|
Re: When Families Say No! (Re: القلب النابض)
|
كل شكري وامتناني لك أيها القلب النابض ... لا تخجلوا تواضعي أيها الأعزاء، لست اكثر من ناقلة لما يدور في الواقع .. انظروا حولكم وسترون مئات الروايات التي تعجز أفضل الاقلام عن صياغتها
خالص تمنياتي
| |
|
|
|
|
|
|
تبلدينا (Re: Tabaldina)
|
العزيز تبلدينا ... ما أثرته من تساؤلات هام للغاية واسمح لي بالاحتفاظ به حتى نهاية الأحداث لنناقشه بتوسع ... لك كل الشكر على المتابعة والاهتمام
| |
|
|
|
|
|
|
Re: When Families Say No! (Re: Dima)
|
الغاليه ديما احمد الله انو انا حظي احسن ومرقت من حكايه شحتفه الروح دي لانو قريت كميه معتبره مره واحده والله قصه حلوه ومشوقه وتستثير كل ذره شمار فيني ديما ادامك الله
| |
|
|
|
|
|
|
Delay! (Re: Dima)
|
يا شباب ... رجاء المعذرة، حلقة اليوم متأخرة شوية .. كان في كورة زي ما قال كحلوش
راجعين
| |
|
|
|
|
|
|
Re: Delay! (Re: Dima)
|
dear dima please when finish this let me know via the messenger thanx for your kindness
| |
|
|
|
|
|
|
Re: When Families Say No! (Re: Dima)
|
العزيزة والأديبة والقاصة الكبيرة ديما
أولا دعيني اشد على يديك ، وأهنئك تهنئة خالصة على هذا الإبداع
اللامتناهي وهذا التسلسل الدرامي ، الذي ان دل على شيء فانما
يدل على أننا موعودين بقاصة لا يشق لها غبار ويكفينا فخرا
أن نكون أول شاهد على باكورة أعمالك ، والتي نتمنى أن
تتواصل
ولك مني كل تقدير
بس بيني وبينك آدم كان أمريكي برضو أمريكي جعلي !!!!ولا رأيك شنو ؟؟
تحياتي
الجعلي
| |
|
|
|
|
|
|
Re: When Families Say No! (Re: الجعلي)
|
الأخ العزيز الجعلي، لك كل الشكر على الكلمات الرائعة والممكن تخللي الراس يبقى كبييييييييييييير .. أعمل حسابك .. إن شاء الله بعد أن تنتهي الأحداث سنتحدث بالتفصيل عن الشخصيات والملابسات .. لكن فقط كلمة صغيرة في أذنك، هذه ليست أول تجربة .. لكن يمكن أن تقول اطول تجربة لأنها وصلت حتى الآن لنحو 15.000 كلمة .. لنا موعد آخر بعد النهاية و... الجعولية دي ما في الشمالية بس، ولا شنو؟
شكراً ودمتم
| |
|
|
|
|
|
|
Re: When Families Say No! (Re: Dima)
|
Dima
only one day left to my exam
and I am still checking ur story every now and then!
