|
|
|
 Re: ما أجمل بورداب الإمارات عند الملتقى (حفل تكريم رائع من بورداب الامارات لبكرى أبوبكر) (Re: Shalabi)
|
االأعــــــــــزاء بورداب الإمارات خاصة وكل البورداب ( الحوش )
سيد الحوش
الأستاتذه ( الكتيابي – القدال – خالد عويس – د. معز )
سمــــؤل
صباح الورد ،، لك عميق شكري على ليلة رائعة مع سيد الحوش وناس مليان ريد وشوق وعشم لقيا وامل في بكرة ( يوم بكرة جميل ضواي واسيل ) ، وجد كانت لحظات ثرية وفيها الريــد سال ملا كل القاعة والشارقة وكل المسافات .
لكم جميعا كل الود على اروع لوحة للمحبة والوفاء لعام 2004
| |
 
|
|
|
|
|
|
|
|
شلبى (Re: Shalabi)
|
العزيز شلبى
كانت امسية لن تنمحى من الذاكرة
تنظيم جيد المكان والتجهيزات الفنية
الحفل والبرنامج
القدال قرا بمزاج ومتعة
معز بعد قراية امس دى الا امشى اشترى مجموعتو الكاملة والشايفا شحمانة وبتكون غالية
استمعت له يحكى عن شخص بغيض خلف البوست الاخير وسعدت بترفعه عن الرد
عمر عزيز جنن الاورغن
العشاراويةطلبت القايمة غايتو الاكل شى تعرفو وشى تبلعو ساى التحلية زى عشرين نوع كدا والمحمر والمجمر
| |
|
|
|
|
|
|
|
|
|
Re: شلبى (Re: mohmmed said ahmed)
|
B]شلبى
يارفيق دربى
بورداب الامارات لكم ودى..
والله بجد امسية جميلة
لكن لو كنت هناك... ياترى كنت بحضر؟؟؟؟؟
والله ما عارف...اخوك ما صار ابقوتة الزمان
الذى يبحث عن الناس....ودرت الطريق ياشلبى
تحريمة
صورتك حلوة..وسمنت كمان..اظاهر زمان
كاتلك العدس..والراجمة
لك مودتى
| |
|
|
|
|
|
|
|
|
 Re: ما أجمل بورداب الإمارات عند الملتقى (حفل تكريم رائع من بورداب الامارات لبكرى أبوبكر) (Re: Shalabi)
|
المبدع بقامة وطن المليون ميل ،،
الرائع ابدا د.مــعز ،،
لك التحيةوعميق الود،،
كم سعدنا وازددنا شرفا بحضورك الى قاعة الحفل مشاركا لبورداب الامارات يوم عرسهم ، ومااجمل مفردات القصيد حينما تخرج من فاه المعز بخيت، وما اروع مبدعي بلادي .
هل لنا ان نمنى النفس بأمسية شعرية وجلسة حميمية في رحاب مملكة المعز الادبية بحضرة بورداب الامارات ضمن برامجناالشهرية ؟؟؟
الغالي محمد سيداحمد،،
كان الاعداد قمة في الروعة وإختيار المكان موفقا لتخرج الامسية مرضية للطموح ..
نجاح الحفل هو نجاح للبورداب ونتاج طبيعي لتكاتف الجميع ..
نتمنى ان يدوم التواصل وهي دعوة للجميع للمشاركة في لقاءات بورداب الامارات الشهرية بالنادي العربي ..
ولي قدام،،
| |
|
|
|
|
|
|
|
|
|
Re: ما أجمل بورداب الإمارات عند الملتقى (حفل تكريم رائع من بورداب الامارات لبكرى أبوبكر) (Re: Shalabi)
|
الاعــزاء الغـاليين،،
تحية وود،،
الحبيب ورفيق الدرب أبقوتة ،،
تمنينا ان يكون الجميع حضور وكم تمنيت تواجدك الحاضر دوما معنا، فقد عهدتك في الملمات زول حاره وشاعر متفرد تحمل بين جنبيك بساطة اهلنا بابقوتة و صفاء قلب شاعر رهيف الاحساس وصادق المشاعر.
قلت لي الحال انصلح ؟؟ ما خلاص زمن الشباب وشقاوة ايام زمان ذهبت مع تقدم العمر واشتعال الرأس شيبا .. وهل للدال عند الناس اعزاز وتقدير حديث الدال أوهام ورب الدال مسحور .................
