|
Re: إلى ذاكرة خريجي الهند ..مع التحية ًِ (Re: walid taha)
|
مستر "شرما " موظف بنك أوفرسيس برانش كأن اول من يطالعنا ويبستم لنا بهدؤ عند تسليم التحويل . ولما كان overseas يتطلب ركوب مواصلات كتيرة لتتفاجا آخر الأمر بأن التحويل لم يصل ، أصبح ملاذنا مستر شرما الذى كان يقوم بالإتصال عندما يأتى التحويل ، وهذه الخدمة بالطبع لم تكن متاحة لدى البنك لكن على أية حال كان يتصل ، ونحن طبعا (بشهامتنا ديك) كنا ندس له شيئاً كلما خدمنا يتسلمها فى حذر شديد. وبمرور الأيام أصبج مستر شرما يبارك هذا (الدس). بل يصبح (غتيتاً) لو صهينت منو :)
overseas برانش يا سلاااااااام كان يطل على المحيط الواسع حيث كانت تلسعنا قطرات من الموج الهادر وكأنما تأتى من التحويل . مستر شرما مرة لاقيتو فى كٌرلا إستيشن حييته من بعيد فتبسم ضاحكا .
ياخى جنب أوفر سيس ده كان فى واحد بتاع (مسالا دوسة ) فظيع :)
| |
|
|
|
|
|
|
Re: إلى ذاكرة خريجي الهند ..مع التحية ًِ (Re: walid taha)
|
cross midan كان يشهد منافسة عنيفة جدا فى كرة القدم .كنا نقيمها كل عام . هل الدورة شهدت إبداع منقطع النظير حيث كانت الفرق تضج بــ(حُرفا) كثيرين جدا فقد قمنا تقسيم الفرق حسب السكن فكانت أنديري منبع الإبداع ثم كُرلا ماهم وماتونقا نوباتيا وغيرهم كانت الندية طابع الدورة والتشجيع على اوجه وجذب ذلك عدد من الهنود وغيرهم من الجنسيات للمشاهدة الحٌرفا الذين أذكرهم فى ذلك الوقت داك كانو : 1- خالد تمسا 2- محمد السر 3- كلانا 4- حارس المرمى تمساح 5- الرهيب ود الحاجة 6- المرحوم معني الإمام 7- وليد أب راس 9- عزام 10- الماسيترو حسن حامد 11- أو الجاز 12- سمير 13- الحاج تِقي
والكثيرون غيرهم ،، :[/B
| |
|
|
|
|
|
|
Re: إلى ذاكرة خريجي الهند ..مع التحية ًِ (Re: walid taha)
|
بشرى ، ساجده ، شاينا ، فوزية ، فاتيما ، شاهدة ، زوبي كنّ زميلات الكلاس ولما كنا ننظر الى جمالهن خلسة ظنا منا بأنهن قد يخجلن إذا أحسسنا بذلك فقد كنا نختار الجلوس آخر ديسكات الكلاس أول الأمر . مع الأيام إكتشفنا بأنهن خلاف ما نظن فقد كنا عفويات حد البلاهة . وبما ان الطالب السوداني يبدو خجول للوهلة الأولى فقد كنا نقترب منهن وكان السؤال الفرمالة how is the study going on؟ ظنا منا أن بداية الحب والريدة تبدأ بهذا السؤال وفى خاطرنا زميلة الجامعة السودانية . زميل لنا جا متأخر من اللكشر فوجد المقعد الوحيد الخالي جوار هندية "لمبة" فجلس وما كاد أن يبادلها التحية ويدون ما فاته من دفترها حتى إنقلب حالو وصار متيما وأسرف فى ذلك حتى أتهاه ذات صباح واحد (قُندّة) وقال له لولا أنك سوداني ونعرق السودانيين لكن لنا معك شأنٌ أخر.
