نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 أنا مبسوطة من ناس آدم للسفر ديل
|
لي حوالي سنتين ونصف عضوة في المنبر الحر بسودانيز اونلاين.
اشعر بارتباط وثيق بهذا المكان واصبحت لي ذكريات وصداقات من الصعب تكرارها في مكان آخر.
في اثناء مراجعتي لمسيرة البورد في الفترة التي عايشتها تذكرت انني لم ألمح يوما اعلانا تجاريات في هذا الموقع الكبير سوى اعلان شركة آدم للسياحة والسفر !!
ولا أعرف اذا كان آدم عضوا معنا في البورد لاحيه وانقل له تقديري.
اكبر موقع سوداني على الانترنت, اكثر موقع سوداني زيارة,(يعني بنتكلم في كم مليون كده بيشوفوا الموقع كل يوم ) كل هذه تعد عوامل جذب رهيبة لاي شركة تجارية او مؤسسة سودانية تطمح في الانتشار. تفوق جاذبية الاعلان في تلفزيون السودان ذاته اذا ما قارنا وصول هذا الموقع لاي سوداني على الكرة الارضية.
اتابع مواقع سودانية أخرى وألمح اعلانات تجارية على صفحاتها باستمرار.واستغرب عدم اهتمامهم بالاعلان هنا في سودانيز اونلاين. يعني الاعلان ده مش حسابات وفايدة ولا شنو؟
الموضوع ما عايز ليه دراسات اقتصادية عشان الواحد يقدر يشعر باهمية موقع مثل سودانيز اونلاين وملائمته ليلعب دور تجاري يمكن ان يوفر الكثير من مصاريف تشغيله بل واكثر من ذالك بكثير.
هل المسألة تكمن في عدم استغلال بكري جيدا لموقعه, في عدم مساعدتنا له؟
اعلن انا زولة123 انني احب شركة آدم للسفر والسياحة لله فالله, وانني اذا تواجدت في البلد التي يقع بها مقرها لاستخدمتها لشراء تذاكر سفري طوال ما حييت بل وشجعت أقاربي ومعارفي على فعل الأمر نفسه.
وأي زول تاني يعلن في سودانيز اونلاين انا بصراحة باحترم تفكيره واشتري السلعة بتاعته. واعتبر ذالك واجب علي كعضوة أنعم بمميزات هذا الموقع طالما لا اقدر على تقديم شيء آخر له.( لحد ما الله يفتحا علي واعمل شركة خاصة بي واجي أعلن عنها هنا ) 
في كم زول معاي؟
zola123
|
|
 
|
|
|
|
|
|
|
 Re: أنا مبسوطة من ناس آدم للسفر ديل (Re: ودالعباسية)
|
ود الأباسية
Quote: انا يادكتورة معاك
ان شالله نطلع لينا بي تزكرة للاجازة |
بركة الماقلت نطلع لينا بيطيارة
ياخوانا لله ف لله
ادعي ليه انت بس والله يحنن قلبه وممين عارف
ينزل طيارة مخصوصة للبورداب أمريكا الخليج السودان
والرجعة بطريقتكم
| |
|
|
|
|
|
|
|
|
 Re: أنا مبسوطة من ناس آدم للسفر ديل (Re: zola123)
|
زوله 123
وانبساط من شركة ادم للسفروالسياحه ينصب اخيرا فى نجاحات سودانيس اون لاين فى مديرها بكرى ابوبكرى واتفق معك فيما نتمناه جميعا فى جعل سودانيس اون لاين موقع جذاب لكل العملاء فلنبدأ فى مد الاخ بكرى بالافكار والتسويق فلماذا لا تقوم جميعا بهذا العمل لعلى نعطى سودانيس اون لاين قليل من كثير نعايشه
شكرا على هذه البوست والفكرة
تحياتى
| |
|
|
|
|
|
|
|
|
|
Re: أنا مبسوطة من ناس آدم للسفر ديل (Re: بلدى يا حبوب)
|
بلدي يا حبوب
الفكرة ما جديدة والله والناس عملت كم بوست زمان ورجعوا كسلوا
قلنا نجيهم من زاوية أخرى
في التلفزيون قبل نشرة الاخبار في اعلان عن شقق بالتقسيط بتبنيها شركة مشاريع كبيرة. تفتكر ناس زي ديل ما ممكن المغتربين البيتصفحوا موقع زي ده وبيفتحوه كم مليون مرة ويلقوا رابط مباشر لموقع الشركة وشوفوا صور الشقق دي بيراحتهم مش دقيقتين اعلان تلفزيوني وينتهي !!!؟؟؟
تعرف كم شركة زي ديل في السودان بتستهدف السودانيين في الخارج؟
عندك استعداد لتسويق الموقع لديهم؟
| |
|
|
|
|
|
|
|
|
|
Re: أنا مبسوطة من ناس آدم للسفر ديل (Re: Soumeta)
|
سوميتا العصفورة الرقيقة
مشتاقييين وييينك انتي؟
د. نهى ما باقابلها كتير, اخر مرة من ايام العيد على المسنجر
لو ما شفتها كنت قلت عرست ونستنا.