الغالي استاذنا على اسماعيل ،، متعك الله بالصحة والعافية ودمت سندا وعونا لبورداب الامارات ،، فما نحن الا بكم ...
الكبير محمد سيداحمد،، روعة الحفل وجمال اللقاء أذهب عنا معاناة ماقبل الحفل والشكر لجميع البورداب الذين يبدعون بعيدا عن الأضواء ...
الرائع فريد ود المسيد،،،
تحية قلبية صادقة ، اتاحت لنا الامسية ان نلتقي بأخوة اعزاء من البورداب الذين انضموا حديثا فكان أروعهم ود المسيد رجل قمة في النشاط وروعة التعامل ،، اسهمت روحه الحلوه وتعامله الراقي في اذابة جمود حداثة التعارف .. لك التحية وعلى درب العطاء دوما نلتقي ..
الــعزيزه مناهل محمد الحسن،، بدر افتقدناه في ظلمة الليل ،، ذكرناها حينما جد جدنا،، كابدت من اجل الحضور للحفل وقد كانت سباقة في المساهمة المادية ولكن لم يسعفها الحظ (كل الناس حاكماها ظروف) والجايات اكتر من الرايحات و خيرها في غيرها ...
ولي قدام،،
| |
|
|
|
|
|
|
|
|
 Re: ما أجمل بورداب الإمارات عند الملتقى (حفل تكريم رائع من بورداب الامارات لبكرى أبوبكر) (Re: Shalabi)
|
العزيز سموأل وجميع بورداب الأمارات..
تحية حب وتقدير..
هنيئا لكم بالحفل الراقي وبضيفكم العزيز..
لم استطع دخول بوست زولا واحد اتنين صور لقاء بورداب الامارات مع بكري أبو بكر للتعليق لإصابة جهازي بعطل فور فتح البوست.. ما عارفة زولا ختت لينا فيهو شنو..
سعدت برؤية الجميع..
بت القبايل.. بت الأحفاد2001.. محمد سيد أحمد.. عبدالله بابكر.. سوركتي.. صلاح أبو حجل.. هشام مجمر.. زيكو.. تاج السر.. خال فاطمة.. المسافر.. على اسماعيل.. مهدي الأمين.. الزنجي.. عاطف الجريفاوي.. عباس الهلالابي.. يعقوب البشير.. د. معز وطبعا بكري وعروسته الصغيرة العسل..
حأرجع لما أشوف باقي الصور عشان أحيي اصدقائي التانيين..
وطبعا عروسة الليلة الحبيبة إيناس..
| |
|
|
|
|
|
|
|
|
|
Re: ما أجمل بورداب الإمارات عند الملتقى (حفل تكريم رائع من بورداب الامارات لبكرى أبوبكر) (Re: Shalabi)
|
الاعــزاء الغــاليين،،
تحية وشـوق كمـية،،
سعدنـا بنجـاح الامسية كم نسعد بالتواصل وإجترار ذكريات اللحظات الحلوة..
الحبيب الجريفاوي ملك التوثيق بلامنازع تحية مليونية على الجهد الوافر في نجاح الحفل والمساهمة الفاعلة في التوثيق( بس ماشايف صورى الكتيره ،بس إنشاء الله تختار لينا حاجة معقولة وما تعمل لي زي د.ايناس نزلت لي صورة بدون اسنان قلت ليها ده شنو يادكتوره الكسر سنى شنو (طبعا هي رباطابية) قالت لي كان شكلك كده انا اعمل ليك شنو؟)..
المبدع الخلوق عجب الفيا،،
لك التحية والشكر على كلمات الثناء،، نجاح الحفل مفخرة لجميع البورداب وانتم جزء اصيل من منظومة البورداب وحجر زاوية في البناء الابداعي لبورداب الامارات كان لمساهمتكم المادية والمعنوية كبير الاثر في النجاح ، متعك الله بالصحةوالعافية..
