|
|
 سلام للناس السمحين والشينين كمان
|
اعترف واقر اننى افتقدكم فى بعدى
افتقدت تسامحكم كما افتقدت مشاكلكم
افتقدت تحليلات البعض كما افتقدت ارتجالية البعض الاخر
ارحب بمن سجلوا فى غيابى ولمن غادروا لاقول لى سوى عبارة
صديقى دينق G.M.T
وازف التهانى لمن تزوجوا او خطبوا
او جكسوا ولا عزاء لمن طلقوا
الســـــلام لكل الحلوين والشينين ناس النصرى امين
|
|
 
|
|
|
|
|
|
|
|
Re: سلام للناس السمحين والشينين كمان (Re: osly2)
|
اسمع انت طوالى بتدى
الناس تلفون طاقى؟
انت ذاتك ما ولى امرى
ولا كيف ؟
التبنى دا بتجى معاه تبعات يا شقى..
بالله ادينى عنوان وتلفون فى حالة
الفاس وقع فى الراس...
تجى تاخد بتك يا حنفى وتتلهى
| |
|
|
|
|
|
|
|
|
|
Re: سلام للناس السمحين والشينين كمان (Re: bayan)
|
يا بتى
انت راسك قوى
مما جعل البعض يفكر جادا فى قلب المقوله الى
لو وقع الراس فى الفاس
اكيد حيقنعوا من الفاس لو وقع عليها مثل راســك ولا راس تاج السر
ولا راس انا ذاتى امدر
لك نحايا اهلك باوسلى من الحرازى للحرازى
ولك الرهبه والخوف من المحامى للمحامى
| |
|
|
|
|
|
|
|
|
|
Re: سلام للناس السمحين والشينين كمان (Re: osly2)
|
ابو النسب الشين
كيف حالك و مشتاقين والله ياخي اسال و طمنا عليك و جد البكاء من دونك ما عندو طعم و الناس كلها بتسال عنك.
و الزول كان ما من ديل ولا ديل زي حلاتي كدا يعني مافي لينا سلام؟ لووووووووووووووووول
كل الود و ليك التحايا مطر
عبدلله
| |
|
|
|
|
|
|
|
|
|
Re: سلام للناس السمحين والشينين كمان (Re: Muna Khugali)
|
قريبى عبد الله
اهلك المعاى حاليا فى الســـودان
زواج عبد الله سيكون فى الايام القادمه اوع تقول لى دا نمره كم
ما قادرين على حجة روضه وتجريدة الجندريات
المكاشفى
طول المدى بشقيه المكانى والزمانى مقدور عليه بالوجد والحس
بس ما وريتنى انت من ياتو فريق
منى خوجلى
خليك شايته مع فريق المجهجهين ودى على وزن المحايدين
فالماء الذى لا لون له ولا رائحه اصلح للوضوء
واكيد بعد سحب النصرى امين لصوره لن تغامرى بانزال صورتك
لكم التحايا
| |
|
|
|
|
|
|
|
|
 Re: سلام للناس السمحين والشينين كمان (Re: سجيمان)
|
يا أوسلى
أخوك تاج السر طلع أى كلام، أمبارح الناس كلهم وعلى راسهم بكرى شابكنى ليك (حمل وديع).(وشخصيتك ما بتشبه كتابتك)، وكلام من النوع ده ... قربت أتناول لى عصاية من أقرب محل وأقع ليك فيهم كسر، عشان ما أخيب ظنهم!!!
