|
Re: موضوع الطرب (Re: أبوذر بابكر)
|
الذري ود بابكر حنرجع ليك في حالة طربية عندما تكون مستمرة
Quote: يقول محمد البشير عتيق نحن كان مجلسنا عامر بي طرب بى نشوة بى رقة وشعور |
محمد ابراهيم نقد قال لى غسان شربل: نحن ناس بنسهر ونسمر لامن ديكنا يصيح
| |
|
|
|
|
|
|
Re: موضوع الطرب (Re: Ahmed Yassin)
|
كيفنك يا احمد ازيك يا موسيقار
الطرب حالة وجدانية عجيبة ومحيرة
عايز اعزمك تسمع اغنية اولاد الموردة
بالله يا شادي الغرام
برضها من كلام م. ب. عتيق
عليك الله اسمع عطا ومحمود ووريني حصل ليك شنو طربيا
| |
|
|
|
|
|
|
Re: موضوع الطرب (Re: Amira Hussien)
|
مين كان يقول وسط الغيوم تشلع بروق وتشرق شموس مين كان يقول بعد الهموم نرجع نروق ونطيب نفوس
الله علي الكابلي يا أميرة هو الدائما بيغمرنى بفيوض الطرب العالي
شكرا للجية
| |
|
|
|
|
|
|
Re: موضوع الطرب (Re: أبوذر بابكر)
|
Quote: عايز اعزمك تسمع اغنية اولاد الموردة بالله يا شادي الغرام |
عطا كوكو ومحمودعبدالكريم دخلتني في حالة شجن طربي ديل يا ود بابكر اصحاب اجمل ميلودي ولحن..وتوافق واداء.. ومع دا ما غنوا باوركسترا نهائيا سيدعبدالعزيز عرف قيمتهم ودورهم قام اداهم (غنى القمري علي الغصون) لحنها كرومة سنة ١٩٣١ غنى القمري على الغصون - -- ذكرني الدر المصون فريد عصرو المامتلو شئ قمرنا الليك متربصون --- يالغصن البزري الغصون ملاك محروس داخل الحصون --- شمس الكون تشبه وشي ويستمرا في تفانين الاداء زويبلغ الطرب ذروته يا ابوذر في القفلة (عين سحرك تسبي العيون --- يالبطران مما نشىء)
| |
|
|
|
|
|
|
Re: موضوع الطرب (Re: Ahmed Yassin)
|
طالما دخلتنا في الشحن دا مع اولاد الموردة عندهم بالمناسبة قريب لى (١٠٠) اغنية واديك جزء من الاغنيات دي طبعا الاداء يعتبر عشرة على عشرة ولا هنة واحدةوانت بتسمع بتنتابك حالات من الطرب والنشوة ( ياسمير بي نظرتك أوفي الميعاد العيون الشافتك ما اسعدا) (هواك وهواي بي جاروا وسين أفكاري نظراتك أحب تعطف تزيد وجدي وأحب كل البحب ذاتك) (ارجوك يا نسيم روح ليه بي اشواقي صرح واذكر صبوتي وسهادي) (رشقتني عيونو وجذبتني فنونو وبقيت مجنونو ) (أذكري ايام صفانا والليالي الفيها متبادلين وفانا) عطا رحل سنة١٩٧٩
| |
|
|
|
|
|
|
Re: موضوع الطرب (Re: Ahmed Yassin)
|
اولاد الموردة يا احمد حالة استثنائيه في مجال وخضم الطرب محمود عبد الكريم تربى علي معاقرة كرومة وفي عمق عالمه العجيب وبعد تجارب ثنائية عديدة مع مغنيين اخرين التقى ب عطا كوكو وانصهرو مع بعض وجادو لينا بالابداع اللا متناهي دا
ثنائي الموردة يكاد يكونو محتكرين اشعار عتيق كلها مع خضر بشير ودا بديهي بحكم انهم برددو اغاني كرومة كلها وكل اشعار عتيق لحنها وغناها كرومة
| |
|
|
|
|
|
|
Re: موضوع الطرب (Re: Ahmed Yassin)
|
ثنائي الموردة يا أحمد ينبوع طرب حقيقي لا بكمل ولا بنتهي
توافق صوتي عجيب وأداء فريد
طبعا هم الامتداد الطبيعي لطريقة أداء الحان كرومة علي طريقة ال copy and paste يعني اي اغنية تسمعها عندهم تأكد تماما انها بالضبط زي ما لحنها وغناها عبد الكريم كرومة تماما
النعزمك تاني
اسمع عندهم بالله كلام ابو صلاح ولحن كرومة في
اضيع في هواك يا مهفهف حرام
| |
|
|
|
|
|
|
|