(مقترح) بتكوين تجمع مركزي للجان المقاومة السودانية.

Quote: شوف ابدا ما مطلوب من الشارع دا يعمل ليهو حزب ولا يعمل تنظيم... ومافي ثورة بعملوا ليها حزب سياسي وانا شايف اصلوا ما نشغل الشباب بحاجة زي دي طالما عندهم الحد المعقول من التنسسيق البخليهم ينجزوا حراك الشارع وبعدين المقال الفوق البحول يصور انو في تنافس بين الاحزاب او غيرهم على الشارع وانو دي حاجة سلبية ابدا ما حاجة سلبية وهداك الشارع خلي الناس تتنافس طالما هو بصب في مصلحة الحراك وتنظيم المليونيات والشارع محتاج انو يستفيد من خبرات كوادر الاحزاب وهو فعلا استفاد من الخبرات المتراكمة ومابدا من الاسكراتش ودي قوة الثورة هنا...نتاج تراكم طويل للثورات السودانية والشارع قاعد اتعلم من الخبرات وحتى بتعلم من اخطاء الثورات السابقة اصلا الناس ما تخون اي زول طالما معاهم في الشارع وبهتف معاهم بشعارات الثورة حرية سلام وعدالة المطلوب حاليا التوافق حول الحد الادنى زي ما قال الحبيب محجوب... الثوار اصلا ما يقفلوا الشارع دا في وش زول او حزب او غيره او اي جهة تحاول تحتكر الثورة وتفوض نفسها كوصي على الحراك الباب بتاع من البمثل الثورة ودا جسم شرعي ودا ممثل شرعي هو الحيفتح بيبان الخلاف ومنها حيدخل الهواء الناس ما تتسرع وتتكلم عن تفاوض الان لسه باقي كتير ولا ننسى شعار الشارع الان لا تفاوض ولا شراكة ولا مساومة والتفاوض دا لم يجو وقتو يستفيدوا من الخبرات والشخصيات الصلبة الوطنية المجربة الصلبة ودا كلو يكون بالحوار والمشاركة مع الجميع