|
|
 Re: باركوا للانيقة منى !!!!!! آية بقت أم (Re: sama7)
|
Quote: woooooooow
أخبار حلوة الصباح ده
ألف مبروك البيبى وربنا يحفظه ويحميه
والحمدلله عى سلامة آية
سماح
|
تسلمي يا سموحه..
فعلا اخبار حلوه للناس الحلوه..
الخلق في حد ذاته ورؤيته جمال مافي بعده جمال..
ربنا يسعدك دايما يا سموحه..
شكرا علي الباركه الحلوه..
| |
 
|
|
|
|
|
|
|
|
Re: باركوا للانيقة منى !!!!!! آية بقت أم (Re: احمد العمار)
|
Quote: الف مبروك المولود يا حبوبة/منى
وان شاء الله يتربى فى عزكم
مشكورة يا حواء
أحمد العمار |
مرحب يا أحمد...
سمعت بحاجه اسمها البيبي كافيه؟؟
Baby Cafe
دي حركات خواجات لذيذه.. لو حبوباتنا زمان سمعوا بيها كانوا استغربوا..
عارف .. آيه علموها اثناء الحمل وساعه ماولدت وضع معين في ارضاع الطفل..
المهم ياسين ماحباه..
وهو حقيقي وضع مضحك جدا..
البيبي نصه تحت ذراعها مش راقد في صدرها..
المهم اي واحده بتولد..بتجيها الزائره الصحيه..
وبعدين الدايه في البيت..يطمئنوا علي الأم والبيبي ويوزنوه..
لقوا آيه ماعارفه ترضع..
رسلوا ليها واحده قال ايه..
اخصائية ارضاع!
الأخصائيه بعد قابلت آيه..قالت ليها لازم أرسلك البيبي كافيه..
ورسلوا ليها تلاني يوم واحده تساعدها وتمشي معاها..
الأمهات الصغار هناك بيتقابلوا وبيدرسوهم كيف يرضعوا والعيال كمان تقعد مع بعضها!
ايه رأيك؟؟
..........
..........
شكرا احمد العمار أخوي وربنا يوعدك بدستة أحفاد حلوين..
| |
|
|
|
|
|
|
|
|
|
Re: باركوا للانيقة منى !!!!!! آية بقت أم (Re: عواطف ادريس اسماعيل)
|
Quote: موني !!!
ألف مبروك يتربى في عزكم بجاه النبي ,,,
حواء !!!
شكرا يا بنت العم .. و برضه مشتاقين |
سلام يا طوفي..
المره الجايه لما تجي لندن تشوفي ياسو حلو كيف!
عسل بس..ربنا يديك العمر والصحه وتشوفي عيال عيالك وتلعبي معاهم..
عارفه المشكله شنو؟؟
انه ماعندنا قصص زي حقات جداتنا زمان نحكيها ليهم..
وحتي لو عندنا..هم ما بيصدقوها!
تسلمي طوفي ..
| |
|
|
|
|
|
|
|
|
|
Re: باركوا للانيقة منى !!!!!! آية بقت أم (Re: Ishraga Haimoura)
|
Quote: ألف ألف مبروك يا حبوبة
وربنا يسعدك بيه وبي أمه ويتربى في عزكم
الله يديك العافية يا حبوبة وتشوفي عياله
آمين يارب
بلغي تهانينا للحبيبة آية وزوجها
شكرا حواء وعقبالك وعقبالنا |
فعلا عقبالكم..
ده احساس أكتر من جميل يا شروقه..
تشيلي جنا بتك ولا ولدك..
وتعرفي احساس الحبوبات..
احساس اي حاجه فيه مضعفه..
الحب فيه بيمتد مساحات واسعه كل يوم..
وبعدين ياسو ده سكر عدييييل كده...
عقبال ما نبارك بيك وليهم...
تسلمي حبيبتي ومشتلقين كتير..غايبه انتي!
| |
|
|
|
|
|
|
|
|
|
Re: باركوا للانيقة منى !!!!!! آية بقت أم (Re: حواء سليمان ابراهيم)
|
غايتو إنتوا يوم ح تكتلوا ليكم زول بي بيريكم الكتير دا ..
يعني إنتوا ما بتصدقوا زول حصلت ليهو حاجة سمحة
إلا بس تجوا جارين تباركوا؟ ..
مفروض العادة دي تُصنف مِن ضِمن العادات السودانية الضارة
ذي خِتان البنات ودق الشلوفة وكِدة ..
إنتوا اصلوا ما سمعتوا بي حاجة إسمها (الإندِفيديوال برايفسي)؟ ..
ياناس خلّوا الزولة دي تفرح بالمولود الجديد بي راحتا ..
ناس تحِب البيريك زيكم اصلو ما لاقوني ..
عموماً مبروك يا مُنى
| |
|
|
|
|
|
|
|
|
|
Re: باركوا للانيقة منى !!!!!! آية بقت أم (Re: wd al geran)
|
Quote: غايتو إنتوا يوم ح تكتلوا ليكم زول بي بيريكم الكتير دا ..
يعني إنتوا ما بتصدقوا زول حصلت ليهو حاجة سمحة
إلا بس تجوا جارين تباركوا؟ ..
مفروض العادة دي تُصنف مِن ضِمن العادات السودانية الضارة
ذي خِتان البنات ودق الشلوفة وكِدة ..