استاذتنا الاعلامية الرائعة رجاء،،
تحية وود عميق وكل سنة وانت طيبة ، طبعا نحن بنعتبرك احد بورداب الامارات لتواصلك الدائم وتفاعلك مع كافة فعالياتنا عبر متابعاتك و مداخلاتك الجميلة ، طبعا الصور كتيره و غايتو كانت المقالب كتيره ( يعني واحد تلقي صورته في البروفايل شاب في مقتبل العمر ، بكامل شعر رأسه الاسود ،حيوية والق ،، لتصدمي يوم الحفل وتشوفيه زول تاني صلعة تلمع وبداية شيخوخة و مرات اسنان مكسوره والعجب الجنس اللطيف كمين كبييييييير)
نتمنى ان يكون احتفالنا القادم إحتفاء بحضورك بيننا في الامارات وليك على حيكون اروع احتفاء بأروع رجاء..
الاخ مهدي الامين،،
تحية خاصة جدا على مشاركتك المقدرة في امسية الحفل فقد كنت قمة في الروعة ،،أتمنى التواصل في مقبل اللقاءات ،، يوم الخميس من الاسبوع الاول لكل شهر ميلادي (6/01/2005)بالنادي العربي للإعداد لما هو قادم من برامج لعل اهمها الاحتفال السنوي بذكرى الراحل الاستاذ مصطفي سيد احمد ...
ولي قدام،،،
| |
|
|
|
|
|
|
|
|
 Re: ما أجمل بورداب الإمارات عند الملتقى (حفل تكريم رائع من بورداب الامارات لبكرى أبوبكر) (Re: Shalabi)
|
عزيزي الرائع/ السمؤال شلبي
كان لك الفضل والجهد والتخطيط الوافر في إخراج هذا اليوم العظيم
لك منا كل الشكر ،،، ومتعك الله بالعافية.
ـــــــــــــــــــــــــ
أها جيناكم تاني .. يا حبايبنا
زي ما قال الرائع/ فريد ود المسيد ليلة بألف ليلة ،،، والما حضر
الليلة دي ،،، نص عمرو ضايع ... كحلنا عيونا بي بورداب قدام وجداد
إخوة وأخوات نعرفهم ،،، آخرين لم نعرفهم... نعرفهم من خلال كتاباتهم
ومساهماتهم ،،،، بس الليلة إكتملت الصورة.
لكن والله العظيم ... مفاجأتي الكبري .. كانت بكري ... فالرجل طلع أوسم من ما في الصورة بكثير... وظريف وبسّام ... وحبوب .. (وحيي) .. فالرجل تكسوه وسامة الحياء .. والتواضع الجم ...
د. معز ... طلع زول عسل ... ويخش القلب تووووش تحس كأنك تعرفه من قبل عشرين سنة .. ظريف ونّاس .. متحدث جيد .. ومستمع صبور .. أمتعنا بشعره رغم الوعكة (وقد فاجأته بالاسم كما ذكر لي) ... والأهم من ذلك .. بقى فردتي لحام ستلين.
أما زولة 123 ... فكما تخيلتها تماماً ... رقيقة وواثقة ومقدمة جيدة ..
وطيوبة ... (وبت أصيلة) ...
خال فاطمة .. سوداني أصيل .. برضو بقا فردة لحام.
فريد ،،،، طلع زول بشوش ووجيه ... أكثر مما نتخيله
بت الأحفاد 2001 ... فاجأتني .. ولقيتها أجمل مما كنت أتصورها
بحر ... طلع بحر ،، لطيف وأنيس (بقى فردة) أديل كدة
خال العيال .. مليح ... يتحبّ من أول كلمة .. بقى فردة
د. محمد تيراب .. سعدنا بلقيته .. فالرجل يكسوه الوقار .. والهدؤ
أصرّ على المجئ رغم ظروفه الصحية ،،،
حمودة ... طلع ود دفعتي .. عمقنا صلاته.
أبوحجل ،،،، طلع سوداني مية المية ... ظريف وضحّاك
المسافر ،،، كما هو متأبط عصا ترحاله .. إبتكر وسيلة رائعة لتعريف نفسه بالبورداب.
محمد الواثق .. ظريف .. ونضمو سمح
القرير .. طلع هادئ .. وكاتل حيلو
مهدي الأمين ... رايق
عبدو ... متحدث لبق لا يُشق له غُبار
سمبتيكا ... طلع الزعيم رقم صفر .. سعدنا بلقياه.
لكن أستاذ منعم: لم أعرفه؟؟ كانت أكبر خسارة خسرتها في ذلك اليوم.