اها رأيك شنو في الموضوع, انا قلت بتعرفي آدم ده وتقدري توصلي ليه شكرنا.
| |
|
|
|
|
|
|
|
|
|
Re: أنا مبسوطة من ناس آدم للسفر ديل (Re: zola123)
|
salam zola, bellahy howa Adam da international, I thought he is local inside my favourite country, thks for the info. I might reach Dubai for a conference 1st of february for 3 days only, I will bring the article with me, best regards.
Dr.Yasir
| |
|
|
|
|
|
|
|
|
|
Re: أنا مبسوطة من ناس آدم للسفر ديل (Re: yasir Abdelgadir)
|
ياسر عبد القادر
آدم عنده فرصة رهيبة للانتشار
لاكن افتكر بعد كلام ندى حتكون فرصة رهيبة ليه للانهيار لو ما عرف اهمية المصداقية في العمل التجاري
وخصوصا في بلدهم القاعدين فيها.
يا ربي ما ممكن الزول يرفع عليه قضية لو ما أداه التذكره بنفس سعر الاعلان؟
| |
|
|
|
|
|
|
|
|
|
Re: أنا مبسوطة من ناس آدم للسفر ديل (Re: garjah)
|
عارفة يا زولة وكمان اكتر عضو منضبط وما بيثير مشاكل بالجد ادم ابو البشرية لكن اولادو ما ساترينو
والحالة دي الناس بتقول بكري بيروج لموقعو عبر المشاكل عشان يجيب الاعلانات !!!!!!! ومافي اعلانات واحيانا بفكر يا ربي العائد لبكري من الموقع شنو ؟؟ مع انو مافيهو فايدة مادية تذكر ؟؟؟
| |
|
|
|
|
|
|
|
|
|
Re: أنا مبسوطة من ناس آدم للسفر ديل (Re: zola123)
|
زولا من واحد لحددددددددددي مليون :
ليك التحية ..
والقال ليكم منو يا ناس ادم ما بيشارك ..ادم بيشارك بس بي اسم تاني وهو "عمر الفاروق شيخ الدين " وكان ما مصدقة راجعي ال IP
بالنسبة للاعلانات فالسودانيين عنده قصور تسويقي وبستكتروا القروش علي حاجات بيعتقدوها تافهة وبيعتمدوا اعتماد كلي علي الدعاية من خلال " القوالات " يعني فلان يقول لي فلان وفلانة تودي فلان ..
انا زييك مبسوط من ادم للسفر وانتظر حواء للخدمات الفندقية
تخريمة كده :
اقترح عليك توقيع
ياقزازة الكولا والكولا كوكاكولا ..
الدنيا مبتهجة وكل (زولة) بي زولا ..
| |
|
|
|
|
|
|
|
|
|
Re: أنا مبسوطة من ناس آدم للسفر ديل (Re: عمر الفاروق شيخ الدين)
|
زولة 123
العايزة تحظرني في الأمارات
تحياتي
عارفة البقرأ كلامك يقول بكري مدبك نسبة للترويج دة.عايز أقولك حاجة.
أكبر غلط لبكري هو لو قريتي تفاصيل الإعلانات تلقيها فضاية مافي بيانات مساعدة و عم بكري الله يجزاه خير حيلك لما يرد عليك لو في زول رسل ليهو إيميل ، حتفاجئي بعد فترة إنو أنامنزل إعلان في سودانيز أون لاين ، لأنو ناوي و المانعني إني قاعد برة السودان و وقفت نشاطي التجاري لحين العودة بعدما رحت و جربت و نجحت بس ما كنت راجع نهائي و قريب حأرجع نهائي و أول خطة الإعلان و التركيز عليهو و بشدة و أول إعلان حيكون هنا إنشاء الله.
