ده فلسفة منك ساي يا محمد جمال. إنت غلبك تعمل شنو وقلت تمثّل دور الضحية. براك بديت الجلافة والطنقعة الفارغة. عشان كده ما تتوقع من الناس يجوا شايلين ليك ورود وأغصان زيتون وإنت بتتعالى عليهم كده.
لو رجعت إلى جادّة الصواب واتعاملت مع الناس باحترام حبابك، ولو واصلت بأسلوبك ده، يبقى تكرب قاشك.
10-12-2022, 00:19 AM
محمد جمال الدين محمد جمال الدين
تاريخ التسجيل: 10-28-2007
مجموع المشاركات: 5403
في هذه الصفحة رقم 4 من هذا البوست المبارك بكم وباهله وزواره الاكارم وعلى ما به من جدل.. سناتي بخلاصت بحث الحقيبة من جديد .. تتضمن المناهج وطرق البحث التي اتبعناها او وفق ما حدث وانتهى بالنتيجة المعلنة في سبتمبر 2017.. ولمزيد من ال Added Value وفق ما هو معلن.. لا الجدل المعاكس المضيع للجهد الزمن!
10-12-2022, 00:57 AM
محمد جمال الدين محمد جمال الدين
تاريخ التسجيل: 10-28-2007
مجموع المشاركات: 5403
ملاحظة: منذ اعلان نتيجة البحث حصل جدل سوداني كالمعتاد وكثير من دلق المداد والتنمر المريح لصاحبه.. والكركبة .. ويحدث في هذا البوست دون بحث مضاد او مقارنات داحضة فقط عك في عك للاسف ومن متعلمين كان ظننا بهم افضل!
10-12-2022, 01:15 AM
محمد جمال الدين محمد جمال الدين
تاريخ التسجيل: 10-28-2007
مجموع المشاركات: 5403
خلاصات البحث حول حقيبة الفن السودانية (اليوم أعلن عن إكتمال البحث من حيث الجوهر حول حقيبة الفن السودانية) وهنا توجد خلاصات البحث الأولية والجوهرية! خلاصات البحث حول حقيبة الفن السودانية (مرفقة). الحقيبة من نمط الزجل من حيث النوع الشعري.. كل الشعوب المتحدثة بالعربية "أصالة" في الأساس عندها نوع من "الزجل".. وهذا أيضاً حدث في الوسط/الوسط النيلي في السودان.
وهو نمط من الشعر والغناء مرجعيته كنوع أدبي/فني في أزمان الأندلس المزهرة و"المزدهرة".. شعر عامي وشعبي لا يلتزم قواعد الشعر العربي وبحوره المعروفة.. هو شعر العامة والأعاجم في زمانه لذا أزدهر خلال فترات التنوع العرقي والثقافي كما كان حال الأندلس.. ثم أنتشر الزجل في المغرب العربي والشرق في أزمان مختلفة لاحقة .. منذ حوالي العام 1200م .. وحتى تاريخ اليوم بعض الناس مازالوا ينشدون ويغنون ويبدعون أنواع مختلفة من الزجل بالأصالة كما تقليد ومجاراة.
وهو نمط شعري مخصص في الأساس للغناء والطرب وأهم مواضيعه الغزل والنسيب والطبيعة والمدح و"المديح النبوي". والسودان لم يعرف الزجل كإبداع ونظم وصناعة إلا في الفترة من 1920 إلى 1945 فيما عرف بحقيبة الفن السودانية.
وهنا مجرد أمثلة صغيرة لتؤشر إلى وحدة النمط بين شعراء زجل من التاريخ القديم وخمسة من شعراء الحقيبة والمقطع في كل مرة من قصائد شهيرة.
وأنت دوبيت موشح القاما .. يا عزيز الدلال ولك ألفاظ صارت مواليا .. بالزجل والنشيد إبراهيم الغباري 1280م زجل/العهد المملوكي وأنشي شعري وزجلي وموالي في سناك قليل ياجميل إبراهيم العبادي 1930م "حقيبة" العهد الإنجليزي/التركي
التاريخ أمام مقاطع الحقيبة تقديري يشير دائما إلى زمن كتابة القصيدة. --- وقد شدت تسجع كالخطيب بمنبر الغصن الرشيق القوام .. لما انثنى يهفو بقد رطيب إبن زمرك الأندلسي 1150م الخطيبة وردفك منبرا الشعور البسطــــــــل عنبــــــــــرا أبو صلاح/ حقيبة 1930م ---
حبّي عني حجبوه اهلو واسرفوا في جمع حفاظو والرقيب قد غيبو عني حتي عني قيد الفاظو صفي الدين الحلي/زجل 1339م جارو اهلك وجورم أمـر بالبعـاد والأمـر الأمـر في ديارم حجبـو القمـر عبد الله الأمي/حقيبة 1930م ---
لو ترى حمرة خدودو ... وعذاره ذا المنمنم والشقيق حمرا في صفرا ... كنو رايات شاه أرمن زجل أندلسي 1200م (الوافي بالوفيات للصفدي ص500) صَبّـغْ الخـدين حُمرة بعد ساعة تشوف صفرة الاصفـرار ده كتيـر أخجلـوك يـا أميـر والّــ نُمّــت نهـار خليل فرح "حقيبة" 1930م ---
ذا الغزال النافر الأنسي ... للغزالة قد أعار النور كسر قلبي كسير جفنو... فاعجبوا للكاسر المكسور وبخمر الدن قد عربد ... وادعى أني أنا المخمور وابتسم لي عن نقا ثغرو . زجل.. صفي الدين الحلي 1339م والبروق تتلامع من بسوم ونحور النظر مكسور دون توقل تارك كم قلب مكسور في حسابه كسور وحاله حال الواقف في الحساب مأسور سيد عبد العزيز / حقيبة 1930
تلك الكلمات المفتاحية المشتركة والجمل المكررة كما بعض الأخيلة والصور الشعرية جاءت مع النمط الكلي الذي تمت مجاراته والإنفلات منه إلى الإبداع الخاص في إطاره. وللإلمام بالصورة الكلية راجع لطفاً المقالات الشارحة لمعنى وأسباب وجذور شعر الحقيبة والمحيط السياسي والإجتماعي الذي نشأت في كنفه أغنيات الحقيبة 1920-1945. والملاحظ المتأني ربما شهد أن أشعار الحقيبة في المجمل مسجعة، حادة الجرس الموسيقي وهي خليط بين الدارجة والفصحى ولا تلتزم بقواعد الشعر العربي الكلاسيكية/المعروفة ولا تشبه الإنماط الشعرية السابقة عليها في السودان ك(الدوبيت، الحماسة، المناحة، الحوبي، المديح).
إذ أن الصور الشعرية والاخيلة والكلمات المفتاحية غير موجودة في المخيلة الشعرية القديمة وغير موجودة في المدائح ولا القرآن والمسايد الصوفية والخلاوي وغير موجودة في اللغة اليومية ومنها ما هو غير معروف أصلاً في السودان آنذاك وربما حتى الآن الغالبية منا لا يهتمون بكلمات مثل (نقا ولدن وأملدن) يا غصين النقا يا لدن يا أملدن.. محمد ود الرضي . وهناك فيض من الكلمات الغريبة على المخيلة الشعبية من قبيل: يا رشا يا كحيل، حمام الايك، الهوى سباني، الخد الزهري وعشرات التعابير الأخرى المستورة من التاريخ السحيق لتأخذ مكانها في نسق شعري محلي عظم اللغة والالحان ولا يجري على أوزان العرب المعترف بها كأصل.
كما هناك نزعة حنين جلية إلى "فردوس مفقود/ضائع" وهي واحدة من أهم خصائص الزجل!.
ثم أن المخاطب في الأصل والموجه له الخطاب هو إنسان السودان في بداية القرن العشرين أي حوالي مئة عام مضت.. إنه شعر غنائي.. مفترض شعبي.. أليس أمرأ يدعو للحيرة!. لكن ربما تزول الحيرة عندما نعرف أنه شي مشابه/مطابق للزجل الاندلسي كما أنماطه الصافية (القديمة) في المغرب العربي والشام ومصر في العهد المملوكي. ونعني هنا الانواع الزجلية التي أخذت مباشرة من الزجل الأندلسي مثل الزجل/القوما/الكنكان في مصر العهد المملوكي و"الصنعة/المألوف/الحوزي" في الجزائر والمغرب وتونس قبل أن تحدث مؤثرات جديدة في اللهجات المحلية في المغرب العربي ومصر بفعل الإستعمار والتداخلات الثقافية الحديثة مع الغرب والشرق.
هناك عشرات بل مئات النماذج المشابهة والمطابقة التي تنفي الصدفة!.
وكما هو حال الزجل في كل مكان وزمان نجد في زجل الحقيبة مجاراة لافتة للنظر إذ هناك جمل وكلمات مفتاحية كثيرة تناسلت لتعبر عن أحوال مختلفة من المفترض شعورية بحتة وخاصة ربما تقتضي تنويع التعابير بإختلاف أذواق الأفراد وهوياتهم ونفسياتهم ومزاجاتهم الشخصية، لكن بعد التعبير دوماً شبه مطابق وفي بيئة مناخية شديدة الإختلاف إذ شبه صحراوية وسكانها تغلب على طبعهم الحياة البدوية ولا يعرفون الكثير عن البساتين والدوح الطبيعية المزهرة والرياض والخمايل الوردية التي تجري من تحتها الجداول!.
مما قد يؤشر إلى حالة مجارة مستمرة التناسخ في النمط الواحد أي حالة ابداعية تكرر ذاتها.. مثل غنا البنات لكن بوعي موضوعي أي حيازة المستلف كالأرض "الميري" وهو ما فعله المصريون في العهد المملوكي مثلما فعله أهل العراق والشوام وأهل الحجاز ومن قبلهم المغاربة واخيراً السودانيون حسب هذه الرؤية في شعر ما عرف بالحقيبة فالسودانيون ليس إستثناءاً.
وعلى أي حال فإن نظم الزجل بمعناه الإصطلاحي في السودان لم يعش كثيراً وحفه الغموض وتلك العلة هي التي حجمت الزجل السوداني من الإنتشار أبعد من السودان بالرغم من جودته وإبهاره وإحكام نظمه بدرجة ربما تفوقت على جميع أنواع الزجل الأخرى المحتفى بها في التاريخ.. لكن لا أحد يعلم أن بالسودان زجل كون أصحاب الإختراع لم يقولوا به ولم يفعل أحد قبل اليوم (الواقع المشهود يقول بذلك)!.
ففي السودان سادت أنماط شعرية وغنائية "شعبية" أخرى كالدوبيت والحماسة والمناحة والحوبي وغناء البنات وأنماط أخرى عديدة. إذ لم يعهد السودانيون الزجل كنمط شعري إلا في زمان "الحقيبة" لذا ظلت الحقيبة محيرة للناس معظم الوقت!.. يحتفون بها بشكل شبه هستيري أو يهجونها بذات الهستيريا بلا سبيل إلى كشف بنياتها التقنية أو تفاعيلها وأوزانها الشعرية.. لم يحدث لأن ببساطة لا أحد كشف لنا عن مرجعيتها كنوع شعري.. الآن لدينا زعم محقق عبر الأدلة الممكنة بمرجعية الحقيبة كنوع شعري في "الزجل الأندلسي/وزجل العهد المملوكي"!.
لكل تلك الأسباب وأخرى ظلت الحقيبة يحفها الغموض كون مرجعية نمطها من حيث بنية القصيدة التقنية وتفعيلتها غير محققة كما غير معهودة في الشعر السوداني السابق عليها واللاحق أيضاً لم يلتزم نمطها.. فعاش النمط ربع قرن فقط (1920-1945) بغير وعي وافي به ومرجعياته.
كما أسلفنا كل الشعوب المتحدثة العربية بالأصاله عندها "زجل" فقط تختلف أسماءه من بلاد إلى أخرى ومن زمان لزمان ولكن دائماً النمط واحد: ففي العراق وسوريا ولبنان ومصر النمط في معظم المرات يحمل إسمه الأصلي (زجل) وفي الجزائر والمغرب وتونس وليبيا عنده عده أسماء بالإضافة إلى إسمه زجل ومن أهم اسمائه هناك: الصنعة والحوزي والمألوف والقوما (أشكال وأسماء مختلفة لكن النمط واحد). وفي الخليج إسمه "الحجازي". وأخير في السودان إسمه "الحقيبة".
دخل الزجل كنمط شعري وغنائي إلى السودان في العهد الإنجليزي/الخديوي وأبدع في نمطيته كنوع شعري وغنائي عدد من الشعراء والفنانين في ذلك الزمان وربما أبدعو بطريقة باهرة لم يشهدها نمط الزجل منذ عهد إبن قزمان الأندلسي (أبو بكر بن قزمان 1078 – 1160م) .
وهنا نذكر شعراء عظام أبهروا الناس عدة عقود بالنظم والصور والأخيلة الشعرية والمجاراة لأزجال الأقدمين ولبعضهم البعض ومن أهمهم: إبراهيم العبادي وأبو صلاح وخليل فرح وسيد عبد العزيز ومحمد ود الرضي.
وتولى في معظم المرات مهمة اللحن والأداء "رسمياً" الفنان المبدع الحاج محمد أحمد سرور (1900الجزيرة/السودان-1946 أسمرا/أريتريا).. إذ أن الزجل في الأصل شعر صنع من أجل التغني به وإن لم يغنى يصبح ناقصاً في جوهره!.. (الزجل في السودان هو "الحقيبة").
غير أننا وجدنا أن الزجل كنمط شعري/غنائي لم يدخل السودان صدفة أو نتيجة لتلاقح تلقائي بل تم وفق خطة منظمة نفذتها عدة أطراف ذات مصلحة مشتركة في إستقرار النظام السياسي والإجتماعي السائد في البلاد آنها ومعظمها معادي للعهد القديم "المهدية"!. وكل تلك الأسباب لا تمس الإبداع بصلة بل هنا نتحدث في الأساس عن وظيفة النمط الإجتماعية والسياسية. هنا أرفق خلاصات البحث حول حقيبة الفن السودانية.. وكم كان عملاً شاقاً ومرهقاً لي ولأهلي ولأصدقائي وأيضاً لبعض مغرمي فن الحقيبة الذين لم ترضهم الفرضيات التي أنطلق منها البحث (كانت قاسية من وجهة نظر البعض منهم) كون إحدى الفرضيات أن النمط الشعري ربما كله مسروق (لقد تحققنا من جميع الفرضيات وفي بحث تفاعلي حر ومستقل ومعلن للعموم) والبحث بكل معانيه حق من حقوق الإنسان (من حق/حرية التعبير) أو هو إيماني الخاص على أقل تقدير!.
وقد أثبت البحث المستفيض ضمن حيثياته الكلية أن الحقيبة السودانية في معظمها أصيلة وهي إنتاج سوداني بديع وباهر صنعته مواهب سودانية شابة في زمانها ومتحمسة شديد الحماس (عواطف وإنفعالات جبارة) وفي لحظة إستقرار ورخاء إقتصادي وسياسي كبير بالمقارنة لما قبله وتلاه من عهود.
لكن عله غموض "النمط" هي التي جعلتنا نظن الظنون في المادة الشعرية نفسها.. هنا نقطة مهمة.. إذ أن رواد الحقيبة الفاعلين والذين يملكون كلمة السر فضلوا التكتم على الأمر دون الإفصاح عن مرجعية شعرهم.. لأسبابهم.. تلك هي العلة التي نزعم أننا كشفناها الآن عبر البحث المثابر والصبور وبالأدلة الممكنة.
الآن ربما وضح لنا أن الحقيبة نمط من أنماط الزجل حق لصانعيه التفاخر به أمام جميع أنماط الزجل الأخرى في الشرق والمغرب العربي من حيث "الإبداعية الباهرة فيه" وحق لمغرميه أن يعلمو سر غرامهم ولكن أيضاً ملابسات القضية كلها وحق لنا جميعاً أن نتعرف على الحقيقة فهي الأعلى ولا يصح إلا الصحيح ولو بعد حوالي قرن من الزمان.. (ولنا الآن أن نمتع أنفسنا بفننا عن وعي ودراية)!.
أنا سعيد بيني وبين نفسي لهذا الإكتشاف.. إنه ممتع!. ولا يهم إن أتفق أو أختلف الناس حول نتائج البحث كلها أو بعضها ذلك حق.. ولا أنشد الكمال لأنه مستحيل.. لقد شجعتني نتائح البحث إلى فعل المزيد من البحوث المشابهة.. أستطيع أن اقول الآن أنني أصبحت مدمناً شكل هذه المتعة!.
وطبعاً عندما نقنع بحقيقة "الحقيبة" كزجل علينا أن نقبل بقواعد النمط التقنية وأخيلته وصوره الشعرية (إنه كرتونة كاملة) كما هي حال كل الأنواع الشعرية في العالم. إذ كل نمط عنده صيغه وقواعده ومواضيعه وأغراضه وأهدافه المختلفة كثيراً أو قليلاً عن بعضها البعض.. والزجل طبعاً كذلك.. أدناه الصورة الكلية لكيف تخلقت نمطية الحقيبة في السودان كنوع شعري وفني وإبداعي كما وظائفه السياسية والإجتماعية والطبقية والإقتصادية أوان تخلقه كنمط شعري وفني في السودان 1920-1950م. حقيبة الفن السودانية: ملخص لما جرى وحدث (تجديد في الشعر وفي اللحن وفي الإيقاعات الموسيقية)
ملاحظة إستباقية: هذا المنشور يحوي خلاصات مهمة بالنسبة للمتابعين للبحث حول الحقيبة لكنه لا يغني عن الإطلاع على البحث في صيغته الشاملة.
الإجراءات والأسماء التي صنعت حقيبة الفن (البعض يعلم والبعض يجاري العالمين بعد تدريبه على النمط الجديد) انظر أيضاً شهادات الطيب ود الرضي ومبارك المغربي.. لا يدخل شاعر إلى ثلة الحقيبة إلا بعد تدريب وإجتياز لإمتحانات ليست سهلة.. لا تخرج قصيدة/غنية للناس إلا بعد إجازتها في إجتماع رسمي.. لذا كل شعراء الحقيبة 13 شخصاً فقط وكلهم أصدقاء يعرفون بعضهم البعض ويجتمعون مع بعضهم البعض لأجل تأطير القصائد وإجازتها ليلحنها ويغنيها سرور في الاساس. لا يوجد شاعر حقيبة واحد خارج الثلة المحددة.. ولا توجد إمرأة واحدة معروفة كتبت قصيدة أو شاركت في صناعة فن الحقيبة!.
بدأ نظم شعر الحقيبة في حدود العام 1920.. ألف إبراهيم العبادي كتاباً خاصاً بهذا الشأن أسماه (أستاذ الأغاني عام 1923).. وأنتهى نظم النمط رسمياً بنهاية الحرب العالمية الثانية 1945م ..25 سنة فقط.. وأنتهى النمط بإنتفاء شروطه أو إنتهاء مهمته!. وبعض شعراء الحقيبة عاش حتى العام 1986 ولكن جميعهم أو جلهم هجرو النمط الجديد (الحقيبة) في حدود العام 1950 (هذه النقطة مهمة للتأمل) الشاعر عبيد عبد الرحمن قال فيما معناه أنه هو الذي أنهى نمط الحقيبة عمداً (لم يقل لماذا) فقط قال "عملت لإبراهيم الكاشف شعر آخر مختلف" وعند الكاشف إنتهى عملياً عهد نظم وغناء الحقيبة ولو ظل يردد الناس صداه حتى الآن بحكم العادة كما أن النظم باهر وسلس اللحن والعبارة وبعد أن رفضه معظم الناس في البدء . لقد لقي غناء الحقيبة مقاومة صعبة من الناس العاديين ومن الكثيرين المشتغلين بالحقل الفني ذلك الأوان وفي المقابل إستخدمت السلطة في توطيده ما يشبه الصالح العام بلغة هذه الايام وإرهاب للخصوم مثال ما حدث لعبد الغفار الطنباري إذ تم نفيه إلى مدينة مدني ومنعه من الغناء وهو في منفاه وضربه وتهديده بالقتل بواسطة سرور وعدد من مؤيدي الفن الجديد ومنهم الشاعر عبد الله الأمي كما تم اخيراً إقصاء محمد ود الفكي من المجال الفني "عبر عودته إلى كبوشية مسقط رأسه" وهو زعيم وأيقونة الفن السوداني الأصيل في زمانه كما أنه أستاذ سرور.
شعراء الحقيبة "المتفق عليهم في العموم":
1. الشاعر ابراهيم العبادي 2. // صالح عبد السيد (أبوصلاح) 3. // خليل أفندي فرح 4. // سيد عبد العزيز 5. // أحمد عبد المطلب حدباي 6. // على المساح 7. // عبد الرحمن الريح 8. // احمد حسين العمرابي 9. // محمد ود الرضي 10. // محمد بشير عتيق 11. // مصطفى بطران 12. // أحمد محمد الشيخ الملقب بالجاغريو. 13. // عبيد عبد الرحمن 14. // عمر البنا (وهو شاعر وأيضاً شاعر حقيبة شهير ومعروف لكن لم يذكره عبد الرحمن الريح ضمن زملاء الحقيبة في القصيدة التي عدد فيها شعراء الحقيبة أي زملائه في المهنة.. "هذه النقطة قيد التحقق ").
كلمة سر الشعر الجديد عند العبادي ثم في لحظة ما أبوصلاح وخليل فرح وأخيراً سيد عبد العزيز (هذا بعض ما توصلنا إليه من الوثائق والشهادات التي تحصلنا عليها.. نشرنا بعضها والبعض الآخر سيكون في متن البحث عند كماله).
مغنو الحقيبة الأوائل (المتفق عليهم في العموم): 1- المطرب والملحن الحاج محمد أحمد سرور 2- عبد الله الماحي 3- الأمين برهان 4- كرومة 5- إبراهيم عبد الجليل
وكلمة سر اللحن الجديد عند سرور وحده من هؤلاء الفنانين (أي عنده العلم المباشر بالقصيدة الجديدة وخلفيتها الشعرية واللحنية) لهذا فهو مؤيد من السلطات الرسمية وتم تكريمة رسميا عام 1934 بواسطة عمر طوسون باشا في حضور وفد ثقافي مصري وتم إعلانه رسمياً بواسطة طوسون باشا ك"عميد للغناء السوداني ومجدده" ويعنون بالغناء السوداني غناء ما عرف لاحقاُ بالحقيبة.
داعم لوجستي للفن الجديد (مهمة التمويل والتسهيلات والإنتشار): دميتري أكتفيادينوس الشهير بدميتري البازار وإسمه الآخر "محمد" وكان ينسق أعماله في الغالب مع مستر بيني السكرتير الإداري لمديرية الخرطوم (دميتري نفسه قال بذلك في عدة مناسبات، هناك تسجيلات صوتية تمت كتابتها/ راجع بوست شهادات دميتري البازار).
مصدر الفكرة: الفكرة جاءت من جيمس كري وزير المعارف ومدير كلية غردون التذكارية في حدود العام 1910. جيمس كري سبق وأن شكل لجنة لدراسة اللغة االعامية السودانية عام 1905.. تمخضت عن توصية بترقية الفنون الشعبية السودانية لتواكب العهد الجديد. ساهم في تنفيذ الخطة بشكل حاسم في أرض الواقع الأميرعمر طوسون باشا (حفيد محمد على باشا الكبير) وهو مهندس "وحدة وادي النيل" في نسختها الرسمية كآيديولوجيا لتلاحم شعبي وأرضي مصر والسودان.
الهدف من ذلك الجهد، هو: خلق فن جديد محايد تجاه السياسة بقدر الإمكان ويواكب المرحلة التي همها الإستقرار السياسي والإقتصادي بما يحقق فائض أرباح لمصلحة الإمبراطورية العظمى (هذا من ناحية الإنجليز) ومن الناحية الباشوية (المصرية) دمج السودان في مصر بشكل تام سياسياً وإقتصادياً وعسكرياً ثم ثقافيا (الحقيبة ليست وحدها بل كل الفضاء الثقافي ومنه مجالات الكلمة المقروءة والمسموعة مسير بدقة شديدة في ذلك الإتجاه).
يصحب ذلك إزاحة تلقائية للفنون السودانية السائدة التي نشأت في أزمنة إستقلال مختلفة وفيها حماس شديد وإعتداد بالذات وفيها دعم للثورات والتمردات وتحوي كلماتها الكثير من أدوات الحرب (شدو لو وركب فوق مهرك الجماح ضرغام الرجال) .. (ود المك عريس خيلاً بجن عركوس، أحي على سيفو البحد الروس) .. (بتريد اللطام أسد الكداد الزام) .. (نحن أولاد بلد نقعد نقوم على كيفنا.. في لقا في عدم دايماً مخضر صيفنا.. ونحن الفوق رقاب الناس مجرب سيفنا) وغير ذلك الآلاف من النماذج الساخنة. . وحتى أغاني العديل والزين أغاني عزة وإستقلالية وإعتداد بالنفس، مثال (عريسنا ورد البحر وقطع جرايد النخل، يا عديلة يا بيضة ويا ملايكة سيري معا).
كان دور الغناء والروايات الشعبية مهماً جداً في نقل جينات المجتمع وشفراته الثقافية والعقدية وقيمه ومثله إلى الأجيال المقبلة لأن في ذلك الأوان لا توجد بعد في السودان وسائل البث والتثاقف الحالية من شاكلة الإذاعة والتلفزيون والصحف وطبعا لا توجد إنترنت .. والكتب كانت منعدمة أو نادرة والمدرسة هي الخلوة. لذا كانت الأشعار والأغاني والمدائح والحكايات الشعبية عندها أدوار حاسمة وخطيرة جداً في المجتمع ليس مثل الآن للترفيه فقط. لذا فقد أهتم الإنجليز بالأداب الشعبية عبر صناعة بدائل لها لها كما بالخلاوي التي أنتجت الدروايش الذين قطعو للتو رأس غردون باشا عبر السعي إلى إستبدالها بالتعليم الحديث وبشكل عاجل.. وكذا فعلو بالمشهد الثقافي كله فنتج عن ذلك فضاء المجال المدني الثقافي الذي يجلل المشهد الواقعي حتى الآن ويجد ذلك تجليه العملي في إنفصام المثقف عن مجتمعه تلك الظاهرة التي نشهدها في حياتنا اليومية الراهنة.
