Post: #1
Title: تشكيل محكمه شــعبيه بالبورد
Author: osly2
Date: 09-10-2004, 11:21 AM
اقترح تشكيل محكمه شعبيه غير خاضعه لسلطات الاداره تقوم بالنظر
فى ما ينشب بين الاعضاء من مناوشات وقرارات هذه المحكمه ليست
ملزمه للاداره ولا مانع من ان تتبنى الاداره ما تراه مناسبا من احكام
اقترح التشكيل الاتى
مولانا خدر رئيسا
دكين نائب الرئيس بصلاحيات رئاسيه . زى جون قرنق .
عضوية
تاج السر الحسن
كمال عباس
ابو امنه
النصرى امين
ابو الريش .. متى ما جاء .
عثمان تراث
انسانه . دى لو ما رشحتها حتجى ترشح نفسها براها .
طه جعفر
بارعه
رأيكم شنو ؟
|
Post: #2
Title: Re: تشكيل محكمه شــعبيه بالبورد
Author: ahmed haneen
Date: 09-10-2004, 11:27 AM
Parent: #1
الرائع اوسلي
سلامات
مافي محكمة طوارئ
ولا عدالة ناجزة
لأني شايف البورد كلو لفت نظر
اعمل حسابك
|
Post: #3
Title: Re: تشكيل محكمه شــعبيه بالبورد
Author: bint_alahfad
Date: 09-10-2004, 11:32 AM
Parent: #1
ما موافقه.
وفى امان الله
لا اله الا الله
|
Post: #4
Title: Re: تشكيل محكمه شــعبيه بالبورد
Author: osly2
Date: 09-10-2004, 11:34 AM
Parent: #3
لو انت وافقتى كنت سحبت الاقتراح
|
Post: #5
Title: Re: تشكيل محكمه شــعبيه بالبورد
Author: osly2
Date: 09-10-2004, 11:38 AM
Parent: #4
المقاتل احمد حنين .. سـلامات
تأمل معى قادة التحريض
هل مصادفه ان يكون كلهم من معسكر الظلام ؟
اطمئن اخوك حافظ اللوائح صم
ابقى عشره انت على لسانك اقصد كيبوردك
|
Post: #6
Title: Re: تشكيل محكمه شــعبيه بالبورد
Author: هشام مدنى
Date: 09-10-2004, 11:55 AM
Parent: #5
العزيز اوسلى
ياصحبى اشارات المرور كتيره
خلها محكمت عمد احسن
|
Post: #7
Title: Re: تشكيل محكمه شــعبيه بالبورد
Author: osly2
Date: 09-10-2004, 12:20 PM
Parent: #6
المشكله يا هشام عندنا عمده واحد هنا
الا نسميها محكمة العمده الواحد
ابشرك يا هشام انك ستظل شاهد ديمه على وزن صائم ديمه
حتى يثبت للكل بمالايدع مجالا للشك انك انت هشام بلحمه ودمه
|
Post: #8
Title: Re: تشكيل محكمه شــعبيه بالبورد
Author: Muhib
Date: 09-10-2004, 12:48 PM
Parent: #7
دوما رائ الشعب اقوي ..فكره ثوريه استاذ اوسلي لاتخضع لاداره او حكومه .
|
Post: #9
Title: Re: تشكيل محكمه شــعبيه بالبورد
Author: osly2
Date: 09-10-2004, 12:54 PM
Parent: #8
الواضح جدا محب
يعلم الله اننى عندما نويت كتابة هذا المقترح كان اسمك فى ذاكرتى
ولكن عوامل التعريه التى اعترت الزاكره لها حكم اخر
شكرا للتشجيع
|
Post: #10
Title: Re: تشكيل محكمه شــعبيه بالبورد
Author: osly2
Date: 09-10-2004, 07:22 PM
Parent: #9
اها يا جماعه قلتوا شنو
عندى مشكله مع دينق جاهزه فى انتظاركم خائف ارفعها للاداره
الرسميه يقوموا يلفتوا ليه نظرو
اى شى ولا نظر دينق
|
Post: #11
Title: Re: تشكيل محكمه شــعبيه بالبورد
Author: عثمان عووضة
Date: 09-10-2004, 08:01 PM
Parent: #3
موافق
في امان الله
لا اله الا الله
|
Post: #12
Title: Re: تشكيل محكمه شــعبيه بالبورد
Author: osly2
Date: 09-10-2004, 08:14 PM
Parent: #11
عثمان عوووضه
من اليوم الخزلت فيه النخبه جنى واطلقت النار على رجليها بدل
رؤوسها انا افتش فيك ما لاقيك
بركه الجابتك المحكمه
اعمل حسابك بالطريقه دى حتقدم لهذه المحكمه بتهمة
سـرقة شعار
|
Post: #13
Title: Re: تشكيل محكمه شــعبيه بالبورد
Author: عثمان عووضة
Date: 09-10-2004, 08:20 PM
Parent: #12
osly2
اوسلي
انا غايتو ما كايس ليك لانو لاقيك طوالي في بوستاتك و مداخلاتك
بعدين شعار شنو السرقتو -- ياود امي كمان قلب الشهادة بقى حق زول؟؟
لا اله الا الله
و في امان الله
اها انا قلبت الشعار عشان مايتلخبت --كدة كويس معاك؟؟
|
Post: #14
Title: Re: تشكيل محكمه شــعبيه بالبورد
Author: osly2
Date: 09-10-2004, 08:33 PM
Parent: #13
برضو دى ما بتحلك حتقع تحت طائلة قانون الحركه
وتقع فى سين وتقيف بى جيم
لما قلبتها كنت سائر بسرعة كم ؟
وهاك يا رسم للحادث واذا كنت محظوظ يلفتو ليك نظرك
|
Post: #15
Title: Re: تشكيل محكمه شــعبيه بالبورد
Author: خضر عطا المنان
Date: 09-10-2004, 08:37 PM
Parent: #14
الحبيب : اوسلي 2
نؤيد بشدة .. لاننا ناس شعبيين شديد !!!
المهم اذا ما عندكم مانع خلوني انا حاجب !!!
عشان اي عضو منهم يفرفر اثناء مداوالات المحكمة يشيل شيلتو !!
تحياتي .
خضر عطا المنان
|
Post: #16
Title: Re: تشكيل محكمه شــعبيه بالبورد
Author: osly2
Date: 09-10-2004, 08:50 PM
Parent: #15
شكلك جاى بعكازك يا خضر وفى الحاله دى اسم الوظيفه حيتغير
لى فالق
تنفع كاتب طولحالات .. اسم عرضحالات مسجل باسم المحاكم الغير شعبيه
شكرا على التأييد
|
Post: #24
Title: Re: تشكيل محكمه شــعبيه بالبورد
Author: osly2
Date: 09-11-2004, 07:25 AM
Parent: #16
addos
mra wa7da bas
giblna leek mwafeeg
ma mwafeeg de seeba al mra al jaya
|
Post: #17
Title: Re: تشكيل محكمه شــعبيه بالبورد
Author: aosman
Date: 09-10-2004, 09:02 PM
Parent: #1
موافق و ما موافق.
وفى امان الله
لا اله الا الله
|
Post: #18
Title: Re: تشكيل محكمه شــعبيه بالبورد
Author: عثمان عووضة
Date: 09-10-2004, 09:07 PM
Parent: #17
اوسلي
اكان كدي الله لا يسويك قاضي وكان سواك قاضي يخليك من الهديين و رضيين الواحد يمرق منهم زي الشعرة من العجين ويمسح شنبهم بي طرادة (25 قرش)
|
Post: #19
Title: Re: تشكيل محكمه شــعبيه بالبورد
Author: عثمان عووضة
Date: 09-10-2004, 09:12 PM
Parent: #18
| Quote: المهم اذا ما عندكم مانع خلوني انا حاجب |
خدر الحاجب دا هسع يلفتوا نظرو كيف -- لانو قالو النظر مبيعلى على الحاجب
| Quote: عشان اي عضو منهم يفرفر اثناء مداوالات المحكمة يشيل شيلتو |
دي خليها يشيل حاجبو بدل شيلتو
|
Post: #20
Title: Re: تشكيل محكمه شــعبيه بالبورد
Author: osly2
Date: 09-10-2004, 09:16 PM
