|
الاثنين 22/3/2004امتحانات الشهادةالسودانية احبائى دعواتكم معى لوحيدتى شيماء
|
شيماء يا نفس همس القصائد شلناك الفة وطيبة خاطر وكلمة حنينة فى دفتر شاعر .. وجهك المضىء يرتسم ويبتسم امامنا ونشهد له بان اجمل مافى الدنيا اتوزع فيك وكفى ... نهديك فرح البدايات والق النهايات ... وانت تهدينا باذن الله عطر النجاح والسمو والارتقاء بنجاحك فى امتحانات الشهادة السودانية . ان شاء الله تعود الغيمة الشاردة بالخير والامل والرجاء ... وانت كوعد الغيمة فينا ... تجود الغيمة بالخير و تجودين انت بالفرح والنجاحات وهو عرفان بالجميل ورد بالوفاء لاهل العطاء . وسياتى نجاحك باذن الله امتدادا لنجاحات وضاح لتحققى لنا كما من العزة والفرح . احبائى دعواتكم معى بنجاح شيماء بعد اصرارها على الجلوس للامتحان من السودان بعد ان ظلمنا البشير واعوانه ولم نجد انصاف طول هذه السنين للتعليم ومازالت مشكلة التعليم قائمة ولا نقتصر هذه المشكلة فى البورد فقط . وكما قالت شيماء ( امتحن من الامارات عشان لو جبت 99،9 لا استطيع دخول اى جامعة او الكلية التى ارغبهابعد ما عمر البشير يشيل الحداشر فى المية بتاعته تقول قاعد يذاكر معانا واقرأ بستة الف دولار قايلنى عويره ليه ) حتى صغارنا شاعرين بالالم والقهر ومهما دفعنا من ضرائب الحال فى حاله. احبائى دعواتكم معى لوحيدتى شيماء بالنجاح والتفوق .... امال ام وضاح
|
|
|
|
|
|
|
|
Re: الاثنين 22/3/2004امتحانات الشهادةالسودانية احبائى دعواتكم معى لوحيدتى ش (Re: essam&amal)
|
والله يا أم وضاح قلوبنا معك ومع شيماء وكل الممتحنين في كل بقاع السودان الحبيب وفي المراكز الخارجية (الرياض/جدة) ولدينا نفس المعاناة من السعودية ما كفى عمر البشير ضرائبنا وزكاتنا ومختلف الرسوم حتى جار على درجات أبنائنا ...
رغم كل ذلك نتمنى للجميع التوفيق والنجاح ولن نقول كما قال ذلك الموصوف بأنه مسؤول في قطاع التعليم وهو لا يصلح ليكون مسؤول عن قطاع الكارو حيث قال عن حسم النسب بأنه لولم يتم ذلك سيأخذ ((((أولاد المغتربين فرص أولادنا)))))...
يعني أولاد المغتربين يا ربي أولاد منو ؟؟؟ ولا أولاد شنو في نظر هؤلاء ...
الأهم في هذه اللحظان أن نرفع أيادينا جميعاً مبتهلين إلى الله العزيز الحكيم ألا تحدث مأساة العام الماضي وتنكشف الامتحانات وتباع في الشوارع علناً ويصاب أبنائنا في كل بقاع الوطن بالإحباط.
ولعنة الله على المذكور أعلاه ...
....
| |
|
|
|
|
|
|
Re: الاثنين 22/3/2004امتحانات الشهادةالسودانية احبائى دعواتكم معى لوحيدتى ش (Re: essam&amal)
|
الاعزاء العوض نزار حسين محمد الشيخ الشايقى شكرا ليكم على الوقفة الرائعة والامانى الجميلة وانا والله فى حالة عجيبة من التوتر والقلق ولكن اطمأنيت على وقفتكم معاى . الله يجازى الكان السبب والله يا اخ الشايقى عندى حبوبتى عندها مقولة من زمن عبد الله خليل وازهرى وبعدهم البلاوى المتلتله تقوم من النوم تقول يا حليل الانجليز هسه الجوا ديل شن طعمهم ويقوموا اولادها يشبوا فيها يمه عليك الله اسكتى انت ما عارفة حاجة ساكت تقول ليهم خلاص شبيتوا فينى اها انا سكت وتقول قولتها الشهيرة ( المغص كتير لكن يفتوا لى منو ) . ونحن فصاحة لسان ما قادرين نفتوا . الله ينجح الاولاد والبنات الممتحنين من كل بقاع الدنيا قولوا آمين . امال ام وضاح
| |
|
|
|
|
|
|
Re: الاثنين 22/3/2004امتحانات الشهادةالسودانية احبائى دعواتكم معى لوحيدتى ش (Re: essam&amal)
|
ابو ساندرا ان شاء الله التومات يتألقن ويهدونكم الفرح والنجاحات تمنياتى لكن وشيماء ان تكونن من الاوائل باذنه تعالى . ابو يسرا لك الشكر وربنا يحقق كل الامانى لابنائنا جميعا . ود قاسم الهميم ما قصرت ربنا يجبر خاطرنا جميعا بنجاح شيماء وتومات ابو ساندرا سارا وسولارا . على عثمان زميل النيمة الظليلة وينك يا راجل ليك وحشة بالله ادينا طلة عليك الله . وعقبال نجاح الحلوين اولادك يا رب ونحتفل تحت النيمة . حنونة الحنينة وينك يا بت امى ما ظهرت تانى مالك والله زعلانين نيمتنا دى بتتفات عليك الله تعالى نوريها . لك الشكر وربنا يجبر خاطرنا ان شاء الله بالنجاح انا ورشيدة ام التومات . ديمقراطى ان شاء الله الديمقراطية نلقاها فى التعليم قبل اة شىء ، لك الشكر ولك الود. ولكم جميعا القيام .. امال ام وضاح
| |
|
|
|
|
|
|
Re: الاثنين 22/3/2004امتحانات الشهادةالسودانية احبائى دعواتكم معى لوحيدتى ش (Re: essam&amal)
|
ابو ساندرا شايل قرعتك من بوست لى بوستت وشحد
عينى بارده هن اتنين ومستكثر عليهن الفرد بوست
اها ناس سارا وسولارا ديل داير ليهن نجاح بس والا نجاح وعرس عشان
نكبر ليك الفاتحه.