فعملنا حسابنا شديد،،
| |
|
|
|
|
|
|
Re: إلى ذاكرة خريجي الهند ..مع التحية ًِ (Re: اسامه العريفي)
|
Quote: 5- الرهيب ود الحاجة |
طبعاً يا ولي تم تسجيل اللاعب رقم 5 دا لفريقنا في بيتنا بـ Parel بعد مشاورات طويلة حسمها كابتن منعم سعيد لتيم نوباتيا
طبعاً كان جديد وما عارفين مستواه المميز غير اولاد العيلفون، وناس بحري لسة ما كنكشو فيهوا ههههههه ... وربما تكون متذكر انوا فريقنا فاز بأول دورة بسبب ود الحاجة بس، لانوا فريقنا كان راقد كنب يجيبوا فينا قونين ود الحاجة كان بعادل بهناك وبيجيب أتنين زيادة ..
واضح إننا كنا في فترة واحدة في بومباي ولكن الإسم والصورة ملخبطني شوية!
| |
|
|
|
|
|
|
Re: إلى ذاكرة خريجي الهند ..مع التحية ًِ (Re: اسامه العريفي)
|
أُسامة إزيك شوف يا سيدي لو سايق معاك الأولاد أوعا تسوقهم معاك البغدادي لو لابد أمشي براك لانو خمج شديد :) لازم تمشى elephant island القوارب بتتحرك من كلابا gate way of india رحلة ظريفة . للمفارقة أنضف وأرخص مطعم هو ماكدونالدز قريب من VT إستيشن WORLY بيتش برضو ظريف . بس شوف بومباي صراحة غلت شديد ، فندق نضيف ووسط بتتكلم عن 100 دولار لليوم .
مهم جدا : التاكسي من المطار فيهو تدقيسات شديدة ما تدفع أكتر من 1000 روبية لكلابا يا زول شيل قروش كتيرة ،،
| |
|
|
|
|
|
|
Re: إلى ذاكرة خريجي الهند ..مع التحية ًِ (Re: walid taha)
|
Quote: مهم جدا : التاكسي من المطار فيهو تدقيسات شديدة ما تدفع أكتر من 1000 روبية لكلابا |
سنة 1990 وانا مغادر الهند وقفت تاكسي من كولابا الي المطار وكان الجوء ماطر جداً المهم لمن وصلت المطار صاحب التاكسي رفض يشيل مني اجرة التاكسي والتي كانت تبلغ في تلك الفترة خمسون روبية فقط زمن والله فقال لي لمن تجي راجع جيب لي معاك raincoat زي بتاعك ده عاجبني شديد حاولت ان اقنعه بأني مسافر نهائي وتاني ما برجع فقال لي لأ حترجع واعطاني رقم سيارته وقال لي انا دائما بكون في كولابا في اي وقت تجي بكون موجود فحرك السيارة وتركني ياربي هل اشيل معاي raincoat لهذا السائق المسكين ربنا يسامحني لو اتوفي
| |
|
|
|
|
|
|
Re: إلى ذاكرة خريجي الهند ..مع التحية ًِ (Re: اسامه العريفي)
|
Quote: ياربي هل اشيل معاي raincoat لهذا السائق المسكين ربنا يسامحني لو اتوفي |
أسامة إزيك الوكت داك يا اسامة الناس ديل كانو بيعتقدوا فى الحاجات المستوردة هسه لا كل حاجة بقت راااقدة . هسه لو أديتو قروش إلا تيدهو 5000 روبية . ياخى مشيتى الفاتت دى أديت شحادة 5 روبيات قالت بإستغرابAYEH KIA AYEH ؟ :))))))
| |
|
|
|
|
|
|
Re: إلى ذاكرة خريجي الهند ..مع التحية ًِ (Re: walid taha)
|
Quote: لزملاء كانوا بسطاء يسهل التعامل معهم ، بل ان بعضهم يتباهى بصداقته لنا. يحبون الأشياء المستوردة كالساعات والتشيرتات . فى إحتفالية الـ rose day يحملون ورود جلها بيضاء وآخرون يخبئون ورود حمراء@ |
بعضهم حريف جدا فى (البخرة ) أيام الإمتحانات ويمتلكون تكنيك عالى جدا فى هذا المنحى :)
| |
|
|
|
|
|
|
Re: إلى ذاكرة خريجي الهند ..مع التحية ًِ (Re: walid taha)
