|
|
|
 Re: هوووي..اي مستجد/ة يجمع هنا (Re: بلدى يا حبوب)
|
الأخ يابلدي ياحبوب
يا اهلا وسهلا
وشكرا ليك علي الترحيب بي
رغم انو ما هو القصد من فتح البوست
لانو انا زي قدمت شوية
اما بخصوص اللبسة
فهي لبستنا القومية
في صحراء شمال دارفور
ولو متابع شوية
كنت ممكن تعرف انو انا اخر شخص هنا
يمكن ان ينسب للجنجويد
مرحب بيك تاني
نهار
| |
 
|
|
|
|
|
|
|
|
Re: هوووي..اي مستجد/ة يجمع هنا (Re: Ahmed Al Bashir)
|
الاخ احمد البشير
شكرا كتير علي الطلة
وتوسيع الديوان.
اما الصورة يمكن ان تقرا
ردي علي يابلدي ياحبوب.
وبالمناسبة هي زي شائع
وسط الكتير من القبائل في منطقة الصحراء
شمال غرب السودان وشمال تشاد
وعلي طول الصحراء الكبري
وتلبسه الكتير من القبائل البدوية الافريقية
وانا انتمي لإحداها
مع الود
نهار
| |
|
|
|
|
|
|
|
|
|
Re: هوووي..اي مستجد/ة يجمع هنا (Re: nahar osman nahar)
|
| Quote: حاولت ان ارحب بكل القادمين الجديد,لكن بدت لي المهمة اقرب للإستحالة لكترة "الخيوط" المفتوحة, |
نفسسسسس الشعور والله 
كل التهانى لكل الاعضاء الجدد ...بقبولهم في اكاديمية المنبر الحر ..
والف مرحب بيهم في الوطن الاسطورة ..
وبطلب منهم ... يقرو البورد قراية صاح قبل ما يبدو في كتابة البوستات ..
عسي ولعل يجدو لينا حلول للازمة الملازمة البورد من اكثر من عام كامل ..
او على الاقل ..هم كمان مايبقو لينا تبع (الظلاميين )
حقيقة عددهم كبير ... اتمنى يكونو اقلام جريئة وحقانية .. وواقعية وواعية ..
كل التحية لكل الجدد ..بدون تحديد اسماء (رغم معرفتنى الشخصية باحدهم)
وكل التحية (نهار ) للحركة الزكية جدا ..
معتصم عمر
| |
|
|
|
|
|
|
|
|
|
Re: هوووي..اي مستجد/ة يجمع هنا (Re: nahar osman nahar)
|
مشهد اول :
يا ناس العشاء ، يلا يا شباب ، الجماعة ديل وصلوا هسع
يلا وزعوا ليهم الحاجة الباردة
الماسكين الشاي هناك.... جيبوا الشاي
مشهد ثاني :
يلا يا جماعة نرص الكراسي ، الحفلة ح تبدأ هسع ، ما باقي كتير لحظر التجول
اها يا جماعة الفنان طلع المسرح
مشهد ثالث :
يا شباب الغنية دي للمحتفي بهم فقط
يا شباب باركوها
ما كده يا اخوة
مشهد اخير :
فك ... ما بفك ...
يا زول اعمل حسابك ...
انت بتهددني يعني ولا شنو ..
كع...كع ...لب ...لب ....طاخ ...تراخ....عووووووووووووووووووووووك
حبابكم عشرة بلا كشرة
خيرا جانا وجاكم
| |
|
|
|
|
|
|
|
|
|
Re: هوووي..اي مستجد/ة يجمع هنا (Re: nahar osman nahar)
|
ح
سلام يا ناس ، سلام للكل ، وحتي لا نقصر في حق حد والله مشتاق أسلم عليكم واحد واحد ومثلما جمعتم أسماء الجدد في تحية واحدة لصعوبة المسألة عليكم ..وعلينا أيضاً ..لكم التحية جميعاً وخلونا شوية شوية نتعلم منكم كيف أدخل علة كتابات كل الناس دون أن أضيع وأزعِّل مني الناس
| |
|
|
|
|
|
|
|
|
|
Re: هوووي..اي مستجد/ة يجمع هنا (Re: محمد عبدالله محمود)
|
سلامات
وعوافي
...
