|
|
 والظلم من شيم النفوس !
|
الطيب صالح الذى وضع اسم الادب السودانى وشرفه ونافس به- وقد يكون تفوق -الكبار والمدارس العريقة كالادب الأدب الفرنسي متمثلا في فلوبير وستاندال وبودلير ورامبو وسارتر واندريه جيد وعظمة الأدب الروسي و تشيكوف وغوغول و روايات تولسوي ودستويفسكي و روائع من الأدب الأمريكي مثل "الصخب والعنف" لويليام فوكنر، و"رجال وفئران" لجون شتانيبيك و"طريق التبغ" لأرسكين كالدويل، و"وداعا للسلاح" لارنست همنغوايكل تلك العوالم اوجد بينها الاستاذ الطيب صالح القرية السودانية بكل صخبها ولحظات هدوئها ونشاطها ورسم من بين الشخوص شخصية (الزول ) ، الطيب صالح الذى نقش اسمه واسم بلده الى جوار اسماء كالجواهرى والبياتي ويوسف الصائغ ومحمود درويش ويوسف السباعي وآخرين كثيرين. الطيب صالح الذى ترجمت عام 2000الى الالمانية رائعته "موسم الهجرة إلي الشمال" والحاصل على جائزة جائزة الرواية العربية في نهاية ندوة "الرواية والتاريخ" التي انتظمت في القاهرة أواخر شهر فبراير الماضي ... الطيب صالح بكل هذه السيرة والمسيرة الطويلة لم يجد من اعضاء هذا المنبر سوى الاهانة والتحقير لانه جاء الى السودان واستقبلته الحكومة والتقى بوزراء فيها واطرى على حسن تادبهم وخلقهم لتقوم قيامة البعض فيرمونه بكل ما هو منكر فى القول وكالعادة قفز البعض لاتهامه بانه (جلابى ) وامتداد لسلسلة الشمال اللعين .
حرام عليكم (كرهتونا ) ...
السودانى الوطنى والعالم والانسان لديكم وبينكم هو فقط من يؤمن بمواقفكم والعاقل والورع عندكم هو فقط من يقف ويلعن ظلام الحكم والسلطة الذى طال عليكم والغريب ان هذا الذى تشتمونه هو من كنتم تتمثلون مقولته الشهيرة ( من اين اتى هؤلاء ) حتى اذا جاء الى هؤلاء الــ(هؤلاء ) قلبتم للرجل ظهر المجن ....
وان كنتم حقا اوفياء واصحاب مبادئ فقولوا قولكم هذا للعقيد جون قرنق النائب الاول المرتقب للبشير او قولوه للدكتور منصور خالد والذى وصف من قبل دستور السودان للعام 1998 بانه دستور كالاسمال البالية والمرقعة ثم ها هو يجلس ليصوغ دستورا احد ركائزه تلك الاسمال التى انكرها وان كان لكم قولا فقولوه لقادة ثورة دارفور وهم يشتمون الشمال وحكومة الجلابة نهارا ثم يلتقون بها من بعد صلاة العشاء فى باريس وروما والحى العتيق فى العاصمة لندن .
ودعوا الطيب صالح فالرجل على الاقل لم ياتى ليشارك ويكون حاكما لكنه جاء زائرا وجاء لشعبه واهله وليزور قريته ثم يعود الى سياحته احياه الله وابقاه وبارك فيه فهو رغم كل شى رمز وشخصية جعلت للسودان اسما ومقاما واحتراما
|
|
 
|
|
|
|
|
|
|
 Re: والظلم من شيم النفوس ! (Re: محمد حامد جمعه)
|
يا محمد حامد
ياخي إنت زول حاسد خلاس
بالله أسي طيارتكم الخاصة الجات من أمريكا وشالت صلاح غوش دي ونزلت في دي سي وفاضية ما فيها غير تلاتة أربعة ناس. اسي كان ساكت كلمتني مش كان عملت فيني فايدة. أصلو عندي واحد قريبي كاسر ركبة في أمريكا وداير يجي يشوف أهلو وما عندو حق التذكرة.
وصحي الطيارة دي كان سايقا صلاح براهو؟؟؟؟
وإنتو قالوا شايلين دلوكتكم ومهججين وتغنوا
سايقا صلاح ... سايقا صلاح
زمان كانت السيرة تمشي جنينة سيدي
أسي السيرة بقت تمشي مبنى السي آي أي
عشنا وشفنا.
| |
|
|
|
|
|
|
|
|
|
Re: والظلم من شيم النفوس ! (Re: محمد حامد جمعه)
|
معك حق فى كل كلمة ذكرتها
و ما العيب فى أن يأتى الطيب صالح من صالة كبار الزوار؟
فالرجل يستحق اكثر من ذلك
و هل كونه أتى من صالة كبار الزوار أو استقبله الرئيس فرضا. هل هذا ينفى انه صاحب مبدأ أو موقف؟
و هل اختلاف الطيب صالح مع الانقاذ ام السودان و شعبه؟
و ها الطيب صالح فى عراك مه الثوره أم اختلاف فكرى؟
لك الود و انت تعطى الرجل حقه
تحياتي ... ناصر البطل
| |
|
|
|
|
|
|
|
|
|
Re: والظلم من شيم النفوس ! (Re: محمد حامد جمعه)
|
الاخ محمد حامد.......تحيات طيبات زاكيات
اول الكلام:
ما للزمان يضن علينا برجال ينصحون الناس ويرفعون الالتباس
يفكرون بحزم ويعملون بعزم حتى ينالوا ما يقصدون
الكلام لعبد الرحمن الكواكبى..من طبائع الاستبداد..