والرقصات المصاحبة لتلك الفنون الشعبية الأصيلة أهمها العرضة والصقرية ويستخدم فيهما السيوف والعصي والكرابيج إضافة إلى البطان.. كانت أمدرمان والخرطوم وكل الارياف القريبة والبعيدة تضج لياليها بالعجاج الذي يضمخ السماء من رقصات شباب متحمسين يعرضون ويلعبون الصقرية ويتباطنون فوق أرضهم المستقلة بسيوفهم وعصيهم البلدية وأشعارهم الشعبية التي تشبه أرضهم ومخيلتهم الإجتماعية .. حتى باغتهم الإنجليز في كرري وأصبحت الخرطوم على حين غرة مدينة بريطانية بين مقرن النيلين (سياسة ومعمار وإدارة وثقافة) وعندها شارع في قلب لندن بإسمها كونها إحدى أملاك التاج البريطاني ولو خلف البحار وسيف المهدي أيضاً ذهب إلى هناك لكنه عاد.. وما يزال شارع الخرطوم بذات الإسم حتى تاريخ اليوم بلندن. وليس الغناء فحسب بل أدخل الإنجليز أيضاً نوع من الرقص جديد تعويض للرقصات الممنوعة علناً أو ضمناً أو قل على أقل تقدير غير المحبذة مثال العرضة والصقرية. هذا الرقص نفعله حتى الآن وهو جاء مع الحقيبة جنباً إلى جنب .. الرقيص الذي نفعله اليوم بتلقائية في المناسبات العامة والخاصة أصله إنجليزي وإسمه العلمي Cumbia. ----
ملاحظات هامة : 1- هذا الملخص نتيجة لبحث إستمر عدة شهور جئنا خلاله ب 470 مثال مقارن بين الزجل والحقيبة وهناك حوالي 66 مقالة شارحة للفكرة.. البحث سيصدر كاملاً متكاملاً في وقت لاحق مع ثبت المراجع ولكن قلنا منذ البدء أن البحث تفاعلي لذا تعودنا أن نشرك الجميع بقدر الإمكان ونشاركهم في تبادل الأفكار التي تصب في صلب الموضوع لا الدفاعات العاطفية المحضة فهي لا تجدي العلمي.. البحث متواصل.. كون المسألة الثقافية نتجت عنها تيارات آيدولوجية تلقي بظلالها على الساحة السياسية والإجتماعية حتى تاريخ اليوم!.
2- هذا البحث ليس من اهدافه الجوهرية الأحكام القيمية (الصاح شنو والغلط شو) ليس ذلك من همنا.. وإانما فقط محاولة تلمسس الحقائق وكشف ما جرى كحقائق تاريخية مجردة وفق شروط لحظتها وليس في الإمكان أحسن مما كان.
3- إن صح أن مرجعية الحقيبة في "الزجل" هذا لا يقلل من إبداعية المبدعين في إطار نمطية الزجل وهو فن معروف ومجال يسع جميع المبدعين وغيرهم وكل بما كسب يحاكم.
حاشية: علاقة اصحاب كلمة السر الأساسيين بالسلطات الحاكمة أيام العهد الإنجليزي/الباشوي: 1- إبراهيم العبادي (غير معلومة) لكن مبارك المغربي ذكر في كتابة (رواد شعر الأغنية السودانية) أن من ادخل العبادي المدرسة هو سلاطين باشا.. رجل المخابرات النمساوي الشهير (الكلام ما يزال لمبارك المغربي) ومبارك المغربي ذكر أنه إستشار العبادي في المعلومة دي قبل نشر الكتاب ووافق العبادي. ولقب العبادي بأمير شعراء السودان.
2- ابو صلاح (غير معلومة) فقط درس بالمدرسة الأمريكية في وادي سيدنا (بعض الوثائق تقول بذلك).
3- خليل افندي فرح (غير معلومة) بل الوثائق والروايات تقول الضد (معارض للإنجليز في إطار وحدة وادي النيل بالذات عد العام 1924) وهو مؤلف عازة في هواك.. درس بكلية غردون التذكارية وعمل في الخدمة المدنية وكان فيما يبدو مؤمناَ بوحدة وادي النيل إلى مستوى التطرف.
4- سيد عبد العزيز (غير معلومة) لا شيء!.
5- سرور (غير معلومة).. لكن لقبه الرسمي: مجدد الغناء وعميد الفن السوداني (الحقيبة)
6- دميتري البازار (أيضاً محمد/الإسم الحركي) .. علاقته بالسلطة رسمياً غير معلومة لكن المؤشرات كلها تقول أنه ضابط عظيم في مخابرات الدولة.. وجده لابيه سلاطين باشا ووالده يوناني يعمل في مدينة دنقلا في وظيفة مستورد أخشاب وابورات الجيش الإنجليزي ودخل كلية غردون التذكارية بتوصية من سكرتير حاكم عام السودان ونجت باشا (هو نفسه قال بذلك).. ولقبه رسمياً أبو الفن السوداني (الحقيبة) وهو أيضاً قال بذلك في لقاء تلفزيوني سنة 1974.
7- جيمس كري.. هو مدير كلية غردون ومؤسسها الأول ووزير المعارف في الحكومة وحتى العام 1914 والمشرف على لجنة اللغة العامية السودانية 1905-1910 كما هو أيضاً يعتبر مؤسس معهد تدريب المعلمين "بخت الرضا" كونها فكرته ولو بعد أن ذهب إلى المعاش وهو في بريطانيا سنة 1934.
8- الأمير عمر طوسون باشا (حفيد محمد سعيد باشا والي مصر ابن محمد علي باشا الكبير) وهو مهندس الوحدة الباشوية الرسمية (لا الشعبية) بين السودان ومصر (وحدة وادي النيل/ النسخة الرسمية) .. ولقبه: أمير العلماء ومن القابه ايضاً الأمير المستنير (1872-1944) . ---
هؤلاء هم مؤسسو حقيبة الفن السودانية (كفن جديد لعهد جديد) ولا عيب في ذلك بل لهم منا (المفترض) كل الحب والإمتنان على الأعمال الجليلة والإبداعات الباهرة التي قاموا بها في وقت لا يمكننا مهما فعلنا الإحاطة بجميع ظروفه في دقة تمكننا من الأحكام القيمية.. ولهم مني شخصياً (كمبادر بهذا البحث) كل الحب والتقدير والإمتنان كمبدعين وداعمين ورسميين.. ما حدث لقد حدث وليس في الإمكان أحسن مما كان!. ----
وفي الختام (إن صح كل هذا) نحن الآن كلنا نملك كل أسرار الحقيبة الممكنة بل والمزيد (الخطة الثقافية/الآيديولوجية) للسودان التي أودت بنا إلى ما نحن فيه الآن من أمرنا وأمر بلادنا!.
لمن أراد المزيد من المعلومات أو الإشتراك في المبادرة، أدناه توجد وسائل التواصل.. والأفق ليس له حدود.. انت تستطيع أن تفعل شيء مهم وبغض النظر عن تأهيلك الأكاديمي أو العلمي.. فقط القناعة والإرادة كافيتان!.
السودان200 (مشروع السودان في 200 سنة (1821-2021 وكل الوقت): توثيق الماضي فهم الحاضر تخطيط المستقبل "في ذات الأوان").
واتصاب: 0031684688891 (النمرة خاصة بالواتساب وليست تلفون.. والتلفونات قد تكون غير مسجلة بأسماء في الجهاز لذا أتمنى أن يذكر الشخص إسمه ومع وافر الود والإحترام مقدماً ). إميل: [email protected]
تنبيه ختامي: هذه الخلاصات من حيث التفاصيل لا الجوهر قابلة للإصلاحات اللغوية ومراجعة وتحقيق اسماء الشخوص والأماكن والتواريخ وما إليه.. البحث سيصدر بشكله النهائي عندما تكتمل التحضيرات الفنية لنشره وهو حتى الآن يتكون من حوالي 4000 صفحة من الحجم المتوسط (ِِِِِِِِِِA4) حتى تاريخ اليوم 11 سبتمبر 2017.
م. جمال
ع: مشروع السودان200 (هناك مبادرة جديدة بتوثيق الماضي فهم الحاضر تخطيط المستقبل "في ذات الأوان" السودان الحديث بدءاً بالعام 1821 وحتى تاريخ اليوم).
---
آذنو لي ايضاً أن اضع أدناه خلاصات تفصيلية متولدة عن خلاصة بحث الحقيبة.. جاءت بهذا البوست وفق هدفه المعلن ال added value راجع لطفاً الصفحات السابقة لفهم ما اعنيه بالقيمة المضافة ال added value وهي هدف هذا الكلام الجديد (هذا البوست) وصبراً جميلاً
10-12-2022, 01:17 AM
محمد جمال الدين محمد جمال الدين
تاريخ التسجيل: 10-28-2007
مجموع المشاركات: 5403
آذنو لي ايضاً أن اضع أدناه خلاصات تفصيلية متولدة عن خلاصة بحث الحقيبة.. جاءت بهذا البوست وفق هدفه المعلن ال added value راجع لطفاً الصفحات السابقة لفهم ما اعنيه بالقيمة المضافة ال added value وهي هدف هذا الكلام الجديد (هذا البوست) وصبراً جميلاً
10-12-2022, 01:34 AM
محمد جمال الدين محمد جمال الدين
تاريخ التسجيل: 10-28-2007
مجموع المشاركات: 5403
هل كان رواد الحقيبة يعرفون بأن الحقيبة زجل؟ وفق زعم البحث والباحث.. ولم يقولوا بذلك صراحة؟.. ربما تكون الإجابة “نعم”!.. وعرفنا ذلك من ذكرهم لكلمة (زجل) في أشعارهم وطريقة نظم القصيدة الزجلية والكلمات المفتاحية المشتركة مع الزجل. وسنحاول تعضيد هذا الزعم بعدد من المقاطع المشتركة وواضحة التطابق مع مفردة الزجل وطريقة نظمه.
قد يقول قائل متعجل وهو محق: وما المشكلة!. هل إن كتب الشاعر قصيدة مشابهة أو كانت بذات طريقة النظم والقافية أو حوت كلمات مشابهة عبر التناص وهكذا. فهل لا بد أن يكتب تحت قصيدته المصدر!. لا.. في هذه الحالة لا. إنه تأثر طبيعي أو تناص.
ولكن نحن لا نتحدث عن ذلك التأثر أو التناص (الطبيعي والتلقائي) هذه المرة بل نتحدث عن مجاراة.. والمجارة فن من فنون الشعر قديمة ومعروفة ولها أدبها وأعرافها وقواعدها.
عندما تجاري أنت ملزم أن تقول أنني جاريت فلان الفلاني في القصيدة الفلان الفلانية. ومثل ذلك فعل ود الرضي مع العبادي والعكس حدث. إذ كلنا يعلم أن ود الرضي جارى العبادي في القصيدة المحددة كما أن العبادي جارى ود الرضي في القصيدة المحددة وهما يعلمان وقالا بذلك.
وذلك مجرد مثال للمجاراة أو التشطير الذي فعله شعراء الحقيبة مع بعضهم البعض فهو معلوم بالنسبة لهم والقصائد التي جاروها والتي نتجت عن المجاراة معلومة للناس وموثقة.
ما عدا المجاراة "الأصل" الأولى لزجالين قدامى (سنحددهم لاحقاً بالإسم ونضع نماذج للقصائد والمقاطع التي تمت مجاراتها) مجاراة وليس تأثرا أو تناصا.
والمجاراة في اللغة والإصطلاح هي: جَارَاهُ فِي عَمَلِهِ : سَايَرَهُ جَارَاهُ فِي أَمْرِهِ : وَافقَهُ فِيهِ جارى التيّارَ: سار معه، تكيَّف معه، مجاراةً له: مسايرةً له (المعجم الوسيط)
والمجاراة في الشعر هي: انك تتبع قصيدة ما لشاعر بعينه (معلوم لديك) وتفعل مثل طريقة النظم أو/و القافية أو/و الوزن أو/و المعني والصور الشعرية التي أخترعها هو أولاً.
فالمجاراة تعني المتابعة والالتزام بالنص الاول في النظم او/و المعنى.
وبالرجوع إلى موضوعنا هنا فإننا وجدنا أن شعراء الحقيبة تأثروا بنمطية الزجل الأندلسي وتحديداً (الحوزي والمملوكي) منه .. وبالإضافة إلى ذلك التأثر الطبيعي والتلقائي فقد جاروا قصائداً أو مقاطع لقصائد بعينها لشعراء (زجالين بعينهم) لكنهم لم يقولوا ذلك حد علمنا وفق الوثائق المتوفرة لنا حتى الآن. مع ملاحظة أننا هنا لا نقييم (لا ذم ولا مدح) فقط حديث عن الحقيقة (الزعم). وكوننا لا نعلم الأسباب إلا أن نخمنها كما يتطلب الأمر في أعراف المجاراة.
ولدينا مشاهد مصورة لثلاثة من شعراء الحقيبة يقولون أن الحقيبة بدأت كمجاراة لشعراء السافل. ولم يقولوا مجاراة أيضاً للزجل الأندلسي. وقد وجدنا عبر البحث أن القسم الزجلي من الحقيبة لا علاقة له من حيث المفردة وتصاريفها (القاموس) والنظم والمخيال بشعر السافل.
وهم يعنون بالسافل في الأساس شعراء كبوشية والمتمة وشندي وبربر .. ووجدنا أن العلاقة بالزجل الأندلسي مادية الوضوح. والزجل من الحقيبة (الحقيبة ثلاثة أقسام) والزجلي منها هو النوع المحتفى به من شعر الحقيبة والذي سجل في أسطوانات في القاهرة بين الأعوام 1926-1940 (1940 بداية الحربة العالمية الثانية نقطة تحول مهمة في تاريح السياسة والثقافة وخطط الإنجليز في السودان).
وبغض النظر عن كل ذلك قلنا أن معرفتنا للنوع الشعري وخلفيته النمطية تساعدنا في التعرف على قواعده المتوارثة وتطورها عبر الزمان.
وبالتالي نستطيع أن نقيم الغث من السمين ونتعرف على البناء الداخلي للقصيدة على بينة من امرنا كما قاموسها وما إلى ذلك.
وتعرفنا عبر البحث أن العبادي جارى وتأثر بإبن مقاتل وصفي الدين الحلي وأن الخليل تأثر بكمال الدين بن النبيه وعمر بن أبي ربيعة وجمال الدين الغباري وإبن زمرك الأندلسي. وإن بطران وأحمد العمري تأثرا بالحموي وصفي الدين الحلي وإبن النبيه.
وأن سيد عبد العزيز جارى إبن قزمان والتلمساني وأن أبو صلاح جارى أحمد بن التريكي والتلمساني وأن أحمد حسين العمرابي جارى زجليات مملوكية وحوزية (راجع روابط المقارنات ختام هذه السرد).
كيف عرفنا أنهم يعرفون (على الأقل بعضهم يعرفون الأصل من النظم وبعضهم تدرب على المجاراة).
عرفنا منهم هم ذاتهم بطريقة غير مباشرة ثم من طريقة النظم ومفردة القصيدة التاريخية الوافدة من عاميات سالفة وشبه منقرضة.
وبعض شعراء الحقيبة ذكروا كلمة "زجل" حرفيا عديد المرات (العبادي، أبو صلاح، عبيد عبد الرحمن) أمثلة لا حصرية.
وكانوا يعرفون أنه نوع شعري باهر "حلو". كون الزجل موصوفا حرفياً بالحلاوة. وألف فيه صفي الدين الحلي (1330م) كتاباً أسماه (العاطل الحالي) ويعني بالحالي أنه عاطل عن الإعراب وعن الأبحر الشعرية الرسمية لكنه بعد حالي.
وأنشد إبن قزمان (1150م):
أنا لفظـــي بان
جـوهر و مرجـــان
زجلي حـــِـــلا على اللســـان.
وأنشد إبن زمرق:
قال بن زمرق أصغى و ناول .. زجلي رشيق صعب المناول
وأنشد آخر:
أنكمل زجلي موفق بالتمـــــــام .. صغته عن من سبـــــاني يا خي (زجل أندلسي)
وهذه نماذج تؤكد أن رواد الحقيبة الأساسيين كانوا فيما يبدو يعرفون معنى كلمة "زجل" في مستواها الإصطلاحي (نوع شعري). وكانوا يعرفون أنه نمط معسول من الكلام المنظوم "حالي، عسل، باهر":
انشِي شعري و"زجلي" وموالي... في ثَناك قليل يا جميل (العبادي)
ضاع صبري زاد من نار الصدود وجلي.. يامعاني الشـعر و"الزَّجــــــــلِ”
يا بيت القصيد يا روح "الزَّجــــــــلِ" (عبيد عبد الرحمن)
مالت على الأغصان تصتنت الزجل (أبو صلاح).
لو رد السلام بحكمة و خجل .. كنا نقول كلام احلى من "الزجل" .. (عبد العزيز سيد احمد، متأثراً بالحقيبة إذ لا قبله ولا بعده وفق رصد البحث في 2017).
في كل تلك المرات جاءت كلمة زجل موعية ومعنية بمعني حالي، باهر، عظيم.
هذه الكلمة "زجل" بمعناها الإصطلاحي لا توجد في أي منهج دراسي سوداني معلوم (قديم أم حديث) و لا خلوة ولا مدايح ولا قرآن.. حد هذا العلم.
ولم ترد في الشعر العربي الكلاسيكي مطلقا كون الزجل أصلاً فن عامي وليس فصيحاً بل ممنوع فيه التعريب حسب رائده الأول إبن قزمان (وجردت فني هذا من الإعـراب كما يجرد السيف من القراب / فمن دخل علي من هذا الباب / فقد أخـطـأ ومـا أصـاب).
أي أن الزجل فن عامي لا يصح فيه التعريب لأنه إذن يفسد التفاعيل فالوزن ويخفي رونق النظم.. حسب إبن قزمان.
وجاء في المقدمة لابن خلدون: "لما شاع فنُّ التوشيح في أهل الأندلس، وأخذ به الجمهور لسلاسته وتنميق كلامه وترصيع أجزائه، نسجت العامة من أهل الأمصار على منواله، ونظموا في طريقتهم بلغتهم الحضرية من غير أن يلتزموا فيه إعراباً، واستحدثوا فناً سموه بالزجل، والتزموا النظم فيه على مناحيهم إلى هذا العهد فجاءوا فيه بالغرائب واتسع فيه للبلاغة مجال، بحسب لغتهم المستعجمة".
إبن خلدون يقول لغتهم المستعجمة. ويعني زجالي الأندلس آنذاك. وقلنا أن الحقيبة من نمط الزجل. فهل الحقيبة أيضاً مستعجمة!. نعم طبعاً، برغم الكلمات الفريدة الرنانة "الوافدة من التاريخ" فإنها غير معربة (لا تجري على قواعد النحو والإعراب في اللغة الفصيحة ولا على أوزان أبحر الخليل وتفاعيلها) كما أن كثير من تصاريفها غريبة على العربية كما أنها غريبة على العامية الوسطسودانية الحاضنة لشعر الحقيبة.
وطبعاً نحن لم نستند فقط على ورود كلمة زجل في الحقيبة لنقول أنها إذن زجل.. لا بل لدينا بحث متكامل حوى 470 إنموذجاً مقارن في النظم والمفردة بين أشعار الحقيبة وأزجال أندلسية وحوزية ومملوكية. وخلص البحث إلى أن الحقيبة إبداع سوداني أصيل من نمطية الزجل الأندلسي (توجد روابط ختام هذا السرد للمقارنات المعنية).
نرجع إلى السؤال إذاً لماذا تم إخفاء المصدر (المنبع) عن الناس كل هذا الوقت حسب هذا الزعم!.
الإجابة في تقديري: خشية أن يرفض الناس النمط كونه جاء بديلاً رسمياً لفن الطنبور والفنون السودانية السائدة والمحبوبة والمعروفة للناس آنذاك من دوبيت وحماسة ومناحة.. ونعرف أنه كانت هناك حرب معلومة بين الطنابرة (الحرس القديم) ورواد الحقيبة (العهد الجديد) والذين كانوا مؤيدين رسمياً من الدولة حسب ما خلص اليه البحث وفق الادلة المتوفرة.
والسبب التاني خشية الإتهام بعدم الأصالة (زعم).
وما ذلك إلا تخمين مني حيال الأسباب إعتماداً على أدلة ظرفية بحيث أنني وجدت أن: العبادي وخليل واحمد العمري وبطران وأبو صلاح وأحمد حسين العمرابي وسيد عبد العزيز وعبيد عبد الرحمن اقتفوا أثر أصول زجلية مباشرة ولم تكن مجاراة أو محاكاة لنمط الحقيبة من زملاء الصنعة كما فعل البعض الآخر.. وذلك الأثر أو المجاراة تتفاوت في وضوحها بين شاعر وآخر.. وأظهر أنواع المجاراة وجدتها عند سيد عبد العزيز وابو صلاح والعمرابي. والعبادي وخليل أثر واضح بغير مجاراة واضحة.
وهل للمعرفة بخلفية الحقيبة فائدة!
نعم، لذلك فوائد جمة في تقديري .. أهمها معرفة أصل مفردة الحقيبة الغريبة المتفردة وطريقة النظم وبناء القصيدة المختلفين في كل شئ تقريباً والذَيْن لم نعهدهما في السودان من قبل، فهناك فنون أخرى.. وفي ذلك سر إنتهاء "نظم" الحقيبة إذ لا يوجد في المخيال الشعبي.. كل ذلك بجانب الفائدة العظمى وهي الحقيقة المجردة. مع العلم أن الحقيبة ثلاثة أقسام والنوع الزجلي الخالص واحد فقط من الثلاثة.
وهل للمعرفة سلبيات: لا، طبعاً لا، المعرفة ما صحت المعرفة فإنها غاية الغايات وجوهر الحضارات. الشئ السالب الوحيد الأتعاب التي ظل يتعرض لها الباحث (الشقي) ولكن تلك ضريبة لا بد منها في مجتمع سحري (تاريخي) يكره الموضوعية في زمانه هذا، كثير الصراعات السياسية والإنشقاقات المجتمعية مترع بخطابات الكراهية والتدمير الذاتي والحسادات (زعم ذاتي).
وفي ختام هذا السرد أضع عدة نماذج مقارنة لمجاراة صريحة بين عدد من رواد شعر الحقيبة وزجالين من أزمان مختلفة سابقة للحقيبة.. فربما تجد الكلمات المفتاحية مكررة كل مرة وأخرى وربما تجد االصورة الشعرية هي ذاتها كما التفعيلة والوزن والقافية متطابقة في كثير المرات كما المعانى:
والـبلبل الـغريد يـدور عـلي منبر الاغصان خطيب (سيد عبد العزيز)
---
لكل وَسيلَة سَبَباً إِلّا تَكُن نَسَبا فَهُو الوداد صَفا مِن غير ما كدر (ابن زيدون)
وكل شئ إن صفا أو كدر في أيادي القضاء والقدر (سيد عبد العزيز)
من يسأل النّاس عن حالي فشاهدها مَحْض العِيَان يُغْني عَن خبَر (ابن زيدون)
حبي هاك القول الأبر العيان يغنيك عن خبر (سيد عبد العزيز).
في الختام ملاحظات مهمة:
تلك النماذج مما أسميه وأحسبه مجاراة صريحة وهناك مجاراة مستترة. وهناك مادة أخرى تتحدث تفصيلياً عن مفردة الحقيبة وطريقة نظمها. وشهادات الشهود الذين تمكنا من رصدهم طوال زمن البحث وبعده.
فطريقة النظم (تقفية الصدر والعجز من البيت الواحد وتثليث وتربيع القافية) والكلمات المفتاحية (الوافدة من التاريخ) المشتركة والجمل المكررة كما الأخيلة والصور الشعرية جاءت مع النمط الكلي (الباكيتش) الذي تمت مجاراته والإنفلات منه إلى الإبداع الخاص في إطاره.
وللإلمام بالصورة الكلية راجع لطفاً المقالات الشارحة لمعنى وأسباب وجذور شعر الحقيبة والمحيط السياسي والإجتماعي الذي نشأت في كنفه أغنيات الحقيبة 1921-1945 (خلاصات البحث).
وإنطلاقاً من الفائدة التي في زعمنا جنيناها من كشف غموض نمطية الحقيبة، ذلك الغموض الذي لفها لمدة مئة سنة أي قرن من الزمان توصلنا إلى ضرورة العمل على مشروع سوداني من شأنه "توثيق الماضي، فهم الحاضر، تخطيط المستقبل" في ذات الأوان.
والبحث أهتم بالكلمة الشعرية وحدها وخلفيتها المحتملة لا اللحن أو الموسيقى أو الأداء الغنائي.. ذلك شأن آخر.
والملاحظة المهمة غاية الأهمية في حسباني: أن مثل هذه الحوارات/القراءات/الأبحاث ليست بالضرورة هدف في حد ذاتها بقدر ما هي نافذة مهمة قد نرى من خلالها ذاتنا الجماعية بطريقة أكثر وضوحاً (عبر مراجعة الذات والتراث).. أو هي الخطة المأمولة.
وربما نقف عبرها على أسباب فشلنا (حتى الآن) في صناعة سودان متحضر وموحد وتعثر ثوراتنا الشعبية حتى الآن من جراء شقاقاتنا القائمة على جهلنا بذاتنا الجماعية والبيئة الطبيعية المحيطة بنا (زعم).. وإذاً عبر ذلك السبيل ربما نساهم معاً في المضي إلى الأمام بطريقة أكثر صحة!.
وفي الختام فالحقيبة إبداع سوداني باهر من نمطية الزجل الأندلسي أو تلك هي أهم نتائج البحث أو مزاعمه الموضوعة من جديد على طاولة النظر والبحث لمن شاء ووفق الأهداف المعلنة.
---
هذا التكرار مهم لل added value
10-12-2022, 02:37 AM
يحي قباني يحي قباني
تاريخ التسجيل: 08-20-2012
مجموع المشاركات: 18708
Quote: ملاحظة: اخوكم مضطر يكون لطيف مع بعض الأجلاف.. لان البوست دا حقي.. تلك هي العلة وانت إذن صاحب الدار.. وإلا بشتكوك!.
أدعوهم أن يفتحو بوستات خاصه بهم للموضوع وأنا بجيهم في الزمن المناسب على أن يهدو هنا شوية وما يغرقو البوست.. ودا أحسن من زحمة البوست دا بالأوهام المختبئة تحت غطاء الموضوعية الزائفة.. لأن هذا البوست هدفه محدد وموضوعه جديد فيما أظن.. ما سياسة وعك يومي.. مختلف!.
--- هذا البوست وصاحبة تعرضا لتنمر شديد معلن ومبطن.. لذا كتير من الناس بمخيال عالمنا الذي تتحكم في الديكتاتوريات مع النمر والمتنمر.. الخواف ربا عياله.. هذا ما يشهد به الواقع.. إلا الأفذاذ!.
الموضوع غلبك يا محمد جمال .. خرمجة فاضية و لميت ليك زمان في شوية شباب مسمكين ما عارف تاريخه و صعت بيهم ..
قايل روحك الطيب صالح ..
انت انسان معتل الشخصية ليس الا .. و علتك هو شوفوني انا مخالف الناس ..
لميت ليك في مرجعين و اتوهمت اشياء ما موجوده الا في راسك ده ..
من اول صفحة سالتك عن طير الفصاح الانت قررت انه عيد الفصح اي الصليب و بالقوة قلت سيد عبد العزيز جاراه..
و لامن اتزنقت قلت امكن سيد فهمها كده .. و لي يوم الليلة زايغ ..
و لامن قلنا ليك عيد الصليب مختلف من عيد الفصح .. مرقت بالزقاق الوراني ..
عارف الما فاهم في الموضوع ده كل منو؟ جنابكم يا محمد .. ضياع وقت ليس الا ..
ارحم نفسك يا مسكين .. و خلي البكا و النواح و سووا لي و فعلوا بي .. اركز بس ..
10-12-2022, 03:13 AM
محمد جمال الدين محمد جمال الدين
تاريخ التسجيل: 10-28-2007
مجموع المشاركات: 5403
الاخ العزيز قباني.. اقرا فوق وتعال.. انت ما بتقرا ولا اقول ما بتفهم.. وربما فهمك تقيل.. الكلام الزي كلامك دا ما مفيد في شي.. مجرد تنمر تافه في بوست ما حقك وانت عارف اظنك جدا.. عشان كدا انا ح اعيد ما قلناه زمان كل السنوات الفاتت لعلك تهدا شوية.. او تتعظ.. واملي فيك ضعيف لان دا طبعك.
