|
Re: انخفاض اسعار الاراضي ..بولاية الخرطـوم .. (Re: وضاحة)
|
Quote: العزيز العوض الطيب000000000000 نهارك سعيد
توضيح النقطه المذكوره مهم للفائده العامه0
تحياتــــــــــى وعقبال سفلتت ال Parking
اخوك/ ســـــــــــيد |
أخي سيد،
لدي قطعة أرض (تجارية) في مدينة يثرب مساحتها 125 متر مربع فقط وأنا بصدد البناء فيها بإذن الله. أوكلت أخي بذلك. قال لي أنهم طلبوا سداد مبلغ "رسوم مواقف" Parking وللأسف فقد ارتفع المبلغ الآن ليصل 000ر000ر6 جنيه ستة مليون جنيه فهل يعقل ذلك؟
| |
|
|
|
|
|
|
Re: انخفاض اسعار الاراضي ..بولاية الخرطـوم .. (Re: luai)
|
Quote: بيت مسلح تانى ناصية قرب الباب الغربى للحديقة القرشى . فيه 3 غرف و3 حمامات داخلية كلوا تشطيب ديلوكس ( يعنى سرميك اسبانى ) فيه هول كبير فى شكل الـ والشبابيك المونيوم بزجاج عاكس والابواب مستورده فيها تأمين وفيه حوشين كبيرات وفيه غرفة للخدامة وحمام خارجيات .
عاوزين ناجروا لانوا ما رجعين السودان قريب وعاوزين نبنبى شقق فوق .
اها العندوا فكة كويسة يخشخش جيبوا ويجى بياجى
|
وضاحة يا برجوازية
ياخى نحن نسال من الامتدادات القصية ياخى
تقولى لينا الخرطوم 3 وجنب حديقة القرشى كمان ؟؟؟؟
الله كريم علينا يا ستى
| |
|
|
|
|
|
|
Re: انخفاض اسعار الاراضي ..بولاية الخرطـوم .. (Re: luai)
|
الاخت العزيزه وضاحه 000000 اولا مرحب بيك كثير
وشكرا كثير انك ترفعى الروح المعنويه للمشاركين بان يسكنوا الخرطوم 3 وكمان مع
حديقة القرشى ، يعنى برجوازيه ومعاها شم هواء وحدائق ونتمنى انك تجدى السعر
المناسب وبدون سماسره0
همسه ( نحنا المواصلين فى البوست يادوب عاوزين نتساعد نبنى )
اخونا الغالى العوض الطيب 000 يازول كملت كم لفه وبعدين جيت ، المهم الموضوع
عشان فيه تجاره ناس المجلس الشعبى وتوابعهم قالوا القبه حيكون تحتا كنز لكن على
ما اعتقد واذا كنت جاد، ان هذا استقلال اكتب للمسؤلين وتظلم لان الاسواق والمواقف
عمل بلديات وربنا ينصرك0
عزيزى قرشــــو
اهم حاجه انا حسيت انك عايش صح لان الضحك والبكاء دليل عافيه انك انسان تتحرك
جوارحه، وهذه سنة الحياه وفقك الله0
تحياتــــــــــــى
ســــــــــــــــيد
| |
|
|
|
|
|
|
Re: انخفاض اسعار الاراضي ..بولاية الخرطـوم .. (Re: luai)
|
العزيزه وضاحه
عزيزتنا والله انا المتأسف وشديد جدا ، والمداخله العملتها للترويج اكثر
من انى زعلان ، لتحديد المكان والحديقه وكدا ، والكسر والشر بعيد عنك
وفعلا بكتب فى البوست للمعرفه العامه وفائدة الجميع ، واذا اتباع البيت
نحن لنا اجر ايضا نسعى اليه بكل الطرق ، وواصلى ونحنا معاك0
وفقك الله مع انى من غير الناصحين بالبيع ، ومكان بيتكم الشركات والسفارات
تبحث عنه، وافيد لكم، واعلان بسيط فى جريده سودانيه يحل المشكله0
تحياتـــــــــــــــــى
ســــــــــــــــــــيد
| |
|
|
|
|
|
|
Re: انخفاض اسعار الاراضي ..بولاية الخرطـوم .. (Re: luai)
|
الاخ العزيز جاد
مالك يازول بتدور على صاحب البيت لؤى ... دا رحل وكلما يتذكر الحله يرجع
يسلم وبوست الصناديق فى الرابعه او الخامسه، ومعليش ربنا يعوض لكن لمعلوميتك
