|
|
 الفـــــ( الرجاء التسجـــــيل هنا) ــــــلاتة
|
هذا بوست لكل الفلاتة في المنبر ...
الرجاء التسجيل هنا ...
الى كل من .. اواوي فلفلدي ، اواوتا فلفلدي ....
ترجمة : من يتكلم الفولاني ، ولايتكلم الفولاني...
نموذج التسجيل :
الاسم : _____________________________
المنطقة: ___________________________
أتحدث اللغة الفولانية: نعم لا غيره من اللهجات : أذكر _______
الاقامة الحالية: ____________________
المهـــــنة: _______________________
سوال المسابقة : ما معنى كلمة سوباجو ....
ودمتم فلاتة السودان .....
|
|
 
|
|
|
|
|
|
|
 Re: الفـــــ( الرجاء التسجـــــيل هنا) ــــــلاتة (Re: فيصل محمد خليل)
|
استاذي فيصل ...
اول مرة اشوف لي فلاتي من حلفا ...
لكن ذكرتني موقف ... في الخدمة اللإلزامية ... مشيت عشان املى ارنيك ايه كدة ما عارف ...!!
قام العسكري سألني :
1- الاسم : فلان الفرتكاني ...
2- تاريخ الميلاد : كذ كذا ...
3 - مكان السكن : وين وين ...
4 - مكان الميلاد: شندي ....
5- القبيلة: فلاتي ...
قام صاحبنا ... يازول احترم نفسك ...
قلتليه ياخوي ... مالك ... اكتب ...
قالي: ياخوي انت جاي تهظر ولة شنو؟؟؟
قلتليه مالك ياخينا ....
قالي: فلاتي و مولود في شندي ... ثم ثانياً دي خلقة فلاتة .. انت جاي هنا تهرج ..
قلتليه ياخينا أكتب الانت دايرو ... بس خارجنا ...
قام كتب جعلي ....
و تسلم يا ايستاذنا فيصل ...
و التحية لأهلنا في حلفا كلهم ...
| |
|
|
|
|
|
|
|
|
|
Re: الفـــــ( الرجاء التسجـــــيل هنا) ــــــلاتة (Re: Sobajo)
|
سوباجو أو كما قيل ،،
سنو ، لافية ، لافية كلو
خايفين واحد يقول لينا (مكيجيسو):
كناعايزين نسجل لكن قلتو الشايقية بالذات يمتنعوا ، ونحن شايقية بالذات والله ، لكن ما تتصورو حبنا لعيال الكي ، أخوانا عدييييييييييل وجيرانا ،، أبكر ، يوسف ، وآدم وزكريا ديل إيال الحاج (عيسى)، وكمان جيرانا شوأيبو (شعيب) ، وأليكو ويحيى الله يرحمو
يحدونا كبير الأمل في الإنضمام ،
لو في لحظة غيرتو اللائحة ، أدعونا بالله عليكم ،
| |
|
|
|
|
|
|
|
|
|
Re: الفـــــ( الرجاء التسجـــــيل هنا) ــــــلاتة (Re: عبد اللطيف بكري أحمد)
|
سنو .. إنا وني .. إنا قاجيا
تحياتي لك سوباجو ..
أقرأ هذه الأيام في كتاب ممتع بحق إسمه ( الغرابة ) و هو يتحدث عن القبائل ذات الأصول الغرب أفريقية في السودان للدكتور / عبد الله عبد الماجد .. و قبله قرأت كتاب الفلاتة الفولانيون في السودان لدكتور / بدين ..
حقيقة بقراءتي في هذين الكتابين صدقت المثل الذي يقول ( الما بعرفك يجهلك ) فالفلاتة الذين لم نكن نعرف عنهم شيئا هم أهل حضارة و دين و قوم جد و نشاط و رجال حوبة و أهل فزعة و الإنتماء إليهم مصدر فخر حقيقي .
و في الكتابين المشار إليهما قرأت أن معظم قبائل السودان و خاصة قبائل السودان الشمالي على صلة قربى بالفلاته ..
لذا فإنه من دواعي سروري أن نجتمع معاً على صعيد الوحدة و الخير و الإنتماء لسودان يسعنا جميعاً ..
| |
|
|
|
|
|
|
|
|
|
Re: الفـــــ( الرجاء التسجـــــيل هنا) ــــــلاتة (Re: عصام دهب)
|
| Quote: أسجل إعجابي بقبيلة الفلاتة وأبناء الفلاتة لأنهم رمز للهمة والنشاط (الشخص الكسول ليس فلاتيا حرا) والإنجاز.. ولأنهم رمز للتسامح والاندماج المجتمعي. |
نتواجد في كل دعوة الى ابناء السودان الواحد بمختلف قبائلهم واعراقهم وانتمائاتهم وميولهم ، انه السودان انه الوطن انه الاهل و الارحام ...
سودانيون نعم نحلم بوطن حر ديمقراطي تذوب فيه كل النعرات القبيلة و الجهوية نعيش من اجل فكرة ومن اجل الارض الحبيبة و التاريخ ونموت دفاعا عن هذا السودان الذي رغن المآسي يجري مجرى الدم في العروق ..
لم اندهش لوجود الاشقاء الاماجد / عبد اللطيف - وعصام دهب
فهم من ابناء المدينة العروس ذات المجتمع المثالي الذي يجسد التألف و التوادد و التراحم ..
