|
Re: صــامد صــامد يـا عبد الواحــد عـلاقتها شـنو بكسـير زجـاج عرباتى ???? (Re: doma)
|
Quote: كضبا كاضب يادكتور برنجي المظاهرات الزمان كانت مظاهرات بالحلاقيم لا تخريب فيها للمتلكات العامه او الخاصه لانه وطنيتنا ووعينا كان بقول لينا الممتلكات العامه ممتلكات الشعب السوداني واي خساره ليها خسارتنا كشعب سوداني .لكين شايفاكم في سنوات القبليه والجهويه واندثاركلمه انا سوداني بقت المظاهرات تخريب لو كان في الجامعات او الشوارع . زمان حرق اللساتك بتكون لساتك قديمه وتبادل الحجاره مع قوات الاحتياطي المركزي . هل تعلم انه حتي تكسير فروع الاشجار كنا بنشوفه عمل صبياني وتخريبي . كنا شعب راقي لكين كله ضاع واندثر وما حدث يوم الاتنيين الدامي من اخوتنا الجنوبيين كان اقوي دليل علي نهايتنا كشعب سوداني كنت يومها بالخرطوم خرجت الي الشارع باكيه علي رحيل مناضل سوداني وكان الفقد فادحا وا عتبرته فقدي كسودانيه ولكن سرعان ما تبدت لي الحقيقه المريره وتحجرت الدمعه في مقلتي رايتهم يقتلونا في الشوارع ويهاجمون البيوت ويحرقون المتاجر بمن فيها وروع بنا ونحن داخل شقه حرقت البقاله التي تحتها وتم تهشيم زجاج نوافذ الشقق ولولا عنايه الله وحضور البوليس لكنا باطفالنا في عداد الاموات حرقا بالنار |
لا أقول "كضبا كاضب" لكن من الواضح انك تتحدثي عن مكان غير المكان الذي اقصده وهو الخرطوم على الرغم من اتفاقنا على الزمان المقصود. ففي أكثر من مناسبة تم حرق السوق العربي وبعض الأسواق الكبيرة مثل السوق الشعبي وسعد قشرة وده قبل 89. وفي أكثر من مرة تم حرق المجالس البلدية (وليس المجالس الشعبية) وبرضو ده كان قبل 89. وحتى بعد 89 وقبل الاثنين الدامي لم تكن المظاهرات توصف بأنها عبث صبية بل كانت نضال طلابي ضد فئة فاسدة وللحركة الطلابية مجموعة من الشهداء الذين يتم تأبينهم في كل عام حتى الآن. اما موضوع أنا سوداني فهذا لم يكن في يوما من الأيام الشعار القائم في السودان حتى يندثر – بل كان هناك "أولاد بلد" ويأتي بعدها تصنيف أكثر ضيقا وهو شيوعي او اتحادي وخلافه ويقابله في الجانب الآخر غرابي وجنوبي. وعندما تخرج مطالب المتظاهرين بعيدا عن مطالب أولاد البلد وأهل المركز ففي هذه الحالة هي عبث صبية وأحقاد نازحين وفاقد تربوي.
ما حدث في "الاثنين الدامي" لم يكن "مظاهرة" او احتجاج لتحقيق مطالب لكنه للأسف أصبح مقياس لكل عمل تقوم به فئة غير أهل المركز. ما حدث في الاثنين الدامي كان له ما قبله وترتب عليه ما بعده وهو الثلاثاء الدامي أيضا. ما حدث في الاثنين الدامي استنكره كل سوداني بما في ذلك الجنوبيين أنفسهم. ما حدث في الاثنين الدامي لم يكن الأول فقد حدث مثله بين قبائل الشمال في بعضها وما يزال يحدث بين قبائل الجنوب في بعضها وقبائل الغرب في بعضها لذلك لا يصح ان نجعله منظار لنحكم من خلاله على كل حدث.
أخيرا انا لا ابرر العنف والتخريب في المظاهرات. ولا اتفق مع المظاهرة التي طالب فيها أبناء دارفور بصمود عبدالواحد. لكن يحزنني جدا ان يتم تصنيفهم على أنهم صبية عابثين لأنهم رفعوا مطالب أهلهم بينما سيختلف التصنيف إذا كانت هذه المطالب لأهلنا المناصير او لضحايا أمري.
| |
|
|
|
|
|
|
Re: صــامد صــامد يـا عبد الواحــد عـلاقتها شـنو بكسـير زجـاج عرباتى ???? (Re: Dr_Bringy)
|
Quote: لا أقول "كضبا كاضب" لكن من الواضح انك تتحدثي عن مكان غير المكان الذي اقصده وهو الخرطوم على الرغم من اتفاقنا على الزمان المقصود. ففي أكثر من مناسبة تم حرق السوق العربي وبعض الأسواق الكبيرة مثل السوق الشعبي وسعد قشرة وده قبل 89. وفي أكثر من مرة تم حرق المجالس البلدية (وليس المجالس الشعبية) وبرضو ده كان قبل 89. وحتى بعد 89 وقبل الاثنين الدامي لم تكن المظاهرات توصف بأنها عبث صبية بل كانت نضال طلابي ضد فئة فاسدة وللحركة الطلابية مجموعة من الشهداء الذين يتم تأبينهم في كل عام حتى الآن. اما موضوع أنا سوداني فهذا لم يكن في يوما من الأيام الشعار القائم في السودان حتى يندثر – بل كان هناك "أولاد بلد" ويأتي بعدها تصنيف أكثر ضيقا وهو شيوعي او اتحادي وخلافه ويقابله في الجانب الآخر غرابي وجنوبي. وعندما تخرج مطالب المتظاهرين بعيدا عن مطالب أولاد البلد وأهل المركز ففي هذه الحالة هي عبث صبية وأحقاد نازحين وفاقد تربوي.
ما حدث في "الاثنين الدامي" لم يكن "مظاهرة" او احتجاج لتحقيق مطالب لكنه للأسف أصبح مقياس لكل عمل تقوم به فئة غير أهل المركز. ما حدث في الاثنين الدامي كان له ما قبله وترتب عليه ما بعده وهو الثلاثاء الدامي أيضا. ما حدث في الاثنين الدامي استنكره كل سوداني بما في ذلك الجنوبيين أنفسهم. ما حدث في الاثنين الدامي لم يكن الأول فقد حدث مثله بين قبائل الشمال في بعضها وما يزال يحدث بين قبائل الجنوب في بعضها وقبائل الغرب في بعضها لذلك لا يصح ان نجعله منظار لنحكم من خلاله على كل حدث. أخيرا انا لا ابرر العنف والتخريب في المظاهرات. ولا اتفق مع المظاهرة التي طالب فيها أبناء دارفور بصمود عبدالواحد. لكن يحزنني جدا ان يتم تصنيفهم على أنهم صبية عابثين لأنهم رفعوا مطالب أهلهم بينما سيختلف التصنيف إذا كانت هذه المطالب لأهلنا المناصير او لضحايا أمري.
|
دكتور برنجي السلام عليكم الشباب كاسحين الساعة ثلاثة مقلبتونا
| |
|
|
|
|
|
|
Re: صــامد صــامد يـا عبد الواحــد عـلاقتها شـنو بكسـير زجـاج عرباتى ???? (Re: ناذر محمد الخليفة)
|
خالتو تراجى سلامات تانى توبه كان أكتب حاجه بس تانى كفر ووتر
محمد شمس الدين داير أكتب صامد صامد ياعبدالواحد ودى وتقديرى
د/ برنجى زمان سموها إنتفاضة وثورة وحسه عصر السرعة سموها مظاهرات تسلم
ياكارلوس سنة 2001 عملت حادث فى تنسي وقلت لى بعد ما طلعت من المستشفى سلامتك والعربيه كرامتك دحين حسـه جاى الخبر شافوك سايقا وطالع من المطعم الحبشى إن شاء الله تنفعك .
تولوس ودكسلا الأصيل ياخوى ماتقول عندى عربية سنة 1986 الوقت داك أنا وأنت فى سادسه إبتدائ ماشين المتوسطه ممكن تقول عجله بعدين العربية بتاعت آخوك طه متعه الله بالصحه والعافيه. تحياتى
محمد سليمان خبر الشرق شنو تقديرى
DOMA
فتك بعافية
أخوى ناذر كلم بقال يجيب لى من ألمانيا BMW دا لو جاء راجع سلامى يازول يارائع
| |
|
|
|
|
|
|
Re: صــامد صــامد يـا عبد الواحــد عـلاقتها شـنو بكسـير زجـاج عرباتى ???? (Re: WADKASSALA)
|
معليش يا ود كسلا .. الله يعوضك ..
بس نحن زي عقلية د.برنجي الابتلانا بيها الله دي نسوي معاها شنو ؟؟ !!! ..
Quote: أخيرا انا لا ابرر العنف والتخريب في المظاهرات. ولا اتفق مع المظاهرة التي طالب فيها أبناء دارفور بصمود عبدالواحد. لكن يحزنني جدا ان يتم تصنيفهم على أنهم صبية عابثين لأنهم رفعوا مطالب أهلهم بينما سيختلف التصنيف إذا كانت هذه المطالب لأهلنا المناصير او لضحايا أمري. |
ياخي يا دكتور هل من الله خلقك شفت ليك مناصير عاملين مظاهرات و بيذبحوا في الناس عشان عندهم زول مات ؟؟ !! .. شفت ليك مناصير بيكسروا في السوق العربي عشان يبقوا نائب رئيس ؟؟ !!.. شفت ناس كسلا أو دنقلا حطموا سيارات المواطنين واعتدوا علي المارة عشان يرسموا ليهم حدود ولاياتهم ؟؟ !! .. من الله خلقنا بنشوف المظاهرات الطلابية ضد النظم الديكتاتورية وبصفة قومية .. مش مظاهرات روابط اقليمية تطالب لعبد الواحد ان يكون نائب رئيس و ترسيم حدود اقليم !!! .. ليه انتو مصرين علي جهويتكم هذه ؟؟!.. ليه عاوزين تعزلوا نفسكم كجسم غريب عن عموم المطحونين في بقاع السودان ؟؟!! .. هل تريدونها فوضي في وسط العاصمة لأجل مطالب جهوية ؟؟! .. هل تريدون أن يتعامل معكم وسط السودان ككوم من اقصي الغرب مثل وضع الجنوبيين الآن الذين عزلوا نفسهم باختيارهم عن عموم شمال السودان ؟؟.. هل تريدون الفوضي العنيفة وسط السودان في عمق ديار الجلابة علي اساس جهوي عرقي ؟؟ .. انتوا ما شاعرين بأنكم مودين البلد دي علي وين ؟؟!! .. بتنكشوا في عش الدبابير مالكم ؟؟!! .. في الحرب عاملين ولولة ومع السلام برضو ولولة ؟؟!! .. اعلم أن إن كان بينكم حمقي يريدونها فتنة عرقية فإن في ديار الجلابة ايضآ من هم أكثر حماقة .. وكايسين الرهيفة عشان يقدوها !! ..
| |
|
|
|
|
|
|
Re: صــامد صــامد يـا عبد الواحــد عـلاقتها شـنو بكسـير زجـاج عرباتى ???? (Re: Munir)
|
يا منير دي ظاهره بشاشيزم كنس الحقائق بمكنسه ,التعميم المخل و جلد الذات وخلق المبررات لكل اعمال الشغب والفوضي وتحسين صورتها بس الشرط انك تكون غرابي ولا جنوبي . اها يا دكتور برنجي برضو كضبا كاضب انا كنت في الخرطوم يوم المسيره جيب لي اي زول يشهد بان المحاميين او الاطباء او اساتذه جامعه الخرطوم قاموا باي نوع من التخريب ولو قذف حجر, من قاموا بالتخريب بعض الصبيه ممن يطلق عليهم الشماسه ولم تكن بالصوره التي راءيناها يوم الاتنيين الدامي خرجنا لنبكيه وخرجوا لقتلنا وحرقنا ( احلف بالله صادقه خرجت الشارع عندما اذيع خبر تحطم طائره المناضل قرنق والالم يعتصر قلبي والدموع تبلل وجهي واذ بالعربات الخاصه والمواصلات العامه تعود بكامل حمولتها من ركاب مسرعه الي الاحياءواطفال المدارس يتصارخون ويطلقون سيقانهم للريح عائدون الي منازلهم والدخان يتصاعد من ناحيه الخرطوم وجموع اخوتنا الجنوبيون يهاجمون البقالات بشارع الانقاذ ويحرقونها ويعترضون العربات ويمطرونها بوابل الحجاره ومن توقف كي لا يتسبب في ايذاءهم انهالوا عليه ضربا بالعصي والسيخ . رايت هذا بام عيني يا برنجي وتحجر الدمع في مقلتي . هوجمت البقاله التي تحت شقتنا جوالات السكر وصناديق الببسي تم قذفها في وسط شارع الاسفلت ثم اضرمت النار في البقاله والتي لاذ العاملون فيها بالفرار. تم تكسير زجاج الشبابيك لشقه جيراننا المواجهين للشارع تماما فهرعوا الينا وتكدسنا جنبا الي جنبا في صمت رهيب نتوقع ما هو اسواء في اي لحظه حتي سمعنا ضرب بعض الطلقات في الهواء وتنفسنا الصعداء فقد جاءت قوات البوليس وسيطرت علي الموقف وتم اطفاء الحريق وطال الدمار كل الاحياء حتي الاحياء الفقيره بالحاج يوسف واطراف المايقوما اي مكان به متجر او ورشه تم حرقه . وان كان هناك يوم ثلاثاء دامي فسل من البادئ والبادئ اظلم.
ثانيالم اسمع بتدمير او تخريب لثوار اكتوبر وان حدث هذا ارجو ممن يذكروا احداثها او شهدوها ان يدلوا بشهادتهم . لكن استبعد جدا ان يكون هناك حرق للمتلكات العامه او الخاصه او مهاجمه للمدنيين . تحدثت عن المركزومطالب ابناءالمركز وببراعه استثنيت منهم بعض الاعراق وكان المركز جهه مقفوله يتم الدخول اليها ببطاقه شخصيه لمنع اهل الغرب والجنوب منها . التهميش ليس عرقيا والا لما كان خط الاسفلت شمالا ينتهي عند الجيلي ولا اريد ان اتحدث عن المدارس ولا الخدمات الصحيه المعدومه وحتي الان في مناطقنا . النقد الذاتي مطلوب ودليل عافيه ولكن دعونا نضع الحقائق علي الطاوله ابناء دارفور اكثر الاعضاء تشددا في تنظيم الحركه الاسلاميه عاصرت عددا منهم بجامعه الخرطوم ونفس هولاءالنفر كانوا في قائمه حكومه الانقاذ وهي حكومتهم التي جاءوا بها علي ظهر الدبابه ولكن من غرائب الامور ان تسمي الحكومه الان بحكومه الجعليين والشوايقه لان افرادا من هذه القبائل انفردت بالسلطه بعد انشقاق الحركه الاسلاميه وخروج ابناء دارفور مع الفصيل المنشق . نفيك لاحساسي بسودانيتي هو اسقاط شخصي انا من جيل يوم نال السودان استقلاله بكي اباءه وامهاته وتعانقوا في الشوارع والبيوت فرحا, وارضعونا حب السودان الوطن الواحد وحب السودانيين علي اختلاف اعراقهم ولهجاتهم بل اديانهم وسنظل . وان كانت هذه هي قناعاتكم وانتم ترفعون رايه القبليه والجهويه فسينتهي بكم الامر الي دويلات اتمني ان تتجاور بسلام.
| |
|
|
|
|
|
|
Re: صــامد صــامد يـا عبد الواحــد عـلاقتها شـنو بكسـير زجـاج عرباتى ???? (Re: doma)
|
سلامات اختي دومة .. والله الواحد ابتدأ يفقد الامل في هذا السودان التعيس مع بروز هذه العصبيات وهذه العالمين العقدتها فقط جلابة وعرب دي !!! .. انا نشأت في حي شعبي متنوع الاجناس .. لم نحس يومآ بفروقات عرقية وحساسيات جهوية .. اباؤنا كلهم عمال يمشوا الشغل مع بعض ويرجعوا مع بعض يأكلوا سمايات بعض ويدفنوا البيموت مع بعض .. فيهم الشايقي والنوباوي والبقاري والدنقلاوي والغرباوي لا تكاد تسأل ده من وين واللا دا من وين .. النوبة في افراحهم يشغلوا نقارتهم عادي والشوايقة في فرحهم بصفقتهم عادي .. والدايرين كمال كيلا بيجيبوه والداير النعام آدم بطريقته .. الخصوصيات الجهوية داخل البيوت فقط .. الداير يأكل قراصة والداير يأكل تركين والداير يأكل عصيدة والداير يأكل كول .. كله داخل البيت !! .. وفي الشارع يتوحد الجميع مع الفول حبيب الشعب !! .. والخرطوم دي الحتة الوحيدة البيتناسي الناس فيها لهجاتهم .. واولادنا يجوا من الشمالية وبعد يومين يحاولوا جهدهم ان يغير لهجتهم الي اللهجة الخرطومية بدون حرج !!.. وهي المنطقة الوحيدة التي يستطيع فيها الشايقي ـ مثلآ ـ الزواج من غير شايقية بلا حرج .. والحتة الوحيدة التي تتزوج فيها الدنقلاوية من غير دنقلاوي بدون حرج .. وهي انسب منطقة لمزج شعوب السودان بالتدريج .. وهي افضل بقعة لتوحيد السودان وصهر تقافاته لثقافة وسطي تأتي تلقائيآ وسلميآ .. إلا أننا في هذا الزمن المقيت برزت هذه النزعات المدمرة البهيمية والتي دهورت الحال لدرجة التخريب والاعتداء علي المواطنين لأسباب عرقية جهوية و التي تريد ان تحول العاصمة الي جزارة آدمية بغباء اعمي .. و تريد ان تعيدنا لعصر الانسان الاول !! .. وأي وافد جديد لوسط السودان انبهر بشوية عمارات هنا وهناك وقعد يتباكي ويمثل لينا فيها دور الضحية المظلوم .. ونحن الاجدادنا زاتهم عاشوا في هذا الخرطوم سكنوا الرواكيب في قلب هذه العاصمة حتي موتهم .. وما عتبوا علي بيت تاني دور في حياتهم !! ..
ديل جاءوا العاصمة قالوا مظلومين !! .. سافروا بلاد بره .. انبهروا زيادة .. قالوا بل هي ابادة جماعية عديل !! .. ديل شنوا ديل ياخي !! ..
| |
|
|
|
|
|
|
Re: صــامد صــامد يـا عبد الواحــد عـلاقتها شـنو بكسـير زجـاج عرباتى ???? (Re: Munir)
|
Quote: وان كانت هذه هي قناعاتكم وانتم ترفعون رايه القبليه والجهويه فسينتهي بكم الامر الي دويلات اتمني ان تتجاور بسلام. |
يا دومة يعني دولة القبيلة الواحدة حتعيش هي زاتها في سلام داخلي ؟؟ !! .. دي القبيلة زاتها ما مليانة بطون !! .. وعندك قابيل وهابيل الطالعين من بطن واحدة اتماوتوا .. والغراب كان اعقل منهم .. وكمان فتنهم الحــب مش الكراهية الشايفنها هنا دي .. ..
فإذا كان الحب سببآ لقتل الأخ لأخيه ما بالك بالكراهية ؟؟ !! ..
| |
|
|
|
|
|
|
Re: صــامد صــامد يـا عبد الواحــد عـلاقتها شـنو بكسـير زجـاج عرباتى ???? (Re: doma)
|
دوما ومنير يبدو ان لديكم انطباع مسبق تأخذونه في حواركم هذا أنا لم أتحدث عن ديار جلابة وديار عرب بل تحدثت عن مركز وأولاد بلد ولم أتحدث عن تهميش مناطق بل أشرت إلى تهميش أفراد ولم أؤيد اثنين اسود ولا ابيض ولم ارفع شعارات الحركات المسلحة دارفورية او غيرها ولم أتى للخرطوم نازح او طالب علم او وظيفة ولم ادعي انتمائي لأي من التنظيمات السياسية او الجهوية
ولكل مقام مقال فلا داعي لتحوير الموضوع إلى نواحي لا تشمله.
الذي ذكرته هنا أنكم استنكرتم ان يقوم طلاب دارفور بمظاهرة ووصفتموهم بمنكر الأوصاف في حين انها كانت مظاهرات سلمية لم تخرج ضد المواطن. وكما كان هناك شماسه في أكتوبر عملوا على التخريب فماذا يمنع ان يقوم هؤلاء الشماسه بتكسير زجاج سيارة؟
اما موضوع أولاد البلد والمركز فهذا واضح من العزلة المضروبة حول مظاهرة أبناء دارفور بل ومهاجمتها أيضا. نعم لم تكن المظاهرات في الماضي تتبع لجهة جهوية لانها كانت تخص اهل المركز "اذا اشتكى منه عضوا تداعى له سائر المركز بالسهر والحمى".
اما موضوع حب الوطن الذي تحدثت عنه دوما فهو من أول العناصر المسئولة عما وصل اليه السودان حاليا – حب الوطن القائم على أساس نحن أولاد بلد نقعد ونقوم على كيفنا. وبأي حال لم يكن حب وطن بل كان حب نفس يتحور في بعض الأحيان ليأخذ شكل (أنا واخويا على ابن عمي) وفي أحيان أخرى (أنا وابن عمي على الغريب). كل الذي نطلق عليه نضال وتضحيات لم يخرج عن هذين المحورين.
اما موضوع التعايش بين كيانات المجتمع المختلفة فهو قائم ولا أنكره خصوصا في المدن الكبرى في وسط السودان زي الخرطوم ومدني وكوستي وهو تعايش وسط قواعد المجتمع بعيدا عن التنظيمات السياسية المختلفة. وهو تعايش قائم على أساس ديني أولا قبل ان يكون بدوافع وطنية. لكن عندما نصعد خطوة في سلم التعايش نصطدم بالتناحر والنزاع القبلي والجهوي داخل الكيانات السياسية وهو موجود قبل حكومة الإنقاذ وقبل قيام الحركات المسلحة في الغرب وهو السبب في تفجر الحركات المسلحة في الجنوب. لكن زاد الوضع سوأ في عهد الحكومة الحالية فطفا كل شئ للسطح وأصبح النزاع في العلن وما انقسام المؤتمر الوطني إلا شاهد على ذلك.
وأخيرا (وَلَا تَبْخَسُوا النَّاسَ أَشْيَاءهُمْ وَلَا تَعْثَوْا فِي الْأَرْضِ مُفْسِدِينَ) فمن حق أبناء دارفور ان يعترضوا بالطريقة التي يرونها ومن حقهم تقديم المطالب ومن حقهم مساندة زعمائهم فمن كان يؤمن بحقوقهم هذه فعليه مناصرتهم ومن لم يؤمن بها فعليه الصمت لان المعني بها ليس المواطن.
| |
|
|
|
|
|
|
Re: صــامد صــامد يـا عبد الواحــد عـلاقتها شـنو بكسـير زجـاج عرباتى ???? (Re: Dr_Bringy)
|
يا دكتور برنجي .. شوف .. العلة الواضحة هنا هي الذهنية التي تنظر انت يها للآخرين .. الحلفاوي القادم من اقصي الشمال عندما يصل الخرطوم لا يعتبر هؤلاء الخرطوميين اهل مركز هو بمعزل عنهم يراهم اسياد بلد !.. ولا ينظر الي الـ"هم" والـ"نحن" بصورة انعزالية كما تنظر اليها انت!! .. بل يترك شخصيته الحلفاوية ليتعايش مع النوباوي والجعلي والتعايشي بدون ان يستثني نفسه ويعتبرها غريبة عن هذا المجتمع الجديد !! .. رغم ان هؤلاء الحلفاويين هم اكثر قوم وقع عليهم ظلم يعتبر يمقاييس البكائين اليوم أكبر انواع الظلم في الالفية الثانية !! .. لا يأتون الي العاصمة وهم ينظرون الي الآخرين شذرآ ممتلئون احقادآ لأنهم رطانة او ينظرون الي المركز كشعب نازل من المريخ .. لماذا لا تنظرون الي انفسكم ضمن هؤلاء تقومون وتقعدون علي كيفكم زي باقي الناس .. لماذا تريدون تبني الاسلوب الجنوبي لتعزلوا اهل دارفور وجدانيآ عن شعوب السودان الاوسط .. والله شفت الموت والدمار الحصل دا كله اسوأ ما فيه هو موت الرابطة الوجدانية بين قبايل دارفور فيما بينهم وموتها بينهم وبين باقي السودانيين .. انت تعلم ان هذا السودان هو كله عبارة كانتونات قبلية وشرازم لا يجمع بينها رابط .. يعني حتي لو مشيت الشمال تلقي ديل ما راضين بي ديل !! .. واقول حتي بين القري المتجاورة تجد ان حفل عرس في هذه القرية يخربه ويفرتقة شباب القرية المجاورة حسادة ورجالة ساكت كده .. وهكذا الحال في مناطق كثيرة لا شك !!! .. يعني مجتمع هلامي هش لا يملك مقومات دولة متماسكة والروابط فيه اوهي من خيوط العنكبوت !! .. وكان الامل الوحيد هو تربيط هذه المجتمعات في بوتقة المركز حيث يرتضي الجميع التخلي عن خصوصيات الجهة والقبيلة لصالح نموذج اعتقد انه متوازن يزداد اختلاطه مع مرور الزمن وكان يمكن ان تتسع دائرة الترابط وتتسع لتشمل كل السودان .. فكان صراع السلطة منذ الاستقلال بين نخب ايدلوجية يسارية كانت او يمينية .. وهو صراع رغم سوءه فاليساريين واليمينيين كانوا قوميين وظل عامة الناس بعيدين عن ناره !!.. قامت مشكلة الجنوب : ورأي الناس أن ok معليش فللجنوب برضو خصوصية والجنوبيين اساسآ لم يكونوا ولا يريدون الخلطة التي فيها شماليين وعرب ومسلمين ويفضلون الخواجات والمبشرين المسيحيين !! .. لكين للأسف جيتوا انتو يا متمردي دارفور تعزفوا نفس نغمتهم لتجدوا مثل الدعم الخارجي اللقوه الجنوبيين وفي ذلك السبيل بعتوا الترابط القومي مع شعوب الوسط والشمال .. وفضلتم النأي عن الاندماج القومي الذي كان يسير بالتدريج وأن كان بطيئآ .. فالدولة السودانية علي كل حال لا يزيد عمرها عن الواحد وخمسين سنة .. فضلتم النأي والبعد النفسي عن وجدان السودان بدعوي المركز والهامش وما ادراك ما اولاد بلد وجلابة وعرب !! واخيرآ ادخلتوا مصطلح جنجويد لأقصاء حتي نصف ابناء اقليمكم !!! .. وكمان جايينهم بعصا الناتو لقهرهم !!! .. يعني المحصلة انكم كل يوم بتبرهنوا انكم كوم وباقي السودان كوم !! .. والفوضي الطلابية التي تريدونها في الخرطوم نقول لكم خطأ مثل خطأ التمرد !!! .. لأنها ببساطة تطالب بمكاسب جهوية في وقت الناس تتلهف فيه للقومية .. لم تطالب المظاهرات الجهوية هذه بمطالب قومية !.. ولم تطالب بحكومة ديمقراطية !.. بل بنيابة رئاسة الجمهورية !!! . لاحظ ان رئاسة الجمهورية زاتها جاءت غصبآ عن الناس بطريقة غير شرعية ـ تجو انتو كمان تطالبوا بنيابة غير شرعية ؟؟ !.. ليه ؟؟ !.. انتو قايلين نفسكم شنو وارجل من منو ؟؟ !!! ..
Quote: وأخيرا (وَلَا تَبْخَسُوا النَّاسَ أَشْيَاءهُمْ وَلَا تَعْثَوْا فِي الْأَرْضِ مُفْسِدِينَ) فمن حق أبناء دارفور ان يعترضوا بالطريقة التي يرونها ومن حقهم تقديم المطالب ومن حقهم مساندة زعمائهم فمن كان يؤمن بحقوقهم هذه فعليه مناصرتهم ومن لم يؤمن بها فعليه الصمت لان المعني بها ليس المواطن. |
لا يازول .. كيف المعني بها ليس المواطن ؟؟ .. كلام غريب !!! .. طيب البيدفع ثمن الفوضي البتقوم دي منو ؟؟ !!.. ود كسلا دا هسه ما مواطن واللا شنو ؟؟ !.. البيموت تحت الرجلين بسبب مثل هذه الحماقات الجهوية منو ؟؟ ! .. مش هو المواطن المسكين الحايم في السوق العربي واللا زول تاني ؟؟ !! .. زول اهل عوض شايل ليهو موية بيبيع فيها وقاعد له فوق راسه رئيس غير شرعي ومغلوب علي امره !! .. يجيه واحد كمان يدفق ليه مويته ويعتدي عليه بحجة انه داير زوله يبقي نائب الرئيس ؟؟ !.. كمان ؟؟ !!!..
| |
|
|
|
|
|
|
Re: صــامد صــامد يـا عبد الواحــد عـلاقتها شـنو بكسـير زجـاج عرباتى ???? (Re: Munir)
|
Quote: انت تعلم ان هذا السودان هو كله عبارة كانتونات قبلية وشرازم لا يجمع بينها رابط .. يعني حتي لو مشيت الشمال تلقي ديل ما راضين بي ديل !! .. واقول حتي بين القري المتجاورة تجد ان حفل عرس في هذه القرية يخربه ويفرتقة شباب القرية المجاورة حسادة ورجالة ساكت كده .. وهكذا الحال في مناطق كثيرة لا شك !!! .. يعني مجتمع هلامي هش لا يملك مقومات دولة متماسكة والروابط فيه اوهي من خيوط العنكبوت !! |
اتفق معك تماما في ما قلته وهذه هي ذهنيتي التي أرى من خلالها مشكلة السودان. وما يقوم به أبناء دارفور من مظاهرات وما يقدموه من مطالب لا يخرج عن هذا الواقع الذي وصفته فلماذا حرام عليهم وحلال على غيرهم؟
Quote: وكان الامل الوحيد هو تربيط هذه المجتمعات في بوتقة المركز حيث يرتضي الجميع التخلي عن خصوصيات الجهة والقبيلة لصالح نموذج اعتقد انه متوازن يزداد اختلاطه مع مرور الزمن وكان يمكن ان تتسع دائرة الترابط وتتسع لتشمل كل السودان |
بنفس الوضوح الذي وصفت به حال المجتمع حاليا هل يمكنك وصف ما يدور داخل المركز؟ وهل فعلا تخلى الناس داخل المركز عن خصوصيات الجهة والقبيلة؟ في رأي ان المركز هو بؤرة كل الصراع الدائر ومنبعه وينطبق عليه تماما ما ينطبق على باقي المجتمع. كان من المفترض ان يكون المركز منبع لشحن الناس بالوطنية لكنه للأسف أصبح محرض الناس تجاه القبلية. ولم يختلف ذلك في كل العهود يمينية كانت ام يسارية، ديمقراطية كانت ام دكتاتورية.
Quote: لكين للأسف جيتوا انتو يا متمردي دارفور تعزفوا نفس نغمتهم لتجدوا مثل الدعم الخارجي اللقوه الجنوبيين وفي ذلك السبيل بعتوا الترابط القومي مع شعوب الوسط والشمال .. وفضلتم النأي عن الاندماج القومي الذي كان يسير بالتدريج وأن كان بطيئآ .. فالدولة السودانية علي كل حال لا يزيد عمرها عن الواحد وخمسين سنة .. فضلتم النأي والبعد النفسي عن وجدان السودان بدعوي المركز والهامش وما ادراك ما اولاد بلد وجلابة وعرب !! واخيرآ ادخلتوا مصطلح جنجويد لأقصاء حتي نصف ابناء اقليمكم !!! .. وكمان جايينهم بعصا الناتو لقهرهم !!! .. يعني المحصلة انكم كل يوم بتبرهنوا انكم كوم وباقي السودان كوم !! |
نعم أنا أؤيد ان لدارفور قضية ومطالب عادلة لكنني ليس من متمرديها. اما عن الاندماج القومي فلم يكن هناك في يوما ما اندماج قومي وراجع تاريخ السودان بما في ذلك الدولة المهدية. كانت هناك مصالح آنية بقضائها يعود الناس لمربع الجهوية والقبلية. اما موضوع اننا كوم وباقي السودان كوم هذا جزء من الحقيقة. الحقيقة الكاملة ان السودان مجموعة من الأكوام الصغيرة عناصرها القبائل.
Quote: والفوضي الطلابية التي تريدونها في الخرطوم نقول لكم خطأ مثل خطأ التمرد !!! .. لأنها ببساطة تطالب بمكاسب جهوية في وقت الناس تتلهف فيه للقومية .. لم تطالب المظاهرات الجهوية هذه بمطالب قومية !.. ولم تطالب بحكومة ديمقراطية !.. بل بنيابة رئاسة الجمهورية !!! . لاحظ ان رئاسة الجمهورية زاتها جاءت غصبآ عن الناس بطريقة غير شرعية ـ تجو انتو كمان تطالبوا بنيابة غير شرعية ؟؟ !.. ليه ؟؟ !.. انتو قايلين نفسكم شنو وارجل من منو ؟؟ !!! .. |
اهو بترجع تاني للهجوم الغير مبرر لمطالب طلاب دارفور. فلتكن أكثر واقعية ومنطقية. لايمكن ان تتوقع بان يقوم شخص بمطالبة الحكومة ان تغير جلدها لتصبح حكومة ديمقراطية. ولا تتوقع بان يقدم الفوراوي مطالب تخص الجعلي ابن عم البشير. فكيف تريد ان تكون هذه المطالب قومية؟ والموضوع ليس موضوع رجالة او بسالة فهذا القرن الواحد وعشرين اختلفت فيه مقاييس الرجالة والقوة.
Quote: لا يازول .. كيف المعني بها ليس المواطن ؟؟ .. كلام غريب !!! .. طيب البيدفع ثمن الفوضي البتقوم دي منو ؟؟ !!.. ود كسلا دا هسه ما مواطن واللا شنو ؟؟ !.. البيموت تحت الرجلين بسبب مثل هذه الحماقات الجهوية منو ؟؟ ! .. مش هو المواطن المسكين الحايم في السوق العربي واللا زول تاني ؟؟ !! .. زول اهل عوض شايل ليهو موية بيبيع فيها وقاعد له فوق راسه رئيس غير شرعي ومغلوب علي امره !! .. يجيه واحد كمان يدفق ليه مويته ويعتدي عليه بحجة انه داير زوله يبقي نائب الرئيس ؟؟ !.. كمان ؟؟ !!!.. |
أنا قلت المعني بها ليس المواطن لان المواطن لا يملك في يده ان يقبلها او يرفضها. هي مطالب مقدمة للفئة الحاكمة لكن اذا رأى المواطن نفسه جزء من هذه الفئة الحاكمة ففي هذه الحالة أصبح جزء من الحكومة فليدافع عن الحكومة بصورة مباشرة دون ان يلبس قناع المواطن المسكين.
| |
|
|
|
|
|
|
Re: صــامد صــامد يـا عبد الواحــد عـلاقتها شـنو بكسـير زجـاج عرباتى ???? (Re: doma)
|
Quote: انت بتقول دوما ومنير لديهم انطباع مسبق وحقيقه الامر انت من له انطباع مسبق والدليل اني قلت انه عبث الصبيه علي اطلاقه ولم احدد جهويه او قبيله الصبيه ولكن انت طوالي فسرت اني اقصد المتظاهرين من ابناء دارفور ووضعتني في ثله ابناء المركز اعداء الهامش واولاد البلد البنقوم ونفعد علي كيفنا و تعني الجماعه المتسلطون والجلابه كارهي انفسهم والمتعوربين اعداء القبائل الافريقيه الدارفوريه وغيرها وما الي ذلك من التسميات التي توزع بالجمله والقطاعي في هذا البورد. |
الأخت دوما كلامك أتى مصاحب لحيثيات مظاهرة أبناء دارفور وأظن ان ود كسلا كان يتحدث عن زجاج عربية تحطم في تلك المظاهرات ولو كان يقصد خلاف ذالك فمعناه أنا راكب غلط واعتذر. أما ثلة أبناء المركز فأنت من وضع نفسه فيها فرفضك لمطالب أهل الهامش هي من صفات أهل المركز لأنهم المستفيد الأول من تهميش الهامش وتحقيق أي مطالب يعني فقدانهم لمكاسب سابقة.
Quote: وعشان اوضح ليك خطأ فهمك دا انه ابناء المركز ما قاموا باكتوبر 21 لاجل مركزهم بل انطلقت بسبب الاساليب ةالخطط القمعيه التي انتهجتها حكومه العساكر في تلك الحقبه ولو كان الموضوع موضوع مركز كان يومها ابناء المركز في امن وسلام ونعمه لم يعرفوا بعدها نعمه من مجانيه للتعليم وتقديم لوجبات الافطار بالمدارس من العام وانت طالع ومجانيه العلاج وانشاء للحدائق العامه وشوارع الاسفلت والمساكن الشعبيه وامريكا كانت بتقدم في المعونات والعالم كله رضيان عليهم .هبت الخرطوم مدافعه عن ابناء الجنوب . وفي ابريل هبت الخرطوم مدافعه عن الوطن كله ولا ناس الهامش كانوا يلغفون العسل المايوي ونحن ما عارفين ؟؟!! كان دا هو الحاصل ونحن خربنا عليكم اتلومنا حد اللوم ومتاسفين وسافين الواطه |
هي شعارات ترفعها الأنظمة المختلفة لتجعل من صراعها الداخلي أكثر شرعية وليس لها أي قناعات بها. فهاهو الترابي يدافع عن جنوب السودان الآن ويعترف بان له قضية في حين انه كان يسير قوافل المجاهدين لإبادة فلول الخوارج كما كان يسميهم آن ذاك. بنفس المقياس فالمركز هو من تسبب في فقد الجنوبيين لحقوقهم لكن هي ميكيافلية السياسة.
Quote: يا دكتور برنجي كلنا ولاد بلد الجنوبي الغرباوي الشرقاوي والشمالي دا مفهومي انا وريني انت مفهومك ليها شنو وبالله انا عايزه وقائع احداث تنظير ما بينفع. |
نعم المعني الحرفي لأولاد البلد يشمل الجنوبي والشمالي والغرباوي والشرقاوي لكن الواقع غير ذلك وإلا لاكتفى الناس بكلمة سوداني. ولا أظن انها المرة الأولى التي تسمعي فيها بكلمة (أولاد بلد) فقط ارجعي بذاكرتك للمواقع التي سمعتي فيها بهذه الكلمة لتعرفي الوقائع والأحداث. وهذا ليس تنظير بل هو واقع معاش لا ينكره إلا مكابر.
Quote: منو القال ليك التعايش كان علي اساس ديني يا زول انت بالجد تكون ما عشت في الخرطوم ولا المدن الكبيره يا زول قبل ما تجينا جماعات الاسلام المتشدد دا من السعوديه ومن ايران وافغانستان واي جحر من العصور الحجريه كنا مسلمين واقباط متعايشين في امان وسلام جيراننا اقباط ياكلون لحم الخنزير ويذهبون يوم الاحد الي الكنيسه ولم يمنع هذا ان ناكل طعامهم عدا لحم الخنزير او نشارك افراحهم واتراحهم . |
لم اقصد بالتعايش على أسس دينية ان يكون بين المسلمين في بعضهم او المسحيين في بعضهم. بل كان التعايش على أساس ديني بتطبيق مبدأ الدين في حقوق الجار سواء كان مسلم او مسيحي. اما التعايش بمبدأ الوطنية لا يحده المكان او الجوار فيكون الرباط بين محمد احمد في حلفا و جون في نمولي هو نفسه الرباط بين الجيران في الخرطوم او مدني.
Quote: والله يا دكتور برنجي لو ثبت لي علي مذهب كان سهلت علي مهمه فهمك والرد عليك اها يعني لو ولاد دارفور ديل قالوا نحن نعترض بتكسير ممتلكات الناس نقول ليهم دا من حقكم . وحكايه انه المواطن غيرمعني بها دي برضو دايره منك شرح |
المذهب الذي أتبناه هو الاعتراف بحقوق الآخرين عندما يكون لهم حقوق. والاعتراض على سلوكهم عندما يكونوا مخطئين. وعدم الكيل بمكيالين والاعتراض بالنية قبل حتى ان نعلم ماذا فعلوا. اما حكاية (المعني بها ليس المواطن) لان المواطن لا يملك في يده ان يقبلها او يرفضها. هي مطالب مقدمة للفئة الحاكمة لكن اذا رأى المواطن نفسه جزء من هذه الفئة الحاكمة ففي هذه الحالة أصبح جزء من الحكومة فليدافع عن الحكومة بصورة مباشرة دون ان يلبس قناع المواطن المسكين.
| |
|
|
|
|
|
|
Re: صــامد صــامد يـا عبد الواحــد عـلاقتها شـنو بكسـير زجـاج عرباتى ???? (Re: doma)
|
الأخت دوما أشكرك على الرد المطول وحقيقة لا اختلف معك كثيرا فكلنا يرفض العنف المصاحب للاحتجاج او تقديم المطالب اما إيرادي للترابي كنموذج لان الترابي حقيقة يمثل نموذج السياسي السوداني وحتى في أكتوبر و ابريل كان له القدح المعلى. الفرق بينه وبين الآخرين فقط انه وجد السلطة المطلقة فظهر على حقيقته. أخيرا سعدت جدا بمحاورتك ونسال الله ان يجعل السودان بتلك المثالية التي في نظرك وان يكفينا شر الفتن.
| |
|
|
|
|
|
|
|