حتى لو فصلوني
طبعاً فضولك حيكون دوّر إيه نشاط الولد دة مش دة نشاطي يا زولة وهو مبشر شديد حسب تجربتي
| |
|
|
|
|
|
|
|
|
|
Re: أنا مبسوطة من ناس آدم للسفر ديل (Re: عمر الفاروق شيخ الدين)
|
عمر الفاروق
Quote: فالسودانيين عنده قصور تسويقي وبستكتروا القروش علي حاجات بيعتقدوها تافهة وبيعتمدوا اعتماد كلي علي الدعاية من خلال " القوالات " يعني فلان يقول لي فلان وفلانة تودي فلان ..
|
ده كلام جميل
طيب والبيعلنوا في التلفزيون ديل؟
مافي زول يقول لي عايزة تقطعي رزق التلفزيون
لاكن شايفة الموقوع اكثر جاذبية بكثيييير
التخريمة مقبولة وقيد الدراسة
| |
|
|
|
|
|
|
|
|
|
Re: أنا مبسوطة من ناس آدم للسفر ديل (Re: zola123)
|
Quote: طيب والبيعلنوا في التلفزيون ديل؟
|
التلفزيون دعاياتو كلها طحنية وبسكويت غايتو الا اذا عايزة تجوعينا في الموقع هنا
النقطة الاهم في مجال الدعاية اصبح التركيز علي الاغراء يعني يقومو يجيبوا ليك بت سمحة كده تقول كلام خارم بارم وكلام الطير في الباقير لكن المنتج بيتسوق سريع ..
يعني بيني وبينك كده انا والله دعاية " أرررربو التلتين وياويلي من التلتين " دي بقعد احرسا من الصباح لحدي المسا ومش عندي مشروع صلعة وراثية لكن حااااااااااااالف الا اشتري دوف ده
| |
|
|
|
|
|
|
|
|
|
Re: أنا مبسوطة من ناس آدم للسفر ديل (Re: zola123)
|
العزيزة زوله 123
سلام و محبة و مشتاقين
آسفه أن أخيب ظنك يا عزيزتي في الموافقة على الثناء على شركة آدم للسفر و السياحة و من خلال تجربة شخصية لي معهم.
أولاً أود أن أنوه أني لم أسع في حياتي لقطع رزق زول/ه أو العمل على تحطيم نجاحات الأخرين/ات و لست باي حال من الأحوال من حزب "أعداء النجاح"!
كان لا بدّ لي من ذكر هذه المقدمة لأوضح أنه لا غرض شخصي لي للنيل من شركة آدم للسفر و السياحة، و لكن عدم الأمانة و النزاهة في التعامل من جانب هذه الشركة هي من إقتضت علي كتابة ما أوده بخصوص هذه الشركة.
أولاً تعاملت شخصيا و من خلال إتصالات تليفونية مع مدير هذه الوكالة "و ربما مالكها" و أتحفظ عن ذكر إسمه هنا و ذلك عندما طلبت مني إحدى الصديقات في السودان الحجز لها بواسطة هذه الشركة للحضور الى الولايات المتحدة للقيام بإجراءات التقديم للحصول على الجنسية الأمريكية. السبب الوحيد الذي دعى صديقتي الى هذا هو قرأتها لإعلان شركة آدم" الوهمي" في سودانيزأونلاين عن سعر لا ينافس للحصول على تذكرة سفر ذهابا و إيابا من أمريكا- الخرطوم و بالعكس بمبلغ 799 دولاراً فقط!
قمت على حسب رغبتها بالإتصال التليفوني بمدير هذه الشركة في ولاية غير التي أسكن بها"الشء الذي كلفني و الذي يبدو لي أنه يعمل لوحده في هذه الوكالة حيث ردت علي في مرة واحدة فقط سكرتيرة لا تعرف الكثير عن ما يدور في هذه الشركة و أحالتني الى المدير. و الذي كان في غاية من عدم الإهتمام و اللامسؤولية و كان يضعني في الإنتظار أكثر من خمسة أو ستة مرات في كل مرة أتصل فيها للرد على عدة مكالمات في وقت واحد و في النهاية يقول لي حأضرب ليكي بعدين لأني مشغول حسه و طبعاً ما كان بيتصل.
و في مرة تمكنت من التحدث معه و إعلامي برغبتي في الحصول على تذكرة عن طريق شركته و فاجأني بأن أقل قيمة تذكرة من السودان الى أمريكا و بالعكس هي بمبلغ 1200 دولار أمريكياً. و بالطبع قد إندهشت جداً من هذا المبلغ الذي يناقض إعلانه هنا في سودانيزأونلاين و للهوة الواسعة ما بين "إعلانه التجاري" و "الأمر الواقع"! و عندما أخبرته بذلك صرح قائلاً و بالحرف الواحد و الله على ما أقول شهيد أنه يفعل ذلك لأغراض تجارية و لإستقطاب الزبائن!