--- افتح بوست خاص بيك بالموضوع لو ممكن لو عايز ما تتلحني وتسكني كدا في بوستاتي وتردمني بالفارغة والمقدودة.. دا كلام ما سمح منك وانت زول كبير وطويل وعريض.. افرنقع يا زول!
10-12-2022, 03:30 AM
محمد جمال الدين محمد جمال الدين
تاريخ التسجيل: 10-28-2007
مجموع المشاركات: 5403
شوف يا قباني.. انت زول بسيط وكل موضوعك تنمر وقلة ادب وحاجات كتيرة وخيالات قاصرة.. زح مني.. انا ما عايزك وما فاضي ليك.. ليك 5 سنة متلحني في الفارغة والمقدودة.. ووعد ان كان سودانيزاونلاين دي حقتك بخليها ليك.. لان في زول قال لي انت من الادارة.. ما فاضي لقلة الشغلة دي.. وعد.. بمشي اخليك.. ارض الله واسعة.. او زح مني.. انت لست الاوكسجين.. مجرد شخص مزع وممل!
-- والشخص المدعو محمد صديق معاك
10-12-2022, 04:02 AM
محمد جمال الدين محمد جمال الدين
تاريخ التسجيل: 10-28-2007
مجموع المشاركات: 5403
هذا الشخص المدعو قباني شغال من الصفحة الاولى لحرف البوست دا .. ممكن ترجع لاول مداخلاته عشان تتاكد.. هسا شبه نجح في الصفحة الرابعة في خطته.. ولخوف العامة من تنمره وقله ادبه الفظة.. ولاننا شعب يخضع للتنمر والدكتاتوريات البليدة.. وتسعة طويلة والجنجويد!
10-12-2022, 04:12 AM
يحي قباني يحي قباني
تاريخ التسجيل: 08-20-2012
مجموع المشاركات: 18708
بإذن الله يا محمد جمال حا نفكفك ليك "بحثك المتحرّر" ده صامولة صامولة.
يقول الأخ محمد جمال:
Quote: البحث سيصدر بشكله النهائي عندما تكتمل التحضيرات الفنية لنشره وهو حتى الآن يتكون من حوالي 4000 صفحة من الحجم المتوسط (ِِِِِِِِِِA4) حتى تاريخ اليوم 11 سبتمبر 2017.
هههههههههه إنت مش قلت البحث 6000 صفحة. يعني إنت زدت البحث 2000 صفحة من يوم 11 سبتمبر لغاية 30 سبتمبر لو افترضنا إنك خلَّصت البحث كله بحلول نهاية شهر سبتمبر؟
ياهو ده كلامك عن 6000 صفحة:
Quote: البحث لسا ما نشر لأنه كتير جداً حوالي 6000 صفحة.. ما لقيت دار نشر مناسبة. وبصراحة لانه حاجة سودانية خالصة ما عايز أنشره في دار نشر أخرى إلا سودانية. ثم المستلزمات الأخرى كتيرة بتاعة النش وانا وبراي ومحاصر والبلد محاصرة وفي قبضة أمنية.
ولما قلنا ليك 6000 كتيرة على بحث، انتفضت وقلت كمان 6000 دي مع الرأفة:
Quote: 6000 دا بعد الإختصار. اكتب في قوقل ما هي حدود عدد صفحات البحث العلمي بكل اللغات التي تجيد.. ستجد حتماً ما في.
شوية كده وحا تقول البحث اختصرناه لي 40 صفحة عشان تتخارج من ورطتك دي ومن الدخول في موسوعة غينيس.
بعدين البحث ده نتائجه صدرت في أغسطس 2017 زي ما بتقول هنا:
Quote: ملاحظة: هذا التعليق على هذا المقطع أعلاه حدث في مايو 2017 قبل صدور نتيجة البحث في أغسطس 2017 فقد تكون بعض المعلومات غير وافية الدقة لكن يبقى المحتوى وهو الأهم..
ولا في سبتمبر 2017 زي ما موجود في التعليقات دي؟
Quote: تلك مادة من أيام البحث الذي خرج بالنتييجة في سبتمبر 2017.
---- بحث الحقيبة أكتمل في سبتمبر 2017 أي قبل خمس سنوات وفي الحلاصات تم تحديد منهجية البحث وكيفية إختيار النماذج وإلخ
---- وتلك من الفوائد التي نزعم أننا جنيناها أو قل الموضوعات الجديدة التي انبثقت عن نتيجة بحث الحقيبة الذي إنتهي في سبتمبر 2017
---- الخلاصات منشورة بالفعل منذ سبتمبر 2017.. ومشروحة في مئات المقالات (حرفيا) والبوستات المستمرة من 5 سنة والإذاعات والتلفزيونات. والناس الزيك ديل انا مريت بيهم ميات المرات.. خلاص كفاية: نسبة للزمن وتكرار ذات الإسئلة
10-12-2022, 12:01 PM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3486
يا جيمي، يا باحث. يا مجيد، كيفك؟ وإزيك؟ سؤال؛ في لغط منذ الخمسينات انو الشاعر مسعد حنفي اشترى من أبو صلاح قصيدتي؛ وجه القمر والناعسات عيونن وحصلت معارك كبيرة بين من ينسب الأغنيتين لمسعد حنفي ومن يقول أن الاغنيتين لأبي صلاح،
أنت كزول بقى المرجع الأكبر في غناء الحقيبة، برأيك لمن الأغنيتين؟
———- عليك الله، لا تعطي المتنمر الغبي قباني فرصة أن يكون ضمن نقاشات هذا البحث العظيم خليهو يهوهو زي ما داير, في نهاية أي مداخلة أعمل ليهو هامش قول فيهو؛ شفتك يا متنمر تداخلت لكن ما لقيت زمن أقرأ تنمرك
10-12-2022, 06:30 PM
محمد جمال الدين محمد جمال الدين
تاريخ التسجيل: 10-28-2007
مجموع المشاركات: 5403
هذا البوست واضح من عنوانه (صريح جداً) رواد الحقيبة كانوا عارفين أن الحقيبة زجل؟-نعم! - إذاً لماذا لم يقُلو لنا؟! توجد إجابة!
هم سؤالين: 1- هل كانوا عارفين 2- وإن كانوا عارفين فلماذا لم يقولو لينا. وحيال السؤال الأول جبنا دليلين.. الأول أنهم إستخدموا الكلمة "زجل"في أشعارهم والثاني إن أشعارهم من حيث النظم (طريقة بناء القصيدة) ومن حيث المفردة (القاموس) ومن حيت الصور الشعرية من نمط الزجل. الكلام دا مشروع بتفصيل أعلاه.. إذا في زول عنده قيمة مضافة وما لاقيه نجيبه ليه تاني.
ووجدنا من الادلة المتوفرة أنهم يعرفون أن النمط زجل.. وتعرفنا حتى الكتب التي إطلعوا عليها بأرقام الصفحات (يوجد مثال في مداخلات الصفحة السابقة "3”).
وإذن هنا ممكن الناس تعاين للحج المعضدة بالنتماذج المقارنة.. إذ هنا لا منطق مجرد وجدل في الفراغ بل هناك مقارنات تستطيع أن تشوفها ومن ثم ترفضها أو تقبلها (وفي الحالين الأمنية أن تقول لينا كيف) وفي كل الأحوال يكون رأيك ومحترم. وإذن هذا هو الحوار الموجب. والأوجب أن تجيب لينا نماذج مضادة تعضد نظرتك المضادة. وبكدا نكون جنينا شئ عملي نضعه في الإعتبار.
تلك هي القضية ببساطة. أما التعلق في الحاجات الهامشية والعك لتغريق البوست وحرفه والنبذ كون الحقيبة مقدسة ولا يجب أن يمسسها جن.. لا.. دا أي كلامي عندي.
حاجة أخيرة الشغل دا ما سياسة عشان تعفنوا بالكواريك المعتادة في سوح الفعل السياسي الضال في السودان وفي المنبر دا. هنا في مقارنات واضحة وباقية دوماً وإلى أبد الآبدين مادام في إنترنت وكتب وبشر تقرأ.
وأخيراً زي ما قلنا فوق هناك مقارنات إن قبلها الزول تمام أي شاف فيها تطابق .. وإن ما قبلها برضو تمام.. بس الزول في كل الأحوال يقول لينا كيف. لأن أصلاً بحث الحقيبة في نظرته للنوع الشعري اعتمد على المقارنة.. تلك هي القضية.
--- ملاحظة: ان هذا البوست لم تمر به حتى الآن إمرأة واحدة.. والملاحظة الأهم منها أن لا توجد إمرأة واحدة شاركت في نظم الحقيبة الشعري.. كلهم ذكور مطلقاً.. مع أن جميع الأنواع الشعرية في السودان شاركت بها نساء.. فمنذ العهد السنار والتركي والإنجليزي وحتى تاريخ اليوم نجد الشاعرات.. بداية بشغبة المراغمابية فبنونة وبت مسيمس ورقية ومئات من شاعرات السافل والبطانة وحتى تاريخ اليوم روضة الحاج والتي أظن حجبها تنظيمها السياسي عن حب قطاعات واسعة من الناس لأشعارها.. وغيرها طبعاً الآلاف.. ما عدا نمطية الحقيبة.
والسبب بسيط: هكذا هو حال الزجل (الأندلسي) على مر تاريخه.. إنه فن ذكوري بحت موضوعه الأول وصف جسد المرأة والخمر ثم الطبيعة ومع بعض المدح والمديح.
تلك مجرد ملاحظة عابرة.. كل الود
رجوع للموضوع بموضوعية:
هذا البوست واضح من عنوانه (صريح جداً) رواد الحقيبة كانوا عارفين أن الحقيبة زجل؟-نعم! - إذاً لماذا لم يقُلو لنا؟! توجد إجابة!
هم سؤالين: 1- هل كانوا عارفين 2- وإن كانوا عارفين فلماذا لم يقولو لينا. وحيال السؤال الأول جبنا دليلين.. الأول أنهم إستخدموا الكلمة "زجل"في أشعارهم والثاني إن أشعارهم من حيث النظم (طريقة بناء القصيدة) ومن حيث المفردة (القاموس) ومن حيت الصور الشعرية من نمط الزجل. الكلام دا مشروع بتفصيل أعلاه.. إذا في زول عنده قيمة مضافة وما لاقيه نجيبه ليه تاني.
ووجدنا من الادلة المتوفرة أنهم يعرفون أن النمط زجل.. وتعرفنا حتى الكتب التي إطلعوا عليها بأرقام الصفحات (يوجد مثال في مداخلات الصفحة السابقة "3”).
وإذن هنا ممكن الناس تعاين للحج المعضدة بالنتماذج المقارنة.. إذ هنا لا منطق مجرد وجدل في الفراغ بل هناك مقارنات تستطيع أن تشوفها ومن ثم ترفضها أو تقبلها (وفي الحالين الأمنية أن تقول لينا كيف) وفي كل الأحوال يكون رأيك ومحترم. وإذن هذا هو الحوار الموجب. والأوجب أن تجيب لينا نماذج مضادة تعضد نظرتك المضادة. وبكدا نكون جنينا شئ عملي نضعه في الإعتبار.
تلك هي القضية ببساطة. أما التعلق في الحاجات الهامشية والعك لتغريق البوست وحرفه والنبذ كون الحقيبة مقدسة ولا يجب أن يمسسها جن.. لا.. دا أي كلامي عندي.
حاجة أخيرة الشغل دا ما سياسة عشان تعفنوا بالكواريك المعتادة في سوح الفعل السياسي الضال في السودان وفي المنبر دا. هنا في مقارنات واضحة وباقية دوماً وإلى أبد الآبدين مادام في إنترنت وكتب وبشر تقرأ.
وأخيراً زي ما قلنا فوق هناك مقارنات إن قبلها الزول تمام أي شاف فيها تطابق .. وإن ما قبلها برضو تمام.. بس الزول في كل الأحوال يقول لينا كيف. لأن أصلاً بحث الحقيبة في نظرته للنوع الشعري اعتمد على المقارنة.. تلك هي القضية.
10-12-2022, 06:34 PM
محمد جمال الدين محمد جمال الدين
تاريخ التسجيل: 10-28-2007
مجموع المشاركات: 5403
ملاحظة عابرة: ان هذا البوست لم تمر به حتى الآن إمرأة واحدة.. والملاحظة الأهم منها أن لا توجد إمرأة واحدة شاركت في نظم الحقيبة الشعري.. كلهم ذكور مطلقاً.. مع أن جميع الأنواع الشعرية في السودان شاركت بها نساء.. فمنذ العهد السنار والتركي والإنجليزي وحتى تاريخ اليوم نجد الشاعرات.. بداية بشغبة المراغمابية فبنونة وبت مسيمس ورقية ومئات من شاعرات السافل والبطانة وحتى تاريخ اليوم روضة الحاج والتي أظن حجبها تنظيمها السياسي عن حب قطاعات واسعة من الناس لأشعارها.. وغيرها طبعاً الآلاف.. ما عدا نمطية الحقيبة.
والسبب بسيط: هكذا هو حال الزجل (الأندلسي) على مر تاريخه.. إنه فن ذكوري بحت موضوعه الأول وصف جسد المرأة والخمر ثم الطبيعة ومع بعض المدح والمديح.
ومقترع الزجل الأول إن قزمان وواضع قوانينه .. أوصى الرجال بأن لا يحبوا النساء حب إفلاطوني يعني عاطفي ممكن تقول.. لان بالطريقة ح تتلصق في واحدة بس وتفوت ألف فرصة.. وقال النسوان النام معاهم ما ممكن عدهن.
تلك مجرد ملاحظة عابرة.. كل الود
--- برجع تاني وأقراكم بروية واشوف الخيرة.. هسا في قطار بين أمستردام ولاهاي
10-12-2022, 07:51 PM
محمد صديق عبد الله محمد صديق عبد الله
تاريخ التسجيل: 09-05-2017
مجموع المشاركات: 1571
Quote: تلك هي القضية ببساطة. أما التعلق في الحاجات الهامشية والعك لتغريق البوست وحرفه والنبذ كون الحقيبة مقدسة ولا يجب أن يمسسها جن.. لا.. دا أي كلامي عندي.
حاجة أخيرة الشغل دا ما سياسة عشان تعفنوا بالكواريك المعتادة في سوح الفعل السياسي الضال في السودان وفي المنبر دا. هنا في مقارنات واضحة وباقية دوماً وإلى أبد الآبدين مادام في إنترنت وكتب وبشر تقرأ.
يا زول هامشية وحرف بوست بتاع الساعة كم؟ قدّامك أسئلة في صميم البحث وإنت بتتهرب ما عايز ترد عليها.
إنت بتحضّر الناس وبتخلق في مبررات لزوغتك من الآن. بالله إنت عشمان تقنع منو بأنه الكلام اللي في المقتبسات المجمّعة دي كواريك وعفن في سوح الفعل السياسي الضال؟
Quote: سلام الأخ محمد جمال، ومشكور مرة أخرى على جهودك ومثابرتك. اسمح لي بالتعليق على ما طرحتَه في هذا البوست بالتركيز على أهمية إحسان طرائق البحث للخروج بنتائج مقنعة. 1. أولاً، أرجو ألا تعُدَّ تعليقي هذا دفاعًا عن الحقيبة وشعرائها، إذْ لا مصلحة لي في ذلك، فالأمر عندي سيّان إن ثبتت حججك أم لم تثبت. 2. لنتفق أيضًا على أن البحوث العلمية تقوم على افتراضات، فإن ثبتت فهذه نتيجة، وإن لم تثبت فتلك نتيجة أيضًا؛ ولذلك لا بدَّ أن يكون الباحث مستعدًا لتقبُّل الاحتمالين عند إكمال بحثه، لا أن يكرّس نفسه لإثبات افتراضاته بكل السبل لمجرَّد التفرُّد والخروج بما يناقض المتعارف عليه. 3. الإحصاءات الدقيقة من أهم وسائل إثبات الافتراضات في البحوث. ذكرتَ في بحثك هذا أن لديك 470 مثالًا لإثبات حجتك، وقلتَ إن للحقيبة 3 أنواع منها الزجل الخالص. فهل لديك إحصاءات دقيقة تمكّنك من تعميم افتراضك وإثبات أن الزجل الأندلسي الخالص هو السمة الغالبة في شعر الحقيبة؟ وكيف سلَّمت بأن الأمثلة التي جمعتها قاطعة ولا يمكن لأحد أن يجادلك في صحتها ودقّتها؟ لا يمكن تعميم النتائج في البحوث العلمية بأمثلة متفرقة. فإذا افترضنا أن عدد شعراء الحقيبة 14، وأن معدل إنتاج كل واحد منهم 50 قصيدة مغنَّاة، فهذا يعني أن مجموع ما لدينا هو 700 قصيدة. كما أنك ذكرت أن "معظم شعراء الحقيبة أنتجوا نماطًا أخرى غير الزجل مثل الدوبيت وغيره"، فهل لديك إحصاءات دقيقة ترجّح طغيان الزجل على قصائد الحقيبة عمومًا وعلى إنتاج كلٌّ شاعر على حِدة؟ 4. لاحظت أنك تتسرَّع في التوصُّل إلى نتائج، وهذا مثال: Quote: إذن كيف للناس غير المتخصصين معرفة أو فرز زجل الحقيبة من غيره.. سهل جداً في تقديري: كل الأغاني التي سجلت في أسطوانات بين الأعوام 1923 إلى العام 1935 زجل خالص لأنها تمت بتشجيع من الدولة آنها (الإنجليز) أعني عملية تسجيل الأسطوانات وبالتالي أشعار السودان الأخرى غير مرحب بها (شرح إضافي في النقطة المقبلة رقم 2). هل حصرتَ كل الأعمال التي أنتجت بين 1923 و1935؟ وهل فحصتَها كلَّها لتحكم أنها "كلها" زجل خالص؟ لم تكتفِ في كلامك أعلاه بأن تفترض أن "كل" الشعر في تلك الفترة كان زجلاً خالصًا، بل أضفت إليه افتراضًا آخر قلت فيه إن تسجيل هذه الأغاني "تم بتشجيع من الدولة آنها وبالتالي أشعار السودان الأخرى غير مرحب بها"؟ علامَ استندت في افتراضك هذا؟ إذا كنت تستند إلى محتوى بوست قرأتُه لك عن الموضوع في سودانيزأونلاين، فإن الوسيلة التي انتهجتها لإجراء بحثك تحتاج إلى تدقيق للتحقق من نجاعتها للتوصل إلى نتائج مقنعة. 5. هذا مثال آخر على تسرُّعك في الحكم بلا أسانيد: Quote: نرجع إلى السؤال إذاً لماذا تم إخفاء المصدر (المنبع) عن الناس كل هذا الوقت!. الإجابة في تقديري: خشية أن يرفض الناس النمط كونه جاء بديلاً رسمياً لفن الطنبور والفنون السودانية السائدة والمحبوبة والمعروفة للناس آنذاك من دوبيت وحماسة ومناحة.. ونعرف أنه كانت هناك حرب معلومة بين الطنابرة (الحرس القديم) ورواد الحقيبة (العهد الجديد) والذين كانوا مؤيدين رسمياً من الدولة. والسبب التاني خشية الإتهام بعدم الأصالة. كيف توصَّلت إلى هذه النتائج؟ هل اُستُطْلِع هؤلاء الشعراء كلهم وأجمعوا أنهم أخفوا مصدرهم للأسباب التي ذكرتَها؟ هل استقَيتَ هذه النتائج من بحوث سابقة؟ لا يمكن في البحوث العلمية أن تبني افتراضك وتؤكده استنادًا إلى "تقديرك" كما ذكرت في الاقتباس أعلاه، أو أن "تزعم" أنك كشفت السرّ كما قلتَ في هذا الاقتباس: Quote: وعلى كل حال نزعم الآن أننا علمنا وكشفنا السر المخبأ بعد مرور مئة عام على إنطلاقة الحقيبة (حوالي 1919). 6. Quote: وكما نرى أن الصور الشعرية والأخيلة شبه متطابقة مع إختلافات فقط في إستخدام اللغة. لا غرابة في تطابق الأخيلة والمشاعر الإنسانية حتى بين الشعراء من ثقافات مختلفة، كما أنه لا تثريب على الشعراء إذا استفادوا من أخيلة من جنسيات أخرى. سمعتُ الأستاذ محمد وردي ذات مرة يقول إنه استفاد من أفكار وأخيلة شعراء وسط السودان ونظم مقابلات لها بالنوبية أغنت الشعر الغنائي النوبي وتلقَّفها النوبيون واستساغوها. 7. Quote: 7. اليوم مع عبيد عبد الرحمن وإبن قزمان الأندلسي! ملاحظات إستباقية: النظم هو ذاته والقافية (مع التحديث) كما التفيعلة والوزن العروضي وضّح لنا أوجه التطابق! لا أرى أيّ تطابق في الأخيلة والقافية بين القصيدتين. وأيّ وزن عروضي قِستَ عليه القصيدتين، علمًا بأنك ذكرتَ أن من "أهم شروط الزجل أن يكون دارجي غير فصيح ولا معرب ولا يجري على الأوزان الشعرية الرسمية"؟ 8. Quote: 8. اليوم 17 مايو 2017 إنتهيت من مقارنة (شوف العين قالت دا لا لا) لأبو صلاح من شعراء حقيبة الفن 1890-1963 و(تاب قلبي من قولــــــة لا لا) لاحمد بن تريكي (1650–1750م) زجل حوزي تلمساني) ملاحظات: النظم هو ذاته والقافية كما التفيعلة والوزن العروضي. هلاَّ شرحتَ لنا تطابق الوزن العروضي في القصيدتين المعنيتين؟
9. هذا مثال آخر على تعجُّلك في الحكم على الأشياء بلا أدلة قاطعة: Quote: من أين جاء هذا الرجل (الأمي) بكل تلك الكلمات الفريدة الغريبة على العامية الوسطسودانية وهي أيضاً تتكون من تصاريف غير فصيحة مثل (الناحِلني وأحايد والمايد). مع العلم أن الرجل لا يقرأ ولا يكتب كما تحدثنا الوثائق وحدثنا الشهود. إذ هو ليس كالخليل تأثر بالشعر الأندلسي (المرجع على المك) وليس كسيد عبد العزيز يقرأ الكتب والمجلات القادمة من خارج البلاد. إذاً كيف تعرف هذا الرجل الأمي (المبدع) على تلك الكلمات الغريبة وليس ذلك فحسب بل كيف تعرف على طريقة النظم. وطريقة النظم هي الأصعب والمهمة الأخطر. إذ نستطيع أن نقول تم تلقينه تلك الكلمات بواسطة القارئين ممن هم حوله لكن النظم لا يمكن تعلمه بمجرد التلقين فلا بد من معلم (مدرب) ولا بد من نماذج يتدرب عليها الشخص. فنظم الحقيبة (الزجلي منها) ليس مثل الدوبيت أو أي نوع شعري آخر فهو عبارة عن صنعة محكمة من جناسات وطباقات وتعدد للقوافي في البيت الواحد وتقفية البيت بقافية أحيانا قد تكون من أربعة أحرف.. والأمي يفعل ذلك بجدارة. شئ مدهش، أليس كذلك. ولكن قد تزول دهشتنا عندما نعلم أن الرجل (الأمي) كان قريب خليل فرح في الدم وكان يسكن معه في ذات المنزل سنوات عديدة كما كان صديقه العبادي ومقرب من سرور وقد ضرب وهدد الطنباري (عبد الغفار) ومنعه من الغناء بأمر من سرور. كيف توصَّلت بهذه السهولة المتناهية إلى أن خليل فرح كان "يلقّن" الأمي طريقة نظم الزجل؟ هل يكفي أنه قريبه وكان يساكنه سنوات عدة للتوصُّل إلى هذه النتيجة القاطعة؟ هذا تبسيط مخلّ وغير مقبول في البحوث العلمية. 10. إجمالاً ومما قرأته لك في هذا البوست وغيره، أرى أنك تهمل جانب إحكام طرائق البحث وتستسهل الخروج باستنتاجات عامة لا تعضدها أدلة توصلتَ إليها بأساليب البحث المعروفة و"المناسبة"، ولذلك فإنك ستواجه أسئلة عويصة ومصاعب جمَّة لإقناع أي مشرف أكاديمي محنَّك أو أي لجنة محكّمة بحججك إذا واصلت على هذا المنوال. تحياتي واحترامي ----- شكرًا اخي محمد جمال على ردودك وصبرك، لكنك لم تجب عن أسئلتي بخصوص التفاعيل. Quote: النماذج التي أمامك الآن تبدأ بمقارنة لسيد عبد العزيز وقصيدة حوزية قديمة.. انظرها أولا فقد تعطيك صورة بينة فهي أوضح من مقارنة عبيد عبد الرحمن وإبن قزمان فالمجاراة قد تلتزم القافية والمعني واللغة
أرجو أن تقطّع هذين المثالين وتضع رموز التفاعيل ثم تحوّل الكتابة العروضية إلى تفاعيل حتى نتبيَّن التطابق الذي افترضته. لدي معرفة لا بأس بها بعروض الزجل وسأفهم ما ستقوله بسهولة. Quote: فمثلاً كلامي عن عبد الله الأمي رأي شخصي لفك الإشتباك بين أميته (كونه لا يقرأ ولا يكتب) ويأتي بكلمات خارج نطاق العامية التي يتحدثها مثل (مايد وناضر) وانا لم اجد تفسير غير أنه أستقاها من جواره للخليل والعبادي (شخصياً لم أجد طريقة أخرى مناسبة غير ذلك). ولك أن تقل لي ما تتصوره أنت في الحتة دي، غير ذلك.. إن شئت.. وتكون تلك هي الإضافة المميزة التي تقدمها لي وللقراء وهو من أهداف هذا النقاش
وهذه هي المشكلة في كلامك، إذْ لا يمكن التفريق بين رأيك الشخصي ونتائج بحثك. حكمك على الأمي ترتب عليه أنك جزمت أن ما كتبه كان على نسق الزجل. أما أنا، فليس لي أي تصوُّر لأنني لم أفترض شيئًا لأعلّله. Quote: راجع لطفاً مرة ثانية مقدمة البوست لأنها قد تفيدنا في تحديد وجهة الحوار الأكثر فايدة وفق تصوري.. انظر كيف ترددت كلمة زجل وفي أي سياق ورود كلمة زجل في شعر الحقيبة لا يعني أن ما كتبه شعراؤها كان يطابق تفاعيل الزجل الأندلسي، ولا يثبت أن الزجل كان غالبًا على شعر الحقيبة. الإثبات يكون بالإحصاء الدقيق. Quote: وطريقة نظمه والحقيبة ألتزمت قواعد الزجل بالكامل وفق البحث.. لذا ورد في خلاصات البحث أنها من نمطية الزجل الأندلسي بعد إمتحان كل فرضيات البحث أين أجد البحث كاملاً؟ الإحالات إلى منشورات مختلفة وبحوث غير مكتملة فيها تشتيت للقراء. سؤالي لك هنا: ما هي طريقة البحث التي اتبعتَها لإثبات فرضيتك بأن الحقيبة التزمت قواعد الزجل الكامل؟ طرائق البحث الأكاديمي معروفة، فأيُّها اتبعتَ؟ Quote: الحقيبة ثلاثة أقسام لكن القسم الذي سجل في اسطوانات وتم الإحتفاء به حتى تاريخ اليوم هو فقط القسم الزجلي لا الدوبيت إذا سلَّمنا بأن "كل" الأغنيات التي سُجّلت في أسطوانات كانت على نمط الزجل، فما هو عدد هذه الأغنيات؟ وما هي نسبتها المئوية مقارنة بنسبة أغنيات الحقيبة غير الزجلية التي لم تُسّجل في أسطوانات؟ --------- e: محمد صديق.. تحيات وشكراً لجهدك المقدر.. برجع ليك لقدام بهدوء.. أما بالنسبة لدا: أنا ما طلبت شيء صعب ولا خارج الموضوع، أخي محمد جمال. ممكن تعمل التفاعيل في المثالين اللي ذكرتهم وفي أول بيتين منهم فقط عشان نتأكد أنه في تطابق في التفاعيل أم لا. بعدين سألتك عن طرائق البحث وما جاوبت، مع أنه الإجابة ممكن تكون في نص سطر. إذا إنت صحي عايز الناس يناقشوك، فلازم تجيب عن أسئلتهم لإغناء النقاش ------- أنا عندي طلبين بس: 1. رابط أو روابط بحثك "مكتمل الشروط" عن الحقيبة. 2. تعمل تقطيع لقصيدة من الزجل الأندلسي وقصيدة من الحقيبة وتورّينا التطابق في التفاعيل بعد ما تقطع الكلام عروضيًا وتعمل رموز التفاعيل، وبعد داك نرمي لي قدّام لأنه المشوار طويل زي ما إنت بتقول، ونحن ما ورانا حاجة
------- في تقطيع (غِرْجَمَالْكَنْ)، كيف عدد الحروف 8 والتفعيلة (فاعلاتن) من 7 حروف؟ وكيف حرف الراء مسكَّن ورمزه (/)؟ وكيف حرف الجيم متحرّك ورمزه (0)؟ وكيف حرف الألف يكون رمزه (/)؟ وليه حرف الغين في الأول أصلاً مكسور؟ وليه الياء في كلمة (غير) راحت؟ 2. الترميز الثاني والتالت خرجمة عجيبة. ورّينا الحاصل شنو؟ ليه بدأت رقم (3)، اللي يبدو إنك قاصد بيها رقم (2) برمز ساكن؟ وليه رقم (2)، اللي يبدو إنك قاصد بيها رقم (3)، بدأتها بساكن وختمتها بساكن، وكمان عدد علامات الرموز 6 في حين أنه فاعلاتن أكتر من 6 وفعلن أقل من 6؟ ------ يُفْهَم من الافتراض الأساسي لبحث الأخ محمد جمال أن أنماط شعر "سودانية خالصة" كانت سائدة قبل الحقيبة، وأن الحقيبة جئ بها وفقًا لأجندة محددة لتزيح تلك الأنماط القديمة وتحلّ محلها لمآرب استعمارية، ثم انتهت الحقيبة "فجأة" بزوال المؤثر (الإنجليز) ورحيل أصحاب الصنعة (شعراء الحقيبة). وكأن الإبداع لا ينتقل بالمجايلة! وكأن الحقيبة غرفة مات سكانها فجأة فأطفأ الإنجليز نورها وأغلقوا بابها وبلعوا المفتاح ثم رحلوا! إذا سلَّمنا بهذا الافتراض، فهل عاد شعراء ما بعد الحقيبة إلى أنماط النظم الشعري "السوداني" التي كانت سائدة قبل الحقيبة بعد رحيل الإنجليز؟ وإذا لم يفعلوا، فما هو السبب أو الأسباب؟ وهل يُصنَّف شعرهم على أنه من نسق الزجل؟ وإذا كان كذلك، فهل غاب عليهم ذلك، أم أنهم كانوا على علمٍ بأنه زجل، لكنهم أخفوا تلك الحقيقة ضمن "خيوط المؤامرة الحقيبية" حتى كشف الأخ محمد جمال هذا السرّ العظيم مؤخرًا؟ وإذا لم يكن كذلك، فهل هو أسلوب نظم سوداني أصيل، أم أنه مستمدٌ من أنماط أجنبية أخرى غير الزجل؟ وإذا لم يكن زجلاً، فلماذا لم يتأثر شعراء الغناء السوداني الحديث، الذين استلموا الراية من شعراء الحقيبة، بأساليب نظم "أقرب" أسلافهم من شعراء الحقيبة الزجليين؟ وإذا كان نمط الشعر السوداني الحديث وافدًا وغير زجلي، فهل كان وصوله مُستحثًا بأجندة معينة مثلما كان الحال مع شعر الحقيبة الزجلي؟ وإذا كان دخيلاً وليس بزجل، فمن أين أتى؟ وألا يؤكد ذلك أن الأمر لا يتطلب أن تكون هناك أجندات ومؤامرات ليتأثر شعراء السودان بأنماط أجنبية؟ وإذا لم يكن شعر الغناء السوداني الحديث (1) على نسق الأنماط السودانية التي سبقت الحقيبة، أو (2) نمط الحقيبة "الزجلي"، أو (3) مستلهمًا من نمط أو أنماط أجنبية، ألا يؤكد هذا أن تطور أنماط الشعر أمرٌ طبيعي ويمكن أن يحدث داخليًا بلا أجندات أو مؤامرات، شأنه في ذلك شأن ضروب الإبداع الأخرى؟ هذه أسئلة جوهرية كان لا بدَّ للأخ محمد جمال أن يفكّر فيها، لكنها فاتت عليه وغيرها كثير، وهو ما يجعل أفكاره في معظم الأحوال مبتورة وتغلب عليها السطحية والافتقار إلى العمق..