رغم انى كنت فى البنك اليوم عشان الصناديق والموظفين اصحابى قالوا خلى الامور
تهدأ، لان ناس كثير اشتروا فى الايام السابقه ولسؤ حظهم نزلت اكثر وخسروا لكن
فى دخولى لموقع الاسهم السعوديه ومنها الى المنتديات ( منتدى الصناديق) قرأت
مداخلات حللت الخسائر فى الصناديق وكيف يكسب اصحاب الصناديق بعد عودة المؤشر
واتمنى ذلك وربنا يجعلك من الرابحين 0
الوصيه بمتابعه منتدى الصناديق ايضا من لؤى صاحب البيت الراحل0
تحياتــــــــــــى
اخوك / ســــــــيد
| |
|
|
|
|
|
|
Re: انخفاض اسعار الاراضي ..بولاية الخرطـوم .. (Re: luai)
|
اخونا الغالى صلاح عبدالله
نحنا قاعدين بس انتوا المشغولين، وتعرف الجرى وراء المعلومه
للفائده العامه ، وكمان قلنا نذيد البيت بمشروع صغير تاميننا
للواقع المعاش فى السودان ، واذا ما لقيتنا فى البيت نكون فى الغيط0
تحياتـــــــــــــى
ســـــــــــــــيد
| |
|
|
|
|
|
|
Re: انخفاض اسعار الاراضي ..بولاية الخرطـوم .. (Re: luai)
|
اخوانى المتابعون
هذا مثال حى عن موضوع المواد المخزنه او الغير صالحه للبناء حسب افادة
مجلس البناء بجامعة الخرطوم للاحتياط ودائما يتأكد الشخص من فترة التخزين
وصلاحية الانتهاء0
محكمة البيئة تستمع لشهادة مهندس في قضية الإسمنت الفاسد
الخرطوم: عائشة صالح
اسمتعت محكمة البيئة بالخرطوم برئاسة القاضي الطيب علي بخيت إلى شاهد الدفاع المهندس
الخير علي عبد الله، الأستاذ المساعد بقسم الهندسة المدنية بجامعة أم درمان الإسلامية،
الذي أدلى بشهادته حول مستند قدم أمام المحكمة عبارة عن نتائج الفحوصات الميكانيكية
والفيزيائية لعينات إسمنت فاسدة متحجرة تم ضبطها في ثلاث حاويات بمخازن شركة ليبودان.
حيث كانت نتائج الفحوصات متضمنة الخواص الفيزيائية التي تشمل الفحص وزمن الشك النهائي
والفحوص الهايدرولوجية، وهي تشمل قوات الرباط الإسمنتية. وقد اتضح من نتائج المعمل
تطابق الخواص الفزيائية للإسمنت للمواصفات العالمية، أما الخواص الميكانيكية فهي غير
مطابقة للخواص المنصوص عليها، ومن ثم تمت التوصية بعدم استخدام الإسمنت في الأعمال
الخرصانية بغرض التحميل
تحياتــــــــــــــــــى
ســــــــــــــــــــيد
| |
|
|
|
|
|
|
Re: انخفاض اسعار الاراضي ..بولاية الخرطـوم .. (Re: luai)
|
Quote: قرشـــو
انا اسفة والله ما قصدى اجرح حد او اورى انى برجوازية والله انا ابوى بدى من الصفر لحدى ما قدر عمل البيت دا.
انا اسفة لو جرحت حد .
وامسحوها لى فى وشى الشين دا. |
العزيزة وضاحة
أولا : اعتذر فانا لم اقرأ ردك سوى اليوم فقط اعتذر للتأخير فى الرد
ثانياً : يسلم وشك الجميل المشرق من كل شر يا ستى
ياخى انا بهظر معاك والله العظيم
أقسم بالله العظيم حاولت مداعبتك قليلا ياخى
ياخى نحن لاقينك وين عشان نزعل منك ؟؟؟؟
خذى الامر ببساطة عزيزتى ونحن هنا بنفرق على بعض
تسلمى لينا يا امورة والله يديك العافية
| |
|
|
|
|
|
|
Re: انخفاض اسعار الاراضي ..بولاية الخرطـوم .. (Re: luai)
|
حبيبنا ابو السيد
شكرا للمتابعة بى هناك .....
اها حكاية البناء مالها وقفت المعلومات عنها يا جماعة ....
