|
الرجاء الاصتفاف والتوقيع لرفض كيان الشمال العنصري
|
انا من الشمال لا اقف مع كيان الشمال وهذا شريان شر انتشر
في الغلط يتساوي شاعرنا ولو لا زال شاعر بعذابنا لاختار الكل
بدلا عن الجزء هذا مخطط الدولة الدينية تقسيم السودان
لقد صرح الطيب صالح عن رؤيته الانفصالية قبل سيئ الذكر
الطيب مصطفي
لا يضيرني موقف حميد مع او ضد كيان يساهم في اضفاء مزيد من
العنصرية
الحقوق تنتزع ليس بخلق ضرر اكبر منها
الجهويات شرقا غربا جنوبا صناعة محلية ذهن ابن وبنت كيان الشمال
مسئؤل منها تنظر للتلفزيون والاذاعة والفنون وسيطرة الشماليين
ومشروعهم العنصري انظر الي الصحافة والسياسة وكتاب الاعمدة الا
قليلا
الوطن يسلم بفصل الدين عن الدولة وحكم رشيد يساوي طفل شرق
مع طفل غرب واقتسام الافراح والالام شمالا وجنوبا
وطن خير ديمقراطي متساوي بنين وبنات ضد الجهل والمرض
وطن للسلم اجنحتو شر البلية يبكي
|
|
![Edit](https://sudaneseonline.com/db/blank.gif)
|
|
|
|
|
|
Re: الرجاء الاصتفاف والتوقيع لرفض كيان الشمال العنصري (Re: Sabri Elshareef)
|
الشاعر حميد(الشمالي). أنت لم تذهب بعيدا كما ظن بعض الأخوة. فقد كنت يساريا فصرت شماليا. يعني (أعسر) كما أنت دائما.
الشمال لا يحتاج منكم لإنشاء (كيان) مثل (الكيان الصهيوني) كما عودنا الإعلام العربي. فكل الكيانات (شمالية) ومنذ الإستقلال.
- الأحزاب شمالية وغيرها (أحزاب جهوية) - الإنقلابات شمالية وغيرها (عنصري) - الدين شمالي وغيره (كفر) - العنصر شمالي وغيره (رقيق) الإذاعة شمالية - التلفزيون شمالي - الجمال شمالي
- والهوس الديني أيضا شمالي
- والذين ذبحوا محمد طه شماليون
وأنا شمالي جعلي عمرابي حتى لا يفكر أحد في وصفي بالعنصري الحاقد. نعم حاقد ولكن على عنصرية الشمال السخيفة.
الاخ حامد بدوي بشير نحن ابناء عمومة لكن نرفض عنصرية مجموعات كبيرة من اهل الشمال
وضعت مساهمتك لاثراء الحوار
| |
![Edit](https://sudaneseonline.com/db/blank.gif)
|
|
|
|
|
|
Re: الرجاء الاصتفاف والتوقيع لرفض كيان الشمال العنصري (Re: Sabri Elshareef)
|
لا وألف لا للمنظمات والموؤسسات الجهوية...
لا وألف لا لإفرازات الكيزان وما نتج عنها من تكتلات قبلبة ودينية...
فلنكن واعون بما نقدم عليه، ولنتمسك براية الوطنية السودانية، ومبدأ "الوحدة الوطنية الطوعية"...
ولنصارع بالحجة والمنطق ولسان الوطنية كل جهوي من (الشمال، أو الجنوب/ الغرب، أو الشرق)!!
واسمحوا لي أن أبدأ بـ (كيان الشمال)، وأنا من الجزيرة!!
محمد مصطفى حســـن، الحزب الإتحادي الديمقراطي -الموحد-، دولة الإمارات العربية المتحدة
| |
![Edit](https://sudaneseonline.com/db/blank.gif)
|
|
|
|
|
|
Re: الرجاء الاصتفاف والتوقيع لرفض كيان الشمال العنصري (Re: Sabri Elshareef)
|
طيب ايه رايكم ما دام الشمال دا سبب البلاوي كلها ايه رايكم لو يتم فصل الشمال ؟؟ ما دام اي شي من الشمال بشكل تهديد لتنمية السودان ومادام الشمال مستاثر بالثروة والتنمية ومعطل (الشمال) باقي اقاليم السودان؟؟؟؟
نفرزهم كدا براهم ونفصلهم عشان السودان يلحق بي ركب التطور والتنيمة والغرب والشرق والجنوب يبقو احسن دولة؟؟؟؟
مش اقتراح في محلو؟؟؟
| |
![ICQ](https://sudaneseonline.com/db/blank.gif) ![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: الرجاء الاصتفاف والتوقيع لرفض كيان الشمال العنصري (Re: Nadia Elsir)
|
Quote: الرجاء الاصتفاف والتوقيع لرفض كيان الشمال العنصري |
الاخ صبرى الشريف
تحياتى اخى الكريم قبل ان نوقع كان الاولى بك ان تعرفنا بكيان الشمال حتى نقبله او نرفضه لذلك رجائى منك وحتى تكون دعوتك مقبوله عليك ان تجتهد قليلا وتعرفنا بهذا الكيان متى انشئ ؟ وكيف انشئ ؟ وماهى اهدافه ومراميه ؟ والى ماذا يهدف ومن هى عضويته او قادته ان امكن ؟ وماهو الهدف من انشاءه ؟
وبعد ان تطرح علينا هذه المعلومات المهمه بعدها يمكن لعضوية المنبر ان توافق او ترفض هذا الكيان .
ولك الشكر
| |
![Edit](https://sudaneseonline.com/db/blank.gif)
|
|
|
|
|
|
Re: الرجاء الاصتفاف والتوقيع لرفض كيان الشمال العنصري (Re: Sabri Elshareef)
|
(ان شاء يا يابا تتبارك ما تتشارك )
اختي العزيزة نادية السر
اولا تشكري للمرور ومقدر رايك جدا
انا ارفض ان اكون اداة من ادوات الفتنة والتشرزم
واساهم علي حل مشاكلي عبر القنوات الديمقراطية وهي الاحزاب وان ضعفت
او لم تحل مشاكلي اسعي لخلق تيار داخلها
من اجل الوجدة والحب والسلام
ومساواة الانسان من ذكر وانثي
والبرنامج طوييييييييييل
| |
![Edit](https://sudaneseonline.com/db/blank.gif)
|
|
|
|
|
|
Re: الرجاء الاصتفاف والتوقيع لرفض كيان الشمال العنصري (Re: Sabri Elshareef)
|
تحياتى اخى الكريم قبل ان نوقع كان الاولى بك ان تعرفنا بكيان الشمال حتى نقبله او نرفضه لذلك رجائى منك وحتى تكون دعوتك مقبوله عليك ان تجتهد قليلا وتعرفنا بهذا الكيان متى انشئ ؟ وكيف انشئ ؟ وماهى اهدافه ومراميه ؟ والى ماذا يهدف ومن هى عضويته او قادته ان امكن ؟ وماهو الهدف من انشاءه ؟
وبعد ان تطرح علينا هذه المعلومات المهمه بعدها يمكن لعضوية المنبر ان توافق او ترفض هذا الكيان .
ولك الشكر
الاخ علي محمد علي
كتب حول كيان الشمال كثيرا والكاتب الموضوع شاعرنا الكبير حميد والبورد تداول امر البيان كثيرا بعد مقتل محمد طه عليه الرحمة
لا يصيرني ان انقل الوصلة التي تحدد ذلك
| |
![Edit](https://sudaneseonline.com/db/blank.gif)
|
|
|
|
|
|
Re: الرجاء الاصتفاف والتوقيع لرفض كيان الشمال العنصري (Re: Sabri Elshareef)
|
الشايقي
| |
![Edit](https://sudaneseonline.com/db/blank.gif)
|
|
|
|
|
|
Re: الرجاء الاصتفاف والتوقيع لرفض كيان الشمال العنصري (Re: Sabri Elshareef)
|
انت يا ابرزقاً موكر في عميق الأرض في جوف البحار فوق صناقير الجبال الحين يبيضن مابيبيضن غير حجار قط ما في الأرض من رونق نضار غطي وديانك هجير صاد مراعيك المحل صد سيفك في الجفير وأنت تارك ما اندمل الوطن جواك أسير وأنت هارب ما العمل البحر حين جاك دمير ختَ فوق قيفك وحل مابي جرفك غير رماد حتى عصفورك رحل طبَ في سأبك جراد قب روسيين النخل ما جنيت من كد نهارك غير بوار لا لقيت في يد بحارك غير محار ما فِضل في كل خدارك فدغصن لا في دارك من ركن تضوي نارك تتكل تالاهو بن دون عمل ؟..! الما الفايدة منك معني حنك و الا أنك ود قبائل وليك اصل نار خلاوي ونور أهل نظم أفاتوا الدجل وأنت في فوضي الدجل خل خروج الغيمة من نفخة بخار لي دخول الأرض المطر أم بزار مافي غير تجلب ضراعك في المدن والمدن ما فيها غير حفنة تجار وسوقها واحد يا غبن وأنت أشباهك كتار جيت تنادي ولا أُذن طال صراعك للحزن و التصاليت والدوار كلما فجيت حصار تلقي لجيت في حصار وكلما ليها المدينة تابي غربانك حقاره تاذي أعوانك عوينها تدفرك تالاي الغبينة وحافة اطرافها المهينة تاخد افراحك رهينة قسمتك كيف الدبارة كافة أعيادك حزينة و البجيلك من يسارها تاخدوا منك بي يمينه اه لو كان بالضكاره أو نفس طيبة أمينة غنيتك ما طال إثارها وعاني موالك رهينة دنيتك كانت بحارها تحتفيبك مينا مينا ليل فرح قاد في صحاري لا كهارب لا في زينة