|
القٌنّدّة * كما يعلم زملاء الدراسة هو زعيم العصابة ،وغالبا ما يكون مهاب حتى من البوليس بعض الأحيان وتكون منطقة كاملة خاضعة لسلطته . بتذكر القندة فيروز فى كليتنا كان تبدو عليه الشراسة وكان يحب السودانيين ذلك الوقت ،،
| |
|
|
|
|
|
|
Re: إلى ذاكرة خريجي الهند ..مع التحية ًِ (Re: walid taha)
|
قاعة K.C COLLEGEضجت ذلك اليوم بعدد غفير من الطلاب. جاء الفنانون من كل حدب وصوب يلسر كسلا من مدراس محمد عبد الله من أرونج أباد صلاح فالولة من بونا فرقة فلق الصباح كورال عامر بجميع المبدعين أدى (الملحمة ) بروعة لامست الوجدان
ياااااااه أيام
| |
|
|
|
|
|
|
Re: إلى ذاكرة خريجي الهند ..مع التحية ًِ (Re: اسامه العريفي)
|
إسامة إزيك
رحلة سعيدة شيل معاك قروش كتيرة ولو عندك credit card خليهو معاك ، لو متجه لبومباي أمشى فندق Causeway hotel سعر معقول ونضيف ووسط كلابا أرخص عصير sugar cane :) من المطار أخد تكاسي المطار الرسمية لأن التانيين مستنكحين ،ولو خفيف أخد ليك رقشة لسانت كروز إستيشن ومنها للـ VT إستيشن حتوفر كتير زور كالينا كمبس والجامعة فى الفورت ومر على الهوستل لتجتر الذكريات وما تنسى وورلى بيتش وقت الغروب حيذكرك حاجات كتيرة
تصحبك السلامة
وما جانى تلفون منك ياخ !!! 0568670026
| |
|
|
|
|
|
|
Re: إلى ذاكرة خريجي الهند ..مع التحية ًِ (Re: walid taha)
|
الدُّكان
الدكان أو البقالة فى الهند يعنى مكان محدود المساحة تجد فيه كل شئ ، كل ما تحتاجه من أغراض يومية بأسعار وكميات تناسب الجميع كلُ يشترى حسب إستطاعته . الهنود لهم براعة شديدة فى ملء الفراغات لذلك تجد المتجر يحوى كميات مبالغة من البضائع مرتبة بشكل رائع . طبعا كان هذا الوضع يناسبنا تماما فى (الميز) ، نص رطل زيت ، شوية دقيق ، ظرفين صلصة ، بصل كيس صغير ...ألخ اللاديه ومفردها (لادية ) ومن منا لا يتذكر "اللاديه" يقول ليك جيب معاك (5 لايدات ياخى ) :)
| |
|
|
|
|
|
|
Re: إلى ذاكرة خريجي الهند ..مع التحية ًِ (Re: اسامه العريفي)
|
الاخ وليد والاخوة مرتادي هذا البوست الجميل سلام من الله عليكم ورحمته وبركاته ,,, طبعا انا من المتابعين للبوست منذ الوهلة الاولى لان ما حكاه لنا اخوتنا من ابناء العيلفون عن الهند وعن ايام الدارسة في الهند جعلنا نعرف معالم كثيرة فيها وكم حكو لنا عن ايامهم الخوالي هناك فمثلا يا وليد اراكم تحدثتم عن اللاعب الفلته ابن العيلفون البار الاخ معتز طلب ( ود الحاجة ) فمعتز لولا سفره للدراسة في الهند لكان له شأن عظيم في فرق القمة السودانية ولكنه اثر الدراسة على معشوقته كرة القدم فمعتز عيلفوني اصيل لعب معنا في فريق الوفاق وكان هداف دوري العيلفون هو والاخ معتز صباحي والاخ اسامة بريش ( بريش العيلفون ) كانو من اميز لعيبة دوري العيلفون اويضا الاخ اسامة الطيب ايضا لعب معكم في دوري الجامعات الهندية واسامة ايضا من ابناء العيلفون وكثير من ابناء العيلفن برزو في مناحي اخرى في الهند غير كرة القدم ... على كل حال واصل يا وليد وانا متابع لاخر حلقة من هذا البوست الجميل .....