إنتوا اصلوا ما سمعتوا بي حاجة إسمها (الإندِفيديوال برايفسي)؟ ..
ياناس خلّوا الزولة دي تفرح بالمولود الجديد بي راحتا ..
ناس تحِب البيريك زيكم اصلو ما لاقوني ..
عموماً مبروك يا مُنى |
الله يبارك فيك يا ود الجيران..
طبعا انا اخدت كلامك الفوق ده كله هظار..والا ما كان باركت في نهايته..
شكرا علي وجودك هنا..وفعلا زي ماقالت اشراقه وحوا..
مافي اجمل من التكافل والحب بينا..
يارب محبه دايمه..قول آمين..
| |
|
|
|
|
|
|
|
|
|
Re: باركوا للانيقة منى !!!!!! آية بقت أم (Re: محمدين محمد اسحق)
|
Quote: الاخت العزيزة مني خوجلي الف الف مبروك علي مقدم فارس جديد في الاسرة
و حمدأ لله علي سلامة آية ام الفارس ..
-----
اختي حواء لك الشكر علي نقل الاخبار السعيدة .. |
الله يبارك فيك محمدين أخوي..
ومبروك ليك انت ذاتك تاني الزواج..
ربنا يرزقك بالذريه الصالحه ويسعدك دايما..
| |
|
|
|
|
|
|
|
|
|
Re: باركوا للانيقة منى !!!!!! آية بقت أم (Re: عصام دهب)
|
Quote: حمداً لله على السلامة ..
و مبروك و مبارك إن شاء الله على آية و زوجها و عليك يا منى و كل الأهل ..
و نسأل الله تعالى أن يقر به أعينكم جميعاً ..
و يجعله من الأخيار الصالحين ..
و عقبال ما تفرحوا بي جنى جناهو .. |
عصام دهب يا ظريف..وينك ماشايفنك؟
اسه لو المسنجر شغال كنا سألنا عنك فيه..
دعواتك الطيبه وصلت أخوي..وربنا يزيد من افضاله عليك وعلينا..
تتبارك ايامك وأسرتك..
| |
|
|
|
|
|
|
|
|
|
Re: باركوا للانيقة منى !!!!!! آية بقت أم (Re: عزاز شامي)
|
Quote: الف الف الف الف مليون مبروك يا ست الكل
و يتربى في عزك ولدينه
و يرفل في حنانكم و يكبر قدامكم
الف مبرووووك |
ياعزوز..
الطفل المولود كل يوم عنده شكل..
أول ما اتولد كان شبه ابوه..
لكن دلوقتي بقي بيشبه آيه شديد..واخد عيون ابوه لكن كله آيه..
متين تزورينا في لندن ونصوره معاك؟؟
شكرا حبيبتي..ربنا يسعدك دنيا وآخره..
| |
|
|
|
|
|
|
|
|
|
Re: باركوا للانيقة منى !!!!!! آية بقت أم (Re: Shayma)
|
Quote: الف مبروك يا منى
يتربى في عزكم
شكرا حواء |
مرحب يا شيما وعذرا علي التأخير..
ربنا يحقق أمانيك كلها..
ماما جاره قالت أنا بقي ما عندي كلام غير ياسين..
وكلامها صح..في زول يلقي ليه زول حلو كده..يخليه ويتكلم في حاجه تانيه؟؟
ما بتجي موش؟
تسلمي شيمه ربنا يحفظك وكل من تحبين..
| |
|
|
|
|
|
|
|
|
|
Re: باركوا للانيقة منى !!!!!! آية بقت أم (Re: kamal ali)
|
Quote: الف الف حمدا على السلامه ومبروك الحفيد يامنى ,,,
سميتوا منو ؟؟
شكرا حوا سليمان والعقبى ليك انت بتيمان ,,,
كمال سالم |
عارف يا كمال أنا كان نفسي في تيمان..
بودي عنده أخو وأخت تيمان..
يعني الأحتمال كان في..
بس برضه ياسين عسل..
وياسين ده اسمه الأتكتب في الشهاده خلاص..
ربنا يوعدك ويوعدهم كلهم بالأحفاد..
تسلم أخوي..
| |
|
|
|
|
|
|
|
|
|
Re: باركوا للانيقة منى !!!!!! آية بقت أم (Re: maia)
|
Quote: الف مبروك للاخت منى وابنتها اية
يتربى في عزكم
ومبروك ليك اخت حواء |
سلام يا مايا..
شكرا علي التبريكات والأمنيات الجميله..
زمان كنت بقول لآيه لما تولدي ماعندي شغله بيك..
بطريقتك مع زوجك والبيبي..
وحياتك اسه اليوم بقي مابيلحق أعمل حاجاتي وحاجاتهم..
بس ماعندي مشكله اي حاجه حقت ياسين ممكن حتي لو يصحوني من ساعات النوم القليلقه...
شكرا مايا..
| |
|
|
|
|
|
|
|
|
|
Re: باركوا للانيقة منى !!!!!! آية بقت أم (Re: الرفاعي عبدالعاطي حجر)
|
Quote: حمدا لله على السلامة
أختي منى بت الخليفة
مبروك لآية ولوالد الفارس
الجديد ... وانشاءالله من أبناء
الوطن المخلصين للعدالة والحرية والسلام
.............................................................حجر |
ان شاء الله الله الرفاعي ود عمي الله يمد في العمر ونشوف ياسين
راجل سوداني محبا لوطنه وعاملا علي ارساء مباديء العدل والحريه والسلام..
