|
|
 تشكيل محكمه شــعبيه بالبورد
|
اقترح تشكيل محكمه شعبيه غير خاضعه لسلطات الاداره تقوم بالنظر
فى ما ينشب بين الاعضاء من مناوشات وقرارات هذه المحكمه ليست
ملزمه للاداره ولا مانع من ان تتبنى الاداره ما تراه مناسبا من احكام
اقترح التشكيل الاتى
مولانا خدر رئيسا
دكين نائب الرئيس بصلاحيات رئاسيه . زى جون قرنق .
عضوية
تاج السر الحسن
كمال عباس
ابو امنه
النصرى امين
ابو الريش .. متى ما جاء .
عثمان تراث
انسانه . دى لو ما رشحتها حتجى ترشح نفسها براها .
طه جعفر
بارعه
رأيكم شنو ؟
|
|
 
|
|
|
|
|
|
|
|
Re: تشكيل محكمه شــعبيه بالبورد (Re: هشام مدنى)
|
المشكله يا هشام عندنا عمده واحد هنا
الا نسميها محكمة العمده الواحد
ابشرك يا هشام انك ستظل شاهد ديمه على وزن صائم ديمه
حتى يثبت للكل بمالايدع مجالا للشك انك انت هشام بلحمه ودمه
| |
|
|
|
|
|
|
|
|
|
Re: تشكيل محكمه شــعبيه بالبورد (Re: osly2)
|
الحبيب : اوسلي 2
نؤيد بشدة .. لاننا ناس شعبيين شديد !!!
المهم اذا ما عندكم مانع خلوني انا حاجب !!!
عشان اي عضو منهم يفرفر اثناء مداوالات المحكمة يشيل شيلتو !!
تحياتي .
خضر عطا المنان
| |
|
|
|
|
|
|
|
|
|
Re: تشكيل محكمه شــعبيه بالبورد (Re: عثمان عووضة)
|
| Quote: المهم اذا ما عندكم مانع خلوني انا حاجب |
خدر الحاجب دا هسع يلفتوا نظرو كيف -- لانو قالو النظر مبيعلى على الحاجب
| Quote: عشان اي عضو منهم يفرفر اثناء مداوالات المحكمة يشيل شيلتو |
دي خليها يشيل حاجبو بدل شيلتو
| |
|
|
|
|
|
|
|
|
|
Re: تشكيل محكمه شــعبيه بالبورد (Re: osly2)
|
انت يا اوسلي ما عارف الطرادة دي زمان كانت بتسوي شنو
1- نص كيلو ضان من عمك ابشر-الله يرحمو - في سوق الدناقلة جنوب ومعاها عشرة ونسة مع ابو داؤود بي عربيته الفورد الخدراء موديل 58
2-ملاحين -غالبا ملوخية اوبامية فرك - ورجلة او بطاطس او بامبي او قرع
3-سلطة خدراء(عجور + طماطم + جرجير + كم قرن شطة خدراء)
4-ورقتين كستر للتحلية او بتيخة صغيرة
5-سجارتين ماتينيه أو تلاتة سجارات برنجي
تقول لي عبد الحميد قال لي
ولو ما خايف من لفت النظر كان وريتك تاني بتسوي شنو
| |
|
|
|
|
|
|
|
|
|
Re: تشكيل محكمه شــعبيه بالبورد (Re: عثمان عووضة)
|
| Quote: ولو ما خايف من لفت النظر كان وريتك تاني بتسوي شنو |
زمان كانوا بقولوا الفى ايدو القلم ما بكتب روحو شقى
وهسه فى موسم لفت النظر
الفى ايدو الكيبورد شقى وابن ستين شقى
عارفك كنت عاوز تقول تلعب الزول ملوص
| |
|
|
|
|
|
|
|
|
|
Re: تشكيل محكمه شــعبيه بالبورد (Re: osly2)
|
العزيز جدا
اوسلي
التقدير والود
انا موافق لكن حكاية بدون صلاحيات تخليها زي الجمعية العامة للامم المتحدة..شغل ادانات بدون مقدرة علي تغيير الحال..وبيني وبينك بعني هي خلاص بس بقت علي دي..وحقو تاخد في الاعتبارالمناطق الختلفة للبورداب عشان كلهم يكونوا ممثلين..رغم انو حنط ليك ملوين واحد يقول ليم ماراضين بالزول دا..عارف يااوسلي المنبر دا داير زول يصمم ليهو برنامج كمبيوتر خاص ..مزود بكل المعلومات عن الاعضاء واللغة المستعملة ويخلوهو يشتغل ..كدا اتخيل معاي..شنو البحصل بعد تلاتة يوم من تشغيل البرنامج
اوفق علي كل مايمكن ان يعيد ترتيب المنبر
لك الشكر والتقدير
عبد الله جعفر
| |
|
|
|
|
|
|
|
|
|
Re: تشكيل محكمه شــعبيه بالبورد (Re: Abdalla Gaafar)
|
الرهيف الشفيف عبد الله جعفر
المشكله انو برنامجك دا يقوم يطور نفسه براهو ويقع فى الخلق
لفت نظر من طرف .. ثم الايقاف لاسبوع وشهر ثم الاحاله للصالح
اللفظى وبعد داك الشاف ناس ديل ما بتشـــاف
وغايتو لو البرمجه دى تمت الواحد يشيل طنبوره ويطلع اعلى نخله
ويغنى
لمن خلاص الزول كتب
واخر حرف من الحبر دفق نزل
منع الجهاز دا جاء من بعيد ناهر صهل
دافر حروف العفه قدامو ووصل
ناس النبذ النام رقد
والماسك الماوس قعد
مشغول هو بى خبر الجهاز
القالوا دور بالاحد
| |
|
|
|
|
|
|
|
|
|
Re: تشكيل محكمه شــعبيه بالبورد (Re: osly2)
|
عطاء
تعلن المحكمه الشعبيه المقترحه عن فتح باب التقديم لعطاءت لكافة
المهتمين بالشأن القانونى .
لتفصيل لوائح حسب الشروط المرفقه
آخر موعيد لقبول العطاءات اليوم الاول من اكتوبر
| |
|
|
|
|
|
|
| |
osly2
ahmed haneen
bint_alahfad
Muhib
عثمان عووضة
خضر عطا المنان
aosman
Ahmed Al Bashir
فيس بوك
تويتر
انستقرام
يوتيوب
بنتيريست