|
|
|
 Re: قصة الكفاءات المستقلة المرفوعة كقميص عثم� (Re: محمد البشرى الخضر)
|
وطبعا الاحزاب ما صدقت التعديل دا واتناوطتو..
والموقعين اتفاق جوبا بقت ال٢٥٪ شوية عليهم..
َال٢٠ وزير ما بتغطي..
وفي عز الهوجة بالسلام الناس تجاوزت اتحنكت في قصة مستقلة
وبقت في القرآي وعاشة الجبل.. :)
المهم في رايك هسه بعد عودة حمدوكنا الميمون بإذنه تعالى..
حا ترجع في محلها وبي ٢٠ بس. والا حا نجي تاني لقصة مكافآت وليس كفاءات دي
| |
 
|
|
|
|
|
|
|
|
Re: قصة الكفاءات المستقلة المرفوعة كقميص عثم� (Re: HAIDER ALZAIN)
|
ود الزين لاحظ في التعديل اتشالت قصة عشرين وزير دي وتم تحديد النسبة فقط! يعني عادي ممكن مية وزير بس 25 وزارة محجوزة
المهم انا شخصيا شايفها ما مشكلة, قصة كفاءات وتكنوقراط دي خدعة انطلت على الناس في الاعتصام, في ظل نظام كان مسيطر على الحكم 30 سنة وعلى كل مفاصل الدولة. تفتكر تجيب وزير ما عنده اي خبرة او معرفة بالصراع السياسي ح يقدر ينجز حاجة مع المعوقات و العراقيل الحيختوها الكيزان و المتضررين من ذهاب النظام تحته!
مش كدا وبس بل في رأيي انه الأداء في الحكومة التانية كان أفضل و أكثر جراة, مثلا الاجراءات الاقتصادية رفع الدعم عن البترول و توحيد سعر العملة والغاء الدولار الجمركي كان ممكن تتم والدولار حينها بي ستين او سبعين لكن مع التكنوقراط - رغم ان البدوي ينتمي لحزب الامة بس ما عارفه ناشط أم لا - ما قدر حمدوك يطبقها, واذكر في المؤتمر الاعلن فيه جبريل هذه الاجراءات احد الحاضرين وجه له نقد حاد وقال ليه ح تسقطو, جبريل بكل ثقة قال ليه ليكن لكن الح يجي بعدنا ح يطبق نفس السياسة, هنا اعني الثقة الاتكلم بيها جبريل جاية من كونه سياسي و معتاد على مواجهة المواقف دي و اتخاذ قرارات حاسمة وجريئة, مثال آخر خالد سلك والحيوية الاضافها لمختلف القطاعات, و الاهم من دا المواجهة والرد الصريح و القوي على البرهان و حميدتي, هل تفتكر مانيس كان بقدر يرد بنفس القوة.
المهم, حاليا عادي تختلف الاراء حول الموضوع دا ما مشكلة في النهاية شكلة مدنيين في بعض و بحلوها بالوسائل المتعارف عليها في الصراع السياسي, يطلع الجيش من الموضوع دي البنتفق عليها كلنا, بعد داك حمدوك يقرر ما يراه سواء قبلناه او رفضناه في النهاية الامر يخضع للتدافع السياسي, حمدوك زاتو ممكن يمشي بارادة الشارع الغالبة لكن ما ارادة عبد الوهاب او غيره.
| |
|
|
|
|
|
| |
محمد البشرى الخضر
HAIDER ALZAIN
أبوبكر عباس
Arif Nashed
فيس بوك
تويتر
انستقرام
يوتيوب
بنتيريست