وفي شرق المدينة العروس يقع اكبر الاحياء على الاطلاق (حي فلاته) هذا الحي العريق غالبية ساكنيه من قبيلة الفلاتة الذين يتواجدون ايضا في بقية الاحياء السكنية ... اخوة صادقة مشاركة فعالة جدا في كل النشاطات الثقافية و السياسية والرياضية من منا لم يعشق فريق الربيع لكرة القدم او اكروبات الربيع وغيرها من النشاطات الرياضية لهذا النادي الذي اسسه ابناء الفلاتة واصبح للجميع وهذه هي الفكرة ...ان تذوب كل المسميات ونبقى سودانيون فقط ؟؟
ودمتم
| |
|
|
|
|
|
|
|
|
|
Re: الفـــــ( الرجاء التسجـــــيل هنا) ــــــلاتة (Re: Sobajo)
|
شكرا يا سوباجو على الإستثناء ، وأنا بعتبر طلبي قبل وسأباشر فلاتيتي بكل الحرية وأتفضلو مأنا قورو وقدوقدو وبعدها شية عند ((يبا))تنطق YIBA أو أقاشيه عند ميكائييل،،
وشكرا يادهب يامطنشنا ،
سؤال للفلانتة : لو قامت حرب بين السودان ونيجريا حتكاتلو مع منو؟
1- أذكر في أواخر السبعينات (لو كنت مولود ياعصام دهب) كان في جولات للمصارعة الحرة الأمريكية في مدن سودانية عديدة ، وكان أن أقيمت المصارعة في ملعب دار الرياضة بالأبيض ، وكان فيهم مصارع نيجيري فنان لدرجة بعيدة ووسيم جدا ما بيشبه ناس كدرشة حقينا ديلً ، المهم تغلب على كل المصارعين الامريكان وهزمهم في أداء إستعراضي راقي وبكل خفة ورشاقة وكان يتلقى منهم التحايا والإعجاب.
بعد المصارعة تمنينا وقتها أن تنشق الأرض وتبلعنا : الفلاتة عملو مظاهرة عديلة من الاستاد لفريق فلاتة عذبونا عذاب وهم يهتفون : ((الماشاف نيجيريايجي يشوفو هنا ))،، ((دوان داون يو اس ايه)) (في إشارة للمصارعين الامريكان)،،
في تلك اللحظة حسينا انو أخوانا ديل قاعدين عندنا موقتاً وحيمشوا طالما ظهر التعصب بتاعهم لنيجيريا بهذا الشكل ، لكن تاني يوم وحاتك محل تخت رجلك في زريبة المحصول ولا رصيف السكة حديد مافي !!! رجعو لشغلهم وكأن لم يكل لنيجريا أمجاد بالأمس.
2-كان عندنا أستاذ لغة انجليزية بالأبيض الثانوية له قولة مشهورة عن هجرة الفلاتة إلى السودان :
FALATA WERE COMMING KADARI FROM KAZONA IN ORDER TO SEE KABBA. WHEN THE FOUND MIRNO , THEY SETTLED AND NEGLETED KABBA FOR EVER
لهذا الكلام 30 سنة ومافوق ، فكل الذين ولدو بعد هذا التأريخ ليست لهم أي أحلام بأي وطن بديل وهم بكل تأكيد إضافة غنية وثرة لفسيفساء هذا السودان العظيم.
| |
|
|
|
|
|
|
|
|
|
Re: الفـــــ( الرجاء التسجـــــيل هنا) ــــــلاتة (Re: عبد اللطيف بكري أحمد)
|
Quote: سؤال للفلانتة : لو قامت حرب بين السودان ونيجريا حتكاتلو مع منو؟
|
ياخوي يا عبد اللطيف ...
مرحب بيك يا رائع وسط قبيلة الفلاتة ....
و بالمناسبة قصة أهلنا قصة جميلة ..
انحنا فولان من نيجيريا ...
و جدي أبو الوالد رحمة الله عليهما ... قدم من نيجيريا مشيا على الارجل ( كداري) لأداء فريضة الحج...
وبعد أداء الفريضة ،،، مرو على النيل الازرق ولقو البلد جميلة و استقروا الى يومنا هذا ...
ولدينا أهل لنا في مايرنو الى يومنا هذا لا يصلون الجمعة في جماعة ... (صلاة الظهر فقط) ..
و يعزون ذلك الى أنهم لم يصلوا بعد الى مطلبهم ... وهو الحج الى بيت الله ...
فبالتالي لا زالو على سفر ... و المسافر لا تجب عليه صلاة الجمعة ...
هذا ناهيك عن صوموا لرويته ... و افطروا لرؤيته ...
لدي صديق ... قالي لو ما أهلك ديل فكرو في الحج كان هسع بقيت اموكاشي ... لاعب وسط في الفريق القومي النيجيري ....
و الله يهدي ... أهلنا الفلاتة ديل بمسكو في الدين مسك شديد ... ما عادي ...
و بالنسبة لموضوع الحرب بين نيجريا و السودان .. فتأكد عزيزي انني سأكون صفاً واحدة مع وطني الحبيب ... فهو الوطن الما بتبدل ولا بتحول مهما كانت أصولي ... و الميزة اني فلاتي سوداني ..
ارطن الفلفولدي ... و أستظل بسماء السودان الذي يجمع الشهامة ... و الكرم ... والخصال الما بتتلقي كان في نيجيريا ولا في امريكا ذاتها ....
و دمتم ...!!!
