|
|
 شاركوا في حفلة وداع المناضل بقال المتوجه إلى تورينتو...
|
يغادرنا في غضون الأيام القليلة المقبلة المناضل إبراهيم بقال متوجهاً إلي كندا تاركاً ساحات النضال وراياتها للجيل القادم من بعده حتي يلحقوا بالركب بعد حين ...
وللذين لا يعرفون المناضل إبراهيم بقال فهو أشهر مناضل طلابي سوداني بدأ نضاله منذ أن كان في المراحل الإبتدائية فهو أول من أتي بفكرة الإعتصامات والإضرابات عندما كان في الصف الثاني الإبتدائي وأضرب عن مادة (الإملاء) في حصة العربي ورفض الدخول لها بل وواصل الإضراب حتي تخرجه وذلك ما جعل هذا واضحاً وجلياً حتي الأن في كتابات المناضل..
المناضل إبراهيم حاز علي وسام الإنجاز من الطبقة الأولي من رئيس رابطة أبناء دارفور بالجامعات والمعاهد العليا وذلك لتجنيده لأكثر من جكساية في كافتريا النشاط ..كما حاز علي نوط الشجاعة من الطبقة الثانية وذلك عندما إستطاع أن يضلل رجال الأمن واللذين هم حتي الان لا يعرفون له أثراً...
كل هذه الأسباب مجتمعة جعلت من المناضل إبراهيم بقال مناضلاً ربما نافسه فقط مانديلا أما علي عبد اللطيف وعبد الفضيل ألماظ والقرشي فيأتون من بعده بعدة مراحل !!!!!!!!!!!!
أها دسنا Alt+Shift عشان نقلب بي الدارجي :
طبعاً يا ناس المنبر عشان أنا عارفكم ناس وجعة وفزعة ووقفة صلبة مع المناضلين قررنا إنو نعمل حفلة شاي (بارتي)زي ما بيقولوا أهلي أهل العوض لي إبراهيم بقال المناضل بعد ما أخيراً تكللت مساعي كبراء المناضلين والسابقون لإبراهيم في هذا المجل تكللت تلك المساعي بإستخراج فيزا مناضل من كندا للأخ المناضل إبراهيم وممكن تتحول لي جواز كندي بعد أقل من 3 سنوات وده طبعاً حسب الإيميلات البيكون رسلا وحسب صور النضال المصاحبة ..
بالله يا ناس البورد عشان البارتي ينجح عايزين أي زول يشارك وأول حاجة بالله أي زول يجيب لينا كراسيهم الفي الصالون بتاعت البلاستيك ديك ..أيييي البتكون ملونة أبيض بي أزرق ديك ...
وياريت كمان الترابيز عشان نخت فيها التورتة والفواكه ...
أما الزينة والهنابيك (جمع هنبوكة) وفي رواية (همبوكة) دي ماتشيلو همها إبراهيم حبيبنا ويستاهل كل خير بنوفرها نحن ....
طبعاً حا نبدا البرنامج بتاعنا بعد صلاة العشا عشان الحفلة حاتكون لي الصباح وما بتقيف إلا لمن يجيبوا الشاي واللقيمات ...
حاأبدا ليكم الكلام انا بعد ما أمسك المايك وأقول ليكم كم بيت شعر كده من أشعار الوهمة ديك :
يا وطن ..أوعك تمش..فتش هناك جوة الأرض..تلقا النضال مرسوم عديل ...تلقا الفراشات تغرد جوة كابوس الزمن ..والبنية الحلوة ماسكة ..تشهق الضحكة النحيب ..جمر القضية مختوت في كانون ست الشاي تولع بيهو قهوة حنضل ..ويضحك الزمن الخرافي يا وجع كل السنين ..ويا فرح عشق الأزاهر ..ويا شمس حرية أطلعي ..ويا ليل عتمة ضلام الكوز أمش ..منعول أبوك وطن وسخ ...وتف علي يرقة عناكب ..ويخس وألف يخس يا الأسد البتجرح في غزال أرنب وبسمة ..
أها بعد التصفيق الحار منكم وبعد ما انحني ليكم إحتراماً حا أقدم ليكم المناضل إبراهيم في كلمة (قصيرة) لنتجول معه في ساحات النضال ويتحفنا بقصصه البوليسية مع كلاب الأمن ...
طبعاً دي إنتو سمعتوها قبل كده من الأخ إبراهيم لكن ليطمئن قلبكم تسمعوها تاني ..ده غير إنو في إحتمال كبيييييييير إنو معظم الناس تكون خشت الفلم ده ..أصلو البارتي بتاعنا كلو مناضلين بالتالي كلهم مروا بي المر بيهو إبراهيم ولا شنو ؟؟ سمك ...
حفلتنا وبارتينا مليان فنانين مناضلين كلهم ضد النظام :
حانبدا بي وردي ويتحفنا بي :
كرري تحدث عن رجال كالأسود الضارية خاضوا اللهيب ...وحتي يصل إلي مقطع :
"إبراهيم وصحبه "..
طبعاً هنا كل الحضور حا يكورك ورورووووووووووووووووووووك ويمشوا علي المناضل إبراهيم ويشيلوهوا في كتوفهم ..
ينزل وردي ويجينا سيف الجامعة :
ويداعب إبراهيم بي مقطع لطيف :
وصتني وصيتا قالت لي (إترجل) خليك في الواقع أصلو الفراق واقع ..كان ترضي كان تزعل..
في شنطتا تسكن ملايين المناخات العجيبة في وطن إسمو البساطة ..(طبعا المناخات العجيبة حايكون مقصود بيها الجواز وأورنيك الضرائب بتاع المغتربين وتأشيرة الخروج)..
ينزل سيف الجامعة ويجو ناس تيراب عشان يكسروا الروتين شوية ويحكوا نكات عن الحكومة :
قالوا في واحد جا يستحم لقا الموية قاطعة ..جا يكوي لقا الكهربا قاطعة أها مشي يركب المواصلات لقا المحطة زحمممممممممممة شدييييييييدة ..عاين للناس كده وقال ليهم :
أي تستاهلوا ..إنتو ما تطلعوا ..أطلعوا..أطلعوا..بس واقفين لي زي النسوان كده ..أطلعوا ..إتحركوا....أطلعوا ...
كان في بتاع أمن واقف مع الجماعة قام قبل علي زولنا وقبقبوا من قميصوا وقال ليهو يطلعوا وين ؟؟؟؟؟؟
صاحبنا قال ليهو :
كندا..قطر ..السعودية ..المهم يطلعوا يسافروا ...
طبعاً النكتة قديمة وبايخة ومكررة لكن الحضور حا يضحك ..مش مناضلين ..
أها بعد كده كمان لازم نخت في بالنا إنو المناضل ده إنسان وفي حضور تانين ما مناضلين يعني مثلاً جكساية واحد مناضل أو بت جيران صاحبة واحدة مناضلة أو خطيب مناضلة أو ناس الحلة ..المهم في ناس عايزة تبتهج ..
أها نقوم نرجع لي الفنانين بتاعين الهجيج ونجيب لينا فنان من بتاعين الأورغنات ديلك ناس النبق النبق وجب جب جب جب أرح أرح أرح أرح أرح ..
ويقوم يغني لينا أغاني الوداع البتبكي ديك ..أصلو نحن حانفارق زول حبيب علينا وماشي مخلي السودان الحبيب ومخلي أهلو الفي دارفور بيموتو وبيغتصبوا ..اها الفنان يهجج ويقول:
أودعكم ...لا ..
أفارقكم ... لا ..
دموع بتغطي عيني ..
لكن أه ..لكن أه ..أاااااااااااااااه ..أااااااااااااااه بتزود الالام ..
أودعكم ..أفارقكم وتبقا عشرة الأيام ..أودع أودع أودع كيف ؟؟؟؟؟؟؟؟؟؟
طبعاً عشان أخلي الناس تعيش البارتي حقيقي ممكن أوصف ليكم حال المناضلين في الأغنية دي كيف :
أها الفنان لمن يقول ليهم :
أودعكم (بيكون مد المايك علي جمهور المناضلين المهجج)
يقوموا المناضلين يقولوا (لا )..
طبعاً مرات بيكون في مناضلة عاملة رايقة وقاعدة في الركن تقوم تأشر بي يدينا كده وهي بتحرك في عيونا بي الجنبة كده للفنان وتقول (لا)..
أها يقوم الفنان يدي المايك للمناضل إبراهيم عشان يتم باقي الأغنية عشان يعبر عن مشاعروا وشوقوا للناس الحا يفارقهم ديل:
ولو بي الإيد أعيش بينكم مدي الأيام ..
أغنيلكم وإنتو تكونوا لي إلهام..
ونزرع ريد وعالم كلو حب وسلام ..
لكن أه (يمد المايك هنا للمناضلين) ..
المناضلين يرددوا معاهو ( اه) ..لكن أه ..اه ..ااااااااااااااه بتزود الألام ..
أها في لحظة التجلي دي إبراهيم ينفعل ويبكي ويحس بي إنو مستحيل ممكن يعيش بعيد من ناس حلوين وحنينيييييييييين زي ديل ويقوم وبدون ما يشعر يمشي للشنطة الفيها المناخات العجيبة (الجواز) ويقوم يشرطوا ويقول منعول أبو الغربة ومنعول أبو الهجرة انا معاكم هنا وهنا بس يا شباب أعيش هنا وأموت هنا وفوق فوق سودانا فوق ..فوق فوق دارفورنا فوق والمناضلين وراهو فوق وفق سودانا فوق وتتحول الحفلة لي مظاهرات وإنفعالات وأحضان ودموع ويقرر إبراهيم القعاد في السودان بعد شرط جوازو المؤشر لي كندا ..
وينفض السامر وكل زول يشتت بيتو وبكرة من صباح الرحمن إبراهيم يمشي علي الجامعة يعمل ركن نقاش ويقوم يخرمج وينبز الجماعة ويقوموا كده الجماعة يكرفسوهو ويودوهو مكاتب الأمن تااااااااااااااني والمرة دي يخش يلقا باقي المناضلين الكانو ماعهو في الحفلة قاعدييييييييييييين ..
يعاين ليهم كده ويقول ليهم :
الله ينعلكم شبكتوني أودعكم ..أفارقكم لمن خليتوني شرطت الجواز ..أسة كان زي الوقت ده أنا أكون تاااااااكل في إستاربكس أضرب في الكبتشينو ولا أسة أكون بضرب في البيرقر كمنجة ...
تخريمة :
أها يا محمد سليمان ..إبراهيم ده إذا قرر يطلع ويجي كندا وهو زول متدسي من ناس الأمن معناها غايتو إلا يجيكم بي PORT 80 (ده بيعرفوهو ناس الكمبيوتر) أو يقوم يدخل نفسوا جوة بوست ويضغط إرسال .....
معقولة بس يا جماعة ....
|
|
 
|
|
|
|
|
|
|
|
Re: شاركوا في حفلة وداع المناضل بقال المتوجه إلى تورينتو... (Re: عمر الفاروق شيخ الدين)
|
سلامات يا عمر الفاروق؛
قد لا اتمكن انا ايضاً من الحضور؛
الا ان ذلك لا يمنعني من ان ابدي
اعجابي الشديد بقصيدتك هذه:
يا وطن ..
أوعك تمش..فتش هناك جوة الأرض..
تلقا النضال مرسوم عديل ...
تلقا الفراشات تغرد جوة كابوس الزمن ..
والبنية الحلوة ماسكة ..تشهق الضحكة النحيب ..
جمر القضية مختوت في كانون ست الشاي تولع بيهو قهوة حنضل ..
ويضحك الزمن الخرافي يا وجع كل السنين ..
ويا فرح عشق الأزاهر ..ويا شمس حرية أطلعي ..
ويا ليل عتمة ضلام الكوز أمش ..
منعول أبوك وطن وسخ ...
وتف علي يرقة عناكب ..
ويخس وألف يخس يا الأسد البتجرح في غزال أرنب وبسمة ..
_________
و بالذات البيت - المقطع - دا -:
| Quote: والبنية الحلوة ماسكة ..تشهق الضحكة النحيب .. |
| |
|
|
|
|
|
|
|
|
|
Re: شاركوا في حفلة وداع المناضل بقال المتوجه إلى تورينتو... (Re: عمر الفاروق شيخ الدين)
|
الله يجازي محنك ..يا عمر ..
| Quote: يا وطن ..أوعك تمش..فتش هناك جوة الأرض..تلقا النضال مرسوم عديل ...تلقا الفراشات تغرد جوة كابوس الزمن ..والبنية الحلوة ماسكة ..تشهق الضحكة النحيب ..جمر القضية مختوت في كانون ست الشاي تولع بيهو قهوة حنضل ..ويضحك الزمن الخرافي يا وجع كل السنين ..ويا فرح عشق الأزاهر ..ويا شمس حرية أطلعي ..ويا ليل عتمة ضلام الكوز أمش ..منعول أبوك وطن وسخ ...وتف علي يرقة عناكب ..ويخس وألف يخس يا الأسد البتجرح في غزال أرنب وبسمة .. |
سأعود ..
| |
|
|
|
|
|
|
|
|
|
Re: شاركوا في حفلة وداع المناضل بقال المتوجه إلى تورينتو... (Re: عمر الفاروق شيخ الدين)
|
..
.
Quote: قالوا في واحد جا يستحم لقا الموية قاطعة ..جا يكوي لقا الكهربا قاطعة أها مشي يركب المواصلات لقا المحطة زحمممممممممممة شدييييييييدة ..عاين للناس كده وقال ليهم :
أي تستاهلوا ..إنتو ما تطلعوا ..أطلعوا..أطلعوا..بس واقفين لي زي النسوان كده ..أطلعوا ..إتحركوا....أطلعوا ...
كان في بتاع أمن واقف مع الجماعة قام قبل علي زولنا وقبقبوا من قميصوا وقال ليهو يطلعوا وين ؟؟؟؟؟؟
صاحبنا قال ليهو :
كندا..قطر ..السعودية ..المهم يطلعوا يسافروا ... |
طبعاً النكتة قديمة وبايخة ومكررة لكن الحضور حا يضحك ..مش مناضلين ..
والله ياود الفاروق دى اول مداخلة
بس كتاباتك عميقة..انت حفيد برناردشو??
| |
|
|
|
|
|
|
|
|
|
Re: شاركوا في حفلة وداع المناضل بقال المتوجه إلى تورينتو... (Re: شمهروش)
|
الحاصل شنو.... في شنو....ده شنو.....
ماعرفته.. ماعرفته...
تجربة مرة جد............ واتجزتها...
والله مافاهم اي حاجه و بعدين انحنا اي حفلة كاتلنه خصوصا كان فيها من نوع ندي القلعة وسميرة دنيا والمضوع ده سري في ناس كدع ماديايرنهم يسمعوا بيهوا...