ضيوا كشافة الفقاري قمرا حتى ولو رتينة إلا يا تارك مسورك للمحل عز المزار أرض الميري ومتورك و الأهل عارض جدار بينها بينك وين قمورك في السهل ما بقوا نار مافي يا الكانت ديارك قاجي ليلها علي النهار في المدينة من استجارك غير ضواحيك ها الحجار راح زمن حردك تجارك في الضواحي وبالأيجار غصب عنك وحار و حار ترضي شان أم الصغار و الصغار شان أم الصغار والبطون البنتظارك وأنت جاي أخر نهارك الرغيفات في يسارك وفي يمنيك كيس خدار عمروا ما أتمنوا المقصتر ذات يوم عمروا ما استنوا الفواكه إلا دوم لا في عيد داروا الجديد لا مراجيح لا لعب لا زيارات للحدائق فنه في الزمن الصعب مافي شكوي ومافي لوم و بي تواضح وبي أدب يسألوك أحسن بحرنا والا بترول العرب الشي مالا في ناس تريدن وناس تزيدن بالكرب أمهم داخل تصيدن يا ولاد النوم وجب ويدوا وشهم الفراغ وتدي وشك للترب آه لو تأذن يا رب آه لو تقبل يا قلب ثانية بملاهم لُعب عيد بلا عيد الجديد يجروا في كل الحدائق يقروا بالم هادي رايق لا متاعب لا هموم في المصاريف و الرسوم متخمين بالنشوة و الحلوى و الفواكه بالحقائق والحكاوي الخالي خوفها حرمان مزله إلا آه ياوضع شائه منحلج قانون تائه ومافي تايه غيروا دله حلمهم مع إنو تافه إلا لكن بالتالله إلا لكن بالتعب وبالتعب كم مرة جلا جد زمانن جد صعب إلا آه يا رمل الشوارع كم حرمناك من غضب و يا رجوع عرق المصانع مافي بقاقة لهب الكعب طول ماهو طالع مابينزل غير كعب وأنت يا أبعرقاً موكر في عميق الرفض في جوف الصراع في انتظار الجاي من براك بريه منوا نفسك أوف خداع فجر كاذب خدرية انتبه حتى النخاع أيدلوجيا الكسر من بيع القضية في عكاظ الغرب في سوق الرعاع واجتماع الانفضاض وانفضاض الاجتماع بين لندن و الرياض كان إلي حين المتاع انتبه حتى النخاع انتبه حتى النخاع ما بيجيبوها الدموع لا الدعي لا الامتعاض و الا راكض فوق خنوع مابيفرخ انتفاض انتبه حتى النخاع ابتزاز الشعب بالمثلي الابيه لاحتكار الدنيا كان الدين قناع
الصكوك الكنسية في همركوشيب تباع جنة اوهاج الاسية وجنة الحاج الضياع وي كأن الله آهٍ يا نبيا آه يحتاج حماةً ورماةً وتباع انتبه حتى النخاع لا متطاء الجيش يا حظ المطية من تقل ما فوقا من شاذي الطباع انتبه حتى النخاع لا امتلاك الارزقية البندقية وانطلاق الرعب من حتى اليراع انتبه حتى النخاع فامتهان الكذب قدام الرعية وانتشار الأمن في شتي البقاع لا يخلي الريح يطلوح بي مراكبك تالا لجات الضياع اخير دوام الدفي قلبك وفر بصيراتك شراع مدرتك طول بالك انت و المقاديف الضراع مافي غيرك من يجيرك ادري بي جوع الجياع وا وطن يطلع نفيرك ما مطر ينزل مشاع الضلام العاد مسيرك يضوي بي اذن الشعاع في الصحاري يبق خديرك ترعى خالفلك كراع فوق كراع لا قط بيرك لاغشى تالتك ضباع ياولد كل القبيلة وليها ماديلا الضراع ما بتبيت شاه عليلة ديمه نجداتك سراع البلد تحتك كتيله ليش تأجل للصراع الشايقي
| |
![Edit](https://sudaneseonline.com/db/blank.gif)
|
|
|
|
|
|
Re: الرجاء الاصتفاف والتوقيع لرفض كيان الشمال العنصري (Re: Al-Shaygi)
|
آه يا غبش محمد الحسن حسن سالم (حيمد)
آه يا غبش ما عندي ليكم غير نغيم .. برجوه ينفض لي غبار زمن القسا .. الكتاحة يهد عرجون نخل صبر الغلابة الطال .. يحت يخرت .. تباريح الأسى الممدودة فوق نور الدغش يا نورة آه .. يحرد كنائسنا المسيح .. يعرش مدارسنا الصدى ييبس يباس حلق العصافير الوديعة من البكا إندردر الصوت البعيد أسيان تصر من دون صدى ينكفرن الفجر الصبوح .. يحمي الزهيرات الندى تختا الدراويش الضريح .. يسكن خلاوينا الجنون يهجر جوامعنا الإله يا نورة آه تطرح غيوم الشوق تئن .. تشرق تموت خيل كلمة الحق التناهد في الشفاه يعقر بسيمة الصح مع لوبي الجروف تغرز ضريعات الحروف ينشف مراح الأمسيات .. تتمطق الأرض المروق والأغنيات اللي الشروق .. والأرض والحب والمطر تضهب تتوه .. وكتين يضيع عرق الجباه الشم .. شمار في مرقة آه يا نورة آه من دربك التور نفس خيل الصبر .. فتر خطاوي الشوق وراه يا نورة آه ساعة الشموس الغر .. تهضلم تلحق الصح في المغارب تدفر الضو الكهارب وفي وشيك تدفر المدن الضبابية السرابية الكآبة وحائط التيه والطشاشات فوق قفيك يا أم عوارض .. مو دعاشة .. ماها شبورة وتقيف جاي ليك يا نورة غيمة .. تملا ماعونك خريف يملأ عينيك ويفضل .. يروي جواك العطاشة مو دعاشة يا مطر عز الحريق يا مصابيح الطريق يا المراكبية البتجبد من فك الموج الغريق يا الجزاير النتحويبا .. لما إنشعوز بحرنا يا المراسي النتحويبا .. لما إنشعوز بحرنا يا نشوق روحنا ودمرنا يا المحطات الحنينة القصرت مشوار سفرنا يا ما شايلك بين حايم أيوة شايلك بين حائم في الأرض تكون قضية .. في السما الاحمر غمايم بي برد نغما السلامي .. رطبت حلق الحمائم طنبر النخل التبلدي .. راقص الأبنوس وصفق لعبت الصقرية موجة خلت النيل هاجلو هوجة بشرت بالخير بلدنا .. شالت الشبال نسائم جددت زلفي القديم .. أمشي بالماشيبو أقاوم لا بتكبر راسي فورة .. لا بتصغرني الهزائم جنس يا نورة ابن آدم حلمو في عالم مسالم لا الليالي الماها ليا .. لا الشماتات العليّ لا البنوك المخملية لا تفاهات الحضارة .. لا عفاريت المدينة .. لا العمارات السوامق .. فوق ضهر ناساً فقارى لا الهتاف الفاوة ضارى غطى بالي من الفوارق .. لا الألوف الطمطمية لا البرندات الوسيمة .. ولا الأسامي الأجنبية بتمحى من عيني ملامحك .. وإنتي جاية المغربية جاي دايخي المغربية .. وشك المقبول مكندك .. سامسونايتك زمزية كونشبر .. مرزبة مقطع ريشة فانوساً مدردح قلت بيهن لي زمانك .. يا زمان الحجة عندك يا زمان الآفة حدك .. لا تطا الوردة الصبية يا نفس فجر القصائد .. يا بلادي القطع قلب الروادي باللواج الجاي وغادي ده ما هو صوتك .. لاها صورتك دي بترقش ناديي فوق صدر الجرائد .. ماها صورتك لا هو صوتك .. لاها صورتك إنتي يا الفي إطن الصحارى شفع العرب الفتارى البفنو الشايلا إيدن .. ويجرو كابسين القطارة يجرو باريين القطارة لا سراب الصحراء موية .. لا حجار سلوم موائد إنتي في الغابة اليصارع .. جوفو للآهات تلكي يا مدفق غيم رجاهو .. لكن الأيام كركي في خلا حالنا اليمحن .. ويملأ بالسهد الوسائد إنتي غيمة .. شديرة .. خيمة .. إنتي جاهنا .. والتقا الطلقت وشينا .. فرقت غمة جباهنا فرجت في الحارة ضيقنا فرحت شفع فريقنا والمواعيد الحزينة .. وإتجاهنا يا النغيم البقّ فينا .. وشدّ لي وتر إنتباهنا يا تباشير يا بشارة إنتي يا ضرعاً تكرمش .. شان يرضعني الجسارة إنتي في منفاي رفيقة .. وفي حشا الأشواق حرارة يا هدى الناس الحيارى يا ندى الفجر اليبلل صور عوينات الفقارى جاي ليك .. آه جاي ليك .. يا نورة آفة آفة للسوس الجا ينقر .. عود عشيماً داخرو فيك وأصلي لمن أدور أجيك .. لا بتعجزني المسافة لا بقيف بيناتنا عارض .. لا الظروف تمسك في إيدي ولا من الأيام مخافة يا نفس فجر القصائد .. ما ضهب في بعدي عنك واصلي متغرب عشانك .. راضي بالبيجيني منك ما بكيت شح الليالي لا شكيت نُح .. شلتو حالي رغم إنو الحال بيفسخ .. إلا كُت في الحارة بنده يا وطن عز الشدائد
الشايقي
| |
![Edit](https://sudaneseonline.com/db/blank.gif)