يا محمد جمال، المحفوظات اللي قاعد تلوك فيها دي بلا كلل ما بتحلّك. عشان أكسب زمنك وجاوب على الأسئلة المطروحة عليك دي وبطّل كواريك وجقلبة ومجمجة.
10-12-2022, 07:56 PM
محمد جمال الدين محمد جمال الدين
تاريخ التسجيل: 10-28-2007
مجموع المشاركات: 5403
Quote: في لغط منذ الخمسينات انو الشاعر مسعد حنفي اشترى من أبو صلاح قصيدتي؛ وجه القمر والناعسات عيونن وحصلت معارك كبيرة بين من ينسب الأغنيتين لمسعد حنفي ومن يقول أن الاغنيتين لأبي صلاح،
بالنسبة للشاعر مسعد حنفي.. أيام البحث اخدت شوية وقت معاه عشان أحسبه من شعراء الحقيبة عبر الأدلة.. لكن تعثرت على المراجع وحاولت الإتصال باسرته ولم أحرز كتير من النجاح في شأنه.. إلا بعد فوات الأوان. الآن شخصياً أعتبر مسعد حنفي من شعراء الحقيبة.. ووجدت له عدة أزجال تتبع طريقة النظم والمفردة الزجلية غير وجه القمر والناعسات عيونن المتصارع حولها بينه وأبو صلاح. ووجه القمر حتماً زجل كامل الدسم.
كاحل طرفك/ الناعس
والجيد بي الاثيث غامر/
مجدولات ايديك/
صدرك/ رجح طبق الضامر/
زيدني من تيهك/
طايع ليك/ ياآمر زهرة السامر/
رفقاً بمجنونك/ ياليلى بني عامر/
إعلم لو نما طرفك/ للبيض الرقاق شاهر/
إنسان عيني كاد يغرق
في ماء خدك/ الزاهر ونورك/ يتوقّد
دا زجل طبعاً.
والحقيقة شخصياً لم أصل لشيء محدد عبر الوثائق المتاحة غير أننا كلنا نعلم أن القصيدتين صدرتا في ديوان وفي الإعلام وفي المناسبات العامة باسم مسعد حنفي في حياة أبوصلاح وقد عاش بعدها سنوات عديدة ولم يسمع منه الناس كلام صريح أو تصريح معلن أن القصيدتين له. هذا أقوى دليل في نظري على نسبة وجه القمر والعيون لمسعد وليس أبو صلاح.. كما أنني سمعت من شهود أن محمد بشير عتيق وعمر البناء أيضاً نسبا القصيدتين لمسعد. ---
ذلك فقط من أجل التحية لك أبوبكر عباس وكل الرفاق والقراء الأعزاء
10-12-2022, 08:07 PM
محمد جمال الدين محمد جمال الدين
تاريخ التسجيل: 10-28-2007
مجموع المشاركات: 5403
نعتذر للقراء الأكارم عن شوية العك الحاصل.. طبيعة البورد دا أصلاً كدا لامي كل الأصناف من اطياف بلادنا الشاسعة بجمالها الباهي كما بأزماتها النفسية والعقلية.. معليش.. بس عاينو أن وجدتو شيء مفيد.. تمام.. وإلا لا ضرر ولا ضرار.. والمشوار طويل.. وصبراً جميلاً ومحبات كتيرات
10-12-2022, 08:07 PM
محمد صديق عبد الله محمد صديق عبد الله
تاريخ التسجيل: 09-05-2017
مجموع المشاركات: 1571
ههههههه هسي بالله سؤال الأخ أبو بكر عباس ده دخله شنو ببحث الحقيبة المتحرّر؟
مالك ما قلت أبو بكر عباس حرف البوست؟ ومالك ما قلت ليهو أركب الصف وانتظر لغاية ما أرد على الجماعة اللي قدّامك؟ شفت اجتهدتَ كيف عشان ترد على سؤاله؟ مشيت عتّلت القصيدة كمان. ده كله عشان السؤال ما محرج وأبو بكر شكّرك.
10-12-2022, 08:53 PM
محمد جمال الدين محمد جمال الدين
تاريخ التسجيل: 10-28-2007
مجموع المشاركات: 5403
الأعزاء الكرام.. للتذكير هذا البوست معنون ب: رواد الحقيبة كانوا عارفين أن الحقيبة زجل؟-نعم! - إذاً لماذا لم يقولو لنا؟! توجد إجابة!
دا الموضوع.. واحيانا في ناس بتركز في الموضوع.. جميل.. وفي ناس بتعلق على هامش الموضوع تعليق بناء أي كان.. وشخصياً بشوف المناسب والأقرب للموضوع وبحاول أرد عليه بما عندي.. وإلا كلها إضافات مفيدة سواءاً حصل رد أو ما حصل.. وأما الناس البتسرح خارج النطاق وبتخرب البوست بحجة الحوار (وما عنو إلا ذاتهم الكوزة) ديل ح نتصرف معاهم بالذي يليق بهم من التجاهل أو الردع الذي تتيحه الفرص والمشروع حسب لوائح المنبر. وبس كدا.. كل الود
=
10-12-2022, 09:09 PM
محمد صديق عبد الله محمد صديق عبد الله
تاريخ التسجيل: 09-05-2017
مجموع المشاركات: 1571
Quote: وأما الناس البتسرح خارج النطاق وبتخرب البوست بحجة الحوار (وما عنو إلا ذاتهم الكوزة) ديل ح نتصرف معاهم بالذي يليق بهم من التجاهل أو الردع الذي تتيحه الفرص والمشروع حسب لوائح المنبر. وبس كدا.. كل الود
شايفك ماشي كويس في اتجاه استعمال آخر كروتك للمخارجة من زنقتك باستعمال أسلوب تأليف الروايات البوليسية الضاربة، زي روايتك عن المؤامرة الحقيبية،. واضح أنك عايز تحوّل الحكاية إلى استهداف سياسي لاستدرار عطف القراء.
ده كله ما بيحلّك. اركز بس!
10-12-2022, 08:56 PM
محمد جمال الدين محمد جمال الدين
تاريخ التسجيل: 10-28-2007
مجموع المشاركات: 5403
ملاحظة غاية الأهمية: هذا البوست (أخطاء اللفظ والتفاعيل/الوزن عند مغني الحقيبة ) لا علاقة له بالحقيبة وبحث الحقيبة (مباشرة) وإنما يهدف إلى التأكيد على أهمية معرفة قواعد العامية الوسطسودانية لأنها الحاضنة لشعر/غناء الحقيبة:
رابط إلى الموضوع: مقدمة في قواعد العامية الوسطسودانية (كل الحلقات حتى الان) من منبر سودانيزأونلاين مع نقاشات مصاحبة.. مع ملاحظة أن البوست لا ينتهي في الصفحة المنبرية الأولى بل هناك 2 حتى الآن، وهذه هي الروابط 1 و2: 1- https://sudaneseonline.com/board/510/msg/1654113733.html
مقاطع مصورة لمبارك المغربي (الأغنية السودانية) الطيب محمد ود الرضي (كتاب عن ود الرضي: نهر الإبداع الخالد) شكراً يسرى.. ح أفحص إحتمال أن يكون لشعراء الحقيبة عالم سري..
هناك أدلة تثبت وأدلة تنفي.هل صحيح أن لزعماء الحقيبة عالم سري خاص مغلق لا يدخله أي زول ساي مهما كانت مقدراته ومواهبه.. ألا بعد تدقيق وتمحيص وامتحانات؟. هل صحيح أن ود الرضي تم امتحانه بواسطة العبادي في مجلس خليل فرح امتحانا صعبا وأنهم طلبو منه مجاراة نمط محدد ثم اجازوه كشاعر وفق نمط الغناء الجديد، وكانو يمزحون معه من قبل إذ يسمونه ب"اب توب" تساوي العريبي الان، دلالة على قرويته؟.
هل طلب سرور من ود الرضي تغيير عدد كبير من القصائد لتناسب النمط الجديد ؟. هل تصل سيد عبد العزيز الكتب والمجلات من مصر ؟ هل درس أبو صلاح في المدرسة الامريكية؟.
هل سلاطين باشا النمساوي ورجل المخابرات الشهير هو من ادخل إبراهيم العبادي المدرسة؟.
هل يعرف العبادي "حساب الدوبيا" ولا أحد يعرف كيف تحصل العبادي على هذا العلم؟!.
هل ام والد ديمتري البازار شقيقة سلاطين باشا؟. الإجابة بنعم على كل تلك الأسئلة (حتى الآن) هل هناك أدلة نافية؟.
لازم نشتغل على الأدلة النافية وعشان نشوف الكفة الراجحة. مرفق مقاطع مصورة لمبارك المغربي (الأغنية السودانية) الطيب محمد ود الرضي (كتاب عن ود الرضي: نهر الإبداع الخالد) شكراً يسرى..
ح أفحص إحتمال أن يكون لشعراء الحقيبة عالم سري.. هناك أدلة تثبت وأدلة تنفي.هل صحيح أن لزعماء الحقيبة عالم سري خاص مغلق لا يدخله أي زول ساي مهما كانت مقدراته ومواهبه.. ألا بعد تدقيق وتمحيص وامتحانات؟.
هل صحيح أن ود الرضي تم امتحانه بواسطة العبادي في مجلس خليل فرح امتحانا صعبا وأنهم طلبو منه مجاراة نمط محدد ثم اجازوه كشاعر وفق نمط الغناء الجديد، وكانو يمزحون معه من قبل إذ يسمونه ب"اب توب" تساوي العريبي الان، دلالة على قرويته؟.
هل طلب سرور من ود الرضي تغيير عدد كبير من القصائد لتناسب النمط الجديد ؟. هل تصل سيد عبد العزيز الكتب والمجلات من مصر ؟ هل درس أبو صلاح في المدرسة الامريكية؟.
هل سلاطين باشا النمساوي ورجل المخابرات الشهير هو من ادخل إبراهيم العبادي المدرسة؟.هل يعرف العبادي "حساب الدوبيا" ولا أحد يعرف كيف تحصل العبادي على هذا العلم؟!.
هل ام والد ديمتري البازار شقيقة سلاطين باشا؟.
الإجابة بنعم على كل تلك الأسئلة (حتى الآن) هل هناك أدلة نافية؟.
لازم نشتغل على الأدلة النافية وعشان نشوف الكفة الراجحة. مرفق الصور الجديدة (شكراً للشابة الهميمة يسرا أحمد). --- مايو/يونيو 2017
https://www.0zz0.comhttps://www.0zz0.com
https://www.0zz0.comhttps://www.0zz0.com
https://www.0zz0.comhttps://www.0zz0.com
https://www.0zz0.comhttps://www.0zz0.com
https://www.0zz0.comhttps://www.0zz0.com
https://www.0zz0.comhttps://www.0zz0.com
--- 2017 من مذكرات البحث
--- نحن ما نزال مع أسباب الإفتتان بالحقيبة = النظم + المفردة + العناية الفائقة والتمويل الرسمي + الإسطوانات + الإذاعة + إعتبار الحقيبة كتراث ذلك ساعد في إنتشارها= سر الافتتان بغناء الحقيبة... ذلك مقطع من بوست الإفتتان.. جاري الآن بهذا المنبر. --- وهذه الصور مجرد مذكرة جديدة لمستقبل السرد.. سنشرح محتواها لاحقاً.. فصبراً
10-13-2022, 04:38 AM
osama elkhawad osama elkhawad
تاريخ التسجيل: 12-31-2002
مجموع المشاركات: 20555
Quote: وليس الغناء فحسب بل أدخل الإنجليز أيضاً نوع من الرقص جديد تعويض للرقصات الممنوعة علناً أو ضمناً أو قل على أقل تقدير غير المحبذة مثال العرضة والصقرية.
هذا الرقص نفعله حتى الآن وهو جاء مع الحقيبة جنباً إلى جنب ..
الرقيص الذي نفعله اليوم بتلقائية في المناسبات العامة والخاصة أصله إنجليزي وإسمه العلمي Cumbia.
كيف تم "نشر" الرقصة الجديدة في المجتمع السوداني ؟ ولماذا تم اختيار هذه الرقصة بالذات؟ وهل يمكن ان تقدم لنا معلومات عن هذه الرقصة الانجليزية؟
مع خالص التقدير.
10-13-2022, 09:42 AM
محمد صديق عبد الله محمد صديق عبد الله
تاريخ التسجيل: 09-05-2017
مجموع المشاركات: 1571
أسئلتك تحرف البوست يا أستاذ خواض. خليني أزيد عليها شوية.
Quote: تعويض للرقصات الممنوعة علناً أو ضمناً أو قل على أقل تقدير غير المحبذة مثال العرضة والصقرية.
هل مُنِعت رقصات العرضة والصقرية خلال فترة الحقيبة؟ وإذا كان الأمر كذلك، فما هو دليلك؟ وهل اختفت العرضة والصقرية خلال فترة الحقيبة وفقًا للخطة الاستعمارية، ثم عادتا إلى الظهور بعد رحيل الإنجليز؟ وهل نمارسها الآن؟
كيف يعني ممنوعة علنًا أو ضمنًا أو على أقل تقدير غير محبذة؟ ما هي يا ممنوعة صراحةً يا ما ممنوعة. لو ممنوعة معناها في قانون يمنعها. هل لديك قانون أو أي مستند يثبت كلامك عن امنع ده، أم هو مجرد استنتاج؟ "غير محبذة" دي حا تثبتها كيف، وما هي أهميتها؟
Quote: أصله إنجليزي وإسمه العلمي Cumbia.
قال ليكم اسمه العلمي ههههه. وهل له اسم آخر حتى يكون له اسم علمي؟
وهل إنت متأكد أنه (Cumbia) ده أصله إنجليزي؟ ولو هو إنجليزي، هات الدليل.
10-13-2022, 04:06 PM
osama elkhawad osama elkhawad
تاريخ التسجيل: 12-31-2002
مجموع المشاركات: 20555
Quote: هل مُنِعت رقصات العرضة والصقرية خلال فترة الحقيبة؟ وإذا كان الأمر كذلك، فما هو دليلك؟ وهل اختفت العرضة والصقرية خلال فترة الحقيبة وفقًا للخطة الاستعمارية، ثم عادتا إلى الظهور بعد رحيل الإنجليز؟ وهل نمارسها الآن؟
نعم يا دكتور محمد لاحظت انا ايضا واشاركك الرأي ، أن لغة الباحث "زئبقية"، ولا تملك يقينا ما.
هذه الملاحظة النقدية وغيرها، المقصود منها "تكريب" البحث موضع النقاش والمساءلة.
ولا ترمي بأي حال من الاحوال، إلى التقليل من شأن الباحث الاستاذ محمد جمال.
هذا تقليد أصيل في الدوائر المشتغلة بالبحث.
10-13-2022, 08:10 PM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39330
وعرفنا ذلك من ذكرهم لكلمة (زجل) في أشعارهم وطريقة نظم القصيدة الزجلية والكلمات المفتاحية المشتركة مع الزجل. وسنحاول تعضيد هذا الزعم بعدد من المقاطع المشتركة وواضحة التطابق مع مفردة الزجل وطريقة نظمه.
10-13-2022, 09:48 PM
محمد جمال الدين محمد جمال الدين
تاريخ التسجيل: 10-28-2007
مجموع المشاركات: 5403
تحية مجددة رفاق.. كل تلك الملاحظات المهمة تم معالجتها تفصيليا خلال البحث وفي 144 مقالة لاحقة منشور كثير منها في هذا البورد.. بعد.. ح اجيب المتعلق منها للضرورة. --- برجع بكرا .. الليلة يومي فوق العادة.. كونو بخير رفاق وحتى ذاك الحين.. كل الود
10-13-2022, 11:32 PM
محمد جمال الدين محمد جمال الدين
تاريخ التسجيل: 10-28-2007
مجموع المشاركات: 5403
بحث الحقيبة دفعة واحدة من جديد.. ادناه 16 رابطا لعدد من الكتابات والفيديوهات واللقاءات التي تمت حول بحث حقيبة الفن دفعة واحدة هنا أدناه لمن سأل.. ولاثراء الحوار الجاري حول تراث وثقافات سكان السودان. مراجعة الذات والتراث:
4) قواعد اللغة العامية السودانية.. واهمية ذلك عشان نعرف نقرا شعرنا العامي صاح وعشان نغني غناوينا صاح ومنها الحقيبة وعشان نتكلم صاح وعشان نعبر عن نفسنا صاح وعشان العلم بالشيء.. فيديو عفوي: قواعد اللغة العامية الوسطسودانية
8) قراءة في مناحة رقية (بتريد اللطام) .. قصيدة سياسية ايديولوجية بجدارة! https://m.facebook.com/story.php؟story_fbid=10214000083179885andid=1344875921https://m.facebook.com/story.php؟story_fbid=10214000083179885andid=1344875921
12)- حلقة سودانية 24 كاملة حول حقيبة الفن (مراجعة الذات والتراث) وحول راهن الثورة ومستقبل السودان.. مع محمد جمال الدين ومشاعر عوض الكريم.. رابط مرفق من يوتوب: https://youtu.be/JCBY44wlEuIhttps://youtu.be/JCBY44wlEuI
13)- الحلقة التاسعة: أسرار حقيبة الفن السودانية ونظرة في نوعها الشعري وصراع الفنون من صراع السياسة والذات.. حديث لايف والرابط مرفق ملاحظة هااااامة: هناك فراغ في التلاتة دقايق الأولى ويبدأ الفيديو..
14)- الحلقة 14: نظرة فنية وتقنية في شعر وغناء شعوب السودان القديم والحديث وال"حقيبة" (أمة لا تعرف شعرها لا تعرف نفسها.. وذلك سبب ونتيجة للأزمة الوطنية والحضارية الشاملة)!.
15)- كارثة الحقيبة أفسدت زيارتي للسودان بعد 26 سنة من الغياب القسري.. ولكن ما أجمله من فساد https://m.facebook.com/story.php؟story_fbid=10221797067059609andid=1344875921https://m.facebook.com/story.php؟story_fbid=10221797067059609andid=1344875921
16)- حقيبة الفن السودانية شديدة الإبهار ومنوعة! إذاً كيف نفرز زجل حقيبة الفن السودانية من أشعار الحقيبة الأخرى وبل من الانواع الشعرية الاخرى مطلقا؟!.
وذلك على سبيل التحية ولعل المهتمين منا يثيرون حوارا بناءا نتعرف من خلاله على ادابنا وفنوننا وتراثنا بصورة اكثر موضوعية وعلمية بقدر المستطاع بعيدا عن الخرافة التي صبغت حياتنا العامة في جميع المجالات مما قاد الى الفشل المشهود .. شكرا لصبركم معي صحاب
10-13-2022, 11:38 PM
محمد جمال الدين محمد جمال الدين
تاريخ التسجيل: 10-28-2007
مجموع المشاركات: 5403
ربما نجد كثير من الاجابات في تلك الروابط اعلاه.. لقد حدث بالفعل الاف النقاشات في الموضوع منذ العام 2017 وحتى تاريخ الساعة.. مكررة.. وكم هذا جميل. --- برضو برجع نهاية اليوم لمعاينة المداخلات كل على حدى بكلما استطيع .. شكرا للصبر الجميل والعناية
10-14-2022, 06:14 PM
محمد صديق عبد الله محمد صديق عبد الله
تاريخ التسجيل: 09-05-2017
مجموع المشاركات: 1571
Quote: نعم يا دكتور محمد لاحظت انا ايضا واشاركك الرأي ، أن لغة الباحث "زئبقية"، ولا تملك يقينا ما. هذه الملاحظة النقدية وغيرها، المقصود منها "تكريب" البحث موضع النقاش والمساءلة. ولا ترمي بأي حال من الاحوال، إلى التقليل من شأن الباحث الاستاذ محمد جمال.
زئبقية شديد يا أستاذ خواض. الأخ محمد جمال بكتب باستسهال شديد وما بيتخيّر كلامه. شوف الكلام ده:
Quote: وما ذلك إلا تخمين مني حيال الأسباب إعتماداً على أدلة ظرفية بحيث
من متين البحوث بتعتمد على التخمين والأدلة الظرفية؟ الأدلة الظرفية ممكن تدعم الأدلة التي يتوصل إليها بالاختبار، لكن ما ممكن أبدًا تكون هي أداة لإثبات حجج في بحث"متحرّر".
وشوف كم مرة استعمل كلمة (زعم) في كلامه، وهو لا يعلم أنه يصيب بحثه في مقتل باستعمال هذه الكلمة.
Quote: 1. وفق زعم البحث والباحث.
2. تعضيد هذا الزعم بعدد من المقاطع المشتركة وواضحة التطابق مع مفردة الزجل وطريقة نظمه.
3. مع ملاحظة أننا هنا لا نقييم (لا ذم ولا مدح) فقط حديث عن الحقيقة (الزعم). وكوننا لا نعلم الأسباب إلا أن نخمنها كما يتطلب الأمر في أعراف المجاراة.
4. نرجع إلى السؤال إذاً لماذا تم إخفاء المصدر (المنبع) عن الناس كل هذا الوقت حسب هذا الزعم!. والسبب التاني خشية الإتهام بعدم الأصالة (زعم).
5. كثير الصراعات السياسية والإنشقاقات المجتمعية مترع بخطابات الكراهية والتدمير الذاتي والحسادات (زعم ذاتي).
6. وإنطلاقاً من الفائدة التي في زعمنا جنيناها من كشف غموض نمطية الحقيبة،
7. وعلى كل حال نزعم الآن أننا علمنا وكشفنا السر المخبأ بعد مرور مئة عام على إنطلاقة الحقيبة (حوالي 1919).