كنت احسب ان اخوتى سوف يحزننهم حضور الطيب صالح بغير صالة
كبار الزوار...وهى معمولة لى منو؟؟؟كان الطيب ما كبير
سبحان الله!!!!!
وكاذب من ظن ان الطيب ممكن ان يغير ثوابته من اجل استقبال بصالة
كبار الزوار او اخر يحظى به من مسوؤل خصوصا مسئولى هذه الايام
الكوالح...ما لهذا الشعب الطيب المهذب؟؟ ما الذى دهانا؟؟
حتى صرنا نرى فى توقير الكبير جنحة!! ونصور احترام القامات
جريمة!!
حسبى الله ونعم الوكيل،،،،
| |
|
|
|
|
|
|
|
|
|
Re: والظلم من شيم النفوس ! (Re: صديق الموج)
|
ما الذى دهانا؟؟
حتى صرنا نرى فى توقير الكبير جنحة!! ونصور احترام القامات
جريمة!!
الذى دهانا يا صديق الموج - وشكرا على المرور الوسيم - اننا صرنا ننقاد لاى هاتف دون ان نستمع جيدا لما يقول ودون ان نتحسس الخطوط الفاصلة بين مواقفنا الحزبية والشخصية والاطار الكلى الذى يفترض ان يحكم علاقاتنا كسودانيين
| |
|
|
|
|
|
|
|
|
|
Re: والظلم من شيم النفوس ! (Re: ست البنات)
|
ست البنات
المسألة ليست هلال مريخ
و قبل أن تشكري محمد حامد جمعة علي أي شئ
أسأليه: هل هو كان أيضا في متن تلك الطائرة الي لانقلي (رئاسة ال CIA )؟
فقد عودنا ان ينشر رحلاته مع صلاح قوش .. منارة الأمن.
| |
|
|
|
|
|
|
|
|
|
Re: والظلم من شيم النفوس ! (Re: Mohamed Suleiman)
|
محمد سليمان :
كل ما نفتح لك مساحة لتكون قلما مفيدا تصر على ان تكون مفجعا فى ردودك ومداخلاتك وقرات ما سطرت فى مداخلتك الاولى فلم اخرج منها سوى بالشفقة عليك وعلى حقدك الذى تستوى امامه كل الاراء والمواقف فلا يدرى خراش نفسك ما يصيد
واما قولك و قبل أن تشكري محمد حامد جمعة علي أي شئ
أسأليه: هل هو كان أيضا في متن تلك الطائرة الي لانقلي (رئاسة ال CIA )؟
فقد عودنا ان ينشر رحلاته مع صلاح قوش .. منارة الأمن.
فانا يشرفنى ويسعدنى تواصل كريمة كست البنات معى وعلى اختلافنا وخصومتنا السياسية فان حقوق كثيرة تلزمى وتلزمها بان نكون محترمين لانفسنا وخطابنا فليس منا من يمتلك الحق والخير المطلق واما سؤالك عن ركوبى لطائرة اللواء مهندس صلاح عبد الله قوش فذاك سؤال عبيط لانك لست فى مقام المقدرة والمكانة لكى تسال سؤالا كهذا وانت كنت تريد حقيقة ما جرى فسل من يستضيفونك ستعرف منهم ما تريد ...
بالمناسبة ثورتك هنا ازاء كل من يشيد بشخص شمالى وكذا ارجو ان تستطيع اظهارها تجاه الذين دعوا مدير الامن واستضافوه وعقدوا معه التفاهمات ....
| |
|
|
|
|
|
|
|
|
|
Re: والظلم من شيم النفوس ! (Re: Mohamed Suleiman)
|
خالص التحايا الجميع
1- محمدجمعه
ياعزيزى
الطيب صالح كمدرسه لااختلاف عليه وكون يجى بى صاله الكبار الزورا بالعكس يستاهل اكتر منها ..
لكن تبقى المشكله لو كان فى استقابلو الشعب وليس هذا النظام..
اقدر اللخص كلامى فى انى اقول
يازل بعد ده اى زول يعمل الشى الدايرو ..
الزمن ده زى ماقالو اخوك ماتضمنو..
كل زول عليهو بى نفسو زى يوم القيامه
عشان كده عجبنى الكلام ده ..
واللهم اني اعوذ بك من هذي البلادوأسالك الثبات في الموقف حتى القاك
آمين
2- Mohamed Suleiman
انتو ست البنات دى بقت ليكم مطيه للغاشى والماشى..