..
آيه قالت هي هاتتكلم معاه عربي بس..
وتخلي أبوه يتكلم معاه انجليزي..
علشان يعرف اللغتين..
غايتو الله يستر عليه من العربي المكسر 
شكرا رفاعي حجر
| |
|
|
|
|
|
|
|
|
|
Re: باركوا للانيقة منى !!!!!! آية بقت أم (Re: AnwarKing)
|
Quote: الف مبروك المولود يا منى وآية
ويتربى في عزكم
وان شاء الله يطلع حلو، ما زي ناجي الملك
شكراً حواء على الخبر السار |
ايوه كلامك صح يا انور..
وعارف ربنا سمع منك وطلع ما بيشبه ناجي!
عقبال ماتفرح زينا وأكتر انت كمان..
| |
|
|
|
|
|
|
|
|
|
Re: باركوا للانيقة منى !!!!!! آية بقت أم (Re: Amira Elsheikh)
|
Quote: يعنى اسى منى خوجلى دى يقوليها حبوبة كيف؟؟
اوعك يا منى ترضى بكلمة مامى وشنو كدا ما عارفة ..
امسكى فى حبوبة دى قوى رغم انهت ما لايقة عليك .
الف مبروك والف حمدلله على السلامة.
وشكرا الاخت حواء وعقبال بنياتك |
أميره يا حليلك..يعني كيف اسه الزول يمشي الخرطوم ومايشوفك؟؟
هي اجمل حاجه في حبوبه دي انها صفه جديده ومطلعانا من الروتين..
غير كده آيه أختي الصغيره وياسين اخوها هي الصغير
عقبال مانفرح معاكي حبيبتي باي حاجه حلوه في حياتك..
| |
|
|
|
|
|
|
|
|
|
Re: باركوا للانيقة منى !!!!!! آية بقت أم (Re: العوض المسلمي)
|
Quote: مني خوجلي الف مبروك
ومبروك ايه
وانشاء الله من بنات الوطن الصالحات
وربنا يديها العافيه
ويسعدكم بوجودها
ويفرحكم والاسره
ومبرووووووووووووووووووووووك |
عوض المسلمي كيف حالك..
ونبارك ليك فرح اولادك..
غايتو كان دعاك لآيه>>]I دعا سمح وهي والله ماعشان بتي..لكن هي زوله صالحه فعلا..
,;LHK علشان جابت لينا ياسين "والقرآن الحكيم"..
تسلم أخوي..
| |
|
|
|
|
|
|
|
|
|
Re: باركوا للانيقة منى !!!!!! آية بقت أم (Re: sanaa gaffer)
|
Quote: تيتة منى ...
ألف مبروك ليك ولآية .. يتربى في عزكم ...
شكرا يا حوا .. |
والله غايتو يا سناء المسميات كتيره..
تيته ...حبوبه..نينه..ستوته..ستي..ماما مني..
وكلها لذيذه بس أكيد هايكون عندي لقبين أو تلاته..
تضيفي ليهم ناني ..بس هو متين يبدا يتكلم
المهم الشعور يا سناء..ربنا يوعدك بكل المشاعر العظيمه والجميله زيك..
| |
|
|
|
|
|
|
|
|
|
Re: باركوا للانيقة منى !!!!!! آية بقت أم (Re: طارق جبريل)
|
Quote: الف مبروك المولود يا منى وآية
ويتربى في عزكم
شكراً حواء على الخبر السار |
شنو يا طارق تبارك وتتحاشي الكلام في مشروع الخطوبه؟؟
علشان ولد يعني؟؟
نخطب بتك حتي ولو كبيره ما مهم..المهم النسب
عقبال ماتشوف أولاد أولادك وتربيهم معاهم..
| |
|
|
|
|
|
|
|
|
|
Re: باركوا للانيقة منى !!!!!! آية بقت أم (Re: Elmosley)
|
Quote: الف مبروك ياحبوبه منى ليك ولايه
وعقبال أخوك الموصلي
والشكر لحواء على خبرها المفرح |
يارب يالموصلي أخوي..
الله يطول في عمرك وتشوف كل عيالك أباء وأجداد..
وتعيش بسمتهم في الصباح وضحكتهم طوال اليوم..
ومايبكوا ليك في نص الليل من المغص..
وتعيشوا كلكم في بيت كبييييييييييييييييير
وماتبعدوا من بعض..قول آمين!
تسلم يا موصلي يا جميل..
| |
|
|
|
|
|
|
|
|
|
Re: باركوا للانيقة منى !!!!!! آية بقت أم (Re: Azhari Nurelhuda)
|
الف مبروك البيبي يا مني..
خلي بالك منو لانو امو ذاتها بيبي
اوعك تعملي فيها حبوبة مودرن وما بتعرفي تسوي مديدة الحلبة..
من دربك دا امشي سوطي الحلة وكتري الحليب..
ونحنا حاجزين الولد دا لبتي رولا ..وفرق الشهرين ما بيناتنا..
رسولنا(ص) عرس السيدة خديجة وهي اكبر منو بخمستاشر سنة..