pls make du3a for me to pass all my exams and CWS
waitting
wa fee aman Allah
La illah ila Allah
| |
|
|
|
|
|
|
Re: When Families Say No! (Re: bint_alahfad)
|
You will be just fine my dear. I suggest you leave it for now, may be when you come back you find it all in one piece. All the best for your exams and CWs. I know you will do very well! Best wishes,
Dima
| |
|
|
|
|
|
|
Re: When Families Say No! (Re: Dima)
|
شباب البورد سلاماااااااااااات مش في مثل سوداني بقول كاتل نفسه ولا مبكيا عليه وتاني واحد بقول انا شلت صباعي طبزت بيه عيني غايته ما بعرف علاقة الامثال شنو لكن بس البقوله انا الجابني هنا شنو ؟ ما كل يوم بتاوق لي العنوان وبمشي منه على أي حال ابو سارة اسي بيكون ضربها ضرب شفاء مش يخليها ما تنطق بس اما احمد ده ولد اضينة ساكت شنو ولد كبير كده وامه تمشي فيه يمين وشمال اجي ؟؟ اوكي ديما والله انت فلتة في الزمن ده
| |
|
|
|
|
|
|
Re: When Families Say No! (Re: BitAlhana)
|
سلام مربع
عارفه يا ديمه انا كملت كل انواع المكسارات وفي انتظار نهاية قصتك ذكرتيني زمان كنت بخاف اموت وما اشوف نهاية المسلسل غايتي اعفي لي لاني نقلت شمار قصتك لامي العزيزة وصديقاتها وكل ما اقول اها شوفت سارة عملت شنو القيى ليك كبابي القهوة والشاي كلها ممدودة لي دا كلو عشان اكمل ليهم قصتك خليك كده ما تكمليها هسع لانو انا مستفيدة من المسلسل اللذيذ دا الله يديك العافية حقيقي ابداع تشويق حركة المشاهد وتثبيب الصور قمة في الجمال تسلمي يا طبيه
| |
|
|
|
|
|
|
Re: When Families Say No! (Re: BitAlhana)
|
العزيزة بت الهنا، الحمد لله إنك شاورت عقلك ودخلتي، لكن ما فاضل كثير ما تخافي ... بإذن الله نسمع أرائك في الجماعة بعد انتهاء الأحداث، أنا على يقين إن كل واحد عنده حاجة عايز يقولها ... لكن ما تستغربي من حاجة، الواقع فيه أكثر من كده تحياتي
| |
|
|
|
|
|
|
Re: When Families Say No! (Re: Dima)
|
ياربي حيحصل شنو ؟؟؟؟؟؟؟؟؟؟ ويتواصل الابداع ياديمه ، بس عليك الله كان ماخفيتي يدك شويه ، يابت ورانا قراية، غايتو كان سقطته ، حاخت اللوم عليك انتي وعبير وسارة واحمد وادم دمت لي ياغالية.
| |
|
|
|
|
|
|
Re: When Families Say No! (Re: كحلوش)
|
ديما
حقيقة قصة رائعة جدا ومؤثرة خصوصا انها تحمل في داخلها موقفا نعيشه .الان
. شكرا على هذا الابداع
ودعائي لك بالتوفيق والسداد في الدنيا والاخرة
خال العيال
| |
|
|
|
|
|
|
Re: When Families Say No! (Re: Dima)
|
أهل البيت ... عسوله، بنت الاحفاد ، كحلوش ، أسامة الخاتم وكل معاودي الزيارة .. دائماً تسعدني رسائلكم لكن كما تعلمون واجبات الضيافة تقتضي الرد على القادمين الجدد أولاً ... شكراً للجميع ونلتقي مساء
راجعيييييييييييييييين
| |
|
|
|
|
|
|
Re: When Families Say No! (Re: Dima)
|
