|
|
 مقتيل اشخاص وإصابه ودشندي بجروح ببوست مفخخ
|
يا أخوانا ....
كدي روقو المنقه ...
وقلولو إستغفر الله...
الموت حق والحياه باطله...
سمح ... كدي اشربو المويه...
وزيدو النبي صلاه( عليو الصلاه والسلام)
كان العنوان يكون احر من كدا لكن خفت علي تمادر بت الشيخ وبيان وبت الحسين يشيلن تيبانن ويقومن يكوسن بالإستباليات
ويدخلن عنبر عنبر ..
ويتفرقن ويتلاقن... ويتفرقن ويتلاقن... ويتفرقن ويتلاقن
اها لقيتيهو...
بري يعميني فيهو...
بت الشيخ باختي استهدي بالله وارفعي التوب في كتفك
بابت الحسين كدي اسقي جاهلك دا حبه مويه يهاتي من العطش
بت الاحفاد : دي ماطريقه دي لازم كان تتأكدو من الخبر اولاً (طبعاً ديل ناس لفض ومنطق سااااااااااااااي)
ودقاسم حوشو مليان وناس قاعده فوق عقاب الضل والنص التاني في الصقيعه الحمره وقافل الشارع من هني ومن هني والبراميل مليانات مويه وحريم العواسه كيمان ...كيمان واللوري بنزل في حطب العواسه
اصل الخبر لامن جريده الدار ... ولا جابتو التايا بت جبار
مقتل أشخاص وإصابه ودشندي بجروح ببوستات مفخخه وسودانيزاونلاين تتبني العمليه.....
.
..
...
يا اخونا الحوش الوسيع اظنو ضاق شويه والا الناس زادو والا النفوس بقت مي طيبه ... الحكايه شنو
****************
ناس ترفد ...
وناس تقيف بلا سبب...
وناس تبيع...
كدي استهدو بالله وزيدو النبي صلاه تاني...
وقولو استغفر الله ...
وترجع حليمه لي قديمه
دا شمار فنجان جبنه ساكت
واعفو مننا
تماضر ،بت الحسين ، بيان ، بت الاحفاد، شيخ العرب ودقاسم
في مان الله،،،
|
|
 
|
|
|
|
|
|
|
|
Re: مقتيل اشخاص وإصابه ودشندي بجروح ببوست مفخخ (Re: ود شندي)
|
ود شندي
سلامتك يا أخي ، ربنا يحفظك من كل شر ،،
والله يرحم موتانا ،،
إنت من زمن ود قاسم شيخ عرب ، والله يا دوبك عايز تجيب لي نفسك الجروح ،، مش طلع ثعلب ؟!
تعرف يا ود شندي الحاصل في البورد ما هو شيتا غريب ، السودانيين اعتادوا إنهم يقولوا إنهم ناس كويسين ( ده لو ما قالوا إنهم أحسن ناس ) لكن للأسف يرسبون في أول اختبار ،، هذه عادتنا ،
النسوان ممكن يحلّن بعض المشاكل ، زمان حبوبتي كانت بتحل مشاكل كثيرة جدا ، وكانت ست شورة ، وكانت تأمر فينفذ أمرها وتنهي فيلتزم الناس نهيها ، لكن ذلك لم يكن من فراغ ،، النسوان المعانا في البورد ديل فيهم واحدات ما ممكن يعيشن بلا مشاكل ،، ومنهم واحدات يفتشن للمشاكل في كل مكان وزمان ، ومنهم واحدات تختهم فوق الجرح يبرأ ..
في رجال في البورد برضهم زي النسوان ديل ، في ناس عسل بس ، وفي ناس والله البصل أخير ،،
والمشاكل في البورد ما بتتحلحل إلا إذا الناس دي كل زول قعد مع نفسو وقهر الشيطان اللي جواها ، وقال يا بارئ ، ويا رحمن يا رحيم ، واتولد من جديد ، ولبس هدوم العيد ، وطرد الأنانية بعيد ..