شكرا يا حليمة وخليك خفيفة علي ود الجيران دا..الراجل بيهزر..
| |
|
|
|
|
|
|
|
|
|
Re: باركوا للانيقة منى !!!!!! آية بقت أم (Re: محمد الأمين موسى)
|
| Quote: ألف مبروك المولودة-الحفيدة.. نسأل الله أن يجعلها من الصالحات ونسأله تعالى أن يجعلها قرة عين لوالديها ولزويها.. والتهنئة للأستاذة منى وهي تعيش إحساسا مفعما بالجمال والعطاء. |
شكرا محمد الأمين أخوي..بقينا نشوفك بس في المناسبات..ايه اخبارك؟؟
ياسين ولد حلو شديد وهادي ورضي..
وأحساس وجود بيبي في حياة الزول براه حاجه ما هينه خليك من انه يكون البيبي ده امتداد ليك..
الحمدلله كثيرا..
وربنا ينعم عليك بكل الأحاسيس الجميله ومن قبلها مسبباتها..
تسلم محمد..
| |
|
|
|
|
|
|
|
|
|
Re: باركوا للانيقة منى !!!!!! آية بقت أم (Re: حسام يوسف)
|
Quote: الاخت مني الف حمدلله علي سلامة اية والف مبروك المولود
ون شاءالله يتربي في عزكم
وشكرا للاخت حواء علي نقل الخبر الجميل |
ازيك يا حسام وازاي ايامك؟؟
ربنا يزيدنا من نعمه ويدينا العمر نشوفه هو كمان كبير وعنده عيال..
شكرا علي التهنئه المعقوده امالها في الطراف بفيونكه جميله..
تسلم اخوي..
| |
|
|
|
|
|
|
|
|
|
Re: باركوا للانيقة منى !!!!!! آية بقت أم (Re: رشا سالم)
|
Quote: الف مبروك البيبي يا مني..
خلي بالك منو لانو امو ذاتها بيبي
اوعك تعملي فيها حبوبة مودرن وما بتعرفي تسوي مديدة الحلبة..
من دربك دا امشي سوطي الحلة وكتري الحليب..
ونحنا حاجزين الولد دا لبتي رولا ..وفرق الشهرين ما بيناتنا..
رسولنا(ص) عرس السيدة خديجة وهي اكبر منو بخمستاشر سنة..
شكرا يا حليمة وخليك خفيفة علي ود الجيران دا..الراجل بيهزر.. |
رشويه..
رولا دي احنا خاطبنها من زمان وباعتبار ما قد يكون!
وبعدين بالنسبه للمديده انا لقيت نفسي مصره علي الممارسات السودانيه دي ومافي زول شغال بي..
يعني اسوي المديده واشربها انا..ناقصين تخن احنا؟؟
بس الزمن ده امكن العروس هي التحضر المهر والقروش كويس؟؟
وبعدين مسألة الكبر دي مافيها مشكله.. خليك من السيده خديجه الكريمه الساندت نبينا عليه الصلاة والسلام....
اسه دي الموضه عرس النساء الكبار من الأولاد الصغار وبعد ده الأولاد يساندوا النساء الأكبر منهم العرسوهم ماديا
ومابيناتنا يارشويه!
عقبال شهادات وعرس بتك..
سلمي لي عليك..
| |
|
|
|
|
|
|
|
|
|
Re: باركوا للانيقة منى !!!!!! آية بقت أم (Re: عصمت العالم)
|
Quote: العزيزه منى خوجلى..
الف مبروك الحفيد..وانشاء الله يكبر فى عزكم....ومبروك للابنه ايه...
زطبعا اللقب الرهيب.. الحبوبه..او .جراند مم...وبالسودانى .الحنكوشى....ام مامى..
كم اسعدنا ذلك..
والف مبروك..
سلوى ..وعصمت |
كيف حالك يا عصمت..
اسه انا قدمت تنازلات كتيره علشان الوضع الجديد..
وماعندي أحساس بأني أخرت حاجاتي..
لكن لازم التحرك الآن..لأنه لو لحق يقول لي جراند ما..امكن ما أقدر أزح خالص من جنبه..
تسلم يا عصمت وعقبالك انت وسلوي ماتبقوا جد وحبوبه حلوين..
| |
|
|
|
|
|
|
|
|
|
Re: باركوا للانيقة منى !!!!!! آية بقت أم (Re: حواء سليمان ابراهيم)
|
ـــــــــــــــــــ
الاستاذ: حواءسليمان ابراهيم
شكرا لك والخبر الجميل عبرك .. ومبروك المولود استاذه مني وحمدا لله علي سلامة اية .. وانا جاء متاخر علشان شايل معاي خروفين اقرنين املحين
كرامه وسلامة وصلاتي علي الرسول ابو علامة .. ويا استاذه مني الحمد لله الدعاء نفع .. وكم جميل ان يتحول الخاص الي عام فشكرا لكم فقد اشركمتمونا الفرحة ...
ولكم كل السلامة
| |
|
|
|
|
|
|
|
|
|
Re: باركوا للانيقة منى !!!!!! آية بقت أم (Re: emad altaib)
|
Quote: الاستاذ: حواءسليمان ابراهيم
شكرا لك والخبر الجميل عبرك .. ومبروك المولود استاذه مني وحمدا لله علي سلامة اية .. وانا جاء متاخر علشان شايل معاي خروفين اقرنين املحين
كرامه وسلامة وصلاتي علي الرسول ابو علامة .. ويا استاذه مني الحمد لله الدعاء نفع .. وكم جميل ان يتحول الخاص الي عام فشكرا لكم فقد اشركمتمونا الفرحة ...