| |
|
|
|
|
|
|
|
|
|
Re: الفـــــ( الرجاء التسجـــــيل هنا) ــــــلاتة (Re: Sobajo)
|
| Quote: لأنو مكسر في فلاتية و أبت ليه .... |
احي انا
انا برضو الابت لي الفلاتية ؟؟؟؟
يا راجل؟؟؟
ما مشكلة
شايقي بي شلوخي وكباية الشاهي اللتي
ماني دايرلي لما معاكم
دحين بقيف هناااااااااك واتفرج
بس اوعاك ما تتاورني
وتقولي تعال اشترك
والازمة الهولتك دي
الله يسوي لك منها معبر ساي
| |
|
|
|
|
|
|
|
|
|
Re: الفـــــ( الرجاء التسجـــــيل هنا) ــــــلاتة (Re: Sobajo)
|
اخي سوباجو
اولا احي جهودك الرائعة جدا في التلفزيزن القومي وحقيقة برنامجك ناجح جدا وانت تقدمه بشكل سهل وسلس واحترافي نال رضا واستحسان المختصين من الزين اعرفهم
وعبرك احي اهلي الفلاته وخاصة فلاتة كسلا واصدقائي الاعزاء جدا في منطقة سيفاوا
| |
|
|
|
|
|
|
|
|
|
Re: الفـــــ( الرجاء التسجـــــيل هنا) ــــــلاتة (Re: Sobajo)
|
| Quote: اولا احي جهودك الرائعة جدا في التلفزيزن القومي وحقيقة برنامجك ناجح جدا وانت تقدمه بشكل سهل وسلس واحترافي نال رضا واستحسان المختصين |
يا سوباجو
كدي اعرب ما تحته خط
برنامج شنو دا؟؟؟ من ورانا ولا ايه؟؟
ولا يمكن داير تاكل حقي في اكتشافك؟؟؟؟
| |
|
|
|
|
|
|
|
|
|
Re: الفـــــ( الرجاء التسجـــــيل هنا) ــــــلاتة (Re: Sobajo)
|
انا زعمتك و اديتك هذا اللقب --- ما داير الزعامة و لا شنو؟
بالمناسبة اذا كان عندك بحث الدكتور عبدالله عبدالماجد نزلو لينا
فى العديد من قرى ا لجزيرة و الخرطوم توجد مجموعات انصهرت انصهارا كاملا فى مجتمعات تلك القرى هذه المجموعات القبلية تسمى بالحجاج و يقال بانهم اصلا فلاته كانوا فى طريقهم للحج و قد تخلفوا و طاب لهم المقام بتلك القرى
| |
|
|
|
|
|
|
|
|
|
Re: الفـــــ( الرجاء التسجـــــيل هنا) ــــــلاتة (Re: Mohamad Shamseldin)
|
Quote: انا زعمتك و اديتك هذا اللقب --- ما داير الزعامة و لا شنو؟
|
و الله ده شرف كبير ... لكن في البورد ده ساكت .. في ناس أفلت مني ... بس مادايرين يرفعو ايديهم ساكت ... و يقولو هديل نحنا ....
و بالنسبة لموضوع البحث ما موجود عندي و الله ... و ياريت لو في أي مادة موجودة ينزلها لينا هنا ...
عندي مواد مطبوعة كتيرة بس في الديار ... تتحدث كلها عن الاصول من الجزيرة العربية و الاندلس و شمال أفريقيا ... و اصل الفولان و علاقتهم بالهوسا ... و علاقة عقبة ابن نافع بالفلاتة ...
ولكن للأسف كما ذكرت كلها بعيدة عني الان ...
و لكن لو في اي بوردابي عندو مادة فيطيب لنا أن يستفيد منها الجميع و انا أولهم ...
و باقي الفلبي المتدسين ... يرفعو ايديهم عشان نديهم الزعامة الداير اخونا محمد شمس الدين يدبسني فيها ...
و دمتم ..
| |
|
|
|
|
|
|
|
|
|
Re: الفـــــ( الرجاء التسجـــــيل هنا) ــــــلاتة (Re: Sobajo)
|
Fulani are a nomadic peoples who have been influential in regional politics, economics, and histories throughout western Africa for over a thousand years. They played a significant role in the rise and fall of the Mossi states in Burkina and also contributed to the migratory movements of people southward through Niger and Nigeria into Cameroon. They were also responsible for introducing and spreading Islam throughout much of western Africa. The height of the Fulani empire was between the early 1800s and early 1900s. This power was consolidated under Usman dan Fodio and was centered in northern Nigeria. Dan Fodio was a devout Muslim who used religious fervor to ignite his troops to undertake a series of holy wars. Following the early success of Islamic warriors, non-Islamic Fulani joined ranks with their fellows to form an extensive and powerful empire.
http://www.uiowa.edu/~africart/toc/people/Fulani.html
| |
|
|
|
|
|
|
|
|
|
Re: الفـــــ( الرجاء التسجـــــيل هنا) ــــــلاتة (Re: Sobajo)
|
Quote:
اسمع( فلاتة عرب )...ما بنفع معاكم؟؟؟؟
(وفلاتة ارب) دي علي وزن (افغان عرب)....
ادونا القرين لايت وبعدين نوريكم ....الحاصل شنو...!!!!!!!
وسوباجو يعني صديقي بلغة الفلفلبي... |
سوباجو شنو عامل لي غتاتة الفلاتة دي وما عاوز ترد....
اسمع جيب قلم وورق...وسجل
عبدالكريم الامين.....ودهاشم ملي..دوحة قطر...من عمق تمبكتو...
كنا عاوزين نسجل ليك زي مئة من..(الفلاتة عرب)...لكن غتاتك دي طيرتم..!!!!
عموما مرحب بيك ..(وكني باني...)
تم التسجيل .....شكرا
| |
|
|
|
|
|
|
|
|
|
Re: الفـــــ( الرجاء التسجـــــيل هنا) ــــــلاتة (Re: Sobajo)
|
الاخ سوباجو
آكوي هوسة؟
خلينا نبعد شوية عن السياسة ودوشتها ونرجع تاني لاحبتنا الفلاتة.