|
|
|
|
|
|
Re: الرجاء الاصتفاف والتوقيع لرفض كيان الشمال العنصري (Re: Al-Shaygi)
|
هيْ .. أقيفِنْ .. نورا فِيكِنْ ؟ . ؟ نورا ... نقّاحة الجِّروفْ .. نورا ... حَلاّبة اللِّبيني .. للصغيرين والضِّيوفْ نورا ... ساعة الحَرْ يولِّعْ .. تنقلِبْ نسمة وتطوفْ تَدِّي للجيعان لقيمة وتَدِّي للعطشان جغيمة والمَخَلِّي الحال مَصَنقِرْ .. في تَقَاة اللّيل تَندْقِرْ .. تدِّي لي باكر بسيمة تَكْسي للماشين عَرَايا وفوقا ينقطّعْ هديمه ......... ما عِرفتِنْ ... نورا إنْتِنْ .. ؟؟؟ قولِنْ إنتن شِنْ عِرفْتِنْ ؟؟؟ نورا بِتْ ا########## أخيْتِي .. نورا أخُتْ كُلّ الغلابة نورا حاحاية الشّقاوة .. نورا هَدّاية الضّهابة الأراضي اليَاما أدّتْ .. نورا ... بقّتْ من تُرابه وماشي في الأعماق سحابه مشتهنِّها .. والله جابه الله جابه ... الله جابه للجنوب طبلاً يَهَدْهِدْ .. ليل مشاعر ناس تعابة وللشّمال طنبور يَسَكِّتْ .. دمعة الميتين كآبة ........ ما عِرِفْتِنْ نورا إنتِنْ .. ؟؟؟ قولِنْ إنتن شِنْ عِرِفْتِنْ ؟؟؟ .... نورا .... عايز تقرأ ... قالتْ فوقا حيطة الدِّنيا مَالتْ خَتّتْ الكرّاس وشَالتْ منجلاً ... صَالَتْ بو جَالَتْ لامِنْ إنجرحت بو شالَتْ للتراب فوق إيده كَالَتْ ... ... ... مَرّة يوم في الدُّونْكَا لِدْغَتْ جاء الفقير بالليل حَوَاهَا ويوم ملاها الهم قطايع .. جاء البصير بالنّار كَوَاهَا ونورا ... ما قِدْرَتْ تمانع .. تقنع النّاس المعاها مرة شافت في رؤاها ... طيرة تاكل في جناها حيطة تِتمغّى وتفلّعْ .. في قَفَا الزّول البناها في جنينة سيدي سِمْعَتْ .. شتلة تصقع لي الوَرَاها دي الأرض .. ولابُدَّ ترجع ... للتِّعِب فوقا ورعاها ... غيمة ... والنِّيل موجو لاها والعطش شقّقْ شفاها الشّمش طَبَقت ضُحَاهَا الخليقة لقت إلاها نار ... عقاب إنسان مكسَّر .. فوق تَلَكِّيات متاهة وضَوْ من الله .. رهاب .. مكتّفْ في وتيد اللّيل معاها بين ربوع حَضَره وخلاها فَشَّقَتْ للنّاس رُؤاها وقالوا ... جَنّت ... ومو براها ونورا زادت فوق شقاها و صَدّتْ الأيام ... تحُشْ تبني لي عصفورة عُشْ في السّواقي تشوف عزاها لما شوقه يسوِّي .. أُشْ !!! تملا .. تزرعْ ترعى .. تقرع للنهار في الليل تخُشْ عِرْفَتْ الشّقَا والشّقَاوة إلاّ ... ما عرفت تغُشْ !!! ... ... ... شايلة طولة البال من الله .. ومن أراضينا الإثارة وماشي تكدح طول نهاره وترجى لما الليل يَفلِّلْ .. تسرِق ألمي عشان خداره عشان صغاره .. عشان خداره عشان صغاره .. ولما ترجع لي دياره تنزف أحلام الفقارى من عويناته الحيارى ... ... ... لي غُبار الحال تقُشْ فوقو للآمال ترُشْ نورا ... تقعد صاحِي تحلم .. بي بيوت بي نور ودُشْ وبالمحبة تشُق دروبه .. ولي قلوب الكل تخُشْ نورا ... تحلم بي وجود ما مشت بينو القيود أفضل أفضل بي الكتير .. بي وطن من غير حدود ... ... ... نورا ... تحلم بي عوالم زي رؤى الأطفال حوالم لا درادر .. لا عساكر .. لا مظاليم لا مظالم ... ... ... نورا تحلم .. ولما تحلم .. نورا ترجِفْ ولما ترجف .. نورا تحلم .. ولما ريح الواقع المُرْ .. لي عشيش أحلاما ينسِفْ نورا .. تنزِفْ وفي الوجود .. وجدانه يهتفْ حالة .. تقرِفْ .. حالة ..تكسِفْ .. حالة تكسِفْ .. حالة تقرِفْ .. وتبدأ تقضِفْ .. ولما تقضِفْ حاله يهتِفْ .. وتملا باله أحلام بتلصِفْ يوم حتنصِفْ يوم حتنصِفْ نورا .. لسّه .. بعيد .. هناكَ .. صاحي تحلم .. ولما تحلم نورا ترجِفْ ولما ترجف نورا تحلم صاحي تحلم.. وصَاحْ بتحلَمْ صاح بتحلَمْ بتحلم صاحْ ..
آه يا غُبُشْ ما عندي ليكم غير نغيم .. برجوه ينفُض لي غبار زمن القسا .. الكتّاح يهِزْ عرجون نخل صبر الغلابة الطالْ .. يحِتْ يخرِتْ .. تباريح الأسى الممدودة فوق نور الدُّغُشْ يا نورا آه .. يحرَد كنائسنا المسيح .. يعرش مدارسنا الصدأ ييبس .. يباس حلق العصافير الوديعة من البُكَا يندَرْدَرْ الصّوت للبعيدْ .. أسيان يصُد من دون صدى ينكَفْرَنْ الفجر الصّبوح .. يحمي الزهيرات الندى تختا الدراويش الضّريحْ .. تسكن خلاوينا الجنون يهجر جوامعنا الإله يا نورا آه ... تطرح غيوم الشوق تئِنْ .. تشرَقْ تموت خيل كلمة الحق التّناهِدْ في الشِّفاه تعقِر بسيمة الصِّحْ معَ لوبي الجّروفْ تغرِزْ ضريعات الحروفْ ينشف مُرَاح الأمسيات .. تتمطّق الأرضة المروق والأغنياتْ اللّي الشّروق .. والأرض والحب والمطر تضْهَب تتوه .. وكتين يضيع عرق الجِّباه الشُّم .. شمار في مرقة آه يا نورا آه ... من دّرْبِكْ التّور نَفَس خيل الصّبُر .. فَتّر خطاوي الشّوق وراه يا نورا آه ... ساعة الشّموس الغُرْ .. تهضلمْ تلحق الصِّح في المغاربْ تذفر الضو الكهاربْ في وشيّكْ تدفر المدن الضّبابية السّرابية ... الكآبة وحائط التيِّه والطّشَاشَات فوق قِفيِّكْ يا أم عوارِض .. ... ... ... ويا أم عوارض مو دعاشة .. ماها شبّورة وتقيفْ جايي ليك يا نورا غيمة .. تملا ماعونك خريفْ يملأ عينيكي ويفضِّلْ .. يروي جوّاكي ... العطاشى مو دعاشة ... ... يا مطر عِزْ الحريقْ يا مصابيح الطّريقْ يا المراكبية البتجبِدْ من فَكْ الموج الغريق يا الجزاير النتحويبا .. لما ينشعوز بحرنا جينا ليك والشوق دفرنا يا المراسي النتحويبا .. لما ينشعْوَت بحرنا يا نشوغ روحنا ودمرنا يا المحطات الحنينة ... القصّرَت مشوار سفرنا ... ... ويا ما شايلك بيني حايمْ أيوة شايلك .. بيني حايمْ في الأرِضْ تكوين قضيّة .. في السّمَا الأحمر .. غمايمْ بي برَدْ نغما السّلامِي .. رَطّبَتْ حلق الحمائمْ طنبر النّخل التبلدي .. راقص الأبنوس وصَفّقْ سَوّتْ الصقرية موجة خَلّت النِّيل هاجلو هوجة بشّرت بالخير بلدنا .. شالت الشّبَال نسائمْ جدّدَتْ زلفي القديم .. أمشي بي الماشيبو أقاوم لا بتكَبِّر راسي فورة .. لا بتصغِّرني الهزائمْ جِنْسي يا نورا ابن آدم حلمو في عالم مسالِمْ لا اللّيالي الماها ليّا .. لا الشّمَاتات العليّا لا البنوك المخملية لا تفاهات الحضارة .. لا عفاريت المدينة .. لا العمارات السّوامِق .. فوق ضَهَر ناساً فقارى لا الهتاف الفاوة ضارى غطى بالي من الفوارق .. لا الألوهة الطوطمية لا البرندات الوسيمة .. ولا الأسامي الأجنبية بتمحى من عيني ملامحِكْ .. وإنتي جايِة المغربية دايشي داقشي المغربية .. وشِّك المقبول مكَنْدَكْ .. سامسونايتك زمزمية كونشبر .. مرزبة مقطع ريشة فانوساً مدَرْدَحْ قلت بيهن لي زمانك .. يا زمان الحاجة عندكْ يا زمان الآفة حدّكْ .. لا تطأ الوردة الصبية يا نفس فجر القصائد .. يا بلادي القَطَع قلب الرّوادي باللُّواجة الجاي وغادي ده ما هو صوتِكْ .. لاها صورتِكْ دي البترقش نادي فوق صدر الجرائد .. ماها صورتك !!!! لا هو صوتك .. لاها صورتك !!! إنتي يا الفِطْن الصّحَارَى شُفّع العرب الفتارى البَفِنّو الشايلا إيدُنْ .. ويجروا كابسين القطارة يجرو باريـن القطارة ولا سراب الصّحراء موية .. لا حُجار سلّوم موائدْ إنتي في الغابة اليصارِعْ .. جوفو للآهات تلكِّي ياما دفّقْ غيم رجاهو .. لكن الأيام كركِّي في خلا حالنا اليمحِّن .. ويملأ بالسُّهد الوسائدْ إنتي غيمة .. شديرة .. خيمة .. إنتي جاهنا .. والتّقَا الطّلَقَت وشينا .. فرّقَت غُمّة جباهنا فرّجت في الحارّة ضيقنا فرّحَت شُفّع فريقنا والمواعين الحزينة .. يا إتجاهنا يا النغيم البقّ فينا .. وشدّ لي وتر إنتباهنا يا تباشير يا بشارة إنتي يا ضرعاً يكَرْمِشْ .. شان يرضِّعني الجسارة إنتي في منفاي رفيقة .. وفي حشا الأشواق حرارة يا هُدَى النّاس الحيارى يا ندى الفجر اليبلِّلْ صور عوينات الفقارى جاي ليك .. آي جاي ليك .. وجايي ليك يا نورا آفة آفة للسوس الجا ينقُرْ .. عود عشيماً داخرو فيكيْ وأصلي لمن أدور أجيكي .. بجيكي لا بتعجِّزْني المسافة لا بقيف بيناتنا عارِضْ .. لا الظُّروف تمسك في إيدي ولا من الأيام مخافة يا نفس فجر القصائد .. ما ضِهِبْ في بُعدي عنِّكْ وأصلي متغرِّب عشانك .. راضي بالبيجيني منِّكْ ما بكيت شُحْ اللّيالي لا شكيت نُحْ .. شلتو حالي رغم إنو الحال بيفسَخْ .. ورغم إنو الحال بيفسخ إلا كُت في الحارة بصرخ يا وطن عند الشّدائدْ يا وطن عِز الشّدائدْ ... ... ... وطن ؟؟