ولكم كل السلامة |
عليه افضل الصلاة والسلام..والحمدلله علي سلامة ابنتي وابنها..
والحمدلله الذي ترك في نفوسنا مساحات للود والرحمه والدعاء حتي الاستجابه..
شكرا عماد أخوي..الدنيا أحلي وأطيب بالمحبه..
| |
|
|
|
|
|
|
|
|
|
Re: باركوا للانيقة منى !!!!!! آية بقت أم (Re: jini)
|
Quote: ألف حمدللله على سلامة آية والف مبروك قدوم المولود وجعل الله ايامكم كلها أفراحا
جنى |
جني مالك غايب أخوي لي كام يوم ماشايفاك؟
انت ماعارف انه طعم البورد ده جد جد ناقص وانت مافيه؟؟
وبعدين طولت من ود الزومه..
الرسول فيك ما تطول الغياب..
وخاصه انه اختك بعد بقت حبوبه قلبها بقي ارهف!
عقبال عندك..تشيل جنا جناك وتتصبح بيه وتتمسي بيه..
شكرا جني..
| |
|
|
|
|
|
|
|
|
|
Re: باركوا للانيقة منى !!!!!! آية بقت أم (Re: خالد العبيد)
|
Quote: مليون زهرة للقادم الجميل
آية بقت أم ام منى بقت حبوبة؟!!
تحايا لمنى وآية وزوجها |
شوفت ده بالضبط مشروع اللخبطه الماشيين نعمله لياسين يا خالد
آيه تقول ليه هي أختي الصغيره..
وانا اقول ليه آيه أخته الكبيره..
وبعدين اقول ليه لأنل مامتك..
وبودي يقول لي خالتو زي ما بيقول مافي مشكله..
وخلاص كده احنا تمام
عقبال عندك خالد اخوي..
| |
|
|
|
|
|
|
|
|
|
Re: باركوا للانيقة منى !!!!!! آية بقت أم (Re: حواء سليمان ابراهيم)
|
مع كامِل إحترامي ليكي يا حوا ولي اخوانِك الفوق والتِحِت ديل .. اسمحي لي اوضِح ليكي وليهم بعض النقاط التي لم أحسِن شرحها في المُداخلة السابِقة (وذلك بحسب ما فهِمته مِن ردِك اعلاه)
بخصوص قولِك هذا:
Quote: يا اخوانى الفوق اسمحولى ارد على الزول دا
ياخى وكت انت ما داير تفرح لفرح الاخرين ولاتبارك
تاعب نفسك وكاتب الكلمتين ديل ليه؟؟؟ |
بقول ليكي اولاً إنو الزول دا عِندو إسم .. او بالاحرى لقب إسفيري .. ابداً ما غايب عليكي .. يعني زي ما إنتي إسمك حوا .. الزول دا إسمو ودالجيران .. وبالمُناسبة اللقب دا غالي عليّ .. وعزيز .. وما ساهِل .. وانا ما برضا فيهو حقرة يا حوا ..
تانياً: منو القال ليكي إنو انا ما داير افرح لي فرح الآخرين او ما داير ابارك ليهم؟ .. إنتي فهمتي الكلام دا وين في مُداخلتي الفوق دي؟ .. وانا بستسمحِك يعني لو تكرّم مقامِك إنك توريني اسلوب المباركة المعقول والمُمكِن يرضيكي ويرضي اخوانِك الفوق ديل عشان انا اتبعو يا حوا .. لكن بس قبُل ما تقولي عايز اوضِح ليكي نُقطة .. وانا في الحقيقة قصدتا اوضِحا في المُداخلة الماعجبتِك دي بي أسلوب فيهو شي مِن التظارُف واللطافة ما امكن .. لكِن بما إنو المسألة ما وقعت ليكي .. اقول ليكي الكلام العديل البريحني وبعجبك ..
لو إنتي بتسمي اسلوب الغمز واللمز الغير كريم بتاعِك إنتي وبعض اخوانِك واخواتِك الفوق والتِحِت ديل مباركة وفرح لي افراح الآخرين .. انا يا حوا لا عايز افرح معاكم ولا عايز ابارِك زيّكم .. سمعتي عليّ؟
النُقطة التالتة: ما إنتي البتحددي لي متين اكتب ووين اكتِب وشنو اكتِب .. دي مساحة حُرة يا حوا واي زول مخُيّر يكتِب العايز يكتبو في الوقت البعجبو .. في المكان البعجبو .. ولو إنتي حقيقةً عايزة تحجري عليّ الكتابة .. او ما عايزاني اكتِب في بوستِك دا .. اكتبيهو وبعدين علقيهو في حيطة بيتكُم .. وشوفيني كان جيتِك فيهو .. دا سوق يا حوا .. سوق .. وفي السوق الزبون بجي يقلِّب ليكي بُضاعتِك وكان ما عجبتو يرميها ويفوت .. تمام كِدة؟
دي نُقطة ..