كدى ناس جوه يورونا صحى فى شركات بقت تبنى البيت كامل وتأخذ على دفعات ؟؟؟
سمعت الكلام ده وما صدقت والله
كدى طمنونا الله يطمنكم ...
| |
|
|
|
|
|
|
Re: انخفاض اسعار الاراضي ..بولاية الخرطـوم .. (Re: luai)
|
الاخ العزيز قرشـو
الكلام صحيح ومائه فى المائه بس اوع تسأل عن السعر
خوفا عليك من المنتظر ، القروش بالدولار ودى ما فيها
كلام ، واذا ما سددت يقاضوك كمان ، وينزعوا منك حبل
الامان ، وتلقى نفسك نايم جمب اى دكان ، ودا فى حد
زاتو امان ، احسن تنقش الحجر ولاتتبع اهل هذا الزمان0
تحياتـــــــــــــــى
ســـــــــــــــــــيد
| |
|
|
|
|
|
|
Re: انخفاض اسعار الاراضي ..بولاية الخرطـوم .. (Re: سيد محمد احمد سيدنا)
|
اخوانا المتداخلين معليش اطلع بيكم شويه اخوكم داير ليه قطعة واطة فى بحرى اى مكان عدا
الحاج يوسف بس عايز سيدة مايكون متضايق وياريت لو كان من ناس الرياض عشان ادفع ليه بالأقساط والله ماباكلوا باقى اخوكم راجلا محمول ومابقدر على الهبباى فى عز الصيف وبارك الله فيكم .
جوال 0652734205
| |
|
|
|
|
|
|
Re: انخفاض اسعار الاراضي ..بولاية الخرطـوم .. (Re: الحارث سرالختم عبد الله)
|
الحارث أخوي بالله أخوك شرحه كان لقيت شوف لأخوك حاجة برضه في بحري. ولا أقول ليك ما تجي نتشارك لينا بيت طابقين ونعمل القرعة على الطابق العلوي والسفلي!! الله ينجينا من السفلي ويجعل كلامنا خفيف عليهم.
بس أنا بضيف استثناءآت وهي (الشقلة، الدروشاب، نبتة) والأسباب على التوالي: (البعوضة، الخريف، ريحة المجاري) عدا ذلك آخر حلاوة، تصور بيت في المزاد جنوب جوار المؤسسة يعني خلف سلوى بوتيك سابقاً غرفتين وصالون و2 حمام سايفون وطبعاً مساحة بيوت المزاد 300م مطلوب فيه 280م جنيه؟؟؟؟ يعني 470 ألف ريال. وأكيد بناء قديم
الشايقي __________________ فاوضـني بـلا زعـــل
| |
|
|
|
|
|
|
Re: انخفاض اسعار الاراضي ..بولاية الخرطـوم .. (Re: سيد محمد احمد سيدنا)
|
أخونا وحبيبنا ابوالسيد
ياخي يوم شكركم مايجي ان شاء الله
والله اللسان عاجز ومالقيت كلمات توفيكم حقكم وجزاكم الله الف خير وان جاز لي فأخص بالشكر الخوة
لؤي صاحب هذا البوست الاخ سيد سيدنا الذي جعلني اشعر كأن هذا البيت له هو وليس لي يكفي انه يتصل بالسودان على حسابه ليأتين بالمعلومات وايضاً دلني على المقاول الذي قام بالبناء وقد كان بالفعل عند حسن ظنه
الاخ محمد الامين السيد(من قراء المنبر) هذا الرجل يحب لاخيه مايحب لنفسه لن انسى ماقدم لي من ارشادات ونصائح قيمه
الاخ عبداللطيف بكري نصائحك الغاليه فتحت عيني على كثير مما كنت لااعرفه عن دهاليز البنيان
الاخ صلاح عبدالله شاكر لك اتصالاتك الدائمه ومعلوماتك المفيده
اشكر كل من قدم نصيحه او تداخل بمعلومه في هذا البوست او غيره وكل عازم عقبالو
| |
|
|
|
|
|
|
Re: انخفاض اسعار الاراضي ..بولاية الخرطـوم .. (Re: Al Sunda)
|
سلام وتحية للاخوة سيد + زول ساكت + لؤي وكل الموجودين في البوست المفيد ده يتقدمهم عمدتنا الحبيب قرشو
قلما نجد بوست بهذه القيمة
لكن يا شباب في بوست من اخت كريمة بتسأل عن اراضي الزراعيين وما شايف زول رد عليها... كمان أنا عايز اسال عن حي اسمه حي الجامعة قالوا شرق النيل اول ما تنزل من كبري المنشية الجديد ... في اي زول عنده معلومات عن الحي ده وأسعاره ؟ وهل الاراضي جيدة وللا فيها اي مشاكل ؟
| |
|
|
|
|
|
|
Re: انخفاض اسعار الاراضي ..بولاية الخرطـوم .. (Re: 3bdo)