8. الحقيبة (الزجل منها) لم تكن تلاحق طبيعي بين الثقافات والفنون السائدة كشعر ونظم ولحن إنما كانت خطة منظمة (زعم مني) أعرف أنه يحتاج طبعاً الإثبات.. اعرف طبعا.. سأحاول وبالدقة والعناية اللازمتين.. وعد!
9. رجوع مرة ثانية إلى فحص زعمنا القائل بأن: رواد الحقيبة كانوا يعرفون بأن الحقيبة زجل؟
10. وسنحاول تعضيد هذا الزعم بعدد من المقاطع المشتركة وواضحة التطابق مع مفردة الزجل وطريقة نظمه (في المداخلة المقبلة).
11. هنا لا تقييم فقط حديث عن الحقيقة (الزعم) كوننا لا نعلم الأسباب ألا أن نخمنها) كما يتطلب الأمر في أعراف المجاراة.
12. وهنا لا إدانة للفنان المبدع الراحل العظيم خضر بشير بل فقط تبيان للحقيقة وإن كان هناك إدانة لجهة أو شخص فهي ربما للمثقفين السودانيين جمعاً بلا إستثناء وغيابهم عن ساحة الفعل الموجب وغرق معظمنا في العويل السياسي دون جدوى ودون رؤية عمق الأزمة (زعم مني ممكن متطرف شوية.. معليش).
13. إضاءات جديدة على بحث الحقيبة 2- أخطاء مغني الحقيبة من الجيل الثاني والثالث و 3- قواعد العامية الوسطسودانية) وذلك من جوهر الثورة (ذلك هو الزعم)!:
14. راي محترم عندي.. شكرا من القلب بس كل شعر في الدنيا عنده جنسه ونوعه والحقيبة من جنس الزجل حسب هذا الزعم (راجع النماذج اعلاه)
15. لم يحدث لأن ببساطة لا أحد كشف لنا عن مرجعيتها كنوع شعري.. الآن لدينا زعم محقق عبر الأدلة الممكنة بمرجعية الحقيبة كنوع شعري في "الزجل الأندلسي/وزجل العهد المملوكي"!.
16. زعمنا أن بها يكمن سر الإفتتان.
17. ومن أمثلته الإتجاه المعاكس في قناة الجزيرة لأن ليس هدف البوست التبشير بشيء محدد ولا هدف البحث وإنما هناك محصلة محددة (نتيجة) زعمنا أننا توصلنا إليها عبر منهج البحث المقارن
18. الآن لدينا زعم محقق عبر الأدلة الممكنة بمرجعية الحقيبة كنوع شعري في "الزجل الأندلسي/وزجل العهد المملوكي"!.
19. تلك هي العلة التي نزعم أننا كشفناها الآن عبر البحث المثابر والصبور وبالأدلة الممكنة.
وزي ما قلت هو ما فاهم أنه النقد يساعد الباحث على تكريب شغله وسدّ الثغرات. وهو لو مشى ببحثه ده إلى لجنة محترفة والله يشرب ما يروى.
غايتو منتظرين منه يجاوب لينا على الأسئلة المتعلقة بأصل رقصة cumbia اللي قال إنها إنجليزية، وكيف الإنجليز نشروها وليه اختاروها هي بالذات. وبعد داك نمشي لي قدَّام. المشوار لسه طويل ونحن ما مستعجلين وما ورانا حاجة زي ما هو نفسه قال.
10-14-2022, 07:17 PM
Ahmed Yassin Ahmed Yassin
تاريخ التسجيل: 01-31-2013
مجموع المشاركات: 5507
Quote: هل طلب سرور من ود الرضي تغيير عدد كبير من القصائد لتناسب النمط الجديد ؟. هل تصل سيد عبد العزيز الكتب والمجلات من مصر ؟ هل درس أبو صلاح في المدرسة الامريكية؟. هل سلاطين باشا النمساوي ورجل المخابرات الشهير هو من ادخل إبراهيم العبادي المدرسة؟. هل يعرف العبادي "حساب الدوبيا" ولا أحد يعرف كيف تحصل العبادي على هذا العلم؟!. هل ام والد ديمتري البازار شقيقة سلاطين باشا؟. الإجابة بنعم على كل تلك الأسئلة (حتى الآن) هل هناك أدلة نافية؟. الرضي (كتاب عن ود الرضي: نهر الإبداع الخالد) شكراً يسرى.. ح أفحص إحتمال أن يكون لشعراء الحقيبة عالم سري.. هناك أدلة تثبت وأدلة تنفي.هل صحيح أن لزعماء الحقيبة عالم سري خاص مغلق لا يدخله أي زول ساي مهما كانت مقدراته ومواهبه.. ألا بعد تدقيق وتمحيص وامتحانات؟. هل صحيح أن ود الرضي تم امتحانه بواسطة العبادي في مجلس خليل فرح امتحانا صعبا وأنهم طلبو منه مجاراة نمط محدد ثم اجازوه كشاعر وفق نمط الغناء الجديد، وكانو يمزحون معه من قبل إذ يسمونه ب"اب توب" تساوي العريبي الان هل طلب سرور من ود الرضي تغيير عدد كبير من القصائد لتناسب النمط الجديد ؟. هل تصل سيد عبد العزيز الكتب والمجلات من مصر ؟ هل درس أبو صلاح في المدرسة الامريكية؟.
كان ممكن تلقى عندنا نحن هؤلاء البسطاء المساكين اجابات كافية و وافية لكل اسئلتك المطروحة وحتى الغير مطروحة لكن استخفافك واستهزاءك افقدك الكثير...والكثير .. ووضح جليا بما لا يدع محالا للشك من البداية انك فعلا تستخدم اسلوب المراوغة... واصبحت تتخبط في فوضى عارمة والسبب انك لا تمتلك اي ادوات
10-14-2022, 09:15 PM
يحي قباني يحي قباني
تاريخ التسجيل: 08-20-2012
مجموع المشاركات: 18708
Quote: ح أفحص إحتمال أن يكون لشعراء الحقيبة عالم سري.. هناك أدلة تثبت وأدلة تنفي.هل صحيح أن لزعماء الحقيبة عالم سري خاص مغلق لا يدخله أي زول ساي مهما كانت مقدراته ومواهبه.. ألا بعد تدقيق وتمحيص وامتحانات؟. هل صحيح أن ود الرضي تم امتحانه بواسطة العبادي في مجلس خليل فرح امتحانا صعبا وأنهم طلبو منه مجاراة نمط محدد ثم اجازوه كشاعر وفق نمط الغناء الجديد، وكانو يمزحون معه من قبل إذ يسمونه ب"اب توب" تساوي العريبي الان هل طلب سرور من ود الرضي تغيير عدد كبير من القصائد لتناسب النمط الجديد ؟
يا محمد جما ل.. حتفحص .. و احتمال ..
دي اشياء تاريخية مثبته غير قابله لاحتمالاتك و تخمينانتك يا بطل ..
نخت الحقايق المثبته هنا اولا: 1- خليل فرح لم يكن لديه مجلس .. خليل فرح كان يجلس في صالون فوز .. و ورواده محي الدين جمال ابو سيف و توفيق صالح جبريل و مكاوي يعقوب و من شاكلهم .. و لم نسمع بوجود العبادي او ود الرضي هناك .. ايضا كان يرتاد الخليل منزل صديقه عبد القادر سيمان الذي علمه عزف العود .. و ذلك حسب رواية حسن عطية في مذكراته التي اعطاها لفؤاد عمر .. و ذكر حسن عطية ان الخليل كان يغني و يعزف على العود عبد القادر الهاوي ( و الذي علمه الخليل عزف العود) و كان من الحضور حسن سكر و عبد المنعم محمود و عجول و كمال مختار و فوزي دول و رمزي كيلاني .. و لم يذكر حسن عطيه وجود العبادي و لا ود الرضي ..
2- ود الرضي يكبر الخليل و العبادي بعشر سنوات تقريباً .. و حينما كتب الشعر .. الخليل و العبادي لم يبلغا الحلم بعد .. فكيف يستقيم امتحانه بواسطتهما .. !!
3- الحقيبة تاثرت بالمديح و ايضاً بالرميات الجات من كبوشية .. و استاذ شعراء الحقيبة الحسن ود سالم .. و دي بداية الحقيبة ..
4- مثال : برضي ليك المولى الموالي للعبادي و سرور .. لحنها من المديح في نهاية التركية في الاساس و ليس لسرور وهي مدحة لحاج الماحي .. و تم مجاراتها بما عارف قدمو المفارق و احرموني و غيرهم و باكثر من قصيدة فيما بعد ..
اما قصة عالم سري خاص فارجوك ابتعد عن بيع نظريات المؤامره و الاوهام يا حبيب ..
10-14-2022, 10:06 PM
محمد جمال الدين محمد جمال الدين
تاريخ التسجيل: 10-28-2007
مجموع المشاركات: 5403
ملاحظة: بحاول أدي أولوية للمداخلات ذات العلاقة المباشرة بوضوع البوست "عنوانه" والجواب واضح من عنوانه زي ما بقولو أهلنا.. واي حاجة تانية هي رأي صاحبها وكل شيء محترم إلا العك والتنمر البليد!
10-14-2022, 10:10 PM
محمد جمال الدين محمد جمال الدين
تاريخ التسجيل: 10-28-2007
مجموع المشاركات: 5403
Quote: نعم يا دكتور محمد لاحظت انا ايضا واشاركك الرأي ، أن لغة الباحث "زئبقية"، ولا تملك يقينا ما. هذه الملاحظة النقدية وغيرها، المقصود منها "تكريب" البحث موضع النقاش والمساءلة. ولا ترمي بأي حال من الاحوال، إلى التقليل من شأن الباحث الاستاذ محمد جمال.
ولا يهمك تقلل براحتك أو العكس.. تلك أحكام قيمية محترمة تخص صاحبها.
ودي لغة شاعرية شوية.. وربما صدق محمد صديق خطاب الشعراء.. وأعذب الشعر اكذبه .. أو كما تقول المقولة التاريخية.
--- شايفك يا خواض بتشجع في أخونا محمد صديق دا كل الوقت يحرف البوست.. ما عارف هدفك.. بس حتماً نبيل!
يا أستاذنا الخواص الشاب محمد صديق دا أنا لا أعرفه.. انت قلت أنك تعرفه.. انا ما عندي أي مشكلة معاه.. لكن هو ماخد الحاجات من خياله شخصية وكدا.. لان بس طالبته يشطب كلامه من بوست القواعد لانه off point وحسناً فعل ذلك بالفعل.. هسا هو على طول هذا البوست 99% off point
هناك تاريخ للأزمة الصغيرة التي تخصه. أزعم ذلك!.
مثلاً هو الآن يناقش بحث الحقيبة في حين أن الموضوع هنا محدد بعنوانه.. عايز يناقش البحث في كيلته خليه يفتح بوست خاص بيه.. يفكك فيه كما هذا البحث الوهمي.. ما عندنا مشكلنا.. بس ما يغرق لينا البوست بنشاطه الكتير دا.. وأغراضه الشخصية.. هذا ليس المكان الصحيح.. وأذكرك تسمح لي بالكلام الاول للأخ م. صديق له الود كالتالي:
استاذ محمد صديق.. طلب المرة دي موضوعي ومنطقي.. انت في بروفايلك كاتب بس معلومتين واللهي مقيم في UK وانك متزوج وطبعا نحن نحترم.
لكن ما دام انت بتتحدث معانا عن العلمي والاكاديمي اتمنى نتعرف عليك من هذا الجانب: من اي جامعة تخرجت واي تخصص ومتى (التاريخ).. عشان نناديك باللقب اللازم.. اخوك معلوماته في البروفايل ولو في حاجة ناقصة اتمها ليك.
بس دا الطلب لو سمحت بس ضروري وهو بسيط.. وشكرا
--- ملاحظات وتحيات لأخونا محمد صديق عبد الله عطفاً على مداخلة الخواض أعلاه:
1- سؤالي لم يكن عن خلفية أخونا الجهوية أو القبلية أو النسب والحسب ولا الإنتماء السياسي، إنما سؤال بسيط مشروع ومبرر.. لأن الأخ الدكتور يتحدث عن قواعد ومناهج البحث العلمي ويحاول أن يعلمني شخصياً (على العين والراس) تلك المناهج.. أليس من حقك أن تعرف تخصص أستاذك؟. طبعاً بديهي جداً أظن.
2- نحن ممكن نتعلم من أبسط الناس والأميين اكاديمياً وستات الشاي وبتوع والورنيش حكم ومثل وقيم أكثر مما قد نتعلم من المتعلمين.. مرة ثانية سؤالي لا علاقة له بالنقاش وجدارة المناقشين بقدر ما هو سؤال لشخص قال أنه معلم في قواعد البحث العلمي (هنا ما في نقاش) دا أستاذ نتعرف عليه ونحترم.
3- طبعاً نعرف كلنا أن رحلة العلم تبداً من المهد إلى اللحد كما يقولون.. ما فينا زول كبير على التعلم من بعضنا البعض.. لكن الأخ محمد صديق له الود وضع الشيء في غير مكانه.. إذ جاءني في بوست القواعد ورحبت بي كما يجب.. وفجأة جاب مادة إنجليزية طويلة في بوست يتكلم عن العامية السودانية.. لظن أن دا بحث وصاحبه ما بعرف كفاية قواعد البحث. قلت ليه عشرة مرات وبررت ليه دا (دا بوست) ما بحث. وحلف ليه القسم عديل.
البحث لازم يكون عنده في المقدمات: صفته المحددة وموضوعه وإشكاليته ومناهجه ووسائله المحددة وتحدياته وكيفية حلها إلخ. وكل ذلك مكتوب كتابة. دا مافي هنا (في البوستات دي).
إبقى إذا دا مافي انت عرفت كيف دا بحث (سؤال بسيط) وعرفت كيف أن صاحبه ما بعرف كفاية لقواعد البحث (مادام هو ما كتب منهجيته هنا أصلاً).. طبعاً ما ممكن. إذن انت بتحاكم النوايا.. أيوة عندي نية بحث لكن بوست القواعد دا ما البحث.. دا مجرد نداء لطلب العون في الأمر المحدد. وكذلك بوست رواد الحقيبة هذا.
4- تاني جيت هنا تحدثت عن القواعد وعدم معرفة الناس بالقواعد وهلمجرا. وانت لسا ما شفت البحث (بحث الحقيبة.. لأنك طالبت به). كيف عرفت أن البحث وصل للنتيجة بدون منهجية.. دا كلام غريب.
شرح: البحث لسا ما نشر لأنه كتير جداً حوالي 6000 صفحة.. ما لقيت دار نشر مناسبة. وبصراحة لانه حاجة سودانية خالصة ما عايز أنشره في دار نشر أخرى إلا سودانية. ثم المستلزمات الأخرى كتيرة بتاعة النش وانا وبراي ومحاصر والبلد محاصرة وفي قبضة أمنية.
فنشرت الخلاصات الاولية. لغاية ما أقدر أنشر البحث كاملاً. ونشرت مع الخلاصات حوالي 144 مقالة شارحة (في فترات لاحقة). وميات البوستات في الفيسبوك وسودانيزأونلاين والراكوبة والصحف السو استاذ محمد صديق.. طلب المرة دي موضوعي ومنطقي.. انت في بروفايلك كاتب بس معلومتين واللهي مقيم في UK وانك متزوج وطبعا نحن نحترم.
لكن ما دام انت بتتحدث معانا عن العلمي والاكاديمي اتمنى نتعرف عليك من هذا الجانب: من اي جامعة تخرجت واي تخصص ومتى (التاريخ).. عشان نناديك باللقب اللازم.. اخوك معلوماته في البروفايل ولو في حاجة ناقصة اتمها ليك.
بس دا التوضيح الذي أضطررت له ومعه الطلب لو سمحت بس ضروري وهو بسيط.. وشكرا
10-14-2022, 10:35 PM
محمد جمال الدين محمد جمال الدين
تاريخ التسجيل: 10-28-2007
مجموع المشاركات: 5403
ملاحظات مهمة: 1- أي زول بنشر مقالة أو كتاب أو بعمل بوست بكون عنده هدف مسبق معلن أو غير معلن.. يفهمه الناس أو لا يفهمونه إلخ.. أنا هدفي من هذا البوست معلن، كالتالي: عايز أستفيد.. كيف؟.. هناك مسلمات قديمة راسخة عن الحقيبة زي حاجات كتيرة دون البت فيها علمياً، هذه المسلمات منها: أن الحقيبة مجاراة لشعر السافل، ودي نقطة مهمة جداً.. أنا خلال البحث لم أجد لها أي علاقة تذكر بشعر السافل أو أي نوع شعري سوداني سابق أي كان لا على مستوى النظم ولا المفردة ولا الصور الشعرية.. وجدت أنها تطابق أنماط الزجل الأندلسي. انا هنا الشيء الوحيد الذي أستفيد منه هو أن يأتي شخص بمقارنات بين الحقيبة وشعر السافل في طريقة النظم والمفردة.. هذه اللحظة فقط يكون للحوار Added value حقيقية. 2- هذا البوست لا يقبل الجدل ما يسمى بال debate ومن أمثلته الإتجاه المعاكس في قناة الجزيرة لأن ليس هدف البوست التبشير بشيء محدد ولا هدف البحث وإنما هناك محصلة محددة (نتيجة) زعمنا أننا توصلنا إليها عبر منهج البحث المقارن أن خلفية الحقيبة النمطية في الزجل الأندلسي (مشروح فوق يعني شنو زجل). وأن هذه النتيجة لا تدحض عندي إلا بنتيجة مضادة.
3- شخصياً تعودت منذ أن نشرت نتيجة البحث على عك كتير شديد بلا فائدة في هذا البورد وفي منابر عديدة (الفائدة وفق النقطة رقم 1 أعلاه) مجرد تعجب وإستغراب أو ذم أو شتم أو حيرة.. دا غير مفيد.. بالتالي لا أكترث له.. ولأنه كتير شديد.. ما هنا بس.. وأسئلة دائرية غير منتهية ومكررة فقط من ناس مختلفين وكل مرة بجي واحد جديد أول مرة أسمع بالقصة دي وإقوم علي عيك عاك عيك عاك.. كدا ما ينفع.
عشان كدا بقول عشان الكل يستفيد أنك من كنت إن أستطعت تجيب حججك الموازية عبر النماذج والأدلة التي عندك وفق بحثك الخاص أو بحوث الآخرين أو كتبهم.. تعال ورينا العندك انت.. أنا دا العندي.
البنفع شنو تاني مرة أخيرة.. مثلاً: ورينا نماذج لشعر السافل والحقيبة أو الأشعار السودانية الأقدم. دي بتكون خطوة مهمة لان العمل دا لسا ما اتعمل.. إذا اتعمل ورينا ليه.. وإلا اعملوا انت!. أنا ما لقيت. تلك هي القضية!
10-14-2022, 10:39 PM
محمد جمال الدين محمد جمال الدين
تاريخ التسجيل: 10-28-2007
مجموع المشاركات: 5403
Quote: كيف تم "نشر" الرقصة الجديدة في المجتمع السوداني ؟ ولماذا تم اختيار هذه الرقصة بالذات؟ وهل يمكن ان تقدم لنا معلومات عن هذه الرقصة الانجليزية؟
مع خالص التقدير.
بجيك للسؤال المهم دا (على هامش موضوع البوست) بس قبليه موضوع متعلق أظن قرأته أعلاه عن هل أنتهت أشعار وأغاني أهل السودان ما قبل الحقيبة؟. بمنع الإنجليز لها أو حربهم لها العلنية والسرية.. لا.. أبدا لا: توجد الإجابة هنا (لو وقتك سمح) على السؤال بين الدقيقة 18 و 22 في هذا الفيديو:
--- بجيك لاحقأ بالراحة للكومبيا.. لذلك شرح خاص.. بس بعد ما اخونا محمد صديق يرشنا بخمس ست مداخلات off point كالعادة
--- ويا ريت يفتح بوست يسميه: تفكيك البحوث غير العلمية.. وتدريس طرق البحث الأكاديمية حتة حتة.. تلك هي الفائدة.. بس أزعم إنه كفاه هنا.. ما قصر.. شكراً ليه.. كل الحب
10-14-2022, 11:39 PM
محمد جمال الدين محمد جمال الدين
تاريخ التسجيل: 10-28-2007
مجموع المشاركات: 5403
ملاحظة هامة جداً: ليس من أهداف هذا البوست إقناع القاري أو المشارك بأي شي كان.. بل المطلوب رأي أي كان (مع أو ضد فهو مفيد بذات القدر ولو أمكن مع مبرراته) في النماذج المطروحة هنا وهي جزء أساسي من المنهجية التي أعتمد عليها البحث (المنهج المقارن) للوصول إلى أن الحقيبة (الزجل منها) ينتمي إلى نوعية/نمطية الزجل الأندلسي وهو نوع من الفنون الشعرية الغنائية الشعبية.. نشأ أو ما نشأ في الاندلس ثم أنتشر في كل الأرجاء قبل وبعد إنهيار الأندلس وكل الوقت. وما زال يمارس حتى هذه اللحظة عند كل الشعوب في الأقليم من المحيط للخليج.
ذلك هو هدف البوست.
فأنا غير مبشر بشئ. نتائج البحوث أي كانت فائدتها في الفائدة العملية والنظرية التي يجنيها منها الناس في أرض الواقع. إذ هي ليست أيديولوجيا أو مذهب ديني أو حزب سياسي ليبشر بها الناس صحابها. هدف هذا البوست إنو الناس تعاين براحة للنماذج المطروحة.. هل مناسبة، متطابقة أم لا؟. الإجابة بالنسبة لي مفيدة بذات القدر في الحالين. لأن البحث لم يكن في النوع الشعري وحده وهو مهم بل أيضاً متعلق بالظروف السياسية والإجتماعية التي نشأ فيها النمط الشعري وهناك تحليك آنثروبولوجي.
هذه الملاحظة مهمة عندي.. لطفاً.
---
مقدمة للإعادة على إجابة السؤال: رواد الحقيبة كانوا عارفين أن الحقيبة زجل؟
10-14-2022, 11:54 PM
محمد جمال الدين محمد جمال الدين
تاريخ التسجيل: 10-28-2007
مجموع المشاركات: 5403
هل كان رواد الحقيبة يعرفون بأن الحقيبة زجل؟ وفق زعم البحث والباحث.. ولم يقولوا بذلك صراحة؟.. ربما تكون الإجابة “نعم”!.. وعرفنا ذلك من ذكرهم لكلمة (زجل) في أشعارهم وطريقة نظم القصيدة الزجلية والكلمات المفتاحية المشتركة مع الزجل. وسنحاول تعضيد هذا الزعم بعدد من المقاطع المشتركة وواضحة التطابق مع مفردة الزجل وطريقة نظمه.
قد يقول قائل متعجل وهو محق: وما المشكلة!. هل إن كتب الشاعر قصيدة مشابهة أو كانت بذات طريقة النظم والقافية أو حوت كلمات مشابهة عبر التناص وهكذا. فهل لا بد أن يكتب تحت قصيدته المصدر!. لا.. في هذه الحالة لا. إنه تأثر طبيعي أو تناص.
ولكن نحن لا نتحدث عن ذلك التأثر أو التناص (الطبيعي والتلقائي) هذه المرة بل نتحدث عن مجاراة.. والمجارة فن من فنون الشعر قديمة ومعروفة ولها أدبها وأعرافها وقواعدها.
عندما تجاري أنت ملزم أن تقول أنني جاريت فلان الفلاني في القصيدة الفلان الفلانية. ومثل ذلك فعل ود الرضي مع العبادي والعكس حدث. إذ كلنا يعلم أن ود الرضي جارى العبادي في القصيدة المحددة كما أن العبادي جارى ود الرضي في القصيدة المحددة وهما يعلمان وقالا بذلك.
وذلك مجرد مثال للمجاراة أو التشطير الذي فعله شعراء الحقيبة مع بعضهم البعض فهو معلوم بالنسبة لهم والقصائد التي جاروها والتي نتجت عن المجاراة معلومة للناس وموثقة.
ما عدا المجاراة "الأصل" الأولى لزجالين قدامى (سنحددهم لاحقاً بالإسم ونضع نماذج للقصائد والمقاطع التي تمت مجاراتها) مجاراة وليس تأثرا أو تناصا.
والمجاراة في اللغة والإصطلاح هي: جَارَاهُ فِي عَمَلِهِ : سَايَرَهُ جَارَاهُ فِي أَمْرِهِ : وَافقَهُ فِيهِ جارى التيّارَ: سار معه، تكيَّف معه، مجاراةً له: مسايرةً له (المعجم الوسيط)
والمجاراة في الشعر هي: انك تتبع قصيدة ما لشاعر بعينه (معلوم لديك) وتفعل مثل طريقة النظم أو/و القافية أو/و الوزن أو/و المعني والصور الشعرية التي أخترعها هو أولاً.
فالمجاراة تعني المتابعة والالتزام بالنص الاول في النظم او/و المعنى.
وبالرجوع إلى موضوعنا هنا فإننا وجدنا أن شعراء الحقيبة تأثروا بنمطية الزجل الأندلسي وتحديداً (الحوزي والمملوكي) منه .. وبالإضافة إلى ذلك التأثر الطبيعي والتلقائي فقد جاروا قصائداً أو مقاطع لقصائد بعينها لشعراء (زجالين بعينهم) لكنهم لم يقولوا ذلك حد علمنا وفق الوثائق المتوفرة لنا حتى الآن. مع ملاحظة أننا هنا لا نقييم (لا ذم ولا مدح) فقط حديث عن الحقيقة (الزعم). وكوننا لا نعلم الأسباب إلا أن نخمنها كما يتطلب الأمر في أعراف المجاراة.
ولدينا مشاهد مصورة لثلاثة من شعراء الحقيبة يقولون أن الحقيبة بدأت كمجاراة لشعراء السافل. ولم يقولوا مجاراة أيضاً للزجل الأندلسي. وقد وجدنا عبر البحث أن القسم الزجلي من الحقيبة لا علاقة له من حيث المفردة وتصاريفها (القاموس) والنظم والمخيال بشعر السافل.
وهم يعنون بالسافل في الأساس شعراء كبوشية والمتمة وشندي وبربر .. ووجدنا أن العلاقة بالزجل الأندلسي مادية الوضوح. والزجل من الحقيبة (الحقيبة ثلاثة أقسام) والزجلي منها هو النوع المحتفى به من شعر الحقيبة والذي سجل في أسطوانات في القاهرة بين الأعوام 1926-1940 (1940 بداية الحربة العالمية الثانية نقطة تحول مهمة في تاريح السياسة والثقافة وخطط الإنجليز في السودان).
وبغض النظر عن كل ذلك قلنا أن معرفتنا للنوع الشعري وخلفيته النمطية تساعدنا في التعرف على قواعده المتوارثة وتطورها عبر الزمان.
وبالتالي نستطيع أن نقيم الغث من السمين ونتعرف على البناء الداخلي للقصيدة على بينة من امرنا كما قاموسها وما إلى ذلك.
وتعرفنا عبر البحث أن العبادي جارى وتأثر بإبن مقاتل وصفي الدين الحلي وأن الخليل تأثر بكمال الدين بن النبيه وعمر بن أبي ربيعة وجمال الدين الغباري وإبن زمرك الأندلسي. وإن بطران وأحمد العمري تأثرا بالحموي وصفي الدين الحلي وإبن النبيه.