اما بخصوص كلامِك دا:
Quote: تصد دى من اجمل العادات السودانية ومافى اى بلد تمتاز بيها الا
بلدنا السمحة دى |
فبقول ليكي لا ما بصدِق إنها مِن اجمل العادات السودانية .. لانو بي بساطة مقايس الجمال عِندك بتختلف عن مقايس الجمال عندي بتِختلِف عن مقايس الجمال عند زول تالِت .. وافتكِر إنو اي زول حُر في مقايس الجمال حقّتو .. والا ما معاي؟ .. اهن اسي انا بسألِك يا حوا .. كيف إنتي عرِفتي إنها مِن اجمل العادات (الخاصة إقتصاراً) بي بلدنا (السمحة دي)؟؟ .. تضامن مشحون بي عاطِفة إجتماعية جياشة في الافراح والاتراح مثلاً؟ .. ومنو القال ليكي إنو التضامن والعاطِفة الإجتماعية الزايدة دي كُلها محمولاتا او مردوداتا إيجابية .. انا بشوف إنو العاطِفة الإجتماعية الكثيفة حقتنا دي سلبياتا وضررها علي الافراد اكثر مِن نفعها ,, لانها كتير بتكون غير مُفيدة ولا تُراعي للظرف الخاص للأفراد المعنيين .. وعلى هذا الاساس مُفترض الناس تنمّي في نفوسها شي مِن الحساسية تِجاه بعض الامور التي تستحِق الحساسية وما يكونوا جايطين ساكِت .. طبعاً الكلام دا بي إفتراض إنو نِحنا قاعدين نتكلّم بي موضوعية وكِدة.
وبعدين إنتي قاصدة ياتو بلد بي قولِك (بلدنا السمحة دي) .. قاصدة محل ما إنتي قاعدة اسي .. والا سودانيز اونلاين .. والا السودان .. لانو البِلاد ذاتا بِقت خُشوم بيوت في الزمن العلينا دا .. وخشيتي كُل الخشية إنك تكوني قاصدة الاخير .. لانو وحياتِك السودان مستّف قباحة لي حلقو .. وما شاف السماحة بي عِينو يوم .. والدليل ياهو الشايفِنوا قِدامنا دا .. ودا ابداً ما إستثناء .. معاي يا حوا؟
اما بخصوص كلامِك دا:
| Quote: عليك الله نخلينا نفرح مع اختنا بولد بتنا ما تشوش علينا |
فبقول ليكي في كلامات قليلات إنو لو عايزين تفرحوا الفرح الحقيقي الصافي البفرّح قلوبكم إنتوا اولاً ويحصِنا تمام بدون ان يسمِح لي زول (عِكليتة) زيي كِدة يجي يشوش عليكم .. نضفوا نفوسكم النضيفة دي اكتر.
وهذا مع خالص تقديري ليكي ولي اخوانِك الفوق والتِحِت
وعزائي المُتأخِر جِداً لكي في فقدِك لإبنك
| |
|
|
|
|
|
|
|
|
|
Re: باركوا للانيقة منى !!!!!! آية بقت أم (Re: wd al geran)
|
رغم انو المقام مقام فرح لبنتنا آية
ورغم ان العزيزه حواء تكرمت باخطارنا بانو بنتنا الله خلاها بالسلامة
كان واجبا علينا جميعا ان نفرح
لاسباب عديدة تخصنا- اى الناس الفوق والتحت
اها نجى لكلامك وفيهو ملاحظات ممكن تكون جديرة بالنقاش ربما فى موقع آخر
لكن وقفنى كلامك ده ياودالجيران:
| Quote: لو إنتي بتسمي اسلوب الغمز واللمز الغير كريم بتاعِك إنتي وبعض اخوانِك واخواتِك الفوق والتِحِت ديل مباركة وفرح لي افراح الآخرين .. انا يا حوا لا عايز افرح معاكم ولا عايز ابارِك زيّكم .. سمعتي عليّ؟ |
ليس دفاعا عن الاخت حواء الا انى اثق تماما فى نقاء سريرتها ومعدنها الانسانى
وده ماموضوعنا لكن عاوزاك تقول لينا بدقة ووين الغمز واللمز اللى قلت عليهو ده عشان ممكن مفهومنا للغمز واللمز يكون مختلف وده شىء طبيعى...