| |
|
|
|
|
|
|
|
|
|
Re: سلام للناس السمحين والشينين كمان (Re: نصار)
|
سجيمان
تابعت بكاءك فى ذاك البوست الطريف ومشيك الحريف فى حوض
الضريسه خوفا من الوقوع فى فخ العنصريه
سالت عنك وعن دكتور معز الاخت هى ذاتا امدر
كانت اجابتها الاثنين بقو سجمانين ورمدانين وينفعو باكات فى
تيم النصرى امين
قريبى نصار
يعجبنى فيك طولة بالك واصرارك على فرض واقع افضل لحوار جاد
ينتشل الامه مما هى فيه من تردى
وقديما قيل من سار على الدرب وصل
كيف اخبارك واخبار القبيله البالتوكيه وهل لازال حسن سته يعرض
خارج اطار القفص الذى كنا نعتقد انه ذهبى
لكما التحايا
| |
|
|
|
|
|
|
|
|
|
Re: سلام للناس السمحين والشينين كمان (Re: osly2)
|
تاج الشر الحريف
حكاية حمل وديع دى ما بتفوت على
اكيد رسلت ليهم ولدك الكبير على اساس انه دا تاج السـر
ودا ضرب العصفورين بالحجر الواحد
ادعاء الوداعه وزوغة من معرفة العمر الحقيقى
والله مشتاقين
| |
|
|
|
|
|
|
|
|
|
Re: سلام للناس السمحين والشينين كمان (Re: Soumeta)
|
تماااااضر بت الشيخ
يا نسمحه قوليلن محال ما بنتفرق
لو حتى انهد السماء وفوق الارض يجى منطبق
مابنتفرق مابنتفرق
معقول يفرقنا القدر
يا نسمه قولى دا ما بكون
قوليها لى كل الخلق
مابنتفرق مابنتفرق
الاولاد وامهم فى الطريق وهم الان فى القاهره
واكيد يا تماضر لما المدام تصل يا جنيت بى عدلى يا كمان عقلت زى سجيمان
ست البنات
الله يرد خدره لبيتها
بس خدره احسن حالا من نفيسه التى طلقوها بعد اسبوع
وعندما سالها عمها عن سبب الطلاق قالت
* خلاص اكلنا عيشنا *
فرد عليها قائلا
انتى يا شقية الحال كتى طاحنه ملوه واحده ؟
بس ما قلتى لى البنات الانتى ستهم ديل وين ؟
منى خوجلى
مرحب بالزياره الثانيه ومرحب بك صديقة جديده
ولازلت اامل الا تكونى من فريق النصرى
سوميتا
غنى يا سيزونا غنى
وشدى اوتار المغنى
ان انسى فلن انسى تلك الايام الجميله التى امضيناها فى رحاب البالتوك
وبينى وبينك من دخلت فيه امدرمانيه الناس طفشوا طفشة عدوك
اعملى حسابك الموصلى ومبيوع ما يسرقوا الحانك
التحايا لكن
| |
|
|
|
|
|
|
|
|
|
Re: سلام للناس السمحين والشينين كمان (Re: عبد المنعم سيد احمد)
|
انور احمد
كابتن فريق السمحين بالانابه
تحايا سخنه كجو مدينتى الجديده سافانا
بالله عليك جايب سيرة الجليد دا مالك ؟
انا بحاول امسح من ذاكرتى سيرة برد نيويورك الذى اكتويت بناره
ثلاثه سنوات . دا اذا كان عندو نارا زى بقية فصول السنه
وليد المبارك
تابعت بوستك الشيق . اوعك تقراها الشايقى
ونصيحه ليك لو عملت بوست تانى شيل عكازك واقيف فى بابو
وامنع سجيمان من يعتب رجله فيه
قريبى منعم العريس
كيف حالك وحال العروسه مع امشير كندا التى شهرها بعشرين وفصل شتاءها 13 شهر
التلفون 0013474958298
| |
|
|
|
|
|
|
|
|
|
Re: سلام للناس السمحين والشينين كمان (Re: وليد محمد المبارك)
|
تعرف يا اوسلى (والله مشتاقين) دى ذكرتنى أغنيه بحبها بى صورة غير طبيعيه
للرائع عثمان مصطفى ( قدر ما ننسى العلينا برضو مشتاقين).
تعرف أخوك كان فتح موضوع الأغانى دى (الجندريه) ح تسكن عديل!!