|
الاخ عبدو سلام واحترام
Quote: عن حي اسمه حي الجامعة قالوا شرق النيل اول ما تنزل من كبري المنشية الجديد |
لم اسمع بحي الجامعه في بحري لكن في امدرمان هو مربع24 مكان انا بنيت ولو عايز معلومات عن دا عندنا بالكوم
واتمنى ان تجد من له معلومه
| |
|
|
|
|
|
|
Re: انخفاض اسعار الاراضي ..بولاية الخرطـوم .. (Re: luai)
|
يازول ياماساهل : أولا نحمد الله كثيراً أن صار لديك ظلاً وارفاً يقيك شر الحر في أجواء الأستواء. ثانياً نهنئك والأسرة الكريمة أن تجاوزت عقبة كأداء ، وقد تساويت معي دخولاً للمرحلة القادمة التي أسأل الله العلي القدير أن ييسرها لي ولك ،،
ألف مبروك مجدداً ولازمك ((دم)) للسقف ونحن نجوع لك من الآن إنتظارا لدعوة كريمة،،
تستاهل والله يازول ياماساهل وأنت تثبت ذلك بالفم المليان،، وتحياتي لأبو السيد وكل أساطين البناء في هذا البورد وأخص من خارجه أخونا أبو الأمين سيد العارفين فعلاقتنا به أمتن من حديد سقف بيتك يا زول ياماساهل،،
| |
|
|
|
|
|
|
Re: انخفاض اسعار الاراضي ..بولاية الخرطـوم .. (Re: luai)
|
الاخوه الاعزاء الهميمين
اليوم جاى اسجل تحيه لكم جميعا بدون فرز وشكر كبير للذين اذانوا
البوست بالنصائح المفيده والمناقشات السره التى دفعت الكثيرين
للتقدم للامام فى سبيل حفظ الاسره بمسكن0
اكيد نحنا شرعنا بالبوست الذى كان اصلا لانخفاض الاراضى ولكن لا تذكر
الارض الا تبعها هموم البناء والتعمير فكان البوست جرحا لابد ان ندمله
ببناء يكون حافظ للذمان للاسره والاولاد ولا يفوتنى ان المداخلات كانت
تشاوريه بين الجميع للاحسن فالشكر لصاحب البوست الاخ لؤى عبدالرحمن
الذى حرك الاشجان وللتاريخ صمت المهندسون ورفضوا ان يفصحوا عما
تعلموه لفائده الضعفاء الا قليلا لايتعدوا اصابع اليد الواحده فلهم
التحيه والتحيه الكبرى للمداخلين كل حسب خبرته فى بيته او بيت اسرته
فكانوا خير معين0
الان ايضا طل علينا اخونا الهميم السندا بفكر الطوابق وانا اثنى على
مقترحه وهو خير حل فى الوقت الحالى بعد ان توسعت الخرطوم وتشعبت
معها مشاكل المواصلات والمدارس والظروف المعيشيه وانا اشد على يده
بالشكر لانه عودنا دوما الافكار الجريئه والحلول فيها بسيطه من يملك
الارض يقيمها والبقيه تبنى والحساب النهائى ساهل اذا كان الاتفاق واضح0
كما اشكر الاخ 3بدو على اثنائه لى وكل المداخلين اما موضوع اراضى الزراعين
لا اعرف عنها شىء اما حى الجامعه على حسب الوصف بكبرى المنشيه تقريبا
هو الارض جنوب شرق الجريف شرق على طريق القذافى المتجه الى العيلفون
وهذه المنطقه كسابقتها اراضى طينيه زراعيه وتحتاج فى طور البناء
لعمف الاساسات0
اما اخونا العزيز الغالى الذى نور البوست باخونا الزول الماهين
فقد كان خير معين لدفع الناس للاجتهاد والبناء والذى تبرع مشكورا
بالحديث عن الابواب والشبابيك بجانب دفعه للجهود للعمل والبناء
فله الشكر على ما قدم وهو كان احد اعمدة الشحذ لاخونا الزول للعمل
الذى انتهى من سقفه بالامس وهو الان اكثر سعادة بعد ان اطمئن على
اسرته وهى داخل حوش ملىء بالاجتهاد0
ايضا لايفوتنى ان اشد على يد اخى الزول الهميم الذى ابرز للكثيرين
انه لا عمل بدون عزيمه والشكر له ايضا على كل ما خطه فى حقى وانا
لم اعمل شيئا غير الذى املاه على ضميرى لمساعدة الاخرين0
تحياتــــــــــــى
ســـــــــــــــيد
| |
|
|
|
|
|
|
Re: انخفاض اسعار الاراضي ..بولاية الخرطـوم .. (Re: luai)