بركة ربى ياسولارا وساره
تجيبن الشهادات الحاره
واحده دكتوره والتانيه مهندسة طياره
ويجوكن العرسان البعرفوا الدباره
وابوكن يركب اللاندكروزر بدل الحماره
ويركب العدسات محل النضاره
وامكم تتبور باللكزس حاره حاره
وتانى بدل الشحده دى سوى ليك بوست براك عشان نجدع فوقو بى راحتنا.
انشاء الله يا ابو ساندرا تسمع بى نجاحن وتشوف جديدن،،،،،
| |
|
|
|
|
|
|
Re: الاثنين 22/3/2004امتحانات الشهادةالسودانية احبائى دعواتكم معى لوحيدتى ش (Re: essam&amal)
|
الحبيبات رجاء ومشاعر لكن الحب بقدر ما قدمتن من امنيات وان شاء الله النجاح حليفكن فى كل شىء . الامنيات لبنات رشيدة بالنجاح ولامجد طارق وكل شباب السودان . الاعزاء الافاضل صديق الموج والله قصيدة بنات ابوساندرا حلوة وتسلم يا ظريف . كبسيبة غايتوا صورتك دى ان شاء الله تكف لينا العين والبنات ينجحن نجاح تمام . ومشكور وعقبال كل النجاحات . اعزائى اسعد والشريف لكم الشكر وعقبال اولادكم وبناتكم وما قصرتوا ابدا يديكم العافية . امال ام وضاح
| |
|
|
|
|
|
|
Re: الاثنين 22/3/2004امتحانات الشهادةالسودانية احبائى دعواتكم معى لوحيدتى ش (Re: essam&amal)
|
1- ودقاسم شكرآ يا حبيب ويوم فرح فدوى حا أركز في وسط الدايرة وشبال فوزية يسطر جبهتي ذي شلوخ النوير 2- حنينه مشكورة وإنشاء الله نجيك في الأفراح 3- آمال أهو أصبحنا شركاء في البوست انا التلتين وانتي التلت 4-رجاء بت العباسي الحقانية عاجزين عن شكرك ، وليك على يوم فرحك أشعل الدنيا إحتفالات ومهرجانات ، بالمناسبة التومات ديل طوال دينكا بس
5- الموج وختامها مسك ، قلت شنو أركب الحمارة ، الليلة شيل شيلتك معاها! ، أكيد حا تبني بينك وبينها { كاسر أمواج } تشكر يا صديق يا { صديق}
| |
|
|
|
|
|
|
Re: الاثنين 22/3/2004امتحانات الشهادةالسودانية احبائى دعواتكم معى لوحيدتى ش (Re: essam&amal)
|
انشاء الله يا ملكة سبأ
يجيك من اختك سمح النبا
وساره تجيب الشهاده المكربه
ويجيها العريس عالى المرتبه
العربيتو ماها مكركبه
وقراشا يفتح كهرباء
وغرف نومو حرير ومذهبه
ويبعد عنكن كل وباء
بركة من صلى على النبى وقال مرحبا
بعدين مادام البوست بقى ثلاثى والله ما بخليه كده
لازم رباعى عشان حيدر ولدى برضو ممتحن وده كمان شهاده عربيه
الله يبعد منو حرامية 11% .
اها يلا نسمعكم برضوا..............
| |
|
|
|
|
|
|
Re: الاثنين 22/3/2004امتحانات الشهادةالسودانية احبائى دعواتكم معى لوحيدتى ش (Re: essam&amal)
|
بيان العظيمة لك الشكر يا حبيبة والله لدى صديقة طلبت منى ان اسال عن الجامعة الاسلامية فى ماليزيا سوف اكتب لك فى الماسنجر لتفاصيل اكتر . ابو ساندرا همباتى عديل كدة تشيل التلتين اها جات الملكة وانا حاديها البوست كلة شوف ليك بوست تانى ان شاء الله يا الملكة النجاح والفلاح يلازموا سارة البارة وقصيدتها عسل عديل . ندى امين يا رقيقة والله التوب يخلوه ليك اوعى تطليعيه خليه مشروع حجاب ظريف ان شاء الله النجاح حليفك دائما . صديق ان شاء الله ربنا يديك العافية وينجح ولدك يارب من الاوائل . حيدر وامجد وسارة والتومات وسيماء من المتفوقين يا رب . امال ام وضاح ا
| |
|
|
|
|
|
|
|