تعرف يا أوسلى فعلا رسلت ولدى (الكبير) قال لى الجماعه حقروا بى شابكين يا وديع يا ظريف، قلت ليهو طيب أنتظرهم لى فى الحفله الجايه ولا اقول ليك بشيل عصاتى وبمشى ليهم فى محلهم.
| |
|
|
|
|
|
|
|
|
|
Re: سلام للناس السمحين والشينين كمان (Re: برهان تاج الدين)
|
تاج الشر الخشن
يا يت لو مشيت انت بدل ارسال الولد على الاقل كنت ستثبت للزملاء
ان كلام اوسلى عن كبرك لا يخلو من مغالاة بدليل وجود اكثر من سبعه
شعرات سود على راسك
أبوالريش
مرحب بيك هنا وهناك وهناااااك
ولازلت فى انتظار البارد
لم اعد جار لك فقد رحلت الى جورجيا وسارسل لك شوية حر فى
البوست القادم
Dr. Moiz Bakhiet
امدر قطعت فوقك وعشان انا لااحب الفتنه سانزل قطيعتها فى بوست
منفصل ولانى ما بدور شيل الحال سأعمل على ألا يتجاوز زواره الالف زائر
كفاره ليك قالوا كنت مطارد
كوستاوى
الف مرحب بك
وكيف اخبار صديقى دينق
برهان تاج الدين
نزل حذائك من وجهى عشان اقدر اسلم عليك
وين صاحبك شمهروش
لكم التحايا
| |
|
|
|
|
|
|
|
|
|
Re: سلام للناس السمحين والشينين كمان (Re: osly2)
|
أوسلى أخوى
النكتة ظريفة تب !
والبنوت الأنا ستهن -
السمحات
الكريمات
العفيفات
الطيبات
الوطنيات
بنات الرجال
أخوات الرجال
الشجاعات
ولى حقهن قالعات
وماب ينداسن
ولابيوطن روسيهن
لى زول تب
---
كفاك ولا أزيد ???
وتحية الى عبد المنعم ود سيد احمد وندوية !
وتحياتى
ست البنات .
| |
|
|
|
|
|
|
|
|
|
Re: سلام للناس السمحين والشينين كمان (Re: ست البنات)
|
كمال ازيك يا حبيب ..انت سجلت من جديد ولا شنو عارف البرالمة ح يغيرو منك وكمان وازنا مع السنة الجديدة وكل سنة وانت طيب
نصيحة ليك والله وبنية طيبة شديد اوعك تسمع كلام ملاسي وتدور عكازك اهلك الشوايقة ناس كلمة ونغمة ولحن جميل خليك بعيد كلنا بقينا بعاد
| Quote: أخوك تاج السر طلع أى كلام، أمبارح الناس كلهم وعلى راسهم بكرى شابكنى ليك (حمل وديع).(وشخصيتك ما بتشبه كتابتك)، وكلام من النوع ده |
تاج السر وانت طوالي صدقت كلامهم يا حبيب ؟؟؟ ما سمعت بالمثل الشكرو قدامو نبزو ؟؟
وحاشاك وحاشاهم من النبيز بعدين ياخ ما وريتنا اخبار بلدياتنا شنو ؟؟
| |
|
|
|
|
|
|
|
|
|
Re: سلام للناس السمحين والشينين كمان (Re: PLAYER)
|
ناديه عثمان
اهلا بك زميله وصديقه جديده
قريت ليك مداخله شعريه جميله فى واحد من بوستات ست البنات
الشئ الذى يبشر بان لك مستقبل باهر فى مهنة نجر الشعر
انت أكيد ما معنيه فاذا كان العنوان يكفى فى الجواب فالصورة تكفى
فى التقييم
ربنا يستر عليك من عين المعز وسجيمان اوع يكون شافوك
ست البنات
يا جايه من عمق الشمال
يا شايله فيك طيبة البلد
بهديك سلام زادو التمر
اشواقو من طين الجروف
احساسو خالد للابد
ود العمدة
قلت لى جدو تاج السر مالو ؟
وزى ما قلت انت الجماعه خاتين صور عمرها الافتراضى انتهى قبل
عشره سنوات
فى امان الله
ولا اله الا الله
ما حتصدفى لو قلت ليك شوقى ليك شوق براهو
ربنا يحفظك وتسلمى يا اصيله
PLAYER
كنت بفتش ليك فى سماعات ومكرفون
اتمنى سماع صوتك
لكم التحايا
| |
|
|
|
|
|
|
|
|
|
Re: سلام للناس السمحين والشينين كمان (Re: osly2)
|
مرحب أوسلى مالك يا أوسلى تهضرب بأمدر???
