الكمبونى (نوستالجيا)

مرحبا Guest
اخر زيارك لك: 04-27-2024, 12:58 PM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف النصف الأول للعام 2005م
نسخة قابلة للطباعة من الموضوع   ارسل الموضوع لصديق   اقرا المشاركات فى صورة مستقيمة « | »
اقرا احدث مداخلة فى هذا الموضوع »
02-13-2005, 05:45 PM

Ahmed Al Bashir
<aAhmed Al Bashir
تاريخ التسجيل: 03-09-2004
مجموع المشاركات: 505

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
الكمبونى (نوستالجيا)

    طق طق طق
    من سرق الروب؟
    ..... سرقو!
    أنا سرقو؟
    فمن سرقو؟
    .........سرقو
    و تدور الساقيه

    الكمبونى ( مدينة عطبره)

    " اوع , اولاد النوبه ديل ما يشيلو فطورك. ما تشترى ال(دقه) و لا اسكريم الاكياس شان ما تمرض ....... سمح؟ ".
    و غالبا ما يكون جوابى ايمائه بالرأس تعنى الموافقه
    الخروج الى شارع كسلا
    تبين مقدمة البص ( الظهرى) ثم لا يلبث ان يطلق صافرته الشهيره. ثلاث صافرات كنت احفظهن عن ظهر قلب. اشهرهن صافرة السكه الحديد , لارتباطها باشغال الناس و معايشهم فى المدينه. ثانيتهن هى صافرة بص الكمبونى المميزه, اما الاخيره فكنت امقتها لارتباطها بمرسال عاجل ياتى فى عز الدافورى الا وهى صافرة لورى القش.
    يبدا اول رهانات اليوم . ترى من يقود البص اليوم؟ اهو العم ( قسم الله) ام السائق الآخر و الاشهر
    ( كمال كمبونى).
    (تر كده)! بضم التاء, اى افسح لى الطريق . تبدا فى سماعها حين يغشى البص نواحى المورده و الطليح, قبل ان يستدير كى يغشى بقية المناطق
    يا ابله ده عفصنى
    هوى انت بتاع لبط و الا شنو
    تبكى احداهن لانها اضاعت قلم الرصاص و سط الزحام
    يصطف الجميع فى طابور الصباح و من ثم يتشكل طابور آخر امام كل فصل بغرض ترتيب الدخول و تجنب( الهرجله)
    البرت
    احمد
    لقاء و رفقه رتبهما القدر. اكثر ما كان يثير حيرتى هو خروجه الفجائى مع عدد آخر من الطلاب عند دخول معلم الديانه.
    انت ماشى وين؟
    الفصل الهناك داك
    انا ماشى معاك, و ما ان يستقر جسدى بجواره حتى تقودنى احدى ال "سسترات" ادراجى باكيا
    "ا نت مسلم وهم مسيحيين "
    مرت الايام ووجدت افرازات المجتمع السالبه طريقها الي عقلى فاصبحت من ضمن الجوقة التى تردد قبيل بدء حصة الديانه
    " الحصه دين, اطردوا المسيحيين "
    عيب كده يا واد!
    " نحن ابوى نقلوه الخرطوم " , لم احفل بما قاله يومها, لكنه تغيب يوما و آخر فكانت اولى ملامساتى لمعنى الفراق و تباريحه
    نهاد القبطيه ,من اشطر و اجمل من رايت , كنت ولا ازال اعشقها. انت مصريه ما سودانيه, لا انا سودانيه., كزززززززززززابه.
    " انا سودانيه بأولك. " , بكاء , شكوى للابله, تهديد بزجى فى غرف’ الفئران, هولوكوست الكمبونى الشهير الموجود فقط فى المخيله الجمعيه للطلاب الصغار .
    ينتهى اليوم الدراسى و نصعد الى البص. يبدأ الغناء التلقائى خافتا ثم لا تلبث الوتيره ان ترتفع
    سوق سوق يا سواق
    بشارع السوق يا سواق
    تقع اعيننا على اولاد المدارس العائدين الى منازلهم فنبدا التحرش بهم
    الكمبونى مدرسه
    الحكوميه ايه؟
    ياتى الرد فى اغلب الاحيان حجارة تنهال على جسد البص.
    ديفيد , بطرس, انجلو, من ابناء الجنوب المقيمين فى الشمال و الكنبات الخلفيه و فى خاطرى. انجلو اقلهم شغبا, اميزهم فى الدراسه, و أطولنا قامه فى الفصل. يمتاز بهدوء و خفة ظل ربانيه.
    بطرس ورغم شغبه الظاهر, الا انه كان محبوبا من الجميع. ديفيد عاشق السينما الاول و مصدر الحكاوى التى لا تنضب عن معارك له سبقت دخولنا المدرسه و ربما الحياة.
    " كونجى كونج!! "
    (فيلم ده يا ساهبى دخلتو دور تانى فى سينما جمهوريه, بأدين ناس شعب قامو املو شكله, ناس سينما قالو وقفو فيلم. جماعه قادين مآى قالو يا يرجعو لينا قروشنا والا بكسرو سينما ده)
    و انت يا ديفيد كنت قاعد وين؟
    نهنا كنا فى جانبيه
    زٌقال انت يا ديفيد
    انا زقال؟ انتو قايل نهنا ما اندنا قروش, هوى اسهن ليك, فتيه اينك ده كويس
    ياخ اسكت ياخ , خليهو يحكى
    ما بهكى ليكم ولا اى هاجه.
    و بعد مقدار عظيم من الرجاءات و ال ( تحانيس) يبتسم ديفيد بعد وعد قاطع ب (سحبه بالعجله) و (تخميسه) من كوب الليمون فى الفسحه الصغيره
    زول ده تانى ما يقعد مآنا
    آى ما بقعد معانا
    و تستمر الحكاوى

    (عدل بواسطة Ahmed Al Bashir on 02-16-2005, 01:09 PM)

                  

العنوان الكاتب Date
الكمبونى (نوستالجيا) Ahmed Al Bashir02-13-05, 05:45 PM
  Re: الكمبونى (نوستالجيا) zoul"ibn"zoul02-13-05, 06:29 PM
    Re: الكمبونى (نوستالجيا) Ahmed Al Bashir02-16-05, 12:51 PM
  Re: الكمبونى (نوستالجيا) Walid Safwat02-13-05, 09:27 PM
    Re: الكمبونى (نوستالجيا) Ahmed Al Bashir02-16-05, 01:03 PM
  Re: الكمبونى (نوستالجيا) haleem02-13-05, 09:48 PM
    Re: الكمبونى (نوستالجيا) Ahmed Al Bashir02-16-05, 01:08 PM
  Re: الكمبونى (نوستالجيا) haleem02-13-05, 09:50 PM
    Re: الكمبونى (نوستالجيا) bayan02-14-05, 06:31 AM
      Re: الكمبونى (نوستالجيا) osly202-14-05, 01:36 PM
        Re: الكمبونى (نوستالجيا) Outcast02-14-05, 06:37 PM
          Re: الكمبونى (نوستالجيا) Ahmed Al Bashir02-16-05, 01:31 PM
        Re: الكمبونى (نوستالجيا) Ahmed Al Bashir02-16-05, 01:24 PM
      Re: الكمبونى (نوستالجيا) Ahmed Al Bashir02-16-05, 01:19 PM
        Re: الكمبونى (نوستالجيا) Marouf Sanad02-16-05, 02:34 PM


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de