حسي آدم بتاع امريكا ده جه من آخر الدنيا يخطب سارا وصاحبنا التاني المسافة شارعين ونص قال ليها مامي ما رضت وداير يسافر تاني؟ أسمعي يا ديما اديني تلفون عبير دي ولا اقول ليك وصيه ليها عمر ده ترميه في أول مفترق وتكون معاها جركانة موية عشان تكبها وراه يقوم ينساب ما يجيها راجع تاني وصلت؟ يا بت امي قصتك دي خلتنا نعيشها جد جد, وفيها كثير من الرموز والاحداث الواقعية طبعا رائعة دي قلناها ليكي زمان لاكن بالجد أحلى مافي قصتك أن اسلوبها جديييييد ومبتكر غايتوا ما باعرف السيناريوهات بكتبوها كيفو لاكن شكلك كدة تمشي تسألي تماضر وهى توريك االسكة عشان حرام موهبة زي دي تتدفن ........ بالمناسبة يا ديماسمعت اشاعة قالوا شركات الاعلانات بتتفاوض مع بكري تنزل اعلانات في صفحتك وبكري مكتم على الموضوع والعرض التاني قالوا ناس المستقبل والال بي سي حيبطلوا يشتروا المسلسلات المكسيكية و منشنين عليكي في الدورة البرامجية القادمة انا غايتو قلتا اوري ديما حبيبتي دي عشان ما تنساني معاها زولة123 مع الاعتذار لي بكري والقنوات المذكورة
| |
|
|
|
|
|
|
Re: When Families Say No! (Re: Dima)
|
والله ياديما سليت روحنا عديل كده كل مرة اقول خلاص يابت امى عبير وسارة ديل بعرسوا الوليدات ديل ولا لا الحلقة الاخيرة متين عشان نجهز المناديل للبكاء والله قصة مبالغة بس الله ساكت ينهيها
| |
|
|
|
|
|
|
Re: When Families Say No! (Re: Dima)
|
ديمة طبعاالشافني خشيت في شكلة مع بتاع المحل بتاع الكافي بتاع النت عشان البتاع،ما كضب المهم، انا قاعد حارس المشلشل، وقروسي سوية. فعسان كده ، عليك الله شريع ماتودينا الشجن،ويبقى علينا الاتنين ،شجن ، وما عرفنا الحصل سنو
| |
|
|
|
|
|
|
Re: When Families Say No! (Re: Dima)
|
يا أحباب ... أعتذر بشده عن عدم نشر حلقة اليوم لدواعي فنية بحتة .. بإذن الله ستجدون الحلقة منشورة غذاً وقبل المواعيد المعهودة .. لكم العتبى حتى ترضوا ونلتقي
| |
|
|
|
|
|
|
Re: When Families Say No! (Re: Dima)
|
بالغت يا ديما قطعتيهافي حتة حساسة جد.. لوول... لكن والله إستمتعت جدا بالقصة وبإسلوبك الجميل وعلى فكرة حتى ماما متابعاها وتهديك تحياتها...
| |
|
|
|
|
|
|
Re: When Families Say No! (Re: Dima)
|
عزيزتي ديما......
أنت أديبة وكاتبة رائعة بكل ماتعنيه كلمة رائعة ومتمكنة في كتاباتك التي نجد فيها متعة ونقتبس منها فائدة مستلهمة منها خواطر وأفكار.
تسلسل الأفكار جميل لدرجة التشويق فأرجو ان تحافظي عليه كما هو ، نريد معرفة أدق التفاصيل (مين عارف ممكن الواحد يمر بالموقف ده ) !!!!
آتمنى لك التوفيق والمزيد المزيد والله يوفقك ..
خال العيال
| |
|
|
|
|
|
|
Re: When Families Say No! (Re: Dima)
|
قرجة ياخوى لما تصحى من تومتك بتلقى ناس الراكوبة رحلوا احسن ليك ماتفوتك الحلقة الاخيرة انا بمشى باقى الفريق واجى امكن القى حاجة جديدة
| |
|
|
|
|
|
|
Re: When Families Say No! (Re: Tabaldina)
|
قرجة نام واظنو كان متعشي تقيل
وقعد يهضرب
الكترابة
التنجضك يا احمد افوووو عليك
الزي عبير دي بزعلوها
الترابة التكيل خشمك وخشم امك
اكان فوتها
شينة منك لكن....حسع الخواجة يقول عليك شنو
اخخخخخخخ خووووووو اووففففففف
الخواجة النجيض
عافي منك
انت اكيد جعلي الخواجات سرقوك مننا
صحي والله ما بزيل بلم....العلم ما بزيل بلم
