|
|
 من اجمل ماقرات اليوم (Re: مصطفى نور)
|
على قدر عطائك
يفتقدك الآخرون
روعة الإنسان ليست
بما يملك بل بما يمنح
فالشمس كتلة من نار ، لكنها أعطت الكون أجمل مالديها..
فلا غنى عنها
وبعض الناس كمفاتيح الذهب يفتحون كل قلب بحسن كلامهم ،
وروعة مشورتهم ، وكريم أخلاقهم
فالأخلاق هي الروح التي لا تموت بعد الرحيل
ما أجمل أن تسير بين الناس ويفوح منك عطر أخلاقك
🌹أسعد الله صباحكم بكل خير 🌹
{{ أم درمان ذكريات مدينـة}} ..
((من علايل ابروف للمذالق .. من فتيح للخور للمغالق )) أتذكرنا بلدنا ونيلها
إتْشعبطنا علي التُرماج وهدومنا ملانة تراب وعجـاج والكمساري يكورك فينا خُشْ لي جوه وحاسب أوعى !!
كم من كارو ولوري سفنجه وخلف الزنكي وسوق الملجه
تكاسي الطرحه تفضي وتملا ..بيع قطاعي وبيع بالجمله
وجنب (التُمَّنه) عالم جالسة بتلعب"ضُمنه"
جنب( شاشاتي) وناس حجار وديمتري البازا وصوت زنقار
((من ضيق نفسك يالقطار ورزيـم صدرك قلبي طار وينو الحبيب انت شلتو جيبو يا القطار )) بياعين في كل مكان
ند وعطور وبخور تيمان حدادين
وبرادين وكهربجيه وكم نجار وكومسنجيه وأفنديه قابضه حسب في الماهيه وبالله عليك ياماري علي سوق أمدرمان
أهدي سلامي الى الأعيان شيخ السوق الرجل القامه الهيبه الحاج صديق عبدالله
فضـل المولى وحاج عثمان .. ولو لاقاك عباس رشوان وسرور وهريدي وعم شلقامي وشيخ سلمان وود الأغا وكزام كمان اتلقاهم بالأحضــان
أحجز كرسي في مطعم برسي .. وبرد جوفك من خيرات وجورجي مشرقي
وميامي العامر بالخـيرات وقول للسنجك ولي ود بني
وأفخم شيلة في شارع العدني
ريح حبه وتابع الجوله ولف بي غادي
علي التنقاري والعبادي وخليك ماشي رايح وغادي
في الشنقيطي وشارع الـوادي
أغشى تبيدي وأولاد مله وخُد لي عروسك خاتم ودبله
وأحفظ مالك .
وبص في يمينك وبص في شمالك شوف واتملي في خلق الله وأحمد الله وريح بالك وأملا عيونك بهجه ومتعه
وفجأة ونحن في ساحة الشهداء طلت لينا بدور القلعــة آخر بهجة وآخر روعه
وصوت المغني يردد العيون النوركن بجهرها غير جمالكن مين السهرهيابدور القلعة وجوهره سرنا معاها عريس وعروس سيره وزفه لشارع النيل اتباخخنا بموية السيل وكم غنينا في عز الليل موجه تغني وموجة تشيل وصوت المغني عريسنا سار البحرٍ ياعديلة وقطع جرايد النخل ياعديله
ولما سمعنا دق النوبة في حمد النيل ونقر الطار ..نقزنا كبار وصغار واترحمنا علي االأبرار .. نقرأ الراتب في البلديه
وكمان المولد والليليه
في حي مكي والمهديه وجينا دار الإسبتاليه نغشى في يوم الزياره ناس عزيزه علينا وغاليه
النساوين والصبايا شايلين العواميد والترامس وفي الدهاليز الأنيقه مارقه سيستر وداخلة دايه
بالملازمين احتفلنا وقدلنا في ود آرو وتمشينا لي ود البنا دندنا مع الفرجوني وود البنا وصوت المغني امتى أرجع لي أم در وأعودها
اتسامرنا في بيت المال واستبشرنا بحسن الفال واتحكرنا قعدنا لعبنا (كونكان عشره تحت الدومه وســوق الشجره صغار وكبار وبهجة وفال .. وكان في النيه .. يبقي مقيلنا في دار الهجــره
وقبل ما تمغرب علينا شلنا خطوتنا ومشينا
داخلين المظاهر والكهارب من بعيد في (المسالمه) نورها باهر وصوت المغني يردد ياظبيــة المسالمة بالحاصل بي انتي عالمه
وقفنا شوية في حي العرب نحيي
أساطين الطرب
عزفنا مزيكة قرب
وصوت المغني يردد أنا في شخصك بحترم أشخاص
