author: محمد حيدر المشرف Date: 06-13-2016, 03:19 PM Parent: #3
صادق يا ميرغني .. اريتك طيب آ زول ..
بتشرب سجاير عدييييل كده ؟!! آ زول قول كلام غير ده .. لاحولااااا ..
المهم يا صديقي الزولة دي فنانة فن ما معقول .. طولنا ياخ من صوت جديد يهبشك من جوه كده ويحرك مفاصل روحك التي شارفت على التيبس بفعل الكهولة والتكلس ذات غربة سحيقة .. آخر زول كان الأخ عقد الجلاد .. ولقد شهدنا انفجار مصطفى سيد احمد العاطفي/الوطني في الوجدان .. وإندهشنا بأغنيات ابوعركي وأدركنا الخالدي والهادي الجبل وعاصرنا محمود عبدالعزيز .. عدا ذلك فانحنا فووووق عزنا القديم وعهد الحقيبة الذهبي والكاشف وعثمان حسين وابوداؤود وابارهيم عوض وأجمل أولئك رفيقا ..
Post: #9 Title: Re: انصاف مدني .. هناك في ايقاعات الدلوكة, تمضي Author: sadig mirghani Date: 06-13-2016, 04:04 PM
خدرا ياصديقي خدرا ات قايل حلاة الصوت دي من ايش😁😂
Post: #12 Title: Re: انصاف مدني .. هناك في ايقاعات الدلوكة, تمضي Author: محمد حيدر المشرف Date: 06-25-2016, 09:49 AM
Quote: خدرا !!
يخدر دربها هذه الانثى المباركة بالفن
Post: #13 Title: Re: انصاف مدني .. هناك في ايقاعات الدلوكة, تمضي Author: سيف الدين محجوب Date: 06-25-2016, 10:35 AM Parent: #12
عزيزي ود المشرف بدايةً أُحيي فيك ذوقك المرهف وحُسن إختيارك لآشك بإعتبارإنصاف مدني ملكة الدلوكة في السودان حالياً وتأكيداً لكلامك ومدى الحماسة التي توقدها فينا متى ما كان مزاجها عال
بالمناسبة ،،، كانت لها حلقة مع المبدعة إنصاف حسن عمر ،، لآ أدرى متى كانت وفي هذه الحلقة رغم وجود عدد هائل ممن يجدن أغاني البنات إلا إن إنصاف كانت ملكة الساحة لآ أطيل عليك ،،، لو عاوز تنسجم وتعرض جدوتسمع إيقاع دلوكة على أصوله أبحث عن هذه الحلقة ،،، والأغنية المقصودة إسمها ( السيرة للعرضان) إذا صح الإسم قبل ما تسمع جهز عصاتك وفضي الساحة ،،، وأبشر أبشر أبشر
Post: #17 Title: Re: انصاف مدني .. هناك في ايقاعات الدلوكة, تمضي Author: Mohammed Alhasan Mohammed Date: 06-26-2016, 08:09 AM Parent: #12
تحياتى يا دكتور ...انا برضه كنت من المعجبين جدا بصوتها وخصوصا فى اغانى السيرة و الحماسة ..ولكن مرة وانا استمع الى تسجيل فى السيارة ...سمعتها تغنى وتقول وتعيد تبقى لى مشيير زى .........اها من ديك تانى ما اتلاقينا ..