|
تعرفوا انا السوي لي فلقة دماغ شنو الجماعة خاتين مربعات الحاج يوسف واطة قبل سنتين واحد صاحبي ( بجي البورد ده يتاوق و يرجع ) قال لي اشتري في مربع 1 الحاج يوسف بعت قطعة ارض في ابو ادم و ذدت عليها وفر ثلاثة سنة و اشتريت في الحاج يوسف السنة الفاتت الجماعة في الاجازة قالوا لي السعر نزل 20 مليون قبل فترة صديقي الاشتري الارض عرض علي سعر بزيادة 20 مليون جنية قمت سالتو قلت ليهو ليه الزيادة هو طبعا حريف في الاراضي قال لي كل النواصي و المواقع المتميزة خاصة البتقع في زلظ رئيسي اسعارها ما بتنزل اها رايكم شنو
| |
|
|
|
|
|
|
Re: انخفاض اسعار الاراضي ..بولاية الخرطـوم .. (Re: domdom)
|
الاخوة الخبراء واصحاب البوست اسفين للازعاج ولكن مغروضين في معلومات عن منطقة أبوحليمة شرق مربع واحد كم اسعار القطعة فيها اذا كانت 450 متر?? كذلك سؤال للمتخصصين ما هو نظام التسجيل لقطعة ارض في تلك المنطقة ويقال انها توزيع او تخطيط قري?? واذا تم عقد البيع على انه ((بيع حيازة)) مامعنى ذلك وماهى مضاره الشكر مقدما على الاجابة
| |
|
|
|
|
|
|
Re: انخفاض اسعار الاراضي ..بولاية الخرطـوم .. (Re: luai)
|
الاخوه الاعزاء
اطلالتكم هى دوما عشقنا الذى نتمنى ان لا ينقطع فكونوا حريصين
لنتناول الافكار ونساعد ونقف مع بعض ، فحوجتنا الى بعضنا هى
الاساس الذى نبنى عليه اوضاعنا فكونوا دوما كالعهد بكم مثابرون
نحو الفائده للجميع0
اخونا الزول والله الواحد كلما جاع يفتح البوست يعيش مع ست اللقيمات
لحظات سودانيه سعيده يشبع ويمشى لكن الحساب يكون ولد ولازم الكرامه
الكبيره حتى لو كانت كسر وتقليه اها كدا خففنا من الخروف عشان
عارفين الظروف وفى العدم شاى بلبن0
اخونا دمدوم انا غايتو من سكان الخرطوم لكن لو عرفتنا الظروف بيك
قبل البيع كنا نقول النصيحه والان البكاء على اللبن المسكوب ما يقدم
وصاحبك الاشترى منك والان زاد السعر 20 مليون ما معناها انو مفتح لكن
يعرف الاصتياد فى الماء العكر وما اكثرهم الان فى السودان، لكن للمستقبل
اذا فكرت فى البيع ابعد عن سماسرة الشارع وهناك مكاتب للبيع والشراء
فى عمارة الضرائب ويمكنك دوما اخذ معلومه عن البيع والشراء بعد
تحديد الاماكن ويمكن العرض من خلالهم للسعر الاعلى وعندما تجده تقوم
بالعمليه واحذرك مره اخرى من المتسلقين فى السمسره لان بعضهم يصل مرحلة
الشراء منك ليستفيد من البيع لاخر ويكسب فروق الاسعار لصالحه وربنا
يوفقك فى الجايات وذى ما قال اهلنا الجاتك فى مالك سامحتك وربنا
يصلح الاحوال0
اخونا محمد البشرى طبعا موضوع القرى متشعب المشاكل والشراء فيه يكون
على الورق العادى يعنى لاتستطيع تقديمه الى اى جهه حكوميه الا فى حالة
جاء التخطيط الى القريه وفى هذا لابد ان تكون معمر القطعه لاثبات
الاحقيه وتكون فاعل مع لجان المنطقه فى دفع الاتاوات المفروضه ودائما
قريب لاثبات الاحقيه، لكن تشترى وتترك الارض للظروف وتبتعد على امل تثبيت
وضعك تكون فلوسك ضاعت0
اما جهات ابوحليمه مفروض تكون فى حدود 2 الى3 مليون اذا كانت مخططه لان
الاسعار حسب علمى لا ترتبط مع الارتفاع والانخفاض داخل العاصمه وتفرضها ظروف
الحوجه للمواسم الزراعيه اكثر 0
تحياتـــــــــــــى
ســــــــــــــــيد
| |
|
|
|
|
|
|
Re: انخفاض اسعار الاراضي ..بولاية الخرطـوم .. (Re: سيد محمد احمد سيدنا)
|
Quote: اخونا محمد البشرى طبعا موضوع القرى متشعب المشاكل والشراء فيه يكون