طبعا اهلنا في السودان لا يفرقون بين الفلاتة "الفولاني" والهوسة وكلهم عندهم فلاتة .. قبائل الفلاتة يغلب عليهم لون البشرة الفاتح وليس الاسود الداكن وتشبه الي حد كبير سحناتهم وتقاطيع وجوههم قبائل الجزيرة العربية منهاالافريقية واذكر انه كان لي صديق عزيز ايام الدراسة في جامعة الخرطوم كان من قبائل الفلاته "فلاتي يعني" ولون بشرته فاتح خالص ولم اكن اعرف وقتها انه من الفلاتة وكنا نتناقش عن الفلاتة فقال لي ان الناس في السودان لا يفرقون بين قبائل الفلاتة والهوسة وكلهم يعتبرون فلاتة وقال لي كنت اتناقش مع احد الاصدقاء عن الفلاتة في السودان واصولهم واخذ يتجادل معي هذا الصديق في شانهم فقلت له :هل تعلم انني انا القدامك دا فلاتي؟؟ فقال لي صديقي "كدي بالله ما تهظر  " وبيني وبينك يا سوباجو انا زاتي كنت عاوز اقول ليه "ما تهظر"
واذكر ان احد الطلبة النيجيرين في السودان والذي كان يدرس بجامعة افريقيا العالمية كان قد اجرى التلفزيون السوداني لقاءا معه وساله مقدم البرنامج عن اطرف موقف مر به في السودان فقال له صاحبنا النيجيري انه حينما جاءه القبول للدراسة في جامعة افريقياالعالمية بالسودان كان بنيجيريا ولم تكن له اي معرفة بالغة العربية علي الاطلاق وكان له صديق مخلص سوداني يثق به كثيرا يعيش معهم بنيجيريا .. قال ذهبت اليه وانا فرحا واخبرته انني سوف اسافر الي السودان للدراسة واريد منك ان تخبرني ماهو الشئ الذي يسال عنه السودانيون علي الدوام وكيف اجيب عليهم ان سالوني عنه .. قال لي صديقي السوداني سوف اخبرك بالشئ الذي يسال عنه دائما السودانيون وسالقنك الاجابة عليه .. وبالفعل حفظت السؤال والاجابة عن ظهر قلب كما علمني لها صديقي السودني .. وبالفعل حينما حضرت الي السودان وركبت عربة التاكسي من مطار الخرطوم كان اول ما سالني عنه صاحب التاكسي هو بالضبط ما ذكره لي صاحبي السوداني وقمت بالرد عليه فورا و سريعا كما لقني لها صاحبي السوداني وكانت المفاجاءة لي ان صاحب التاكسي صار يضحك ويضحك باعلي صوت ولم ادري وقتها ماالذي يضحكه هكذا؟؟ .. فساله مقدم البرنامج وما السؤال الذي سالك له صاحب التاكسي ؟ فقال النيجيري كان هو بالضبط كما ذكره لي صاحبي السوداني وهو : كيف الحال؟ فقال له مقدم البرنامج وبماذا اجبته؟ قال النيجيري بالضبط كما لقنني صاحبي السوداني الاجابة وهي : انا خلاص جنيت ولي باب الريدة سديت!!
وبصراحة كدا يا سوباجو الفلاته ديل احبتنا وريدتنا .. وكلنا فلاتة حتي ولو باللفة زاتو.
وعندي ليك نكت وطرائف كتيرة عن اهلنا الفلاته بس ما يقوموا يطلعونا برة البلد.
| |
|
|
|
|
|
|
|
|
|
Re: الفـــــ( الرجاء التسجـــــيل هنا) ــــــلاتة (Re: Sobajo)
|
من أطرف المواقف التي مرت بي و انا في الجامعة ...
كنا في رحلة ... وجلسنا جميعا في دائرة و اخذ كل منا يروي نكتة عن احد القبائل ...
و بعديها جات سيرة القبائل ... و كل واحد يسألوه يافلان انت قبيلتك شنو ...
يرد هذا ... محسي ... دنقلاوي ... شايقي ... باطابي ... و كان مديرة الاسئلة حنكوشة من بنات الشهادة العربية ...
و كنت جالسا بجانبها ... فجأة وجهت لي السوال ... و انت يابيلو ... قبيلتك شنو ...!!
فأجبت بكل بساطة ... ((فلاتي)) ...
فقالت في إحراج ... انت زعلت ولة شنة يا بيلو ..!!!؟؟؟
فنفجر الحاضرين بالضحك ... لأنو كلهم كانو عارفين اني فلاتي الا هي ...
و اعتبرت انو انا زعلت من السوال ...!!
ولي عودة ..!!
| |
|
|
|
|
|
|
|
|
|
Re: الفـــــ( الرجاء التسجـــــيل هنا) ــــــلاتة (Re: أحمد)
|
وحياتك يا احمد ... البنية دي لحدي ما كملنا الدراسة في الجامعة ...
وهي متحسسة مني .. و ما مصدقة ...!!
الفــــلاتة
فلاتة لقب يطلق على قبائل الفلاني التي هاجرت الى السودان في حقب متتالية ويرجع بعضها الى منتصف القرن الخامس عشر الميلادي منذ عهد دولةالداجو والتنجر في سلطنة الفور ( 1445 – 1875) التي شجع سلاطينها هجرة العلماء الى دارفور لانشاء الخلاوي وتعليم القرأن الكريم وبذلوا لهم العطاء مما أغرى الكثيرين من العلماء من أفريقيا ومصر والمغرب والحجاز للهجرة لدارفور وترجع هجرة بعض فلاتة دارفور الىهذه الفترة . وقيل أن لقب فلاتة أطلقه عليهم جيرانهم الكانوريون وأختلف النسابة في أصلهم فيرجعهم بعضهم الى العرب والى فلات بن عقبة بن نافع ويصلونهم بأبي بكر الصديق . وتنسبهم بعض روايات النسب السودانية الى دولة بن حسن كردم الذي تنتسب اليه مجموعة كبيرة من القبائل الغير عربية .