في حاجات كتيرة لازم تتخلط بالعلم شان نبقى ناس متحضرة
المواقف .. المواقف......متين تكون عندنا حاجاتنا الما بنساوم فيها
ليه نحن من تصبح ممكن نساوم في كل شئ
في حبنا
في اختيارنا
ليه التردد والسكة واضحة قدامنا
| |
|
|
|
|
|
|
Re: When Families Say No! (Re: garjah)
|
يا سلام يا قرجه ... شكله كده النوم بيجيب نتائج رهيبه .. يا ربي أخليه ينوم يوم ثاني يمكن يجيب النهاية؟
راجعين في موعدنا زيكو وتبلدينا ما بنقدر على الزعل
| |
|
|
|
|
|
|
Re: When Families Say No! (Re: Dima)
|
رائعتي المبدعة جداً ديما ماشاء الله عليك وعلى قلمك واحساسك واسترسالك في سرد هذه القصة الشيقة والمشحتفة كما يقول البعض بتعليقاتهم الذي العسل جمالها في واقعياتها
رغم ياستي الاهل بيعملوا اكتر من كده والله يعني انا ما حاسة انه البنتين اتظلمو شديد بحصل اكتر بكتير والله
كفاية انهم درسو وقدرو طلعو ولقو حريات كتيرة بس في القوي الصعب شديد الما محتمل من الاهل غايتو ياستي انا مابقلل من معاناتهم بالعكس عشت معاهم شديد
عارفه اتأثرت كتير وفي الحقيقة بكيت لما أخو ساره عمر قال ليها انه ادم جاء هنا وهي فكرت في الموقف وانه ما اتخلى عنها عشت احساسها ده لقيت نفسي ببكي معاها مع انه ماشفتها بكت!!!!! وكمان لما اتقابل الصديقتان اول مره في السودان وبكوا بكيت معاهم ولما عبير بتودع ابوها يعني كمان بكى شديد بي جاي ياديما اعملي حسابك شكلي بكاية انا مش ومتحيلة باين من صورتي
| |
|
|
|
|
|
|
هوزي (Re: Hozy)
|
هوزي أشكرك على الكلمات المفعمة بالإحساس .. والله زي ما قلتي الواقع فيه حكايات أصعب من كده بكثير بس منو يعتبر؟ يا ستي الله لا يجيب الدموع وبإذن الله تكون أيامك فرح وسعادة قولي آمين
| |
|
|
|
|
|
|
Re: Valediction! (Re: بكرى ابوبكر)
|
شكرااااااا! يا بكري .. والله ليك وحشه .. وشكراً ثاني على الماسنجر بصراحة الحكاية كانت صعبة من غيره .. وكمان شكراً على الغنيوة .. لكن يا ربي ماشه مع القصة؟
| |
|
|
|
|
|
|
Re: When Families Say No! (Re: Dima)
|
Dima
u made ,me cry b4 half an hour for my exam
let me back to my revision then
wa Allah ya7fazik
wa fee aman Allah
la illah ila Allah
| |
|
|
|
|
|
|
Re: When Families Say No! (Re: bint_alahfad)
|
قصه جميله جداً والأجمل ماتقوليه عن كونها وليده اللحظه أخشى أن نشوه يافاضله جنينك الذى لم يرى النور بعد ما أروعه من رحم ذلك الذى أنجب مثل هذه الروعه أحثك جاهده يا أميره على الإهتمام بهذه الموهبه الفذه دعيها تحلق فى فضاءات أرحب لتضمن لك ....... لا لن أقول الشهره ولا المال ولا التميز ربما لا تسعين لها ولكن سأقول لك دعيها تضمن لك ِإندهاش الجميع من تألقك عزيزتى نص جدير بالإهتمام وارى الجميع متحلق هنا يحتسى نخب ولاده مبدعه تتلمس مكامن الداء ونحن فى إنتظار العلاج الناجع تمنيت أن أكون إحدى شخصيات رائعتكِ ولكن ليست إحدى الضحيتين ربما تمنيت أن أكون سكرتيره عمر أخو ساره أو خطيبته أو زوجته أو مقربه له باى طريقه من الطرق أستطيع أن أُحس حنانه ينبض من خلال حروفك أوه يا عزيزتى إن نصك بأكمله ينبض بالحب والحنان والإحترام حتى من خلال القسوه والكبرياء بختنا بيكِ
