|
Re: إلى تجمع المهنيين !! بقلم زهير السراج (Re: زهير السراج)
|
الدكتور زهير...
أنت دائما مستعجل... انا شخصيا لم استعجل في الحكم على البرهان وعصابته.. وأنتظرت إلا بعد أن أثبت أنه فعلا مجلس كيزان وبيلعب لعبة وسخة وقذرة زي لعبة سوار الذهب.. بس حيمشي وين؟ المؤمن لا يلدغ من الجحر مرتين...!! وبصدد الدكتور أمجد فريد.. انا اختلف معك تماما... أمجد أرسل لي ورقته بصدد اسباب فشل المعارضة في اغسطس 2018 وكانت رائعة.. وممتازة.. واقدره تمام التقدير بامكانياته الفكرية.. وثباته ورؤيته التي لا تخيب.. ولولا مرضي لعدة شهور لغنيت بورقته كثيرا... أما كونه يقول ما محتاجين لوساطة.. فده عين العقل.. خاصة ان العربية والحدث والجزيرة .. صاروا يكثرون من ناس "دكاترة" مضروبين في التحليل السياسي.. وكلامهم عديل ثورة مضادة رغم كل الحزلقة.. ففي سوق عكاظ هذا ..يصبح كلام أمجد نقطة توازن... هااامة للمشاهدين السودانيين الغبش.
أما محجوب محمد صالح .. أثناء اقامتي في الخرطوم.. زرت معظم الصحف.. واقولها ليك عديييل صحفيو الحكومة ديل من أتفه الصحفيين على الاطلاق.. وكمان صحفهم.. واظنك ما ممكن انت ذاتك تكتب معاهم.. إلا ويكون ليك شير في ملكية صحيفة.. ولكن شير مع صحيفة اشترتها الحكومة وين!! جماعة ساتي، وضياء، وناس الصيحة، والانتباهة...ديل متكئين في ظل من لا ظل له!! هكذا صار الصحفيون كي يتجنبوناالعطالة يعملون شير او جمعية (ختة) ... قمت رحت لصحيفة الأيام.. وزرت محجوب محمد صالح وقعدت معاه.. مكتبه في ركن حديقة القرشي.. في عمارة الدور الثاني الخ ورحب أن اكتب له بمقالات مشكورا. ولكن لم أكتب له.. تعرف ليه!! لاحظت حاجة لا تفوت علي شخصي في كل صحيفته.. (اظنهم عندهم زول واحد قديم مدفعحي عندو عمود) وباقي الجريدة .. كله نفاق..!! ففهمت انه يصعب عليه.. فقلت حرام ازعج جريدته.. وكمان عامل ليه جمعية لوحدة الجنوب والشمال.. الخ ولكن بعد فترة قصيرة زار الدوحة.. هو وكمال الجزولي ... قلت مع نفسي سارخرا.. أكيد حيفسدوهم!!
يا دكتور... ما ممكن تجيب ليك وسيط عمره في عمر محجوب محمد صالح ربما هو في التسعين حسي!! ربما حسي فقد الذاكرة.. ونتمنى له الصحة لنضالاته القديمة.. ولكن أمجد محق.. يعني ناس قعدوا وبيقعدوا مع بعض...لزومه شنو وساطة!!!.؟؟؟؟؟؟؟ انا شخصيا ده طرفي من البرهان.... واستطيع ان اقول بكل قوة .. انه زول كيزان متآمر وكمان لاعبها اقليميا... يعني مواقف هذا المجلس المتعنتة لها علاقة بصفقة القرن السعودية الامريكية الاسرائيلية الاماراتية المصرية.. (وكمان التركية القطرية .. مع فهمي انه معسكر براهو!!) ..لتصفية القضية الفلسطينية ..هم دايرين يركبوا السودان الجديد في حظيرة صفقة القرن..
كدي أقرأ مقال جبرا..
الفاتج جبرا
.. ثم انا اقترحت ان يعمل تجمع المهنيين لجان جانبية مساعدة.. فمثلا سقط شهيد في نيالا.. برصاص الامن.. ليه نصمت؟؟؟؟؟؟؟؟؟؟؟؟؟؟؟؟؟؟؟؟؟؟ لان لجنة التفاوض أغرقوها لشوشتها في تفصيليات لا معنى لها ومفرغة.. .. ما بقى ليها عقل تهتم بكل صغيرة وكبيرة... مثل قصة ساقية جحا اللي اسمها وساطة.. قضية او مطالب الثورة واضجة لي شنو بيتلولو البرهان وناسو؟؟؟؟؟؟
ها هو تجمع المهنيين رفض لجنة الوساطة...
https://arabic.rt.com/middle_east/1017456-المهنيون-السودانيون-يرفض-مقتح-لجنة-الوساطة-ويدعو-للا...لاحتمالات/
أما الخبر الجديد لنج... قبل ساعةوغزة بيضربو فيها... بالصواريخ... سيزور وفد صهيوني اسرائيلي للرياض تلبية لدعوة رابطة العالم الاسلام بتوقيع محمد عبدالكريم العيسى ... القضية واضحة التمهيد لما بعد العيد كوشنر حيحط اوراقه على الطاولة... ما لا تستطيع فهمه في السودان مباشرة.. تفهمه من الإقليم وما يدور فيه!!
مع تحياتي
شوقي
كدي راجع دي
د. سلمان
|
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
|
|