|
Re: الراية الحمراء (Re: MaxaB)
|
مسروقة
حرنت حمير الساقية و التور حلف ما يسوقه الأرض .. بارت .. و السوس هرد واسوقه هج المزارع راح .. بلدا مخضر سوقه جونا الهمج بالليل قالوا الأرض مسروقة !
مكسب 2003
| |
|
|
|
|
|
|
Re: الراية الحمراء (Re: MaxaB)
|
مسدار
الراي السديد نبراه دايما جملة و الفارس الشديد قايدنا يوم الحملة الزول الرشيد لي مكانو لازم يملا و اصلو الغرض نوصل جموع مكتملة
مكسب 2001
| |
|
|
|
|
|
|
Re: الراية الحمراء (Re: MaxaB)
|
مسدار
يا غالية ما اخوك الضحوك و لعوب و ساعة الحارة ما اخوك البشتر طوب و مرارة الفراق الفوق سن القدر مكتوب البسمة باكر تضوي لينا دروب
مكسب 2001
| |
|
|
|
|
|
|
Re: الراية الحمراء (Re: MaxaB)
|
الزول السليل بنشوفه فيهو رباية العز مو إسم مشهاد شعر و حكاية و العز مو خمج عز القرش مو غاية العز خلق و أخلاق و راي و دراية
مكسب 2001
| |
|
|
|
|
|
|
Re: الراية الحمراء (Re: مهيرة)
|
Quote: الزول السليل بنشوفه فيهو رباية العز مو إسم مشهاد شعر و حكاية و العز مو خمج عز القرش مو غاية العز خلق و أخلاق و راي و دراية |
ابشر بالخير يا مكسب الحصيف
| |
|
|
|
|
|
|
Re: الراية الحمراء (Re: bayan)
|
شعر جميل يا مكسب
Quote: عانقها منذ الخمسون |
اعتقد ان الاصح هو: منذ الخمسين و ليس خمسون و سوف لن يؤثر ذلك في موسيقى البيت
| |
|
|
|
|
|
|
Re: الراية الحمراء (Re: MaxaB)
|
م ق ا ط ع
هاج نبض القلم و بنود الألم فكرت أيقظت درس ماض رسم كلما أومضت كلما أوقدت ذكريات مضت من هتون و دم
***
يا شبابا بدا كابتسام المدى أو كرجع الصدى في لحون الحياة عاش حلما مضى قد مضى و انقضى و غدا مفردا ويح خل شقاه يا شبابا بكاه كل حي رآه نح عنك الشكاة لا تكن عبد لاه عش و مت سيدا
***
أي معنى جميل خلف رمش كحيل أو كخد أسيل فوق ثغر مثير قد حلا موصفا أين منكن ناي أم فأين غناي أين منكم فتاي أين أين مناي قد بغى في جفاي لم يكن منصفا
*** أي لحن فريد في إبتسام وليد كان صبحا جديد مشرقا في الوجود أو قريب بعيد زار أهلا بعيد فأناخ الضنا وأراح الوريد أيذاك السعيد ذاك عود حميد كيف طاقت خطاك هجر تلك الورود و احتملت الفنا و اجتراح العهود في هجير العنا و ليالي الجمود قد رجعت الديار عدها في السعود و نفضت الغبار و أبنت القيود فأنس عهدا مضى و أبني عمرا جديد
مكسب 2001
| |
|
|
|
|
|
|
Re: الراية الحمراء (Re: MaxaB)
|
خير و الخير مساك و صباحك و الفال السمح فالا تضوي مراحك بالضيفان عامر تملي براحك شينك ما أشوفو أشوف هناك و أفراحك
أشكرك .. وأشكر جميل عبارتك .. يا دكتورة
| |
|
|
|
|
|
|
Re: الراية الحمراء (Re: MaxaB)
|
يا سلام عليك يا دريمز .. شعور طيب و جميل منك .. الخواض راجل مميز .. هو من نوع الشباب الذين يبثون الدفيء في المكان الذي يحتويهم.. يجمعون بين الوعي .. الصدق .. و الحميمية .. تضوع روح الجمال من بين جوانحهم .. دونما تكلف .. فتشرق في الآخرين .. ألقا .. أمنا .. و ثقة .. أنا أفخر أن في شبابنا من هو مثلكم .. نعم .. كل الود و التقدير
| |
|
|
|
|
|
|
Re: الراية الحمراء (Re: MaxaB)
|
عشان الليلة ذكرتنى ود امى شديد
وفى الليلة الظلماء يفتقد البدر
كان زيك كده
بعرف يهبش مكان الوجع
وبجيب لينا الكلام السمح
ما تفتشو ياخ
هو اصلو جنو يقول مكسب ..مكسب
تسلم شديد
| |
|
|
|
|
|
|
Re: الراية الحمراء (Re: MaxaB)
|
أحيانا أشعر أنه يكفي أن ترى أحد يبكي .. لتبكي معه .. و الآن كل المشاعر التي نجاهد لنخفيها .. و نستخفي بها .. تنثرينها هكذا في الهواء .. ما كل هذا الشجن يادريمز .. يدك على يدي ننكته ياخي.
| |
|
|
|
|
|
|
Re: الراية الحمراء (Re: MaxaB)
|
مرحب بيك إن كنت " جون " أو " ميري " إن كنت قديم .. أو ليك خبر بينميري غيرك ما بدور .. بس انت ما تدور غيري أهديني درقة .. باهديك مني صديري
مكسب 2002
| |
|
|
|
|
|
|
Re: الراية الحمراء (Re: MaxaB)
|
و ستظل تهتف يا شعاري .. في حرارة .. ستظل تهتف رغم إحساس المرارة بأنه و في جامعتي سيظل كرسي الإمارة دوما .. حكرا لهندسة الحضارة
عن قصيدة " من وحي الشعار " اسبوع الإبداع الهندسي ( الملغى) لطلبة كلية الهندسة _ جامعة الخرطوم 1993
| |
|
|
|
|
|
|
Re: الراية الحمراء (Re: MaxaB)
|
لج ّ الخصام و الحال بقت مشروحة في كل مكان تلقى النفوس مجروحة عقبان فضل بكرة الدموم مسفوحة شقيان الفهم .. خايفينلو من الروحة
مكسب البورد .. يناير 2004
| |
|
|
|
|
|
|
|