|
Re: طلب مساعدة عاااااااااااجلة:من يعرف عناوين الشركة الصينية أو الكورية لبناء العقارات فى السود (Re: lana mahdi)
|
ايوة واجب وطنى
نفسى ابنى لى بيت ذى بيت حبوبتى الحرم التى احبها كثير,, بيت جالوص فيهو نيمة وشجرة ليمون.. بيت بسيط ومليان حب.. عندى صاحبى ساكن فى الرياض كلمته بقطعتى دى هى فى قرية من قرى الخرطوم ضحك وقال ما ممكن تكون احلامى كدا وحلف لو لقى وظيفة.. كويسة ب5 الف دولار فى الشهر حيبنيه لى..اها ادعى معاى يا ربى يلقى وظيفة ب 5الف دولار.. بالمبلغ الذكرو حسين .. انا عايزة 90 الف دولار.. يعنى ناكل تسالى لمدة 5 سنوات.. عشان نوفر هذا المبلغ.. الله فى غايتو
| |
|
|
|
|
|
|
Re: طلب مساعدة عاااااااااااجلة:من يعرف عناوين الشركة الصينية أو الكورية لبناء العقارات فى السود (Re: Hussein Mallasi)
|
إخيّتي لنا
أنا اول ما شفت عنوان البوست خمخمت جلابتي وطبيت الشبشب وقمت جاري وقلت بت عمي الليلة نقضي أمرها. لكن لقيت البلد والبلدين وأخوي ملاسي خمخم مننا الفضل – الله يدهو العافية
برضي ما قنعت وبكره بجيب ليك باقي الخبر كلوا اصلي أنا قاعد في الخرطوم وبي فضل الله ناسي كتتتتتتتار ( انت عارفه ناس أمردمان)
جانبية لي د/ بيان
البيت الكبير في امدرمان – بيت المال- مهد الطفولة والصبا مبني من جالوص لكن عينيك ما شوفش إلا النور (دناميت يفرتقو عرض الحائط 70سم ن والإرتفاع 6 أمتار ، الغرفة 5*6 ) بس قالوا صاحب البيت الاول كان بيضبح كل يوم للبناين والجماعة يزيدو عرض وطول وإرتفاع - الوصفة دي بتنفع
إسماعيل حميم
| |
|
|
|
|
|
|
Re: طلب مساعدة عاااااااااااجلة:من يعرف عناوين الشركة الصينية أو الكورية لبناء العقارات فى السود (Re: lana mahdi)
|
انا ما طلعت منكم بي حاجة جد جد انا زول عايز بناء بيتي و جاهز بعدين يا اخ ملاسي شغل 800 الف دي تعني 320 دولار و ده كلام كتير بدون تشطيب المتر في حدود 170 الي 200 دولار بعد داك التشطيب علي كيفك و أنا انصح الناس لو الاسعار ما معقولة تعمل الخرسانات لحالها و التشطيبات لحالها بعدين اسعار الخرصانات دي للطوابق الاخري راح تنزل 40% ايضا انتا لو عايز يبني في السودان لازم تخت عينك علي الحديد لازم تعمل compaction للارض علشان الارض ما تقوم بعدين في نظام بتاع pilling ده بيضمن ليك انو الارضية تكون كويسة برضو لازم تشدد علي ان يكون في Viberator بعدين نظام التسقييل لازم تتأكد من انو السقايل جديد بعدين تنظير المهندسين خلوه باشرو الشغل براكم لانو المهندس استشاري و لا بتاع شركة اي شي يقول ليك ممكن برضو في شي مهم جدا المخططات لازم تتعمل بواسطة مهندي سوداني لان الظروف البئيية بتختلف كمان لو كان سوداني شغال بره تكون ظريفة لانو بيدخل ليك جماليات التشطيب بتاعت ناس برة لانو نحن كده شكلنا تشطيبنا شوية شين سلام
| |
|
|
|
|
|
|
Re: طلب مساعدة عاااااااااااجلة:من يعرف عناوين الشركة الصينية أو الكورية لبناء العقارات فى السود (Re: bayan)
|
يا ستي البشيل طابق واحد ده رخيص خلاص وريني عايزه تبني وين ال 220 متر بتاعتك دي ما تفوت ليها 60 مليون جنيه بي تشطيبها و انا اقول ليك لو عندك احد اقاربك مهندس او مهندسة انا برسل ليك عناوين اوسطوات في السودان تمشي او يمشي سيد البيت يعمل معاهم المقاولات هم لانو ديل الناس البيعملو منعاهم المقاوليين مقاولات من الباطن طيب لو داير تبني زي ما قلت ليك بناء بي اعمده برضو لو مشيتي للاسطوات حتوفري حوالي 30% الي 40 % بس بشرط تكونوا وافقين علي البناء بتاعكم براكم أو عندكم زول قلبو حار و عفيف يعني بالواضح ما بيأكل قروشكم الداير اصل ليهو المقاولين بعملو مقاولات من الباطن مع الاسطوات اختصري الطريق و أعملوا عقودكم مع الاسطوات بعدين الطابق الارضي ده اكتر طابق مكلف لانو فيهة تسوية ا########## و حفر الحفر و غيره الطابق الاول بعد داك سيخ و بركبوة علشان كده التكلفة بتقل 40 % بالمناسبة انا ما مهندس أنا خريج اقتصاد الخرطوم لكن البناء بعرفوا كويس و ادردحتا فيهو علشان كده اقدر اناطق اي مهندس و أكان واحد فيهم نطا عمل فيها ضبانة ظكر خلوني ليهو اها اكان محتاجة لي معلومات اكتر نحنا حاضرين
| |
|
|
|
|
|
|
|