ادعو دكتور القراي الي مناظرة حول تاريخ ثورتنا الام.

Quote: غريبة والله أن تجد من يدافعون عن أفاعيل الدولة المهدية في القرن الحادي والعشرين. إذن نحن قوم لا نستحق سوى القبور. والسودان قبر كبير وسيلتهم سكانه بإذن المهدي. الله لا بارك فيكم. مهدية شنو يا مستنيرين ويا مثقفين؟ الوثائق التي أوردها أخونا أسامة الخواض كافية لأي ذي عقل أن يحكم على تلك الحقبة بالجنون أو أي شيء مفارق للعقل؛ ويمكن أن يحتفظ لها بإيجابياتها إن وُجِدت. ولا أعلم إيجابيات المهدية. بشاشة ياخي خليك عقلاني. هسه نجيب ليك سيرة الرسول محمد وكيف أنه كان عبقري زمانه وأفضل من مشى على الأرض وخير رجل ولدته حواء ... حتقول دا كلام فارغ ولا يسوى شيء من أنبياء النوبة والفراعنة وهو سرق النصوص من الإله كوش وكوَّش على البضاعة، وحتقول إن الرسول محمد كلام فارغ. لكن الزول الأفرغ الاسمو المهدي كلام مليان. خليك زول متّسِق في كلامك. غايتو خذلتني في حكاية المهدي دي. وما كنت قايلك مؤمن بخرافة اسمها المهدي. والحمد لله إنك طلعت مؤمن ومسلم كامل الدسم. مهدينا، مهدي السودان قتل أكثر من ما قتل المحتل. وخليفته عبدالله التعايشي قلبها حرابة بين الغرب والشرق ... وما زال صداه يحكمنا حتي اليوم ... عيال غرب وعيال شرق، عيال بحر وعيال ما بعرف شنو. كل الخبل العايشين فيه دي إرث مهدوي 100%. ياخي دولة الفونج كانت أفضل. على الأقل ما فيها "أخبرني/حدثني صاحب الوجود"، وجود شنو وصاحب وجود شنو؟ دولة الفونج كانت دراويش نعم لكن ما فيها زول كان حاكم باسم الله والنبي. للأسف في الزمان داك ما كان في علم نفس ولا سايكياتري ولا شيء يقول للناس أبعدوا من المجانين ديل.