ويطلق لفظ فلاتة في الاصطلاح العامي على كل من هاجر من غرب أقريقيا أو من نيجيريا بالذات بما فيهم الهوسا والفولاني والبرنو والبرقو في حين أن اللفظ أصلاً مقصور الى الفلاني من سكان غرب أفريقيا . وهناك في دارفور قبيلة بعينها تسمى الفلاتة أصلهم من الفلاني أستقروا في جنوب جبل مرة في دار فلاتة وعاصمتهم ( تلُس ) ولهم نظارة خاصة بهم ناظرها الحالي الشيخ أحمد السماني وقد أختلطوا بالبقارة وتزاوجوا منهم ويتحدث معظمهم العربية ويعيشون مثل البقارة بعضهم بادية وبعضهم مستقر ودخل في القرن الثامين عشر علماء من الفلاني من فوتا جالون وتبعهم أقوامهم بماشيتهم منهم مالك الفوتاي حفيد السلطان عثمان بن فودي ومنهم التمر والفلاني من شمال غرب أفريقيا وابو سلامي والفقيه سراج وكان لهم الفضل في نشر المذهب المالكي ونشر قراءة ورش تعليم الخط المغربي السوداني . وأنعم العهد التركي على بعض الفلاتة بدارفور لقب البكوية واسند لهم مهاماً إدارية مثل جار النبي بيك وتيه خليل بك وعباس بك وجلال الدين بك . وقد أصهر بعضهم الى سلاطين الفور مثل الشيخ محمد أبراهيم عيش الذي عاصر السلطان محمد الفضل ( 1801-1839) وكان من المقربين اليه فزوجه ابنته الميرم اما فولدت له ادريس الشنة الذي اصبح وزيراً في عهد خاله السلطان محمد الحسين ( 1839-1874) وكان صديقاً للوزير احمد شطة الفورقاوي الذي قتله الزبير في معركة شكا . ولمحمد ابراهيم عيش تسعة اولاد . تزوج ابنه جلال الدين بنت السلطان محمد الحسين وعندما اضطربت الأمور بشمال دارفور رحل محمد أبراهيم عيش بكامل أسرته الى جنوب دارفور واستقر بعضهم الأخر غربا بمنطقة دجاج . أما الفلاتة بشمال دارفور فأنتشروا في منطقة أبو حمرة شرق الملم وحوالي جبال عفارة وتقالو جنوب جبل حريز . أما أسرة مالك الفوتاوي فأستقرت بالفاشر وكريو وبركة وغرب الفاشر والشرفة وكتال وخزان جديد رأس الفيل ومسرة جنوب بروش . وتعتبر كريو عاصمة الفلاتة منذ القدم وهي مقر للعلم تعلم فيها السلاطين وأحفادهم . وحاضرتهم اليوم تلس بجنوب دارفور حيث نظارة عموم الفلاتة بزعامة الناظر أحمد السماني ابشر . وتحد بلاد الفلاتة من الشرق بدار الهبانية ودار مسالات . ومن الشمال الشرقي بدار المراريت ومن الغرب بدار التعايشة ومن الشمال بدار قمر وبني هلبة ومن النوب بدار ابو درق وينضمون لمحافظة برام . ويطلق على الفلاتة بجنوب دارفور الفلاتة العروبية .وهم بقارة يعيشون وسط بقارة يرتحلون مثلهم بماشيتهم الى الشمال صيفا والى الجنوب شتاء حتى بحر العرب ولهم ثروية حيوانية ضخمة وأشتهروا أيضاً بتربية الخيول . ولهم عاداتهم وتقاليدهم ومنها عدم تزويجهم لبناتهم من خارج مجموعتهم إلا ما ندر إذ اندمجت فيهم فروع من التعايشة والجعافرة وأصبحوا منهم . وينقسم فلاتة جنوب دارفور الى فرعين رئيسين :
1) الايكا ولغتهم العربية فقط ولهم عشرة بطون هي : أم عثمانة – جوبا – فطمة – اولاد يحي – حجاج – نقرة – كيسو – اولاد الشيخ – اولاد عيش –جعافرة اولاد همام .
2) الإيبا ويتحدثون بلغة الفلاني فقط ولهم سبعة بطون هي : لوي – كانمو – إبائن –أسوجي – وارة – قلة هليجي – برورة .
| |
|
|
|
|
|
|
|
|
|
Re: الفـــــ( الرجاء التسجـــــيل هنا) ــــــلاتة (Re: Sobajo)
|
هههههههههههههههههههه
1223
هو عدد الزوار للبوست و المسجلين لا يفوق اصابع اليد الواحدة ...
هل كل الداخلين من الفلبي و يخجلون من ذكر ذلك ...
ام ان الفضول هو الدافع ...
مع ان العنوان واضح ( الفلاتة الرجاء التسجيل هنا ...)...!!
احترامي وودي ..!!!
| |
|
|
|
|
|
|
|
|
|
Re: الفـــــ( الرجاء التسجـــــيل هنا) ــــــلاتة (Re: Sobajo)
|
ألأستاذالرائع/ sobajo
ســـلامات
اوقع بل ابصم بالعشرة و أعلن انضمامى
طبعا الجواب يكفيك عنوانو ,,,,
انا فلاّتى من محافظة (تلس) بضم التاء و الام
وهى تقع جنوب شرق حاضرة مدينة نيالا
افهم القليل من اللغة الفولانية و لكنى
لا استطيع ان اجاوب طبعا من مواليد امدرمان
نسبة لتواجد ألأسرة فى الخرطوم ,,,
افخر بأنتمائى لهذه القبيلة العريقة
و كمان اديك معلومة أن الناظر احمد السمانى
ناظر عموم الفلاته فى السودان هو عمى
اشكر لك هذه الدعوة للتلاقى عبر الفضاء السايبرى
حتى نتعارف اكثر و احسب ان ابناء الفلاته هم كثر
بيننا و لكنهم يتاورون خجلا ولى مواقف كثيرة فى
هذا الخصوص سوف اقوم بكتابتها عبر هذا البوست لاحقا
الفولانى
| |
|
|
|
|
|
|
|
|
|
Re: الفـــــ( الرجاء التسجـــــيل هنا) ــــــلاتة (Re: عوض الله الفولانى)
|
أخي عوض الله ...
حبابك الف و شرفت البوست ،
وطالما انتظرت مداخلتك هذه ، فقد مررت على الكثير من مشاركاتك ..!!
ولم اظن بك يوما ان تكون من المتوارين .. خاصة مع الجواب الظاهر من عنوانو .....