و قد إتصلت به عدة مرات بعد ذلك و تحت إلحاح صديقتي لعمل إجراءات الحجز و محاولة الحصول على سعر مخفض قليلاً للتذكرة إلا أنه كان يتعامل معي بنفس الإسلوب في كل مرة يضعني في الإنتظار للرد على خمسة أو ستة مكالمات و يختمها بانه مشغول جداً و مضطر لأن يقطع المكالمة و سوف يتصل لاحقاً و بالطبع لا يفعل!
كان لا بدّ لي من كتابة هذه التجربة الشخصية و التي أنا موقنة أنها تكررت مع الكثيرين/ات من قبل هذه الشركة و مسؤولها الذي لا يراعي أبسط قواعد التعامل مع الزبائن الذين يودون التعامل مع شركته و الشئ الذي أثار إستياءي أكثر هو وجود هذه الشركة في أكثر بلد في العالم يقدر أهمية إحترام العملاء and pays extraordinary attention to deal with clients in a certain level of respect, curtsey, and profession
and I want to say to him it is very dishonest to misinform and mislead people to gain short-term success and what you are doing will not yield you any thing but loss of credibility and eventually clients
| |
|
|
|
|
|
|
|
|
|
Re: أنا مبسوطة من ناس آدم للسفر ديل (Re: ombadda)
|
يازوله ثلاثه أثنين واحد وبالعكس أولا مسجل عليك أندار لأنك عملتى أعلان مجانا لآدام ..
ثانيا بائن ناس بكرى ديل شبعانين طلبنا السعر للأعلان القدر بتاع سودانير ده ، لكن لم يحدث أن وصلنا رد ، وخائفين نضطر الى أنزال أعلان غير مدفوع القيمه ونحصل على كرت أحمر
(بس)!!!
| |
|
|
|
|
|
|
|
|
|
Re: أنا مبسوطة من ناس آدم للسفر ديل (Re: تاج السر حسن)
|
عارفة يا زولة 123
انا لاقيت ادم زاتو السنة الفاتت في مكتبنا في جدة
اصلا هو امريكي من اصل مصري وفي علاقة في العمل بين وكيل لشركتنا
وادم للسياحة في عمل العمرة السياحية كاكبر وكيل في امريكا
اها ادم ما طلع سوداني لسع في امانته للمنبر
وتحيا مصر وتحيا الوحدة العربـــــــــــــية
| |
|
|
|
|
|
|
|
|
|
Re: أنا مبسوطة من ناس آدم للسفر ديل (Re: اساسي)
|
أساسي
تعرف قلت قبل شوية لندى اننا فتنا المصريين بفخر قبل ما اقرا مداخلتك
وسبحان الله طلع الراجل مصري يعني الريادة لسة ليهم.
اها والحج ده بيتفق معاهم على السعودية وبعدين يلقوا نفسهم في الصحراء الغربية ؟
ما بعيدة كان كده
أسوأ حاجة في الدنيا الكذب وهي فعل دنيء ينتقص الكثير من قيمة الشخص وللاسف الكذاب آخر زول بيكون حاسس بيده وفاكر نفسه أفلح من الناس التانيين.
اها في مفاجأت تانية عن آدم ولا نشوف عشان نكمل الموضوع بدونه
ما يقوم يطلع منتحل شخصية روضة هو كمان
| |
|
|
|
|
|
|
|
|
|
Re: أنا مبسوطة من ناس آدم للسفر ديل (Re: Nada Amin)
|
ندى الحبيبة
لاكن ما باسلك...تعرفي وقع لي كلامك ده زي حاجة كدة بيسموها شاكوش
وما قدرت اختار الانفعال الصح قعدت اضحك
ولمن وقفت نوبة الضحك جيت راجعة اقرا الكلام تاني
قلتي لي أدم طلع نصاب؟؟؟ مبااالغة
وانا متعبة نفسي وقاعدة ادعي ليه ولي عياله وهو يغش في المساكين ديل؟؟
طيب يعني ما يعملها محبوكة شوية ويقول السعر 799 $ بدون المصاريف ولمن تجي تقطعي التذكرة يقول ليكي 401 $ مصاريف زيادة
حسي ما عارفة اقفل البوست ده حزنا على خيبة الامل في ناس آدم ولا اكمله لعل وعسى في شركات كويسة تانية تتشجع. لاكن ما ظني بعد كلامك ده.
