إلى الأخ علاء سيد أحمد مع عظيم المودة والاحترام

Quote: حديث الفداء الجمعة 4 يناير 1985 نجـــاة مصطفى الجيلي 13.600 Abonnenten Abonnieren 16 Teilen 653 Aufrufe 16.01.2017 الزمن أخدنا، نقفل الحديث.. لكن كتير من الأخوان والأخوات عندهم انطباعات ليقولوها.. الحديث القيل طيب جدا.. أفتكر مؤتمرنا دا لابد أن يؤرخ تحول عملي فى موقف الجمهوريين.. زي ماقلنا قبل كدا: الناس سمعوا مننا كثير، الكلمة المقروءة المكتوبة.. نحن عشنا زمن كثير فى مجالات عاطفية، الإنشاد، والقرآن، والألحان الطيبة، وجاء الوقت لتجسيد معارفنا، وأن نضع أنفسنا فى المحك ونسمو فى مدارج العبودية سمو جديد!! الصوفية سلفنا ونحن خلفهم.. كانوا بيفدوا الناس، الوباء يقع يأخذ الشيخ الكبير، الصوفى الكبير وينتهى الوباء.. دى صورة غيركم ما يعقلها، كثيرة هي.. الجدرى فى قرية التبيب تذكروها؟ كان فى كرنتينه فى القرية لا خروج ولا دخول.. الشيخ الرفيع ود الشيخ البشير أخو الشيخ السمانى مات بالجدرى فى القرية .. شيخ مصطفى خال خديجه بت الشريف، هو صديقنا وبزورنا كثير قال: حصلت وفاة ومشيت أعزى.. مر علىّ الشيخ الرفيع، ( أخو الشيخ السماني، شيخ المقاديم الهسع بيعطروا ليكم حلقات الذكر ديل ).. قال لى بمشى معاك.. قال: مشينا سوا إيدو فى إيدى كان فيها سخانة شديدة.. وصلنا محل الفاتحة واحد قال ليهو يا الشيخ!! المرض دا ما كمَّل الناس؟؟ الشيخ الرفيع قال: المرض بنتهى، لكن بشيل ليهو زولاً طيب.. قمنا من المجلس وصلنا البيت والسخانة كانت الجدرى!! ومات الشيخ الرفيع ووقف الجدرى.. السيد الحسن أيضا مات بوباء وانتهى الوباء.. وفى سنة 1915م الشيخ طه مات فى رفاعة بالسحائى، وكان مستطير بصورة كبيرة وما عندو علاج وما كان بينجى منو زول، الما يموت يتركو بى عاهة.. مات الشيخ طه والمرض انتهى.. الحكاية دى عند الصوفية مطَّردة ومتواترة، العلمانيين تصعب عليهم .. من حديث الفداء يناير 1985 للأستاذ محمود محمد طه

(عدل بواسطة Yasir Elsharif on 01-03-2023, 11:11 AM)