اتذكرنا أماسي نديه
أعادت لينا مشاهد حيه ..جرتق وعرضه في حي العرضــه
صندل فايح من صبحيه ..في الهاشماب والعباسيــة
وصوت المغني يردد أطرد الأحــلام ياجميل واصحا
اتهندمنا واتعطرنا ورحنا سهرنا اجمل سهرة في حي الأمراء هناك صباحي بي خلف الله ورمضان زايد والمأمون وأحمد حسن جمعة ..وقمنا لحقنا صلاة الجمعه
ورجعنا نكمل الصبحيه .. حليل المولد وسوق الزلعه
والتهليل في يوم العيد والناس مجتمعه
وسالت دمعه أهاجت فينا كوامن لوعه
لما طرينا شوارع الحَلـّه ولعب البلي والكرتله وسينما برمبل والوطنيه
وعنتر وعبله
شراب القلهو موية الزير ..سوق المويه ومقهى الزيبق وأحمد خير ..دكان موسي وبرعي التــرزي وسعيد العربي وسمك السبكي
والليمون في حي البوسته وباسطه ( بيِّن) وباباكوستا
طرينا في وهله زمن الجهله وضل النخله ونوم السهله حاجة (حنينه)وخالتي سكينه وصوت المغني يردد الزهــور صاحيــة وانت نائم (يتداخل مع أصـوات اطفــال) (الله خلق للنعجةضنب ..الكوم بقرش والدقة بلاش)
الأنداد أولاد الدفعة
سعيد وكرومة وتنقو وسمعه (الدافوري) صباح الجمعة
وفي العصريه وقون المغرب لما تمغرب للمغلوب احسن من ميه ويا ما ضحكنا لما بكينا يوم سكتنا كلاب (الحله) ومن الخلعه وكتر العجله اترادفنا تلاته في عجله وتاهت بينا دروب الرجعه دخلنا في شارع لقينا اللمة والونسة وطلة عمك ود البصير وناس ودنوباوي كمان ..وسقنا مشينا واتدلينا في حي العمده وطابت لينا هناك القعده جنب الزول النام واتمد
وخاتي ضراعو تحتو مخده وطفله صغيره في عرض الشارع قايده أبوها وماده القرعه ..وصوت المادح جنب الجامع باكي ونائح
(ياراحلين الي منيً بقيادي هيجتموا يوم الرحيل فؤادي )
حليلهم أهلنا الكان ليهم شنه ورنه
أهل الوجعه ربنا كانوا معالم شامخه
لا باسبورت ولا جنسيه وفي القاسيات كان ليهم فزعه
وصوت أبو داؤود ((حليل الفرقه من بكره ..حليل الأصبحت ذكرى ))
حليل أم در الأصبحت ذكري💔😢
.....................................................................................................................................
الحكومة الالكترونية
قالوا الناس القدمت للحج الالكتروني السنة دي شالوهم للجامعات ... و القدموا للجامعات تقديم الكتروني شالوهم للحج .. الشبكة كعبة قالوا .. ربنا يتقبل من الطلبة وعقبال الماجستير للحجاج
😂😂😂😂😂😂😂😂😂😂😂😂😂😂😂😂😂😂
.........................................................................................................................................
مسطول عايز ينتحر !!
شافو شيخ قال ليه : ليه عايز تنتحر يا ابني؟!
المسطول : انا عندي مشكلة عائلية معقدة .
الشيخ : اي مشكلة عندها حل، مشكلتك شنو؟
المسطول : انا اتزوجت واحدة ارملة، وعندها بنت حلوه. ابوي شاف بنتها دي قال اﻻ يتزوجها !! وكدة ابوي بقي زوج بنتي وانا بقيت حمو ابوي .. ولما مرتي ولدت بقي الولد حفيد ابوي .. وبما انو ولدي هو اخو زوجة ابوي اللهي أساسا أخت ابني فبالتالي ابني بقي خالي .. ولما زوجة ابوي ولدت، ولدهم بقي اخوي من ابوي .. وفي نفس الوقت حفيدي ﻻنو حفيد مرتي من بنتها وبما انو مرتي بقت جدة اخوي فهي بالتالي جدتي وانا حفيدها وكدة يبقي زوج جدتي وحفيدها ﻻنها جدة اخوي فانا ببقي جد اخوي وفي نفس الوقت ببقي جد نفسي وحفيد نفسي !!