وأن سيد عبد العزيز جارى إبن قزمان والتلمساني وأن أبو صلاح جارى أحمد بن التريكي والتلمساني وأن أحمد حسين العمرابي جارى زجليات مملوكية وحوزية (راجع روابط المقارنات ختام هذه السرد).
كيف عرفنا أنهم يعرفون (على الأقل بعضهم يعرفون الأصل من النظم وبعضهم تدرب على المجاراة).
عرفنا منهم هم ذاتهم بطريقة غير مباشرة ثم من طريقة النظم ومفردة القصيدة التاريخية الوافدة من عاميات سالفة وشبه منقرضة.
وبعض شعراء الحقيبة ذكروا كلمة "زجل" حرفيا عديد المرات (العبادي، أبو صلاح، عبيد عبد الرحمن) أمثلة لا حصرية.
وكانوا يعرفون أنه نوع شعري باهر "حلو". كون الزجل موصوفا حرفياً بالحلاوة. وألف فيه صفي الدين الحلي (1330م) كتاباً أسماه (العاطل الحالي) ويعني بالحالي أنه عاطل عن الإعراب وعن الأبحر الشعرية الرسمية لكنه بعد حالي.
وأنشد إبن قزمان (1150م):
أنا لفظـــي بان
جـوهر و مرجـــان
زجلي حـــِـــلا على اللســـان.
وأنشد إبن زمرق:
قال بن زمرق أصغى و ناول .. زجلي رشيق صعب المناول
وأنشد آخر:
أنكمل زجلي موفق بالتمـــــــام .. صغته عن من سبـــــاني يا خي (زجل أندلسي)
وهذه نماذج تؤكد أن رواد الحقيبة الأساسيين كانوا فيما يبدو يعرفون معنى كلمة "زجل" في مستواها الإصطلاحي (نوع شعري). وكانوا يعرفون أنه نمط معسول من الكلام المنظوم "حالي، عسل، باهر":
انشِي شعري و"زجلي" وموالي... في ثَناك قليل يا جميل (العبادي)
ضاع صبري زاد من نار الصدود وجلي.. يامعاني الشـعر و"الزَّجــــــــلِ”
يا بيت القصيد يا روح "الزَّجــــــــلِ" (عبيد عبد الرحمن)
مالت على الأغصان تصتنت الزجل (أبو صلاح).
لو رد السلام بحكمة و خجل .. كنا نقول كلام احلى من "الزجل" .. (عبد العزيز سيد احمد، متأثراً بالحقيبة إذ لا قبله ولا بعده وفق رصد البحث في 2017).
في كل تلك المرات جاءت كلمة زجل موعية ومعنية بمعني حالي، باهر، عظيم.
هذه الكلمة "زجل" بمعناها الإصطلاحي لا توجد في أي منهج دراسي سوداني معلوم (قديم أم حديث) و لا خلوة ولا مدايح ولا قرآن.. حد هذا العلم.
ولم ترد في الشعر العربي الكلاسيكي مطلقا كون الزجل أصلاً فن عامي وليس فصيحاً بل ممنوع فيه التعريب حسب رائده الأول إبن قزمان (وجردت فني هذا من الإعـراب كما يجرد السيف من القراب / فمن دخل علي من هذا الباب / فقد أخـطـأ ومـا أصـاب).
أي أن الزجل فن عامي لا يصح فيه التعريب لأنه إذن يفسد التفاعيل فالوزن ويخفي رونق النظم.. حسب إبن قزمان.
وجاء في المقدمة لابن خلدون: "لما شاع فنُّ التوشيح في أهل الأندلس، وأخذ به الجمهور لسلاسته وتنميق كلامه وترصيع أجزائه، نسجت العامة من أهل الأمصار على منواله، ونظموا في طريقتهم بلغتهم الحضرية من غير أن يلتزموا فيه إعراباً، واستحدثوا فناً سموه بالزجل، والتزموا النظم فيه على مناحيهم إلى هذا العهد فجاءوا فيه بالغرائب واتسع فيه للبلاغة مجال، بحسب لغتهم المستعجمة".
إبن خلدون يقول لغتهم المستعجمة. ويعني زجالي الأندلس آنذاك. وقلنا أن الحقيبة من نمط الزجل. فهل الحقيبة أيضاً مستعجمة!. نعم طبعاً، برغم الكلمات الفريدة الرنانة "الوافدة من التاريخ" فإنها غير معربة (لا تجري على قواعد النحو والإعراب في اللغة الفصيحة ولا على أوزان أبحر الخليل وتفاعيلها) كما أن كثير من تصاريفها غريبة على العربية كما أنها غريبة على العامية الوسطسودانية الحاضنة لشعر الحقيبة.
وطبعاً نحن لم نستند فقط على ورود كلمة زجل في الحقيبة لنقول أنها إذن زجل.. لا بل لدينا بحث متكامل حوى 470 إنموذجاً مقارن في النظم والمفردة بين أشعار الحقيبة وأزجال أندلسية وحوزية ومملوكية. وخلص البحث إلى أن الحقيبة إبداع سوداني أصيل من نمطية الزجل الأندلسي (توجد روابط ختام هذا السرد للمقارنات المعنية).
دا رقم 1 و رقم 2 تتبع أدناه
10-15-2022, 00:19 AM
محمد صديق عبد الله محمد صديق عبد الله
تاريخ التسجيل: 09-05-2017
مجموع المشاركات: 1571
يا محمد جمال السؤال كان واضح عن رقصة cumbia اللي إنت قلت إنها إنجليزية. جاوب مباشرة بدون ما مراوغة، لأنه المراوغة بتثبت ضعف حججك أكتر من الخطأ في الإجابة.
بعدين إنت بتهرف ساي وبترمي كلامك بدون ما تفكر فيهو يا محمد جمال. لاحظ إنت بتقول بين الدقيقة 20 و22 في فيديو سودانية 24:
Quote: أغاني السودان التراثية أبدًا موجودة علي كل الوقت وحتى في زمان الإنجليز. الإنجليز استطاعوا يمنعوها بقدر الإمكان من الإعلام المتاح آنها العملوهو هم زي الإذاعة والتلفزيون، لكن في النهاية الشعب كان بينتج ويبدع بشكل مستمر وحتى هذه اللحظة فنونه الأصيلة، وقاوم الحقيبة مقاومة شديدة
التلفزيون، أيها الباحث الهمام، افتتح عام 1962، أي بعد خروج الإنجليز من السودان بي 6 سنوات. أما الإذاعة، فافتتحت عام 1940، أي قبل 5 سنوات من انتهاء الخمسة وعشرين اللي بتتكلم عنها عن فترة الحقيبة. بعدين إذا الشعب كان بينتج و"يبدع" أغانيهو التراثية على الدوام حتى خلال فترة الحقيبة، طيب الفائدة شنو من المسلسل البوليسي أبو أجزاء بتاعك ده؟
10-14-2022, 11:57 PM
محمد جمال الدين محمد جمال الدين
تاريخ التسجيل: 10-28-2007
مجموع المشاركات: 5403
Quote: وفي ختام هذا السرد أضع عدة نماذج مقارنة لمجاراة صريحة بين عدد من رواد شعر الحقيبة وزجالين من أزمان مختلفة سابقة للحقيبة.. فربما تجد الكلمات المفتاحية مكررة كل مرة وأخرى وربما تجد االصورة الشعرية هي ذاتها كما التفعيلة والوزن والقافية متطابقة في كثير المرات كما المعانى:
والـبلبل الـغريد يـدور عـلي منبر الاغصان خطيب (سيد عبد العزيز)
---
لكل وَسيلَة سَبَباً إِلّا تَكُن نَسَبا فَهُو الوداد صَفا مِن غير ما كدر (ابن زيدون)
وكل شئ إن صفا أو كدر في أيادي القضاء والقدر (سيد عبد العزيز)
من يسأل النّاس عن حالي فشاهدها مَحْض العِيَان يُغْني عَن خبَر (ابن زيدون)
حبي هاك القول الأبر العيان يغنيك عن خبر (سيد عبد العزيز).
في الختام ملاحظات مهمة:
تلك النماذج مما أسميه وأحسبه مجاراة صريحة وهناك مجاراة مستترة. وهناك مادة أخرى تتحدث تفصيلياً عن مفردة الحقيبة وطريقة نظمها. وشهادات الشهود الذين تمكنا من رصدهم طوال زمن البحث وبعده.
فطريقة النظم (تقفية الصدر والعجز من البيت الواحد وتثليث وتربيع القافية) والكلمات المفتاحية (الوافدة من التاريخ) المشتركة والجمل المكررة كما الأخيلة والصور الشعرية جاءت مع النمط الكلي (الباكيتش) الذي تمت مجاراته والإنفلات منه إلى الإبداع الخاص في إطاره.
وللإلمام بالصورة الكلية راجع لطفاً المقالات الشارحة لمعنى وأسباب وجذور شعر الحقيبة والمحيط السياسي والإجتماعي الذي نشأت في كنفه أغنيات الحقيبة 1921-1945 (خلاصات البحث).
وإنطلاقاً من الفائدة التي في زعمنا جنيناها من كشف غموض نمطية الحقيبة، ذلك الغموض الذي لفها لمدة مئة سنة أي قرن من الزمان توصلنا إلى ضرورة العمل على مشروع سوداني من شأنه "توثيق الماضي، فهم الحاضر، تخطيط المستقبل" في ذات الأوان.
والبحث أهتم بالكلمة الشعرية وحدها وخلفيتها المحتملة لا اللحن أو الموسيقى أو الأداء الغنائي.. ذلك شأن آخر.
والملاحظة المهمة غاية الأهمية في حسباني: أن مثل هذه الحوارات/القراءات/الأبحاث ليست بالضرورة هدف في حد ذاتها بقدر ما هي نافذة مهمة قد نرى من خلالها ذاتنا الجماعية بطريقة أكثر وضوحاً (عبر مراجعة الذات والتراث).. أو هي الخطة المأمولة.
وربما نقف عبرها على أسباب فشلنا (حتى الآن) في صناعة سودان متحضر وموحد وتعثر ثوراتنا الشعبية حتى الآن من جراء شقاقاتنا القائمة على جهلنا بذاتنا الجماعية والبيئة الطبيعية المحيطة بنا (زعم).. وإذاً عبر ذلك السبيل ربما نساهم معاً في المضي إلى الأمام بطريقة أكثر صحة!.
وفي الختام فالحقيبة إبداع سوداني باهر من نمطية الزجل الأندلسي أو تلك هي أهم نتائج البحث أو مزاعمه الموضوعة من جديد على طاولة النظر والبحث لمن شاء ووفق الأهداف المعلنة.
--- أعلاه هناك تعريف لما نعنيه بالزجل منعاً للخلط المحتمل بين الانواع الشعرية الأخرى
10-15-2022, 00:05 AM
محمد جمال الدين محمد جمال الدين
تاريخ التسجيل: 10-28-2007
مجموع المشاركات: 5403
ملاحظة: اخيرة.. لازم نتذكر أن هذا البوست هدفه إستفتاء لا جدل.. هل النماذج دي مناسبة للحكم على معرفة أن رواد الحقيبة يعرفون أن الحقيبة زجل أم لا؟ (لا ننسى أن الحقيبة تلاتة أنواع) مشروحة سابقاً في هذا البوست.. والمحتفى به منها رسمياً هو الزجل.. مرة ثانية هذا البوست ليس للبت في بحث الحقيبة في كلياته بل في عنوانه: رواد الحقيبة كانوا عارفين أن الحقيبة زجل ام لا وفق الأدلة المعلنة؟, انت بغير قناعة بذلك تمام.. قل كيف؟.. وان كنت على قناعة تمام.. ودوماً: كيف مهمة ان أمكن!.
ولا بد أن نتذكر ان هذا البوست حتى الآن من 4 صفحات وأتوقع المزيد بقراءة إهمام الرفاق والقراء.. ولذا نحن نحن صبر علينا.. وردع التنمر وحرف البوست وهي أظنها من عادات هذا المنبر التي وجب قبرها وإلى الابد!.
شكراً رفاق.. كل الود
10-15-2022, 01:31 AM
محمد جمال الدين محمد جمال الدين
تاريخ التسجيل: 10-28-2007
مجموع المشاركات: 5403
أخونا محمد صديق.. طالبتك.. رجوتك تهدأ شوية.. ما سمعت الكلام.. انت بتاع تفاصيل سنة أولى إبتدائي
بكون ما مشكلة لو ما بتغرق البوست.. انت لا بتقرأ هنا ولا قريت نتيجة البحثة المعلنة "أي كانت".. عاير ساكت:
Quote: التلفزيون، أيها الباحث الهمام، افتتح عام 1962، أي بعد خروج الإنجليز من السودان بي 6 سنوات. أما الإذاعة، فافتتحت عام 1940، أي قبل 5 سنوات من انتهاء الخمسة وعشرين اللي بتتكلم عنها عن فترة الحقيبة. بعدين إذا الشعب كان بينتج و"يبدع" أغانيهو التراثية على الدوام حتى خلال فترة الحقيبة، طيب الفائدة شنو من المسلسل البوليسي أبو أجزاء بتاعك ده؟
ورد في النتيجة أن نفي فنون السودان الاصيلة تواصل في كل الوسائل قبل وبعد خروج الإنجليز.. لان العهد المستقل ورث خيال المستعمر حيال فنون السودان القديمة وبالذات شعر السافل والبطانة والمديح.. وحتى تاريخه.. فما التلفزيون إلا إمتداد للإذاعة والصحف والسينما وكل شي وحتى تاريخ اليوم 2022.
---- انت بتغرق البوست بكلام كتير برا الهدف المنشود ومزعج كتير.. كفاك;.. لأنك سطحي وماسك في التفاصيل.. إفرنقع شوية Please
مرة اخيرة لو بتقدر عاين لعنوان البوست: رواد الحقيبة وإلخ.. دا كلام ما حول بحث الحقيبة دا موضوع براه!.. هل تفهمني.
--- حاول ما تحرف البوست.. البوست دا ما للجدل.. هدفه معلن فوق مرات كتيرة.. شكراً
-- امشى افتح بوست بالموضوع في المنبر دا خاص بيك وإذن على كيفك (مقترح للحل معاك)؟ أو أدينا إجازة كم يوم كدا بس.. وما تنسى قبل ما تمشي تجاوب على لبسؤال بتاع تخصصك عشان نناديك باللقب الذي يليق بك (أقرأ فوق ردي على مشجعك عزيزنا الخواض)!... تحيات.. مع السلامة.. انت ضيف للأمانة ثقيل.
--- امشي شوف شغلك وبحوثك في الدنيا دي.. أو أفتح بوست خاص بيك في هذا البورد علمنا كلنا (الجهلة ديل) كيف نعمل بحوث أحسن في سبعة أيام.. ولك الشكر الجزيل!
10-15-2022, 01:49 AM
محمد جمال الدين محمد جمال الدين
تاريخ التسجيل: 10-28-2007
مجموع المشاركات: 5403
محمد صديق تاني وأخيرً .. الإنجاز مش إسمك يكون في آخر مداخلة كل الوقت وكانك نابيلون أنتصرت وانجزت.. دا وهم منك.. دا ما بوست حقك.. انت معتدي ومتطفل.. الإنجاز أن تفتح بوست حقك تفكك فيه بحوث الشعوب الأخرى.. مش تعتدي على بوستات الآخرين لان بها جماهير.. أظنك فاهمني.. كل الكلام دا لأنك مرهق جدا.
-- امشي افتح بوست خاص بيك بالموضوع دا.. شرحت ليك فوق الاسباب عشرة مرات.. و للأمانة وقتنا شوية.. حاول اسمع النصيحة دي!
10-15-2022, 01:50 AM
يحي قباني يحي قباني
تاريخ التسجيل: 08-20-2012
مجموع المشاركات: 18708
Quote: ح أفحص إحتمال أن يكون لشعراء الحقيبة عالم سري.. هناك أدلة تثبت وأدلة تنفي.هل صحيح أن لزعماء الحقيبة عالم سري خاص مغلق لا يدخله أي زول ساي مهما كانت مقدراته ومواهبه.. ألا بعد تدقيق وتمحيص وامتحانات؟. هل صحيح أن ود الرضي تم امتحانه بواسطة العبادي في مجلس خليل فرح امتحانا صعبا وأنهم طلبو منه مجاراة نمط محدد ثم اجازوه كشاعر وفق نمط الغناء الجديد، وكانو يمزحون معه من قبل إذ يسمونه ب"اب توب" تساوي العريبي الان هل طلب سرور من ود الرضي تغيير عدد كبير من القصائد لتناسب النمط الجديد ؟
و ده ردي للقراء .. الكشفوا نومتك اصلا:
يا محمد جما ل.. حتفحص .. و احتمال ..
دي اشياء تاريخية مثبته غير قابله لاحتمالاتك و تخمينانتك يا بطل ..
نخت الحقايق المثبته هنا اولا: 1- خليل فرح لم يكن لديه مجلس .. خليل فرح كان يجلس في صالون فوز .. و ورواده محي الدين جمال ابو سيف و توفيق صالح جبريل و مكاوي يعقوب و من شاكلهم .. و لم نسمع بوجود العبادي او ود الرضي هناك .. ايضا كان يرتاد الخليل منزل صديقه عبد القادر سيمان الذي علمه عزف العود .. و ذلك حسب رواية حسن عطية في مذكراته التي اعطاها لفؤاد عمر .. و ذكر حسن عطية ان الخليل كان يغني و يعزف على العود عبد القادر الهاوي ( و الذي علمه الخليل عزف العود) و كان من الحضور حسن سكر و عبد المنعم محمود و عجول و كمال مختار و فوزي دول و رمزي كيلاني .. و لم يذكر حسن عطيه وجود العبادي و لا ود الرضي ..
2- ود الرضي يكبر الخليل و العبادي بعشر سنوات تقريباً .. و حينما كتب الشعر .. الخليل و العبادي لم يبلغا الحلم بعد .. فكيف يستقيم امتحانه بواسطتهما .. !!
3- الحقيبة تاثرت بالمديح و ايضاً بالرميات الجات من كبوشية .. و استاذ شعراء الحقيبة الحسن ود سالم .. و دي بداية الحقيبة ..
4- مثال : برضي ليك المولى الموالي للعبادي و سرور .. لحنها من المديح في نهاية التركية في الاساس و ليس لسرور وهي مدحة لحاج الماحي .. و تم مجاراتها بما عارف قدمو المفارق و احرموني و غيرهم و باكثر من قصيدة فيما بعد ..
اما قصة عالم سري خاص فارجوك ابتعد عن بيع نظريات المؤامره و الاوهام يا حبيب ..
10-15-2022, 02:11 AM
محمد جمال الدين محمد جمال الدين
تاريخ التسجيل: 10-28-2007
مجموع المشاركات: 5403
ايوة قباني.. عندهم عالمهم الخاص.. أقرأ كتاب: ود الرضي نهر الإبداع الخالد.. وكتاب مبار المغربي: الأغنية السودانية.. وأقرا مراجع بحث الحقيبة.. أعرف أنك لا تهتم.. فاهم بس الفهلوة والالفاظ البذيئة هي الحاسمة.. دا ما بنفع.. لا أظنك تفهم.. أنا قنعان منك من 5 سنة حتى الآن.
Quote: قصة التنر دي شنو كمان .. خيابة ما عندها معنى
دا شغلك.. أنا راصد ليك 750 حالة إستهتار وتنمر مع أعضاء هذا البورد ليس وحدي (عملت ليك بوست خاص كمثال للناس الساهمو في طردو الناس أولاد الناس من البورد دا) بس بكري شطبه.. لأسبابه.. واقدر.. لا مشكلة.
انت شخص يستمتع بأذى البشر رفاق وقراء لعلة لا أعرفها.. بروفايك يقول بذلك.. وتجربتي الشخصية معاك كدا.. إتخارج مني عليك الله.. ما تسكني.. ما عندي ليك زمن Please
--- آسف للقراء الكرام بس دا الحاصل والبروفايل شهيد بذلك.. لكن نعمل شنو.. (ملاحظة: من اراد التحقق فليرجع إلى الصفجة الأولى من هذا البوست غيض من فيض كتير) وهناك بوستات أخرى كتيرة بذات العلة.. المهم.. مافي شيء نعلمه غير الصبر مع أمثال قباني وم. صديق.. وهم مهما كانوا أخوان ونحن مجبورين عليهم مع كل العلل.. كل الود
10-15-2022, 02:14 AM
محمد جمال الدين محمد جمال الدين
تاريخ التسجيل: 10-28-2007
مجموع المشاركات: 5403
بمشي وبرجع نهاية اليوم.. وأتوقع مواصلة العك دون الإنتباه للهدف ومعنى البوست وخطته ومحتواه.. أعني من البعض الذي أعني. ولذلك الحين.. كونو بخير وأجمل الأمنيات وصبراً جميلاً على المكاره.. إنه حال السودان المعاصر!
10-15-2022, 02:26 AM
محمد جمال الدين محمد جمال الدين
تاريخ التسجيل: 10-28-2007
مجموع المشاركات: 5403
في نهاية هذا الإسبوع المبارك ال weekend ح أحاول اعمل تحليل خاص لظاهرة التنمر في سودانيزأونلاين وخروجها للبر: المجتمع والدولة.. في مقالة قصيرة... مجرد محاولة أولية.
--- كونو بخير رفاق.. هذا العالم يستطيع بعد، أن يكون أفضل ونور.. لا يأس.. فقط مع مواجهة الظلام في عينو.. كل الود
10-15-2022, 02:47 AM
محمد صديق عبد الله محمد صديق عبد الله
تاريخ التسجيل: 09-05-2017
مجموع المشاركات: 1571
Quote: ورد في النتيجة أن نفي فنون السودان الاصيلة تواصل في كل الوسائل قبل وبعد خروج الإنجليز.. لان العهد المستقل ورث خيال المستعمر حيال فنون السودان القديمة وبالذات شعر السافل والبطانة والمديح.. وحتى تاريخه.. فما التلفزيون إلا إمتداد للإذاعة والصحف والسينما وكل شي وحتى تاريخ اليوم 2022.
يا محمد جمال إنت زول باحث ما تقعد ترمي الكلام ساي كده ولما تعرف أنك غلطان تبسّط الموضوع وتقول دي تفاصيل صغيرة وتغريق للبوست. بعدبن خليني من حكاية "امتداد" وجبرة وصحافة. إنت بتتكلم عن "منع" الأغاني التراثية في زمن محدد، ضمن مؤامرة موجودة في رأسك إنت بس، وذكرت انه المنع ده كان في الإذاعة والتلفزيون "آنها"، يعني أيام فترة الحقيبة، وواضح أنك أيها الباحث الهمام حتى ما عارف تاريخ افتتاح الجهازين ديل. يعني افتراضك كله منسوف من أساسه. وكمان نسفته بأنك قلت أنه إنتاج الأغاني التراثية السودانية "ما توقف أبدًا حتى في فترة الحقيبة". يعني لا مؤامرة ولا يحزنون.
أنا يا أخوي قاعد ومتسنتِر ليك في البوست ده ومعاي مفاتيحي ومفكّاتي عشان أفكفك ليك أوهامك دي صامولة صامولة.
10-15-2022, 03:00 AM
محمد جمال الدين محمد جمال الدين
تاريخ التسجيل: 10-28-2007
مجموع المشاركات: 5403
Quote: دا شغلك.. أنا راصد ليك 750 حالة إستهتار وتنمر مع أعضاء هذا البورد ليس وحدي (عملت ليك بوست خاص كمثال للناس الساهمو في طردو الناس أولاد الناس من البورد دا) بس بكري شطبه.. لأسبابه.. واقدر.. لا مشكلة.
انت شخص يستمتع بأذى البشر رفاق وقراء لعلة لا أعرفها.. بروفايك يقول بذلك.. وتجربتي الشخصية معاك كدا.. إتخارج مني عليك الله.. ما تسكني.. ما عندي ليك زمن Please
بالله لقيت وقت ترصد .. ههههههههه وال 750 ديل جوه ال 6000 صفحة ؟ بعدين يا ولدنا قصة تنمر دي شنو؟ اختشي يا راجل .. انت بي بساطة موهوم بي شي و لامن اي زول يوريك وهمتك تقول تنمر !! اركز بس و خلي الناس توريك قدرك .. و مقدرتك .. و الله الوقت الضيعته في سواطتك دي كان ركزت في شي افيد كان نفعت البشر ..
10-15-2022, 05:18 AM
يحي قباني يحي قباني
تاريخ التسجيل: 08-20-2012
مجموع المشاركات: 18708
Quote: وأما إن كنت تقصد أخانا في البورد قباني فهو لم يسأل سؤال ولم يأتي لنقاش
كضااااااااااااااااااااااااابعيب تكضب ..ده سؤالي و انت قلت اصبر ..
Quote: هات دليل ان المقصود بالفصاح هنا عيد الفصح ..انا في اعتقادي المقصود الكناري و الهزار .. مالم تأتي بما يثبت ان المقصود عيد الفصح ..و الدليل هنا ليس من وحي تفكيرك .. لانك تخيلت اشياء كثيرة و اعتبرتها ادله ..
Quote: هات دليلك على ما يلي:الدليل الاول اثبات ان طيور الفصاح مقصود بها عيد الفصح .. و ليست طيور الهزار و الكناري ..ثم هات دليلك ان ابن قزمان كتب ما غنت على الأغصان طيور الفصاح في مناسبة مسيحية و يوم مسيحي و حبيبه مسيحية ..محمد جمال .. الادلة بمراجع و ليس من خيالك ( الخصب) .. لو سمحت ..مقارناتك كالقائل: اسرع الحصان و لا ابعد كوستي ؟
و زغت كالعاده لانه كيسك فاضي ..حتى دي كمان عملت منها نايم:
Quote: معلومة (جديدة عليك) يا محمد جمال ..عيد الفصح و عيد الصليب مناسبتين مختلفتين تماما .. و في تواريخ مختلفة تماما ..عيد الفصح في الربيع و عيد الصليب ١٤ سبتمبر تاريخ ثابت ..فما تجوط ساكت ..عيد الفصح هو عيد القيامة حين دخول السيد المسيح لاورشليم قبل الصلب (الصلب حسب المعتقد)اما عيد الصليب فهو عيد اعلنته القديسة الملكه هلّانة في علم ٣٢٦ ميلاديه حين العثور على صليب السيد المسيح الذي كان مدفونا و مفقودا ..حينما عثروا عليه معه صليبين اخرين استطاعت القديسة هلّانة التعرف على الصليبو اعلنت ذلك اليوم يوم عيد الصليبو بالمناسبة سيد عبد العزيز لما قاليا مداعب الغصن الرطيبفي بنانك ازدهـت الزهورزادت جمال ونضار وطيبو اضافدنت الثريا بقت قريببين السلوك في تاني دورفي ثانية كم سطعت بدورواهلة كان نوعن غريبالسودانيين الاقباط الارثوزكس كانو بيحملو السعف و يمشو الكنيسة احتفالا بعيد الصليبو ثريا شاشاتي صاحبة القصيدة منزلهم مقابل الكنيسة تماماو مكون من طابقينلذلك كتب في تاني دورو اسرة شاشاتي كاثوليكية و لا يحتفلون بعيد الصليبفيبدو انها كانت تحمل فرع نيم من شبك غرفتها فرأها سيد عبد العزيزو كتب يا مداعب الغصن الرطيبو دنت الثريا (ثريا شاشاتي)عليك الله ابن قزمان كتب انوارها اخذه بدون سلوك !!ياخي الشعر و الفن مخزون ثقافي لا يعيب ان يشبه به ..سيد عبد العزيز كتبهي في الجمال زي يوسف ..سرق كلام ربنا يعني ؟
الخلاصة:انت الما بتفهم نقاش و ردود يعني شنو .. انت عندك زرّيعة نبتت ليك في راسك الفاضي و داير تبلي بيها الناس ..