شوك الشّوق .. لي الشّوفه آ خي ضارب فِطن النسج الحي يا مُنقاشو أحزاني إنشرّت .. وادي الفرح إتمدّدْ صيْ يا راحلين عِنْ دُغُش اللّيل .. ما لاقيتو جناياً زي تكية نخل الفجر الجاسر .. فوق في المترة عراجين ضيْ يا رعّاوة آ .. العرب الرُّحّل .. ما لاقاكم في المطراني في كاويق الجرف الأمحلْ بين أسراب الرهو الرّاحل .. ساند أكتاف اللّيل الميّلْ عِند ْ ساساق الغيمة عليكم بين رقراق الخيمة معاكم .. ما أديتوهو شوي بي حَرْجَلْ آ رطانة اللِيلُنْ ليّلْ ما لاقاكم في ونساتكم بين الشّادي وبين كاساتكم في صلواتكم .. عِنْ دعواتكم أو دقساتكم عِزْ خلواتكم زول زول الله إن ِمحِن آب يسألْ الهبّاد لي غُلْب اخواتو الفرّاح عوّان الحلِّي الفدّار لليل ظلماتو آ نجمات شِقّيشْ قولِنلِّي ما لاقاك طالع مندَلِّي المطعوم من طيبة أمّاتو كالفَجّاج الندّ نباتو موج البحر الأحمر هوجتو وعِرْق العَرَق اللاّوي ثباتو جانا الشُّدَر الأخدر منو ونار الشُّدر الأخدر جاتو راح شِقِّيشْ أب قولاً واحدْ ولِيش ما يرجع من غُرباتو طوّل .. طُول ما طلّ علينا وقاطِع مننا جواباتو الغابات جات تنشد منّو العُربان راجين جيّاتو أديناهم عَلَقو وعَرَقُو وصورتو يقلِّب في كتباتو ضُل رشّاشُو .. ركيزة زولو ساعات سِلْمو ويوم حوباتو سِنْ طوريتو .. ولون أبرولو وحِسْ طنبورو البي نغماتو لهلب عشق النّاس الفُقَرا وبرّد جوفِن .. ببي غنواتو .. وياغنواتو الدّخَلت فينا .. تمرق جينا على جلاّتو وجيداً جينا .. طلقنا وشينا .. ووش أطفالنا الليلة حلاتو غني معانا غُنانا هويتو غنِّي العالم غنِّي حياتو لا ساومنا عليها قضيتو ولا فكّينا من إيدنا وصاتو ألف شليل يا نورا يفوتو شان ما يجيكي شليلك ذاتو ولما يجيكي .. شليلك ذاتو ..؟ ..؟ ..؟ ..؟..؟ ..؟
الشّوق من حاطِفْ .. لي قاطِفْ يتلمّ .. يهز ليك يا نوراي يا دَرَقة وسيفْ يا حُضناً كيفْ من شَرّ الصّيفْ والشتا ضاراي .. ضاراي ضاراي يا شعلة عز بقّت جوّاي عدّت بي ضلام بحراً عاصِفْ يا نور قاعِدْ بِكْ .. قايم بِكْ شايلك مورودة ومتوكِّلْ يا نورا على الله .. علينا والفرج القرّب .. وحايم بِكْ يا بِت العرب النوبية يا بت النوبة العربية بي فردة نخوة بجاوية أو شدر الصّحوة الزِّنجية دسيِّني من الزمن الفارغ .. من ريح المتع الوكتية من شر السّاحِقْ والماحِقْ .. بين دَبَش المدن المدعية والليل إتحكّر بيناته كحّل بي دبشو عويناته يا شمس الله المسبية روّحت اتنسّم أخبارِكْ .. لا تشفَقْ قالو لي نصيحي !!! وأنا عارفك ممكونة وصابرِة .. لكن لي ناس إلاّ تصيحي جواي مأساتك مضروسة .. يا طفلة تفتش في باكر ما بينات نخلة و أبنوسة الجوع العطش الفَدْ واحدْ .. الفقر الضّارب زي سوسة الخوف والحالة المنحوسة ويا بحر الحاصِلْ .. لاكْ ناشِفْ .. لا قلمي الفي إيدي عصا موسى يا ام غلباً حار .. ينْبُرْ فينا .. ما عدّ صباح من ها .. الميناء كَدْ الكُدّاح شايله سفينة النّاس عوجات .. تحرِسْ .. ترْجَا ترجعبو سلاح وأنوار زينة بمبان .. شوفونير .. آفات .. ويسكي .. للنّاس الدّمّنا بنزينا فِقَراً تسترزقْ من دينا بايركس إبريقن .. والموية .. يتحدّى بياض الوزّينة !!! خرزات السبحة أمريكية .. خُصَل الموكيت إيطالية دفتر شيكاتاً ربوية .. في الجيب والسيرة النبوية جنب مصحف جوَّة البترينة وتقروقتِك .. ديمِة على القبلة .. ميهية إبريقِكْ بي طينا السِّبحة أصابعِكْ يا صالحة .. يا بت النَاس الصّالحين الذِّمَمْ المشرية الطّالحة ... شتّان بين دينِكْ وبين دينا شتّان بين يُحمد وحاج أحمد .. وقُدّاس ناس ياي وسلاطينا ... ... ما دام حامينا حرامينا ومنسلبط أسمى أسامينا شيلاكي مع الخلِق النايحة على أرض فلسطين الفاتحة البركة في رملِكْ يا سيناء يرتجَّ أثير الدعوات ما بين آمينك وآمينا … … … يا أمِّي وأخيتي سلامات ما تصلح حالنا كلامات نحتاج الشدرة النارية والغصن أب سبعة حمامات ... ... .... ... ويا نورا شليلك ما فات بي عدلو شليلك جاييكي .. وما جايي ألِم التمرات لا أبكي وأقابل بالفاتحة .. في زولاً ليّا مِرِضْ .. ماتْ جاييك أتزوّد من غُلبِكْ .. وأقفِر خطأ غيمةً ما جاتْ نَبْحَتْ لها كُلّ المعمورة والنّاس يوم تمرُقْ مدخورة يا نورا نسلِّكْ غنوات وآمال بي باكر مضفورة .. طُلاّبك وأقلامنا هويتِكْ .. قدّامنا قضيتِكْ سبّورة رتّبنا الخرطة البتوصِّل .. أدِّينا الخاطر يا نورا بالمدّ الثوري المتدافعْ .. فوق دربِكْ تَبْ ما متراجعْ رغماً عن عَنَتْ الأيام .. والزّمن الجهجاه الفاجِعْ ما رمل الدّرْب الوسطاني .. وكتيني الرّاحل وصّاني لا ترجع ساكِتْ يا شافِعْ لا ترجع شافِعْ يا ساكِتْ خُتْ بالك وعينك في الشّارعْ لا ترجع .. لا .. لا .. الشَارع فاتح في الشَارعْ لا ترجع لا لا لا ترجع ... ... ... والشّارع صَانْ .. صَانْ الشارعْ جايل كايسلِكْ يا نورا .. لا كُتْ متسوِّل لا صَايعْ لكن العسكر باغتني .. يا نحس الحلم الباختني يا عفن الأيدي المأجورة نوراي الخطوة الجابتني للمدن الصِّبحت مهجورة يا ناسي بطاقتي عويناتا البضهب عنِّك بيناتا تلمحني الفقراء .. وتلفحني في ليلها أغني معاناتا الفجر الكاذب يرْشَحْني ترشَعْ بي ا########## سماواتا شدرات السّافِل تَنْتَحْني بالحاصل أعبِّي مساماتا الناس القُصّر تنصَحْني نتْكَاجَرْ أتوِّر نجماتا القمر الطّيب يفضَحْني تنبحني سجونِكْ وآهاتا كَجّنّا سجونَكْ لولاكْ كم عشق يتيرب واطاتا منعول الزّمن الخلاّك سلّمت الوطن الهمباتة وعلى كيفك سيفك يتحَكّمْ يا سوسي تكنّك ما بتعلمْ بي شتلة تقرِّبْ تتكلّمْ يا حَال البتألم وساكِتْ يا حال السّاكِتْ وبتألّمْ يتفتّق جُرحَك يوم نبرأ نتلمّى .. وقيدك ينحطّمْ وين عاتِبْ هارب من بُكرة وخطو التاريخ البتقدّمْ للزّمن الإنساني السِّدْرَة حا يوقِّف قولو وما بيرغَمْ المنفى في شرعو كما الهجرة والسِّجن متل دار الأرْقَمْ والشّارع قارِنْ في الشّارعْ رغماً عن عَنَت الأيام والزّمن الَجهْجَاه الفاجِعْ بالنّفس النّازل والطالعْ وأنا واحد من شعب مضارعْ سمّيت ومشيت ما متراجعْ غنيتك يا عشقي وتيهي يا بلداً كم سمحِة وجيهي لو لِقَتْ النّاس البتدورا الأيدي التنفض كنديكَا تنقُز تلحقا في الكانديقَا ترتاله .. تكوس لها في الجيهي ويا بلدي الواقع بك واقف .. الشوق من حاطف لى قاطف .الشوق ..
