|
سنة الف وتسعمائة وبيارة
|
بسم الله الرحمن الرحيم
يا شباب ما بلقى لي زول عندو تاريخ ميلاد زايد يديني ليهو؟؟؟
أنا الوحيد بعد أباؤنا الأولون الماعندو تاريخ ميلاد معروف والقصة دي مأرقاني شديد وبحثت فيها كتير مع الأهل وما لقيت ليها حل سألت أمي يما أنا مولود متين؟؟؟ قالت لي : إن خبرني بيك يما لكن الكلام دا كيف؟؟؟ كدي عليك الله زح من قدامي خلي القهوة دي التنفعني بس أبيت يما هي يا خواتني ما تشوفوا لي حل من الشبكة دي .. غايتو ياولدي الزمن داك لا في قراية ولا كتابة علا البعرفو وكت حسين ود فاطنة دا كان بحبأ وبلولة ود النخيل كان بتعلم في المشي بالعنقريب أنا كنت شايلاك في بطني دي لا خلاس تب عرفت .. بالله عليكم فيكم زول فهم حاجة قلت أنا النسعل أبوي يابا أنا مولود متين؟؟؟ يازول صنقع ودنقر وقال لي إت؟؟؟ آااااااااااااااي إت مولود من زمااااااااااااان لا يعني متين؟؟؟ قام سعل صاحبو القاعد معاهو إت العوض دحين بتظكر ولادة الجنا دا؟؟؟ العوض بالحيل دحين السنة الجانا فيها (سيدي) ود المهدي مرتك كانت والدة بي العيفة دا ولا الخلاقة المات؟؟؟ يعني رجع السؤال لي ابوي تاني أها أبو قال لي: هوي خلك من الشغلة الفارغة دي أمش جيب ليك قصبات للحمار دا رجعت لي أمي تاني وأنا ببكي قامت قالت لي أسمع خالتك بتجي من المحيريبا يوم السوق وبنسعلها يازول بقيت أحسب في الأيام لمن جات وسعلناها قالت إتي دحين يا عشة النسوان وكت جن يعزنك في موت صلاح ود رقية أختي ماك نفسا بي العيفة دا ودا خيط أخر إنقطع .. أها باقي لي فرصة واحدة وهي خالي وهذا أعول عليه كتثراً لأنو خالي دا النوع البقرا الجريدة يعني ممكن يحلها أها سعلتو قال لي والله أعتقد سنة سنة سنة أيوة سنة يكون ياربي قبل البيارة ولا بعدها أعتقد قبل البيارة هسع يا أخوانا يعني أنا اقول مولود سنة الف وتسعمائة وبيارة ولا كيف؟؟؟
عشان كدا يا شباب أنا عايز الأخ بكري يجمع كبارات البورد الأبوات زي أبو جهينة وأبو الكنفد وأبو جلنبو وكل من يتأبب في هذا البورد والأعمام زي عمك تنقو وعمك حسبو ويختاروا لي تاريخ ميلاد عشان تاني تجي (إنسانة) الرقيقة وتقول لي كل سنة وإنت طيب يا بدرالدين شنا والناس كلها تعرف ويباركو لي ولا أغيب لي كم يوم أجرجر فيهن لساني لمن يبقى قدر لسان الزول زاتووو وأقول لي .. الليلة عيد ميلادي شناتووو ياناس
عاطر التحايا
|
|
|
|
|
|
|
العنوان |
الكاتب |
Date |
سنة الف وتسعمائة وبيارة | بدرالدين شنا | 06-22-03, 05:13 AM |
Re: سنة الف وتسعمائة وبيارة | HOPELESS | 06-22-03, 05:25 AM |
Re: سنة الف وتسعمائة وبيارة | soma | 06-22-03, 05:32 AM |
Re: سنة الف وتسعمائة وبيارة | بدرالدين شنا | 06-22-03, 06:09 AM |
Re: سنة الف وتسعمائة وبيارة | ود عقاب | 06-22-03, 06:18 AM |
Re: سنة الف وتسعمائة وبيارة | bayan | 06-22-03, 06:48 AM |
Re: سنة الف وتسعمائة وبيارة | Ahlalawad | 06-22-03, 06:44 AM |
Re: سنة الف وتسعمائة وبيارة | بدرالدين شنا | 06-22-03, 06:51 AM |
Re: سنة الف وتسعمائة وبيارة | بدرالدين شنا | 06-22-03, 07:23 AM |
Re: سنة الف وتسعمائة وبيارة | دورنقاس | 06-22-03, 07:42 AM |
Re: سنة الف وتسعمائة وبيارة | ابو جهينة | 06-22-03, 07:46 AM |
Re: سنة الف وتسعمائة وبيارة | قرشـــو | 06-22-03, 07:49 AM |
Re: سنة الف وتسعمائة وبيارة | بدرالدين شنا | 06-22-03, 08:51 AM |
Re: سنة الف وتسعمائة وبيارة | maia | 06-22-03, 09:59 AM |
Re: سنة الف وتسعمائة وبيارة | بت قضيم | 06-22-03, 10:04 AM |
Re: سنة الف وتسعمائة وبيارة | بدرالدين شنا | 06-22-03, 10:30 AM |
Re: سنة الف وتسعمائة وبيارة | بت قضيم | 06-22-03, 10:46 AM |
Re: سنة الف وتسعمائة وبيارة | almulaomar | 06-22-03, 10:50 AM |
Re: سنة الف وتسعمائة وبيارة | maia | 06-22-03, 10:51 AM |
Re: سنة الف وتسعمائة وبيارة | بدرالدين شنا | 06-22-03, 11:55 AM |
Re: سنة الف وتسعمائة وبيارة | almulaomar | 06-22-03, 02:24 PM |
Re: سنة الف وتسعمائة وبيارة | Yassir7anna | 06-22-03, 02:34 PM |
Re: سنة الف وتسعمائة وبيارة | AlRa7mabi | 06-22-03, 02:38 PM |
Re: سنة الف وتسعمائة وبيارة | alfatih | 06-22-03, 03:01 PM |
Re: سنة الف وتسعمائة وبيارة | عشة بت فاطنة | 06-23-03, 01:06 AM |
Re: سنة الف وتسعمائة وبيارة | ودرملية | 06-23-03, 03:05 AM |
Re: سنة الف وتسعمائة وبيارة | بدرالدين شنا | 06-23-03, 04:17 AM |
|
������� ��������� � ������ �������� �� ������� ������ ������� �� ������
�������
�� ���� �������� ����� ������ ����� ������ �� ������� ��� ���� �� ���� ���� ��� ������
|
� Copyright 2001-02
Sudanese
Online All rights
reserved.
|
|