|
|
|
 Re: هل تاثرت اسعار الاراضي بعد كل الاستردادات (Re: Gafar Bashir)
|
سلام يا جعفر
امتلاك اراضى فى السودان هدفها الاول المحافظة على المال سوا للمقيمين خارج او داخل السودان وارتفاع الاسعار الغير منطقى له اسباب عديده ليس من بينها ندره الاراضى وقلتها لذلك لا اتوقع إنخفاض الاسعار بعد استرداد مساحات شاسعه من لصوص الإنقاذ
معادله السوق فى السودان يتحكم فيها السماسره وينقاد لها معظم الناس
وهناك من يحدثك عن جوده بوكس 81 وانه الافضل على الإطلاق:)
| |
 
|
|
|
|
|
|
|
|
Re: هل تاثرت اسعار الاراضي بعد كل الاستردادات (Re: Abdelrahim Mohmed Salih)
|
يا دفعة دا استرداد لصالح المالية و المالية كلامها واضح ما بتصرفوا في المستردات مالم يتاكدوا من خلوها من المشاكل باحكام قضائية
فا شنو.. حلك لغاية ما يستأنفوا الكيزان المبلولين - ودا ما ح يحصل طبعا لانو الاستئناف يتطلب الحضور الشخصي - أو يتولى وزارة المالية وزير بعثي و يعرض الاراضي المستردة للبيع فترخص اسعارها
| |
|
|
|
|
|
|
|
|
Re: هل تاثرت اسعار الاراضي بعد كل الاستردادات (Re: صبحي احمد حسن)
|
تحياتي عبدالرحيم
| Quote: له اسباب عديده ليس من بينها ندره الاراضى |
ده يعني ضمنيا ان المتحكم في الاراضي واسعار الاراضي لازال موجود في مفاصل الدولة ... سواء كانت جهات حكومية او مراكز قوي او افراد وليهو اليد العليا بعد سنتين وزيادة من الثورة ...
لا نفعت معاهو لجنة تفكيك ولا حكومة مدنية ولا وزير اسكان ولا وزير زراعة ،،، او ان الخطة هي استمرار ابتزاز الموطن السوداني تماما زي ما مارسته الجبهة الاسلامية ...
ما لاقي ليها تفسير تاني ،،، اما الحكومة ما عارفة كيف تفكك المافيا او انها قادرة لكن عاجبها الوضع
| |
|
|
|
|
|
|
|
|
|
Re: هل تاثرت اسعار الاراضي بعد كل الاستردادات (Re: صبحي احمد حسن)
|
| Quote: يا دفعة دا استرداد لصالح المالية و المالية كلامها واضح ما بتصرفوا في المستردات مالم يتاكدوا من خلوها من المشاكل باحكام قضائية |
طيب يا دفعة بعيدا عن فزلكة ناس الاقتصاد والقانون الما عايزين بتورطوا في مصادرات الكيزان خايفينها بكرة تنقلب
بعدين كل المدة دي من الثورة ،،، لو وزارة الاسكان او وزارة الزراعة او اي من الوزارات المرتبطة طرحت خطط لتمليك اراضي السودان الفاضية دي للناس حسب القطاعات
طبعا فرضا بان المواقع دي كلها مرقوا منها الكيزان الكانوا محتكرين الموضوع وفيها الان ناس وطنيين كان برضو مفروض يكون في تغيير
| |
|
|
|
|
|
|
|
|
|
Re: هل تاثرت اسعار الاراضي بعد كل الاستردادات (Re: Faisal Fadhlallah)
|
Quote: ياخوي مافي شي بزيد وينقص تاني في السودان ، أشتري ساي لو ناوي :-)
|
هههههه كيفك يا فيصل اخبارك
ابدا والله ما ناوي خلصت زمان
بس الموضوع مزعلني شديد
عايز القي حاجة ادعم بيها الحكومة المدنية والثورة المدنية ونقول انجزنا حاجة ياخ ،،،
المناظر هي ذاتها الصور نفس المشاهد الشوارع والبيوت والاماكن والمقاعد والذمان ثابت مكانو والرقم اللسة واحد
نحرك الموية الساكنة دي عسي ولعل في زول ما عارف مفروض يعمل شنو
| |
|
|
|
|
|
|
|
|
|
Re: هل تاثرت اسعار الاراضي بعد كل الاستردادات (Re: Elhadi)
|
سلام يا جعفر
| Quote: لو وزارة الاسكان او وزارة الزراعة او اي من الوزارات المرتبطة طرحت خطط لتمليك اراضي السودان الفاضية دي للناس |
صحي وزارة الإسكان لو وزعت من الأراضي الفاضية بدون ما توصل ليها خدمات سعر الأرض بكون رخيص جداً لإنعدام الطلب عليها لأنها لا تصلح للسكن.
سبب غلاء الأراضي في السودان هو شح الخدمات او بالأصح شح الأراضي التي بها خدمات والفروقات العالية بين جودة الخدمات في المناطق المختلفة.
المشكلة قي تركيز الخدمات في العاصمة وحتى في العاصمة في دائرة ضيقة في وسط العاصمة.
وكلما بعدت عن المركز شحت الخدمات وساءت حتي تنعدم تماماً على بعد بعض كيلومترات من مركز العاصمة بإستثناء بعض المدن القليلة في الأقاليم والتي هي أيضاً لا تقارن بالمركز رغم سوء الخدمات في الكل.
والمشكلة الثانية التوزيع غير العادل للثروات والفساد الذي يوفر أموال كبيرة وسهلة المصدر لفئة نسبياً قليلة جداً من المواطنين تتنافس على المناطق ذات الخدمات الأفضل،
والإقبال على شراء الأراضي لغسيل أموال الفساد.
وبذلك يرتفع الطلب على الأراضي القليلة المعروضة في الأحياء القريبة من المركز.
لهذه الأسباب سعر المتر المربع لقطعة ارض سكنية في أحياء مثل المعمورة الخرطوم حوالي 750 دولار وفي الرياض حوالي 1500 دولار.
بينما سعر المتر المربع في مناطق على بعد فقط 25 كيلومتر من المركز مثل إسكان الثورة قد يكون 1.5 دولار فقط.
خارج العاصمة سوق الأراضي ليس له رواج وأسعار الأراضي السكنية منخفضة جدا (بعض الإعلانات فيها أراضي بسعر المتر المربع نصف دولار فقط).
الأراضي المستردة ورغم أنها كتيرة جداً إذا وضعنا إعتبار ملكيتها السابقة لأفراد قليلين جداً ولكنها أيضاً قليلة العدد بالنسبة لمجموع السكان وإذا ما قورنت بالمتداول في سوق الأراضي.
لذلك لا أتوقع أن يكون لها تأثير على أسعار الأراضي.
كنت أتوقع أن يحدث إنخفاض في أسعار الأراضي بسبب توقف غسيل أموال الفساد.
ولكن يبدو أن المصادر السهلة للأموال مازالت متوفر، الذي تغير أن فئة جديدة من المواطنين تسلمت هذه المصادر.
| |
|
|
|
|
|
|
| |
Abdelrahim Mohmed Salih
محمد البشرى الخضر
ابراهيم موسي حامد
صبحي احمد حسن
Elhadi
Hafiz Bashir
فيس بوك
تويتر
انستقرام
يوتيوب
بنتيريست