| |
|
|
|
|
|
|
وجن (Re: وجن)
|
عزيزتي وجن شكراً على الكلمات الرائعة .. ما ذكرتيه أكبر بكثير من الواقع لكنني أعجبت برأيك بالشخصيات بالذات شخصية عمر .. شكراً على النصائح وبإذن الله نتحدث باستفاضة بعد انتهاء القصة
فائق احترامي وتمنياتي القلبية
| |
|
|
|
|
|
|
Re: When Families Say No! (Re: Dima)
|
اولا ياديما القصة الحلوة الابت تنتهى حلوة واحمد لو ماعرس عبير مامشكلة لانو خلاص شيلناهو من اللستة بس ادمو لو ماعرس سارة دى المشكلة مع انو عندى احساس باشاكوش للجميع الله يكضب الشينة
| |
|
|
|
|
|
|
بنت الاحفاد (Re: bint_alahfad)
|
والله يا حبيبه القصة راحت .. قدر ما فتشت عليها أمبارح عشان أكتب الحلقة ما لقيتها لحدي واحد من أولاد الحلال قال لي إنه حولونا وفرزوا لينا عيشتنا .. شفتوا الكلام ده كيف؟
بعد ما جمعنا بارجع بعد شوية عشان حلقة الليله فائق تحياتي
| |
|
|
|
|
|
|
Re: When Families Say No! (Re: Dima)
|
السلام عليكم ورحمة الله وبركاته
الغاليه ديما
وين أنتى? أنشاء الله المانع من ظهورك يكون خير
طمنينا عليكى بالله
وفى أمان الله
لا اله الا الله
| |
|
|
|
|
|
|
Re: When Families Say No! (Re: Dima)
|
أحمد اريته ود السواد انا ساكتة عليه من الصباح قلتا لمن اشوف آخرتها شنو عبير دي ما وصلتيليها كلامي ولا شنو يا ديمة, من الحلقة الرابعة قلتا ليها تفح ليه كر عليك يا عبير الما لحقتي تفرحي انا زعلانة زول يناولني علبة المناديل ديك
زولة123
| |
|
|
|
|
|
|
Re: When Families Say No! (Re: Dima)
|
اريتو يايمة شاكوش السواد والرماد والله ياعبير يابت امى ماتستاهلى وانا ماقلت ليكم الشكاوش ظاهر احمد اريتك بالحمى وانت ياعبير لاتبكى ولا شى هو زاتو مابستاهلك يازولة123 انا كملت المناديل ورسلت يجيبو لى تانى اديك معاى
| |
|
|
|
|
|
|
Re: When Families Say No! (Re: Dima)
|
.. .
loool @ زول يناولني علبة المناديل ديك بالغتى فى دى يا دكتوره؟؟ كدى قشقشى دميعاتك ونشوف احمد بحب بصدق وعايز يرضى والدته ولا كلام تانى ؟؟
ديمه علييييك الله الجزء الجاى دا جيبهو كوته واحده
تحياتى
| |
|
|
|
|
|
|
يا الاااااااااااه (Re: Dima)
|
اها فضينا وجيناك راجعين
وان شاء الله قصتك دي تتطول اكتر من كده الناس دي ليه دايرنها تنتهي طيب... انا عندي استفسار صغير ليه التركيز كلو علي شخصيات سارة وعبير اتخيل لي انو لو ركزتي شوية علي شخصية احمد حنقدر نفهمو احسن يعني بقضي يومو كيف...بفكر في شنو لما يكون براهو ما عرفنا هل الزول ده شخصيتو ضعيفة ولا بخاف يزعل الناس ولا مشاعرو اصلا نص نص
ختيهو تحت الشمش شوية
ودمتي ..يا ديما يا كتابة
| |
|
|
|
|
|
|
Re: يا الاااااااااااه (Re: ba7ar)
|
عليك الله يا بحر ما تفتح لينا باب جديد ما ناس حنين وزولا ورؤى قالوا ليك رائهم في احمد ده تاني نحنا ما عندنا بيه شغلة خلينا مع ادم وزي ما قال واحد من الاخوان الزول ده جعلي خطفوه الخواجات فخلينا مع اولاد البلد ديل وعبير دي ما تشيل هم انا بديها اخوي
اهــــــــــــــــــــــــا
| |
|
|
|
|
|
|
|