على الورق العادى يعنى لاتستطيع تقديمه الى اى جهه حكوميه الا فى حالة
جاء التخطيط الى القريه وفى هذا لابد ان تكون معمر القطعه لاثبات
الاحقيه وتكون فاعل مع لجان المنطقه فى دفع الاتاوات المفروضه ودائما
قريب لاثبات الاحقيه، لكن تشترى وتترك الارض للظروف وتبتعد على امل تثبيت
وضعك تكون فلوسك ضاعت0
اما جهات ابوحليمه مفروض تكون فى حدود 2 الى3 مليون اذا كانت مخططه لان
الاسعار حسب علمى لا ترتبط مع الارتفاع والانخفاض داخل العاصمه |
thank you for your answer to my guestions i will replay later when i have arabic keyboard WAD ELBOSHRA
| |
|
|
|
|
|
|
Re: انخفاض اسعار الاراضي ..بولاية الخرطـوم .. (Re: Mohamed Elboshra)
|
Quote: اخونا الزول والله الواحد كلما جاع يفتح البوست يعيش مع ست اللقيمات
لحظات سودانيه سعيده يشبع ويمشى لكن الحساب يكون ولد ولازم الكرامه
الكبيره حتى لو كانت كسر وتقليه اها كدا خففنا من الخروف عشان
عارفين الظروف وفى العدم شاى بلبن0 |
ابوالسيد الحبوب شنو قطعت مننا المصاريف(الاتصال)
اما موضوع الكرامه اشبع لقيمات ساي وحقكم التاني محفوظ انا اخوك إت
| |
|
|
|
|
|
|
Re: انخفاض اسعار الاراضي ..بولاية الخرطـوم .. (Re: Mohamed Elboshra)
|
الأخوة الأفاضل ارجع بيكم مر ة تانيه انا لسه منتظر واحد ابن حلال يفتح الباب
وماعندى مانع فى كلام احونا احمد الشايقي نتشارك اصلوا الدنيا دى بقت كدة
بدون مشاركه صعب الحصول على كل شى وياابو السيد لو عايز ننتظر لغاية
ما نصرف الأرباح ماعندى مانع لكن برضوا عايز شريك وياريت لو كان من شركتنا
والسلام .
| |
|
|
|
|
|
|
Re: انخفاض اسعار الاراضي ..بولاية الخرطـوم .. (Re: luai)
|
.. .
ســلام متابعين البوست القيم دا ما عارف السماسرة وقفو ووين .. اى استفسارات فى الاراضى الان بقلب الخرطوم وبحرى نحن فى الخدمة ..
وبمناسبة السمسرة .. المكان : اراضى للبيع بمخطط دريم لاند (1) مجاور لمخطط الدبلوماسي .. الموقع : على بعد 15 دقيقة _ 15 كيلو تقريباً - من بداية شارع افريقيا حذا نقطة التفتيش طريق مدني - جنوب زلط طريق مدنى ومجاورة للدائري الجديد وخط السكة حديد. السعر: كاش 25 - 27 مليون ( قابلة للتفاوض للاخوان) أقساط 27 - 30 مليون .. مساحة: تتراوح مساحة القطعة بين 500 م2 - وما فوق للاتصال: عبر الماسنجر الداخلي .. والهاتف والايميل
كل المستندات والاوراق سليمه وتحت الطلب
مع الشــكر؛
ملاحظة: السمسار عودو راكب..
| |
|
|
|
|
|
|
Re: انخفاض اسعار الاراضي ..بولاية الخرطـوم .. (Re: luai)
|
ياجماعه اهل البناء والتعمير
اليوم قاصدنكم عديل وبقول ليكم شنو البخل دا
بالله مهندس واحد فى الموقع مافى ، عاوزين نكتر
ليكم حسناتكم بالدعاء والاسئله بسيطه
اساليب البناء الحديث وسقف الهوردى وصبات
الاعمده الجاهزه والسقوف الجاهزه والحمولات
عشان نتنور وندعوا ليكم0
اها دى اول دعوه ربنا يخلى ليكم عقولكم 0
قصرنا00000000000
تحياتــــــــــــى
ســـــــــــــــيد
| |
|
|
|
|
|
|
Re: انخفاض اسعار الاراضي ..بولاية الخرطـوم .. (Re: luai)
|
الأعزاء / أبو السيد والبقية والغالية / لنا لكم التحية كلامكم ينمل الأطراف ويدغدغ الأحلام البعيدة أها خلونا من شغل البرجوازية الكبار والصغار الفقراء والمفلسين ( المشتتين ) الزينا ديل عاوزين خدمات خاصة .. قطعة 300 متر مربع 50 صالحة ( خطة إسكانية ) على شارع رئيس ومنتهى عندها شارع على شكل T