علي العموم تحية لابراهيم بقال وهو حر طليق يمارس معزوفتة الحرية مدافعا عن حقوقه وحقوق غيرة في الوطن الاب، مبتهلا لوطن ليس به قوادين ولا جلادين ولا عساكر.. بوليس بس؟!
| |
|
|
|
|
|
|
|
|
|
Re: شاركوا في حفلة وداع المناضل بقال المتوجه إلى تورينتو... (Re: عمر الفاروق شيخ الدين)
|
تبلدينا :
Quote: والله ياود الفاروق دى اول مداخلة
|
معقولة بس يا تبلدينا !!!؟؟؟
يازول إنت معزوووووووووووووم وكرتك بتاع الحفلة حقت المناضلين دي أنا شفتو بي عيني دي ...
يازول خش هجج ساي وماتشيل الهم الحفلة مأمنة ومعمولة في قبو والجن الأحمر ما بيعرفو ..خش ساي..
| Quote: بس كتاباتك عميقة..انت حفيد برناردشو?? |
والله بس ما أعمق من الحتة المتدسي فيها المناضل إبراهيم بقال...
| |
|
|
|
|
|
|
|
|
|
Re: شاركوا في حفلة وداع المناضل بقال المتوجه إلى تورينتو... (Re: عمر الفاروق شيخ الدين)
|
قف نحن نحي روح النضال عند ابراهيم بقال ونثمن كل بطولاته مع الامنجية الارزقية
هاجر للنضال ونحن وراك يا بقال .. طبعا دا كله بالموبايل في اتصال من مناضلي الخارج
لو سمحت اخ عمر ممكن تقرب الموبايل للمايك عشان القي الغصيدة العصماء في النضال
عمر الفاروق ينزل الفنان ابو اورغن ويقلع منه المايك ويحدر ليهو ويقرب الموبايل من المايك لسماع المناضلين بالخارج
وابدا بالقاء غصيدطي العصماء محييا في البداية المناضلين بالداخل لصمودهم ومثمنا بطولات ابراهيم بقال
في ظل تخاريف الحقائق والوطاويط السواد
انبطح النضال على عناقريب الغسيل
وكتبت عنك سكة الوهم الرحيل
يا لوري هوستن جر فينا نور طويل
وين ناس ابراهيم بقال الخليل؟
الليل لبس لون السواد لي جزمتو
البلد عدمت الرجال
وجدي جكس جواهر وامثال
والبنات ببحثن عن شوايب في كشاتين النوادي
وبي هناك جدي عرس ليك هنادي
جاتني زي ديك عدة الحافلة المطارد بالعكاكيز والهواجس
وجوني بيتين من شعر
واحد اجار والتاني فسحة فيها نيمة
نيمة من زمن الاذاعة على الهوى
وياهوى سرحت ليك شعري اتكوى
وكواني ليك شوق البنفسج للزبرجد
واعتبرتك مستحيل
اختفيت من الفتيحاب عديل
ورحلت ام بده السبيل
وسمعت مني شعر جميل
يا علة الزول العليل
ضربوا دارفور وهم
وانحنا مشغولين بي شباشب سنا الشول البيض
جونا عابرين الحدود
يا خروف جلد القدود
اتمكيج الضب بالدلال
حتى الضبابين في في وداعك اتحنكشت
كل البنات اتشلخت
ــــ
مجازفة من الجهبس عزو
| |
|
|
|
|
|
|
|
|
|
Re: شاركوا في حفلة وداع المناضل بقال المتوجه إلى تورينتو... (Re: اساسي)
|
أساسي الأساسي
Quote: في ظل تخاريف الحقائق والوطاويط السواد
انبطح النضال على عناقريب الغسيل
وكتبت عنك سكة الوهم الرحيل
يا لوري هوستن جر فينا نور طويل
وين ناس ابراهيم بقال الخليل؟
الليل لبس لون السواد لي جزمتو
البلد عدمت الرجال
وجدي جكس جواهر وامثال
والبنات ببحثن عن شوايب في كشاتين النوادي
وبي هناك جدي عرس ليك هنادي
جاتني زي ديك عدة الحافلة المطارد بالعكاكيز والهواجس
وجوني بيتين من شعر
واحد اجار والتاني فسحة فيها نيمة
نيمة من زمن الاذاعة على الهوى
وياهوى سرحت ليك شعري اتكوى
وكواني ليك شوق البنفسج للزبرجد
واعتبرتك مستحيل
اختفيت من الفتيحاب عديل
ورحلت ام بده السبيل
وسمعت مني شعر جميل
يا علة الزول العليل
ضربوا دارفور وهم
وانحنا مشغولين بي شباشب سنا الشول البيض
جونا عابرين الحدود
يا خروف جلد القدود
اتمكيج الضب بالدلال
حتى الضبابين في في وداعك اتحنكشت
كل البنات اتشلخت
|
يا أساسي والله بغض النظر عن رأيي في بوست حبيبنا عمر أقول ليك القصيدة دي
خظرة خلاس
شفت انا من زمان بحب ليك القصايد الوهمة دي المابيكون في علاقة بين كلماتها وأبياتا
يعني بتكون عاملة زي القزاز الإنكسر كان لصقوهو ما بيلصق
هاك دي هدية من تأليفي من ديوان (غرغرة الغرغرين في الزمن الحزين)
جاييكي يا درة الصحراء ووميضا
الجاية من تعب الجراحات والمسافة
طالعة من جيشا مكسر في دواخل الفرح المكجن
يا ماشة من تاريخ بلادا كرهت في جواك العساكر
نضالا تمحرق في ضفاف مدنا مولعة في منابر الحوار والإنحدار
كلبا تمرق في دواخل شعب جاي من لهيب الانتطار ..
وبرضو راجيكي .....
(نظرة للجمهور وصنة وصفيق)
برضو راجيكي يا زمن فرقة مواعين النضال المتعبة
الجاية من شمسا تحرقت في عيون املا مرقرق في جوف تعبا ملهلب في الخواطر طارد في شواطين الكدر معشعش في حنايا الإحتلال ..
كسرة وشاي
موزة وناي
ضهب شاشاي
ترزي غناي
نجار كجراي
بتاع ورنيش ضهباي
وبرصي راجع
وتاني راجع وبرضي راجغ
(صفقة وصفير وهتاف)
تتخيل ألفتها قدامك دا لكن الترجمع عليكم أنتو وعمر
| |
|
|
|
|
|
|
|
|
|
Re: شاركوا في حفلة وداع المناضل بقال المتوجه إلى تورينتو... (Re: ناذر محمد الخليفة)
|
Quote:
Quote: يا وطن ..أوعك تمش..فتش هناك جوة الأرض..تلقا النضال مرسوم عديل ...تلقا الفراشات تغرد جوة كابوس الزمن ..والبنية الحلوة ماسكة ..تشهق الضحكة النحيب ..جمر القضية مختوت في كانون ست الشاي تولع بيهو قهوة حنضل ..ويضحك الزمن الخرافي يا وجع كل السنين ..ويا فرح عشق الأزاهر ..ويا شمس حرية أطلعي ..ويا ليل عتمة ضلام الكوز أمش ..منعول أبوك وطن وسخ ...وتف علي يرقة عناكب ..ويخس وألف يخس يا الأسد البتجرح في غزال أرنب وبسمة ..
|
فى ذمتى ده وست مساطيل...
ده شنو ده
ياخ داير انفقع بالضحك..
واساسى يشيل ويلتق من عزو
Quote: هاك دي هدية من تأليفي من ديوان (غرغرة الغرغرين في الزمن الحزين)
جاييكي يا درة الصحراء ووميضا
الجاية من تعب الجراحات والمسافة
طالعة من جيشا مكسر في دواخل الفرح المكجن
يا ماشة من تاريخ بلادا كرهت في جواك العساكر
نضالا تمحرق في ضفاف مدنا مولعة في منابر الحوار والإنحدار
كلبا تمرق في دواخل شعب جاي من لهيب الانتطار ..
وبرضو راجيكي .....
(نظرة للجمهور وصنة وصفيق)
برضو راجيكي يا زمن فرقة مواعين النضال المتعبة
الجاية من شمسا تحرقت في عيون املا مرقرق في جوف تعبا ملهلب في الخواطر طارد في شواطين الكدر معشعش في حنايا الإحتلال ..
كسرة وشاي
موزة وناي
ضهب شاشاي
ترزي غناي
نجار كجراي
بتاع ورنيش ضهباي
وبرصي راجع
وتاني راجع وبرضي راجغ
(صفقة وصفير وهتاف)
|
قايتو بدون تهكم لكن لو كنت عارف الشغالانه جايبه حقها كده يامان انا اسى كنت مع الريس بوش فى البيت الابيض فرد وكده..
بس تقول شنو ارزاق..
عمر انت ماتستثمرنى..
يامان اخوك كان حكى ليك تندهش ..
| |
|
|
|
|
|
|
|
|
|
Re: شاركوا في حفلة وداع المناضل بقال المتوجه إلى تورينتو... (Re: معتز تروتسكى)
|
الصديق ناذر
وبما انه الموضوع جاط وعمر الفاروق اتشطف بوسته في نص الظلط
هاك القصصيدة دي واحدة ليك وواحدة لي تروتسكي بمناسبة الصين
حقت ناذر في الاول بقلم محمد علي بتاع نسرين
في مرافي سكون حمير اللبن
اشتقت ليك يا حمام الدار
في زمن الودار
واكتشفتك ضهب نار الزمن
يا عرس المصايب للمحن
ونتشيت بخفة الجكس البوار
كل الكلا رقص في سلك الكهربا العريان
وينهم ناس زمان؟
يا دقسة الريد العوير
في زقاقات حلتنا والخور الكبير
كل المشاعر جرت مننا في فزع
يا حلة ملاح القرع
بقينا زي قرد ساكيه شافع بنبلتو
ينطط من فرع لي فرع
خايف حجر الهوى الشرفان يغدرو
انخفض صوت الغنا
والفنان ختم حفلتو
وما لحقناك يا زمن الضهب
وما لحقنا حتى العشا
يا زمن الخفوت والوشوشا
وين القبيل خطفوا القليب
وينهم ناس رشا؟
اختلط الامر علي بالمسا
في زمن الشواطين والوسوسا
كل الكوابيس شاركت
وفي الحفلة جات باركت
لابسه جرايد مهلهلة من زمن اخبارها انتهت
وانا في الطريق انتهيت
اشتريت رطل اسكريم
من ناس نعيم
وكيلو زيت ومشيت البيت
نمت وبعدين اتعشيت
ويا ريتني ما كنت جيت
دا شنو
والله بالجد
ــــــــــ
وهذه القصيدة مهداة لي تروتسكي
ودي بقلم بدر الدين الشهير بي عزبونا
قام هجام فريق بت ام زين
مريت على بتاع اللبن شفقان
ونفيسة جارتنا جابت ولدين
واحد شرد والتاني اغترب في الصين
عبده اندفس في صف الرغيف شلوت
عباس زعل وباع العتوت
في سوق السمك
كتاكيت تبشر في عرس الاسد
وكدايس تخمخم في الودك
طشط الغسيل جاط في الحبل
مروان في الامتحان اتقطعت بيه السبل
بخراتو نامن في العسل
غسلن غسيل كل الحلل
في زمن تراشق البسكويت
عيون البوتجاز دمعن
وصوت بكاهن للفريق سمعن
كل الجرايد في السوق افلسن
حميده حلق شعر عبد اللطيف
زرع في صلعتو شتلات قطن
لكن ما طرحن طاقية وعمم
وسوسن عرست تمساح سمين
من زمن فيضانات الدمازين
جعفر اغترب في تشاد
مشى وزي ما مشى عاد
لكن امونه بالصبر اتسلحت
في زمن الجفاف اتكحلت
لواري يوسف في الزلط وحلت
وكلاب الحلة اشترت صعوط
سفن لما بالغن في الشرود
وحرامي سرق ناس عبد الودود
جلكوز معلق في الوريد
محمود يوزع في البريد
سيد الركشة جنب بالطرف
وصاعقة كوت هدوم شرف
الجداد اعلن تمرد بالبلد
ما في بيض يا ولد
كلم ابوك ينوم خفيف
وفي المنام يقرض رغيف
يا كستر اللبن الظريف
تعبت من كتر الحكي
مشيت لسيدنا الفكي
قال مالك بتشتكي
اداني مستكة قال احشيها سندوتش
ياروعة الزمن الفرش
دلوكة مسخنة بالفحم
سكر مجلبط باللحم
حسين مفرطق بالشحم
علويه هاجت وفترت
زعلانة قامت كشرت
ود الحسين ركب القطر
ورقصوا البنات بالشتر
والفار بهناك انتحر
| |
|
|
|
|
|
|
|
|
|
Re: شاركوا في حفلة وداع المناضل بقال المتوجه إلى تورينتو... (Re: عمر الفاروق شيخ الدين)
|
ها ها ها هااااااااااااااااااااااااااا
ابراهيم
شايف الجماعه مغتاظين قدر شنو
قو ليهم انتو لسه شفتو حاجه
ايوه كده النضال يا بلاش
وطبعا هم مغتاظيين انه فى اغبش اخر
طالع لبلاد العم سام ولا جون
المهم يا ابرهيم يا غالى
انا غايتو كان سالتنى
بقول لك كلفورنيا احلى
بلاد دافيه وحلوه
وناسه حلويين
وكما بيموتا فى اللون الاسمر
لافى زول بيقول لينل خضر ولا صفر
اما تورنتو فهى بلد بارده
لكنها دافيه بمحبتنا لك
يعنى كان فضلتنا على ناس محمد سليمان
يا مرحب بيك
وبعديين نحن هنا الجلابه هارشينهم لك هارشه
وحياتك ولا نفس
الواحد يقول بغم نقول جنجويد
طوالى بيلبد
فشوف انت عايز وين
والخيار لك يا بطل
بعديين ما تنسى توثق لينا الشهادات
لانه البروفيسر اياه قال لك منحة عشان تدرس
صحافه خلاص الجامعه صدقت عليها
خاصه بعد ما اصحابنا اليهود اعلنوا عن تبنيهم
دفع اقساط دراستك شرط التخصص فى مادة اسمها (Anty Arabisim)
ومعليش انا وافقت ليهم بالنيابه عنك
لانه عارفه احتياجات المرحله
وحوجتنا الماسه لكوادر متمكنه للرد على
دعاوى العروبه خاصه بعد تلمسنا لتفاقم
هذا الداء وخطورته على احلامنا التوسعيه الخطيره.
الخطيبه ما تشيل همها الان
دى حنطلع ليها فيزا خاصه
وبى كده كل واحد فيكم يجى بكيس مختلف
ودى بكثر الفله فى البلد دى
واسمع الكلام من الناس الكبر منك واقدم
قبل ما انسى
ما تنسى تكتب كل اصحابك ومعارفك اللى فى المستقبل
ناوى تساعدهم وتجيب هنا تكتبهم اهلك .
اختك الكبيره
فى درب النضال(المتاجره بالقضايا) تراجى.