قيل أن آفة الرأي الهوى ،، وكثير منا للأسف يقوده هواه ،، ولا يرى إلا عند نعلاه ، ووشه يلعن قفاه ..
سلامتك ود شندي ، أشهد أنك أصيل ، وأجواد ، وأخو أخوان ،
خاطب وللا نخطب ليك عندنا في الرياض ؟
| |
|
|
|
|
|
|
|
|
 Re: مقتيل اشخاص وإصابه ودشندي بجروح ببوست مفخخ (Re: ود شندي)
|
هذا وقد افادت الأنباء الواردة من شندود
بأنه تمت اصابة خمسة عشر شخصا بجروح في الحادث
المذكور،اصابة ثلاثة منهم خطرة وتم نقلهم بواسطة
اسعافات البورد الي خارج المنطقة حتي يتلقوا العلاج
وقد تبنت احدي منظمات الجهاد البوردي الحادثة وقالت
في بيان تلقت وكالة شندود نسخة قالت ان هذه اولي عملياتها
وسوف تتواصل قوافل الأنتحارين،،،
صورة اخري
لم يتم العثور علي جثمان ود شندي في منطقة الحادث
ولكن احد شهود العيان افاد بأنه قد شاهده يركض خلف
الأسعاف وهو يعاني من اصابات بسيطة،، والجدير بالذكر
ان اخوات المذكور ، بت الشيخ ،وبيان ، وبت الحسين
قد ذهبنا الي المستشفي ولم يعثرن عليه وجلسن يندبن
عليه ،،حليلو ود شندي مقنع الكاشفات ،،حليلوا البدفع
الألوف ، ويكرم الضيوف،
وما زال النواح مستمر،، وبعض الأخوان يجمعون في مصاريف
تسفير الجثمان للوطن ( بختك يا ود شندي كشف مدنكل)
وسوف نوافيك بالمزيد من الأخبار في نشراتنا القادمة
| |
|
|
|
|
|
|
|
|
|
Re: مقتيل اشخاص وإصابه ودشندي بجروح ببوست مفخخ (Re: ahmed haneen)
|
ودقاسم
إياك مرق القبايل
الفيك تسند المايلا
فراج كبه الهم ابقبايلاً جايلا
حديثك سمح بالحيّل
وبدورلو زولاً فرشلو برش وقاعد متحكر فوق نصو
وخات ركبتو فوق حنكو
وعند حداثه(عصا محنوفه)
وقاعد يشخط في الواطه
بعد ما يلحق تتلاته جرات ( شختات)
يعقبه بواحد من تحت
| Quote: خاطب وللا نخطب ليك عندنا في الرياض ؟ |
بعدين حكايه الشريط الفوق دا
امانه ما جيتني فوق ازاء
والحديث فوقو بدورلو
شاهيناً مقنن
ولبنو ضان
ونقعد عند صالونك
ابكراسياً وهيطه دا
لا عن هني أقعد عافيه
وإن حيين بتلاقه
| |
|
|
|
|
|
|
|
|
|
Re: مقتيل اشخاص وإصابه ودشندي بجروح ببوست مفخخ (Re: ahmed haneen)
|
اختي
بيان
صادق الموده لشخصك العظيم
ما تشيل هم...
ما احسه الآن ....
هي الخطوات الاول لتلميذ الاعدادي
التي تبدأ ايامه الاولي بالتمرد ، وتثاقل الخطي ، عندما ينظر لشكل الحياه خارج البيت ...
.
..
...
نريد ان نلتقي في (حوش بكري - وطنا الصغير) بكل صفاء وتسامح ومحبه
واطمنك اختي
وهاك من دار جعل
أخوك يا بيان أخوك وقت الخيول يدبكن
أخوك يا بيان أخوك وقت الرماح اشبكن
أخوك جبل الثبات وقت القوافي يحبكن
كم بكيت وكم قشيت دموع الببكن
ود حنين
شنو ليك بعد دا في رخُو؟؟
| |
|
|
|
|
|
|
| |
ود شندي
ودقاسم
ahmed haneen
bayan
فيس بوك
تويتر
انستقرام
يوتيوب
بنتيريست