Quote: لو وقع الراس فى الفاس
اكيد حيقنعوا من الفاس لو وقع عليها مثل راســك ولا راس تاج السر
ولا راس انا ذاتى امدر |
Quote: سالت عنك وعن دكتور معز الاخت هى ذاتا امدر
كانت اجابتها الاثنين بقو سجمانين ورمدانين وينفعو باكات فى
تيم النصرى امين |
| Quote: ان انسى فلن انسى تلك الايام الجميله التى امضيناها فى رحاب البالتوك وبينى وبينك من دخلت فيه امدرمانيه الناس طفشوا طفشة عدوك |
Quote: Dr. Moiz Bakhiet
امدر قطعت فوقك وعشان انا لااحب الفتنه سانزل قطيعتها فى بوست منفصل ولانى ما بدور شيل الحال سأعمل على ألا يتجاوز زواره الالف زائر كفاره ليك قالوا كنت مطارد |
بعدين شايفاك عايز تعمل لى مشاكل معز هادى و راضى لكن باقى ليك سجيمان ده بنقدر???
أمدر\عميدة سمحات و سمحين البورد
| |
|
|
|
|
|
|
|
|
|
Re: سلام للناس السمحين والشينين كمان (Re: الجندرية)
|
امدر
يهضرب الما عندو دقيق
نعم انت عميدة ال ....ن وال....ن
الناس كلها بقت تكتب ال..... . قلت اجربها فيك وأخلى الباب فاتح وراى
اساسى الظلامى
كيف حالك يا عدو المرأه وهاضم حقوق الانسان
التحايا لك ولاهلى جيرانك
الجندرية
عميدة السمحين بالبورد وما جاوره من منتديات
الشمل لسه ما اتجمع .الاولاد بالقاهره وسيكونوا معى بعد شهر
اسألى تراث هل لازال عند وعده باحضار الخروف ولا امشى لجارى
البذبح كيرى اجيب واحد ؟
التحايا لك وله وللصغار
| |
|
|
|
|
|
|
|
|
|
Re: سلام للناس السمحين والشينين كمان (Re: osly2)
|
أوسلى العزيز
Quote: نعم انت عميدة ال ....ن وال....ن
الناس كلها بقت تكتب ال..... . قلت اجربها فيك |
قولت لى ال......و ال...... شنو?????
تمها يا عنصرى يا.... و....
قلت أتعلم الشتيمه فيك أصلو الحاله فى البورد ده مامضمونه
| |
|
|
|
|
|
|
|
|
|
Re: سلام للناس السمحين والشينين كمان (Re: osly2)
|
أوسلى اخوى ،
حبابك وحباب هديتك ،
---
هدية جات منك
مسافرى من البلد
طاوى التمر
فى عبها
وشايلى السلامات
من أهل
----
ريحة الجروف
صوت السواقى
ولون السبيط
نازل مدلى الخير
أحمر نجض
أصفر
ودفيق
زى وميض
ضوا شلع
-----
وقولة حباب
تروى القلوب
تعزف طرب
طنبور محبة
ناس حنان
قاعدين تحت
سام المحنة
وفوق شخوت
كوشار الكبد!!!
----
ست البنات .
| |
|
|
|
|
|
|
|
|
|
Re: سلام للناس السمحين والشينين كمان (Re: ست البنات)
|
ست البنات ست ستهم
مظروف سلامك لى وصل
مش فيه هينين من تمر
وقبضة محنه من الاهل ؟
واخبار مردمه بالرزم
الفات مرق
ساب البلد روح طفش
المات خضارو من العطش
الباع بهايمو وفزه فات
ولى همو كم مرات طقش
الجبهة خربت البلد
بابورنا واقف من زمن
عايشين نسوط بين المحن
ولى باكر الشايل الامل
عازمين نعزك يا وطن
تحياتى
| |
|
|
|
|
|
|
| |
osly2
Hussein Mallasi
bayan
المكاشفي الخضر الطاهر
Muna Khugali
سجيمان
نصار
Tumadir
ست البنات
Soumeta
وليد محمد المبارك
عبد المنعم سيد احمد
Dr. Moiz Bakhiet
Kostawi
برهان تاج الدين
bint_alahfad
PLAYER
اساسي
الجندرية
فيس بوك
تويتر
انستقرام
يوتيوب
بنتيريست