( عشان يمكن .. أقول يمكن اخوكم يشتت من غربة لواحدة جديدة )
أدونا حقها و الله معاكم ..المشوار طويييييل باقى
| |
|
|
|
|
|
|
Re: انخفاض اسعار الاراضي ..بولاية الخرطـوم .. (Re: luai)
|
ابنة العم والاخت العزيزه لنا مهدى
احوالك والاسره وتحيات خاصه لكم جميعا
طبعا سؤالك انا ما عندى ليهو اجابه شافيه
خصوصا من ناحية الاسعار لكن بقدم ليك النصيحه
وانتى بنت امدرمان العصيه والاجداد الاجاويد
خليك معانا فى امدرمان وارضها الحجريه لان
منطقه كافورى دى كانت مشاريع زراعيه ولحدى
اليوم بتذكر طول البطيخ الكان اطول منى فى
ذاك الزمان وابوى ما كان يدخل البيت الا يجيب
معاهوا شيالى واحسن ليك امدرمان وقرب الاهل0
اخونا العزيز ابو يسرا
الحمدلله نحنا ما من البرجوازين وساكنين قريب
للصالحه وطبعا سؤالك ما محدد ان عندك للبيع ولا
عاوز تشترى ولا تبنى المهم المقدور عليه ما حنقصر
معاك لكن للامانه اخترت مكان سوف يكون حديث الزمان
بعد كبرى العزوزاب والمطار الجديد وربنا يوفقك0
تحياتــــــــى
ســـــــــــيد
| |
|
|
|
|
|
|
Re: انخفاض اسعار الاراضي ..بولاية الخرطـوم .. (Re: luai)
|
الحبيب سيد كيفك و أهلنا الطيبين من لبب للمملكة؟ طبعاً أم در دي العشق الخرافي لكن أبونا متحمس لبحري وبيت أسرتي الكبيرة في بحري برغم أن الأغلبية العظمى من الأهل في أمدر وودنوباوي بالتحديد أها أسعار أراضي أم در كيف؟ خاصة المهندسين ومدينة النيل؟ أبوكي يا سارة العزيز أبو ذر شفتا يا ابو ذر كان أخير ليك أهلك و ناسك و ناس رحمك الروحي أها الجماعة ودوك البحر و رجعوك عشطان...يا مولاي كما خلقتني ولا قطعة أرض حتى؟
| |
|
|
|
|
|
|
Re: انخفاض اسعار الاراضي ..بولاية الخرطـوم .. (Re: luai)
|
العزيز أبو السيد ( بايعيييين )
الأستاذة / لنا
Quote: أبوكي يا سارة العزيز أبو ذر شفتا يا ابو ذر كان أخير ليك أهلك و ناسك و ناس رحمك الروحي أها الجماعة ودوك البحر و رجعوك عشطان...يا مولاي كما خلقتني ولا قطعة أرض حتى؟ |
أولاً أرد لك هذا المفهوم الخاطىء عن الإعتقاد و الإنتماء وهذا الأساس الباطل الذى هد به قادة ( الأمة ) المحدثين بناء الأجداد .. وبعدين ديل ماودوا كل الأنصار البحر وودروهم ( ولا أنا غلطان ) ثم سؤال آخر ( شخصى جداً ) هل علِمتنى يوماً وصولياً أو تافهاً يشترى ويبيع فكره بالمال يبدو أنك يا لنا لم تقرئين وراء السطور .. وبعد .. أجد لك العذر
عموماً من الحكمة أن نحافظ على مواضيع البوستات تقديراً لأهلها
وإن كان هنالك ما يحتاج لنقاش فلتفتحى له بوستاً خاصاً
محبتى
أبوذر
| |
|
|
|
|
|
|
Re: انخفاض اسعار الاراضي ..بولاية الخرطـوم .. (Re: luai)
|
اختنا وبنت عمنا الغاليه لنا مهدى
انا قلت ليك معلومه واحده وهى طبيعة الارض
وبحرى دى رغم حبى ليها الشديد جدا جدا
ولى فيها احباب واصدقاء دراسه لكن ام در
وخصوصا قلعتنا والاجداد ودنوباوى ما بنبدله
بباريس ثم هناك مثل عند سماسرة الاراضى
فى السودان وهى خلاصه للبيع والشراء وهى
الكاش يقلل النقاش ودى الحكمه العاملين بيها
لكن تسمعى تسعيرتى وتسعيرة فلان وفلان كلها ما
تخدم غرض وحضرى فلوسك الارض براها تجيك فى البيت
بعد توزيع اشاعه بسيطه عند سمسار ثم الاسعار
تختلف بالموقع والخدمات وطبقة السكان والبافى
يمكن انتى اعلم0
بس موضوع البحر والعطش دا وضحوها لينا وبعدين
ورونا الحاصل ( سطحتوا بينا) وابو يسرا طلبنا
منو توضيح واديناه فرصه للرد عليه0