اها يا عمر الفاروق انشا الله انت مبسوط كده!!!!!!!!!!!!!!
| |
|
|
|
|
|
|
|
|
|
Re: شاركوا في حفلة وداع المناضل بقال المتوجه إلى تورينتو... (Re: ياسر مكاوي)
|
ازيكم ناس الحفله....
قايتو يا اساسى ماقصرته معاى تب...
نردها لك فى السودان الجديد ولو جات محاكمات بتوسط ليك يافرده ...
بعديت حميده ماخلى شعر فى راس الزول قول ليهو حارسل ليك رساله شديده الهجه عشان مساختك دى وعارف بس انفضى ليك من نضال الحياة اليوميه ده..
وجعفر قالو عرسو بعد شهر على بت خالتو احتمال بعد العرس يمشى تشاد لكن ماقالو لى حيسافر ويغترب ودكانو يا اساسى يخليهو لى منو؟؟..
وناذر عمك اسى خلاص تكون لخبطته وضربت فيوزاتو عديل بى قصيدة النضال الحُبكانه دى..
بعدين طلب اقطع لى قصيده عليك الله فى (ياسر مكاوى) ده اتشرشح فيها كمية نضال وفسحة وجرى بالخلف..
وصية خاصة عشان الفرده ده...
الشى الاهم خالتكم (ترجى) زاتها جات شاركت تعرفو خطرت لى فكره بانو نقوم نعمل البوست ونودى ابعادو لى اكبر من كده فى انو ابراهيم زاتو يجى يشارك والناس تاخد الموضوع بى نوع من الونسه الحلوه لعلا هى خطوه نقدر نصلح بيها الجو شويه والناس شويه تقدر تبعد من الجو المشحون بتاع النقاش ده ليس بالضروره نتفق لكن على الاقل يظل الود بيينا ونفرز الكيمان محل الدواس للدواس ومحل الونسه للونسه. وزى فى الاركان بيكون كل واحد من تنظيم ويدخلوا الركن كل واحد يقيف للتانى فى حلقو ويسخنو الجو البشوفهم يقول ديل اسى بتكاتلوا لكن بعد الركن ينتهى كل واحد يرافق التانى ويمشى ياكلو (فته وبوش) سوى..
يعنى ينتهى التاثير بزوال الؤثر وكده..
عموما دى فكرتى والبوست الناس تخليهو ونسه بعيد عن التهكم وكل الناس تجى تشارك لانو الكلام الفيهو بالجد يضحك والقصائد الفيهو....
وليكم جميعا التحايا النواضر..
اساسى عمر ده داقى طناش ..
ماتفكر فى الموضوع وتثتثمر عشان نرتاد الافاق...
| |
|
|
|
|
|
|
|
|
|
Re: شاركوا في حفلة وداع المناضل بقال المتوجه إلى تورينتو... (Re: عمر الفاروق شيخ الدين)
|
يا سبحان الله
لا خيار ثالث
معاهم
أو
عربي كوز
وللأسف كلمة عربي تهيج عندهم مشاعر البغض والكره لدرجة لا توصف - أوكي المليون ميل كلها خذوها أنتم يا منضالي أمريكا مهما كان عددكم مبروكة عليكم - عمنا (ملس زناوي) قال بعمل لينا معسكرات مجهزة بعد خور يابوس - يعني بعيدين منكم خالص - مبروك عليكم الأحلام العريضة الطويلة - أحلموا بما تشتهون
قال مناضلين ومثقفين قال
| |
|
|
|
|
|
|
|
|
 Re: شاركوا في حفلة وداع المناضل بقال المتوجه إلى تورينتو... (Re: Mohamed Suleiman)
|
خالص التحايا
Mohamed Suleiman
Quote: لا يا حريف ... أدخل البوست ده عشان تعرف منو بتاع خرمجة .. Persona non gratta
(شوف جوازك .. مختوم فيه أبعاد؟؟؟). تأكد:
نبي الله يوسف |
هل هذا هو تقيمك؟!!
*واحلالي القبلي شال شبال لمع برق المهيرة
قيرة قيرة يا مطيره
يا رزاز الدم حبابك
وفعلا..قد يكون الوعى طبيقا زائف
او ذلك عندما تكون افكار الانسان ووجهات نظره ومفاهيمه غير مطابقه مع الواقع المادى الحى من حوله
او عندما تكون جامده من متابعة حركة وتطور هذا الواقع تاريخيا ..
اى على طول الزمان ..وقد يكون الوعى وعيا جزئياوذلك عندما تكون افكار الانسان ووجهات نظره ومفاهيمه مقصوره على ناحية ومستوى واحد فى الحياة وغير شامله لكل النواحى والمستويات المترابطة والتى تؤثر فى بعضها بعضا..
وقد يكون يكون الوعى وعيا طبقيا محددا بمصالح وقتيه..
وما املاك فقر اخليك تستمتع ببقية الحفله ياعزيزى محمد...
وكم احلم ان التقى مرة مرة معاك على ارضيه وعى يمكن بعيد عما تزخر به جمجمتك هذه ..
والشى الغريب بعد هذا ان اقف على بابك ..
ليس لشى من ضعفى لكن لانى معتز اسم على مسمى..
وقبل ان ترد على حديثى اعلاه لاننى لست متاكد باننى يمكن ارد عليك ام لا
عليك بقراءة ماقبله من تعليق لدى حول ان نذهب بهذا البوست الى ابعد من ماهو عليه..
وفتك بعافيه..
*ياقلب انت قايلك توبته من تعب السفر..
ومن مخاواة القمارى ومن شراب مويه المطر..
تاريك كامن لى بى شيتا كُتر..
تاريك لابد لى بى شيتا كُتر..
والتحايا النواضر....
| |
|
|
|
|
|
|
|
|
|
Re: شاركوا في حفلة وداع المناضل بقال المتوجه إلى تورينتو... (Re: alsngaq)
|
حفيدى عمر .. سلام و شوق بحر
هناك أقلام أحرص جدا أن أقرأ كل ما تخطه .. هذا الأساسى أساسى يأثرنى بإبداعاته حين أختزل منها السياسة .. تمنيت أن يكون عندى صهريج كبير ملئ بسائل الأنتى بوليتيكس و أغمسه فيه .. حينها سترون أديبا لا يشق له غبار .. أنت أيضا سأغمسك .. أقفلوا هذا الباب رغما أنه لا يجيب ريحا
حفلتكم كاربة و أنا أعشق كتل الحفلات حد الجنون دون مساءلة نفسى عن مناسباتها .. فالطرب يستهوينى .. فمكانكم هذا ملئ بالتطريب .. أتمنى أن يكون ليلكم ما زال يحبو و يتقيد الجمهور بطلب تروسكى
| |
|
|
|
|
|
|
|
|
|
Re: شاركوا في حفلة وداع المناضل بقال المتوجه إلى تورينتو... (Re: عمر الفاروق شيخ الدين)
|
ناس عيدروس قالوا ماشين الدويم عندهم بكي
قالوا ماشين يعزوا
ناس علوية لقوا غنمايتهم الكانت ضايعة
بخيت ومراتو فتحية بتاعت الشاي قالوا ماشين عمرة
وقالوا حيقعدوا لغاية الحج مع ولدهم الفي جدة
امبارح جابوا شيلة البت سلمي
بس حليمة قالت رجعوا الشيلة دي قالوا ليها ليه
قالت الشلخة ما على الموضة وقصيرة يا دووب عند الصدر
قالت لازم تكون مقاس اكس لارج وتكون فوق الركبة
امبارح بالليل ستونا جات نزلت من الامجاد
اولاد الحلة الكانوا قاعدين جنب عمود الكهربا
سألوا سواق الامجاد انتو جايين من فين
ستونا قالت ليهم سجمي انتو دخلكم شنو
ناس دكتا وسامبا قالوا يحذرون امريكا ولاخر مرة
عدم التدخل في شؤون السودان الداخلية
الولد بتار ونعناع الجنينه قالوا جايين عشان يعرسوا
ام بتار سوت الخبيز حقها والصيوان جاهز من حسع
نواصل بعدين
| |
|
|
|
|
|
|
|
|
|
Re: شاركوا في حفلة وداع المناضل بقال المتوجه إلى تورينتو... (Re: حمزاوي)
|
Quote: يا وطن ..أوعك تمش..فتش هناك جوة الأرض..تلقا النضال مرسوم عديل ...تلقا الفراشات تغرد جوة كابوس الزمن ..والبنية الحلوة ماسكة ..تشهق الضحكة النحيب ..جمر القضية مختوت في كانون ست الشاي تولع بيهو قهوة حنضل ..ويضحك الزمن الخرافي يا وجع كل السنين ..ويا فرح عشق الأزاهر ..ويا شمس حرية أطلعي ..ويا ليل عتمة ضلام الكوز أمش ..منعول أبوك وطن وسخ ...وتف علي يرقة عناكب ..ويخس وألف يخس يا الأسد البتجرح في غزال أرنب وبسمة ..
|
أعزمني معاك يوم يا عمر الفاروق
| |
|
|
|
|
|
|
|
|
|
Re: شاركوا في حفلة وداع المناضل بقال المتوجه إلى تورينتو... (Re: abuguta)
|
الأخوة المتدالخين
معليش ما جيتكم لأنو أنا هسة واقف في العشا بكفي في المناضلين و ألملم في الصحانة المكسسسسسسسسسسسسسسسرة تحت الرجلين ، أصلو كللللللللللل شوية بيطلع واحد منهم فوق راس طربيزة و يقول ليهو غصيدة عسماء في وداع المناضل المفارق و عينو قووووووووووووية ، و الجماعة يهيجوا ليك و هاك يا فليع بالصحانة و الكوكتيل و المناضل يعييييييييييط.
تخريمة :
الحالم سبّانا
إنتو مش قلتو جايين قرييب و الشايفنو نحن بعييييييييييييد إنتو شايفنو على قولتك
الآااااااااااااااااان
طيب مارقنو ليه
ولا دي من باب مرقنبو قرنبو
المهم أخدوهو و أخدو راحتكم معاهو و ما تقلقو على البلد
البلد في يد أمينة
أعشي الناس ديل و أجيكم
| |
|
|
|
|
|
|
|
|
|
Re: شاركوا في حفلة وداع المناضل بقال المتوجه إلى تورينتو... (Re: عمر الفاروق شيخ الدين)
|
نواصل يا جماعة ..
أصلو العشا شكلو بدا يكمل وحانضطر نتموا ليكم مكنات شاورمة ..
أو
مخلل وطعمية وبطاطس وبيض ...
شمهروش :
ياخوي خليك قريب من الدايرة وما تكون بعيد ..شهقة الحب ده شي صعب خلاص الفرق بينا وبين شهقة الموت مساحات الوطن لمن تجرح عين قرد مكحلة عيونو هتافات المغني الجاي من وجع البعاد...
أحمد بابكر ..
يازول ندي القلعة بنجيبا أصلو ندي دي مناضلة نضال غرييييييييييييييب
إنت ما سمعتها لمن رددت أغنيتها الوطنية البلشفية اللينينية للمناضل إستالين لمن سجنوهو أكتر من سنة ؟
سنة سنتين شوية ..
ياأستاين علية ..
أنا الدايرة سويتو..
وانا عهدي مانسيتو..
طبعاً ما حاتحرجني وتقول لي هي كانت دايرة تعمل شنو وسووت شنو ..أصلو المناضلين ديل ناس كتومين ..
| |
|
|
|
|
|
|
|
|
|
Re: شاركوا في حفلة وداع المناضل بقال المتوجه إلى تورينتو... (Re: عمر الفاروق شيخ الدين)
|
نواصل حفلنا الساهر في وداع المناضل إبراهيم بقال وفي المساحة التالية نقدم بعض البرقيات التي وردتنا من المناضلين اللذين لم يتمكنوا من الحضور إما بسبب محاصرة كلاب الأمن لبيوتهم أو لبعد المسافات فمعظم المناضلون يختارون الأقاصي الشقلة ..جبرونا..مرزوق..الحاج منفي .. ومنهم ن واجه صعوبة المواصلات ..كما أن منهم من حاول أن يضلل كلاب الأمن فضل هو أيضاً الطريق للحفلة ..
قف ..
- سروالك مقدد وتسأل من وين جاياك الطراوة !!!!!!!!!!!!!!!!!!
مناضلو أمفريحانة يقفون قلباً وقالباً مع إبراهيم بقال ويتمنون له رحلة سعيدة ..
قف..
- هليكوبتر....هليكوبتر ..هليكوبتر ..نزل عسكر .. جيبوا العرقي خلونا النسكر !!!
فدائيو كمبو قرادة ينددون ويشجبون ويتوعدون ...ويتبرعون بي عبارين للمناضلين في الحفلة ..
قف..
- أمرقي مرق حسك ..وأطلعي من جوة طلعت روحك يا شرنقة الزمن الرمادي والنضال المستحيل!!!
أبناء منطقة الكفتة يتمنون رحلة هادئة ومكيفة كما قاعة الصداقة للأخ إبراهيم ويتوعدون بالضرب تحت الحزام للمارقين ...
قف..
- قملة عفصت فيل ..واللبوة كوركت الأسد ألحق تعال شوف النضال ..مابين عسس وزمناً جميل !!!
براعم مناضلو روضة ست الفلة فرع تريعة البجة ..سير وعين الله ترعاك يا إبراهيم ...
- هي يااااااا ده ..هو قالوك كده ؟؟؟..هي يااااااا هناي ..هي تعال بي جاي !!!!
مناضلات ديم اللعوتة يقفن مع إبراهيم في خندق واحد وجهزوا ليك الويكة والشرموط والبصل الناشف لزوم تجهيزات رمضان والأبري بيصلك إنشاء الله مع المناضلة فاطنة لستك ...
قف ..
يا شبابيك حوش النضال أفتحي...
ويا مناديل الخيش قشي دمعة وأمسحي..
ويا تراجديا الصراع الكايسة لي حزن الطيور أفرحي..
ماتشيلي هم زهرة البازنجان وما تخافي من ملاح الرجلة ولا شجرة التوت وأمرحي..
كان علي الوطن الجريح خليو كده ..ولا أقول غزي فيهو سكينة جزار مسطول وأجرحي...
يستاهل الوطن الدمار ..ويستاهلو أولاد الكلب وين كانوا لمن إنتي بتنبحي...
لمن إنتي بتنبحي...
إنتي ...
لمن ...
وين كانوا..
لمن إنتي..
وين ..
بتنبحي..
وتنبحي..
وتنبحي..
هو هو هو هو هو
| |
|
|
|
|
|
|
|
|
|
Re: شاركوا في حفلة وداع المناضل بقال المتوجه إلى تورينتو... (Re: esam gabralla)
|
Quote: ياخوي خليك قريب من الدايرة وما تكون بعيد ..شهقة الحب ده شي صعب خلاص الفرق بينا وبين شهقة الموت مساحات الوطن لمن تجرح عين قرد مكحلة عيونو هتافات المغني الجاي من وجع البعاد...
|
عمر الفاروق شيخ الدين (اسمك براه تهمة)
تب ماني بعيد قريب من دائرة المعاني والاحتمالات
تب ماني بعيد من كركرت جلد بيكابد الموت الاكيد
.....