الشيخ: يا زول انتحر طوالي غلطان سالتك ذاتو
الشيخ فقدالمنطق
.................................................................................................
|
|
 
|
|
|
|
|
| العنوان |
الكاتب |
Date |
 اجمل ماقرات اليوم بوست يومي شاركوني ايضا | مصطفى نور | 05-24-22, 07:59 AM |
| Re: اجمل ماقرات اليوم بوست يومي شاركوني ايضا | مصطفى نور | 05-24-22, 08:09 AM |
| Re: اجمل ماقرات اليوم بوست يومي شاركوني ايضا | مصطفى نور | 05-24-22, 08:10 AM |
| Re: اجمل ماقرات اليوم بوست يومي شاركوني ايضا | مصطفى نور | 05-24-22, 08:13 AM |
| Re: اجمل ماقرات اليوم بوست يومي شاركوني ايضا | مصطفى نور | 05-24-22, 08:24 AM |
| Re: اجمل ماقرات اليوم بوست يومي شاركوني ايضا | مصطفى نور | 05-24-22, 08:30 AM |
| Re: اجمل ماقرات اليوم بوست يومي شاركوني ايضا | مصطفى نور | 05-24-22, 08:58 AM |
| من اجمل ماقرات اليوم | مصطفى نور | 05-25-22, 07:45 AM |
 Re: اجمل ماقرات اليوم بوست يومي شاركوني ايضا | مصطفى نور | 05-26-22, 07:26 PM |
| Re: اجمل ماقرات اليوم بوست يومي شاركوني ايضا | مصطفى نور | 05-27-22, 07:25 AM |
| Re: اجمل ماقرات اليوم بوست يومي شاركوني ايضا | مصطفى نور | 06-06-22, 10:28 AM |
| Re: اجمل ماقرات اليوم بوست يومي شاركوني ايضا | مصطفى نور | 06-06-22, 10:29 AM |
| Re: اجمل ماقرات اليوم بوست يومي شاركوني ايضا | مصطفى نور | 06-06-22, 12:45 PM |
| Re: اجمل ماقرات اليوم بوست يومي شاركوني ايضا | علي عبدالوهاب عثمان | 06-06-22, 01:27 PM |
| Re: اجمل ماقرات اليوم بوست يومي شاركوني ايضا | امتثال عبدالله | 06-06-22, 02:28 PM |
| Re: اجمل ماقرات اليوم بوست يومي شاركوني ايضا | مصطفى نور | 06-06-22, 02:45 PM |
| Re: اجمل ماقرات اليوم بوست يومي شاركوني ايضا | يحي قباني | 06-06-22, 04:41 PM |
| Re: اجمل ماقرات اليوم بوست يومي شاركوني ايضا | يحي قباني | 06-06-22, 04:44 PM |
| Re: اجمل ماقرات اليوم بوست يومي شاركوني ايضا | مصطفى نور | 06-07-22, 07:56 AM |
| Re: اجمل ماقرات اليوم بوست يومي شاركوني ايضا | مصطفى نور | 06-08-22, 04:10 AM |
| Re: اجمل ماقرات اليوم بوست يومي شاركوني ايضا | مصطفى نور | 06-08-22, 04:11 AM |
| Re: اجمل ماقرات اليوم بوست يومي شاركوني ايضا | مصطفى نور | 06-08-22, 06:17 AM |
| Re: اجمل ماقرات اليوم بوست يومي شاركوني ايضا | محمد عبد الله الحسين | 06-08-22, 07:09 AM |
| Re: اجمل ماقرات اليوم بوست يومي شاركوني ايضا | مصطفى نور | 06-08-22, 07:36 AM |
| Re: اجمل ماقرات اليوم بوست يومي شاركوني ايضا | محمد عبد الله الحسين | 06-08-22, 09:48 AM |
| Re: اجمل ماقرات اليوم بوست يومي شاركوني ايضا | مصطفى نور | 06-08-22, 12:05 PM |
| Re: اجمل ماقرات اليوم بوست يومي شاركوني ايضا | Amira Hussien | 06-15-22, 09:30 PM |
| Re: اجمل ماقرات اليوم بوست يومي شاركوني ايضا | مصطفى نور | 01-13-23, 09:43 AM |
|
| |
مصطفى نور
فيس بوك
تويتر
انستقرام
يوتيوب
بنتيريست