أما القدامى:
ناس الرائع سيد أحمد،عاطف الجريفاوي، وشلبي السمؤال، ، معتز عباس، وسوركتي، الزنجي، خالد عويس، الفنان بهاء الدين ،،، كانوا أروع من الروعة.
،،، وصوت لوم للغائبة مناهل محمد الحسن
أما صوت سجيمان ... فاتني ولم أحضره ،،، فالشكر للرجل الهميم المتابع.
| |
|
|
|
|
|
|
|
|
|
Re: ما أجمل بورداب الإمارات عند الملتقى (حفل تكريم رائع من بورداب الامارات لبكرى أبوبكر) (Re: Shalabi)
|
الاعــزاء الــرائعين ،،
أحــلي بــورداب،،
تحياتي ومـعــزتي،،
الغالـي العـريس وليد أبو القنفد،،
كان الجميع قمة في الروعة وكان البورداب غاية في الود،، سعدنا بلقاء من عرفناهم من خلال الكيبورد فكانت اجمل اللحظات اتحفنا فيها المبدعون شعرا وغناء ،، إتسعت مساحة التلاقي لتجمع شمل البورداب في بوتقة الحب والتواصل الابدي ..
عزيزي كانت لحظات الختام اجمل مايكون لمن يتابعون الحفل من داخل القاعة وكانت أروع رغم كل شيء لمن هم خارج الصالة ولن انسي لحظات تجمعنا(حول اوراق المفاوضات) في محاولات الرمق الاخير للخروج بالحفل للنهاية السعيده ،، جهد مقدر لك وللغالي الزنجي ..
الغالية بت القبائل،،
تحية خالصة وأكبر فيك تكبد المشاق وطول المشوار من اجل الحضور والمشاركة في الامسية التى اكتمل جمالها و ازدانت بتواجدكم ،، كنتم غاية في الروعة ، اتحفتينا بحديثك مع سجيمان ، ربما لم يسعفنا وقت الحفل بالتعرف عليك عن قرب ولكن يبقي الامل في تواصلك معنا عبر البرامج الشهرية والسنوية لبورداب الامارات من اجل خلق روح الترابط والتواصل بين الجميع ...
ولي قدام،،،
| |
|
|
|
|
|
|
|
|
|
Re: ما أجمل بورداب الإمارات عند الملتقى (حفل تكريم رائع من بورداب الامارات لبكرى أبوبكر) (Re: Shalabi)
|
شلبي
معليش لو التحية متاخرة
الف شكر على المشاركة الرائعة والتنظيم الانيق للحفل
وحقيقة لولا جهودكم انت والجريفاوي علي اسماعيل محمد سيد احمد , عباس, سوركتي
والكثير الكثير
لم يكن لهدا الحفل ان يخرج بهده الصورة المشرفة
شكرا لعى كل هدا الجمال والود الدي نشرتموه في الشارقة في تلك الامسية
فقد كنا نحتاجه وبشده
تخريمة
الزول الفي الصورة ده مش انت؟ تاني اعمل ليك شنو
تعرف دي نكته حصلت مع الوالدة مرة في القاهرة مشت تتصور
والصورة طلعت ما كويسة وشاكلت المصوراتي قام قال ليها بزهج:
مش نتي دي اللفي الصورة؟ اعملك ايه بأه
وكاد ان يخسر رقبته في دالك اليوم لوووووول
تخريمة تانية
الاستاد عجب الفيا لم اعرفه في الحفلة واصر على ان اظل اخمن حتى اصل الى اسمه
وغلب حماري تمااااااامااا واعلنت الاستسلام حتى قال انه عجب الفيا
فما بعيدة ناس كتير ما تعرفه يا رجاء لاكن ماشاء الله عليكي
كان نجيبك تعرفي لينا ود الشيخ
| |
|
|
|
|
|
|
| |
نصار
المكاشفي الخضر الطاهر
abas
Dr. Moiz Bakhiet
mohmmed said ahmed
abuguta
الجريفاوي
mahdy alamin
Raja
Agab Alfaya
aboalkonfod
بهاء الدين سليمان
zola123
سجيمان
farda
Salah Abuhigill
فيس بوك
تويتر
انستقرام
يوتيوب
بنتيريست