Post: #14 Title: Re: انصاف مدني .. هناك في ايقاعات الدلوكة, تمضي Author: أبوذر بابكر Date: 06-25-2016, 12:24 PM
تحياتى يا مشرف ليك و للزملاء
الليله عاد الله يسترعليك من اهلنا الجعليين بجوك بى سيطانن ههههههه
نحن غايتو نص جعليين عشان كدى بنعصر على النضمى ساى
جست كيدينق زى ما بقول الخواجات
سبب جية الجعليين المذكورة اعلاه يا محمد لو حصلت بتكون طبعا ب سبب تضمين إسم هذه الساحرة المدعوة "الدلوكة" فى عنوان الموضوع و ما ادراك ما الدلوكة و مدلولها و مسماها و وقعها و حضورها و "دقها" فى تلكم البقاع
الدلوكة عند الجعليين عالم كامل و كون شاسع من المعنى، و ده اعتقد معروف و مفهوم عند كل الناس و هى غير اى "دلوكة" تانى عندنا نحن او عند المغنية انصاف مدنى و رصيفاتها
دلوكة انصاف مدنى و مثيلاتها، و بقن كتار جدا بالمناسبة فى السنوات اللخرانية دى، ما بتتجاوز اطارية الآلة الايقاعية فقط و ممكن بالمناسبة الاستغناء عنها و اداء الأغنيات دى، اغنيات "البنات" او "السباتة" ما عارف ياتو تيرمنولوجى الصاح عند ناس المزيكا و الغناء يعنى ممكن تتغنى ب أى آلة ايقاعية تانية غير "آلة" االدلوكة و اعتقد انه لزوم وجود و حضةر و استعمال الدلوكة فى النوع ده من االغناء، سببه انه الدلوكة ارتبطت من البداية بيه و انه النمط ده هو امتداد لنوع تانى مختلف تماما من "غناء النساء" الكان موجود تحديدا فى مناطق وسط السودان و ااطراف الوسط ده من ايام دولة سنار مرورا بالتركية والمهدية ولغاية وقت قريب، و هو غناء مختلف من حيث الموضوع و الغرض اساسا و مختلف نسبيا من ناحية االشكل لأنه كان فيه ادوات مصاحبة للدلوكة و تحديدا "الشتم" و هو معروف طبعا، و للما بعرفوه هو شكل مصغر جدا من الدلوكة و مصنوع بنفس الفكرة و الطريقة التقنية، فخار و جلد، و الاختلاف انه ما بيعزف باليد زى الدلوكة لكن بستعملو ففيه فروع نحيلة من نباتات معينة
مالى زى السرحت ومرقت من االموضوع
المهم فى الموضوع يا مشرف انه اغنية "الشيخ سيرو" ما اغنية تراث او اغنية شعبية هى اغنية من تأليف و نظم السيدة "أم برعة بت الفحل" من نواحى السيال جيهة ودراوة وهى شاعرة مجيدة جدا و القصيدة اتعملت فى مناسبة زواج الشيخ النضيف ود الخليفة احمد ود الشيخ محمد ود بدر
و كانت بتتغنى باسلوب و طريقة غنا الدلوكة المعاها الشتم، ما طريقة ناس انصاف" بواسطة المغنيات من النساء و اول من غناها من الرجال و نشرها اعلاميا هو االمطرب خلف الله حمد، و برضو غناها مبارك حسن بركات و رمضان زايد و اشتهرت اكتر طبعا عند الكابلى، ربما لإتساع المدى االسمعى، ان صح التعبير، عند الكابلى
على ذكر احقية الأغنيات و االناس ال "لافحنها" و االناس ال "مبارنهم" ساى
شايف الأيام دى فى جماعة من الشباب طالعين بى أغنية "قابلته مع البياح" وكل من هب و دب و شب يغنى فيها، و معظمهم فاكرين انها من اغنيات النور الجيلانى واكاد اجزم و ااحلف صادق انهم ما عارفين الأغنية دى حقت منو اصلا
وكتر خير النور الجيلانى الأحياها ليهم من جديد
الأغنية اساسا من "النبش" الجميل و العبقرى للزول العبقرى اسماعيل عبد المعين و هى اغنية شعبية بامتياز يعنى من تاليف ال "فولكز" و ما معروف ليها شاعر محدد و عبد العين كتر خيره لطالما نقب و بحت و نبش فى الموروث و االشعبى و طلع لينا درر و موسقها و بقاها اعمال فنية سمحة زى ما فى اغنية "قالو لى سرو" و غيرها
نرجع للشيخ سيرو و باالمناسبة الإستهلال الصحيح للأغنية هو
النصبح جديدو
بالجيم
مش حديدو
بالحاء
من الأبيات الما مذكورة فى الأغنية المسموعة
غنت ليك ام ضمير قالت الشيخ وارث كتير تلات آلاف صنف البقير تلات آلاف صنف البعير تلات آلاف درجن ضغير تلات آلاف وردن حفير تلات آلاف فوق فى المقير تلات آلاف شايلات حرير لاك عمده ولاك مدير ده الفتح المن الكبير