ألز حاجة في الموضوع انه واضح وصريح وبيقول ليكي
Quote: صرح قائلاً و بالحرف الواحد و الله على ما أقول شهيد أنه يفعل ذلك لأغراض تجارية و لإستقطاب الزبائن!
|
يعني فتنا المصريين
| |
|
|
|
|
|
|
|
|
|
Re: أنا مبسوطة من ناس آدم للسفر ديل (Re: zola123)
|
الدكتورة الرائعة ايناس
شكرا للموضوع الظريف و كعهدى بك دائما تاتينا بمواضيع و مداخلات مختلفة و رائعة
مشكلة الدعايات فى سودانيزاونلاين مشكلة عويصة ...فالدعايات فى سوداننا تحتاج الى الواسطات , المعارف و المحسوبية
ودى مشكلتنا.........
صاحب ادم للسقر صديقى ويقيم معى هنا لكنه ليست عضوا بسودانيزاونلاين رغم انه يمتلك قلم جرا و مبدعا...
| |
|
|
|
|
|
|
|
|
|
Re: أنا مبسوطة من ناس آدم للسفر ديل (Re: بكرى ابوبكر)
|
بكري
والله نحن سعيدين بتشريفك البوست ده وياريت تورينا بمزيد من التفصيل المشاكيل البتعوق الاعلان في الموقع.
اعتقد ان اي شركة تجايرة تعلن في موقع ستستفيد فائدة كبرى ولا أفهم لماذا الواسطة وانت تقدم لهم خدمة كهذه على طبق من فضة. لازم نغير مفاهيمنا شوية ونتعامل اننا الطرف القوي. ليه ما بتنشر احصائيات عن موقعك , يعني عداد في بداية الصفحة يبين عددة الزوار وكم نقرة في اليوم عشان أي زائر يعني انتشار الموقع وبرضو تبين ده في صفحة اسعار الاعلانات.
ملاحظة
كلم ناس آدم يدوا الناس التذكرة بنفس السعر المعلن عنه في الموقع
وقول ليه اي تغيير بيضر بيه كتير, ولسة عندنا أمل فيه.
تحياتي
| |
|
|
|
|
|
|
|
|
|
Re: أنا مبسوطة من ناس آدم للسفر ديل (Re: Abo Amna)
|
Quote:
لحد ما الله يفتحا علي واعمل شركة خاصة بي واجي أعلن عنها هنا
في كم زول معاي؟
zola123
|
زولا 123
أسمعيني كويس : أنا من أسع معاك حتى قبل ما تعلني عنها
وبعد داك ان شاء الله ربنا يفتحها عليك !!!!!!!.
رايك شنو : شريك ينفع واللا موظف فيها ؟؟؟؟؟؟؟.
يديك الف عافية .
خضرعطا المنان
| |
|
|
|
|
|
|
|
|
|
Re: أنا مبسوطة من ناس آدم للسفر ديل (Re: عمر الفاروق شيخ الدين)
|
Quote: لاكن ما باسلك...تعرفي وقع لي كلامك ده زي حاجة كدة بيسموها شاكوش
وما قدرت اختار الانفعال الصح قعدت اضحك
ولمن وقفت نوبة الضحك جيت راجعة اقرا الكلام تاني
قلتي لي أدم طلع نصاب؟؟؟ مبااالغة
|
الاخت زولا
لقد تعرفت علي ادم للسفر والسياحه من خلال هذا الموقع ولي معهم تجربتين واشهد الله الذي لا اله الا هو اني وجدت منهم كل تعاون وكل تقدير واهتمام ليس هذا فحسب فحتي عندما اردت العوده الي السودان واجهتني بعض الصعوبات في حجز العوده من السودان فبواسطه الاخ نادر (ادم للسفر) تم تسهيل امور عودتي
اما بخصوص الاعلان $799 والله انا اتصلت بهم ووجدت نفس ما قيل للاخت ندا امين وقيل لي علي ما اذكر ان هذا العرض كان ساريا لفترة محدده وافتكر الاخ بكري لم يغيره لمشغولياته
وفعلا ده كان حاصل في امريكا في تلك الفترة حيث ان معظم شركات الطيران كان لديها تخفيضات مهوله للسودان .
هذا ليس دفاعا عن ادم للسفر والسياحه والتي اريد ان اؤكدان ليس لي اي معرفه شحصيه بصاحبها الاخ الخلوق والذوق نادر .
والتحيه لك يازوولة
| |
|
|
|
|
|
|
| |
zola123
ودالعباسية
بلدى يا حبوب
Soumeta
garjah
سجيمان
علاء الدين يوسف علي محمد
محمد الامين احمد
ombadda
اساسي
بكرى ابوبكر
قاسم المهداوى
الجندرية
Abo Amna
خضر عطا المنان
Bakhaf
فيس بوك
تويتر
انستقرام
يوتيوب
بنتيريست