و جابت ليها كضب كمان .. ههههههههههههههههه
مفلس ..الفورة مية الف يا اخونا .. لغاية ما تجاوب على كلامي ده ياب كيسا فاضي ..
10-15-2022, 05:35 AM
محمد جمال الدين محمد جمال الدين
تاريخ التسجيل: 10-28-2007
مجموع المشاركات: 5403
Quote: بس ممكن تفكك براك ما تطلب مني رد.. يعني تشتغل عالم موازي؟.
أصلاً ما عندك أي ردود، وحا تظل تراوغ.إنت في ورطة يا محمد جمال، وحا تظل مسهَّد وتعبان نفسيًا، لأنه عمرك ما حا تقدر تنشر بحثك أبو 6000 صفحة ده. وكل ما الزمن يمرّ، حا تشعر بزيادة الضغط عليك بسبب التفكير في طريقة المخارجة من ورطتك العويصة دي. الحقيبة دي حا تكون لعنة تلاحقك طول حياتك.
المهم، جاوب على سؤال رقصة Cumbia اللي قلت إنها إنجليزية والأسئلة المتعلقة بها اللي سألك ليها أستاذ الخواض. وهل هي رقصة إنجليزية، أم كولومبية؟
من أكبر جلطاتك أنك عايز تثبت في بحثك أن شعر الحقيبة من نمط الزجل الأندلسي، لكنك تركّز على نظرية المؤامرة أكثر من تحليل الشعر نفسه لإثبات افتراضك. إنت بتقول أنه عندك 470 مثالاً "منشورًا" في الإنترنت لإثبات التطابق؛ فأين نُشرت هذه الأمثلة يا محمد جمال لنطلع عليها؟ ما حا تقدر تجاوب، لأنه أصلاً ما عندك العدد ده من الأمثلة. إنت كنت فاكر إنك حا تخُم الناس بشوية الأمثلة اللي قاعد تلوك فيها عشان توهم الناس بكثرتها. على العموم أنا حصرت كل أمثلتك الضاربة عن هذا التطابق في كل الروابط اللي شفتها ورقَّمتها وحا نجي نشوف التطابق ده بالتفصيل بتاع الابتدائي اللي قلته.
قرات مذكرات ديمتري البازار وفيها ورد التالي عن بداية الحقيبة:
Quote: عشان كده سميناه سرور عميد ومجدد الفن ، بعدين لمن سمعته انا والحكاية عجبتني نادينا الجماعة التانيين ، وقولنا ليهم ايه فكركم في الحكاية دي ، بس منها وابتدت حاجة اسمها غنا الحقيبة ، كان الكلام ده زي سنة 26 (1926) ، ايي ابتدت اغاني الحقيبة
فكيف يتسق هذا التاريخ أي ١٩٢٦، مع ما تقوله عن بداية الحقيبة " ١٩٢١، كما في كلامك التالي: ١٩٢١-١٩٥٠. وهو الزمن الذي عاشته نمطية الحقيبة؟
10-15-2022, 08:00 PM
محمد جمال الدين محمد جمال الدين
تاريخ التسجيل: 10-28-2007
مجموع المشاركات: 5403
أهلا خواض.. كنت الليلة جاييك للكومبيا Cumbia كمقدمة للرقص الجديد في العهد الإنجليزي والإنفتاح على العالم في زمانه وما بعده.. فتغير النمط الغنائي شعراً ولحناً وموسيقى (الحقيبة) وما بعدها أقتضي بدوره رقصات جديدة مواكبة زي التويست والهورس والجيركي والكومبيا.. إضافة إلى رقصات السودان الأقدم ألتي تمارس في العادة خارج الخرطوم.. وكلما ذهبت أبعد في الأرياف.
طيب خليها بعد شوية:
Quote: فكيف يتسق هذا التاريخ أي ١٩٢٦، مع ما تقوله عن بداية الحقيبة " ١٩٢١، كما في كلامك التالي: ١٩٢١-١٩٥٠. وهو الزمن الذي عاشته نمطية الحقيبة؟
ديمتري يعني نضج النمط في إيهابه اللحني 1926 لأن سرور فنان وملحن وليس بشاعر إذن هو لا يعني الكملة الشعرية وهي الأولى في الخلق.
السر قدور قال العبادي إجتمع بالناس "المختصة" سنة 1923 قال ليهم تعالوا نوريكم الشيء الجديد العملناه.
إبراهيم العبادي قال النمط تغير يوم حفلة التاجر بشير مع إضراب الطنابرة سنة 1919 (ضربة البداية).
وهناك المزيد من التواريخ بين التمهيد والبداية والإنطلاقة النهائية.. أنا أخدت منها 1921 و 1920ولكن 1919 تكون أيضاً إجابة صحيحة من حيث البداية الجنينية للنمط الشعري الذي بدأه هو كما قال بقصيدة "سرور" التي لقب على أساسها الحاج محمد أحمد لياخذ اللقب سرور.
النمط كإنتاج شعري بواسطة رواده الأربعة (توقفوا) بشكل كلي أو جزئي بعد نهاية الحرب العالمية الثانية.. ممكن نقول بين 1921-1950.. والتاريخ الأقدم إنذار كان اقدم ربما العام 1939 بداية الحرب العالمية الثانية.. وظل البعض ينتج حتى أعلن عبيد عبد الرحمن وهو من أنه عمل للكاشف شيء جديد غير نظم الحقيبة (في لقاء تلفزيوني).
10-15-2022, 08:02 PM
محمد جمال الدين محمد جمال الدين
تاريخ التسجيل: 10-28-2007
مجموع المشاركات: 5403
الغناء الجديد/الشيء الجديد (كلام عن بداية الحقيبة/ شهادة صانعيها في لقاءات مباشرة معهم او مصادر وثقت لهم)
جيمس كري عمل لجنة لدراسة المخيال الشعبي السوداني سنة 1905 اوصت بترقية الفن السوداني بما يواكب المرحلة الجديدة.
سرور دخلني الغرفة قال لي تعال اوريك الغناء الجديد" ديمتري البازار.. حلقة إذاعية 1974 في حضور عبيد عبد الرحمن والعبادي واخرين
" من اللحظة ديك ابتدا تغيير الغناء واول غنية كانت انة المجروح غناها سرور" ديمتري البازار
"كنا بنجتمع في البيوت انا وخليل فرح وأحمد حسين العمرابي ومصطفي بطران، عملنا جمعية وحدة وادي النيل جمعية سرية لما الإنجليز كشفوها رفدونا الاربعة من كلية غردون دا كان سنة 1918 ودي الجمعية اللي انبثقت منها اللواء الابيض لاحقا) ديمتري البازار
"أنا بلقبوني بأبو الفن (أي فن الحقيبة)... ابوي أمه أخت سلاطين باشا، سلاطين باشا جدي وهو الربى ابوي ، ونجت باشا حاكم عام السودان زار ابوي في البيت، هيكسون باشا قال لأبوي تجيب الولد دا الخرطوم يتعلم وشالوني ودخلوني كلية غردون" ديمتري البازار
(هكسون باشا جابني انا واخوك من دنقلا ودخلنا كلية غردون) دميتري البازار
(لما جاء ود رئيس الوزراء تشرشل تبع الديش جابوه لي في المكتب قالوا ليه دا بعرف البلد كلها والمثقفين، وكان جايبين واحد في باب المكتبة براقب) دميتري البازار
"عملنا الاسطوانات في مصر وأتباعت كويس في الخرطوم برغم انو كنا خايفين الناس ما متعودة على الغناء الجديد" ديمتري البازار
"اول حفلة (تجارية) عملناها سنة 1930 الخواجة ابى يدينا تصريح قال لينا السودانيين ما وصلو المستوى دا، انا مشيت للزول الأكبر منو جبت التصريح وجاء مدير الخرطوم بنفسو حضر الحفلة كانت سمحة بس في النهاية حصلت شكلة كسرو الكراسي "الناس قالو دايرين عبد الماحي يغني مش سرور”" ديمتري البازار
"احكي لينا يا دميتري عن الوفود الوديتها مصر" د. محمد عبد الله الريخ ... حلقة إذاعية 1974 في حضور عبيد عبد الرحمن والعبادي واخرين
"أنا وديتهم مصر عشان يتدربو على الغناء الجديد ويسجلو اسطوانات .. خليل وسرور وتانيين" .. ديمتري البازار
"قبل كدا كان في غناء الدوبيت والطمبور وفي واحد تاني اسمه الحومبيي وهو خطوة قدام خطوة وراء وكرير زي الطمبور ومعاه رقصة من البنات وسرور اول زول فكر يغير الغناء دا" دميتري البازار
"العبادي كتب كتاب أستاذ الأغاني، عشان يعلم الناس الغناء الجديد" السر قدور في اغاني وأغاني حلقة خاصة بالعبادي ٢٠٠٩
"العبادي نادا الناس في البيت سنة 1923 لاجتماع هام قال ليهم تعالو نوريكم الغناء الجديد، الشيء الجديد العملناه" السر قدور أغاني وأغاني حلقة العبادي 2009
(سرور كان شغال مكوجي “عندما ألتقيته أول مرة 1914” ) إبراهيم العبادي في لقاء إذاعي مع الطيب صالح
في حفلة بشير الطنابرة رفضو يطنبرو وراء سرور دا كان في حفلة بشير سنة 1919.. المصدر السابق
"لن تستطيع الدخول إلى عالم العاملقة العبادي وخليل فرح الا بعد امتحانات عسيرة.... ولن يغني لك سرور الا بعد اجتياز الامتحان". كتاب الحقيبة نهر الابداع الخالد للطيب ود الرضي
(ودالرضي كان يعمل مع دميتري البازار في المكتبة وعدد من شعراء الحقيبة) المصدر السابق
(سلاطين باشا هو للدخل ابراهيم العبادي المدرسة.. وانا استشرته في المعلومة دي وقال لي صاح انشرها) من كتاب مبارك المغريب و الحقيبة نهر الابداع الخالد
(أبو صلاح درس في المدرسة الأمريكية) مبارك المغربي
(سيد عبد العزيز بتجيه الإصدارات المصرية وبقرا في مكتبة الإمام عبد الرحمن المهدي وكان بيدرس إنجليزي لما مسكني الكاشف) عبيد عبد الرحمن
(انا كنت شغال سواق للمفتش الانجليزي الكبير) الفنان عبد الله الماحي حلقة تلفزيونية عام 1996
(الخواجة أداني خمسين جنيه (كانت كتيرة خالص الزمن داك) وقال لي لمدة سنة ما ارتبط مع زول غيرو ومشيت مصر وعملت الأسطوانة ومعاي الكورس وعبد الله الأمي بالصدفة) المصدر السابق
(سرور كان بغني للجيش في اليونان وليبيا واسمرا لغاية أن توفى سنة 1946 في أسمرا) مبارك المغربي الأغنية السودانية
(سرور بغني وشايل مسدس “الطنابرة لا يحتاجون ذلك”) المصدر السابق
(عبد الله الأمي دق عبد الغفار الطنباري في مدني وقال ليه لو غنيت تاني بكتلك، سرور كان بحرشه) المصدر السابق
(سرور على علاقة بالملك فؤاد) ابنة سرور في لقاء تلفزيوني
(سرور مشى إشتغل سواق سنة 1936 للملك السعودي ومن هناك مشى الحج) المصدر السابق
(المساح كان عندو أصحابه شوام) من وثاقي خاص بالشاعر المساح
(العبادي جاء زار المساح) المصدر السابق
(خليل فرح كان مغرم بالمشوحات الأندلسية) على المك في تقدمة ديوان الخليل
(وقد ألقى حضرة رئيس النادي كلمة ترحيب، وألقى فؤاد بك كلمة شكر، ثم أطربنا مطرب السودان المشهور الحاج «محمد أحمد سرور أفندي» بأغاني سودانية أُعجب بها الحاضرون، وقال فؤاد بك: إن الدكتور محجوب بجواري يهزني مرددًا صدى الأغاني في نفسه، فأطلب إليه أن يعبر لنا عن نشوته. فوقف الدكتور وصال وجال في الأغاني السودانية مؤكدًا أنها كالأغاني الأندلسية ومادحًا المطرب «سرور»، الذي جعلنا نقضي الليلة في سرور.
(٣-٦) نموذج من أغاني السودان٥ التي أنشدها المطرب سرور يا أنة المجروح بالروح حياتك … … … (روح الحب) وفيك يا ليل معنى الجمال مشروح).. البعثة المصرية للسودان 1936
---- مادة أولية أيام البحث يونيو 2017
10-15-2022, 08:27 PM
محمد صديق عبد الله محمد صديق عبد الله
تاريخ التسجيل: 09-05-2017
مجموع المشاركات: 1571
Quote: أهلا خواض.. كنت الليلة جاييك للكومبيا Cumbia كمقدمة للرقص الجديد في العهد الإنجليزي والإنفتاح على العالم في زمانه وما بعده.. فتغير النمط الغنائي شعراً ولحناً وموسيقى (الحقيبة) وما بعدها أقتضي بدوره رقصات جديدة مواكبة زي التويست والهورس والجيركي والكومبيا.. إضافة إلى رقصات السودان الأقدم ألتي تمارس في العادة خارج الخرطوم.. وكلما ذهبت أبعد في الأرياف.
طيب خليها بعد شوية
يعني إنت مشيت جبت ليك كم اسم رقصة نظام إنك مثقف ومقطّع الثقافة عشان تشتت الكورة؟
السؤال واضح وهو عن كلامك عن "منع الرقصات السودانية". دليلك شنو على إنها مُنعت؟ وإنت قلت إنه Cumbia رقصة "أصلها إنجليزي". هل هي إنجليزية أم كولومبية؟ إذا كولومبية، ألا يقتضي ذلك تصحيحًا منك احترامًا للقراء؟
10-15-2022, 08:35 PM
محمد جمال الدين محمد جمال الدين
تاريخ التسجيل: 10-28-2007
مجموع المشاركات: 5403
وقد ألقى حضرة رئيس النادي كلمة ترحيب، وألقى فؤاد بك كلمة شكر، ثم أطربنا مطرب السودان المشهور الحاج «محمد أحمد سرور أفندي» بأغاني سودانية أُعجب بها الحاضرون، وقال فؤاد بك: إن الدكتور محجوب بجواري يهزني مرددًا صدى الأغاني في نفسه، فأطلب إليه أن يعبر لنا عن نشوته. فوقف الدكتور وصال وجال في الأغاني السودانية مؤكدًا أنها كالأغاني الأندلسية ومادحًا المطرب «سرور»، الذي جعلنا نقضي الليلة في سرور.
(٣-٦) نموذج من أغاني السودان٥ التي أنشدها المطرب سرور يا أنة المجروح بالروح حياتك … … … (روح الحب) وفيك يا ليل معنى الجمال مشروح).. البعثة المصرية للسودان 1936
Quote: يعني إنت مشيت جبت ليك كم اسم رقصة نظام إنك مثقف ومقطّع الثقافة عشان تشتت الكورة؟
السؤال واضح وهو عن كلامك عن "منع الرقصات السودانية". دليلك شنو على إنها مُنعت؟ وإنت قلت إنه Cumbia رقصة "أصلها إنجليزي". هل هي إنجليزية أم كولومبية؟ إذا كولومبية، ألا يقتضي ذلك تصحيحًا منك احترامًا للقراء؟
هسا ممكن أنا جاي أعتذر.. ليه انت متسبق الحوادث.. انا قلت فوق جاي للرقص الحديث في السودان والكومبيا.. اصبر يااااخ. ما تغرق البوست بالأوهام المكررة. كتير من الرقصات والموسيقي والأغاني أخدوها الخواجات من الأمم الأخرى ومن الرقيق والعبيد الذين جاءوا بهم إلى أمريكا والكاريبي ولاتن أميركا مثلما أخدوا كل شيء وجابوا لينا الشاي باللبن للسودان وهو هندي.. دي بديهيات أي شافع في مدرسة الأساس عارفها.
يا خواض الزول دا زولك.. انت قلت بتعرفوا.. انا للأسف ما بعرفو.. وهسا أنا شغال معاك.. ممكن تمسك الزول دا مننا شوية اذا قادر.. انصحو في الخاص عليك الله.
--- لحظات ونجي للكومبيا التي إستفتيت في أمرها الكابلي في حضور الفنان ضياء ميرغني (هو من اتصل مباشرة بالكابلي لإستشارته وكنا معاً في ذات اللحظة وآخرين نسمع لايف) وجمعت عدد من الوثائق الآخرى أيام البحث بين أبريل وأغسطس 2017
وإستفتيت الناس كل الناس في عدد من وسائل الميديا المتوفرة لمزيد من التأكد (الممكن) زي الواتساب والفيسبوك وهذه صورة لبوست من الفيسبوك برضو.. ودي صورة من الفيسبوك في يونيو سنة 2017.
وح نقول رأي الكابلي للفائدة العامة ومكتوب أصلاً منذ تلك الايام إضافة إلى الأراء الاخرى.
انظر تاريخ البوست.. 2017
https://www.0zz0.com
برجع بكرا بتفاصيل أكتر لماهية الكومبيا وكيف دخلت السودان ولماذا.. وماذا قال الكابلي والآخرين.. وماذا قال النادي الهولندي للرقص الإحترافي عندما شاهد الفليم!
10-15-2022, 09:18 PM
محمد جمال الدين محمد جمال الدين
تاريخ التسجيل: 10-28-2007
مجموع المشاركات: 5403
ملاحظة غاية الأهمية في هذا البوست وجميع بوستات الحقيبة لا توجد أي معلومة جديدة تتفوق على المعلومات التي جمعناها أيام البحث (إنتهى كحد أقصى في سبتمبر 2017) ونشرت خلاصاته في الحين.. وشارك في البحث 35 متطوعا.. وآلاف الناس كانوا متابعين مباشرة إجراءاته وتطوراته لأنها كانت تفاعلية ومعلنة كل إسبوع بنعمل Update للناس عشان محتاجين مساعدتهم لينا بالمراجع والراي وإلخ في اللحظة والحين.
--- هذا البوست هدفه إشراك من لم يشترك ذلك الحين.. وفق عنوانه المعلن:
رواد الحقيبة كانوا عارفين أن الحقيبة زجل؟ كانوا عارفين أم لا؟.
لا مناقشة البحث في كلياته لأن هذا غير مستطاع الآن كون البحث في كلياته لم ينشر بعد للظروف المعلنة.. أي زول عايز يساعد في نشر البحث مرحب بيه.. نعمل شنو في 6000 صفحة.. انا تصرفت ونشرت الخلاصات أي تصرف تاني؟.
وستة آلاف صفحة لأن المقارنات كانت كتيرة ولا سبيل غير ذلك لنصل لرؤية معقولة.. شكرأً
10-15-2022, 09:31 PM
محمد صديق عبد الله محمد صديق عبد الله
تاريخ التسجيل: 09-05-2017
مجموع المشاركات: 1571
إنت بتغرق البوست بحاجات ما عندها أي علاقة بموضوع بحثك. الكلام عن رقصة Cumbia جاء في سياق "منع الرقص السوداني" وفقًا للخطة الاستعمارية" اللي بتروّج ليها. خلينا من كابلي الله يرحمه وشهودك. إنت قلت بكل استهتار وبدون تحقق إنها رقصة أصلها "إنجليزي". خليك شجاع وقول أنا أعتذر لأنه تبيّن لي إنها أصلها كولومبي. حكاية حكاية الخواجات تأثروا برقصات من شعوب أخرى دي حاجة مفروغ منها. حتى السودانيين زيهم وزي خلق الله تأثروا بالثقافات الأخرى، ودونك شرحبيل وغناء الجاز والشارلستون والخنفس وكل الموضات الوافدة. عشان كده ما تضيع زمنك وزمن الناس في مسلسل "سياسة بسمارك الداخلية" ده وركّز في أنك تثبت أنه الإنجليز منعوا الرقص السوداني؟ كيف منعوهو وما هو دليلك؟ أسئلة واضحة ولا يمكن الزوغان منها.
10-15-2022, 09:44 PM
محمد صديق عبد الله محمد صديق عبد الله
تاريخ التسجيل: 09-05-2017
مجموع المشاركات: 1571
Quote: رواد الحقيبة كانوا عارفين أن الحقيبة زجل؟ كانوا عارفين أم لا؟.
لا مناقشة البحث في كلياته لأن هذا غير مستطاع الآن كون البحث في كلياته لم ينشر بعد للظروف المعلنة.. أي زول عايز يساعد في نشر البحث مرحب بيه.. نعمل شنو في 6000 صفحة.. انا تصرفت ونشرت الخلاصات أي تصرف تاني؟.
وستة آلاف صفحة لأن المقارنات كانت كتيرة ولا سبيل غير ذلك لنصل لرؤية معقولة.. شكرأً
ما قلت 4000 صفحة بالحجم المتوسط (A4). تاني رجعت 6000؟
ما عندك ولا حتى 600 صفحة يا محمد جمال. والغريبة كمان مؤمّل تلقى ليك زول يساعدك تنشر بحث مؤلف من 6000 صفحة! دي منو اللي ينشر ليك 6000 صفحة؟ وسعر النسخة من البحث العظيم ده حا تكون بكم؟ ومنو حا يقدر يشتريها. يا زول إنت عايش عالم خيالي زي عالم أفلامك البوليسية في بحثك ده.
10-15-2022, 10:23 PM
محمد جمال الدين محمد جمال الدين
تاريخ التسجيل: 10-28-2007
مجموع المشاركات: 5403
الصفحات بتتغير من وقت لوقت.. مكتوب من زمان نحن شرحنا زيادة ب 144 مقالة جديدة.. كمان منشورة بالفعل. وقلنا ليك ليه عدد الصفحات كتير عشان طبيعة البحث "المقارنة" القصيدة الواحدة مع المقارنة معها ممكن تاخد 20 صفحة.. لانك تضع الأصل أولا ثم تقوم بالمقارنات.. فاذا عندك 200 قصيدة مثلاً في 20 = 4000 صفحة إضافة للتحيل وإلخ. عارفك ما ح تفهم.
العملوه الإنجليز مشروح فوق عشرات المرات وكيف وفيخلاصات البحث: كيف الرقصات والإغاني التراثية عاشت رغم الحجب الرسمي.
انت زول بتاع تفاصيل في غير مكانها لأنك انت لا تملك نسخة من البحث عشان تسكنا السك دا كله وتضيع ومني وزمن الناس كدا.
ولو قادر تشطب بعض كلام الكتير غير الموضوعي هنا أحسن لينا كنا.. وعندك تجربة أنك شطبت كلامك في بوست قواعد العامية السودانية وحصل خير... حاول ما تتلحني في الفارغة والمقدودة.
بحاول أنبهك كل مرة.. ما تغرق البوست.. إتخارج Please.. لبعض الوقت.. الزمن كفيل (البوست قاعد) بأن نعرف كلنا الحقيقة فما تسكنا.
تاني قبل ما تغادر للحظة.. إذا ممكن.. بس عشان نحترمك أكتر لما ترجع بالسلامة: يا أخونا محمد صديق ممكن تعرفنا بنفسك.. ما جهتك ولا إتجاهك السياسي.. هذا غير مهم هنا.. حاجة بسيطة: انت عمرك كم وقريت شنو ووين؟.
وينولك ثواب كل الود مع السلامة
10-15-2022, 10:39 PM
محمد جمال الدين محمد جمال الدين
تاريخ التسجيل: 10-28-2007
مجموع المشاركات: 5403
والله تعب شديد.. شوف زي أخونا دا إذا عرف إننا شغالين في بحث (سكان السودان عبر القرون) من 11 سنة ح يقول شنو.. ولسا ما إنتهى (خلاصاته الأولية "الأولية" منشورة في هذا المنبر المبارك وكل مكان ممكن) منذ عدة سنوات.. وغالباً صفحاته ح تكون أكتر بكتير من الحقيبة.
فصبراً
10-15-2022, 10:41 PM
محمد جمال الدين محمد جمال الدين
تاريخ التسجيل: 10-28-2007
مجموع المشاركات: 5403
تعالو نشتغل مع بعض في المشروع (أهل هذا المنبر العتيق النير: سودانيزأونلاين وحاديه بكري أبو بكر).. ومعانا كمان مجموعة الباحثين السودانيين بقيادة الشاب الهميم د. أنور دفع الله.
ومعانا كل القلوب النيرة .. من اجل الثورة ومستقبل السودان والأجيال المقبلة
10-15-2022, 11:51 PM
osama elkhawad osama elkhawad
تاريخ التسجيل: 12-31-2002
مجموع المشاركات: 20555
Quote: الصفحات بتتغير من وقت لوقت.. مكتوب من زمان نحن شرحنا زيادة ب 144 مقالة جديدة.. كمان منشورة بالفعل. وقلنا ليك ليه عدد الصفحات كتير عشان طبيعة البحث "المقارنة" القصيدة الواحدة مع المقارنة معها ممكن تاخد 20 صفحة.. لانك تضع الأصل أولا ثم تقوم بالمقارنات.. فاذا عندك 200 قصيدة مثلاً في 20 = 4000 صفحة إضافة للتحيل وإلخ. عارفك ما ح تفهم.
طبعًا ما حا أفهم كلام بالسذاجة دي. الكلام ده يا محمد جمال ممكن تقولوا تحت عمود كهرباء في الحلة لي ناس ما بيفكّوا الخط. من مشاكلك الكبيرة زي ما قلت ليك إنك بتستغبى "كل" الناس. إنت بإصرارك ومكابرتك دي بتضحك الناس فيك. ما دام إنت متمسك بي كلامك عن 6000 صفحة وعايز كمان تقنعني بيهو وبفلسفة كمان، تاني بقول ليك: إنت ما عندك أي علاقة بالبحوث وتجهل كيف بيعملوها، وتفكيرك سطحي جدًا جدًا، وكمان معاها كضب واستخفاف بعقول القراء. سودانيزأونلاين بإذن الله قاعدة والزمن بيننا، وإذا ربنا طوّل في عمرنا حا نشوف نهاية بحثك دي كيف.
10-16-2022, 01:18 AM
محمد جمال الدين محمد جمال الدين
تاريخ التسجيل: 10-28-2007
مجموع المشاركات: 5403
Quote: طبعًا ما حا أفهم كلام بالسذاجة دي. الكلام ده يا محمد جمال ممكن تقولوا تحت عمود كهرباء في الحلة لي ناس ما بيفكّوا الخط. من مشاكلك الكبيرة زي ما قلت ليك إنك بتستغبى "كل" الناس. إنت بإصرارك ومكابرتك دي بتضحك الناس فيك. ما دام إنت متمسك بي كلامك عن 6000 صفحة وعايز كمان تقنعني بيهو وبفلسفة كمان، تاني بقول ليك: إنت ما عندك أي علاقة بالبحوث وتجهل كيف بيعملوها، وتفكيرك سطحي جدًا جدًا، وكمان معاها كضب واستخفاف بعقول القراء. سودانيزأونلاين بإذن الله قاعدة والزمن بيننا، وإذا ربنا طوّل في عمرنا حا نشوف نهاية بحثك دي كيف.