Parent: #17
aosman
ردك ارسلته على بريدك الغير خاص
|
Post: #21
Title: Re: تشكيل محكمه شــعبيه بالبورد
Author: osly2
Date: 09-10-2004, 09:27 PM
Parent: #20
عثمان عووضه
بيقولوا الحاجب لفتو معا
وفى غيابك ياما تكد الدوم
رأيك شنو فى وظيفة محاسب محكمه ؟
الزول البمسح الشنب بطراده اكيد بكون حريص على المال الطفح وعام
|
Post: #22
Title: Re: تشكيل محكمه شــعبيه بالبورد
Author: عثمان عووضة
Date: 09-10-2004, 09:50 PM
Parent: #21
انت يا اوسلي ما عارف الطرادة دي زمان كانت بتسوي شنو
1- نص كيلو ضان من عمك ابشر-الله يرحمو - في سوق الدناقلة جنوب ومعاها عشرة ونسة مع ابو داؤود بي عربيته الفورد الخدراء موديل 58
2-ملاحين -غالبا ملوخية اوبامية فرك - ورجلة او بطاطس او بامبي او قرع
3-سلطة خدراء(عجور + طماطم + جرجير + كم قرن شطة خدراء)
4-ورقتين كستر للتحلية او بتيخة صغيرة
5-سجارتين ماتينيه أو تلاتة سجارات برنجي
تقول لي عبد الحميد قال لي
ولو ما خايف من لفت النظر كان وريتك تاني بتسوي شنو
|
Post: #23
Title: Re: تشكيل محكمه شــعبيه بالبورد
Author: osly2
Date: 09-11-2004, 03:05 AM
Parent: #22
| Quote: ولو ما خايف من لفت النظر كان وريتك تاني بتسوي شنو |
زمان كانوا بقولوا الفى ايدو القلم ما بكتب روحو شقى
وهسه فى موسم لفت النظر
الفى ايدو الكيبورد شقى وابن ستين شقى
عارفك كنت عاوز تقول تلعب الزول ملوص
|
Post: #25
Title: Re: تشكيل محكمه شــعبيه بالبورد
Author: Abdalla Gaafar
Date: 09-11-2004, 08:06 AM
Parent: #1
العزيز جدا
اوسلي
التقدير والود
انا موافق لكن حكاية بدون صلاحيات تخليها زي الجمعية العامة للامم المتحدة..شغل ادانات بدون مقدرة علي تغيير الحال..وبيني وبينك بعني هي خلاص بس بقت علي دي..وحقو تاخد في الاعتبارالمناطق الختلفة للبورداب عشان كلهم يكونوا ممثلين..رغم انو حنط ليك ملوين واحد يقول ليم ماراضين بالزول دا..عارف يااوسلي المنبر دا داير زول يصمم ليهو برنامج كمبيوتر خاص ..مزود بكل المعلومات عن الاعضاء واللغة المستعملة ويخلوهو يشتغل ..كدا اتخيل معاي..شنو البحصل بعد تلاتة يوم من تشغيل البرنامج
اوفق علي كل مايمكن ان يعيد ترتيب المنبر
لك الشكر والتقدير
عبد الله جعفر
|
Post: #26
Title: Re: تشكيل محكمه شــعبيه بالبورد
Author: osly2
Date: 09-11-2004, 08:39 AM
Parent: #25
الرهيف الشفيف عبد الله جعفر
المشكله انو برنامجك دا يقوم يطور نفسه براهو ويقع فى الخلق
لفت نظر من طرف .. ثم الايقاف لاسبوع وشهر ثم الاحاله للصالح
اللفظى وبعد داك الشاف ناس ديل ما بتشـــاف
وغايتو لو البرمجه دى تمت الواحد يشيل طنبوره ويطلع اعلى نخله
ويغنى
لمن خلاص الزول كتب
واخر حرف من الحبر دفق نزل
منع الجهاز دا جاء من بعيد ناهر صهل
دافر حروف العفه قدامو ووصل
ناس النبذ النام رقد
والماسك الماوس قعد
مشغول هو بى خبر الجهاز
القالوا دور بالاحد
|
Post: #27
Title: Re: تشكيل محكمه شــعبيه بالبورد
Author: osly2
Date: 09-11-2004, 09:26 AM
Parent: #26
عطاء
تعلن المحكمه الشعبيه المقترحه عن فتح باب التقديم لعطاءت لكافة
المهتمين بالشأن القانونى .
لتفصيل لوائح حسب الشروط المرفقه
آخر موعيد لقبول العطاءات اليوم الاول من اكتوبر
|
Post: #28
Title: Re: تشكيل محكمه شــعبيه بالبورد
Author: Ahmed Al Bashir
Date: 09-11-2004, 02:04 PM
Parent: #1
نؤيد و بشدة تجسيد الارادة الشعبيه
|
Post: #29
Title: Re: تشكيل محكمه شــعبيه بالبورد
Author: osly2
Date: 09-11-2004, 03:55 PM
Parent: #28
احمد البشـــــــير
جهز الكرفته لزوم المرافعات
وافتح مكتب قريب من مقر المحكمه
|
|