مِنِّي متعشِّمْ طلوعِكْ .. كُلِّي مستنيك تعودي .. ويغسل السّاحات رجوعِكْ في حشا أحراش الليالي منتظر بقّة شموعِكْ تشتل الضّو في الضّهابة .. ترخي للجايعين ضروعِكْ يرجع الطير المهاجِرْ .. يملأ في الفجّاج ربوعِكْ ... ... ... في كلام النّاس بفتِّشْ .. بين عوينات المدارِسْ في صدى آذان المساجد .. ورنّة أجراس الكنائِسْ في إندهاشات العذارى .. في إرتعاشات الموامِسْ في بحر فرحان يبشِّرْ .. موجو لي جية النوارِسْ الرّوَاويس طَنْبروكي .. وهزّ بيك في الدّارة فارِسْ ... ... ... بين سُكَات القرية أفتِّشْ .. بين هضاريب المدائنْ يا نسيماتاً تَكَرْبِتْ .. شايلة أشواق الجنائنْ لي جديول حلقو ناشِفْ .. أو عَرَق تُربال يكادِنْ في وشي الأفراح بفتِّشْ .. بين قفا اللّحظات أعاينْ بين سواقير الفقارى .. الجايِة من تالا المدافِنْ مَرّة طال اللّيل علياّ .. ووصلت الآهات مداها قلت للنجمات مو جايي ؟؟؟ .. قالت الأيام تراها يا ضيا القمرا القُبَالي .. شوكة الظُّلْم الخيالي عَسّمَتْ فوقنا اللّيالي .. خُبِّي فِسراعِكْ تعالي يا مناقيش العدالة بتنا فوق الصّبر عالة يا تعاويذنا وعَزَانا .. خلِّي نور الفرحة يطفُرْ بين عوينات الحزانى صخرة الأحزان تقيلة .. واحنا ما بنملِكْ سِوانَا قولي هيلا هُوب معانا .. من على الشّارع نشيله وسكّة العمر الطويلة .. ترتى في الجايين ورانا صرنا زي رحّالة عنِّكْ .. فَتّش الكون تِبني ... لِبني وراح سأل طيانة تبني .. وقالوا جايِة بالعوينات البقومن بدري شايلات القراية في التلوت الليل تبوِّغْ .. سارقة للدّنيا السّقاية ولما تورَدْ .. بنسلينا .. الجَرْدِقَة .. القَرَضْ .. المحاية جايٍة من ضهر المسافة .. البين بناء الطِّين والسّرايِا طالما في الدنيا ناساً .. فاتو للجايين فدايِة وناس على جلاّتا تكتب بالثبات .. والنيل دوايِة جاية .. جاية دفّة التاريخ في إيدا .. دَمْ عروق أماً بتنده راجي نُص اللّيل وحيدا بيّتَتْ في القُلّة مويتو .. وزادو في المُعْلاق عصيدة جاها في جواب يسلِّمْ .. للبلد داني وبعيدا يمة يا نفس الوصية .. الكل ما شَرَقَتْ نعيدا يانا يا شخب القضية .. الصافي في قدح القصيدة مانا قنعانين تملِّي .. من دواية الصَبر نكتب فينا والإصرار يملِّي تنعدِمْ موية وضونا .. بينا نتيمم نصلِّي الزّمَن ينقُض وضونا .. تاني نتوضأ ونصلِّي ونمشي فوق دربِكْ نباصِرْ .. في الرِّمال والشّوك نحاصِرْ بي شُعَاع بكرة المسافة .. وسطوة اللّيل والعَسَاكِرْ ؟؟ تنهزِمْ ريح العوارِضْ .. والمواريث التّعوقِكْ ومن شَقَايا الحال تبقِّي .. وتقدَحْ التّاريخ بروقِكْ وكلّما مَرَقَت غبينة .. تمشي لي داخُل عــروقـِكْ ...
هَرَدْتَ لهاتي بالغنوات ... وقُتْ يبُردْ حَشَاك يا امِّي ومن التّعب البلا صَالِحْ .. تفيقي .. تروقي ... تنجمِّي تسوِّي مكانسِكْ المطرة .. تضوِّي البيت وتنحَمِّي تمرقي صبوحة للجيران ... قدح فوق ايد وفي ايد أَلمْي يلاقوك شُفّع الكُتّاب نُضاف وظُراف بلا النّسْمي ويغنولِك ... يغنّولِك غناوي السّابْ وفي بيُّوضَة مافي سرابْ جُبال كَجَبِي وفيافي الكاب ... تميد بالخُضرة منقسمي ولا آبار .. ولا هو سحاب .. وتنهجمي .. من الدّهشة وتحاحيهُن ... غناكُن نيْ ... غناكنُ نيْ .. غُنا الوهْمي ويهتفوا زي كلاب الحي .. على الأغراب حوافي الصّي وبيوضة البراسيم فيها مفروضة خدارا يراري شوف عيني على الأبوابْ قماريها وحواريها وطواريها بقت روضة .. بقت تشرب من الحامدابْ تشربي عافي من إيديّ ... تدوِّي أيُّـُّـُّويا بي حِشْمي تسوّي السّي .. وتبتسمي ... ... تشوفي رهاب بُعُد نجمي وأشوفو قريب قُرُب نَضْمِي أشوف العالم التِّحْتَاني .. هيلا هُوب وقف ناهِضْ ودكّ عمايد الفوقاني ... جوه الُّجب رَمى العارضْ وفي السّابو الدّمَار أفراق عريق الحب نَبَضْ قابِضْ مِتِل قَبْض الحروف في اسمي غناوينا القبيل رَقْرَاقْ علينا تَصُب بَرِدْ قَارِضْ أَلُكْ طيناتا من دمّي .. وأرْمُله من عصب عشّاق .. أنُطْ تُلُّبْ وأجيك عارِضْ وأجُرْ نمَيِّ أدودي لهاتي بالغنوات ... عُقُب يبرد حَشاَك يا امِّي تسوِّي السّيْ وتبتسمي تسمِّي الله وتعتّصْمِي بحبل القُدرة تتفرّقْ ظُلُمةً فيها نتحرّقْ .. صُرُمةً قالوا ليك قِسْمي أدودي لهاتي بالغنوات عُقُبْ يبُردْ حَشَاك يا امِّي وتقلبي اللكمِي بي الكلمِي ضُراعِكْ يرْمِي ما يَدْمِي تقيفي بعيد عن الشُّمات تكوني أقرب لي من إسمي وأضُمِّكْ بارتياح يا امِّي أحبِّكْ صَاحْ وصَاحْ حلمي ولاكي سعية للضَبّاحْ ولا شمش الصّباح حِزْمِي ولا كَتْف السِّلاح سوّاحْ ولا نزف الجراح ألمي هيا انحزْمي .. هيا انخلْقي .. هيا انعتْقي .. متين مو دايرة ري تسْقِي ولا في إيد النّزيف نبقَى ... ولا في إيد الخريف تبقِي ولا الفيضان يبضِّع بِكْ ... ولا في القيفة تنهدْمِي ولا انْ جَاتْ حارّه تنهزْمِي ولا يغشى الغُلُب قلبِكْ ولا تشقِي ولا إنتِي تخافي لا تَدْمِي ضُراعِكْ يرْمِي ما يَدْمِي فيا حزن البلد عوووك .. كَرْ ويا سعد الولد ضَرْ ... ضَرْ ... مع النّسْمِي وألِو .. قيمة العَمَل عِمِّي .. وأفتحي ظلمَتِكْ للضّي سِنِّي على النضال إيدي سوِّكي بالهُتَاف فَمِّي شوارعِكْ لَيْ .. دَويها عَلَيْ .. إذا ما آخر العلاج الكَيْ ... مراويدِكْ حُمُر صَمِّي مراويدِكْ حُمُر يا امِّي بليلتي ... ولا ضبايح طَيْ ؟؟؟ قليلتي ... ولا كُتُر سِمِّي ؟؟؟ وطني ... ولا مِلي بطني !!!! سُكَاتي .. ولا الكلام النيّ !!! سلام يا امِّي .. سلام يا امِّي .. سلام لا هَكْمِي لا دَكْمِي
الشايقي
| |
![Edit](https://sudaneseonline.com/db/blank.gif)
|
|
|
|
|
|
Re: الرجاء الاصتفاف والتوقيع لرفض كيان الشمال العنصري (Re: Al-Shaygi)
|
عيُّوشة .. عيُّوشة صبت غيوم ذات يوم فوق أرض معطوشة كان في حشاها بعوم كركارتو مفقوشة في الفيها حي قيوم والدنيا مدووشة فاقت بصور الدوم كم حلِة معروشة *** *** الباقر الدرويش وحِّيدو خابر السر فالدومي صورا دا ريش جنحين ملاك البر ما بين سبيطة يعيش بالليل نبي الله خضر جيش يا ابن آدم جيش وِِرْ العشق يا تر ** ** وينطاير الدرويش بين حضرتو وهوشة وتمرق من المافيش للدنيا دقلوشة *** *** تمرق مروق الريح والغيمة والمطرة قش الخلاء اللا ليح لا شوك ولا ظهرة تمرق بلا تاريخ وتدخل بها الوكرة دبش الظلط والسيخ والتلتلة الضكرة .... يا نوح مراكبك فوج فرت من الحجرة الموج يشيله يلوج من كوشة لي مجرى .** ** يا نوح حصايتنا قامت في ساقيتنا لا نار لا دايتنا لا أزيار كدايتنا كانت تنيص وتئن ما كنا فيها نحن بس فرهدت كيفن فزت سعايتنا إلا أن يكون الجن عوض رعايتنا وساعة السواقي تجن بكسر سقايتنا ** ** يا نوح يا إما الجن يا الباقر الدرويش صقر البطانة أب سن يا دابي رندة أب ريش أدا الحصايي الحن وكبرت من المافيش بس سابتن يا نوح يوم دمَّ قلب الدوم سابت دياره جروح وشابت على الخرتوم اختارت البيروح وأبت الوفاء البيدوم ** ** لكين دعي الدرويش لكن نجيهة الجن بي دابي رندة أب ريش طارت نديهة أب سن من طاعمي زي الفل انضبلنت كيفن لا همبريب لا ضل في الريح تضاضي تئن *** ** من تابري بفراشة وزرزور وحواشة دقلوشة كنتوشة لاماله شماشة همبوبة فشفاشة وصيصايي كرموشة عينيها رماشة أم لمبة فتاشة من كوشة لي كوشة دنقيره صنقيره حنديره في غيره خلاها دعموشة تلوشة ولا ضفاف بارك عليها جفاف بي ريحو مقشوشة وزي صرخة الغرقان في الفاضي عز فيضان شعراته منفوشة *** *** وشفع مباراها عيوشة عيوشة الليل هديماتا وشمش الله برطوشة تشرب من الشارع وتلقف من الكوشة عيوشة أرقصيلنا صقرية كاروشة السمبا جابودي الهورس عيوشة وعيوشة ماب ترقص لكنها الدوشة والدوخة .. بي هوشة بالراحة بي شدِّي زي البتنترتع في إيدا دم نقع والتاني برطوشة تفلت من الشفع كيف عاقة مهبوشة *** *** منعودي الزي دي من بدري مو هسع