Quote: احسب ان ابناء الفلاته هم كثر
بيننا و لكنهم يتاورون خجلا ولى مواقف كثيرة |
هي حقيقة يا اخي ...
و انا في انتظارك ...!!
و دمتم ...
| |
|
|
|
|
|
|
|
|
|
Re: الفـــــ( الرجاء التسجـــــيل هنا) ــــــلاتة (Re: Sobajo)
|
السلام والشوق اليك استاذى
فلا تستغرب على انك استاذى وحتى لو اخفيت نصف وجهك الاخر فبالاحساس اعرفك جيدا
يامن علمنتنا معنى الاناقه الا نشغل فى زاكرتك حيز 1kb الم تعرفنى بعد وانا الذى اعرف عنك
مايجهله كل اهل المنبر
لك الاحترام اينما كنت سواء كنت فى السويد او مليزيا او _____ فهل عرفتنى ايها الاستاذ
الجليل ؟
فقدناك نحن وهم فقدو كل شى من بعدك ايها الانيق
لك ودى وعابق حبى ( تلميزك )
| |
|
|
|
|
|
|
|
|
|
Re: الفـــــ( الرجاء التسجـــــيل هنا) ــــــلاتة (Re: يوسف سعد)
|
حبابك يوسف سعد ...
قمت بكحت ذاكرتي كي اربط اسمك بشخصية يمكنها ان تصفني بما ليس بي كما تكرمت ..!!
ولكن للأسف لم تسعفني الذاكرة ...
أرجو ان تتوفر في شخصي الضعفيف جزءً من ما ذكرت اخي يوسف ...
بداية من الاستاذية ومرورا بالكلمات الرقيقة التي وصفت شخصي الضعيف بها ...ّّّ!!
ولك الود و الاحترام فمرورك كان غاية في الاناقة ..!!!
و دمت ..!!!
| |
|
|
|
|
|
|
|
|
|
Re: الفـــــ( الرجاء التسجـــــيل هنا) ــــــلاتة (Re: Sobajo)
|
 " target="_blank">http://[url=http://www.7wy.com][/URL]هل فى ذاكرتك هذه الدفعه ياسعادة رئيس وحدة المشاريع باعظم كلية فى السودان فى تدريس العلوم الحاسوبيه (كمبيوتر مان ) عرفت لماذا قلت انهم فقدوك ؟ ( بعدك الفريق اصبح خلا ...)
اتمنى ان تكون خير معين لى فى حياتى انا الان فى ( قطر ) و درست كورسات غرافيك وخدع بصريه وبرنامج ( مايا) واعد العد الى الرجوع وغزو السودان فهل عرفتنى ايها الجليل.....؟
| |
|
|
|
|
|
|
|
|
|
Re: الفـــــ( الرجاء التسجـــــيل هنا) ــــــلاتة (Re: يوسف سعد)
|
العزيز/ يوسف ...
الشكر مرة اخرى على تكرار المرور ..!!
كان يكفي ان تقول انك الرجل الوقور في دفعة الـ DIT ، كي اتمكن من نفض الغبار عن ذاكرتي الخربة ...
اخبارك و اخبار انجازاتك مع قناه الجزيرة نتابعها ....!!
فليكن الحظ بجانبك و التوفيق ...!!!
و دمت ..!!!
| |
|
|
|
|
|
|
|
|
|
Re: الفـــــ( الرجاء التسجـــــيل هنا) ــــــلاتة (Re: humida)
|
و الله حمد لله بالسلامة يا بوحميد ..
شرفت البوست و الله ...
انا قلت امكن تكون عنصري و قاطعت البوست ده ...
لكن بركة الشفناك طيب ..!!
قلتلي يوسف منو ..
ياخو اطمن ما يوسف جمال ...
ده صديق عزيز علينا جدا ، و تلميذ من تلامذتنا ...
و حمد لله بالسلامة تاني ...!!
و اخير ليك تصلح علاقتك بالفلاتة ...!!
| |
|
|
|
|
|
|
|
|
|
Re: الفـــــ( الرجاء التسجـــــيل هنا) ــــــلاتة (Re: Sobajo)
|
العزيز دوما سوباجو
سلامات
طبعا حسب وعدى لك بأن لى عودة لهذا البوست الرائع و الذى اشتم فيه رائحة التئالف
و ألأخاء و دعوة للترابط المفقود هذه ألأيام , المواقف كثيرة فيها المضحك و المبكى
و احسب ان ألأخير اكثر من ألأول عموما كنت وقتها شرطى و نقوم نحن من المنضبطين فى
الدفعة حيث تم اختيارنا لدورة فى قانون الجنسية السودانية و الذى يعتبر من اصعب
القوانين فى العالم نسبة لأختلاف ألأعراق و الثقافات المهم كانت لى صداقات كنت فاكر
انها متينة من دفعتى و لكن اكتشفت انها كانت علاقة هشة بل عابر اكتشفتها بعد خروج
استاذ المادة الذى كان وقتها فى رتبة عقيد قال فى احدى الحصص اننا فى ادارة الجوازات و الهجرة نمنح الجنسية السودانية لطالبيها من قبيلتين سودانية دون شهود و هم النوبة
و الفلاته ,,, و سأل ( هل بيننا فلاتى ) فوقفت و قال لى : انت من تلس أم من السوكى
فقلت له انا من محافظة تلس فقال الحمدلله ان بيننا مثال حى لما كنا نتحدث عنه فى الدرس
و لكن للأسف اصدقائى لفظونى و ابتعدو عنى بمجرد انهم عرفو حقيقتى تحسرت و ندمت و
وقتها فقط تيقنت ان بيننا فئة لديهم انطباع خاطىء عن قبيلة الفلاتة العريقة حاولت
بقدر المستطاع بأن اعكس الوجه الحسن لقبيلتى فقمت بعمل معرض تراثى للقبيلة و لدارفور
فى بيروت بمشاركة بعض ابناء دارفور و كان ناجحا .
