|
|
 سايق الليـل.... للقـرضــة قرش
|
يا ام الخير..... انت عارفة.... باقي نحن لا بنغنا ولا بنقرش ولا شيتين..... وظانيتني... قد ر العيشتو تاني ما بعيشو..... دا حين داير ك.....وقت اموت.... تسو لي قبة كبيرة.... قدر حقت الشيخ حمد النيل.....وتسوروها...وتسو شباك تظاكر...واي زول داير يزور... يدفع... اوعك يغشوكي يدوكي شيكات.... كاش وبس...وبعدين تحكي القصص عني وعن كراماتي....وكيف انو كفيلي لما عاكسني اتقلب كدنداية....ولابسة عقال.....واني كنت بمر فوق ناس الجمارك زي الحلاوة لابيفتشوني ولا شي....ومرة الله بيسعلك دخلت تريلا كاملة..... ويعميهم ناس الجمارك ما شافوها.. اما المولاريا ديك شايل لي ليها مقلاع.... بصقة واحدة مني... المولاريا.. والبعوضة.... والزول الماسكاهو المولاريا كلهم يموتو.... واني كنت..... ما باكل شي غير قرض...... الفطور قرض مسلوق..... الغدا ملاح قرض..... العشاء قرض بالطوه....وقدر ما في فتاة بايرة.... بي وريقة صغيرونة بس... العرسان جو بالصف....وناس الحيكومة كانو في المفاوضات مع قرنق يتصلو علي اول ما قرنق يركب راسو يعصلج.... وطوالي من هنا اعملو مسج في موبايلو قريتو ليهو يوقع علي أي شي....والله بيسعلك قدر مافي وزير ولاّ مدير.... ما اتعين الا اخد بخرة مني....ونسوان الرجال ديل اسكتو ساكت... حسي كان شفتو رجال السعودية المع نسوانم ديل.... نعجات عديل.... وكلو من شيخي سجيمان.... يلحقني وينجدني........ وبعدين يا ام الخير.... المدحة الجاية دي احفضيها....وسويها في فيديو كليب....ووزعيها على القنوات الفضائية...وخلي يمدحوها ناس البانلمبو...ولا الما بعرفم شنو ديك.؟.. القاعدين يدقو في الحطب يومهم كلو ديك....
مصلايتو.... ...فرش
لي ابليسو....... هرش
سايق الليل للقرضة قرش
من الفلس ما بي يطرطش
عدمان الله لا دكان... لا ورش
سايق الليل للقرضة قرش
بالشوارع حاشاهو ما بيطمش
الما بيردو ان شاء الله يطرش
سايق الليل للقرضة قرش
عندو حصانة ما بيتفتش
كهربتو عالية...وتحرق تش
سايق الليل للقرضة قرش
صايم نهارو ما بيترشرش
بي ذكر الله جوو... مكندش
سايق الليل للقرضة قرش
فوق الفارغة مابي تحنفش
ما هاماهو الدنيا...... ام قش
سايق الليل للقرضة قرش
|
|
 
|
|
|
|
|
|
|
|
Re: سايق الليـل.... للقـرضــة قرش (Re: سجيمان)
|
الشيخ سجيمان قارش القرضة
التحية ليك يا أب قرضة لاحقة
إنت من زمن الملاريا ؟ ما عندك شي لإنفلونزا الطيور ؟
في واحد قال لى البتمسكو الإنفلونزا دي يكح يكح لغاية ما صوتو يبقى زى صوت ( أب سعن ) و يرمي ليهو بيضة ليها صفارين و شعرو يبقى زى ريش السواسيو ( أصصصصصصصصفر )
عندك شيتن ليهو يا سيجي ؟
تنجدنا و تلحقنا
| |
|
|
|
|
|
|
|
|
|
Re: سايق الليـل.... للقـرضــة قرش (Re: سجيمان)
|
شيخى سجيمان
القُبتو فى راس الشيطان
يلحقنى وينجدنى من محن الزمان
ويكتر لى فى النســـــــــــــوان
(باقى بريد الحِريم بالحيل ياشيخ سجيمان)....الشغلة لوجابت قروش اها من اسى انا الحُوار بتاعك....شوفها مش كدا جايا
شيخ سجيمان
وحُوارو عثمان
شيخ سجيمان الاسد
وحُوارو ودحمد
| |
|
|
|
|
|
|
|
|
|
Re: سايق الليـل.... للقـرضــة قرش (Re: maia)
|
مايا..... انا ماني كبير كدي؟....وشيخا سرو باتع..ولحاق االبعيد.. ونضام اللحم في التلاجة؟......... لي حسي الماستر كارد دا ما بعرفو وشوفتي ليهو في التفلزيون.......دا حين تعالي بقروشك راسك عديل كدي
| |
|
|
|
|
|
|
| |
سجيمان
ابو جهينة
Osman Hamad
abas
اساسي
humida
doma
فيس بوك
تويتر
انستقرام
يوتيوب
بنتيريست