مما انضبح جدي في كورتي وانقطع وجدعوهو في كوشة في شندي قام ولّع نيرانو محموشة في الباشوات ترشع تشلع في طربوشة *** *** عند لفة الهندي عيوشة منجقدي تدخل على بيتاً ستاتو متمدي ناساً بعرفوها لكين بعافوها دايرين غسيل عدي شاكرين يا دقلوشة ويدوها عيشايي بي دمعة مرشوشة *** *** وتتملك الشارع خطواته مربوشة السوقة والصبيان عيوشة عيوشة الليل هديماته وشمش الله برطوشة تشرب من الشارع وتلقف من الكوشة *** *** شبعاني ماليها جيعاني مدهوشة في الراح بأهاليها والحلَّ بالكوشة لا من رغيفايي كسرايي قرقوشة لا برتكانايي بي صفحة مدقوشة *** *** وين المدينة الكان على رغم ما فيها من فاقة من حرمان لحاقة أياديها وتشفق على الإنسان لا دَوَشة لا دُوشة حنانة مبشوشة بي فضلة في مطعم بي فكة في قروشة بي نظرة لي طفلة في لوعة منقوشة يا رقصة في حفلة وأحلى أكلة يوم بوشة ويا كلمةًً طيبي بالبسمة مفروشة يا عالم الغيب شن حلَّ بالكوشة *** *** حلابه ما حلَّ بي الباقر الدرويش الجن جنا الحلة وناساً بيوتا عويش رايداكي لي الله أول قوالك ريش سبتيله يا أم ذلة قتيله دايرة أعيش وجاكي الكضب فلّة خدر المدن بخشيش ما أبيخ العلة ومأمولك المافيش *** *** لكن جماعة الله ناس باقر الدرويش غفرولك الذلّة فاوة العشم والطيش قفروكي يا ولاَّ بس نقطة التفتيش والعارض الحاشا ناشا ونعل خاشا خرطوم وقرقوشة *** *** ينذكروك والليل قمراتو متشوشة من عاشة دون دوشة في الحلي دقلوشة جم دوكي تتعشى وتصبح تقش حوشه مدخورة لي باكر ما دلاَّ عشُّوشة طوالي بتذاكر بأصحابه مدووشة *** *** صاب المحل قشة وراس البلد دوشة بالك طفر طشَّة جيتيها مخموشة غيرتي لي عشة وسووكي عيوشة مويتك من الشارع وقوتك من الكوشة وجابولك الكشة حين درتي كشكوشة *** *** وتنصنتيها أصوات أماتك الأموات صديلنا وين كتي في مجرى في كوشة في أحضان دِقن ميتي أو تِفِّي منفوشة صديلي يا بتي يا عاشة عشُّوشة أنا عندي ليك إنتي وكيف كنتي كنتوشة صدِّي وكفاك دوشة دي مدينة ماهيلك غاشاك ومنغشة ميتي وتقاويلك مافي اليخليلك صبراً يخاويلك غير ناس أحاويلن قطعن أحاويلك *** *** سيبي الفي إيد الغير واتباهي بالليلك ما شفتي كيف الطير باكي ويغنيلك *** *** يا جرحنا الحائم طول النهار هائم من مجرى لي كوشة ينحاشى لي كومر قبّل على كوبر بأصحابو مكشوشة *** *** أصحاباً أومولك باكر يلاقولك في مجرى فوق كوشة كالعادة يحكولك ودونا لي ضابط في الفيها كان ظابط ما الوضع منجارط وسعر الدموم هابط *** *** وين قال أوديهن والعندي ما قادر بالموية أكفِّيهن والعسكر أدُّونا سيطان وفكّونا كالعادة يا أخونا حيكومة مجنونة *** *** بنغسِّل العربات وما أبعد الكورنيش عتالة جرسونات شغلاً ما يكِّل عيش وما فينا إضرابات غير نضرب الأورنيش وبالحالة دي الكابات مرات يجيك الديش *** *** ما يقبضوا الباعوض الماب يدور فتيش ما يصوبو البارود تالا أب كلام غشغيش يا أوضاع ضلامية إشمعنا نحنا وليش نحنا الحرامية ولاّ البدسو العيش شقيش نقع شقيش حتى السجن ما فيش ما فيش يا عيوشة *** *** يا ريح بشيشي بشيش ... ويرجع صراخ الجن والباقر الدرويش نبي الله وأهل الحن وغيماً مطرتو دريش صقرالبطانة أب سن وحس دابي رندة أب ريش *** *** في الدومي آخر الليل يا عاشة صدى الدار يا حاشا حوشي السيل يا راشة رشي النار يا خاشة بين الحيل ونفس الغلابة الحار يا طاشة نحنا يي ديل ضيب المدن غدار *** *** الفأرة بأجحاره البومة بأوكاره الطيرة بعشوشة الكل بي مأواه الكافة بعيوشة وود البلد داك تاه ضاقت بو أرض الله غير مجرى أو كوشة *** *** يفقش صديرك آه أواه يا مفقوشة ما آدم بدور حواه في أوضة بي حوشه أوضة معيشي ونوم مفروشة معروشة من صور وجوبيل دوم ويي ديل يا عيوشة ولابد تجيهن يوم لابد يا عيّوشة *** *** ويا كل عيوشة مطروشة في الخرطوم في مجرى أو كوشة يا الحقكن مهضوم يا قصروا الدوشة يا أرجو القيامي تقوم والسلطة حنكوشة *** *** يا أبونا يا الأسود يا أمنا القرقد يا دون شغل يا زول ما لاقي منّو يصد طول الوكت مشغول ماسك في بالو يكد *** *** جاك المحل قاسيت لامن هجرت البيت أو هجروكا غصِب صب المطر خبيت أول هناك طبيت دارك لقيتا حرب كرت عليك فريت *** *** كان ما في غير تنفد بي جلدك الأسود بي راسك القرقد وبي فألك الشامخ زي تاج أبو الهدهد لامن يطير لبلاد لا نبلة لا صياد من كايا حتّى جبيت دود الحلال دون خيت زي ما يدور ينقد *** *** حاشاكا صيبي وعيب لي شينة ما ختيت قدّامي من تبِّيت قلبك يحس بالغيب ماك التقول يا ريت عند تبنتك للجيب دخري وركيزة البيك دغري وعراض إيديك بس كفها إنعود بالعندو ينجود وفي الأرض يرمي الحب ما قنبلة وديناميت *** *** يا عامراً بالرب يا سيداً .. عب عب قول للمساخر أبيت رش القميري وكب بالعافي يا ناس بيت بالخوّة يا أم سوميت في الأرض نرمي الحب ما قنبلة وديناميت ماب نقسمك نُصّين يا بنية غير نصّين سالمات من الدوبيت *** *** ماهل وطنا وهيط نيلو بيشيلُّو محيط ريح الحسادي نشيط والتمرة ساقه هطيط سابل جريده بسيط وحافض الأمانة سبيط لا غفلة لا تفريط لامِن يحين لُو لقيط *** *** قوليها يا خيّة للنفسو ما هيِّة شن جبهة متكية لي شاشة كاكية من يا نكي طربوشة جم جبهة دغرية العمة مكوية صنعة كبوشية فوق راسه ملوية ترقش بياض نية حاضناله طاقية بالهيبة منقوشة زي وشم ما كيَّة وشلخاً في عيوشة *** *** يا جرحنا الطيب جاييك زمن طيب خيراتو ليك أول صدقني يا طيب مهما الزمن طول الحال حيتحول الكوشة لي واحة والمجرى لي جدول والسجن لي ساحة بيناتا تتجول *** *** عينيك مدهوشة في طفلة دقلوشة كنتوشة في حوشة في إيدا بت لعاب والتاني كشكوشة فرحاني تتجول ضاجات أهاليله بالخضرة مدووشة من كان بتسول في مدينة ماهيلة ومن كشة لي كوشة
الشايقي
| |
![Edit](https://sudaneseonline.com/db/blank.gif)
|
|
|
|
|
|
Re: الرجاء الاصتفاف والتوقيع لرفض كيان الشمال العنصري (Re: Sabri Elshareef)
|
Quote: كتب حول كيان الشمال كثيرا والكاتب الموضوع شاعرنا الكبير حميد والبورد تداول امر البيان كثيرا بعد مقتل محمد طه عليه الرحمة
لا يصيرني ان انقل الوصلة التي تحدد ذلك |
الاخ صبرى الشريف
انا اعتبر ان ردك اعلاه غير كافى بالمره الا ان كنت قد ركبت موجة التوقيعات المتفشيه فى البورد هذه الايام فمن غير المقبول ان تفتح بوست لادانة كيان بدون ان تعرف بهذا الكيان او باهدافه وتعتمد فى ذلك على بوست اخر .
عفوا اخى الكريم ان طلبك لادانة هذا الكيان فى غير محله وناقص ومبتور فلابد من ان تجتهد وتوفر المعلومه الكامله للاعضاء ومن ثم تطلب منهم الادانه فاناس يا عزيزى لا يدينون لان فلان طلب منهم ذلك ولا يدينون شئ قبل ان يعرفوه ولا يدينون لان هناك بوست قال كيت وكيت
فارتفع اخى الكريم الى مستوى المسئوليه واحترم عقل القارئ واطلعه على عنصرية كيان الشمال وباقى المعلومات عنه ومن ثم اطلب التواقيع للادانه .
| |
![Edit](https://sudaneseonline.com/db/blank.gif)
|
|
|
|
|
|
Re: الرجاء الاصتفاف والتوقيع لرفض كيان الشمال العنصري (Re: عمران بابكر بدري)
|
عزيزي صبري .. التحايا والتقدير ..
أولا : لا لكيـان الشـمال .. ثانيـا : لا لكل الحركات الجهوية والجغرافية (ولا أقول العنصرية) !! ثالثا : لا لكل جهة تجزئ قضايا الوطن والشعب ..
وبالتالي :
لا للحركـة الشعبية لتحرير السودان : التي تعتقد أنها أخذت حق المواطن في الجنوب .. وعلى المواطن في الشمال أن يجتهد لينال حقه ..
لا لحركة مني أركوي : التي فاوضت فقط لاستخلاص ما تعتقد إنها حقوق أهل دارفور ، وتركت باقي القضايا ..
لا لكل هـذه الحركـات الجهـويـة والجغـرافيـة .. التي اتضح لنا تماما أن تناقضها مع النظام الحاكم ، تناقض ثانوي يقوم على الثروة والسلطة .. وبمجرد أن يمنحهم النظام الحاكم مقاعد وزارية وبرلمانية يبيعوا القضايا.. لذلك علينا أن نصطف جميعنا ضد هذه الحركات دون تميز أو فرز ..
مـع التقـديـر ..
| |
![Yahoo](https://sudaneseonline.com/db/blank.gif) ![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: الرجاء الاصتفاف والتوقيع لرفض كيان الشمال العنصري (Re: Sabri Elshareef)
|
فارتفع اخى الكريم الى مستوى المسئوليه واحترم عقل القارئ واطلعه على عنصرية كيان الشمال وباقى المعلومات عنه ومن ثم اطلب التواقيع للادانه .