انتا عارفني جنب وين بكون بين الرقيب والعتيد
عاوزين من الشعراء الوقف حالهم حور العين وربنا راسم
حور العين مليان ايقـــــــاع
| |
|
|
|
|
|
|
|
|
|
Re: شاركوا في حفلة وداع المناضل بقال المتوجه إلى تورينتو... (Re: عمر الفاروق شيخ الدين)
|
من خدر نت
Quote: شهادة غير المسلمين في رسول الله محمد صلى الله عليه وسلم
يكفي محمداً فخراً أنّه خلّص أمةً ذليلةً دمويةً من مخالب شياطين العادات
الذميمة، وفتح على وجوههم طريقَ الرُّقي والتقدم، وأنّ شريعةَ محمدٍ، ستسودُ
العالم لانسجامها مع العقل والحكمة.
تولستوي
إن العالم أحوج ما يكون إلى رجلٍ في تفكير محمد، هذا النبي الذي وضع
دينه دائماً موضع الاحترام والإجلال فإنه أقوى دين على هضم جميع المدنيات،
خالداً خلود الأبد، وإني أرى كثيراً من بني قومي قد دخلوا هذا الدين على
بينة، وسيجد هذا الدين مجاله الفسيح في هذه القارة (يعني أوروبا).
إنّ رجال الدين في القرون الوسطى، ونتيجةً للجهل أو التعصّب، قد رسموا لدين
محمدٍ صورةً قاتمةً، لقد كانوا يعتبرونه عدوًّا للمسيحية، لكنّني اطّلعت على
أمر هذا الرجل، فوجدته أعجوبةً خارقةً، وتوصلت إلى أنّه لم يكن عدوًّا للمسيحية،
بل يجب أنْ يسمّى منقذ البشرية، وفي رأيي أنّه لو تولّى أمر العالم اليوم،
لوفّق في حلّ مشكلاتنا بما يؤمن السلام والسعادة التي يرنو البشر إليها.
برناردشو |
و خير امه ردحت قالت
Quote: - سروالك مقدد وتسأل من وين جاياك الطراوة !!!!!!!!!!!!!!!!!!
هليكوبتر....هليكوبتر ..هليكوبتر ..نزل عسكر .. جيبوا العرقي خلونا النسكر !!!
...ويتبرعون بي عبارين للمناضلين في الحفلة ..
- هي يااااااا ده ..هو قالوك كده ؟؟؟..هي يااااااا هناي ..هي تعال بي جاي !!!!
فاطنة لستك ... |
والغريبه بعض الناس بيتساءلوا : لماذا يكره البعض الاسلام؟؟شوف ديل ممثليه الاعلى صوتآ
واخرين يتساءلوا : من اين اتى هؤلاء؟؟؟
والنار تخرى الرماد
رماد يكيل الامه الواقفه و تتضحك
| |
|
|
|
|
|
|
|
|
|
Re: شاركوا في حفلة وداع المناضل بقال المتوجه إلى تورينتو... (Re: عمر الفاروق شيخ الدين)
|
كدي يا جماعة معليش بس حا ديهو للمناضلة (تراجي) فييية تبكي عليييييييييية ..
Quote: وطبعا هم مغتاظيين انه فى اغبش اخر
طالع لبلاد العم سام ولا جون
|
ياأغبش أوعك تمش لي بلادا سام ..
هناك بدل ود أبرك بتلقا الحمام ..
وهناك أطواق الورد بدل اللجام ..
وهناك بتلقا حلاوة سقط الإسكريم مافيش بعام..
متعود إنت علي الكول وعصيدة الدخن التمام ..
يا تراجي والله حيرتونا !!!!
طيب ياخ بدل المعسكرات والحرب دي إيه رأيك يرسلوا ليكم ناس العم سام طيارة جامبو وتشيل كللللللل الجماعة الفي غرب السودان وتوديهم الغرب بتاع الخواجات ...أهو كللللللللللو غرب !!!!!
معقولة بي السهولة دي بتخلوا أهلكم المساكين يموتوا وإنتوا ترطبوا في الكندشة والإسكريم والبيرقر؟؟؟
مش قلنا ليكم إنتو ما ناس حارة؟؟؟؟؟؟؟؟؟؟؟؟
Quote: المهم يا ابرهيم يا غالى
انا غايتو كان سالتنى
بقول لك كلفورنيا احلى
بلاد دافيه وحلوه
وناسه حلويين
وكما بيموتا فى اللون الاسمر |
الحمد لله إنو ناس كلفورنيا بيموتوا في الناس السمر يعني ناس عبد الحليم الحافظ ممكن يمشوا عاااااادي أصلو هو عندليب أسمر وكمان الفنان الكبير الله يرحمو أحمد زكي مممكن يدفنوه هناك في كلفورنيا أصلو هو كمان أسمر ...
إبراهيم أسمع كلامي وقول ليهم انا عايز تورينتو !!!!!!!!!!!!!!!!!!!!
Quote: وبعديين نحن هنا الجلابه هارشينهم لك هارشه
وحياتك ولا نفس
الواحد يقول بغم نقول جنجويد
طوالى بيلبد
|
البيقول جنجويد منو ؟؟؟ والبقول بغم منو ؟؟؟
نرجو التوضيح ..
أصلو هنا في السودان للأسف الأية مقلوبة حبتين !!!!!!!!!!!!!!!!!!!!!!
Quote: خاصه بعد ما اصحابنا اليهود اعلنوا عن تبنيهم
دفع اقساط دراستك شرط التخصص فى مادة اسمها (Anty Arabisim)
|
وياريت بي المرة تدسوهو مادة الأنتيبايوتك والأنتي فايروس أصلو الأناتي كتييييييرة..
Quote: هذا الداء وخطورته على احلامنا التوسعيه الخطيره.
|
التوسعية من التوسع والإمبريالية من الأمبرة
Quote: ما تنسى تكتب كل اصحابك ومعارفك اللى فى المستقبل
ناوى تساعدهم وتجيب هنا تكتبهم اهلك .
|
إبراهيم ده صحبي موت ...
عليييييييك الله شوفي لي طريقة إنشاء الله بتاع بيتزا في بيتزا هوت !!!
بجيك ..كان الله مد في العمر..
| |
|
|
|
|
|
|
|
|
|
Re: شاركوا في حفلة وداع المناضل بقال المتوجه إلى تورينتو... (Re: esam gabralla)
|
السنجك + عمران :
نتشرف بدعوة سيادتكم لحضور حفل المرطبات المقام علي شرف مغادرة أحد أبناء السودان البررة والمناضلين أخونا إبراهيم بقال إلي تورينتو ..ويقام الحفل بعد صلاة العشاء إنشاء الله والكروكي مرسوم بالحبر السري حتي لا يعرفه كلاب الأمن ..وسيكون الإحتفال في قبو غير واضح المعالم حيث يقيم الالمناضل الان ...
ونتمني من سيادتكم المشاركة في الحفل بقصيدة أو نكتة تحكي نضالكم الثر...
كما نتمني أن تلتزموا بي اليونيفورم المحدد لهذا الحفل وهو عصابة حمراء علي الجبهة وقميص مفتوح التلاتة زراير الأولي ومربوط من أسفل لزوم الشفتنة وبنطلون جينز مشرط وقديم وما مغسل ...
والعاقبة عندكم في المسرات (دي لزوم الكشف)...
| |
|
|
|
|
|
|
|
|
|
Re: شاركوا في حفلة وداع المناضل بقال المتوجه إلى تورينتو... (Re: عمر الفاروق شيخ الدين)
|
عمر الفاروق تحياتي وسلامي واشواقي
كيفك يا زول واخبارك وشله الظلام
والله انقطعنا لينا فترة وجدنا الحكاية تحولت حفلات وسفر واغتراب لكندا كمان
وبارتيات وبالرغم ان معظم المدعوين من المناضلين الا انني مستعيذا من الشيطان الرجيم فقد قررت وبكامل قواي العقلية المشاركة في هذا البارتي الرائع ...
العايزو منك يا عمر توريني فضل كم مناضل بعد داك عشان احسب باقي الحفلات المتبقية
وماتخاف اخوك بجيد كل انواع الرقصات ابتداء من الهجيج العادي انتهاء بعرضات قيقم في حماك ربنا في سبيل ديننا
هذا ولك تحياتي ،،،
| |
|
|
|
|
|
|
|
|
 Re: شاركوا في حفلة وداع المناضل بقال المتوجه إلى تورينتو... (Re: luai)
|
اخي معتز ...
لك كل محبتي..
Quote: عموما دى فكرتى والبوست الناس تخليهو ونسه بعيد عن التهكم وكل الناس تجى تشارك لانو الكلام الفيهو بالجد يضحك والقصائد الفيهو....
|
لم استطيع ان اضحك بل العكس ازددت غمأ وحزنأ .. انني اتحسر غلي شباب نابه ويتكلم عن السودان الجديد .. ويسخر ليس من ابراهيم بقال ولكن من كل دارفوري يتكلم عن مأساة اهله ....
لست ادري ما الذي فعله ابراهيم بقال حتي يواجه بهذه الحملة الشرسة.. والتي رغم صغر سنه جعلته اكبر منا جميعأ ..
انا قد اختلف معه في بعض ما يكتبه لكني لا اشك لحظة في اخلاصه لاهله وبلده..
اتريدون من اهل دارفور ان يضحكوا ولا زالت سرادق العزاء امام كل بيت..
كيف نستسيغ حلمنتيشياتكم ولا زال دم اهلنا يسيل ولا زال القتلة يتعقبونهم وراء كل شجرة وحجر .بالامس القريب قتل منهم في طور 22. شخصأ.. كيف نضحك .. واهلنا تشردوا في كل ناحية وبلد..
اذا كنتم تريدون لهوأ فلا تجعلوا ابراهيم غرضأ .. فكلنا ابراهيم ..
كفاكم همزأ ولمزأ .. لا تطلقوا الضحكات الماجنة في سرادق العزاء..
| |
|
|
|
|
|
|
|
|
|
Re: شاركوا في حفلة وداع المناضل بقال المتوجه إلى تورينتو... (Re: عمر الفاروق شيخ الدين)
|
ناذر يا حبيب :
Quote: جاييكي يا درة الصحراء ووميضا
|
يازول إنت بتتكلم عن عبلة ولا شنو ؟؟؟؟
نحن قلنا الحفلة حفلة مناضلين وماعايزين أي غزل !!!!!
Quote: برضو راجيكي يا زمن فرقة مواعين النضال المتعبة
الجاية من شمسا تحرقت في عيون املا مرقرق في جوف تعبا ملهلب في الخواطر طارد في شواطين الكدر معشعش في حنايا الإحتلال ..
|
أهو ده النضال ذات نفسو ..أيوة كده ولا بلاش ....
عندك تذكرة سفر الخرطوم القاهرة الخرطوم مع الإقامة لمدة أسبوع مقدمة من شركة مناضلون ...
أحمد الريح :
Quote: شو بتقصد يا تبلدينا، الزلمة سوداني وقبضاي وكتاباتو (كتير مهضومة)...
|
لك شو خيوي ...بدي إللك إنو إنت إكتير إكتير ذوقك عالي تؤبرني يا أبوحميد ..
أربو التلتين ويا ويلي من التلتين ....(دي بمناسبة تعبنا من النضال )..
أبوقوتة :
قنبلة النضال الموقوتة :
Quote: هذه القصيدة لشاعرنا النابغة عمر الفاروق...القصيدة من بحر المكجول .. تصريفها ....كجل متكاجل كجل...موضوعية غارقة حتى الصدر فى بحر الوطنية...مبخرة بعيدان الديمقراطية..مسقية من طملة الزهج المكرفس فى شنط الطالبات..معبرة حتى شجيرات الحناء هبهبت حين صهل بها الولد الفاروقى..وهى تشق ليل الفوانيس المبقبقة..فى زمن التعاتير المحدبة.. وختم شاعرنا الكلس قصيدته الخلاصية المنبت ( وبسمة ) وهذا يدل على تفاؤل الشاعر الابيض الذى يحلم ان يرى بريق الخشيم الودعى المتلاشى المشتت المجكنن والوجه القمرى المتصارع مع شعبة الراكوبة الملولوة ذلك الجسد الظلامى الخجول حق له آآن له ان يتمرد و ينبلج على تقاليد الحى المسيطرعليه من .. اساسى وشلته..وتريد صاحبته ان تتمرصع وتبرز محاسنها المسوكرة (مع اغنية رقاصة ياسماء) حتى تراها شلليات الاستنارة النضالية البكاية والمبارية لدريبات الحسناوت..اذكر صاحبى النورى المشع معجب ببنت جيرانهم..حتى مرة وجدته يتابع دريبها فوق نجيلة ام عشارين..حيث البنات تقضى حاجايتهن ليلا..ولكن زميلى يسطيع ان يقص الدرب مع الليل القمرى..لان له نورين...نور الاستنارة ونور القمراء الدوارة...لكن ابصره والده وقطع عليه مغامراته الحبكانية وهو يخشى عليه ترهل الكلمات.. فاعطاه مصاريف وامره بان يغادر القرية..قبل مواعيد فتح الجامعة المغلقة لجل غير مسمى فى انتظار الحكم الجديد الذى سوف يطلع من خيران البلدية..ومظاهرات الشماسة الفعلية.. سمعت من احد المتظاهرين يقول هذا زمان الشماسة...لم نبقى الا نحن وهو يردد بزهو وافتخار تلك العبارات التى اثارت حفيظتى..
|
لا تعليق ..والله محنتنا عدييييييييييييييييييييييييييل
| |
|
|
|
|
|
|
|
|
|
Re: شاركوا في حفلة وداع المناضل بقال المتوجه إلى تورينتو... (Re: عمر الفاروق شيخ الدين)
|
وبعد أن إتصل المندوب السامي الدائم للمناضلين بمجلس الأمن بإخوته في الحفل عمت الفرحة أرجاء القبو وبدأ الهجيج ...
بتاع البنقز كان أول من سمع بالخبر قام طوالي عمل كرررررررررككك دمبق دبقك كررررككك
ثم عمت الفوضي والفرح العارم أرجاء القبو ..
إبراهيم بقال ..يالله ..سيد الرجال ..يالله ..قايد النضال ..يا الله ..النار النار يا الله ..
وكالعادة دوماً تجد المناضلون اللذين يجلسون في الخلف ويعملون في هدوء دون ضوضاء ..
أها يا جماعة ألحقو البهجة ما تفوتكم ...
| |
|
|
|
|
|
|
|
|
|
Re: شاركوا في حفلة وداع المناضل بقال المتوجه إلى تورينتو... (Re: عمر الفاروق شيخ الدين)
|
محمدين محمد إسحق ..
لا تناقضوا أنفسكم بأنفسكم !!!!!!!!!!!!!!!!!
كيف تقيمون سرادق العزاء وأنتم تتبجحون بأنكم تستطيعون إخراج بني وطنكم بل المناضلين منكم إلي بلاد العم سام ؟؟؟؟!!!!!!!!!!!!!!!!!!!!!