هناك ... خلف هذا الغبار الكثيف يرقد وطن ومدائن حميمة ..فيهما تركت صديق عزيز وصديقة وكتاب قديما ورثته من تبادل الهموم..وايضا لي حزمة احلام حنينات جعلت من مشلعيب البيت خزنة تأوي تأوهاتها وانين انتظارها للنزول في وسط البيت ..المدن .. الوطن..
واغنية نبيلة ارددها امام حبيبتي يوم ان يدفرني الشوق نحو البكاء ..واشتياقات كثيرة سقطت مني في اول مطار مررت عبره نحو غربة الذات ...واحشاء الحكايات ادماها العذاب..
بكل هذه المواجع تبقي في كاس الحديث رشفات للقادمين من قريب ومن بعيد ..كاسا مذاقها افراح هي عصارة عذابات السنين ...
الف مرحب بالقادمين الجدد ..
وجميلة هي الدنيا .. اول دروس تقديم الصفة علي الموصوف..
معزتي وحبي
وشكرا استاذ نهار علي هذه الكوة الهوووووووووووووييا..
مستجد/ة انتبهوا..
للحب
| |
|
|
|
|
|
|
|
|
|
Re: هوووي..اي مستجد/ة يجمع هنا (Re: Mohamed Adam)
|
نهار
يسعد مساك وصباحك
ماقلتلينا الجمع بي لبس كم
لكن جمعنا اهو
بعدين شمال دارفور وين انا كرعي حفن عندكم
الفاشر ابوزكريا
كتم
مليط
الكومه
ابوقو
مو
عين سيرو
الدور
ام حراز
مزبد
الوخايم
شقيق كارو
المالحه
الطينه
كرنوي
ام برو
جبال كورما
جبال كربب
جبال مدو
كلو وكلويات
مالحه
كفاك يازول
| |
|
|
|
|
|
|
|
|
|
Re: هوووي..اي مستجد/ة يجمع هنا (Re: زول ساكت)
|
الاخ زول ساكت
والله يا خوي ماك زولا ساكت
يا اخي البلد خيتطها متر متر
اها كنت محصل ضرائب ولا رجل كاكي
لانو ديل الوحيدين
البنشوفهم هسه
من ناس دار صباح
يامرحب بيك هنا وهناك
تخريمة
رغم المعرفة الموسوعية
ما قدرت تعرف منطقتي
غير مشمولة في القائمة
لكن قربت خلاص
لو جدعت حجر بقع عندنا
لك ودي
نهار
| |
|
|
|
|
|
|
|
|
|
Re: هوووي..اي مستجد/ة يجمع هنا (Re: Mohamed Adam)
|
الاخ محمد آدم
إزيك يا مان
والله مشتاق ليك اكوام
وللبرد بتاعكم الصعب داك
ده وكتو بدا ولا لساو؟
اتابع كتاباتك كلها هنا
بقدر المستطاع
فكما تعرف الفترة السابقة
ماكان في إستقرار
تحياتي للمدام والاولاد
مع الود
نهار
| |
|
|
|
|
|
|
|
|
|
Re: هوووي..اي مستجد/ة يجمع هنا (Re: nahar osman nahar)
|
الاخ نهار
ياربي يكون كبكابيه
طويله
ودعه
معليش غايتو اخوك ذاكرتو اصبحت هكر
وانا كنت عندكم قبل 12 سنه يازول
بس لاقوني ناس التطعيم
وناس مياه الريف
وناس الهلال الاحمر
وتجار الشنطه
وسواقين الشاحنات
والله هيجت فيني ذكريات جمليه
بالله من وين يانهار
وزولك زول كاكي اخضااااار سابقاً
| |
|
|
|
|
|
|
|
|
 اها جمعنا (Re: nahar osman nahar)
|
العم الجنجويد نهار
اها يا زول جمعنا و وقعنا اها بس ما وريتونا الحفله بمنو. ياربى بياتو استاذ من الفنانين من ناس البورد؟!!!!!!!!!!!!!!
