يا سلام يا أبو يارا تقول الأغنية يا بت ملوك النيل يا أخت البدور يعني انت البدر عديل كده أول مرة أسمع أغنية ذي الناس،،، قلبي يقول لي قومي كب كب كب اقلبيها حفلة عديل كده خلي المدير يعمل الدايرو
كل عام وانت بألف خير يديك سعد العمر لا حسرة لا أحزان تمر
الجندرية شغليها علي ريل ون بلير واضغطي علي توول بتطلع ليك اكوالايزر علي الصوت حا تسمعيها كويس اما كيف تدخلي علي الريل ون فتقومي تمشي علي الغنية وتعملي Right click بتجيك الخيارات..
عثمان النو لقيتوه وين... جاكم في اليمن ..واللا تلفون واللا شريط
الا تحسي من السؤال ريحة الحسد سلمتم جميعا وربنا يتقبل دعوتك دي حاكم بتدعو لي من جنب عرش سبأ
بت قضيم
يشرفني فعلا ان اهديتك الاغنية
12-24-2003, 11:12 AM
الجندرية
الجندرية
تاريخ التسجيل: 10-02-2002
مجموع المشاركات: 9450
عارفه يا بت قضيم وكل سنةوانت طيبه والجندريه ينفع بالجد جد ان الواحد يشغل المسجل باعلي صوتو خاصة انو البيت خلا واقوم تنقش تنقش اسوي لي شاي وترررم تتتترم تيرم اغني بعلو حسي مع الكلام الجميل دا وماتقولوا صوتي سمح جدا ، بس عيبوا ان مقروش وفارق زمنو سلمت يا نزار على الكلام السمح دا
12-24-2003, 11:39 AM
nazar hussien
nazar hussien
تاريخ التسجيل: 09-04-2002
مجموع المشاركات: 10409
نزار عثمان نو عياناً بياناً ، جوا ترانزيت من جبوتي بعد مشاركتهم في مهرجان هناك اها اخدنا القسمها الله لينا من لمة وبكي وونسة وضحك لله دره ابو عكرمة شخص لا يمل جلوسه
بت قضيم والله عاد الوحدة كعبة ، لكن اهلنا قالو الخلا ولا الرفيق الفسل مش احسن ليك من ناس العمرة ؟
شيري كل سنة وانت طيبة
12-24-2003, 12:01 PM
Ishraga Mustafa
Ishraga Mustafa
تاريخ التسجيل: 09-05-2002
مجموع المشاركات: 11885
قال محمد منير في مطلع أغنيته السمحة علي صوتك بالغنا لسه الأغاني ممكنة
يعني كما قال لك نزار يا شيري الحوصة ام حس مقروش (غايتو انا وانت كان اتلمينا بنجيب لينا جلطة لي زول ضغطه عالي بمواصفاتنا المثالية دي) غني واملي الدنيا غنا لان (لسة الأماني ممكنة)
وكل سنة وانت بألف صحة وعافية ويديك يا رب طعم الهنا
12-24-2003, 12:54 PM
Rawia
Rawia
تاريخ التسجيل: 11-23-2002
مجموع المشاركات: 8396
العزيز نزار وام يارا و كل الصحبه الحلوه المتجمعه هنا يخليك يارب ويسعدك انت واسرتك بعام جديد وهني خمسه اشهر هي عمر اشتراكي في هذا البورد غيرت حياتي تماما افخر بمعرفه زملاء اعزاء وشقيقات وحبيبــــات اتمنى دوام المعروف والاحترام وتبادل المعرفه و كل سنه والجميع بخيــــــــــــــــر
اختيار الغنيه اكتر من رائــــــــــــــــع
12-24-2003, 03:53 PM
nazar hussien
nazar hussien
تاريخ التسجيل: 09-04-2002
مجموع المشاركات: 10409
شكرا اشراقة ان طليت لتسمعي النداء لك.. تصوري لو لحظة اعتلائك منصة الاحتفال ومن هنااااااااك خرج الصوت ينادي يا بت ملوك النيل اما يمكن ان تطيري بجناحي حلم الي كل بلاد الله لتقولي انا بت ملوك النيل..
يا ديك الجن مرحب بيك .. تتصور كسرت الحاجز ... وحرم بشرت.. ابشر بالخير الحكاية وما فيها اني معتد ومعتز جدا ببت ملوك النيل ممثلة في كل بنات بلادي وذكرتهن هنا علي سبيل الاشارة للكل.. وكنت امني النفس بأن يشاركني الكثيرين من ديوك الجن هذا العشق صراحة وعلي عينك يا باندويث...
لكنهم وجدتهم.... كل يغني علي ليلاه في سره وانا اغني لها جهارا نهارا
ما عندنا عواسة آبري عندناما هو ابلغ من الاحترام..ومشاعر صادقة جدا
فمرحب بيك تاني واسمع ما طاب لك... وانتظرني هنا سوف اقلب الشريط بعد الاذن
صدفة غريبة انني كنت استمع لي بت ملوك النيل ..رياحنة العصور من بت النيل ..وبكل حواسي ..ثم اجدها هنا ..رائعة ..وما احلاه إختيار ..،هذه الأغنية ..والأداء من الحنينة حنان ..يأخذ بتلابيب نفسي ويؤثر حواسي.. تسلم
12-25-2003, 02:44 PM
khider
khider
تاريخ التسجيل: 03-17-2002
مجموع المشاركات: 2361
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة