|
ملاحظات عضو جديد !!!
|
هذه ملاحظاتي كعضو جديد, سوف أحاول تدوينها في هذه المساحة.
(1) أول ما لاحظته أن البورد يعج
بالبوستات الخاصة الموجهة لعضوية محددة(مثل فلان..... أو فلانة..... أو رسالة لفلان أو فلانة ..أو خاص لفلان أو فلانة) أظن أنه يمكن إرسالها للعضو مباشرة بواسطة المسنجر أو أنني لم أفهم المغزي من كتابة بوست خاص في مكان عام!!.
ونواصل
|
|
|
|
|
|
|
|
Re: ملاحظات عضو جديد !!! (Re: عصام أحمد)
|
السلام يا شاب بوستك دا ذاتو خاص نرفعة لك,,,,,,,,,,,,,
منصور
| |
|
|
|
|
|
|
Re: ملاحظات عضو جديدwell done (Re: Waly Eldin Elfakey)
|
والي الدين الفكي ..كيف حالك وأحوالك يا رجل؟؟
الموضوع ليس ثورة بل مجموعة ملاحظات (أتمني أن نساهم جميعنا في كتابتها هنا) حتي العضوية القديمة والتي تكونت لها أفكار كبيرة عن البورد وشكله وما يحدث داخله وحتما ستكون مفيدة للعضوية الجديدة مثلنا وبعدنا وهكذا ..(ولا تحكم الفكرة بزمن أو بميقات).
مشكور علي المشاركة ودعمك للفكرة .
ت ح ي ا ت ي
عصـــام
| |
|
|
|
|
|
|
Re: ملاحظات عضو جديدwell done (Re: Mustafa Mahmoud)
|
د.مصطفي محمود..إزيك وكيفنك؟
فعلا يجب أن نتعلم جميعنا التفريق بين المنبر العــام وما يجب إضافته داخله وبين البريد الخاص.
ملاحظتي تستند علي أساس مــاهو (مفيد للعامة) ومــاهو لا يخرج من إطـــار (الشمـــار الخاص) الذي قصد كاتبه (بصورة مقصودة أو غير مقصودة) لفت النظر لموضوع خاص ربما علي سبيل الدعاية والتضخيم لتلك الشخصية أو التقليل من حجمها (أو ربما بلا غرض أصلا!!!) . ولا أعني عضو محدد بهذا الأمر لكن البورد كما زكرت ممتليء علي الأقل في هذه الفترة بمثل هذه الموضوعات الغير مجدية مقارنة بالهدف الرئيسي للبورد.
لك مني كل شكر وتقدير علي الإضافة الهامة.
نحنا الإتنين (جداد)
عصـــام
| |
|
|
|
|
|
|
Re: ملاحظات عضو جديدwell done (Re: Mustafa Mahmoud)
|
لا ما تخاف يا دكتور ..وشد حيلك معانا عشان إنفلونزا البوستات الخاصة دي ما تغشانا.
العلاج في نظري هو تنبيه داخل البوست الخاص بأن هذا البوست هو رسالة خاصة مكانها ليس هنا وإنما في البريد الخاص.وللا رأيك شنو؟
ولو عندك يا دكتور علاج ممكن نستخدموا ورينا ليهو. وفي ياتو صيددلية.
بس الحقن ما معانا..
تحياتي عصام
| |
|
|
|
|
|
|
Re: ملاحظات عضو جديدwell done (Re: bayan)
|
Quote: كتبت د. بيان
بعد قعدة متواصلة فى البورد لمعرفة عمق العلاقات بين الناس فى البورد دا خرجنا بالاتى:
1- اذا فى اى زول دور معاك شكلة بدون سبب وبقى كلامو كلام شكل وغبن ولف ودوران طوالى تراحع بو ستاتك وتشوف انت هبشتا منو من كومو و العكس بالعكس الحب بالكوم و الكره بالكوم 2- اذا نويت يوم تعارض زول ولا تنتقدو لازم تشوف موقع الزول دا من كومو وين لو كان الرأس خلاص الله معاك لانه حتلقى نفسك فى مواجهة كوم بحالو 3- وجود اكوام مصاحبةبعض تهبش زول واحد تلقى نفسك فى مواجهة كومين او اكثر 4 تقسيم ادوار افراد الكوم الواحد لازم يكون فى واحد شاكال و احد عامل موضوعى و الباقين نص نص ومن ثم الما عندو كوم الله معاه فى كل الترشيحات يلقى نفسو فى ذيل اللست ولا ما يذكر خالص
كيفية معرفة مين يكون كوم مين1- لما تلقى زول كتب كلام خارم بارم والردود وصلت لمية فى خلال ساعة كل الناس ديل كوم واحد 2اذا اعترضتا على كلام زول قام طوالى لقيت زول مباريك زى الكديسة ام خيط من بوست لبوست لو قلتا الله واحد وهو يصر انه الكلام دا ما صاح 3- بعدين اذا غلطتا فى زول من كوم ما طوالى يجيبوا زول يدعى انه بيعرفك وانك ما كيت و وماكيت ينفى كل المحاسن و ينجر قصص سيئة عنك ويقول انت كيت وانت وكيت 4-اذا فجأة لقيت اى بوست فى البورد بيعرض بيك وفيه مطاعانات تعرف طوالى انك هبشتا صنم كوم كبير وتطاولت حيث لا ينفع التطاول ويحلك الحلا بلة
مش قلتا ليك علاقات مترابطة ومتشابكة دايرة ليها وداعية لسبر اغوراها لوووووووووووووووووووووول مطلوب وداعية لكوم قيد الانشاء |
القصة يعني كيمان؟
إنتي مع كوم ناس قريعتي راحت...وطيب نحنا مع كوم ناس ما عندي قرعة؟؟هاهااهاه.
مشكورة علي الإضافة الهامة جدا.
ت ح ي ا ت ي
عصـــام وللا عضام ما عارف!!
| |
|
|
|
|
|
|
Re: ملاحظات عضو جديد !!! (Re: عصام أحمد)
|
عصام
سلام
يا داب وقع لى الكلام
واحد فى بوست ثانى قال الناس الجداد مسخنين مالهم
لكن انت معاك حق يا سيدى
وانا شخصيا كل البوستات المعنونه باسماء لا ادخلها باعتبارها ماسنجر علنى
لك تحياتى
| |
|
|
|
|
|
|
Re: ملاحظات عضو جديد !!! (Re: قرشـــو)
|
قرشو ..كيف حالك وأحوالك ؟
بعرف لي زول إسموا (قرشين) ساكن بحري .. تعال نعرفك بيهو ..أهو لما تتلموا سوا حتعملوا ثروة ما بطالة..هاهاها
مشكور يا صاحبي علي الإضافة الهامة لعدم دخول المسنجر العام!!!!!!
بوستات الدعاية والإعلام والشمار والبهارات.
ت ح ي ا ت ي
| |
|
|
|
|
|
|
Re: ملاحظات عضو جديد !!! (Re: عصام أحمد)
|
أول حاجة مرحب بيك عصام وبي كل الجداد أنت تلاحظ اذن انت موجود
انت تكتب عن ملاحظاتك ،
أذن انت من الجماعة اياهم ..
وسوف تصلى سعيرا !!
حسي يجيك زول ناطي يقول ليك انت من متين طلعت من البيضة ؟؟
تخريمة : والي الدين انت جنك انقلابات وثورات ، ما تلخبت ياخ ، داك البوست البي غادي !!
| |
|
|
|
|
|
|
Re: ملاحظات عضو جديد !!! (Re: toona)
|
تونا..إزيك؟
شكرا علي ترحيبك بي وبالجداد كلهم
فكرة الخروج من البيضة مباشرة الي ظهر (الفيلة) سريعة!!!
وسهلة التنفيذ..لكن أنا ضدها .ما عارف ليه.!!
والبيجيني ناطي بنط ليهو في ضهروا وما بنزل منو
تحياتي والف شكر علي المساهمة والتنبيه ..ومستعد لي أي نطيط وأفيال.
عضــــــام
| |
|
|
|
|
|
|
Re: ملاحظات عضو جديد !!! (Re: toona)
|
لو اردنا تقديم وجبة ادبية صحية فهنا ياتي جدوى اقتراحك. لكن لو اردت وجبة لها نكهة فلابد من المساحة الاكبر و بعض المعاكسات وهذة احدى ميزات النت عن الصحف اليومية الراتبة مثلا.
وحبابك في البورد رغم انك اقدم مني يا عصام.
| |
|
|
|
|
|
|
Re: ملاحظات عضو جديد !!! (Re: عصام أحمد)
|
حقيقة ياسيد عصام ملاحظتك في محلها. أشعر أن بعض البوستات العامة ذات خصوصية أو مداخلين معينين تحكمهم أواصر صلة ما.. أشكر لك الملاحظة للمنفعة العامة
| |
|
|
|
|
|
|
|