الفولانى
| |
|
|
|
|
|
|
|
|
|
Re: الفـــــ( الرجاء التسجـــــيل هنا) ــــــلاتة (Re: عوض الله الفولانى)
|
الرائع بروعة حضوره الدائم ... أخي عوض الله ...
Quote: من قبيلتين سودانية دون شهود و هم النوبة
و الفلاته ,,, |
معلومة و الله ...!!!
| Quote: لكن للأسف اصدقائى لفظونى و ابتعدو عنى بمجرد انهم عرفو حقيقتى |
ما نلوك الكلام بتاع الابتدائي ...
انهم ليسو بأصدقاء ، و الصديق الوفي ... الخ ... الخ ... الخ ...
ولكن تعليق واحد ...
غير مأسوف عليهم عزيزي ...
حقيقتك أجمل حقيقة ...!!
Quote: تحسرت و ندمت و
وقتها فقط تيقنت ان بيننا فئة لديهم انطباع خاطىء عن قبيلة الفلاتة العريقة |
هم كثر عزيزي ان لم تكن الغالبية ..!!
فالاصدقاء يمكنك ان تبحث عن غيرهم ، فكيف الحال ان جاءتك المذمة من الاهل ...
والادهى ان تكون المذمة من ناقص ..!!
لست مضطرا لحكاية قصتي مع هذه الفئة ، ولكن بسبب ما ذكرت لم يتخلو عني فقط ، ولكن نكرو انتمائي لهم، و سمعت أسوأ ما يمكن ان يسمعه احدهم ، وتعف اذني عن سماع ماقيل ...
كل هذا لأني أردت النسب عزيزي الفولاني ...
ولكن لكل خير ...
حمدت الله كثيراً ان اجعل مثل هذه الاقدار حتى اخرج من هذه الفئة الضالة، وهذا النسب الذي اعف انا عن الانتماء اليه و ان ينتسب ابنائي له ...!!
المعنى واضح ...!!!
Quote: حاولت
بقدر المستطاع بأن اعكس الوجه الحسن لقبيلتى فقمت بعمل معرض تراثى للقبيلة و لدارفور
فى بيروت بمشاركة بعض ابناء دارفور و كان ناجحا .
|
الفولاني يا رائع ...
فكرة و تنفيذ رائع مثلك ...!!
ولي قدام ...!!
| |
|
|
|
|
|
|
|
|
|
Re: الفـــــ( الرجاء التسجـــــيل هنا) ــــــلاتة (Re: Sobajo)
|
التحية لك سوباجو ولي سؤال إليك ـ يخص الشيخ محمد الكشناوي الفلاتي ـ إلى ماذا يشير لقب الكشناوي بالضبط؟
الموضوع هو التصحيف الذي حدث في اسم هذا الشيخ الجليل الذي يظهر على مؤلفاته كنت أجلس قبل سنوات مع صديق لبناني يدرس العلم الروحاني و قدم لي نسخة من أحد كتب الشيخ المطبوعة في لبنان ولدهشتي وجدت الاسم مكتوبا : محمد الكشناوي الغلاني فقلت له أن هذا الاسم غير صحيح وأن الصحيح هو محمد الكشناوي الفولاني وكنت أتكلم فقط من باب الشعور بما هو صحيح ولم أكن متأكدا من معلومتي ولكن عندما تصفحنا الكتاب وجدناه يذكر كلاما ترجمه صديقي لزوجته الكندية بأنه يشكو من العنصرية! هكذا تأكد صديقي أن مؤلف الكتاب شخص أسود اللون. وقبل أسابيع وجدت له مخطوطا في مكتبة الأزهر وهناك كان الاسم مكتوبا بوضوح وبخط اليد: محمد الكشنائي الفلاتي. هل من اضاءة عن لقب الكشنائي أو الكشناوي؟
| |
|
|
|
|
|
|
|
|
|
Re: الفـــــ( الرجاء التسجـــــيل هنا) ــــــلاتة (Re: Sobajo)
|
اخي ود الحاج ..
بحث مبدئي في الانترنت ...
| Quote: أبو عبد الله محمد بن محمد الفلاني الكشناوي السوداني، فقيه نحوي، من أعلام المالكية بالسودان، كانت له معرفة واسعة بعلم أسرار الحروف، ومن مصنفاته : بهجة الآفاق وإيضاح اللبس والإغلاق في علم الحروف والأوفاق، والدر المنظوم وخلاصة السر المكتوم في علم السحر والطلاسم والنجوم، والدرر واليواقيت في شرح منظومة الدر والترياق، لعبد الرحمان المرجاني، وله في علم النحو كتاب سماه : بلوغ الأرب من كلام العرب. وغير ذلك من التآليف الأخرى توفي رحمه الله بمصر عام 1154هـ . |
ولازلت أبحث فيما يختصب بالكشناوي ...!!
| |
|
|
|
|
|
|
|
|
|
Re: الفـــــ( الرجاء التسجـــــيل هنا) ــــــلاتة (Re: Sobajo)
|
محمد بشير بيلو
سلاماتي
متذكر لما كان معاكم موظفة قصيرة كدا
وأنا كنت بمزح معاها وبقول ليها يا فلاتية وإنت كنت ما موجود ساعتها وأنا ما كنت إتشرفت بي ملاقاتك لسه
وبعدين إنت جيت وقعدنا كلنا نفطر سوا
قمت أنا سالتك من جنسك
وإنت قلت لي أنا فلاتي طوالي أنا عاينت للموظفة بتاعتكم وقلتي ليها إنتي كلميتهو ولا شنو؟؟؟؟
أيااااااااااااااااام
الله يديك العافية
| |
|
|
|
|
|
|
|
|
|
Re: الفـــــ( الرجاء التسجـــــيل هنا) ــــــلاتة (Re: Fadl Karrar)
|
Quote: وأنا كنت بمزح معاها وبقول ليها يا فلاتية وإنت كنت ما موجود ساعتها وأنا ما كنت إتشرفت بي ملاقاتك لسه
وبعدين إنت جيت وقعدنا كلنا نفطر سوا
قمت أنا سالتك من جنسك
وإنت قلت لي أنا فلاتي طوالي أنا عاينت للموظفة بتاعتكم وقلتي ليها إنتي كلميتهو ولا شنو؟؟؟؟
|
لووووووووووووووووووووووووووول ..
دي برضو من اطرف المواقف المرت علي ....!!
ايام و الله يا كرار ....!!
ربنا يجمعنا تاني في ساعة خير ...!!
و لي قدام ...
| |
|
|
|
|
|
|
|
|
|
Re: الفـــــ( الرجاء التسجـــــيل هنا) ــــــلاتة (Re: Sobajo)
|
سلام مربع
انا ما فلاتة و لكن معجبة بالفلاتة و لا ابيت ح اسجل معاك فلاتة ملي اصل اسهل حاجة في السودان تزوير الجواز و الجنسية
اشهر حي فلاتة في مدني ((تو تو ماتا )) زمان و حاليا الدباغة و حلة محجوب و جز من الكريبة
دحين الفلاتة ديل بحبو مدني و لا دي بركات مشروع الجزيرة و لا صدفة
سلام للفلاتة و الجعليين و المغاربة
في ريحة عنصرية ضاربة في البلد
| |
|
|
|
|
|
|
|
|
|
Re: الفـــــ( الرجاء التسجـــــيل هنا) ــــــلاتة (Re: sudania2000)
|
معلومات بسيطة عن قبيلة الفلاتة :-
فلاتة ( ايكا) و فلاتة ( ايبا )بكسر ألأف
فلاتة (ايبا) هم رطانة و (ايكا) وهم غير رطانة
هناك حشوم بيوت كثيرة و منها :-
أم عتمانه
جــــوبا
غرة او نرة
و غيرها تتبع لفلاتة (ايكا)
فوطة
برلبئى
و هم تابعين لفلاتة (ايبا) و غيرها من خشوم البيوت
و لى عودة لمدكم بمعلومات اكثر حول العموديات و النظاتر
و المناطق التى انتشرت بها قبائل الفلاتة فى اقاليم السودان
و دمتم
الفولانى
| |
|
|
|
|
|
|
|
|
|
Re: الفـــــ( الرجاء التسجـــــيل هنا) ــــــلاتة (Re: عوض الله الفولانى)
|
حيرتنا يا سوباجو .. أيما حيره
فألتوقيع هنا قد يعنى : الإقرار بألعصبيه.. والرجعيه
والنزوح إلى النعرات القبليه.. أما عدم التوقيع فقد
يعنى الأسوأ.. وهو الترفع او التنصل من المله !! ولهذا
فأنا أنصح الجميع بألآتى : أن يكونوا كمثلنا. .. فنحن
فلاته.. ونحن نوبه.. ونحن دناقله.. ونحن بديريه دهمشيه
ونحن شايقيه.. و كل الملل الزنجيه والعربيه والآفرويه..
وعلى مسئوليتى أبونا آدم وأُمنا حواء ذاتم فلاته ونوبه
ودناقله وكل ما يخطر على بالك من ملل !!)..
أخوك: مامون
| |
|
|
|
|
|
|
|
|
|
Re: الفـــــ( الرجاء التسجـــــيل هنا) ــــــلاتة (Re: Abu Eltayeb)
|
أخي مأمون ...
اولا مرحب حبابك و زينت البوست ...!!
أنا لا أدعو الى أي مما ذكرت لا سمح الله ...!!!
ولكن الهدف منها هو التعارف فكما ترى هنالك الكثير من الاعضاء زارونا ... و سجلو اصواتهم بعيدا عن اي قبلية او تعصب ، وحبابك الف ...
فاحضورك و زيارتك في هذا البوست هو تسجيل ((( كدة كدة متشربك)))
و حباب اولاد بلدي التحت سماه مستورين ....و من نيلو شربانين ...وفوق ارضو عايشين ....!!
فلا داعي للحيرة اخي ....!!
و شكرا على المرور الانيق جداً ...
اخوك بيلو ..!!
تخريمة :
__________________________________________
سودانية يا رايعة ... بجيك صادي تاني ....!! و لباقي المتداخلين ....
| |
|
|
|
|
|
|
|
|
|
Re: الفـــــ( الرجاء التسجـــــيل هنا) ــــــلاتة (Re: Sobajo)
|
| Quote: حمدت الله كثيراً ان اجعل مثل هذه الاقدار حتى اخرج من هذه الفئة الضالة، وهذا النسب الذي اعف انا عن الانتماء اليه و ان ينتسب ابنائي له ...!! |
أخى العزيز سوباجو ..
عليك الله بعد القصص العنصرية الحكيتوها دى
مليهم حق باقى الفلاتة الفى المنبر يخافو !!
| |
|
|
|
|
|
|
| |
Sobajo
Ahmed Mohammed Osman
محمد الأمين موسى
Muna Khugali
فيصل محمد خليل
عصام دهب
gamal elsadig
humida
saif massad ali
تولوس
عبدالكريم الامين احمد
Mohamad Shamseldin
Kostawi
aymen
) . ونتيجة لذلك، بعثت معظم الولايات الشمالية مندوبين وممثلين عنها لحضور احتفالات جوساو (Gusau) - عاصمة زامفرا- بإدخال الشريعة مما يدل على تأييد تلك الولايات المبدئي لهذه الحركة والتي قامت فيما بعد بتطبيقها. 
طارق جبريل
سفيان بشير نابرى
محمد عبد المنعم عمر
عوض الله الفولانى
يوسف سعد
Emad Abdulla
Fadl Karrar
فيس بوك
تويتر
انستقرام
يوتيوب
بنتيريست