و على العموم تشرفنا بترحيب الجميع و لكم الشكر اجزله و الحمدلله على اننا التقينا معكم بعد مده طويله من متابعتكم عبر صفحات المنبر الحر
و يا خونا نهار ما تزعل من كلمة جنجويد لانها للهزل فقط و كلنا يجمعنا الوطن الواحد سواء كنا غرباً او شرقاً، جنوباً او شمالاً. السودان الوطن الواحد ما قد كان و ما سيكون.
و دمتم ايها البورداب
| |
|
|
|
|
|
|
|
|
|
Re: اها جمعنا (Re: رانيا بابكر)
|
يابتي رانيا
كيف حالك
والله إختيار الفنانين دي مهمتكم
لانو نحن ناس عثمان حسين واطلع
ما اظن زوقنا بنفع معاكم
لكن ممكن في قواسم مشتركة
اساتذتنا الموصلي وحمزة سليمان
ليك سلام
عمك نهار
| |
|
|
|
|
|
|
|
|
|
Re: هوووي..اي مستجد/ة يجمع هنا (Re: nahar osman nahar)
|
الأخ نهار
شكرا على الفكرة الجميلة
فعلا بوستات الترحيب كثيرة والواحد عينه زغللت
انشاء الله يكون مقدم هذه الكوكبة الجميلة خيرا عى سودانيز اونلاين
ويضيفوا له الكثير مما يحتاجه
يعني ابرونا بوستات ثقافة وفن وجمال
ومافي حد حيقول ليكم بس
تحياتي ومرحبا بكل القادمين
زولة123
| |
|
|
|
|
|
|
|
|
|
Re: هوووي..اي مستجد/ة يجمع هنا (Re: nahar osman nahar)
|
الحبيب نهار وضيوفه الكرام كل السلام والاحترام فكرتك ما تقول لي في السلك لكن
الجمع والتمامات دي خلينها في بلاده برضو جبتها لينا كمان هنا مشكور
وبرضو كمان بنرحب بكل مستجد حتى يتم تخريجه
لعبتها صاح يانهار هاك الخم دا
| |
|
|
|
|
|
|
|
|
|
Re: هوووي..اي مستجد/ة يجمع هنا (Re: nahar osman nahar)
|
ألاخ نهار
كيف حالك يا زول؟
اّسف للتأخير في الرد
(انتو لما تكونو صاحين ... نكون هنا نايمين
و العكس بالعكس)
.............
حكاية امبرو و كاليفورنيا..