لو اصلو عندكم كلام امشى خلى مداقراتك فى بوستات محمد والدخول عبر كلام الناس امشى هناك فى بوست راجيك وراجينا كلنا..
اكيد عارفو
قالوا الدود قرقر
حبس الدرب
قالوا الدود قرقر
ياوليدات فى الكُجر
كعب التقى والحكر
قالوا الدود قرقر
حبس الدرب
السخيل مابناطح بقر
والسحيله ما بتبلع دقر
والله الدود قرقر
حبس الدرب
| |
|
|
|
|
|
|
|
|
|
Re: والظلم من شيم النفوس ! (Re: معتز تروتسكى)
|
تروتسكى :
يا عزيزى المشكلة ان الخلاف حول الطيب صالح تجاوز مسالة انو مدرسة لاسباب شكلية مسالة استقباله ومقابلته لبعض رموز الحكومة وقطعا فان هكذا تصرفات لا يمكن باى حال ومنطق اعتبارها تطبيع او اقامة تحالف مع الحكومة ولنفترض جدلا انه تلمس بعض الايجابيات وصدع برايه لصالح الاسلاميين والانقاذ فلا اعتقد ان هذا يعنى نهاية التاريخ للرجل وان القيامة قد قامت ... وما اعنيه ان نتسم فقط بنبل فى الخصومة لا ينيسنا اقدار الناس ومقاماتهم وان كان لابد من النقد والاستهجان فليكن ذلك بشى من التوقير والاحترام
تخريمة : محمد سليمان وبقية الشباب ... (قدو السلك ) ..... لكن (عراف الحى ) قاعد ...
| |
|
|
|
|
|
|
|
|
|
Re: والظلم من شيم النفوس ! (Re: محمد حامد جمعه)
|
ياسعادتك
انت لسه فى التلفيق والمزايدات بتاعتك دى؟؟؟؟
رجوع الطيب صالح للسودان شى طبيعى ومفرح خصوصا بعد ان وضع شعب السودان اياديكم الملطخه بالدماء خلف ظهوركم, والنقد الذى وجه له هو فى حقيقته خوف عليه منكم ومن قوانينكم التى مازالت مسلطه على الرقاب ومافى زول عاقل يقبل ان يحضر أديب فى قامة الطيب صالح بدعوه منكم وكمان يصرح(لطفاء....قال) ويقابل ثعالب وذئاب ذيكم حتى لو كانوا فى حالة ضعف وانبطاح دولى ومحلى.
انتوا ماعندكم قشه مره لو لقيتوا فرصه ممكن تفطسوه وتجو تكتبو زى كلامك ده.(ياهؤلاء)
اتنين....الطيب صالح أديب سودانى كبير ورمز وطنى بمواقفه المشرفه من أنقلابكم المشئوم وظلمكم ,وعدم اخلاقكم المشهود, وفسادكم الغات الوراء والقدام ...وقد قال قولته المشهوره فيكم من اين أتى هؤلاء التى وقفت فى حلوقكم لدرجة انكم شتمتوه واوقفتم تدريس ادبه فى الجامعات السودانيه
وانت عارف من يشتم العلماء والادباء
او يغتابهم
يخشى عليه موت عبادة الوثن
عفارم عليك يامحمد سليمان حقيقه من يثق فى (هؤلاء) او يصدق مايقولون فيه خلل كبير
والله المستعان
| |
|
|
|
|
|
|
|
|
|
Re: والظلم من شيم النفوس ! (Re: عمر ادريس محمد)
|
اتنين....الطيب صالح أديب سودانى كبير ورمز وطنى بمواقفه المشرفه من أنقلابكم المشئوم وظلمكم ,وعدم اخلاقكم المشهود, وفسادكم الغات الوراء والقدام ...وقد قال قولته المشهوره فيكم من اين أتى هؤلاء التى وقفت فى حلوقكم لدرجة انكم شتمتوه واوقفتم تدريس ادبه فى الجامعات السودانيه
عمر ادريس :
يا اخوى كلامك الفوق دا نحن فى الطرف المغضوب عليه منكم ديل احترمناه اكتر منكم بعدين تعال هنا يا اخوى شنو تلفيق ومزايدات ... هسة البزايد منو بالله
| |
|
|
|
|
|
|
|
|
 Re: والظلم من شيم النفوس ! (Re: عمر ادريس محمد)
|
حفظ الله الطيب صالح وأمد فى عمره فهو الاديب السودانى الوحيد الذى لا يجهله اى جاهل ومرحبا به فى وطنه سواء جاء بصاله كبار الزوار او غيرها فهو يستحق
منا كل تقدير وليس كل هذا الجحود والنكران
وشكرا اخى محمد
وفى امان الله
لا اله الا الله
| |
|
|
|
|
|
|
| |
محمد حامد جمعه
nasiradin
luai
صديق الموج
Mohamed Suleiman
ست البنات
معتز تروتسكى
عمر ادريس محمد
bint_alahfad
فيس بوك
تويتر
انستقرام
يوتيوب
بنتيريست