اها اخونا ابو يسرا الاراضى فى الصالحه وحسب
الموقع المزكور ما بين 15 الى 20 مليون لكن
اعمل بنصيحة اليبكيك وخليها الان وحتتزكرنى
يوم وتشكرنى وللعلم تخطيط المدن وصل اكثر من
الثلثين يعنى بعد شويه حتقول لمدينة النيل
نحن هنا وكلنا نيل واذا اصصررت البيع انتظر
الاجازات حيكون العائد اكبر ويمكن انا ذاتى
المشترى عندكم شفافيه اكثر من كده0
تحياتـــــــــــــــــــــــــــى
ســــــــــــــــــــــــــــــيد
| |
|
|
|
|
|
|
Re: انخفاض اسعار الاراضي ..بولاية الخرطـوم .. (Re: luai)
|
اخونا العزيز الزول الماهين
شكر كثبببببر على التثنيه
لكن حاثى بشكله من بعيد او
تقاطع بين اختى وبنت عمى
لنا مهدى واخونا ابو يسرا
وطبعا انا فكرت انهم جيران
عشان الجيران اول ما يجوا
يبنوا يتشاكلوا بس بعد السكن
وتداخل الاولاد تلقاهم نسايب 0
الهم فرج الكرب0
تحياتــــــــــــــــــــى
ســـــــــــــــــــــــيد
| |
|
|
|
|
|
|
Re: انخفاض اسعار الاراضي ..بولاية الخرطـوم .. (Re: luai)
|
اخونا الزول الماهين
شنو التنفيسه الكبيره دى والله عيشتنا فى
سقف البيت المنتظرنا وحركت شجونا لانهاء
الدور العلوى0
كدى وضح لينا الشغل دا وين لانى اول قلت
دا بيتك لقيتو كم دور قلت اخونا الماهين
عمل عماره جديده ولا شنو المهم حقتك ولا ما
حقتك مبروك عليك وعقبالنا0
تحياتــــــــــــــى
ســـــــــــــــــيد
| |
|
|
|
|
|
|
Re: انخفاض اسعار الاراضي ..بولاية الخرطـوم .. (Re: سيد محمد احمد سيدنا)
|
العدد رقم: 231 2006-06-27 انتعاش سوق الأراضي بعد ركود دام ستة اشهر وارتفاع أسعارها بنسبة 15%
الخرطوم: السوداني
ارتفعت بصورة واضحة خلال اليومين الماضيين أسعار الأراضي بولاية الخرطوم بما يوازي الـ15% بعد ركود شهده السوق بدأ مع بداية هذا العام. وتزامن هذا الارتفاع مع بداية وصول أفواج المغتربين في موسم الإجازات السنوية، وتشير توقعات العاملين في أسواق العقارات والأراضي الى أن يشهد السوق انتعاشاً جديدا.
وأفاد (السوداني) سليمان عبد الحكيم سمسار أراضي بمنطقة الخرطوم بحري، أن أسباب ركود سوق الأراضي في الفترة الماضية يعود لأسباب متعددة، منها كما قال عمليات التزوير التي حدثت من قبل بعض السماسرة عند إكمال عمليات بيع بعض الأراضي، مبيناً أن هذا السبب دفع سلطات الأراضي إلى إيقاف التواكيل الخاصة بالبيع والشراء والتسجيل، وأضاف إن الأراضي المعروضة للبيع من أصحاب الخطط الإسكانية المختلفة ساعدت على الركود وأدت إلى انخفاض الأراضي في وقت سابق بصورة حادة، وأبان أن عددا من أصحاب المنازل بمراكز المدن المختلفة عرضوها للبيع وفضلوا مواقع أخرى أكثر اتساعاً مثل الدروشاب والحاج يوسف ومناطق الكلاكلات المختلفة.
وأضاف سليمان: حالياً تمثل امتدادات جبرة بالخرطوم وبمختلف درجاتها أغلى الأسعار، تليها منطقة الصافية بالخرطوم بحري ومنطقة الأزهري بالخرطوم والمهندسين بأم درمان ، مشيراً إلى أن أسعار الأراضي بمربعات كافوري المختلفة شهدت تراجعاً واضحاً.
وقال إن عددا كبيرا من المواطنين أصبح يفضل السكن بالشقق الجاهزة التي دخلت مجال المنافسة وتعمل فيها شركات كبرى وبتمويلات وتسهيلات مختلفة، مبيناً أن كل هذه العوامل كانت وراء الركود الذي شهده سوق الأراضي بولاية الخرطوم. وتوقع سليمان أن يستعيد سوق الأراضي نشاطه مجدداً خلال الثلاثة أشهر القادمة.
http://www.alsudani.info/index.php?type=3&id=2147506544&bk=1
| |
|
|
|
|
|
|
|