اصلو نحن محل ما نمشي ... نمشي غرب
| Quote: باقي ليك مافي جنجويد هنا؟!! |
ايوة فى ... لكن متنكرين
لكن لما نشلع "flash" صورتك في وّشّهم .... بتبخرو
| |
|
|
|
|
|
|
|
|
 Re: هوووي..اي مستجد/ة يجمع هنا (Re: nahar osman nahar)
|
نهار
رايك شنو في مناصيص في شنغل طوباية
والله كانت ليلة سمحة بالحليل رغم البرد والزيفة
كانت اول مرة تخط فيها رجلاي دارفور العتيقة
رحلة بي بص النيسان
خمسة ايام من السوق الشعبي امدرمان الى مشارف الفاشر
رحلة ممتعة رغم الرهق وطول المسافة
ورغم ان السفر كان في قافلة طلابية الا ان الواحد كان شايف نفسوا كولمبس مكتشف الاراضي الجديدة - اين كان كولن باول في ذلك الوقت ؟
لن ادخل في تفاصيل الرحلة لانها اطول من ان يحتويها بوست
المهم واللذيذ كانت الوقفة في شنقل طوباية
الدنيا ليل والبرد يخلي المساعدي زي جدادة مكرفسة
لاحت من بعيد نيران المقاهي
شوالات قديمة صابين عليها زيت رجعة ومولعين فيها النار
اظنها كانت نيران مبروكة للتدفئة من جهة وللارشاد من جهة أخرى
وبعد فرك الايدين الشديد لزوم التسخين
اخوك شاف المناصيص للمرة الاولى
نص خروف - يد - وراني - بيت كلاوي
وقام المعلم جهز كل اللحوم الموجودة - كنا بص كامل
وجابو ليك الشطة بالالتى - وهاك يا لهط
5 - 6 كرعين ولا ايدين ما عارف وقفنا لمبة
قاموا تاني البركيب بي الكسرة المرة
------
ما قادر اكمل
لعابي سال
| |
|
|
|
|
|
|
|
|
|
Re: هوووي..اي مستجد/ة يجمع هنا (Re: nahar osman nahar)
|
نهار ليلك اسعد
والله مشينا منواشي ونيالا وقارسيلا وقعدنا في نبقاية وكمان وعد الفرسان ورهيدالبردي وبي غادي كاس وزالنجي والجبل شلال شلال نيرتتي والفيل وسيبك من البلابل وتاني مشينا الجنينة وادرى وخشينا الحدود التشادية ولو ما الزمن طال - نوفمبر 1992- كان حسبت ليك دارفور حتة حتة
الا شنقل طوباية كانت اول مرة اشوف فيها المناصيص ذي ما قلت ليك
ودارفور للذين - طبعاانت عارف - انو اغني منطقة في السودان
بقر وابل وغنم وسيب الوديان والتحت الارض - عليك الله الموية البتحفر ليها بي يدك دي في منطقة تانية في ؟
ياخي فتقت المواجع لمن الواحد يشوف الحاصل هسا عليها دا
ربنا يلم الشمل
واقعدو عافية
| |
|
|
|
|
|
|
|
|
|
Re: هوووي..اي مستجد/ة يجمع هنا (Re: Kobista)
|
الاخ الحبيب نهار
نهاراتك سعيده
وليك وحشه وين اراضيك
وارحب معك بك وبهم
وكنت اتمنى ان نلتقى ثانية
واظن قريب لانه موضوع بلديتنا خلاص داب نجاض؟
وجايينك يا جمل الشيل
اخوك انور عبد الرحمن
| |
|
|
|
|
|
|
|
|
|
Re: هوووي..اي مستجد/ة يجمع هنا (Re: nahar osman nahar)
|
شكرا ايها المحارب
ونعدك
سنزيد الظلاميين ظلمات فى ظلمات حتى تبين شمسهم ..
والعلمانيين علما .. حتى نفقه قولهم ويفقهون قولنا اذا حلت عقدة لساننا ..
أما الليبرانيين فسنحررهم من انغلاقهم ..
و المحاربون أمثالك سنقول لهم يوما ما .. (استرح .. صفا .. سلام )
لكن صفاءا حقيقيا وسلاما للكل ..
والسلام
| |
|
|
|
|
|
|
| |
nahar osman nahar
Raja
Sidig Rahama Elnour
بلدى يا حبوب
Ahmed Al Bashir
samo
Hatim Salih
عمران حسن صالح
مريم بنت الحسين
د. بشار صقر
ودرملية
Mohamed Suleiman
Mohamed Adam
زول ساكت
رانيا بابكر
zola123
ebrahim_ali
عاطف عمر
مأمون التلب
ياسر عبدالعزيز الطيب
عادل فضل المولى
معتصم الطاهر
فيس بوك
تويتر
انستقرام
يوتيوب
بنتيريست