اخي علي لقد ارفقت لك الوصله يظهر طشت ما اقوم به امتلا به البورد
انا اكتب ضد كيان الشمال البيان الممهور بتوقيع حميد والان سوف انزل لك الوصله
الموضوع مكتوب عنه كثيرا
انا اعتقد ان الاصلاح الحزبي هو اصلاح للحياة السياسية
اطالب من يفتكر ان الجهوية تضر بمطالبنا السياسية والحياتية عليه ان يوقع وهذا
التوقيع بمثابة رفض للفكرة ولا من المعجبين يحمع الكوابع البريدية
او التوقيعات التي لا ضرورة لها
هذا الموقف يحتم علينا عدم الانجرار خلف شعارات الجبهة الممعنة في الانفصال
لقد دخل حميد وكدودة حزبا يهتم يالريف والحضر
ويهتم بالانسان ولا اتخيل ان يبح صوتل متل حميد يدعو لكيان اين كان
ارفض الفكرة وتعبر عن منطقتي الجغرافية لذلك لا احب ان اتمترس خلف شعار انا ليس من اهدافي الدفاع عنه ابري نفسي من كيان الشمال
| |
![Edit](https://sudaneseonline.com/db/blank.gif)
|
|
|
|
|
|
Re: الرجاء الاصتفاف والتوقيع لرفض كيان الشمال العنصري (Re: Sabri Elshareef)
|
لك التحايا
شوف ياحبيب كلما ضاق الفضاء الارحب يبحث الناس عن طريقة تجمعهم لعمل .. مايمكن عملة .. المهم الاعتراف القانونى بحق البشر فى تكوين مايلائم تطلعاتهم من تنظيمات ..طبعا كل ما كان التنظيم شامل ويعبر عن قضايا متنوعة كل ما كان اكثر فعالية, وجاذبية وقدرة على الاستمرار. من ناحية تاريخ وتجارب, التنظيمات الاقليمية تكونت اساسالان الاحزاب السودانية لاسباب تتعلق بنشاتها..وضعف البنية الديمقراطية فى السودانية , وعدم استقرار النظام الديمقراطى لم تلبى حوجةالسودانيين فى الاطراف فى التعبير عن قضاياهم واهمها وجودهم نفسة على ظهر البسيطة, وليس فقط حرية الصحافة وحق التعبيروهذه المفارقة العجيبة, خلقت حوجة موضوعية لوجود هذه التنظيمات بجانب الاحزاب ..من الجانب الاخرولان مركز الحداثة فى الوسط ويشمل ايضا الشمال نشات الاحزاب السودانية وضمت تقريبا كل اهل الشمال المهتمين بالعمل السياسى. شنو الداعى لكيان الشمال ؟ فى الازمة العميقة التى نعيشها الان نحتاج الى الوحدة والتكتل لا على اسس جهوية وردود اقعال فطيرة تعمق الجراح اكثر, وانما على افكار وبرامج ومصالح مشتركة .واعتقد ان مايجمع فقراء السودان فى المدن الكبيرة ,والاقاليم , وبؤس حياتهم فى السودان عمومااكبر بكثير واكثر اصالةمما يجمع فاروق كدودة حسن ساتي عمار محمد ادم محمد سيد احمد سر الختم معتصم عبد الرحيم محمد حسن سالم حميد صلاح الدين كرار على محمود حسنين باسم كيان الشمال .. مع احترامى لهم اذن ياحبيب لا للعنصرية ولا لكيانات لالتتوفر لها حوجة او ضرورة موضوعية تبدد الجهود,وتخدم مصالح فئات مسؤولة اساسا عن تعميق الازمة الوطنية.. ومصادرة حقوق الناس فى سبتمبر 2005 م بعد صدور القرار الظالم مصادرة اراضى الشمالية لمصلحة سد مروى كتبنا مذكرة احتجاج وقع عليها عدد معتبر من السودانيين فى فيللى جمع بينهم رفض الظلم الواقع على سودانيين من سلطة حاكمة لاتمثل اى شرعية وهذه قضية بالتجربة العملية لا تحتاج الى كيان خاص يتبع للجهة المعينة بالعكس تماماتحتاج الى تضامن كل الناس من كل الجهات ..مقتل الاستاذ محمد طة محمد احمد هز ضمير كل انسان عاقل وشريف على امتداد السودان. استنكار ورفض قتلةبهذة الطريقة البشعة قضية تهم حاضر ومستقبل كل السودانيين ولا تحتاج الى كيان خاص من اهل البيت. سلام كتير ومعزرة على الاطالة وان شاء الله ما اكون مشيت بعيد عن موضوع البوست
هكذا يقول الاخ عمر ادريس لا فض الله فوه
| |
![Edit](https://sudaneseonline.com/db/blank.gif)
|
|
|
|
|
|
Re: الرجاء الاصتفاف والتوقيع لرفض كيان الشمال العنصري (Re: Sabri Elshareef)
|
أول مرة أقرأ قصيدة عيوشة كاملة. عمل خطير وجميل شكرا يا شايقي ليس هناك من مانع أن يتوسل الناس في كل بقاع السودان بما شاءوا من تنظيمات مدنية لمجابهة ما شاءوا من مظالم ومشاكل. لكنني توجست شرا من كيان الشمال لان أحد مؤسسيه لواء في جهاز الأمن كما جاء في مقابلة مع محمد سيدأحمد, أحد المؤسسين كذلك... حاميها حراميها؟؟؟؟؟؟؟؟؟؟؟؟؟؟؟؟
| |
![Edit](https://sudaneseonline.com/db/blank.gif)
|
|
|
|
|
|
Re: الرجاء الاصتفاف والتوقيع لرفض كيان الشمال العنصري (Re: Sabri Elshareef)
|
الاخت هادية تحياتي وسلام ليحي والعيال
ما يحزننا ان يكون حميد لسان كيان شمال او شرق الاولي اصلاح منظمات النجتمع المدني
الاحزاب عليلة واذا انصرفنا عنها بجهوية سوف نسقط حجرها اكثر
غالبية ابناء وبنات الشمال سهموا في اضفاء ظلم بسيط او كيسر للمناطق الاخري
والمسئؤلية للدولة لحسم قضية الهوية واذا تمترسنا خلف شعارات عنصرية
سنشعل ما تبقي من عافية لجسد الوطن
لم اخاطب صلاح كرار او فاروق كدودة لان قصيد حميد للكل واذا اختار حميد الشمال ماذا يقول للغرب والشرق والجنوب
والشمال خشم بيوت احنا من شمال لا نلتقي مع كدودة وحميد في كثير من الاشياء
هل هذا يدعوننا ان نشكل كيان شندي واخرين للمناصير وما حال النوبيين في الشمال
او دولة كوش ناس سعاد اشا ( ابراهيم احمد )
الدعوة ليس بها ذكاء لمن عمل في السياسة
حميد الشاعر بالام كل الوطن
حميد ليس ببشمال فقط ان حصر نفسه هي اطار الشمال فاليراجع نفسه
| |
![Edit](https://sudaneseonline.com/db/blank.gif)
|
|
|
|
|
|
Re: الرجاء الاصتفاف والتوقيع لرفض كيان الشمال العنصري (Re: Sabri Elshareef)
|
الأخ صبري سلامات فالنفترض إننا وقعنا ومحونا كيان الشمال من الوجود، ألا تعتقد ان كيان شمال جديد سيقوم او قل كيان شرق او كيان غرب بغض النظر خطابة جهوي او عنصري او خلافة ـ كما هو حاصل الآن ـ في ظل وجود التنمية غير التوازنة وفي ظل وجود التقسيم غير العادل للسلطة والثروة وفي ظل تجاهل الحكومة لمشاكل الريف والهامش وفي ظل عدم وضع الأحزاب لمشاكل مناطق القطاع التقليدي في اولويات عملها اليومي؟ اعتقد ان من الأجدى توجيه الجهود لمعالجة اساس المشكلة وليس نتائجها .. لك خالص ودي
الصاوي
| |
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: الرجاء الاصتفاف والتوقيع لرفض كيان الشمال العنصري (Re: Sabri Elshareef)
|
الاخ الصاوي
تحياتي
الرفض بزيادة الكيانات كيان اخر ضرورة والجهد من المفترض ان يساهم حميد
وفاروق كدودة في اصلاح الحياة الحزبية للشيوعي وكذلك علي محمود حسنين
الاتحادي مشلول ويحتاج لعلاج طبيعي للنهوض وصلاح كرار انتهازي ان كان لا يوال يؤمن
بالحركة الاسلامية عليه الاصلاح داخلها
لا يفيد ان نبرر للازمة بان نرضي ان تضاف اليها ازمة جديدة
انا من الشمال وهذا الكيان لا يساعد في حل مشاكلي ولا مشاكل اهلي ولا يعرف عنها اي شي
ولا ادعو اهلي للتمترس في العلط ان حلت الاحزاب مشاكلنا جميل او فالنبحث عن جسم ليس عنثري لحل مشاكل المركز والهامش واعتقد ان كيان الشمال بديل للاحزاب ممكن ينظروا لنا
اوجد احزاب عنصرية الجبهة الاسلامية مثال وحركة رياك مشار الانفصالية و وكيانات اخري وهي تضر بالواقع السياسي
سلالم الوطن تبدا بالخطوات السليمة العاطفة لا تحل مشاكلنا بيان الشمال يخاطب العواطف وليس العقول
الجبهة مصلحتها ضياع الوطن والان تنظر بانبساط لمشروعها التخريبي
| |
![Edit](https://sudaneseonline.com/db/blank.gif)
|
|
|
|
|
|
Re: الرجاء الاصتفاف والتوقيع لرفض كيان الشمال العنصري (Re: Sabri Elshareef)
|
هيْ .. أقيفِنْ .. نورا فِيكِنْ ؟ . ؟ نورا ... نقّاحة الجِّروفْ .. نورا ... حَلاّبة اللِّبيني .. للصغيرين والضِّيوفْ نورا ... ساعة الحَرْ يولِّعْ .. تنقلِبْ نسمة وتطوفْ تَدِّي للجيعان لقيمة وتَدِّي للعطشان جغيمة والمَخَلِّي الحال مَصَنقِرْ .. في تَقَاة اللّيل تَندْقِرْ .. تدِّي لي باكر بسيمة تَكْسي للماشين عَرَايا وفوقا ينقطّعْ هديمه ......... ما عِرفتِنْ ... نورا إنْتِنْ .. ؟؟؟ قولِنْ إنتن شِنْ عِرفْتِنْ ؟؟؟ نورا بِتْ ا########## أخيْتِي .. نورا أخُتْ كُلّ الغلابة نورا حاحاية الشّقاوة .. نورا هَدّاية الضّهابة الأراضي اليَاما أدّتْ .. نورا ... بقّتْ من تُرابه وماشي في الأعماق سحابه مشتهنِّها .. والله جابه الله جابه ... الله جابه للجنوب طبلاً يَهَدْهِدْ .. ليل مشاعر ناس تعابة وللشّمال طنبور يَسَكِّتْ .. دمعة الميتين كآبة