تحياتي : ياسر العيلفون ....
| |
|
|
|
|
|
|
Re: إلى ذاكرة خريجي الهند ..مع التحية ًِ (Re: walid taha)
|
سلام وليد والمتداخلين قبل خمسة شهور ذهبت الي الهند عبر مطار صحاري المطار بتاع بومبي اصبح من المطارات العالميه جمال مبالغ فيه ، وقفت عند ضابط الجوازات انا والاسرة المهم بدا يتناقش معي هل سبق وانك جيت الهند قبل كده ، اخبرته بأنني من خريجي الهند جامعة بونا دفعة ........ طبعا النقاط دي حفاظا للعمر وكده ، الضابط ضحك ضحكة طويلة وقال لي انا دفعتك وبتذكرك كويس جدا وذكر لي مجموعة كبيرة من الدفعة سبحان الله برغم السنوات العديدة تذكرني جيدأ فخلص لي جميع الإجراءات وودعني خارج المكتب واعطاني كرته الشخصي كدي النروق شويه وتونس معاكم اكتر
| |
|
|
|
|
|
|
Re: إلى ذاكرة خريجي الهند ..مع التحية ًِ (Re: اسامه العريفي)
|
Quote: وقفت عند ضابط الجوازات انا والاسرة |
أسامة إزيك ياخ نحن برضو وقفنا نفس وقفتك دى لكن وقفتنا طالت فنحن يا سيدي مشينا قبل 4 سنوات الأولاد كانو مضافين فى جواز أمهم (الجواز الأخدر القديم) ضابط الجوازات إستغرب جدا كيف 4 أشخاص يشتركو فى جواز واحد ! قام شال الجوازات مش بيها مكتب وبعد فترة طويلة جا راجع وقال لى كدى تعال لينا بهناك وفعلا دخلونا مكتب وحققو معانا وهم بقلبو فى الجواز غايتو بقدرة قادر أقنعناهم إنو جوازنا كده وقبلو على مضض رغم إنو الجواز فيهو إستيكر تأشيرة لكل واحد ! غايتو لمن ركبنا التكسي كان الشمس قربت تطلع ودى كانت فى صالحي لأن السردارجي ودانا بشارع أعوذ بالله ، كويس إنو الأولاد كانو نايمين !
ما اود أن أشير إليه أن الأمن فى تلك البلاد قوى جدا والأجهزة الأمنية مهابة لحد كبير.
| |
|
|
|
|
|
|
Re: إلى ذاكرة خريجي الهند ..مع التحية ًِ (Re: walid taha)
|
بونا الحنونة وقهوة نيشا قهوة نيشا إستضافتنا أول عهدنا بمدينة بونا وهى قهوة جامعة لأهل الفن والكورة والسياسة ويا سلام على بونا - أميتاب - وليد حنفية -مسعود - الضب - معتز حامد - خالد الدبل - الفنان بشير - ضرغام - بكرى مصطفى
كثيرون يزحمون الذاكرة
| |
|
|
|
|
|
|
Re: إلى ذاكرة خريجي الهند ..مع التحية ًِ (Re: walid taha)
|
بالعودة الى ضباط إدارة الإقامة والجوزات أو ما كان يعرف حينها بـ CID فقد رأجت بينهم عادة الإرتشاء و للحقيقة كان للطلبة السودانيين القدح المعلا فى جعل أولئك مرتشون من الدرجة الأولى فمع طباعهم الحادة كانوا يتلقون الرشاوي كأنما هى رسوم حكومية فبعضم يتلقاها مخبئة بين صفحات الجواز ومنهم من يفتح درج مكتبه فى دعوة صريحة لوضع (الفيها النصيب) فى الدرج دون أن يطرف لهم جفن !