واخيرا عزرا لتشويش الفرح
ويبقى لك وللاخت حواء الود
| |
|
|
|
|
|
|
|
|
|
Re: باركوا للانيقة منى !!!!!! آية بقت أم (Re: حواء سليمان ابراهيم)
|
الحبيبة حواء
وام الوليد الغالية بتنا اية
والحبيبة منى
مبروك وبخيت ويتربى فى عز والديه
ويا منى اختى الوصية فى الذمة
تجيبى سبعة تمرات وسبعة حبات عيش وسبعة حبات من كل نوع بقول
وتختى للولد المصحف فى جمب راسه
وتانى بالتبادى
ما تنسى تاذنى ليهو فى اضانو عشان يعرف الاذان
وما تنسى الحجبات ترسلى تجيبهن من السودان
اسمعى النحدسك
وصينية النحاس وفيها السبعات القلناهن ديلاك
بقيت حبوبة مش؟
وحات سيدى وسيدكم منتظرة اللحظة دى بفارغ الصبر
لكن يامنى ختى متل ما حفيدك ياهو حفيدى حلاتو وحلات اليوم الجانا فيهو
يتبارك ويتباخت
وتشوفى جناه يا منى ختى
واخر حاجة ما تكملو الكعك والحلاوة للناس البجو متاخرين زينا
حوا اختى احجزى لى حبيبات كعك وحلاوة لمن اجي واجيب الموجب
حق اللبن
الله على تكافلنا والله على جمال عاداتنا
وما تنسونا من كوم السماية
ما قلت ليك عاداتنا سمحة
اقعدوا فى العافية لمن اجيكم بالدرب
بس (السقط) دا يمشى
| |
|
|
|
|
|
|
|
|
|
Re: باركوا للانيقة منى !!!!!! آية بقت أم (Re: سلمى الشيخ سلامة)
|
Quote: وام الوليد الغالية بتنا اية
والحبيبة منى
مبروك وبخيت ويتربى فى عز والديه
ويا منى اختى الوصية فى الذمة
تجيبى سبعة تمرات وسبعة حبات عيش وسبعة حبات من كل نوع بقول
وتختى للولد المصحف فى جمب راسه
وتانى بالتبادى
ما تنسى تاذنى ليهو فى اضانو عشان يعرف الاذان
وما تنسى الحجبات ترسلى تجيبهن من السودان
اسمعى النحدسك
وصينية النحاس وفيها السبعات القلناهن ديلاك
بقيت حبوبة مش؟
وحات سيدى وسيدكم منتظرة اللحظة دى بفارغ الصبر
لكن يامنى ختى متل ما حفيدك ياهو حفيدى حلاتو وحلات اليوم الجانا فيهو
يتبارك ويتباخت
وتشوفى جناه يا منى ختى |
يا سلمي حبيبتي أنا جبت السبعه تمرات ..بس انتي ماوريتيني نوعهم عشان كده ختيت من العندي..
وبعدين فتشت البقول لقيت فاصوليا عدس و فول..
افتش اكملهم 7 بي شنو ماعرفت..ياربي اتنهم بالعدس الملون..ما انتي عارفه في العدس الاسود ابو جبه...وعدس في اخضر وفي برتقالي..
لو ينفع أتم بيهم الكيمان.. غير كده انا ساقطه أغذيه ومابعرف باقي البقول شنو..بس العيش برضه جبته من النوعين..المخبوز والحبوب..
اما بالنسبة للآذان.. اول ياسين مانزل من بطن امه اتلقاه أبوه..اصله كان حاضر الولاده.. وبعد ما اداه لأمه تشوفه قعد يأذن ليه في اضانه..خلا الدايه مستغربه..
وتاني برضه مجدي اخوي زوج مديحه ومحمدعوض خوجلي اذنوا ليه..اسه ياسين حفظ الأذان..تصدقي قال لي
اول أمس الله أكبر؟؟
وبالنسبه للقرآن حبيبتي ماهو ياسين والقرآن الحكيم..كده ولا كده حوالينه وجنب راسه..لكن برضه عملت بوصيتك السمحه..
الحجبات عندي وحيدات جبتهن من دارفور...بينفعن ليه ولا ياربي أخير نرسل نجيب واحدات تانيات؟
اظنهم بالنيه.. اخير نرسل نجيبهم..العندي ديلك نافعاتني وما بقلعن من رقبتي..
وأنا وحات سيدي الحسن وستي نفيسه وستي زينب عارفاه حفيدك..ومتأكده لو كانت ظروفك سمحت كان جيتي حضرتي الولاده ونفستيها..ماياها آيه بتك برضه..يديك العافيه..
Quote: واخر حاجة ما تكملو الكعك والحلاوة للناس البجو متاخرين زينا
حوا اختى احجزى لى حبيبات كعك وحلاوة لمن اجي واجيب الموجب
حق اللبن
الله على تكافلنا والله على جمال عاداتنا
وما تنسونا من كوم السماية
ما قلت ليك عاداتنا سمحة
اقعدوا فى العافية لمن اجيكم بالدرب
بس (السقط) دا يمشى |
أن كان للكعك..اسيا بت خالتك وخالتي قاعده..
اليوم داك خبزلتنا كونتينر أكبر من المطبخ..عليي كملت مع الخبايز السويتا براي..
اتي كدي أصلينا..وحات اسم الله نخبز لك كل انواع الخبيز..ووقت تجي فايته..نختهم في شنطة الحديد الخدرا..تسافريبها..اتي ياكي هيني ولا هيني!
وبس حلفت ان جيتي..ياني سوالك سمايه وقت الله ماهونلك تحضريها معانا...
منتظراك بت أمي تجينا في لندن ولا في مصر ترجعي معانا لندن..
قوتلك..
حق اللبن ان بقيتي مصره عليه..اعصريه لي في يدي..
لا تخلي آيه تشوفه شي..
الصرف خيتي فوقي انا..فوق شنو تدي آيه القريشات؟؟
| |
|
|
|
|
|
|
|
|
|
Re: باركوا للانيقة منى !!!!!! آية بقت أم (Re: محسن خالد)
|
Quote: إزيك يا حواء ومبروك لصاحبتك منى
مبروك يا حبّوبة يس، وبلّغي مباركتي لعبد الرحيم وآية.
وكوني بألف خير |
محسن وينك يازول؟
آيه وعبدالرحيم بيسلموا عليك كتير..
وعاملين فيها ابو وأم!
تقول ليهم أعملوا كده..يقولوا ليك الدكتور ماقال!