| |
![Edit](https://sudaneseonline.com/db/blank.gif)
|
|
|
|
|
|
Re: الرجاء الاصتفاف والتوقيع لرفض كيان الشمال العنصري (Re: Sabri Elshareef)
|
شكرا يوسف الولي
وكل الكيانات التي تدعو الي تمزيق اوصال الوطن مرفوضة
المراره ان بداخل كثير منا نفس لالغاء الاخر
والظلم الذي تم من قبل الاستعلاء العروبوي اسلاموي اضر كثير بوطن متعدد الالوان
والاديان واللغات
لا نطلب من النوبيين في الجبال او الشمال ان يتناسوا جمال لغنهم
وثقافاتهم المتعددة والمتنوعة
وكذلك الجنوب الحبيب والغرب بتنوعه العجيب والشرق بتوايله وقاشه وبجته
مع ثقافة اهلنا في الشمال وهذا هو السودان
التنمية والاصلاح الحزبي والديمقراطية هي الدواء الناجع
ليس اضافة كيان جديد لا يسمن من فقر واحتراب
| |
![Edit](https://sudaneseonline.com/db/blank.gif)
|
|
|
|
|
|
Re: الرجاء الاصتفاف والتوقيع لرفض كيان الشمال العنصري (Re: Sabri Elshareef)
|
يا جرحنا الطيب جاييك زمن طيب خيراتو ليك أول صدقني يا طيب مهما الزمن طول الحال حيتحول الكوشة لي واحة والمجرى لي جدول والسجن لي ساحة بيناتا تتجول
ننتظر تحول الحال ببرنامج مرحلة الثورة الوطنية الديمقراطية وليس بكيان شمال او جنوب
ه1ه الكيانات اشبه بروابط الجامعات تخدم حدود الكيان وبرنامج الحزب لعموم السودان
الاصلاح الحزبي امسي ضرورة علي اعضاء الاحزاب تفعيلها للمخارجة من ورطة الجهوية
| |
![Edit](https://sudaneseonline.com/db/blank.gif)
|
|
|
|
|
|
Re: الرجاء الاصتفاف والتوقيع لرفض كيان الشمال العنصري (Re: Sabri Elshareef)
|
الأخ العزيز صبري الشريف لك التحية و الإحترام
Quote: انا من الشمال لا اقف مع كيان الشمال وهذا شريان شر انتشر
في الغلط يتساوي شاعرنا ولو لا زال شاعر بعذابنا لاختار الكل
بدلا عن الجزء هذا مخطط الدولة الدينية تقسيم السودان
لقد صرح الطيب صالح عن رؤيته الانفصالية قبل سيئ الذكر
الطيب مصطفي
لا يضيرني موقف حميد مع او ضد كيان يساهم في اضفاء مزيد من
العنصرية
الحقوق تنتزع ليس بخلق ضرر اكبر منها
الجهويات شرقا غربا جنوبا صناعة محلية ذهن ابن وبنت كيان الشمال
مسئؤل منها تنظر للتلفزيون والاذاعة والفنون وسيطرة الشماليين
ومشروعهم العنصري انظر الي الصحافة والسياسة وكتاب الاعمدة الا
قليلا
الوطن يسلم بفصل الدين عن الدولة وحكم رشيد يساوي طفل شرق
مع طفل غرب واقتسام الافراح والالام شمالا وجنوبا
وطن خير ديمقراطي متساوي بنين وبنات ضد الجهل والمرض
وطن للسلم اجنحتو شر البلية يبكي |
أحييك علي هذه الكلمات الصادقة فاول خطوة في علاج أي معضلة تبدأ بالتشخيص الصحيح لمسبباتها .. و أقول لمن يساوي الكيانات الأخري بكيان الشمال و ينادي بإلغائها جميعا ... هذه الكيانات الأخري ستنتهي و تندثر تلقائيا بإندثار و زوال مسببات وجودها في المقام الأول : محاربة الظلم و تحقيق الحرية والعدالة و المساواة في الوطن الواحد . و ما نشهده الآن هو مخاض لميلاد : إما دولة واحدة يتساوي فيها الجميع ... و إما تشظي القطر الي دويلات مبعثرة ... و التاريخ ملئ بالأمثلة ... في كلا الحالتين .
| |
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: الرجاء الاصتفاف والتوقيع لرفض كيان الشمال العنصري (Re: Sabri Elshareef)
|
Salam ya Sabri How is it going with you
Unify us .. Dont divide us
( Sudanese should all take the words of the great "Miriam Mekiba" in her song (Africa's covention as a slogan in this very critical time of our history No support of whatsoever kind to any tribal or ethnic gathering that would only deepen the political and social crises of the country.
| |
![Edit](https://sudaneseonline.com/db/blank.gif)
|
|
|
|
|
|
Re: الرجاء الاصتفاف والتوقيع لرفض كيان الشمال العنصري (Re: Sabri Elshareef)
|
أحييك علي هذه الكلمات الصادقة
الاخ محمد سليمان اشكرك اخي واتمني ان يكون لي نصيب من
كلماتك واستلهم المواقف من شعبي بتنوعه المدهش
بقد ساهمت السياسة في تعقيد مسالتنا بتبني مواقف غلط
الهوية وعدم استقرار شكل الحكم منذ الاستقلال لذلك التمترس خلف الغلط
نتفرج عليه الان
وللاسف من فنانين وكتاب وشعراء
اذا كان اعجاب اصحاب جهويات اخري بشاعر في قامة حميد او محجوب شريف ماذا يفعل اذا علم بالاطار الضيق الذي يحتوي هذا الاديب
لا حل للمشكل السوداني بالقبلية وحميد يدري من نال من حب ابناء وبنات البلد شرقا وغربا
وبجه ونوبه وحلب يتابعون قصائده وشكلت وجدان لكثير مننا وليس ببعيد
هذا المتفرد المسكون بحب السودان مصطفي سيد احمد عليه الرحمه ننظر اليه فنان قضية في الزمن الصعب
| |
![Edit](https://sudaneseonline.com/db/blank.gif)
|
|
|
|
|
|
Re: الرجاء الاصتفاف والتوقيع لرفض كيان الشمال العنصري (Re: Sabri Elshareef)
|
انا ضد اى كيـــــــــــــــان يعبر عن اى جهه صراحة او ضمناً
الاخ محمد شرف الدين
نعم دعوة جميلة لكن هنا تصبح دعوة حق يراد بها باطل
لان الظلم الذي حاق بانسان المناطق الغلبانةةنحن من ساهم فيه
انظر لتاريخ السياسة السودانية وتعلم الكثير
نعم الاقليم الشمالي فقير لكن مستاثر بالسلطة 50سنة ماذا فعل بها ان اثري علي حساب كل السودان الورطة اكبر
السودلن وطن لا يتجزا
مؤتمر البجة له اكثر من 40سنة
جبهة نهضة دارفور وطذلك الحال بالجنوب
العقل الاستعلائي هو اس المشكلة
سيطرة الثقافة العربية الاسلامية كمان مشكلة
الوطن به لا دينيين
| |
![Edit](https://sudaneseonline.com/db/blank.gif)
|
|
|
|
|
|
Re: الرجاء الاصتفاف والتوقيع لرفض كيان الشمال العنصري (Re: Sabri Elshareef)
|
الاخ صبرى ,
ذكرت فى مداخلتك : (لان الظلم الذي حاق بانسان المناطق الغلبانةةنحن من ساهم فيه)
ممكن تورينى حدود المناطق الغلبانة ؟ و كيف نحن ساهمنا في ظلمها؟
و كمان : (نعم الاقليم الشمالي فقير لكن مستاثر بالسلطة 50سنة ماذا فعل بها ان اثري علي حساب كل السودان الورطة اكبر السودلن وطن لا يتجزا)
هل صحيح ان الاقليم الشمالى اقليم ثرى !!!!!!!!!ارييييييييييييييتو بعد الحال ده يسمع منك الله. العقل الاستعلائي هو اس المشكلة
و الادهى و امر : ( العقل الاستعلائي هو اس المشكلة سيطرة الثقافة العربية الاسلامية كمان مشكلةالوطن به لا دينيين)
انت برضو يا صبرى خايل فيك الكلام الما عندو سند فى واقعنا التعددى المتسامح .
نادية السر
| |
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: الرجاء الاصتفاف والتوقيع لرفض كيان الشمال العنصري (Re: Sabri Elshareef)
|
الاخ منير
لك تحياتي
هل يا تري رفضي للكيانات الاخري سيجعلك ترفضكيان الشمال
اولا انا لا ادعو لحل المشكلة بكيان انصار او ختمية
الكيانات الاخري نتيجةلسبب
كيان الشمال اشبه بضربني وسبقني اشنكي
الدعوة لازالة العنصرية والتنمية المتوازنة هو الذي يساهم في حل المشكل السوداني
عدم سيطرة الخطاب العرواسلاموي لوحده في التلفاز والمذياع والحياة السياسية
جمالنا في تنوعنا
دينكا طوال وحلوين مع بقارة ومجانين
نوبة وبجه وحلب
وعربان وزقاوة وبرتي زفلاته ونيمنق ونوبة وسكوت ومحس
شوايقة وبني عامر وشلك ونوير وقبائل استوائية
اذا تطور الفهم لدينا بان السودان للسودانيين ستزول كل الكيانات
قديمة وجديدة
سيطرة ثقافة واحدة اضرت بالوطن
سيطرة دين واحد قاد للاحتراب والفتن
سودان علماني حر ديمقراطي يتساوي فيه النساء والرجال
ونحلم بغد سعيد
| |
![Edit](https://sudaneseonline.com/db/blank.gif)
|
|
|
|
|
|
Re: الرجاء الاصتفاف والتوقيع لرفض كيان الشمال العنصري (Re: Sabri Elshareef)
|
النظرة الدونية لانسان الغرب والشرق والجنوب
استاثارنا بفرص التعليم والعمل
عدم التوزيع العادل للثروات
التباكي علي الشمال والفقر والمرض
يضاعف المسئؤلية للسلطة الجاكمة
اذا دخلنا المطار لا نتساوي في التعامل في الماضي والحاضر
الطشات التي كانت في الماضي تطال ابناء الهامش
التقليل من احترام الانسان للونه ودينه
الامثلة كثيرة وانا من مواطني الكيان المعجبه انت به
| |
![Edit](https://sudaneseonline.com/db/blank.gif)
|
|
|
|
|
|
|