لماذا لا تتركوهم يناضلون حتي الرمق الأخير ؟؟؟؟؟؟؟؟؟؟؟؟
ولماذا تتركون بني شعبكم يموتون ؟؟؟؟؟
للاجئين دارفور رب يحميهم طالما أن أبناء دارفور أثروا الرحيل دون البقاء ..
بل وإنهم فرحون بذلك ويعلنونه علي الإنترنت ...
عجبي لكم مالكم كيف تحكمون ؟؟؟؟
| |
|
|
|
|
|
|
|
|
|
Re: شاركوا في حفلة وداع المناضل بقال المتوجه إلى تورينتو... (Re: عمر الفاروق شيخ الدين)
|
اخي عمرالفاروق ..
اوتسألني.. لماذا امر الرسول (ص) بعضأ من اصحابه بالهجرة الي الحبشة -- الهجرة الاولي والثانية.-- وهي كانت نصرانية..
ولكنه امرهم بالهجرة اليها لان فيها ملك لا يظلم عنده احد ... لا يهم بالد العم سام ام العم حام ولكنها بلاد لا يظلم فيها احد..
او تسألني لماذا هاجر النبي نفسه من مكة الي المدينة ؟ .. اليس له رب يحميه في مكة؟؟
اوتسألني لماذا هاجر الخميني وعاش في نوفل لوشاتو بفرنسا الي ان عاد لايران منتصرأ علي الشاه ؟؟
اوتسألني لماذا ترك هيلاسلاسي الحبشة لقوي الاحتلال الفاشيستية وذهب الي لندن ؟
او تسألني لماذا ترك كل هؤلاء بلادهم الاصلية ليناضلوا من الخارج كل علي طريقته وشاكلته :-
سام انجوما .. ماركوس قارفي .. قيفارا.. فيدل كاسترو..ياسر عرفات.. الصادق المهدي.. الميرغني.. مليس زناوي.. اسياس افورقي.. ابو قتيبة الجزائري.. مصطفي حمزة.. آل الهندي .. البابا بولس الثاني..كابيلا الاول.. السيستاني.. ارستيد هايتي...والقائمة تطول!!!
| |
|
|
|
|
|
|
|
|
|
Re: شاركوا في حفلة وداع المناضل بقال المتوجه إلى تورينتو... (Re: محمدين محمد اسحق)
|
محمدين محمد إسحق :
يا راجل إنت جادي في مقارنتك دي؟؟؟؟؟؟؟؟؟؟؟؟؟؟؟؟
انا عموماً إقتنعت بيها بس إنشاء الله تكون إنت مقتنع !!!!!!
طيب الصحابة ديل ما أظن هاجروا كلهم مش؟؟؟؟؟؟؟؟؟؟؟؟؟؟
وكمان الرسول صلي الله عليه وسلم ما هاجر معاهو كل الناس !!!!!!!!!!!
انا اعتقد إنو المرقو منكم ديل كفااااااااااااية جداً ..
مش كفاية هاجر علي الحاج ؟؟؟
ومش كفاية هاجر إبراهيم خليل؟؟؟؟
ومش كفاية محمد سليمان ؟؟؟
ومش كفاية تراجي؟؟؟؟
طيب إنتو لو هاجرتو كلكم أها البيقعد في دارفور منو ؟؟؟؟
ولا أقول ليك هاجروا كلكم وكونوا جيشوكم وأركبوا الحصين وتعالوا طالما قارنت جماعتك بي صحابة الرسول صلي الله عليه وسلم ..
تخريمة :
القال ليك منو بوش زي النجاشي .؟؟؟؟؟
| |
|
|
|
|
|
|
|
|
|
Re: شاركوا في حفلة وداع المناضل بقال المتوجه إلى تورينتو... (Re: عمر الفاروق شيخ الدين)
|
الاخوة الزملاء وكل المتداخلين
السلام عليكم ورحمة الله وبركاته
اخوتي انا كعادتي لا اود ان ادخل في بوستات
المدعو عمر الفاروق ولكن هذه المرة دخلتها
اضطرارياً لتوضيح بسيط جداً او لسؤال واحد اود
ان اوجه لكم ... في الساحة السياسية الان قضايا
كثيرة وهامة وقضايا انسانية في دارفور الاف من
البشر يموتون وفي شرق السودان كذلك وفي جنوب السودان
وشمال السودان وجميع انها البلاد يوجد فيها مأسي
بشرية وانهاكات جسامة لحقوق الانسان الاطفال يموتون
النساء يرملون والعجزة والشيوخ يقتلون ويحرقون ويشردون
من ديارهم بغير حق .. وفي الخرطوم يوجد انهاكات لحقوق الانسان
وخصوصاً وسط شريحة الطلاب الان اكثر من خكوسون طالب الان هم في
المستشفيات لتلقي العلاج بسبب هجمات الشرطة والامن وانهاكهم
للحرم الجامعي وضربهم بالعصي والخرطيش وهم الان حالتهم خطرة
جداً في المستشفيات .. هذا بالاضافة الي مقتل طالب جامعة الدلنج
ومقتل طالب مؤتمر البجا بجامعة النيلين برصاصة الشرطة ..
كل هذه قضايا حية موجودة في الساحة السياسية السودانية
سؤال لكل الاخوة المتدخلون لماذا الانجرار وراء الخط الانصرافي
الذي يقوده عمر الفاروق وبعد اذياله المنتسبين لنظام الخرطوم ؟؟؟
اما كان الاجدي لنا ولكم جميعاً ان تناقشوه هذه القضايا الحية
والتفاكر في بحث الحلول لهذه القضايا بدلاً من الانجرار وراء الخط
الانصرافي المشبوه الذي يقوده عمر الفاروق واعوانه ؟؟؟ انا شخصياً
لا اود ان اعقب او ارد علي عمر الفاروق فيما يكتبه عني ولكن
انصحكم جميعاً بالتريس وعدم الاستعجال وفحص كتابات عمر الفاروق
جيداً وتحليلها ومن ثم ابداء الاراء فيها ولكن انا ارئ ان
عمر الفاروق يقود حملة شعواء وحملة عنصرية بغيضة داخل
هذا المنبر منذ ان عرفت هذا الرجل عرفته بأنه عنصرياً عرفته بأنه
جهوياً عرفته بأنه انصرافياً عرفته بأنه لا موضوع ولا اخلاق ولا خُُلق له
لكنني ظللت طيله هذه الفترات اتجاهل مايكتبه عمر الفاروق
عملاً بمبدأ اذا نطق الصفيح فلا تجبه *** فخير من اجابته السكوت
كفاية خلاص لانه لا يستحق اكثر من هذا ... قضايانا اكبر من عمر الفاروق
واكبر من الخط الانصرافي الذي يقوده ... والسلام
| |
|
|
|
|
|
|
|
|
|
Re: شاركوا في حفلة وداع المناضل بقال المتوجه إلى تورينتو... (Re: ibrahim bagal)
|
اخي عمر الفاروق..
هل استطعت ان تنظر لتلك المرأة الدارفورية ..
حدّق فيها جيدأ .. هل تري فيها امأ لك؟.. اعد البصر كرتين .. هل تري فيها خالتك او عمتك؟
اذا لم تستطيع ان تجد فيها ذلك ..حدق فيها مرة اخري ..هل تري فيها انسانة من لحم وعظم...
اذا لم تري كل ذلك فلا شك انك من طينة اخري!!
اذا انت لم تتكلم عن مأساتها فأن بقال يتحدث عنها ..
واذا انت لم تدافع عنها فقل بربك عمن تدافع؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
| |
|
|
|
|
|
|
|
|
|
Re: شاركوا في حفلة وداع المناضل بقال المتوجه إلى تورينتو... (Re: محمدين محمد اسحق)
|
محمدين محمد إسحق ..
حتي لا تنحرف بالموضوع إلي القصة المأساوية ...
من هنا تحدث في هذا البوست عن نساء دارفور ؟؟؟
ومن قال إن هؤلاء الناسء ليس ببشر ؟؟؟؟
ومن هنا تعرض للحروب في دارفور ؟؟
أنا هنا أتحدث عن النمور التي هي من ورق !!!!!
أتحدث عن من يدعون النضال وهو بعيدون كل البعد عنه ...
ضع لي صورة إبراهيم بقال وأسألني هل هذا مناضل؟؟؟؟ حينها سيكون ردي وبالبونت العريض لا وألف لا ليس هذا مناضل !!!!!!
بقال لا يتحدث عن هذه المرأة بقال يتحدث الأن عن كندا !!!!!!!!!!!!!!!!!!
بقال الأن يسرح في هل يشتري البالتو أم السيوتر !!!!!
بقال الأن يفكر هل هذه الأيام هي أيام الأيسكريم أم الهوت دوق !!!!!
لا تموه الموضوع يا محمدين محمد إسحق فرأينا حول الحرب في دارفور قلنها وليس لنا الإستعداد مرة أخري في إعادته ...
| |
|
|
|
|
|
|
|
|
|
Re: شاركوا في حفلة وداع المناضل بقال المتوجه إلى تورينتو... (Re: عمر الفاروق شيخ الدين)
|
المناضل إبراهيم بقال..
ياسيدي أول حاجة مشكور جداً علي إعطائنا جزء من وقتك الثمين وأنت داخل القبو الخفي..
طبعاً وكالعادة ركاكة في الكتابة جعلتني لا أفهم كثيراً مما تكتب ..
وركاكة في الفكر جعلتني لا أفهم حتي ماتعني من جمل مفيدة ..
معليش يا ود بقال انا مضطر أجاوبك علي تساؤلاتك دي بي سؤال أهم :
Quote: وقضايا انسانية في دارفور الاف من
البشر يموتون وفي شرق السودان كذلك وفي جنوب السودان
وشمال السودان وجميع انها البلاد يوجد فيها مأسي
بشرية وانهاكات جسامة لحقوق الانسان الاطفال يموتون
النساء يرملون والعجزة والشيوخ يقتلون ويحرقون ويشردون
من ديارهم بغير حق . |
عن أي إنصرافية تتكلم ؟؟؟؟؟؟؟؟؟؟؟؟؟؟؟؟ وأنت الذي بدأ بأول موضوع إنصرافي !!!!
يناس شوفوا لي حل ناس الأمن ساكني ؟؟؟؟؟؟؟؟؟؟؟؟؟؟؟؟؟؟؟؟؟؟
أي إنصراف هذا ؟؟؟؟؟؟؟؟؟؟؟؟؟؟؟؟؟
الناس في شنو الحسانية في شنو ؟؟؟؟؟؟؟؟؟؟؟؟؟؟؟؟؟؟
في دارفور الناس بتموت وإنت غالبك تصمد !!!!!!!!!!!!!!!!!
وكمان عايز تسافر لي كندا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
وفي رواية أخري كلفورنيا البلد الذي يحب الأسمر..
عن أي إنصرافية تتحدث وأنت تدعي الكذب بأن كلاب الأمن تطاردك !!!!!!!!!!!
ما رأيك في من يقول لك أنك تكذب فيما تروي من أحاديث فرجال الأمن لا يعرفون إسم كهذا الإسم !!!!!!!
وما رأيك إذا وجدت من قال لك بأنك لست مطارداً من كلاب الأمن ولا يوجد أصلاً من يعيرك أي إهتمام !!!!!!
إذن ألست أنت الإنصرافي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
Quote: سؤال لكل الاخوة المتدخلون لماذا الانجرار وراء الخط الانصرافي
الذي يقوده عمر الفاروق وبعد اذياله المنتسبين لنظام الخرطوم ؟؟؟
اما كان الاجدي لنا ولكم جميعاً ان تناقشوه هذه القضايا الحية
والتفاكر في بحث الحلول لهذه القضايا بدلاً من الانجرار وراء الخط
الانصرافي المشبوه الذي يقوده عمر الفاروق واعوانه ؟؟؟ |
أوما كان الأجدي لك أنت أيضاً أن تناقش مثل هذه القضايا بدلاً من الإنجرار وراء (ألحقوني )؟؟
ووراء بث الأكاذيب والتلفيق ؟؟؟؟؟؟؟؟؟؟؟؟؟؟؟؟
Quote: لكنني ظللت طيله هذه الفترات اتجاهل مايكتبه عمر الفاروق
عملاً بمبدأ اذا نطق الصفيح فلا تجبه *** فخير من اجابته السكوت |
يازول إنت كان راجي الصفيح ينطق واطاتك أصبحت !!!!!أصلو الصفائح لا تنطق بل تصدر ضجيجاً كرورورو ككرو كرورورورو..
إبراهيم بقال:
جهز شنطتك وما تنسي تشيل معاك جبنة سودانية وزيت سمسم وتسالي ..أصلو الحاجات دي هناك غالية ..وكمان عندي جواب عايز أرسلو معاك لي صاحبي ساكن في ديترويت ياريت تشيلو معاك ..
وأبقا سلم لي علي كل الصفايح المناضلين هناك ...
| |
|
|
|
|
|
|
|
|
|
Re: شاركوا في حفلة وداع المناضل بقال المتوجه إلى تورينتو... (Re: shammashi)
|
هلا وغلا ..هلا وغلا ..
أول حاجة معليش يا شموشي الصغير ما عزمناك الحفلة لأنو في الكرت كان مطبوع :
" نوماً هنيئاً لأطفالكم .."
لكن ولا يهمك الحفلة مصورة بي فيديو سلطان وإستديو النجوم ونسختك علي انا ...
وأبشرك كمان نحن بي صدد إفتتاح مدرسة براعم أمل السودان للنضال ووعد مني إنك اول زول ممكن نسجلوا فيها وحانبدا ليك بي سفرية صغيرة كده لحدي أريتريا أصلو هناك بيمشوا البراعم ..
Quote: بس ممكن تورينا من أين لك بهذه المعلومات الخطيرة.
|
ما كلموووووووووووووك ..ما قالوا ليييييييييييييك ..
مش أنا أدوني شريطين في الأمن وبقيت وكيل رغيف ..قصدي وكيل عريف !!!!!
وكلها كم شهر كده وأبقا لواء وأقول لي محمد حامد أجمع هنا يا مستجد ...
والله كان معلومات خطيرة ما عارف !!!!!!!!!!
أسة عليك الله دي دايرة ليها معلومات ؟؟؟؟ الراجل بيدخل النت عز الضهر والشمس تلحم وبرضو تقول لي خطيرة ؟؟؟؟
خطيرة بتاع فنيلتك ؟؟؟؟؟؟؟؟؟؟؟؟؟؟؟؟؟؟؟
شموشي يا صغيري دي حفلة المناضلين الكبار خليك بعيد وعليك علي إنشاء الله بعزمك حفلة عيد ميلاد بت واحدة مناضلة أصلو حايكون للأطفال بس ...
| |
|
|
|
|
|
|
|
|
|
Re: شاركوا في حفلة وداع المناضل بقال المتوجه إلى تورينتو... (Re: عمر الفاروق شيخ الدين)
|
الأخوة المتداخلون من قبل :
معليش الواحد لخبط الأبري مع الحلو مر وبقينا بنفطفط في الردود ..أعفو لينا أصلو الواحد واقف في العشا وكمان الفنانين واقفين لي في حلقي عايزين العداد ..
جدي الكبير الحلاوي أبو علوة :
وين الحي بيك وعاش من قرا خطك ..
الود أساسي ده كارثة عندها كرعين ..اما إنت فأبو الكارثة زاااااااااااااااتا ..
| Quote: حفلتكم كاربة و أنا أعشق كتل الحفلات حد الجنون دون مساءلة نفسى عن مناسباتها .. فالطرب يستهوينى .. فمكانكم هذا ملئ بالتطريب .. أتمنى أن يكون ليلكم ما زال يحبو |
ليلنا ده بعد يحبا نخليهو يمشي وبعدين يدخل المدرسة ثم الجامعة ولن نتوقف حتي يصل مرتبة مناضل ..
أها ما بتجينا في حفلتنا يا جدو ؟؟؟؟
| |
|
|
|
|
|
|
|
|
|
Re: شاركوا في حفلة وداع المناضل بقال المتوجه إلى تورينتو... (Re: عمر الفاروق شيخ الدين)
|
اخي عمر الفاروق.. انت تقول :-
Quote: أنا هنا أتحدث عن النمور التي هي من ورق !!!!!
أتحدث عن من يدعون النضال وهو بعيدون كل البعد عنه ...
ضع لي صورة إبراهيم بقال وأسألني هل هذا مناضل؟؟؟؟ حينها سيكون ردي وبالبونت العريض لا وألف لا ليس هذا مناضل !!!!!!
بقال لا يتحدث عن هذه المرأة بقال يتحدث الأن عن كندا !!!!!!!!!!!!!!!!!! |
وانا اقول لك بلي ان ابراهيم قد تحدث عن هذه المراة وغيرها من نساء
دارفور..
واذا اردنا ان نستدل بكتاباته في هذا البوست لامتلأ وفاض علي ما جاوره من بوستات....
انا سالتك هل نظرت الي تلك المرأة ..ام لا .. لماذا تهرب من السؤال ؟؟
انظر الي عينيها .. هل لحزنها حدود او زمان .. قل لي بربك ماذا رأيت؟..
قلت ان رأيك قلته من قبل ولا تريد ان تكرره.. يمكنك ان تهرب من السؤال .. ولكن اتستطيع ان تهرب من ضميرك؟؟؟
مرة اخري نريدك ان تري هل حزننا ابدي ام هو حزن موسمي .. تقول فيه كلمة لا تكررها....
انظر مرة اخري اخي عمر الفاروق هل رأيت حزنأ والمأ وشكوي وضياع كالتي تنطق به نظرات هذه المراة الدارفورية؟؟
| |
|
|
|
|
|
|
|
|
|
Re: شاركوا في حفلة وداع المناضل بقال المتوجه إلى تورينتو... (Re: عمر الفاروق شيخ الدين)
|
خالص التحايا
الجميع
اولا
ياعمر ازيك
عارفك لسه ماخد فى خاطر بالرغم من اعتذارتى المتكرره (لانو يبدو شيئا فى نفس يعقوب) عموما ماعلينا حديثى هذا سيكون لتصيح مسارى بعض الشى وليس متعلق باشياء (كاشياء يعقوبك تلك) لان الاختلاف معك لايزال قائما فى بعض الاشياء ولكن الود لم ينتهى اقلاها من ناحيتى ..
تصحيح المسار فى هذه الصفعه التى افاقتنى من الصديق (ابوحميد).. ففى المواقف يظهر الاصدقاء الحقه فى ان يقولون لك الحقيقه المره وهذا مايرحينى اكثر مايؤلمنى..
Quote: اخي معتز ...
لك كل محبتي..
Quote: عموما دى فكرتى والبوست الناس تخليهو ونسه بعيد عن التهكم وكل الناس تجى تشارك لانو الكلام الفيهو بالجد يضحك والقصائد الفيهو....
لم استطيع ان اضحك بل العكس ازددت غمأ وحزنأ .. انني اتحسر غلي شباب نابه ويتكلم عن السودان الجديد .. ويسخر ليس من ابراهيم بقال ولكن من كل دارفوري يتكلم عن مأساة اهله ....
لست ادري ما الذي فعله ابراهيم بقال حتي يواجه بهذه الحملة الشرسة.. والتي رغم صغر سنه جعلته اكبر منا جميعأ ..
انا قد اختلف معه في بعض ما يكتبه لكني لا اشك لحظة في اخلاصه لاهله وبلده..
اتريدون من اهل دارفور ان يضحكوا ولا زالت سرادق العزاء امام كل بيت..
كيف نستسيغ حلمنتيشياتكم ولا زال دم اهلنا يسيل ولا زال القتلة يتعقبونهم وراء كل شجرة وحجر .بالامس القريب قتل منهم في طور 22. شخصأ.. كيف نضحك .. واهلنا تشردوا في كل ناحية وبلد..
اذا كنتم تريدون لهوأ فلا تجعلوا ابراهيم غرضأ .. فكلنا ابراهيم ..
كفاكم همزأ ولمزأ .. لا تطلقوا الضحكات الماجنة في سرادق العزاء..
|
حديثك اعلاه ياعزيزى (محمدين) لاجدال فيه وان كنت انا كما قلت لك لااسعى فى ان يكون هناك تهكم لكن الاغلبيه هنا لاتساعدنى فحينها جلست اواقرا هذا البوست وتاكد لى ما قلته هو الصح..
فشكرا...
عزيزى عمر تعرف ساقول لك بعض الكلام فى حقك ويمكن يردفه شى لعلاء ايضا بالرغم غيبابه لان اسمك اصبح مقرونا به كونك انت رسخت لهذا المفوم وفى كون انه صديقك وتشتركان فى فى ارض واحده وغربه وكذلك فى الحروف (ع،ع)...الخ من الاشياء..
لاغتاته فى ذلك لكن لتقريب وجهات المقارنه بين الخل و خليله ..
بالرغم ان علا يُقال عنه كذا ووكذا وان كنت اتفق فى بعضها واختلف فى الاخريات (بمفهومى انا) لكنه شخص يجيد ناصية الحديث فى المواضيع بى علميه اكثر مماتفعله ..
يعنى اسالك الهدف من بوستك هذا شنو؟؟
هل انت غير مقتنع بان (ابراهيم ) تتم مطارده ؟؟ ام انه ينوى السفر الو الو ..الخ؟؟
يعنى لو كان لديه رغبه فى ان يخرج فهو حر فى الطريقه التى يتبعها ان كان ينافق باسم النضال او غيرها وهذه قبله من قامو بها ..يحق لك ان تواجههوتسائله عن كونه يخادع وغيرها من الاسئله بطريقه اخرى اعتقد..
رغم انك تعلم بان (ابراهيم) لم يسعى للسفر بالطريقه تلك لكن يمكن لسؤ تصرف من (ابراهيم) وو الخ من الاشياء الظاهره للعيان ..
يمكن ايضا كما قال (محمدين) ان المشكله لا تلمس فيك عصب حى (لانو لا هلك ولا لديك معهم صلة رحم)..
على الاقل هذا لايكفل لك ان تتناول الموضوع بتلكم الصوره لو لم تحاول الوقوف مع الشرفاء من ابناء الوطن حتى الذين لاتمت دارفور له بصلة رحم او لم يروها الا فى الخريطه لكنه الحس الوطنى..
واذا كانت اسبابك بان هناك من يتاجر بقضايا اهلنا فى درافور (كبعض الحركات)..
ايضا اسالك ماهو دورك تجاه الموطن الدرافورى بعيد عن هؤلاء ؟؟؟
كما ياعزيزى اعلم ان فى البلد الحاضن النيل ديك لو رفعت صوتك يتم الحجر عليه فما بالك شخص كبقال (ناطق باسم تجمع روابط دارفور بالجامعات) اى فى وسط الجامعات ومناطق المتعلمين والطبقات المستنير...(فكرته فيها دى)..؟؟
يمكن انه حدثت بعض المبالغات فى كون ان قضية بقال الان على مجلس الامم المتحده ووو من الاشياء التى ذُكرت ..
نعم لان السؤال الذى يفرضه المنطق نفسه كم مثال (ابراهيم ) لديه من القضايا ومطاردات (الامن ) ووو الخ اذا حينها لو كان بهذا المعيار اعتقد سيفرغ مجلس الامم المتحد كل جلساته الى مواطنى السودان لما يحدث من انتهاكات فيه هذا الشق الغير معقول ..
كان بك ان تقود شكل الموضع للبحث عن هذا السؤال بعلميه او بطريقه حوار مع (محمد سليمان) و( ترجى) الذان تبنيان الموضع بشكله الحاصل هذا..
لكن ماتقوم به ياعمر لهو(.........)عموما ساترك تلك المسميات حتى لاتظن بان الموضع محصور فى دائرة الشخصيه ..
وحينها سياتى سؤالك لى لماذا انت حضرت لو ان هذا البوست بتلك الصوره التى تتكلم عنها..
ساقول لك..
اولا انا كنت ضد اتجاه سير البوست بشكل الذى تود ان تذهب به انت..
مع التعديل الطفيف لشكل الفهم الذى نبهنى اليه (محمدين) اطرتت ان ارجع لكى اصحح مسارى ياعمر ..
لا عيب ان يحدث هذا..
واذا كنت تفتكر بان هذا البوست هو اسلوب (مكايدات) ياعمر هذا البوست وهذا الاسلوب لن ينقص الا من قدرك ..
هناك من يقول انك تقول الحق وو الخ ياعزيزى ان تقول الحقيقه بصوره جديه افضل من هذا العبث ..
نحن لسنا صغار السن نتحدث عن الذين يكبروننا فى العمر بانهم وباننهم لكن كجيل قل لى ان يكون شكل تناول القضيه هكذا يحسب على من في يدهم معاول التغير ليس الا سيناريو مكرر لماقبلهم واكثر سؤا..
ونصبح اشبه (بالشخص اتجاه واحد)
يبكى فى بيت البكاء والفرح او العكس ..
علينا بعملية (فرز الكيمان)..
نعرف متى نضحك ومتى نبكى..
والتحايا النواضر..
| |
|
|
|
|
|
|
|
|
|
Re: شاركوا في حفلة وداع المناضل بقال المتوجه إلى تورينتو... (Re: معتز تروتسكى)
|
اخي معتز..
لك كل محبتي ومحبة كل اهل دارفور...
انتصرت عليّ اخي معتز..
كلماتك الاخيرة زادت محبتك عندي..
ادب الاعتذار عن الخطأ هو منهج لا نتعطاه في سلوكنا السوداني.. وبالاخص اذا كان امام العامة ..
بالنسبة للاخ عمر الفاروق ليس بالضرورة ان يتفق معي او مع الاخ محمد سليمان اوتراجي اودنقوس او كوبيستا ..ولكن بالضرورة ان يتفهم وجهة نظرنا .... وان يحترم مشاعرنا واحاسيسنا .. فنحن اهل الميت..
بالنسبة لي لا اريد ان اصف عمر الفاروق او علاء بانهم عملاء وانهم امنجية....
ولكن في نفس الوقت لا اريده ان يصفنا بأننا مرتزقة وعملاء وخونة ومارقين.. فقط لاننا لا نتفق معه فيما يقوله..
مرة اخري اخي معتز لك كل تقديري وحبي ..
محمدين...
| |
|
|
|
|
|
|
|
|
|
Re: شاركوا في حفلة وداع المناضل بقال المتوجه إلى تورينتو... (Re: محمدين محمد اسحق)
|
الأخ محمدين محمد إسحق ..
Quote: بالنسبة للاخ عمر الفاروق ليس بالضرورة ان يتفق معي او مع الاخ محمد سليمان اوتراجي اودنقوس او كوبيستا ..ولكن بالضرورة ان يتفهم وجهة نظرنا .... وان يحترم مشاعرنا واحاسيسنا .. فنحن اهل الميت..
|
لا تتعجل أخ محمدين فربما أتفق معك أنت فإسلوب حواك حتي الأن أري فيه نوع من العقلانية والموضوعية ..
فعلاً لن أتفق مع باقي اللستة والتي جربنا الحوار معها وفهمنا طريقة إسلوبها ..
لست وحدك صاحب الوجعة ولست وحدك أهل الميت ..كلنا أهلهم وكلنا معهم فقط دع هذه اللستو جانباً وإعطني إحساس أنك فعلاً تحاول حل القضية وليس إستفزاز مشاعرنا والضحك علي عقولنا ..
ألم أقل لك يبدو أنك أتيت مشحوناً !!!!!!!!!!!!!!!1
تحياتي..
| |
|
|
|
|
|
|
|
|
|
Re: شاركوا في حفلة وداع المناضل بقال المتوجه إلى تورينتو... (Re: عمر الفاروق شيخ الدين)
|
اخي عمر الفاروق..
ولك التحية كذلك..
Quote: لا تتعجل أخ محمدين فربما أتفق معك أنت فإسلوب حواك حتي الأن أري فيه نوع من العقلانية والموضوعية ..
فعلاً لن أتفق مع باقي اللستة والتي جربنا الحوار معها وفهمنا طريقة إسلوبها ..
لست وحدك صاحب الوجعة ولست وحدك أهل الميت ..كلنا أهلهم وكلنا معهم فقط دع هذه اللستو جانباً وإعطني إحساس أنك فعلاً تحاول حل القضية وليس إستفزاز مشاعرنا والضحك علي عقولنا .. |
صدقني اخي عمر ..
بالنسبة لبقية الاخوة .. محمد سليمان .. بقال ..تراجي .. كوبيستا .. دنقوس.. بينية..والاخرين الذين تختلف معهم .. ليسوا بهذا السوء الذي تظنه فيهم .. هم ليسوا خونة ولا عملاء ولا مرتزقة... هم بصراحة اخي اصحاب قضية .. قد نختلف كلنا في بعض اشياء ولكننا كلنا يجمعنا ذلك الهم.. والحزن .. ..
حقيقة لا اريد ان اشخصك انت ولكن ما اريده قوله اننا معشر الدارفوريين الذين تعرضوا لتلك الفظائع قد صدمنا من موقف الكثيرين تجاه ما حدث ولذا لا تستغرب ان هناك الكثير من المرارات في دواخلنا ومن الصعب ان تزول بين يوم وليلة..
المحرقة لا زالت مستمرة..الحكومة لا زالت تحشد جنودها .... الجنجويد لا زالوا يعيثون في الارض فسادأ..
وحين يكون الامر هكذا فلا تتوقع من محمد سليمان اوبقال الصمت .. وسيظل كوبيستا يقتحم كل البوساتات حاملأ امامه صورة ذلك الطفل المحروق وامه ترضعه من ثديها .حتي تلك الصورة المؤثرة راي فيها اخونا علاء الدين متاجرة بالاثداء ..
المضايقات التي تعرض لها ابرهيم بقال ولا زال يتعرض لها من قبل اجهزة الامن السودانية.... جعلت منها مادة للتندر والسخرية.. ولم تكن موفقأ في ذلك..
ولك كل التحايا..
محمدين
| |
|
|
|
|
|
|
|
|
|
Re: شاركوا في حفلة وداع المناضل بقال المتوجه إلى تورينتو... (Re: محمدين محمد اسحق)
|
سلااااااااااااااااام
المناضلون الى كندا
انا ماعارف كندا دى فيها شنو بينفع اهلنا فى دارفور
ودا الانا قصدته من كلامى فى بوست خاص لبقال .... انوا الزول دا عايز يصل لى حاجه هو عارفها كويس ومعه اخرين
ماشين يضربوا الملاح الصاقط ... والهوت كوك ولا اسموا شنو يا ..........؟
بعدين ممكن نجيك بى لموزين فى بدروم برج البركه ووووك ولا اقصد المخبأ السرى بتاعك
ونحنا منتظرين نضالكم من تورنتو ولو احتجتوا لى ناس يساعدوكم فى ضرب الايسكريم قولينا عووووووووك
واعمل حسابك من تغيير الجو وشيل معاك مناديل ورق يابقال
وأكيد بكرة أحلى
| |
|
|
|
|
|
|
|
|
|
Re: شاركوا في حفلة وداع المناضل بقال المتوجه إلى تورينتو... (Re: محمدين محمد اسحق)
|
الأخ محمدين :
Quote: حتي تلك الصورة المؤثرة راي فيها اخونا علاء الدين متاجرة بالاثداء ..
|
الأخ علاء الدين لا رد الله غربته عندما كتب مثل هذا الكلام لم يكن تهكماً وإستهتاراً ولكن دعنا نكون أكثر حياءً ...فهل الغرض من الصورة هذا الطفل المشوه من أثار الحرب أم الغرض ثدي تلك المرأة ؟؟؟؟؟؟
كان يمكن معالجة مثل هذه الصورة بوضع صورة الطفل وأعتقد أن الكل يمكن أن يفهم المقصود دون التعرض لثدي هذه المرأة !!!!!!
وكما تضعون صور النساء وتقولون ماذا إذا كانت هذه المرأة أمكم أو أختكم او خالتكم أنا أعيد لك مثل هذا السؤال حتي تعرف مدي فظاعة أن تضع صورة إمرأة بثديها !!!!!!
هل تعلم هذه المرأة بأنها معروضة للجميع ؟؟؟؟؟؟؟؟؟؟؟؟؟؟؟؟؟؟
وماذا سيكون القول إذا قام عضو في المنبر بوضع صورة لفتاة عارية الصدر (دعنا هنا من الغرض) !!!!!!!!!!؟؟؟؟
تعودنا كسودانيين أن نستحي من مثل هذه اللقطات بغض النظر عن الرسالة المقصودة منها وليتكم تقدرون مثل هذه الأشياء فمثل هذه المرأة يجب أن تحافظ علي عوراتها طالما أنها لا تعلم بذلك ....
وأرجو ان توافقني الرأي بغض النظر عن شماعة الرسالة المقصودة من الصورة فالصورة الغرض منها الطفل وليس الثدي !!!!
| |
|
|
|
|
|
|
|
|
|
Re: شاركوا في حفلة وداع المناضل بقال المتوجه إلى تورينتو... (Re: عمر الفاروق شيخ الدين)
|
الى عمر الفاروق
أحلى ما قرأنا .. هذا البوست
بالله أوعك تقصر مع المناضلين ديل
Quote: اين الخرجين الاوائل...
من دكاتره ومهندسين
هاجرو الى دول السواحل..
سكنو العمارت الشواهق
وعلى النت كتبو شعر البواسل..
حكومة تعلن موتها
لا مشهد لها ولا قاتل...
يامناضلين الكى بورد
انتم غافين والزمن غافل...
نوزع البلد المسكين
ونرسله لكم بارسل...
ام فيكم وطنى جائى
راجع..عشان نبداء
المظاهرات من الريف
المناضل...
ام نقلبها نحن
ونكتب اسمنا باحرف
من قمامات الجنادل...
شماسة نحن عشقنا هذا
الشعب ومنا له للحكم
تنازل...
|
| |
|
|
|
|
|
|
|
|
|
Re: شاركوا في حفلة وداع المناضل بقال المتوجه إلى تورينتو... (Re: معتز تروتسكى)
|
الاخ عمر الشيخ..
Quote: وكما تضعون صور النساء وتقولون ماذا إذا كانت هذه المرأة أمكم أو أختكم او خالتكم أنا أعيد لك مثل هذا السؤال حتي تعرف مدي فظاعة أن تضع صورة إمرأة بثديها !!!!!!
هل تعلم هذه المرأة بأنها معروضة للجميع ؟؟؟؟؟؟؟؟؟؟؟؟؟؟؟؟؟؟
وماذا سيكون القول إذا قام عضو في المنبر بوضع صورة لفتاة عارية الصدر |
اخي عمر ..ايهما في نظرك هو الافظع .... قصف القري بما فيها من بشر ..من بينهم اطفال رضع ..وامهاتهم ..وعجزي .. واناس ابرياء لا صلة لهم بعبد الواحد او خليل .. ام ثدي امراة ترضع طفلها المحروق ؟؟
صدقني ..لا يوجد احد كامل العقل في هذه الدنيا يري تلك الصورة وبتلك الحالة يذهب به التفكير الي ما ذهبت اليه.. الا ان يكون مهووسأ او مخبولأ...
دعك من هذه الصورة وقل لي رأيك فيما حدث لهذه الفتاة الدارفورية ..التي وسمها جنجويد موسي هلال بوسام العبودية المزعومة... اخشي ان تقول لي ان وجهها عورة.. وانها معروضة للبيع..
| |
|
|
|
|
|
|
|
|
|
Re: شاركوا في حفلة وداع المناضل بقال المتوجه إلى تورينتو... (Re: محمدين محمد اسحق)
|
الأخ محمدين :
Quote: دعك من هذه الصورة وقل لي رأيك فيما حدث لهذه الفتاة الدارفورية ..التي وسمها جنجويد موسي هلال بوسام العبودية المزعومة... اخشي ان تقول لي ان وجهها عورة.. وانها معروضة للبيع..
|
أراك تسأل ثم تجيب لحالك فلماذا إذن السؤال ؟؟؟؟؟؟؟؟؟؟؟؟
إن كان هذا الذي تعتقده فلابأس بذلك طالما أنك تود أن تسمع مثل هذا الكلام ..
مشكلة معظم الدارفوريون في هذا المنبر عندما يبدأ الناس في التحاور معهم ينقلبون فجأة ويبدأو في وضع أسئلة يودن فيها أن يسمعوا ما يودون سماعه هم ولا شئ أخر ..
يودون أن نقول لهم ما يحبون أن يسمعوا لا ما يحصل في أرض الواقع ..
| Quote: واناس ابرياء لا صلة لهم بعبد الواحد او خليل .. |
أما نحن فلنا الصلة المباااااااااشرة بعمر البشير وعلي عثمان وموسي هلال فهم أشقاء والدي من جهة الأم لذا يمكنكم أن تحملوني ما يحدث لكم من جراء ما يفعلون أليس كذلك ؟؟؟
كما أن هؤلاء الأبرياء ليس لهم صلة بخليل وعبد الواحد فنحن كذلك أبرياء ليس لنا صلة بعمر البشير وعليي عثمان فلا تشتمونا ولا تسيئون إلينا دعونا وحال سبيلنا إلا فتحملوا ردة الفعل التي كانت بفعلكم أنتم ..
| |
|
|
|
|
|
|
|
|
|
Re: شاركوا في حفلة وداع المناضل بقال المتوجه إلى تورينتو... (Re: عمر الفاروق شيخ الدين)
|
الاخ في الاسلام..
عمر الفاروق..
اذا كانت هذه هي كلماتك.. فاظن ان محمد سليمان معه الحق .. وكل الحق...
من سابك ؟. . من شتمك ؟؟
| Quote: كما أن هؤلاء الأبرياء ليس لهم صلة بخليل وعبد الواحد فنحن كذلك أبرياء ليس لنا صلة بعمر البشير وعليي عثمان فلا تشتمونا ولا تسيئون إلينا دعونا وحال سبيلنا إلا فتحملوا ردة الفعل التي كانت بفعلكم أنتم |
انت الذي ذهبت تقيم الاحتفالات الماجنة وتسخر من نضال بقال وقلناها لك ان انت لم تدافع عن ضحايا دارفور فهو يدافع عنهم فدعه وسبيله...
لماذا تختفي خلف قناعات ان الشمال مستهدف من محمد سليمان ومن ومن ....
لماذا لا تعلنها انك تدافع عن هذا النظام ...لعبتكم انت وعلاء الدين لا رد الله غربته باتت مكشوفة....
صورة امراة دارفورية عجوز اوفقت صور المجون التي وضعتها هنا في هذا البوست لتسخر ليس من بقال ولكن من كل ابناء دارفور الشرفاء...
اين رفاقك اعضاء هيئة حلمنتيش العليا؟؟؟ تسللوا لواذأ .. ولعل للبعض منهم ضميرأ حيأ فأبوا ان يشاركوك حفلك الماجن الراقص..
وقالوها لك .. ولكنك سادر في غيك.... تدافع عن القتلة والسفاحين ومصاصي الدماء..
نظامك الابارتايدي الذي تدافع عنه باتت ايامه معدودة...
ليس بالهين ان تقتل اهل القران في السودان ... وتمضي هكذا بلا حساب... ستري
كيف سينهار هذا النظام .. قالها صدام .. اين هو الان ؟؟ واقسم بها البشير ..
وستري اين سيكون ..الامر لا يحتاج الي كاهن او عراف او ضارب رمل ليعرف ماذا سيحدث اذا اصر البشير علي قسمه..
ولا يحتاج الي عالم - بالكسرة في اللام - في الغيبيات والحجب ليدرك ماذا سيحدث اذا حنث بقسمه....
هي النهاية في كلا الحالتين...
واصل بثك الحي لصور حفلات وداعكم الاخير ....
وجه رقاع الدعوة لمن تريد .. وضع المزيد من الصور الراقصة ...
وسنأتيك بالمزيد من ضحايا الجنجويد وعلي عثمان ليكون شهودأ علي حفلك الماجن..
ولنري ألديك الشجاعة في النظر الي عيونهم ...
عجوز واحدة فرملتك.... راجع اخر صورة ماجنة اتيت بها في هذا البوست ...
هل استطعت ان تأتي بغيرها .. بعد ان حضرت تلك العجوز الي دار الندوة .
كنت تسخر من بقال ولكنها حين حضرت بحزنها الابدي ..
تحولت الي الشتيمة .. وصرت غاضبأ..
هزمتك تلك العجوز ... ولكنك تستكبر .. واخذك العزة بالأثم ...
| Quote: دعونا وحال سبيلنا إلا فتحملوا ردة الفعل التي كانت بفعلكم أنتم |
نعم .. اكشف عن نفسك ... قلتها وقالها صلاح غوش ...
Quote: 02:01 آخــر تحديــــث 2004-10-19
مدير جهاز الأمن السوداني: سلحنا ميليشيات دارفور لكننا لن نفعل ذلك في الشرق
قال صلاح قوش مدير جهاز الأمن الداخلي السوداني امس (الاثنين) ان المتمردين في منطقة دارفور (غرب البلاد) يدفعون الجيش لقصف قرى دارفور واطلاق النار عليها باستخدامهم هذه القرى كمأوى وقواعد للعمليات العسكرية. وفي مقابلة نادرة مع وسائل الاعلام، ابلغ قوش وكالة “رويترز” ان السودان سلح بالفعل القبائل والميليشيات لقتال المتمردين في دارفور، لكنه لن يرتكب الخطأ نفسه شرق البلاد حيث تتصاعد حدة التوتر على امتداد الحدود مع اريتريا.
وتسببت الهجمات على القرى باستخدام قاذفات القنابل وجنود الجيش او الميليشيات في دفع اكثر من 1،5 مليون شخص على النزوح من ديارهم في دارفور، ما خلق ما وصفته الأمم المتحدة بإحدى أسوأ الازمات الانسانية في العالم.
ولم تقدم الحكومة السودانية في السابق تفسيرا للقصف الجوي للقرى رغم شهادات كثير من الشهود. ولكن قوش قال ان الميليشيا المتمردة تهاجم القوات الحكومية انطلاقا من القرى. وتساءل عما يمكن ان تفعله الحكومة إزاء ذلك، مشيرا الى انها تضطر الى قصف تلك القرى. وأضاف ان الحكومة تهاجم القرى لأنها تتعرض لهجمات انطلاقا منها.
واوضح قوش ان المتمردين يطلبون غالبا من القرويين الهروب قبل ان يستفزوا الجيش لشن هجمات، وهو ما تسبب في كثير من عمليات النزوح. وبعد سنوات من المناوشات بين البدو العرب والمزارعين وغالبيتهم من غير العرب على الموارد الشحيحة في دارفور حمل المتمردون السلاح العام الماضي متهمين الخرطوم باهمال منطقتهم واستخدام ميليشيا تعرف باسم “الجنجويد” لإحراق ونهب القرى التي تقطنها جماعات من غير العرب.
وأقرت الخرطوم بتسليح بعض الميليشيات لقتال المتمردين، لكنها تنفي أي صلة لها ب”الجنجويد” وتصفهم بانهم جماعات خارجة على القانون. وقال قوش ان المتمردين يقيمون معسكراتهم في الغالب بجوار القرى بحيث تكون قرب موارد المياه، وفي كثير من الحالات شن المتمردون هجمات على الجيش من داخل القرى.
وأضاف ان الجيش لا يطلق النار على المدنيين في واقع الأمر، لكن السبب في ذلك ان المتمردين يستخدمون هؤلاء المدنيين دروعا بشرية. وزاد قوش ان المجمع الدولي لا يهتم بالقصف الامريكي لمدينة الفلوجة العراقية الذي قال انه لا يفرق بين المدنيين والمسلحين.
|
| |
|
|
|
|
|
|
|
|
|
Re: شاركوا في حفلة وداع المناضل بقال المتوجه إلى تورينتو... (Re: محمدين محمد اسحق)
|
الأخ محمدين :
أول حاجة أبشرك إنو الحفلة شغالة وما وقفت وما حاتقيف إلا نتطمن إنو بقال وصل أرض العم سام سالماً غانماً يصافح العم جون وتعزف له الموسيقي الوطنية ويسلم جوازه بيمينه ..
ما وضعته من صور كان هو الذي أحتاجه لهذه الحفلة الساهرة ولو وددت أن أضع صوراً إحتاجت لها المرحلة لوضعتها ...
Quote: اذا كانت هذه هي كلماتك.. فاظن ان محمد سليمان معه الحق .. وكل الحق...
|
نفس الملامح والشبه ..تأتوا بالكلام مبتوراً !!!!! ما كتبته لك هو ما يوازي ما كتبته لي بخصوص إبراهيم خليل و وعبد الواحد فلا تأتي بنصف الكلام !!!!