تسلم يا محسن وعقبال ما نبارك ليك كل شويه كتاب وليد جديد..
واي حاجه تاني تتمناها..
| |
|
|
|
|
|
|
|
|
|
Re: باركوا للانيقة منى !!!!!! آية بقت أم (Re: بكري الصايغ)
|
Quote: أخـتـي الـحـبيبـة الـحـبوبة،
مـنـي،
....
أجـمل الأمـنيات الـطيبـة والف الـف مـبـروك للعائلة، .... وزادكـم اللـه
افـراحـآ فـوق افـراح ومـتـعكـم جـميـعآ بالصـحـة والعافيـة. |
مرحب بيك بكري الصايغ اخوي..
شكرا جزيلا علي الأمنيات الجميله..
ربنا يشملنا جميعا بكرمه ويهدينا حياه سعيده..آمين...
تسلم اخوي
| |
|
|
|
|
|
|
|
|
|
Re: باركوا للانيقة منى !!!!!! آية بقت أم (Re: Deng)
|
Quote: ألف الف مبروك البنية وإنشالله تتربى في عزكم.
بعد كده منى خوجلي بقت حبوبة بحق وحقيقة.
أمانة ما تعبتي معي يا منى. أسف أقصد حبوبة منى.
دينق. |
شوفت كيف يلدينق؟ اختك بقت حبوبه بحقتهاوحجاويها
أمس كنت بحكي لي ياسين في حكابه بعد تعبت وخلصتها ..قال لي كضابه!
شوفت شفع الزمن ده خطرين كيف؟؟
وبعدين وين ما شايفين صورتك مع ناس هاواي وكده انت مش في واشنطون..
عقبالك وبس..
| |
|
|
|
|
|
|
|
|
|
Re: باركوا للانيقة منى !!!!!! آية بقت أم (Re: عزالدين محمد عثمان)
|
Quote: الف مبروك المولود يا منى
وحمدا لله على سلامة آية
وإن شاء الله يتربى في عزكم |
تتبارك ايامك أخوي عزالدين..
عارف اجمل حضن بعد حضن طفلك شنو؟؟
انك تحضن حفيدك..
تجيك فيه ذكريات أولادك في عمرهم واحساس انه في زول جديد لنج
عايزك في حياته..خاصه لما يتشعبطوا فيك زي القرد الصغير
ربنا يوعدك بالأحفاد وبكل المشاعر الجميله..
ويخلي ليك ولدك العسل الفي الصوره ده..
تسلم..
| |
|
|
|
|
|
|
|
|
|
Re: باركوا للانيقة منى !!!!!! آية بقت أم (Re: حواء سليمان ابراهيم)
|
حمدالله على سلامت (آيه) وألف مبروك الوليد يا حبوبه (منى) .. أنا طولت ما دخلت الموقع ليا كم يوم ومشيت بوست (المسلسل) لا لقيتك لا لقيت (كمال) لا لقيت (رأفت) لا لقيت أى زول قلت إحتمال (إيدك) لسه بتوجعك أتاريكى بى جاى ... ربنا يخليهو ليكم ويحفظو آمين يا رب العالمين
| |
|
|
|
|
|
|
|
|
|
Re: باركوا للانيقة منى !!!!!! آية بقت أم (Re: الفاتح يوسف جبرا)
|
| Quote: حمدالله على سلامت (آيه) وألف مبروك الوليد يا حبوبه (منى) .. أنا طولت ما دخلت الموقع ليا كم يوم ومشيت بوست (المسلسل) لا لقيتك لا لقيت (كمال) لا لقيت (رأفت) لا لقيت أى زول قلت إحتمال (إيدك) لسه بتوجعك أتاريكى بى جاى ... ربنا يخليهو ليكم ويحفظو آمين يا رب العالمين |
ايدي والله وقت البوست ده اتفتح كانت بتوجعني ومجبسه وحالتها صعبه..لكن الكتابه مع الحبان وتهنئتهم وحبهم بقاني كويسه..
اها نسأل الله يكبر نشوي وناجي قوام..علشان يعرسوا ويجيبوا عيال حلوين يحكوا ليهم قصتكم الجميله انت ووفو....
يبارك فيكم وفيهم..
مشتاقين كتير..
| |
|
|
|
|
|
|
| |
Muna Khugali
Ishraga Haimoura
عواطف ادريس اسماعيل
فيصل محمد خليل
wd al geran
حواء سليمان ابراهيم
محمدين محمد اسحق
awad okasha
عصام دهب
محمد عبد الماجد الصايم
kamal ali
Shayma
AnwarKing
الرفاعي عبدالعاطي حجر
العوض المسلمي
طارق جبريل
Safia Mohamed
ناذر محمد الخليفة
معتصم دفع الله
عبدالمنعم الرزوقي
Elmosley
kamalabas
Azhari Nurelhuda
رشا سالم
حسام يوسف
محمد الأمين موسى
mohanad haimoura
emad altaib
خالد العبيد
jini
Ishraga Mustafa
bent-elassied
سلمى الشيخ سلامة
محسن خالد
Deng
عزالدين محمد عثمان
Mohamed Omer
ateif abdoon
الفاتح يوسف جبرا
مامون أحمد إبراهيم
فيس بوك
تويتر
انستقرام
يوتيوب
بنتيريست