الشاعرة ام برعة تزوجت من شاعر المديح النبوى ود عبد الملك شاعر القصيدة المشهورة فى المديح
شاشا المسير لى دوح وسيلة الخير
و ابنها الشاعر صالح عبد الملك شاعر الأغنية االشهيرة
غنيتا للستات وانا قصدى الإنبساط يا خلى مع البنات
معليش آ جماعة
شكلى كدى "بريطكن" برى شديد
ههههههههههههه
الله يجازى خرمة نوصة نهار
و مجددا تحية و تقدير يا مشرف وكل الناس الهنا
Post: #15 Title: Re: انصاف مدني .. هناك في ايقاعات الدلوكة, تمضي Author: Ahmed Yassin Date: 06-26-2016, 00:23 AM Parent: #14
المشرف وشركاه السلكوكا البتخنق الدلوكا ويا ودالمشرف الما بشبهوكا اغنية لى مهلة العبادية ..الوافر ضراعو .. غناها ابراهيم عوض بذات الايقاع ايقاع الدلوكة او ما يعرف بــ Multi-Rhythm ايقاع مركب ومعقد اهم فروعو ايقاع (المامبو) سمعت شرحبيل في ( يا اللابس البمبي) ؟ وبرضو محمد الامين استخدم ايقاع الدلوكة في (عويناتك) وايضا غنى بيهو عبدالعزيز المبارك الاغنية الحبشية ( انو نونا هييي انو ...نا) وايقاع (السيرة) برضو من فروع الدلوكة ايقاعات غناء السودان (2 ، 4) وبنلقى التم تم (ثلاثي) في حين ان ايقاع الدلوكة قاعدة ضرباتو ( 3 ، 4) طبعا الايقاع دا قديم في السودان قدم التاريخ وانصاف بصوتها الفريد وسلاسة ادائها هي في المركز الاول رغم كثرة مطربات هذا النوع من الغناء الحماسي
Post: #16 Title: Re: انصاف مدني .. هناك في ايقاعات الدلوكة, تمضي Author: نادر الفضلى Date: 06-26-2016, 00:53 AM Parent: #15
عزيزى محمد حيدر المشرف تحياتى وكل عام وأنت بخير
ياخ أنت زول ذواقة وقد كفيت ووفيت إنصافاً لإنصاف مدنى
إنصاف (متمكنة) وتغنى وعارفا إنها متمكنة .. صوتها جميل مميز + حنجرة إمكانياتها وملكاتها التطريبيه مهولة لا تجتهد لتغنى بتصرف لمحدودية القدرات التطريبية مثل كثيرات ممن يطلق عليهن فنانات شابات .
وظنى أنها متمكنة لتغنى كل أنواع الغناء، والتربع على عرش الغناء السودانى
* سامى المغربى أراه فنان محترف ملتزم يعيش الأغنية ويؤديها بإحساس صادق وهذا سر تفوقه ونجاحه فى سوق الغنا
Post: #18 Title: Re: انصاف مدني .. هناك في ايقاعات الدلوكة, تمضي Author: محمد حيدر المشرف Date: 06-27-2016, 08:24 PM
زحمة شديدة الايام دي يا اصدقاء .. سأعود لكم بما تستحقه مداخلاتكم الجميلة جدا
Post: #19 Title: Re: انصاف مدني .. هناك في ايقاعات الدلوكة, تمضي Author: عمر السلمة Date: 06-28-2016, 12:39 PM
Quote: تحياتى يا مشرف ليك و للزملاء
الليله عاد الله يسترعليك من اهلنا الجعليين بجوك بى سيطانن ههههههه
نحن غايتو نص جعليين عشان كدى بنعصر على النضمى ساى
جست كيدينق زى ما بقول الخواجات
سبب جية الجعليين المذكورة اعلاه يا محمد لو حصلت بتكون طبعا ب سبب تضمين إسم هذه الساحرة المدعوة "الدلوكة" فى عنوان الموضوع و ما ادراك ما الدلوكة و مدلولها و مسماها و وقعها و حضورها و "دقها" فى تلكم البقاع
الدلوكة عند الجعليين عالم كامل و كون شاسع من المعنى، و ده اعتقد معروف و مفهوم عند كل الناس و هى غير اى "دلوكة" تانى عندنا نحن او عند المغنية انصاف مدنى و رصيفاتها
دلوكة انصاف مدنى و مثيلاتها، و بقن كتار جدا بالمناسبة فى السنوات اللخرانية دى، ما بتتجاوز اطارية الآلة الايقاعية فقط و ممكن بالمناسبة الاستغناء عنها و اداء الأغنيات دى، اغنيات "البنات" او "السباتة" ما عارف ياتو تيرمنولوجى الصاح عند ناس المزيكا و الغناء يعنى ممكن تتغنى ب أى آلة ايقاعية تانية غير "آلة" االدلوكة و اعتقد انه لزوم وجود و حضةر و استعمال الدلوكة فى النوع ده من االغناء، سببه انه الدلوكة ارتبطت من البداية بيه و انه النمط ده هو امتداد لنوع تانى مختلف تماما من "غناء النساء" الكان موجود تحديدا فى مناطق وسط السودان و ااطراف الوسط ده من ايام دولة سنار مرورا بالتركية والمهدية ولغاية وقت قريب، و هو غناء مختلف من حيث الموضوع و الغرض اساسا و مختلف نسبيا من ناحية االشكل لأنه كان فيه ادوات مصاحبة للدلوكة و تحديدا "الشتم" و هو معروف طبعا، و للما بعرفوه هو شكل مصغر جدا من الدلوكة و مصنوع بنفس الفكرة و الطريقة التقنية، فخار و جلد، و الاختلاف انه ما بيعزف باليد زى الدلوكة لكن بستعملو ففيه فروع نحيلة من نباتات معينة
مالى زى السرحت ومرقت من االموضوع
المهم فى الموضوع يا مشرف انه اغنية "الشيخ سيرو" ما اغنية تراث او اغنية شعبية هى اغنية من تأليف و نظم السيدة "أم برعة بت الفحل" من نواحى السيال جيهة ودراوة وهى شاعرة مجيدة جدا و القصيدة اتعملت فى مناسبة زواج الشيخ النضيف ود الخليفة احمد ود الشيخ محمد ود بدر
و كانت بتتغنى باسلوب و طريقة غنا الدلوكة المعاها الشتم، ما طريقة ناس انصاف" بواسطة المغنيات من النساء و اول من غناها من الرجال و نشرها اعلاميا هو االمطرب خلف الله حمد، و برضو غناها مبارك حسن بركات و رمضان زايد و اشتهرت اكتر طبعا عند الكابلى، ربما لإتساع المدى االسمعى، ان صح التعبير، عند الكابلى
على ذكر احقية الأغنيات و االناس ال "لافحنها" و االناس ال "مبارنهم" ساى
شايف الأيام دى فى جماعة من الشباب طالعين بى أغنية "قابلته مع البياح" وكل من هب و دب و شب يغنى فيها، و معظمهم فاكرين انها من اغنيات النور الجيلانى واكاد اجزم و ااحلف صادق انهم ما عارفين الأغنية دى حقت منو اصلا
وكتر خير النور الجيلانى الأحياها ليهم من جديد
الأغنية اساسا من "النبش" الجميل و العبقرى للزول العبقرى اسماعيل عبد المعين و هى اغنية شعبية بامتياز يعنى من تاليف ال "فولكز" و ما معروف ليها شاعر محدد و عبد العين كتر خيره لطالما نقب و بحت و نبش فى الموروث و االشعبى و طلع لينا درر و موسقها و بقاها اعمال فنية سمحة زى ما فى اغنية "قالو لى سرو" و غيرها
نرجع للشيخ سيرو و باالمناسبة الإستهلال الصحيح للأغنية هو
النصبح جديدو
بالجيم
مش حديدو
بالحاء
من الأبيات الما مذكورة فى الأغنية المسموعة
غنت ليك ام ضمير قالت الشيخ وارث كتير تلات آلاف صنف البقير تلات آلاف صنف البعير تلات آلاف درجن ضغير تلات آلاف وردن حفير تلات آلاف فوق فى المقير تلات آلاف شايلات حرير لاك عمده ولاك مدير ده الفتح المن الكبير
الشاعرة ام برعة تزوجت من شاعر المديح النبوى ود عبد الملك شاعر القصيدة المشهورة فى المديح
شاشا المسير لى دوح وسيلة الخير
و ابنها الشاعر صالح عبد الملك شاعر الأغنية االشهيرة
غنيتا للستات وانا قصدى الإنبساط يا خلى مع البنات
معليش آ جماعة
شكلى كدى "بريطكن" برى شديد
ههههههههههههه
الله يجازى خرمة نوصة نهار
و مجددا تحية و تقدير يا مشرف وكل الناس الهنا
ياخ كان بريك جنس البري دي .... يوووومي ابرييينا وفوتنا الاستيكة زااااااتو
والتحية لكل الشباب وكل عام وانتم بخير وعافية
Post: #20 Title: Re: انصاف مدني .. هناك في ايقاعات الدلوكة, تمضي Author: محمد حيدر المشرف Date: 07-03-2016, 03:51 PM
*
Post: #21 Title: Re: انصاف مدني .. هناك في ايقاعات الدلوكة, تمضي Author: محمد حيدر المشرف Date: 10-06-2016, 03:12 PM
آن الأوان لاحياء هذا البوست ولعدة أسباب .. وأهمها المداخلات الجميلة هنا , ومداخلة ابوذر في مقدمتها دونما شك ,, بالاضافة لتلك الاشارة حو ل مضمون هذا البوست والتي اومأ بها , في مكان آخر, الصديق العزيز الكبر ..
للاسف لا احتفظ بنسخة من مداخلة كبر ولكن فحواها ما زال عالقا بالذاكرة ,, ويدور حول الاهمال الذي تتعرض له الفنانة آسيا مدني حال مقارنتها ب انصاف مدني ..