Quote: لماذا لا تعلنها انك تدافع عن هذا النظام ...لعبتكم انت وعلاء الدين لا رد الله غربته باتت مكشوفة....
|
تمخض الجمل فولد فأراً !!!!!!
لا تعليق ..
| Quote: اين رفاقك اعضاء هيئة حلمنتيش العليا؟؟؟ تسللوا لواذأ |
قالوا بيت البكا بيحرروه أهلو !!! وإنتو أهل الوجيعة عشان كده إنتو محررنو وما بتحتاج لي ناس حلمنتيش صدقني براااااااي بقدر علي حفلتي دي ..
وبعدين زي ما عارف إنو الحفلات بتبدا وبعد كل فترة الجمهور بيبدا يقل لزوم صعوبات المواصلات وفي ناس ساكنين بعيد ده غير إنو في ناس عرفوا إنو الحفلة دي بيييييييييييييض خثوثاً بعد الخبر العجييييييييب القالوا الأخ أمجد ..
قريتو؟؟؟؟؟؟؟؟؟؟؟؟؟؟؟؟؟
مش صحبك إبراهيم طلع حايم في السوق العربي ؟؟؟؟؟؟؟؟؟
وكمان في برج البركة !!!!!!!!!!!!!!!!!!!!!!!!!!!!
وبرضو تقول لي إبراهيم عندو قضية ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
وبرضو تقول لي الراجل بيدافع عن أهلو في دارفور؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
الراجل كتبها هنا كبييييييييرة يا جماعة عايز أساااااااااااافر ....
وطلع لا في بتاع أمن ساكيهو ولا في زول جاب خبرو ولا ولا ولا ..
عموماً صورة هذه المرأة العجوز أكثر تعبيراً عن مشكلة دارفور وخيراً ألف مرة من تلك التي يضعها كوبيستا وليتني أعرف عنواناً لتلك المرأة أو أحد أفراد عائلتها لأخبره إن كان يعرف أن والدته تظهر مكشوفة الثدي أمام الجميع !!!!!!!!!
الرجل الذي كانت موبيتل تضع صورته راكباً الجمل دون علمه رفع القضية وكسبها دون جدال ..
فما بالكم بهذه المرأة المسكينة ....
تخريمة :
الحفلة شغااااااااااااااااااااالة ولسة الليل طفل يحبو حتي يدخل المدرسة ..
| |
|
|
|
|
|
|
|
|
|
Re: شاركوا في حفلة وداع المناضل بقال المتوجه إلى تورينتو... (Re: محمدين محمد اسحق)
|
يا أحمد بابكر والله عجاجك فوووووووووووووووووووووووووووووووووووق
ودخاخينك في السما ..
الكوز جاييك بس إنت واصل وإحتمال كبيييييييييييييييييير نلحقك بي فيزا إنشاء الله لي الحبشة بس إنت خليك مصحصح ..
الأخ محمدين :
ليتك ترسل منها نسخة للأخ بقال فيترك فكرة السفر هذه ويخرج من قبوه ..
وليتك ترسل منها نسخة لمحمد سليمان فيعود إلي أرض الوطن ..
وقبل هذا كله كم أتمني أن تكون أنت داخل السودان وقمت بإرسال هذه الصورة من مناطق العمليات ..
| |
|
|
|
|
|
|
|
|
|
Re: شاركوا في حفلة وداع المناضل بقال المتوجه إلى تورينتو... (Re: عمر الفاروق شيخ الدين)
|
وجاء من اقصي المدينة رجل يسعي...
اخي خالد عويس البطن الجابتك والله ما بتندم..
Quote: أذّكر - بتشديد - بأن 150 ألفا واجهوا ربهم في دارفور ولا زال الجاني يعيش بيننا !!
أذكر - بتشديد - أن 2 مليون سوداني - بينهم نساء وأطفال وعجزة - يعيشون في المخيمات ويواجهون الآن - نعم الآن - خطر السحائي والدسنتاريا!!
أذّكر - بتشديد - أننا إلى غاية الآن لم نحرك ساكنا ولم نفعل شيئا ولن نفعل من أجل هؤلاء. فـ 2 مليون سوداني قتلوا في حرب الجنوب ولم نفعل شيئا!!
ألا قبح الله وجوهنا جميعا من أمة مهزومة في أخلاقها وفي ضميرها !
| |
|
|
|
|
|
|
|
|
|
Re: شاركوا في حفلة وداع المناضل بقال المتوجه إلى تورينتو... (Re: محمدين محمد اسحق)
|
سيدي محمدين والسادة الجادين جميعا
لكم التحية والاحترام
وبعد
هنالك عديد من البوستات التي تمتلئ بالجدية عن موضوع دارفور بالذات وهذا البوست بوست فيه طابع فكاهي وهزلي جئنا فيه لهذا الغرض فقط ليس الا، ولا يهمني فيه اي منكم. مناضلين او غيره فقد كنا في الجامعة ذات يوم وكنا عضوية اتحاد ممثلين للتجمع وقد اصطرعنا مع الجبهة الاسلامية والمشوار ملئ بالاحزان ولكني صارعت الجبهة الاسلامية كجبهة اسلامية وليس كجنجويد..
وقد وجدنا كل الامنجية وياللاسف من دارفور وكذلك وجدنا البوليس من دارفور، الجيش من دارفور، والمحافظين من دارفور، والولاة من دارفور، وهنالك منقلبين من دارفور، ووزراء من دارفور، الاغنياء من دارفور ووووو..الخ
حتي الحرب القائمة الان يدور رحاها بين جبهجية الترابي الدارفوريين وجبهجية علي عثمان الدارفوريين..
صحيح هنالك عديد من الضحايا الابرياء الذين ليس لهم في عجين الترابي ولا طحين علي، هؤلاء ليهم الله..وعيشة السوق
هنالك ضحايا في الشمال وفي الشرق وفي الجنوب كما في الغرب فان كانت القضية الان هي دارفور فهي مصيبة ان القضية ليس دارفور بل الانقاذ.. فلتذهب الانقاذ
انا مع القرار 1593ومع كل القرارات الدولية الخاصة بالسودان
اعمل بوست نايدك فيهو ونضامن معاك وسميهو مؤيدي القرارات او اي شئ
عن بقال انا مصدقو انو انقبض واطلق صراحة كما حدث مع اعضاء حزب الامة والاتحاديين والشيوعيين وغيرهم وقد حدث معنا في السابق عندما كانت الجبهة جبهة 1992-1997ولم نسال سؤالك هذا ولم نفكر في السفر ولكن الاقدار تدخلت بعد تخرجنا وهذه سنة الحياة يذهب جيل وياتي جيل اخر ليواصل المسيرة...
والتحية لشهداء الحركة الطلابية جميعا وشهداء الحرية والسودان..
بوستينا ده حق كشف..!
وبعدين علاء وغيره كتيرين انت حتقرش حسك ساكت..حقو تعرف تدافع وين ومتين وضد منو عشان ما تخش في جدل بيزنطي ذي مابقولوا...
لك التحية وtake it easy يا عزيزي!
| |
|
|
|
|
|
|
|
|
|
Re: شاركوا في حفلة وداع المناضل بقال المتوجه إلى تورينتو... (Re: ahmed babikir)
|
رحم الله هؤلاء المساكين ..
وليتك ترسل منها نسخة لعبدالواحد وإبراهيم خليل أيضاً ..
أحمد يا ود بابكر:
الحفلة مستمرة ولسة طفلنا مايزال يحبو والفنانين كتااااااااااااااااااار ومفاجأة الحفل المناضلة ندي القلعة قااااااااااااااااعدة ومفاجأة المفاجأت الفنان القنبلة الفنان شعبولة شعبان عبد الرحيم ..
وحايغني لينا أغنيتو الجديدة :
" أنا عارف مكان إبراهيم " ..وهيييييييييييييييييييييييييييييه ..
وإنشاء الله حا أوافيك بي نص الأغنية " أنا عارف مكان إبراهيم ..
وانا بكره إسرائيل ..بكره إسرائيل ..وهيييييييييييييييييييييييييه ..
تخريمة :
توجد صور لمجاعة عام 1985-1983 ممكن الرجوع ليها ..
| |
|
|
|
|
|
|
|
|
|
Re: شاركوا في حفلة وداع المناضل بقال المتوجه إلى تورينتو... (Re: عمر الفاروق شيخ الدين)
|
اخي احمد بابكر..
Quote: سيدي محمدين والسادة الجادين جميعا
لكم التحية والاحترام
وبعد
هنالك عديد من البوستات التي تمتلئ بالجدية عن موضوع دارفور بالذات وهذا البوست بوست فيه طابع فكاهي وهزلي جئنا فيه لهذا الغرض فقط ليس الا |
شكرأ علي الاضافة..
صدقني ان اغبي الناس في الكون لن يصدق ما تقوله..
عمر الفاروق اراد ان يسخر من دارفور واهل دارفور في شخص بقال.. والا فما اكثر المواضيع التي يمكن فيها الهزل ...
انسان لا تهزه مأساة دارفور هو شخض مطعون في انسانيته..
ماساة دارفور لا تترك حيزأ للضحك والهزل والسخرية.....
ماساة دارفور ابكت حتي اليهودي والنصراني ..واللا ديني ...
ارونا شيئأ من انسانية نسل الاشراف...
"Hotel Rwanda" star Don Cheadle speaks at a Capitol Hill news conference as Rep. Barbara Lee (left), Rep. Betty McCollum, D-Minn., and Rep. Stephanie Tubbs Jones, D-Ohio, listen. Getty Images photo by Matthew T. Cavanaugh
| |
|
|
|
|
|
|
|
|
|
Re: شاركوا في حفلة وداع المناضل بقال المتوجه إلى تورينتو... (Re: عمر الفاروق شيخ الدين)
|
الأن نقدم لكم الفنان الذي أحدث ضجة والفنان الذي جاء بناءً علي رغبة المناضل أحمد بابكر ..
الفنااااااااااااااااااان شعبولة ....
ورائعته الجديدة :
أنا عارف مكان إبراهيم ..
أنا بكره النضال .. تنق دنق(ده صوت الموسيقي طبعاً)
بكرهـ النضال..
بكرهـ النضال ..
وهيييييييييييييييييييييييييييييييييييييه ..
بكرهـ النضال.. تنق دنق
وبحب لعب العيال.. تنق دنق
وبغلط في كل كلمة .. تنق دنق
لو حاكتبها في مقال ..
وهيييييييييييييييييييييييييييييييييييه ..
لو عايز تروح أمريكا .. تنق دنق
قول كلام شيكا بيكا .. تنق دنق
جلدوكَ وعذبوكَ..
والكومر دوام ساكيكا ..
الكومر دوام ساكيكا ..
الكومر دوام ساكيكا ..
وهييييييييييييييييييييييييييييييييييييييه ..
مره وانا ماشي ..شفت إبراهيم بقال .. تنق دنق
حايم في برج البركة ..لابسلو عمة وشال .. تنق دنق
ويدخل النت كفي ..ويكتب الموضوع ..
يكتب الموضوع ويضغط الإرسال ..
يضغط الإرسال ..
يييييييضغط الإرسال ..
وهيهيهيهيهيهيهييييييييييييييييييييييييييييييييييييييييييييييه ..
كونداليزا رايس ..ما عندهاش موضوع .. تنق دنق
الناس تموت في الحرب والناس تموت بالجوع ..
و ناس حاتمشي لكندا في أقل من إسبوع ..
أقل من إسبوع ..
أقل من إسبوع ..
و
هييييييييييييييييييييييييييييييييييييييييييييييي
بس خلاص ..
| |
|
|
|
|
|
|
|
|
|
Re: شاركوا في حفلة وداع المناضل بقال المتوجه إلى تورينتو... (Re: عمر الفاروق شيخ الدين)
|
العنصر النسائي كان حضوراً ورسم لوحة رائعة وجسم أسمي معاني النضال من جبجبات وحت شدييييد..
الفنانة ندي القلعة وكما العهد بها في دروب النضال كانت حضوراً وأتحفت المناضلين بروائع معظمها كانت تتناسب وهذه المناسبة الرائعة وتصب في ذات المعني ..
بدأت المناضلة ندي القلعة بقفشات وأول ما سألت سألت عن المناضل سجيمان والذي كم تمنت لو كان حاضراً حتي تهدي له أغنية (سيد الكارو وتعال يا أبوشيشن صارو وتعال)فصفق لها الحضور مع بعض الصفافير التي خرجت من أفواه المناضلات (مش مناضلات لازم يصفرو)..
في هذه اللحظات بدأ عازف الأورجن باعزف للأغنية ..
كانت الأغنية هي أغنية :
"بجي بجي بجي .."
العزف شغال وندي ببتكلم :
أهدي ...أااااااااااا ..هذه الأغنية بلسان المناضلة تراجي ..أااااااااا والتي هي الأن تتابعنا من الموبايل ولسان حالها يسأل عن إبراهيم الذي تأخر كثيراً عن الوصول ..فكان لا بد لي أن أهديها هذه الأغنية :
ما قال بجي مالوا ما جا .. ما قال بجي برهومة جا ...
بجي بجي بجي ... أوعدنا بجي ...كلمنا بجي ...
بجي بجي بجي ....
هااااااااااا.. فووووووووووووووق ..أييييييييييوا..تماااااااااااااااام ..
(يظهر بعض المناضلون وفي يديهم قروش ويشيلوا وينقطوا لي ندي في الكاش) ..
تضحك ندي لي أحدي المناضلين وتتستغل إنو (موووووووووولللللللللع) أصلو مستنير فتواصل بعد ما سألت عن إسمو :
حمودي بجي... ده حماده بجي ..بجي بجي بجي..
قدورة بجي ..
بجي بجي بجي..
تمبوشي بجي..
بجي بجي بجي..
قبوجي بجي...
بجي بجي بجي..
هااااااااااااااااا ..ستتتتتتتتتتتتتتتتتو ..أييييييييييوا .. فووووووق ..
صعبة صعبة صعبة صعبة صعبة
(تظهر مناضلة وهي محاطة في شكل دائرة ومناضل خاتي يدو فوق راسا وهي تدوووور )..
تضحك ندي القلعة وتظهر الضحكة في السماعات وتزداد الصفافير ..
ويييييييييييييييو وييييييييييييييييييييييييييييو ويييييييييييييييييييو..
| |
|
|
|
|
|
|
|
| |
Hussein Mallasi
عصام دهب
شمهروش
اساسي
ناذر محمد الخليفة
معتز تروتسكى
Tragie Mustafa
ياسر مكاوي
abuguta
Mohamed Suleiman
garjah
alsngaq
عمران حسن صالح
luai
محمدين محمد اسحق
هاشم نوريت
زول ساكت
ibrahim bagal
abookyassarra
Mohamed Adam
فيس بوك
تويتر
انستقرام
يوتيوب
بنتيريست