| |
|
|
|
|
|
|
Re: إلى ذاكرة خريجي الهند ..مع التحية ًِ (Re: walid taha)
|
في مثل هذا الصباح من العام 1991 أطل سيف النصر (ود النصر) من بلكونة الشقة الكائنة بـ"كورلا تاكسمن كولوني" المطلة على الخور فى اول صباح له فى مدينة بومباي قائلا بأعلى صوته ملتفتا للشباب : ( دي الهند ؟!!!!! لكن ماااااا إتكنتنا يا مان) :))))
| |
|
|
|
|
|
|
Re: إلى ذاكرة خريجي الهند ..مع التحية ًِ (Re: walid taha)
|
وليد امبس سرناقمي
واصل يا حبيب ومن هنا متابعة لصيقة قرأت البوست من البداية وبدون توقف
هناك الكثيرون من ابناء كرمة البلد الذين درسوا فى الهند فى نفس الفترة المذكورة هنا فى البوست والكثيرين منهم يذهبون غالبا فى اجازاتهم السنوية الى الهند .
| |
|
|
|
|
|
|
Re: إلى ذاكرة خريجي الهند ..مع التحية ًِ (Re: walid taha)
|
يا سلام يا وليد طه بوست معتق و رجع بينا لأجمل الايام ، الهند و ما ادراكم الهند ، ما شاء الله عجبتني ذاكرتك العجيبة و كيف انك قاعد تطوف بينا في سياحه عجيبة . اعتقد معظم الاحداث تكون متاشيع لكل من درس بالهند , بس سؤالي ليه دائما القندوات عندهم تقدير خاص جدا للسودانيين حتى عندنا في بارودا كانو بمثلوا حاجز امني لنا .
كسره ما قاعدين نشوفك معنا هنا في ملمات رابطة خريجي الهند
| |
|
|
|
|
|
|
Re: إلى ذاكرة خريجي الهند ..مع التحية ًِ (Re: الصادق خليفة)
|
الصادق خليفة ! :) يا راجل مختفى !
و الله يا الصادق الذاكرة فى مجملها أصبحت خربة لكن قد تتفق معي أن ذكربات الهند إستثناء فهي محفورة فى جدار الذاكرة وهى بكل تأكيد عصية على النسيان
Quote: بس سؤالي ليه دائما القندوات عندهم تقدير خاص جدا للسودانيين |
و الله لا أستطيع تفسير ذلك، ربما لأننا نشترك مهم فى ديانة واحدة و كلهم كما تعلم مسلمين بعضهم شغوف بمعرفة أشياء عن الدين من لسان عربي خاصة وأن ليس هنالك طلاب من جنسيات عربية درسوا معنا خلال تلك الفترة غير كده ما أظن فى تفسير تانى إلا ياهو طيبتنا الزايدة وعشرتنا السهلة :) لمن مشيت زيارة فى 2014 وجدت الأمر مختلف وعرفت إنو القُندوات الكبار كلهم (ناشوهم) :) تصدق ! الأمن عندهم بقى ما بلعب
إن شااء الله نكون حضور فى أقرب لمّة
تحياتي الصادق
| |
|
|
|
|
|
|
Re: إلى ذاكرة خريجي الهند ..مع التحية ًِ (Re: walid taha)
|
الدّين أو ما يُعرف بــ(الجّر) كُل الناس كانت (بتجّر) من الكل ، من بتاع الشاي ، بتاعين الأكل ، بتاع اللبن ، بتاع اللحمة ..ألخ
حقيقة كان (الجّر) سلوك شائع و كانت الظروف تفرض ذلك ، وأحبابنا الهنود كانو ناس طيبين وكريمين وصبورين!
طلبة الهند كانو (ملوك الجر) بدون منازع :)) من أبرزهم فى الوقت داك كان "خالد جرورة" الله يطراه بالخير :) !
| |
|
|
|
|
|
|
|