شكرا.. الزمن هو الفيصل.. ما قصرت.. دا كلام صاح والقراء الكرام وكل الناس قاعدين باذن الله.. ربنا يوفقك في مساعيك الاخرى.. شكرا. --- كمان يا صديق .. ان كنت تهتم افتح بوست خاص بيك بالموضوع.. هنا انا انتهيت.. انا بجيك فيه كلما سمح زمني.. اعني في بوستك البديع .. وعد.. كل الود End
10-16-2022, 01:30 AM
محمد جمال الدين محمد جمال الدين
تاريخ التسجيل: 10-28-2007
مجموع المشاركات: 5403
نفكر مع بعض نعمل ليه بوست خاص او لايفات او ندوة.. شي هادي.. ما مزحوم زي العك الجميل دا.. لان المراحل الزمنية للحقيبة في غاية الدقة في الاهمية من حيث ارتابطها بالاستعمار والتحولات الداخلية والعالمية في زمانها.. اي مقترح منك تمام.. بس نشوف زمنا المناسب معا.
واتساب ان لزم للتنسيق: 0031684688891
كن في سلام
10-16-2022, 03:50 AM
osama elkhawad osama elkhawad
تاريخ التسجيل: 12-31-2002
مجموع المشاركات: 20555
Quote: شكرا.. الزمن هو الفيصل.. ما قصرت.. دا كلام صاح والقراء الكرام وكل الناس قاعدين باذن الله.. ربنا يوفقك في مساعيك الاخرى.. شكرا.---كمان يا صديق .. ان كنت تهتم افتح بوست خاص بيك بالموضوع.. هنا انا انتهيت.. انا بجيك فيه كلما سمح زمني.. اعني في بوستك البديع .. وعد.. كل الودEnd
يا محمد جمال إنت اقترحت علي كم مرة أفتح بوست عن الحقيبة وأنا ما استجبت.وتاني بكرر ليك أنا ما عندي رغبة أفتح بوست عن الحقيبة. أنا موجود في هذا البوست إلى أن يستنفد أغراضه. ما تقعد تكرر نفس الكلام. إنت هنا انتهيت بطريقتك، لكن أنا قاعد هنا ولسه في أمور كتيرة لازم نشوفها في البوست بتاع البحث أبو 6000 صفحة ده.
بعدين بالنسبة لمشروعك التاني ده ربنا يوفقك فيهو، لكنك زايد العيار شديد. معقولة إنت بحث أبو 6000 صفحة ما قادر تنشره ليك 5 سنوات ولغاية الآن بتكورك يا أبو مروّة ساعدوني أنشره، وبعد ده بتنادي بمشروع يشمل إنشاء قناة فضائية ومتاحف وحاجات عجيبة دول ما بتقدر عليها!
منتظرين اعتذارك على تضليلك للقراء بقولك إنه رقصة Cumbia أصلها إنجليزي. التصحيح والاعتذار من سلوك الباحث الحقيقي.
بالنسبة لأصل رقصة الكومبيا فمن المؤكد أنها لم تأتي إلينا مباشرة من كولومبيا.. بل جاءت مع الحداثة التي تبعت الفتح (الإحتلال) الإنجليزي مثلها وكثير من العناصر الثقافية والمادية الأخرى مثل الأدوات الموسيقية الحديثة والقمح (الرغيف) والبنطلون والبدلة والقميص والشاي باللبن والنظم السياسية الحديثة.
كما أن البريطانيين والأمريكان كانو حاجة واحدة حتى إستقلال أمريكا في حدود العام 1800م. وأن كثير من عناصر الموسيقي والرقص الأمريكي والبريطاني (كما أظنه معلوم) أصله في أغاني ورقصات الأفارقة (السود/العبيد) الأمريكان ولاتن أميركا.. بما في ذلك ال Cumbia محل نظرنا الآن. الرجل الغربي مثلما نهب الموارد نهب ثقافات وفنون ورقصات شعوب العالم وعبأها في كبسولات جديدة وباعها لهم من جديد في زمن جديد.
كيف وصلتنا تلك الرقصات مثل الجيرك والهورس والكومبيا.
هناك عدة نظريات متقاربة في نظرتها، مثلاً: يرى مصعب شريف (ناقد فني وخليفة السر قدور في برنامج غاني وأغاني) أن الإنفتاح الذي تبع العهد الإنجليزي هو السبب.
الرقص المعاصر، بدأ مع بداية التحديث في الحياة السودانية فقد نشطت الاندية الاجتماعية للجاليات التي عاشت في السودان ابان الحكم الانجليزي ما جذب اليها عدداً من المواطنين حسنى التعليم والعلاقات الاجتماعية وامتد ذلك الى مشاركاتهم في مسابقات الرقص التي كانت تنظمها اندية الاغريقي «ابولو» والارمني بل تفوقوا فيها على من دعوهم وعلموهم الرقص، يرى الناقد مصعب الصاوي ان الاندية الاجتماعية والثقافية التي انتشرت في المدن الرئيسية ثم انتشار السينما ادخلت الى المجتمع الرقص المستحدث وانتقلت العادات والسلوكيات والمودة من الجاليات الى نمط الحياة السودانية وامتد الى استخدام «الشوكة والسكين» في الاكل وسط المجتمع الراقي والمتشبه به. (مصعب شريف).
وللسينما المصرية دور بدوره مهم كون الكوبميا وتلك الرقصات الحديثة وصلت مصر أولاً. إشارة إلى كلام مصعب أعلاه.
ويرى الكابلي (إشارة إلى ما ورد أعلاه في مداخلة أسبق) أن لطلاب كلية غردون دور كبير في جعل الرقص الحديث الذي جاء مع الإنجليز أكثر شعبية. ويعد الكابلي من أهم باحثي التراث الغنائي السوداني ويعد والده (عبد العزيز) من أوائل طلاب غردون (راجع مذكرات البازار رابطها ورد اعلاه).
وقد أمن الكابلي على الرقصة ككومبيا. كما أنني عرضتها شخصياً (راجع الفيديو المعني أعلاه) للمزيد من التأكيد على نادي هولندي للرقص وقالوا نفس الشيء.. ويستطيع أي منا أن كان عائش في أوروبا أو أمريكا أن يفعل ذلك ويتأكد بنفسه. دائماً هناك وسائل عملية لفحص المادة من جديد.
حتى أن سؤال إن كانت الحقيبة من الزجل أم لا؟، نستطيع أن نستفتى متخصصين من (اهل الزجل الأوائل أهل قسطنطينة وتلمسان في الجزائر) عندهم منابر مفتوحة وعندهم منبر خاص لنا (توجد صورة للدعوة في مداخلات سابقة). أنا فعلت بطرقي الخاصة أيام البحث.
وعندهم نداء منذ العام 2009 تعالوا بشعركم العامي والزجل السوداني إلى منبرنا (بهذه الحرفية) والمنبر عربي عام لكن فيه مكان للزجل المغاربي (أهل الصنعة) وغيره ويفتقد (حد تعبيرهم) الزجل السوداني، لأنهم يفهمون أن لكل الشعوب المتحدثة العربية بالأصالة نوع من "الزحل الأندلسي" وهو حق.
وعندهم مهرجانات سنوية للزجل.. إذن أظن لدا مبدعينا من الفنانين فرصة جديدة للإنفتاح على المغرب العربي الكبير بما عندنا من زجل باهر (وفق هذا الزعم).. والدعوة مفتوحة.
وأدناه وصف للمهرجان وللصنف الحوزي من الزجل الأندلسي.
وإن كان هذا كافياً بقدر معقول حول الكومبيا (مافي شي 100% طبعاً) نكمل مع بعض خواض.. وأمشى شوية حسب طلبك نتعرف على إمكانية دور عمر طوسون في الحقيبة والمشهد الثفافي السوداني أيام الإستعمار الإنجليزي/الباشوي والمشهد تواصل (حتى تاريخه في حسباني)!.
يندرج "الحوزي" ضمن الموسيقى الأندلسية، وهو، وإنْ كان يقترب من "المالوف"، فإنه يختلف عنه خصوصاً لجهة اعتماده على مقطوعات شعرية منظومة بالعامية، وقصر المسافات الصوتية لمغنّييه، وقلّة اللجوء إلى النغمات المتعدّدة.
ويرتبط هذا النوع الموسيقي بثلاث مدنٍ جزائرية هي الجزائر العاصمة والبُليدة وتلمسان. والأخيرة اشتهر فيها "الحوزي" منذ القرن الخامس عشر، وكانت حينها عاصمةً للدولة الزيانية، خصوصاً مع الشاعرين سعيد بن عبد الله المنداسي وأحمد بن تريكي، ولاحقاً أبو عبد الله محمد بن مسايب الذي عاش في القرن الثامن عشر، ويُعدّ شاعر تلمسان الأوّل.
تحتضن هذه المدينة الواقعة غربَي الجزائر عدّة مهرجانات وتظاهرات خاصة بموسيقى الحوزي، من بينها "المهرجان الوطني لموسيقى الحوزي" الذي تنطلق فعاليات دورته الحادية عشرة في الثامن والعشرين من تشرين الأول/ أكتوبر الجاري، وتستمر حتى الأول من تشرين الثاني/ نوفمبر المقبل.
تُقام عروض المهرجان في "قصر الثقافة عبد الكريم دالي" بمشاركة 12 جمعية موسيقية تحضر من ولايات جزائرية مختلفة؛ من بينها تلمسان وسوق أهراس والجزائر العاصمة وتيبازة ووهران وسيدي بلعباس.
وإلى جانب الحفلات الفنية، يُنظَّم يوم دراسي حول "الحوزي والموسيقى الأندلسية"، كما تُقام أقسام لتعليم العزف على الآلات الموسيقية المستعملة في هذا الطابع الموسيقي؛ مثل الكمان والعود، إلى جانب بعض التقنيات الجديدة في هذا الطابع للشباب الناشط بهذه الجمعيات.
ويُقام أيضاً، على هامش التظاهرة، معرضان: الأول خاص بتاريخ الموسيقى الأندلسية بمدارسها الثلاث (في الجزائر العاصمة، وقسنطينة، وتلمسان)؛ حيث يجري فيه عرض الآلات الموسيقية الأندلسية القديمة، إضافةً إلى الزي التقليدي الذي تعتمده الأجواق الأندلسية. أمّا الثاني، فيتضمن استعادةً للدورات السابقة من المهرجان من خلال عرض مجموعةٍ من المنشورات والصور الفوتوغرافية والأفلام الوثائقية.
كما يُخصّص فضاء لعدد من جمعيات الموسيقى الأندلسية البارزة في مدينة تلمسان؛ مثل: "لافلام"، و"غرناطة"، و"رياض الأندلس"، و"محمد بوعلي". وبحسب القائمين على التظاهرين، فإنّ الهدف من ذلك يتمثّل في "التعريف بهذه الجمعيات وبهذا التراث الموسيقي، وتحفيز المنخرطين فيها على ابتكار نصوص جديدة لموسيقى الحوزي".
ح أحاول المرة الجاية (حسب طلبك الذي الذي أسعد به) أقيف معاك بروية على دور عمر طوسون باشا حفيد محمد على باشا (أمير العلماء لقبه والمثقف الأثقل في زمانه ومتخصص في المسألة السودانية) في الحقيبة وفي المشهد الثقافي السوداني برمته آنذاك وما عرف بوحدة وادي النيل وهو من كرم الفنان سرور وأسماه عميد الفن السوداني "الحقيبة" حوالي 1936.
10-16-2022, 09:08 PM
يحي قباني يحي قباني
تاريخ التسجيل: 08-20-2012
مجموع المشاركات: 18708
Quote: رواد الحقيبة كانوا عارفين أن الحقيبة زجل؟-نعم! - إذاً لماذا لم يقولو لنا؟! توجد إجابة!
العنوان يحدد بوضوح انه (حرامية) الحقيبة كانوا عارفين انه الحقيبة زجل فلماذا اخفوه ؟ عنوان البوست عنوان تقريري تأكيدي و ليس استفساري .. فالكاتب الهمام اجاب على نفسه بكلمة (نعم) ثم بجملة توجد اجابة ..
ثم يأتي باحث ال 6000 صفحة في الصفحة الرابعة ليقول:
Quote: رواد الحقيبة كانوا عارفين أن الحقيبة زجل؟ كانوا عارفين أم لا؟.
و بكل اريحية .. يريد محمد جمال ان يحول عنوان البوست التأكيدي الى عنوان استفساري باضافة علامة الاستفهام(بعد ججملة كانوا عارفين.؟ ) .. و كأنه يستفسر
10-16-2022, 09:28 PM
محمد صديق عبد الله محمد صديق عبد الله
تاريخ التسجيل: 09-05-2017
مجموع المشاركات: 1571
Quote: بالنسبة لأصل رقصة الكومبيا فمن المؤكد أنها لم تأتي إلينا مباشرة من كولومبيا.. بل جاءت مع الحداثة التي تبعت الفتح (الإحتلال) الإنجليزي مثلها وكثير من العناصر الثقافية والمادية الأخرى مثل الأدوات الموسيقية الحديثة والقمح (الرغيف) والبنطلون والبدلة والقميص والشاي باللبن والنظم السياسية الحديثة.
كما أن البريطانيين والأمريكان كانو حاجة واحدة حتى إستقلال أمريكا في حدود العام 1800م. وأن كثير من عناصر الموسيقي والرقص الأمريكي والبريطاني (كما أظنه معلوم) أصله في أغاني ورقصات الأفارقة (السود/العبيد) الأمريكان ولاتن أميركا.. بما في ذلك ال Cumbia محل نظرنا الآن. الرجل الغربي مثلما نهب الموارد نهب ثقافات وفنون ورقصات شعوب العالم وعبأها في كبسولات جديدة وباعها لهم من جديد في زمن جديد.
كيف وصلتنا تلك الرقصات مثل الجيرك والهورس والكومبيا
الورجغة دي كلها ما بتديك الحق تقول إنه رقصة . Cumbia أصلها إنجليزي، أيها الباحث الهمام. إنت ما كنت عارف المعلومة لأنك كسلان وبتستسهل الأمور. بعدين الأهم من أنه أصلها كولومبي أنك ما قلت لينا الرقصة دي الإنجليز فرضوها على الناس كيف ومنعوهم من رقصاتهم السودانية. حكاية الإذاعة والنلفزيون دي طبعًا إنت خلاص رميت طوبتها بعد أن تبيّن لك إنك ناجرها، لأنه برنامج الحقيبة في الإذاعة بدأ يوم 18 نوفمبر 1954 يعني قبل سنة تقريبًا من الاستقلال والتلفزيون دخل بعد الاستقلال.
إنت ما عندك أي دليل على منع الرقصات السودانية، ولذلك كلامك ده لازم تسحبوا من البحث أبو 6000 صفحة ومعاهو كمان ورجغتك عن أنه صاحب أغنية "غصن الرياض المايد" تعلم الزجل من قريبه خليل فرح لأنه كان ساكن معاهو في نفس البيت. عيب عليك وأنت الباحث أنه ما تصحح المعلومة الأخيرة دي في بوستك ده بعد ما عرفت الصواب.
10-16-2022, 10:08 PM
محمد جمال الدين محمد جمال الدين
تاريخ التسجيل: 10-28-2007
مجموع المشاركات: 5403
اسامة الخواض وحافظ بشير ومحمد عبد الله الحسين وعبد الرحيم محمد صالح.. ما نانسي طبعا.. بس العك كتير وهو ربما من اقدارنا.. ونعما بالقدر.. برجع للموضوع بروية يوم الخميس المقبل حوالي 9 مساء.. وفق جدولي الزمني واحترم جداولكم.
وتحية لكم الرفاق وكل العابرين الاكارم.. كل الحب.. وتحية ايضا لريا وسكينة.. كل الامنيات بالهدوء.
ويتواصل البوست وفق اهدافه المعلنة كلما استطعنا اليه سبيلا.. كل الود
10-16-2022, 10:31 PM
محمد جمال الدين محمد جمال الدين
تاريخ التسجيل: 10-28-2007
مجموع المشاركات: 5403
بس قبل ما امشي اذنوا لي رفاق بحاجة صغيرة متعلقة بالموضوع في حسباني قبل ما ارجع يوم الخميس لاجندتنا المعلنة.. بروية:
نظرة في تركيبة ومخيال وتنوع المجتمع السوداني .. في سبيل محاولة الإجابة على سؤال الحل الدائم (أزمة السودان)!
إن لم ندرك هذه الحقائق سنعيش في هذا الضلال إلى أمد غير معلوم في زعمي وسنموت بالحيرة دون أن نفهم محركات الصراع وعمق الأزمة وهذا زعم ثاني!
تسيطر على المجتمع السوداني تلاتة هياكل تعبر عن بنيات المجتمع الأصيلة وهي القبيلة/العشيرة والطريقة الصوفية "الطوائف" والمدنية الحديثة. وكل بنية عندها تلاقيها وعندها صدامها وتضادها مع الأخرى. هذه البنيات التلاتة تشكل السياسي والإقتصادي والثقافي وتشكل مخيال الفرد كل الوقت.
1- بنية القبيلة/العشيرة وهي بنيات وشائح الدم (بنيات شعوب السودان) كانت ممالك وسلطنات قبل توحيد السودان عبر العسف المادي سنة1821 إذن قل بنية شعوب السودان وعمر الفاعلية حوالي 35000 سنة
2- بنية الغيب (غيب الإله آمون والإله أبادامك ويسوع المسيح) ثم تعبأت كل تلك الغيوب في كبسولات التصوف (يوجد الان في السودان حوالي 2 مليون قبة وخلوة ومسيد) وعمر الفاعلية حوالي 13000 سنة. وأخيراً
3- بنية المدنية (حديثة/ دخيلة) محشورة في السياق التاريخي تعسفيا ولم تكن تلاقحاً طبيعيا.. وعمر الفاعلية حوالي 120 سنة فقط.. بداية ب 1900م.
والآن لنرى ماذا يحدث في أرض الواقع:
كل بنية عندها قيمها التي تحدد سلوك من ينتمى إليها وعندها مناشطها السياسية والإقتصادية والثقافية.. وبنيات شعوب السودان وبنيات غيب/روحانية السودان هي بنيات الريف في الضد من المدينة وليدة الإستعمار (لا يوجد شجب هنا بل توصيف للحالة) لأن المدنية أصبحت من مخيال الفرد برغم ضعفها.
1- بنية شعوب السودان: السياسة: إدارة أهلية تاريخيا (أحزاب تقوم على الولاء العشائري) وتسيطر على هياكل الدولة عبر الديمقراطية في المرات التي حدثت وتقوم في تحالف مع بنية الغيب (التصوف)
النشاط الإقتصادي: الزارعة التقليدية والرعي والحرف الكلاسيكية
القيم: قيم "نحن" اي قيم الجماعة وسنامها التكافل الإجتماعي في المرض والموت/الجنازة والعرس و الولادة والحرابة والحصاد والنفير. (راجع سايكلوجية الزول السوداني).
قيم شعوب السودان تشكل مخيال الفرد بنسبة حوالي 65% وفي الريف وفي المدينة وبالنسبة للاميين والمتعلمين على حد سواء اذ كلنا عشائريين قبليين فقط بنسب مختلفة!.
* بنية شعوب السودان أصبحت مؤخرا منذ 50 عاما تقريبا تتولد منها حركات مسلحة حديثة البرنامج السياسي وهذا ما نشهده في الواقع هذه الايام.. صراع الريف والمدينة/المدنية (راجع سايكلوجية الزول السوداني). فبنيات الشعوبية وأيضا الغيب/الروحانية تستطيع أن تاقلم نفسها مع التكنولوجيا والحداثة والرأسمالية والاشتراكية واللبرالية وتبقى دوما فاعل اجتماعي كما في اليابان على سبيل المثال. ولا توجد بنية افضل من الأخرى كل له محاسنه ومثالبه بنفس القدر.
كما أن التجليات السياسية والاقتصادية والثقافية لكل بنية من تلك البنيات فيها ذات الخير وذات الشر بنفس القدر، فلا تفاضل كما يظن البعض أن المستقبل للبنية المدنية، هذا مضلل وغير صحيح وهو شىء يكذبه الواقع المعيش بجدارة.. انه من نزعات النفي والصراع ليس إلا!.
2- بنية الطريقة (الغيب/الروحانية) انظر اعلاه تفاصيل البنية: السياسة: إدارة أهلية (أحزاب تقوم على الولاء الروحي) وتسيطر على هياكل الدولة عبر الديمقراطية في تحالف مع بنية شعوب السودان (العشيرة)
النشاط الإقتصادي: العلاج المادي والروحي والتدريس في الخلاوي وتسهيل سبل العبادة وقليل من الزارعة.
المأكولات: ذات مأكولات (شعوب السودان) الكسرة العصيدة (الفتريتة والدخن في الغالب) والبليلة وملاحات الروب واللبن واللحم المسلوق والمشوي مع إضافة خبز القمح و الأرز في فتة الحوليات.
المشروبات: الغباشة والعرديب والقنقليس (أمثلة)
المشروبات الكحولية: التمبارة (في الغالب)
الألعاب: ذات ألعاب القبيلة
الأشعار والأغاني: المديح والمناحة
الآلات الموسيقية: النوبة والطار
الرقص: رقصة الدرويش والإنحناء والإعتدال مع إيقاع النوبة
القيم: قيم نحن اي قيم الجماعة (القوم قوم الجيلاني)
قيم الغيب تشكل مخيال الفرد بنسبة حوالي 20%
وأخيراً 3- بنية المدنية السياسة: أحزاب حديثة تقوم على ثلاث آيدولوجيات "الإشتراكية والإخوانية والسلفية واللبرالية" (أحزاب تقوم على الولاء للبرنامج بدرجات مختلفة والمصلحة المجردة) وتسيطر على هياكل الدولة عبر الإنقلابات العسكرية في الغالب الأعم.
النشاط الإقتصادي: الخدمات وتسيير هياكل الدولة والصناعة والزراعة الممكننة والتجارة الداخلية والخارجية وتسيير المؤسسات العسكرية والشرطية والأمنية.
الملبس: البنطلون والقميص والبدلة والردا والفستان الحديث (امثلة)
المأكولات: خبز القمح والأرز والمكرونة والفول المصري والبتزا والهوت دوق والآيسكريم والإدامات الحديثة المستوردة والقادمة مع الفتح/الإحتلال التركي والإنجليزي مع مصاحبة مأكولات القبيلة (شعوب السودان). ويتم حفظ المأكولات في العادة عبر التثليج والتعليب.
المشروبات: البيبسي كولا والفانتا وسفن اب ومشروبات الطاقة (امثلة)
المشروبات الكحولية: البيرة والشيري والويسكي (في الغالب) بعد منعها في العام 1983 إتجه المدنيون إلى مشروبات القبيلة
الألعاب: كرة القدم والتنس (أمثلة)
الأشعار والأغاني: أغاني الحقيبة/ الشعر الوصفي (وصف جسد المرأة والطبيعة والحنين الى فردوس مفقود مع التغني بوحدة وادي النيل) وهو الزجل السوداني في إحدى التصورات .. ثم الغناء/الشعر السردي (وصف معاني المرأة في الغالب والحنين الى وطن موحد وتمجيد الأيديولوجيات والمخترعات الحديثة) وهو ما يسمى بالمدرسة الوترية.. إضافة إلى الشعر العربي الكلاسيكي.
أداب حديثة: الرواية والقصة القصيرة والمسرح والسينما (أمثلة)
الطب: الدكتور والعيادة والمستشفى (أمثلة)
القيم: قيم "أنا" اي قيم الفردانية (راجع سايكلوجية الزول السوداني).
قيم المدنية تشكل مخيال الفرد بنسبة حوالي 15%.
في ختام هذا الشرح المبسط دا بس تعليق: هذه البنيات الثلاثة تشكل التنوع الكثيف في السودان وتحدد الصراع الإجتماعي ومخيال الزول. وإن لم نعي بها سنضل في هذا الضلال إلى أمد غير معلوم. بنية المدنية حديثة ولذا فهي تسيطر على بنيات الدولة عبر العنف في كثير من المرات وتنفي بنيات شعوب السودان وبنيات الغيب وهي البنيات الأصيلة ذات الشعبية الكاسحة وستظل إلى أمد غير معلوم. والصراع ليس سياسي فحسب بل هناك نفي متبادل بشكل شبه مطلق ويتضمن أداب وفنون شعوب السودان وكل شيء تقريبا.. وبنيات شعوب السودان وبنيات غيب/روحانية السودان هي بنيات الريف في الضد من المدينة وليدة الإستعمار (لا يوجد شجب هنا بل توصيف للحالة) لأن المدنية أصبحت من مخيال الزول برغم ضعفها البائن بالمقارنة.. وهذا التقسيم اكاديمي لأن القيم تستطيع أن تتشابك وتختلط في الريف وفي المدينة على حد سواء.. بنيات الشعوبية والروحانية تستطيع أن تاقلم نفسها مع التكنولوجيا والحداثة والرأسمالية والاشتراكية واللبرالية وتبقى دوما فاعل اجتماعي كما في اليابان على سبيل المثال.. ولا توجد بنية افضل من الأخرى كل له محاسنه ومثالبه بنفس القدر.
كما أن التجليات السياسية والاقتصادية والثقافية لكل بنية من تلك البنيات فيها ذات الخير وذات الشر بنفس القدر، فلا تفاضل كما يظن البعض أن المستقبل للبنية المدنية، هذا مضلل وغير صحيح وهو شىء يكذبه الواقع المعيش بجدارة.. انه من نزعات النفي والصراع ليس إلا.. ولنا أن نذكر أن التقدم التكنولوجي والرأسمالي ليس بالضرورة أن يلغي القبيلة والطائفة وعندك مجتمعات الإمارات والسعودية وعموم الخليج (مثال) واليابان أيضاً كما أن الطوائف موجودة في أمريكا وطائفة الأنجليكان كانت سند دونالد ترامب في كل المرات وحتى الآن. إذاً التفكير في إلغاء الآخر غير منطقي وغير عملي وغير عادل ومؤجج للصراعات السلبية بأنواعها.. الاصح إذاً أن نجد معادلة عادلة لإدارة التنوع وصيغة مناسبة للعيش السلمي المشترك (دولة المواطنة) فكل ما تضعضعت أو غابت الدولة صعدت القبيلة لتسد الفراغ وهو شيء منطقي والقبيلة تهتم وترعى أفرادها وحلفائها ولا تعترف بالوطن لأنها نشأت قبله.. وتلك أزمة الدولة في كل المجتمعات القبلية مثل مجتمعنا.
وتلك مقدمة لنمضي إلى سؤال الحل في المرات المقبلة: ما السبيل العملي لإستقرار دولة منوعة المكونات الإجتماعية والسياسية والثقافية كالسودان.
--- شكرا لصبركم رفاق وحتى يحين اللقاء من جديد.. كل الحب (الخميس المقبل 9 مساءا)
10-16-2022, 10:36 PM
يحي قباني يحي قباني
تاريخ التسجيل: 08-20-2012
مجموع المشاركات: 18708
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
محمد صديق عبد الله
محمد جمال الدين
يحي قباني
أبوبكر عباس
osama elkhawad
ABUHUSSEIN
Ahmed Yassin
Biraima M Adam
فيس بوك
تويتر
انستقرام
يوتيوب
بنتيريست