في السعودية كان الكفيل السعودي بتصل طوالي بالمكفول السوداني عشان يجي ياخد حقو الشهري!!! ..... المكفول السوداني كان شامي كفيلو السعودي جنس شمة لانو مفروض يدفع ليهو لو عندو ولو ما عندو لو شغال ولو ما شغال !!!.... قال ليك كل آخر شهر كان بحصل بيناتم الحوار الاتي: الكفيل السعودي: يا زول ايش لونك وايش اخبارك تراني في الطريق جايك!!! المكفول السوداني : تجيك يا شيخنا الجات لي خالتي نفيسة !!!! المكفول السوداني قاصد يقول للكفيل السعودي يجيك الموت الكتل خالتي نفيسة!! الكفيل السعودي يوم سأل المكفول السوداني وقال ليهو : يا سوداني انتا ليش كلما انا اقول ليك جايك تقول لي تجيك الجات لي خالتي نفيسة وايش تقصد وايش الجات لي خالتك نفيسة ؟!!! المكفول السوداني قال ليهو: جاتا ليلة القدر !!! الكفيل السعودي قال ليهو : ما شاء الله اوعدنا يا رب !!! المكفول السوداني قال ليهو: ربنا يوعدك بالجات لي خالتي نفيسة انشاء الله!!! اها الكفيل السعودي مشى عمرة 27 رمضان واتصل على المكفول السوداني من الكعبة وقال ليهو: والله انا الحين في الكعبة يا زول ودعيت ليك وقلتا انشاء الله تجيك الجات لي خالتك نفيسة... قال ليك السوداني دون ما يشعر كورك في الموبايل : ياخي شكيتك على الله يا النعجة !!!!!
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة