|
|
|
 Re: ادعو دكتور القراي الي مناظرة حول تاريخ ثو� (Re: Bashasha)
|
الي عزيزاتي واعزائي في الحزب الجمهوري:
لو الكلام المنسوب للقراي ده صاح، كما قرات للبعض، وليس القراي، اعترف، الفيهو القراي وصم ثورتنا الام بالارهابية، فهذه كارثة بحق وحقية، ولا ينبغي طرح كهذا خطير، مخجل، عار، من رجل قدمتو الثورة كمهندس للمناهج، فهذه مصيبة بحق!!
| |
  
|
|
|
|
|
|
|
|
Re: ادعو دكتور القراي الي مناظرة حول تاريخ ثو� (Re: Bashasha)
|
ختيت بالك للطاقية اعلاه علي راس المهدي يا دكتور؟
اعلاه هو المهدي بالالف واللام في تاريخنا، نعم في تاريخ البشرية، يا مدير ومهندس المناهج، يا للفضيحة، بحق!!!
لا علاقة للعرب او الفرس، من قريب او بعيد، بي مفهوم وفكرة "المهدي" بي تعابير عصرنا يا دكتور!!!
كل هناك، ده هو فهم الاخرين لي ارثنا نحن، الروحـــي، الصــــــوفي، منذ عشرات الاف السنين!!!!
اي قبل ميلاد او ظهور العرب كبشر، يا عزيزي!!!
| |
|
|
|
|
|
|
|
|
|
Re: ادعو دكتور القراي الي مناظرة حول تاريخ ثو� (Re: منتصر صلاح)
|
يعني هو فعلاً (المهدي المنتظر) اللي بيجي في آخر الزمان
معناها نحن عايشين برة الزمان ولا كيف!
إنت يا بشاشا رأيك شنو في الدعوة المهدية كهوس ديني؟
موضوع التحرر ومحاربة المستعمر دة خليه شوية .. أنا عاوز رأيك في تنصيب النبي للمهدي كخليفة ولقاؤه بيه عياناً بياناً ومن ثم مبايعته من قبل المسلمين ومحاربة من لم يبايع
رأيك شنو في الفتاوى الأصدرها المهدي بإسم الدين؟
| |
|
|
|
|
|
|
|
|
|
Re: ادعو دكتور القراي الي مناظرة حول تاريخ ثو� (Re: منتصر صلاح)
|
تحياتي، يامنتصر أو مرحب بيك،
اعترف علنا، كتاب بتاع طرح كهذا، مابقدر ولا اطيق اقربو صراحة.
ماخطر بي بالي، انو جمهوري ممكن يفكر بالطريقة دي، وإن امنتو، انو الجمهوريين وليس الشهيد محمود للاسف كقاعدة كماغيرم، عروبيين، نعم تفكيرم تقليدي اسلاموي، وهذا يثبت تصورنا عن الشهيد محمود، انو فعلا إنسان ماعادي، بمعني مامن السهل، بي معطيات وعينا الحالي، نفهم كلامو، ولهذا شنقناهو حي!
ده هو الحصل لي سقراط، بالضبط، حوارنا، خريج خلاوينا من حيث طريقة تفكيرو كما كل فلاسفة اليونان أو من طرف الفعلا اتخرجو من خلاوينا، ولو ذورا وادعاء، في اسوان الحالية، مصدر مايسمي الان فلسفة، الكان غريب أو غير مفهوم في وعي ومرجعية الاوربي، والثقافة الاوربية وهذا طبيعي بالنسبة للاوربي!
أقصد ارثنا الروحي الصوفي قطعا غريب أو شاذ في مرجعية إنسان ثقافة المهد الشمالي، وبذات الطريقة، بحكم الاستعمار الثقافي الحصل لينا وقرون العبودية، فاللي جعل السودان "مركز دائرة الوجود" مجرد مسرح خلفي، مصري انجليزي، وكنتيجة احنا شنقنا محمود، أو هم سجنو سقراط، أو باعو افلاطون في السوق، لانو طرحهم كان شاذ أو غريب وهذا حقيقة، أما طرح الشهيد محمود فده هو اصل ارثنا الحضاري كله!!
المفارقة هنا!!!
حتي القراي، الجمهوري، فهمو لي طرح استاذو للاسف، ياللعار، مصري، انجليزي وهذا مضحك حد البكا!!
المرعب انو القراي نال شرف مهندس مناهج نظام اتت به ثورة حراك وعي حضاري كوشي، تزعمتو سليلة الست، زوجة، اخت اوسار، اي المهدي بالالف واللام!
نعم ثورتنا دي، بالفهم الكوشي، "مهدية" لويعلم القراي، وهي بالفعل استيناف لي مسيرة ثورتنا آلام وهذا مالايعلمه مقرر المناهج، وهذا عار، بل مرعب!!!
اذن الفات علي مهندس المناهج انو استاذو شيخو كان مشروع مهدي جديد فعلا لاقول، ولكن شنقناه بالوكالة، بحكم طريقة تفكير نا الحالي، اللي مفترض أمثال القراي تحررو منو كتلاميذ للشهيد محمود!
أما الامام المهدي وانصلرو فهم الشنقو العدو!
عبقرية ومعجزة ثورتنا الام كان هنا!!!
| |
|
|
|
|
|
|
|
|
|
Re: ادعو دكتور القراي الي مناظرة حول تاريخ ثو� (Re: Bashasha)
|
كمـال، السلام عليكم.
لم أقرأ الكتاب ولذلك لا استطيع التعليق عليه.. وأنت طبعا حر، ولكن استغرب ان تطلب مناظرة حول كتاب انت تعلن انك لم تقرأه ولن تقرأه.. المناظرة على شنو.. على ما سمعته من الناس أو بوستات الميديـا؟
حتى شيوخ الوهابية فى السودان تلقى الواحد راص كتب الاستاذ محمود امامه فى التربيزة ويتحدث حولها وينتقدها حسب فهمه.. لو تعتقد ان القراى يمكن أن يوافق على هذا الإقتراح الغريب فماذا أقول لك..
يعنى بس إفتراضا كدا.. لو القراى وافق وفى بداية حديثه قال لك أنه لم يكتب هذه العبارة وهذا اختلاق من الواتساب، كدا موش المناظرة انتهت مع ضربة البداية.. حتى لو جاب واحد نص من الكتاب هنا فلا يغنى
عن الحقيقة من الكتاب.. لأنه حينذاك الحجة تكون حقيقية ولا احتمال استقطاع نصوص من سياقها أو أى شئ.
أخيرا أفهم انك تطلب المناظرة حول تأريخ المهدية.. ولكنك أظهرت رأيا عاطفيا مسبقا حول كتاب لم تقرأه بل أعلنت عدم نيتك قراءته.. ثم تريد (عملياً) مناظرة القراى حوله.
أنا شخصيا عندى رأى فى الحركة المهدية ولكن لا أعلق على أمر لم اطلع عليه من مصدره..
| |
|
|
|
|
|
|
|
|
|
Re: ادعو دكتور القراي الي مناظرة حول تاريخ ثو� (Re: Bashasha)
|
اي صورة مرت علي للشهيد محمود كقاعدة، بلقاهو دايما وابدا محاط بي عدد من النساء، او بي صورة لم تتكرر قط من اي قيادي روحي ايا كان!!!!
طبقا للتقويم الكوشي ياقراي، العصر الذكوري الحالي تبقت له 19 رغيفة فقط!!!!
نعم العصر الاموي قادم!!!
هل مرا عليك كلام زي ده يا مهندس المقررات، او انتا جمهوري؟
الي الجميع لو سمحتو:
موضوعي مع القراي هو فكرة "المهدية" من منظور وعي كوشي بالنسبة لينا، او كيف الشهيد محمود كان فعلا مشروع مهدي كـــــــــــوشي، ولكن القراي تلميذو لايفقه هذا، لانو كما غيرو مستعرب!!!
يا اعزائي بتكلم عن معرفة لصيقة بي طريقة تفكير القراي بصفة عامة!!!
حنجي لي موضوع ثورتنا الام في وكتو. الان تركيزنا علي مفهوم "مهدي" و "مهدية"، او كان الشهيد محمود كان فعلا مشروع "مهدي" ولكن فطسناه، بالوكلة، بحكم طريقة تفكيرنا الحالي، في سودان مصري انجليزي ولاعلاقة له بالسودان السوداني، جدجد القدم محمود حياتو من اجل بعثو!!
القراي ما منتبه او بهتف ضد المهدية، انو الشايلو علي الاعناق او هو بهتف، هو ونجت، او معاهو اللبناني نعوم شغير، يصفق للقراي!!!
| |
|
|
|
|
|
|
|
|
|
Re: ادعو دكتور القراي الي مناظرة حول تاريخ ثو� (Re: Bashasha)
|
| Quote: إنت يا بشاشا رأيك شنو في الدعوة المهدية كهوس ديني؟ |
نواصل مع الزميل احمد عمر:
ياعزيزي، الهوس الديني في المهدية لايهمني كتير، لانو المعيار هنا مش، شكل الاداة، وانما نجاعة هذه الاداة في سلخ او تقطيع شاة الغزاة!!
اذن ركز علي غابة الاحتلال، ودعك من اشجار الادوات الاستخدمت، والعبقرية هنا!!
كيف؟
لانو في الوكت داك، كان هناك وعي محدد سائد، لو انتا ذكي، في صراع بقاء او فناء، فلاتملك غير مخاطبة الناس علي قدر عقولا، بمعني بالرندوق والكروباي المتداول حينه، لانو الغرض هو تحرير السودان، او مش في مناظرة فكرية ماري انطوانيطية!!
اذن اذا المهدية وظفت الهوس الديني لهزيمة اوربا مجتمعة بي حبة اسياف عشر، ثم الخديوية الكانت موازية لي اوربا بي مفردا من حيث القوة، فهذه معجزة بحق لم تتكر قط!
اذا ده حصل فمامعني مثل هكذا ترف ذهني، نلوك فيهو مهضومات، مشك، امباز، خطاب مخابرات جيش كتشنر؟
اليس هذا عار؟
| |
|
|
|
|
|
|
|
|
|
Re: ادعو دكتور القراي الي مناظرة حول تاريخ ثو� (Re: Bashasha)
|
الرحمة علي روحك يا دقنة الجسور، رمز الشموخ، الاجبر احد ملوك بريطانيا علي قطع البحر عشان يديك التحية اجلا واكبار لما انجزوه امثالكم ياوالدي:
اعتذر بشدة يا والدي دقنة، علي مثل هكذا بصق في وجه امثالك، من امثالي، مستلبة الاحتلال الثنائي، يا للعار!!!
شئ مؤلم!!
| |
|
|
|
|
|
|
|
|
|
Re: ادعو دكتور القراي الي مناظرة حول تاريخ ثو� (Re: Bashasha)
|
يا بشاشا المهدي ما قال أنا اوسار الكوشي
قال أنا المهدي المنتظر المسلم المبلغ من الله والرسول
هل يعقل يا بشاشا تقول على الاستاذ محمود تقليدي اسلاموي ولمن تجي عند المهدي تبرر ليه بحاجات ما خطرت بباله وقت انطلقت دعوته من خلاوي القرآن الاسلامي؟
| |
|
|
|
|
|
|
|
|
|
Re: ادعو دكتور القراي الي مناظرة حول تاريخ ثو� (Re: أحمد محمد عمر)
|
تحياتي يا ابو الريش أو مرحب بيك،
ياعزيزي
قنا ماعندنا مانع نجيب الكتاب أو نقراهو لو القراي وافق علي المناظرة، أو ماخاف!!!
مع انو ده تسويق مجاني للكتاب بتاعو!
ثانيا، هنا ماقاعد اناقش نصوص وردت في كتابو، وانما أفكار عامة متداولة عن طريقة تفكير القراي، اللي صارعتو بالسنين في مقهي النشاط في الثمانينات.
بالتالي بنعرف بعض كويس، وإن كان من غضبو علي في الزمن داك، كان بناديتي بي صيغة:
ياشاب!
وانا بنادي بخاطبو بي اسمو!
القراي عكس دالي، كان متزمت جدا، ولايقبل الراس الآخر كما اخواتي الحمهوريات لهن التحية نسيت الاسماء، والعزيز دالي رحيب الصدر!
اعترف القراي معلم، ومتمرس جدا، في سوح الصراع الفكري، وليس من السهل منازلتو!!!
اذن ياعزيزي، كان الاولي ان نسمع رايك في كلام القراي أو مواقفو العجيبة حسب المنشور حتي في المنبر ده، فيما اتصل لي موضوع ثورتنا الام!
كجمهوري، بتسكت ليه علي عداء القراي الغريب جدا لي ثورتنا أو رموزا، من موقع مسؤول اول في وضع مقررات الدراسة في بلدنا بواسطة سلطة اتت بها ثورة اشتعلت لاقتلاع دويلة الاحتلال، أو مش نظام سفرجية الخديوي حسن البنا!
هذا لايعقل قط ياجمهوريين!!
هذا عار!
انتم، وقبل أي انسان آخر المفروض تتصدو لي طريقة تفكير القراي، هذه المنطلقة من ارث الاحتلال الثنايي!!
هل الفكر الجمهوري مصدرو ادبيات خطاب منشورات مخابرات جيش كتشنر؟
ده، هو المصدر الاساسي، ومن منطلق جهوي جلابي للعداء لي ثورتنا في السودان المصري، الحالي، اللي المتحدث الرسمي باسم نظام اتت به الثورة كبديل لاذلام الهضيبي، ناصري!!!
عشان كده جيش الارناؤوطي محمد علي الان متشرشح في السودان المصري!!
ساكتين ليه ياجمهوريين؟
ام هذا يمثلكم؟
| |
|
|
|
|
|
|
|
|
|
Re: ادعو دكتور القراي الي مناظرة حول تاريخ ثو� (Re: Bashasha)
|
| Quote: جمهوري، بتسكت ليه علي عداء القراي الغريب جدا لي ثورتنا أو رموزا، من موقع مسؤول اول في وضع مقررات الدراسة في بلدنا بواسطة سلطة اتت بها ثورة اشتعلت لاقتلاع دويلة الاحتلال، أو مش نظام سفرجية الخديوي حسن البنا! |
يا بشاشا .. كيفنك يابا ..
لو اتفقنا او اختلفنا في كون ان المهدية ثورة تحريريه من المستعمر ..
هل ده حيغير شي من سياساتها الداخلية الضاربه في القهر و التعذيب و القتل و الارهاب ؟
و هل ده حيخلينا نعذرهم في كل جرائمهم لمجرد انهم حاربوا الاتراك و الانجليز و خلو الناس تلوك في لبانة التركي و لا المتتورك .. نقوم نديهم PASS في اخفاقاتهم و جرائمهم الداخليه ؟
الكتاب بتحدث عن حقيقة ( المهدية) في السودان .. و لو اعتبرنا حروبهم التحريرية من الموجبات ..
فهل نغض النظر عن السوالب المخيفة في تاريخهم ؟
بعدين حقوا تقرا الكتاب بي عقل مفتوح زي ما كلنا دايرين .. قبل الغلاط و الحمقة ..
| |
|
|
|
|
|
|
|
|
|
Re: ادعو دكتور القراي الي مناظرة حول تاريخ ثو� (Re: يحي قباني)
|
احمد عمر شلوم،
فهمتا كلامنا غلط!
كلامنا موجه للقراي، مش الشهيد محمود.
بالنسبة للامام المهدي، نعم هو ماعندو دخل، ولايعرف شي، عن جدو اوسار!
لاجديد هنا!!
ارثنا ده مركوز أو محفور في اعماقنا، في اللاوعي، في اللاشعور، بحكم حالة الغيبوبة العايشنها!
ولكن هذا لايمنع وعلي نحو غريزي ومن دون المام أو ادراك تتحرك مدفوع بالمدفون جواك، من منطلق مرجعية الوعي المهيمن الوافد الاجنبي المهيمن علي وعيك!
بمعني، المهدي كما غيرو فهم، فاهم المهدية كفكرة من منظور مرجعية اسلام الثقافة العربية، لو سنة أو شيعة، ولكن هذا لايهم ولا اولوية في وكت زي داك!
المهم حينها كان تحرير وبعث السودان الاندفن جوانا منذ قرون، وهذا ماحدث، وإن لم يكتمل المشروع!
ليه ما اكتمل؟
بي سبب دور امثال القراي، من ادوات مستعمرينا!
أصدق نموذج لي دور امثال القراي، كان هو دور اباء القراي من مجندي لواء مكدونالد من السودانيين، اللي حسمو نتيجة اكبر معركة علي مستوي العالم في القرن ال19 لي صالح الغزاة!
السيد مهندس المقررات القراي، ماشي في ذات سكة اباؤو من مجندي لواء مكدونالد، يمد!!!
اذن كونك، بتقوم دغشا صباح عشان تغتسل تتوطا أو تصلي الصبح حاضر، فهذا لايعني، ده، جابو ليك المرتد ابن ابي السرح، زي مالقونك، وانما ده، ارث اجدادك انت، منذ عشرات الاف السنين، قبل أمثال هذا المرتد مايكونو حتي مجرد نطفة في الرحم!!
قصدي كونو المهدي كان واعي ام لا بالاصل السوداني للمهدية كفكرة لايعني شي!
اعترف أجدادنا مافهمو المهدية كعمل سياسي، أو كده!
لا ابدا!
كان موضوع اعادة بعث روحي دوري، بانتظام، متي ماغابت شمس وعينا وارثنا الروحي لتشرق وتشع من جديد!
ارجع لي تمثال أبو الهول وتاملو، عشان تفهم الكلام ده!
| |
|
|
|
|
|
|
|
|
|
Re: ادعو دكتور القراي الي مناظرة حول تاريخ ثو� (Re: Bashasha)
|
| Quote: هل ده حيغير شي من سياساتها الداخلية الضاربه في القهر و التعذيب و القتل و الارهاب ؟ |
شلووووووم، ياقباني،
معقولة ثورة بالقتل والتعذيب لشعبها، تحرر هذا الشعب من الاحتلال، الاستعمار، الاسترقاق، عبر القروق، بواسطة دولة الخلافة ووفقا للكتاب والسنة؟
معقولة ياقباني واحدة من اكبر ثورات العالم باجمعه في القرن ال19، اشعلوها، "نــــــــقروووووووذ" ضد بيض اوربا كلها مجتمعة من اقصاها والي اقصاها، فوق للخديوية الكانت قوة ضاربة موازية لي اوربا، تنجز اعجاز كهذا بي حبة سيوف عشر، وهي تبيد، تعذب، وتقهر ذات جنودا، القالو عليهم اعداءهم، انهم اشجع من مشي في كوكب الارض، علي قدمين؟
معقولة يا قباني؟
ما هذا؟
اسمح لي اتبرع ليك بالاجابة علي السؤال اعلاه، اي "ماهذا":
هذا، عزيزي القارئي، هو المنطق بتاع اباء قباني، من مجندي لواء مكدونالد السودانيين، الحسمو المعركة لصالح العدو!!!!
اذن قباني شايلو حمار نوم، واحد من اعمامنا ديل، من مجندي لواء مكدونالد، والا قل لي يا عزيزي:
مجند مكدونالد ده، حيبرر موقفو ده ضد اهلو او بلدو كيف، بخلاف يقول باعوني "رقيق" او عشان كده كستا افش غبينتي في اهلي في بلدي، بالقتال في صفوف مستعمري بلدي ومستعبدي اهلي!!
هذا ياقباني باختصار، هو خطاب الخائن علي وسعد، لتبرير وتمرير عمالتو للاجنبي، للمحتل، مستعبد امثالو ياعزيزي!!!
نعم ونجت ما صدق اطلاقا، خطاب علي ودسعد ده، اداتم، او قعد يسوي، هاها، هوهو، هي هي للباشكاتب بتاعو، الارزقي نعوم شغير!!!
نعوم شغير ماصدق او راح جاري جري لي دولاب "المناهج"، او راح مطلع مقرر التاريخ، او رصا فيهو خطابك ده، اعلاه، انتا والقراي!!!!!
اذن ياعزيزي باختصار شديد جدا، انت بتردد في مفردات، ادبيات، خطاب، قلم مخابرات جيش كتشنر!!!!
والا قول لي، وهذا مثال فقط:
لما العميل علي ود سعد يصطف مع جيش الغزاة، انت عايز دولة الثورة تسوي شنو بالضبط، في صراع بقاء او فناء يا قباني؟
واذا حصلت في المواجهة دي مابين جيش ثورتنا، او دلوكة الغزاة، ودسعد، تجاوزات قتل، سحل، واغتصاب، من افراد، فمن هو المسؤول هنا؟
العميل علي ودسعد ام ثوارنا؟
لانتحدث عن مسؤولية افراد ارتكبو جرائم، وانما نتحدث عن مسؤولية قادة انحازو للغزاة، وقاتلو ثوارنا بالوكالة في الميدان، وكنتيجة حدث ماحدث زي ماقال كباشي!!!
من المسؤول؟
نعم اذا الدناقلة عاملين فيها "الاشراف" مع ناس جعلي "حر" رفضو اختيار سيدنا ومولانا التعايشي، والد السودان الحقيقي واب هذه الثورة، فقط لانو "غرابي حاقد"، فهل هذه مسؤولية ثوارنا او ابا التعايشي؟
اذن للاسف انتا كجلابي، رافض للثورة دي لانك مدوعل بي خطاب مخابرات جيش الغزاة، وبالتالي انت تبحث عن مبرر، لتمرير تصور مسبق، للاسف في راسك، صاغه الاحتلال، وكنتيجة ده حالنا اليوم، بفضل زعامة امثالك للسودان المصري الي اليوم، للاسف!!!
| |
|
|
|
|
|
|
|
|
|
Re: ادعو دكتور القراي الي مناظرة حول تاريخ ثو� (Re: Bashasha)
|
زى ما قلت ليك يا أخ كمال، لا أستطيع التعليق على كلام طرف ثالث بدون الرجوع الى أصل الوثيقة.. كل المنبر يعرف عنى هذا.. وما عارف لماذا تجر الجمهوريين!! القراى لم يكتب كتابه بإسم الجمهوريين وهو
وحده المسؤول عنه.. كيف غابت عنك هذه؟ أى جمهورى يكتب فى هذا المنبر أو يؤلف كتابا بعد رحيل الأستاذ فهو وحده المسؤول.. فى زمن الأستاذ بعض الجمهوريين كأفراد أو لجان كانوا يصدرون الكتاب ويمهرونه
بعبارة "الأخوان الجمهوريون" ولكن الكتاب لا يطبع إلا بعد أن يراجعه الأستاذ ويوافق على نشره تحت اسم "الأخوان الجمهوريون". لو قامت المناظرة وأنت هزمت القراى، أو القراى هزمك فإن الجمهوريين ومن
ورائهم الفكرة الجمهورية غير معنيين بذلك.. أرجو ان تكون هذه النقطة واضحة لديك.
| |
|
|
|
|
|
|
|
|
|
Re: ادعو دكتور القراي الي مناظرة حول تاريخ ثو� (Re: Abureesh)
|
أبو الريش، سلامي،
كلامك اعلاه، غاية في الغربة!!
ياعزيزي، انتو في المنبر ده، واي موقع اخر، شغالين كما غيركم بيع للفكرة بتاعتكم، بل الجمهوريين تحديدا هم الاكثر نشاط بصفة عامة مقارنة بالمنظومات الاخري، وهم من ابتدع اركان النقاش في شوارع الخرطوم، أو توزيع مناشيرم كتبم باكثر من بياعين الجرايد، وهذا لايعني انو ده كعب أو عندنا فيهو رأي!
العكس، انا معجب بي نشاط الجمهوريين أو طريقة تسويقم لي فكرتم، المفارقة تماما لي تقاليد اجدادنا، منذ عشرات الاف السنين، فيما اتصل بي اساليب "الدعوة" بي تعابير خطاب الوهابية!!!
للمرة الاولي في تاريخ ارثنا الصوفي، شيخ يطلع محل عام أو يناقش علنا امام الملا قضايا عقدية روحية!!!
هذا كان من المحرمات في عرف اجدادنا، لدرجة مجرد الكتابة كانت ممنوعة حتي فيما بين شيوخنا أو "حوارييهم" جمع، حوار!!!
هذا ما ادهش امثال فيثاغورث في الأول، ولكن الرجل في الآخر اعجب بهكذا اسلوب للتربية، اساسا الممارسة مش الانشا!!!
اذا ده حاصل، فمجرد مشيك في الواطة يا ابو الريش، كجمهوري صاحب دعوة، محسوب عليك او ليك!!!
اذا ده حاصل، فماذا عن مسؤول علي مستوي السلطة المركزية؟
كيف واحد منكم، زي ده، في موقع حساس خطير زي ده، تكونو مامسؤولين من نموذجو في السلوك، في الممارسة في التفكير والقرارات البتخذا كجمهوريين؟
ده كلام وين؟
كده بالبساطة دي، عايز تقوم فللي، عاضي العراقي، اوشيخكم قدم حياتو فداءا، أو هو واقف كما الطود، يسخر من المشنقة والسنقوهو، دفاعا عن طرحو؟
معقولة؟
هو بالله عشان كده تلاميذو اعلنو التوبة، شغل رعب؟
لوماعايز تكون مسؤول من مواقفك امام الاخرين، فبطل تقدم روحك، طرحك كبديل، في شكل حزب سياسي، بل ودعوة روحية، بلاش دينية!
لو كده، فعلي اي اساس يتحاكمو "الكيزان" أو "الشيوعيين"، أما الجمهوريين فلا؟
| |
|
|
|
|
|
|
|
|
|
Re: ادعو دكتور القراي الي مناظرة حول تاريخ ثو� (Re: Bashasha)
|
| Quote: لوماعايز تكون مسؤول من مواقفك امام الاخرين، فبطل تقدم روحك، طرحك كبديل |
يا بشاشة بالله ساعدنا بالتركيز عليك الله. متين قلت أنا ما مسؤول عن مواقفى؟ أما مواقف الأخرين فإما اقتنعت بيها وايدتها .. وأنت ربما قرأت انى أختلف مع بعض الأخوان فى بعض المواضيع هنا فى المنبر
وأختلفت مرات عديدة مع الأخ ياسر.. وأتفق مع الجمهوريين هنا فى المنبر وغيره حين يتحدثون عن مواقف الفكرة المعروفة فى الدين والسياسـة وغيرها.. اما لو كتبوا كتاب فيحينها اقرا الكتاب ثم أتفق معهم أو أختلف
فنحن لسنــا قطيع يسوقه راعى.. وإنما أفراد أحرار. ولو أتصلت بالقراى سيقول لك انه اراءه تمثله هو ولا تمثل الفكرة الجمهورية.. ولعله كتب هذا التنبيه فى الكتاب. قد أتفق مع القراى فى "المهدية" أو قد لا اتفق
ولكن بعد قراءة الكتاب.
تحياتى
| |
|
|
|
|
|
|
|
|
|
Re: ادعو دكتور القراي الي مناظرة حول تاريخ ثو� (Re: Abureesh)
|
عزيز القارئي،
مرة اخري، اعترف صعقت، انو جمهوري يفكر بالطريقة دي، رغم انو راي في اخوانا الجمهوريين معروف قبل موضوع البوست ده.
الافظع انو واحد بفكر بي زي عقلية القراي دي، يكون هو المسؤول من وضع المناهج!!!!
حولا ولاقوة!!!
وقسما بلعتا الريق!!!
لما قريت في المنبر ده انو القراي استعمل سلطتو او قرر ازالة، نعم ازلة، ايوا مسح، تاريخ فترة حكم سيدنا مولانا، التعايشي، علي روحو الرحمة، والد السودان الحقيقي، ماصدقتا القريتو!!
نعم انقهمتا، واكتفيت بالصمت!!!
WoW!!0
رحمتك يارب!!!
معقولة؟
حتي الجمهوري بفكر كده؟
العداء للمهدية، للاسف ويا للعار، منتشر بشدة في اوساط مستلبة مايسمي "استنارة" و"حداثة" من رجرجة يسار ونجت باشا، الجلابة، اي مجندي لواء مكدونالد الجدد!!!!
اعترف، اليسار الجلابي تحديدا وحصريا، هو المسؤول للاسف من مشروع تدمير السودان، الماثل امامنا، وليس اليمين اعترف!!
ليه ليس اليمين؟
لانو التغيير مسؤولية اليسار، بالفهم المادي، بتاع المركزية الاوربية، وانا مضطر اكب كروباوي او رندوق روماني للاسف، لاني في روما، يسار الاحتلال الثنائي، فما باليد حيلة!!!!
اعترف ما كنت خاتي الجمهوريين في الخانة دي الزمن ده كلو!
في مرجعية اجدادنا، ومن منظور روحي صرف، اليسار عكس الثقافة العربية، مفضل ومقدم علي اليمين!!
لهذا في مجسمات ملوكنا، دايما بتلقي الواحد فيهم، منحوتة صورتو في الصخر او هو مقدم قدمو اليسري، وليس اليمني، اطلاقا!!
ليه؟
لانو اليسار في تركيبة الانسان، بالنسبة لي اجدادنا، بمثل موقع الKA، اي ال AH بي لهجة دنقلا!!
الKA هو بيت الروح، ومطلق بيت بي لهجة دنقلا وهذه الرموز ماخوذة كده من المدونتر اي "الهيروغلوفية" او بيت الروح هو القلب اي الAH!!
القلب في مرجعية اجدادنا كان هو كل شئ، باعتبارو بيت الروح، بالمعني الرمزي، رجاءا، ما بالمعني الحرفي، النصوصي، المادي!!
رجاءا، ثم رجاء ابعدو الفهم المادي، الاحادي، النصوصي، غـــــــــــادي، رجاءا!!!
لذات السبب، لما تجلس واهبة العرش، اي السودانية، ســــــتهم علي قول ترباس، الي جانب زوجها، بتجلس دايما علي شمالو، وليس اليمين، باعتبارو، اي اليسار، "المقام المحمود"!
لاكسبكم يايسار ونجت/شغير!!!
كان العشم امثال القراي من الجمهوريين والجمهوريات يتقدمو ركب المسيرة باتجاه بعث يسار روحاني، ينطلق من ارث اجدادنا نحن، او مش ارث هكس باشا، ياللعار ياقراي!!!!
غايتو شئ، يمغس جد!!!
ولكن الجيل الراكز لاشك، حيشق الطريق ده، ولهذا هم بالغريزة، ضد منظومات السودان المصري الانجليزي، الحالي، الكرتونية!!
لهذا بهتفو "لا احزاب" من منطلق وعي غريزي، وهذا قسما بخليني اطشم، من الفرحة!!
امنتو، بامون!!!!
| |
|
|
|
|
|
|
|
|
|
Re: ادعو دكتور القراي الي مناظرة حول تاريخ ثو� (Re: Bashasha)
|
| Quote: لما العميل علي ود سعد يصطف مع جيش الغزاة، انت عايز دولة الثورة تسوي شنو بالضبط، في صراع بقاء او فناء يا قباني؟ |
تسوي شنو ؟
تقتل الابرياء من طرف طبعا .. و تجوع العباد و تستبيح النساء .. عااادي
بالمناسبة ..
نعوم شقير طبعة كتابه جغرافية و تاريخ السودان كتبت مقدمتها البروفيسور فدوي عبد الرحمن علي طه ..
| |
|
|
|
|
|
|
|
|
|
Re: ادعو دكتور القراي الي مناظرة حول تاريخ ثو� (Re: يحي قباني)
|
الأخ الكاتب الكبير بشاشا
سلامات
ضاع مني كتاب ممتاز اشتريتو من مكتبة الساقي في لندن زمان .
الكتاب اتكتب باللغة الانجليزية . الكاتبو عمك اكرت والد المؤسيقار سليمان اكرت .
وعمك اكرت من المثقفين الكبار .
وهو دكتور في علوم الأقطان اشتغل في نورث كارولاينا وفي UK
والسودان .
وعندو في أمريكا وبريطانيا تجارب عديدة في تحسين نوعيأت الأقطان.
زول خبير زراعي قديم ومرجع.
كتاب عمك اكرت يا بشاشا بيتحدث عن نهضة مشاغل نسيج من الصوف وبعض من أنواع
الأقطان غير المحسنة في السودان زمان قبل المهدية.
الامريكان من سنة 1865 اكتشفوا إمكانية زراعة القطن .
وفكروا في عمل مشاريع زراعية في شمال السودان.
بعد ما شافوهم أهل حضارة زراعية قديمة .
ونشاط .
الحاجة دي خلت الامريكان يفكروا في مساعدة الأهالي في تطوير النسيج .
نسيج الصوف وجلب علاجات للجمال .
وقام شغل وحصل شوية استقرار وإنتاج زراعي .
جات المهدية وتوقفت المشاريع الأمريكية.
يعني المهدية جاطت النهضة .
وخلقت عداوات ما كانت موجودة بين المزارعين والرعاة .
كتاب صغير فيه حقائق يهضمها العقل .
غايتو نشوف كتاب أخونا القراي له التحية .
تحياتي أخي بشاشا .
| |
|
|
|
|
|
|
|
|
|
Re: ادعو دكتور القراي الي مناظرة حول تاريخ ثو� (Re: Osman Musa)
|
Quote: نعوم شغير ماصدق او راح جاري جري لي دولاب "المناهج"، او راح مطلع مقرر التاريخ، او رصا فيهو خطابك ده، اعلاه، انتا والقراي!!!!!
اذن ياعزيزي باختصار شديد جدا، انت بتردد في مفردات، ادبيات، خطاب، قلم مخابرات جيش كتشنر!!!!
والا قول لي، وهذا مثال فقط:
لما العميل علي ود سعد يصطف مع جيش الغزاة، انت عايز دولة الثورة تسوي شنو بالضبط، في صراع بقاء او فناء يا قباني؟
|
الحبيب بشاشا
كتبت مداخله امس ولكنها اختفت
كتبت عن عدم الامانه العلميه كذب وتلفيق القراى بان دوله المهديه قتلت 12 مليون فى ظرف 14 سنه يعنى ما يقارب المليون سنويا الظاهر عليهو ما عارف المليون دى فيها كم صفر...
يا بشاشا اشكرك على هذا البوست وعلى التفريق بين ما هو وطنى وماهو حزبى؟ للاسف الشديد بعض المقثفاتيه لا يفرقون بين المهديه والتى هى ثوره تحرر سودانيه ضد القهر والاستعمار وبين حزب الامه القومى
والانكى والامر يتركون كل المؤرخين السودانين ويستدلون برجال المخابرات من امثال نعوم شغير اى والله رجال مخابرات عدييل ويعملون لصالح دولهم...
الدوله المهديه واجهت تمرد داخلى مسلح مسنود من الخارج قبل اكثر من ميه سنه حتى بقوانين اليوم كلنا او معظمنا عاصر رد القوى العظمى على اى عمل مسلح ضد الدوله...امثال على ود سعد يعدم لو كان مواطن امريكى او كندى اليوم..
نقطه اخيره
حزب الامه جزء من الوطن وتاريخه ولكنه ليس الوطن وتاريخه
دودى
| |
|
|
|
|
|
|
|
|
|
Re: ادعو دكتور القراي الي مناظرة حول تاريخ ثو� (Re: بدر الدين الأمير)
|
| Quote: بي فهم اجدادنا "المهدي" بيظهر دوريا، في ثانية بعينها |
اهلا ببشاشة
يجب اعادة النظر في التاريخ بشكل دقيق ومحايد.
المهدية "راكوبة ملخلخة ومنهارة"، و من الصعب الافتخار بها .
يمكنك ان تناظرني في هذا الامر الثقافي الوطني لو اردتْ.
لكن استنادا على ماكتبه المهدي.
بالنسبة اليك المهدية لا تُفهم كما يفهمها الوطنيون،
فانت تفهمها استنادا على عقيدتك وديانتك الكوشية الجديدة.
| |
|
|
|
|
|
|
|
|
|
Re: ادعو دكتور القراي الي مناظرة حول تاريخ ثو� (Re: Bashasha)
|
اقصد موضوع عقلية، وذهنية العداء لثورتنا الام!
الصراع مابين "جلابة" او "غرابة" بي كروباوي عصرنا، حقيقة قديم جدا، جدا، جدا، في تاريخنا اعترف، وهذه حقيقة!!!
هذا يعود للاسرة الخامسة في كمت لو بتصدقو اي القرن ال25 ق.م وحتي القرن 24 ق.م!!
| |
|
|
|
|
|
|
|
|
|
Re: ادعو دكتور القراي الي مناظرة حول تاريخ ثو� (Re: Bashasha)
|
غرضي في الزمن دااااااااك، فعلا حصلت مواجهات في الشارع ما بين اهلنا من كمت " اي مصر" واهلهم من السودان الحالي!!!
نعم "اولاد بحر" المتداولة اليوم، في اوساط اهلنا في غرب السودان، للاشارة للاشارة لاهلهم في الشمال، هناك ما يدل انو قديم جدا جدا!!!
مع انو مفهوم/مصطلح "اولاد البحر" بصفة عامة ارتبط اكثر ب"التاماهو"، اي امثال الطرمبة، بتاع امريكا، اللي ظهرو في تاريخنا عراة، الا من قطعة جلد تور، كثيف الشعر، يغطي العورة، وهكذا تنميط من اجدادنا لامثال الطرمبة، تبلور بعد تحرير كمت من الهكسوس، بالذات الاسر 18، 19، 20!!
| |
|
|
|
|
|
|
|
|
|
Re: ادعو دكتور القراي الي مناظرة حول تاريخ ثو� (Re: Bashasha)
|
اذن اعترف الحساسية دي، مابين اقصي الشمال بعامة وجنوب الجيلي بعامة، ما حاجة جديدة، وهذا مفتـــــــــاحي، لو نعلم!!!
اذن خطاب العداء لثورتنا الام، للاسف هو تسميع لي انشا، منشورات مخابرات جيش كتشنر للاسف الشديد، انطلاقا من تصورات مسبقة، ناجمة تاريخيا كما اشرنا قديم، خالص، خالص، ولاعلاقة، لهذه التخرصات، بالمنطق، او الحقائق المتجردة فيما اتصل بي انجاز ثورتنا الفريدة بحق، المعجزة بحق!!!
لاحظو من الجانب الاخر، رواد الثورة دي هم اهلنا، في غرب افريقيا!!!!!
كلام مساطيل، مش، من المخرف بشاشا، مش؟
نعم يا احبابي، الثورة دي اصلا انطلقت في غرب افريقيا، وروادا هاجرو الي ارض اجدادم، جاهزين، جاهزين، اي ارض السودان الحالي، بانتظار بذوغ/شروق/ظهور نجمة الثريا تحديدا، المنصوص عليها في تقويم اجدادنا، الكوشيين، منذ عشرات، الاف السنين!!!!
ده هو احد اسرار نجاح هذه الثورة، وهذا غير مطروق!!!!
نعم جنود الثورة دي جو جاهزين من برة!!!
ناس جوا من امثال بشاشا كانو بعيدين كل البعد عن هكذا وعي،!!!
هذا بعد اخر للعداء من امثال بشاشا للثورة دي، المعجزة بحق!!!
واضح للكل، نحن لا نفقه،" شروي نقير" عن ارثنا الحضاري كسودانيين، او ده ماصدفة اطلاقا!!!!
ده بفسر، ليه ده حالنا اليوم، ليه؟
نعم هذا يثبت العلو الشـــــــــــاهـــــــــق، الجينا واقعين منو، وكنتيجة العنقريب بتاع وعينا، اتفرطق، حتة حتة، لانو الجبل الجينا مهوين منو، كان شاهق خلاص!!!
| |
|
|
|
|
|
|
|
|
|
Re: ادعو دكتور القراي الي مناظرة حول تاريخ ثو� (Re: Bashasha)
|
الحبيب دودي يامراحب،
قبل ما اواصل مع العزيز دودي، حبيبنا القارئ، هل انتبهت لي صيغة "الحبيب" في مفردات ادبيات، خطاب ثورتنا الام؟
يالهي!!!
هل ده صدفة، ام هذا هو ذبدة وعصارة ما تطلعت ثورتنا الي تقديمو؟
بالذات لما نضع في الاعتبار، كيف ما كان هناك وجود لي حاجة اسمها سودان، خالص، خالص، خالص، في وجدانا المتورك، نعم في سودان مثل اكبر مزرعة لتربية وبيع البشر، كبضاعة، كما كرشة الخنزير، بالاقة والكيلو!!!!
وكنتيجة الي اليوم السودان المازال مصري، هو عاصمة كراهية الذات في العالم باسره!!
تخيلو ثورة، في لمحة عين، حولت علاقة مرذولة زي دي، فيما بينا، كمستعبدين، لنخاطب بعض، فجاة بي صيغة "الحبيب" تخيلة، مش "الاخ" او "الزميل" او "الرفيق"!!!!
خلوني ارجع للحبيب دودي،
ياعزيزي، وياللعار، القراي، للاسف وعيو "جـــــــلابي" صرف، ياللفضيحة!!!!
معقولة؟
انسان بمثل هكذا وعي جهوي يكون هو مقرر المناهج، يا للهول؟
معقولة؟
او كمان في نظام اتت به ثورة، اصلا قامت ضد هكذا وعي؟
طبعا، منظومات الاحتلال الثنائي، اطلاقا مافاهمة طبيعة ورسالة هذه الثورة، اللي قامت لدك حصون تراش الوعي الجهوي تحديدا!!!!
لوما كده لما نجحت اطلاقا!!!
هي نجحت، لانو الجيل الراكز، جدع كرور، خبوب، الوعي الجهوي، القبلي الذكوري، في التراش، وهتف للمرة الاولي "كل البلد دارفور"، بزعامة ســــــــتهن، ســــــتهم!!!
للاسف القراي لايفقه ايا من هذا علي الاطلاق، كماغيرو، من بوابين ع الناصر، او سفرجية صدام، اللي جو كبديل لي بوابين الهضيبي، يالسخرية الاقدار!!!!
نعم القراي، وهذا تحدي، او من دون ما اكون قريت شولة واحدة، ينطلق فيما كتبو، كماغيرو، في عداؤو لثورتنا الام، من مرجعية خبوب الوعي الجهوي الجلابي، اللي صاغو الاحتلال، لدك حصون خطاب ثورتنا الام، المثلت خطر، ماحق، ساحق، استدعي تكاتف وتحالف اوربا كلها، بل العنصر القوقاذي باسره، لدرجة، المسيحي "الكافر" جا قالد المسلم علي اساس العرق، وهذا نادر جدا، ولم يتكرر قط، دون ادني اعتبار لمسلمي، او مسيحي السودان، اللي نهاية اليوم بالنسبة ليهم حتة "ذنوج" والسلام!!!
ليه؟
لخطورة هذه الثورة، اللي انطلقت من غرب افريقيا، لانها كانت كفيلة، باستعادة الانسان الاسود، لوعيو المغيب منذ مئات السنين، او بي كده تخرج افريقيا المحتلة، المكبلة، عن الطوع، او تكسر اغلال العبودية علي مستوي الوعي للمرة الاولي!
نعم هي كانت ثورة/حراك/ بعث روحي، مش قومي او عرقي ولكن المعسكر الاخر مابفهم المسائل كده اطلاقا، كقاعدة!!
| |
|
|
|
|
|
|
|
|
|
Re: ادعو دكتور القراي الي مناظرة حول تاريخ ثو� (Re: osama elkhawad)
|
| Quote: المهدية "راكوبة ملخلخة ومنهارة"، و من الصعب الافتخار بها . |
سلام ياخواض، أو مشناغون،
ظني فيك ماخاب!!
توقعتا ده يكون رايك، وهذا زي ما قنا مشكلة كبيرة، عميقة، مركبة متجذرة!!!
اذن ماصدفة انك تسمع الخطاب بتاع قلم مخابرات كتشنر، بالذات انك جعلي أو كده!!!
رجاءا ياخواض، اثبت انو كلامنا ده خطأ!
نعم أثبت تصورك المسبق اعلاه، بتاع نعوم شغير اللبناني، بما انك مغرم بي لبنان واللبنانيين، لمن مرقتها في لبنان!!!
بي مناسبة لبنان، ياخواض، هل تعلم ياخواض، جدنا اوسار، امنا الست جابت جنازتو من لبنان اليوم؟
هل بتصدق؟
اذن ورينا ماخذك علي ثورتنا اثبتا ومن هنا نبدا.
سلامي ياصديق.
| |
|
|
|
|
|
|
|
|
|
Re: ادعو دكتور القراي الي مناظرة حول تاريخ ثو� (Re: Bashasha)
|
يا بشاشة بعد التحية والتعبير عن الاشواق
كما قال احمد محمد عمر برجاحة عقله الثاقبة انك تتناول الامور بشكل غير تاريخي.
تسقط الواقعة التاريخية حتى تلائم مخططك الكوشي البروكروستي:
المهدي كانت له اطماع استعمارية توسعية لكي يحكم العالم كما يتصور مركزه في مكة المكرمة.
المهدي وخليفته يتحملان وزر الدم السوداني المهدر عبر سوقهم لعامة الناس الى جحيم المدافع،
لكي يتساقطوا كالذباب، في مجانية تحرق القلب والروح .
| |
|
|
|
|
|
|
|
|
|
Re: ادعو دكتور القراي الي مناظرة حول تاريخ ثو� (Re: osama elkhawad)
|
لقد استخدم المهدي الحضرة النبوية لاثبات مهديته واغراء الآخرين بالانضمام اليه عبر تعيينهم "وزراء " له ، من خلال تقويل النبي ص:.
اليك ما حاوله لكي يجتذب محمد المهدي السنوسي الليبي ، عبر فبركة "حضرة نبوية" كالآتي:
Quote: ثم حصلت حضرة عظيمة عيّن فيها النبي صلى الله عليه وسلم فيها خلفا اصحابه من اصحابي،
فأجلس أحد أصحابي على كرسي ابي بكر الصديق ،وأحدهم على كرسي عمر ، وأوقف كرسي عثمان فقال هذا الكرسي لابن السنوسي |
اللييبي لم تفته هذه الحيلة المفبركة.
| |
|
|
|
|
|
|
|
|
|
Re: ادعو دكتور القراي الي مناظرة حول تاريخ ثو� (Re: osama elkhawad)
|
المهدي وخليفته يتحمّلان وزر الدماء المجانية التي ازهقت بناء على "غسيل ادمغة" الدراويش، عبر الايحاء بان الملائكة والجن والرسول ص والاولياء ، يقاتلون معهم ...
ما هو دليلنا ؟؟
منشور للمهدي يحرم الزوغان من الرصاص ؟؟؟:
| Quote: حكى بعض الاخوان عن الحرابة ، انه زاغ من رصاصة،وتذكر توحيد الله وقيامه بكل شأن فاعتدل وهجم على الاعداء بقوة صدق الايمان حتى فرغت الحرابة فرأى عجايبا من اكرام الله للقايمين بنصرة دين الرحمن |
وواصل خليفته التعايشي من بعده غسل ادمغة المساكين :
| Quote: فلا زال عزرائيل عليه السلام حامل راية النصر، ولازال المصطفى عليه الصلاة والسلام مقدم الجيش.وكذلك إمداد الله تعالى للمؤمنين بملائكته وجنّه وأوليائه لم ينقطع . |
| |
|
|
|
|
|
|
|
|
|
Re: ادعو دكتور القراي الي مناظرة حول تاريخ ثو� (Re: osama elkhawad)
|
Quote: المهدي وخليفته يتحملان وزر الدم السوداني المهدر عبر سوقهم لعامة الناس الى جحيم المدافع،
|
كل الثوره المهديه من مرحله الدعوه الى الدوله مافيها اى ايجابيه الا الدم المهدر بواسطه جحيم المدافع؟؟؟؟؟؟
ثوره اعترف بفضلها الاعداء قبل الاصدقاء ...ثوره ركعت وهزمت الامبراطوريه التى لا تغيب عنها الشعب وثوره رسمت حدود السودان الحالى ده
فى نظرك ما عندها اى ايجابيه
ثوره وحدت وجدان الشعب السودانى فكان الامام المهدى من الشمال وعثمان دقنه من الشرق والخليفه عبدالله بن محمد ممن القرب و وعلى ود حلو من الوسط لاول مره فى تاريخ السودان
قايتو اللهم اجرنا فى مصيبتنا اذا كان مثقفاتينا لا يفرقون بين تاريخ الوطن والايدلوجيه الحزبيه الضيقه
انا محمد دودى
اعتز بثوره على الميراوى وثوره الشلك ومملكه الداجو ودارفور ونبته وعلوه وبنعانخى وتهراقا ومملكه سنار وكل الحضارات والممالك القديمه لانها جزء من تاريخ السودان والتى اصبحت جزء من هويتى
دودى
| |
|
|
|
|
|
|
|
|
|
Re: ادعو دكتور القراي الي مناظرة حول تاريخ ثو� (Re: Mohamed Doudi)
|
منتصر تحياتي، أو مرحب بيك،
مافهمتا كلامك، كيف عداء القراي لثورتنا آلام يكون عندو صلة بي مشكلتو مع زول تاني.
غايتو فضيحة واحد بي زي عقلية القراي دي، يكون مقرر مقررات!!!
بالذات كونو وصل موقعو ده راكب حصان الثورة!!
والاعجب ماقريتو هنا، في المنبر ده انو ياللهول قرر وحده لاشريك له، يشيل حقبة مؤسس السودان، من المقرر، والرجل هو والد مايسمي الان سودان!!!
هذا يثبت كيف النظام الحاكم ده، يا للمغسة، فعلا لا يزال نظام جلابة مركز أو مجولبين هامش!!!
| |
|
|
|
|
|
|
|
|
|
Re: ادعو دكتور القراي الي مناظرة حول تاريخ ثو� (Re: Bashasha)
|
| Quote: ازدهرت تجارة الرقيق في عهد الثائر الكوشي المهدي !!! |
سلام ياخواض:
حنمسك كلامك، جملة، جملة:
اولا هي ما "تجارة رقيق" كماعبرتا بأريحية شغل تسميع، يعري جانب مظلم في تفكيرك كجلابي!!
لانو احنا كسودانيبن ما "رقيق" كما نمطتا، وهذا كود طبعا في الوعي الجلابي، البنظر لغير الشماليبن ك"رقيق", بالميلاد!!
اذن هو استرقاق لنا بواسطة الغزاة، بالذات في الشمال قبل وباكثر من اي مجموعة اخري في السودان!!
اها، شايف اتعريت كيف؟
اتنين، اذا الثورة اشتعلت ضد من استعبدونا فهذا يثبت اذا اصلا محتاجين لي اثبات، انها كانت ثورة تحرر، وبشهادة قايد المعسكر الاخر، ذات نفسو، رئيس وزراء بريطانية!!
كونو عملية الاستعباد كانت متداولة في ايام الثورة، فهذا يثبت فقط مدي ضخامة تجذر وانتشار، هكذا اسلوب حياة اتفرض علينا بواسطة مستعمرينا، بطول وعرض قرون سابقة للثورة!!
فهذا يثبت مرة اخري مدي عظمة الانجاز الاسطوري الخرافي لهذه الثورة، اللي هزمت اوربا مجتمعة، أو معاها الخديوية الكانت قوة موازية لي أوربا بي حبة سيوف عشر، في ايدي ضحايا عبودية!!
نعم ان تهزم تشاد، كمثال عشان نقرب الصورة، وحدها لاشريك لها، امريكا والاتحاد السوفيتي في ان معا، وباسياف عشر، رغم انف واقع الاستعباد الممتد لقرون في تشاد، فهذا خرافي ولم يتكرر قط!!
ده معجزة!
ده اسطوري!
ده خرافي!
هذا كله، بشهادة اعداءنا وبالذات جنودم تحديدا!!
واضح للكل هنا، كيف قراءة كل منا، احنا الاتنين لذات المشهد مختلف اختلاف جذري، لانو منطلق كل منا، خطان متوازيان لايلتقيان!
بشاشا، طرحو متحرر تماما، وينطلق من مركزية سودانية، أما الخواض، فللاسف فجندي في ذات فيلق مكدونالد، اياهو، من السودانيين الكانو مستعبدين!!!
| |
|
|
|
|
|
|
|
|
|
Re: ادعو دكتور القراي الي مناظرة حول تاريخ ثو� (Re: Bashasha)
|
| Quote: المهدي كانت له اطماع استعمارية توسعية لكي يحكم العالم كما يتصور مركزه في مكة المكرمة. |
لاحولا!!!
ده كلام ياخواض، شغل ماري انطوانيت هذا الانصرافي؟
معقولة، قضيتك فجأة بقت كيف تحمي العالم من طموحات سوداني مثلك، أو مش ماذا فعلت طموحات مستعمرينا بامثالنا عبر القرون؟
معقولة؟
ياعزيزي، اذا الاحتلال، الاستعمار، الاستعباد هو دين وديدن عالم اليوم، واللغة المابفهم غيرا، فالاشكال وين لو فكرنا بذات الطريقة كرد فعل، وخاطبنا عالم اليوم باللغة المابفهم غيرا من باب الدفاع عن انفسنا؟
الأشكال هنا، وين، اذا المنطلق هو دفاع عن النفس؟
من الجانب الاخر، بالنسبة للمهدي كصوفي الموضوع ماكده اطلاقا، لانو كسوداني، في ارثو الحضاري لاوجود لتفكير كهذا، امبريالي استعماري!
فالمنطلق هنا، روحي أو ده هو، دور "اوسار" تاريخيا منذ فجر الخليقة، نعم منذ كنا وحدنا لاشريك من حيث الوجود في هذا الكون، لنا!!
فعلا، المابدورك، في الضلام بحدر ليك!!
زي ماقنا، هو تصور في ذهنك، عدايي مسبق أو من منطلق جهوي للاسف، لثورتنا الام ولهذا بتكوس باي طريقة تدين ثورة انتا ضدها، بغض النظر، شغل تمرير، تبرير لي تصورات مسبقة!!
| |
|
|
|
|
|
|
|
|
|
Re: ادعو دكتور القراي الي مناظرة حول تاريخ ثو� (Re: Bashasha)
|
Quote:
لقد استخدم المهدي الحضرة النبوية لاثبات مهديته واغراء الآخرين بالانضمام اليه عبر تعيينهم "وزراء " |
عيييييك!
ياخواض،
ماالمانع ان يبرع الامام في مخاطبة قومو وفق معطيات مرجعية الوعي المتداول حينها؟
واضح انو نجح، نجاح باهر!!
اذا ده حصل، والعبرة بالنتيحة، فهل هذه جريمة، أو منقصة، ام عبقرية؟؟
الامام المهدي لو جينا نلخص عبقريتو في جانب واحد، فهذا تمثل في قدرتو الخارقة، الخلاقة عكس الخليفة، في قراءة، مخاطبة، ثم الولوج الي العقل الجماعي الماثل حينه لدي شعبو بي صورة "لدنية" خارقة بحق!!!
ده، ماشي ساهل اطلاقا!!
نعم ليس من السهل قراءة، ثم مخاطبة العقل الجماعي السايد في عصر بعينه بين أفراد شعب بعينه بالسرعة، بالسهولة، باليسر اللي انجزو الامام!
هذا ماامتاز به الامام المهدي، وهذا هو تعريف قايد بمعني المفردة!!
في عصرنا، نجد ديمابور كمثال امتاز بهذا، رغم انف جدران، حيطان، جبال العزل الكانت مضروبة حولو!!
اذن عجيب جدا، مثل هكذا ماخذ، علي محمدة، وصفة نادرة!!
تفكيرك، للاسف مثالي، انتقايي، لابعد حد!
ده غير التحامل المسبق من جانبك، للاسف كجلابي!!!
| |
|
|
|
|
|
|
|
|
|
Re: ادعو دكتور القراي الي مناظرة حول تاريخ ثو� (Re: Mohamed Doudi)
|
| Quote: للاسف الشديد بعض المقثفاتيه لا يفرقون بين المهديه والتى هى ثوره تحرر سودانيه ضد القهر والاستعمار وبين حزب الامه القومى |
دودي سلامات وعوافي
وهل حزب الامة القومي يفرق بين الحزب وطائفة الانصار رمز ثورة التحرر كما تفضلت؟
هل الحزب لا يتاجر سياسياً بتاريخ الثورة المهدية؟؟
| |
|
|
|
|
|
|
|
|
|
Re: ادعو دكتور القراي الي مناظرة حول تاريخ ثو� (Re: Bashasha)
|
ذكرني الأخ العزيز دودي بحال ذلك الزول المشى لعرضحالجي لكتابة عريضة, فلما تلى عليه العرضحالجي ما كتب اجهش بالبكاء قائلا: ما كنت عارف نفسي مظلوم كده!!
ليس دودي فحسب وانما لو جاء محمد احمد المهدي بنفسه لاجهش باليكاء في هذا المقام الكوشي المسحور, و لقالد حفيدو بشاشا طويلا قبل ان يقول: انت اوسار ده منو؟
وكما ذكر الأعزاء هنا ان العزيز بشاشا في تهاويمه الروحانية الكوشية ينطلق بلا هواده في طيران شراعي حر خالي محطات, بلا منهجية ولا التزام بادنى معايير المنطق المتماسك.
بشاشا لا ينظر للظاهرة ثم يتتبع جذورها. بشاشا زي الدجاجلة والعشابين الفارشين في في الأسواق ديلاك وعاوزين يبيعوا ليك دواء بلدي او محايه لعلاج السرطان. ما بهمهم السرطان ده شنو ولا كيف بقدر ما يهمهم بيع المحاية لانها بحسبهم محايه ممتازة جدا والفكي العملها كان لابس طاقية طويلة كمان.
| |
|
|
|
|
|
|
|
|
 Re: ادعو دكتور القراي الي مناظرة حول تاريخ ثو� (Re: محمد حيدر المشرف)
|
Quote: وكما ذكر الأعزاء هنا ان العزيز بشاشا في تهاويمه الروحانية الكوشية ينطلق بلا هواده في طيران شراعي حر خالي محطات, بلا منهجية ولا التزام بادنى معايير المنطق المتماسك.
بشاشا لا ينظر للظاهرة ثم يتتبع جذورها. بشاشا زي الدجاجلة والعشابين الفارشين في في الأسواق ديلاك وعاوزين يبيعوا ليك دواء بلدي او محايه لعلاج السرطان. ما بهمهم السرطان ده شنو ولا كيف بقدر ما يهمهم بيع المحاية لانها بحسبهم محايه ممتازة جدا والفكي العملها كان لابس طاقية طويلة كمان |
إنا لله يآخ..
ابدعت واجدت إختصار النظرية البشاشوية..
أنا يعجبني بشاشا الجلابي وقت يتماهي مع his people من اجل ضمان استمرار دوران الحبرتجة والإستهبال الإقطاعي الطفيلي في حلقة مسار بناء الوطن السودان..
والا كيـف بربك يعني بتجي انت يا قراي بتتكلم في " الدنقلاوي " محمد احمد .. وبغض النظر عن مهديته الاسلاموية أو دجله وخزعبلاته الخيالية لتحشيد التباع..
لكن في نظرية بشاشا حا يلقى ليها مخارجة بي باب من أبواب الأساطير الكوشية..
والمسألة ساهلة..
زي الاعجاز العلمي في القرآن..
قول لي شئ وانا بأولها ليكن من النص..
وهكذا :)
| |
|
|
|
|
|
|
|
|
|
Re: ادعو دكتور القراي الي مناظرة حول تاريخ ثو� (Re: محمد حيدر المشرف)
|
سلام للجيمع ولصاحب الطرح بشاشة
كنتُ اتحاشى الولوج داخل الطرح له أنه أتى من قبل انسان تنفر منه نفسي (بشاشة) وجه فيه الدعوة لانسان آخر (القراي) يجب الفرار منه كما يفر الصحيح من الاجرب
ولكن راودتني نفسي اللوامة ودخلتُ متسللا وفي حياء
ولكن عندما اكتشفتُ ان المعني بالحوار هو محمد احمد المهدي
ما كان لي من خيار إلا الوقوف مع الحق والحقيقة وهي اول مرة اجد نفسي خلف بشاشة
شئ مؤسف حقاً ان لا يُعطى هذا القائد الفذ حقه في وطنه
وشئ مؤسف حقا ان يكون الحكم على ثورته من بعد طائفي حزبي قبلي
يكفي المهدي فخرا واعجازا انه كون اول دولة تنال الاستقلال من التاج البريطاني في خواتيم القرن التاسع العشر
ويكفي المهدي ان هزم غردون باشا الذي دوخ الشرق الاقصى بلاد الصين والهند
ويكفي المهدي انه كتب الراتب
وانصح كل منصف ان يقرأ راتب المهدي قبل ان يخط حرفا في حقه
ويكفي المهدي فخرا ما كتبه عنه جنديه بابكر بدري في كتابه تاريخ حياتي
واجمل ما اشار اليه ان المهدي قائلاً في الجزء الاول صفحة ٦٤:
Quote:
في ليلة الجمعة سمعنا ان المهدي سيزور الخرطوم ضحى يوم الجمعة الموافق ٢٠ ربيع الثاني ٦ فبراير ١٨٨٥، فنزلت فيمن نزل إلى النيل للقائه فجاء وخاض إلى الشاطئ كغيره ثم ركب حصانا اسود وسرنا خلفه مباشرة فوجدنا ابراهيم ضرار ابن خال احمد سليمان المحسي امين المال صعد المهدي السلم وصعدنا معه وكنتُ ملتصقا بصفحته وما ان فتحت له الغرفة المحفوظ فيها الذهب والحلي والسبائك اكواما توهج الذهب والتفت المهدي عنه بسرعة البرق وصد عنه راجعاً.
فتذكرت بيت الالبصيري التي جاء فيها:
وراودتهُ الجبالُ الُشُّمُّ من ذهبٍ
عن نفسهِ فأراها أيما شممِ
|
Quote:
اما في صفحة ٦٢ من الجزء الاول قوله:
ان بنت ابي السعود باشا التي كانت شابة بكر عندما رأت شبح حرابنا جرت حتى دخلت (المرتفق) اي المرحاض وقفلته عليها. وقلنا لها : " اررجي نحن اولا بلد نحفظك ولا نؤذيك عليك امان الله ورسوله والمهدي" فوضعناها في مكان آمن.
|
في صحفة ٥٨ جاء قوله قبل هجومهم على الخرطوم :
Quote:
خطب فيهم المهدي موصياً: " إذا فتح الله عليكم فغردون لا تقتلوه، والشيخ حسين مجدي لا تقتلوه، والفقيه الأمين الضرير لا تقبتلوه" ولهم رابع نسيته ولكن من تجدونه في خط النار اقتلوه.
|
نظرنا كيف يعفُ عن المال وكيف يحمي قادة العدو
وكيف يعامل جنوده نساء اعدائه، لنرى كيف عامل المهدي النساء في فتح الخرطوم جاء ذلك في صفحة ٦٥ من الجزء الاول كذلك:
Quote:
عندما خرجنا من باب سور بيت المال حيث حفظت الغنائم قابلته امرأة تبكي وقالت له: " يا سيدي المهدي ابنتي باطفالها في الزريبة، وهم متعبون إاذن لي بأخذها"
فسألها ما هي الزريبة ؟
قالت : المكان الذي جمعت فيه النساء بالخرطوم" فطلب من احمد سليمان ان يصطحبه إلى هناك: ولما قربنا منها سمعنا ضجة كبيرة وعند وصولنا امر المهدي احمد سليمان قائلاً:
يا احمد كل كل هولاء الحريمات يوزعن قبل غروب الشمس فمن عرفها احد تسلم له والشابات ممن لم يعرفن احدا ولا يعرفن احدا زوجوهن".
ومن هذه نرى عفة المهدي من المال والنساء يكفيه شرفا وزهدا ان مقبولة ولادة السيد عبدالرحمن لمن يكن لها حظ من الجمال إلا حظ الكاتب الصحفي اسحاق فضل الله من الجمال
|
المهدي بكل اسف لم يجد الانصاف في بلده وهذه شيمة انسان السودان ظلوما جهولا
لهذا اوصي كل قارئ مكررا الوصية بقراءة راتب المهدي ليرى اي الرجال كان هذا الانسان
وحقيقة انه من المؤسف أن من آتي بعد المهدي من ابنائه واحفاده وانصاره لم يرتق حتى لاول سلمه فما بالك ورفعته التي ارتقت مكانا عليا
| |
|
|
|
|
|
|
|
|
|
Re: ادعو دكتور القراي الي مناظرة حول تاريخ ثو� (Re: Ali Alkanzi)
|
الاخ علي الكنزي سلامات
انت بتنتقد محمود محمد طه وشايل حاله بكونه حالة دجل واستهبال وغيرك بيكفره عديل
ودا بناءاً على تأويل وتفسيـر فكرته..
وتغض الطرف عن الدجل والخرافة والاستهبال المعلن الصحي صحي بتاع محمد احمد الدنقلاوي وتشكر لينا فيهو عشان قسم ابكار وشابات المسلمين على حاشيته !!
مع انه الاتنين مظهر للسلفكة .
جاء في الاثر
عين الرضاء عن كل عيب كليلة .....
تحياتي
| |
|
|
|
|
|
|
|
|
|
Re: ادعو دكتور القراي الي مناظرة حول تاريخ ثو� (Re: Abureesh)
|
| Quote: محمد احمد الدنقلاوي |
حبيبنا حيدر .. تحياتي ياجمل
كما يقول أهل الخليج ( والنعم فيه ) وانت ( ماعليك زود )
هههههههه يا جميل يا أخي نحن ملوك من زمان
بس عندنا ناس المهدي في جزيرة لبب اسمها كمان ( جزيرة الاشراف)
لم تكن لديهم ساقية أو أملاك يعني نخيل وزراعة والده كان نجار وده كان نوع من دونية وسط أهلنا
زمان .. أما بالنسبة لدعوة المهدي كما تعلم التدين كان عندنا نادر جداً
والناس عندنا كان يستخدموا إعمال العقل في أي حدث ده نظام الترابلة كده
حتى شرب العرقي زمان كان مبرر ( والى يوم حتى في النكات تسمع واحد حلفاوي واحد دنقلاوي .. الخ)
إلا أهلنا البديرية والدهامشة طبعاً اصول عربية والبعض لسان عربي كان لديهم القباب والمشائخ
المهدي لو جلس عندنا يتلكم الف سنة ما كان في واحد يسمع كلامه أو يصدقه
الحبيب حيدر ( في كلام مهم جداً لا يعرفه إلا اهل المنطقة ) وتقول الرواية المتناقلة :
وهذه الروايات لم تذكر في كتب التاريخ وهي أن ودنميري كان رجل متسلط
في تلك المنطقة من دنقلا كان يفرض اتاوات ورسوم على المراكب التي كانت تبحر من كريمة والخندق الى دنقلا
وهو جد الرئيس النميري يرحمه الله ( شدة وغلظة نميري موروث جيني من جده )
ومازال قصره موجود على ضفاف النيل ونميري أعاد ترميمه وكان رجل طاغية وذو بأس شديد
قالوا اختلف مع والد المهدي وأصدر له انذار بمغادرة جزيرة لبب
فكانت هجرة آل المهدى من دنقلا ( لبب) بالمراكب الى عكس تيار النيل جنوباً
طبعاً القصة سماعية ولكن تاريخ المهدية ليس ببعيد
وهذه القصص موثقة في حكاوي الاجداد ..
ومعروف ودنميري بالدنقلاوية ( نميرنتود) كان رجل شديد البأس
المشكلة عندنا الباحثين لا يقوموا بزيارات ميدانية للمنطقة فقط تنظر من المكاتب
وهذه الرواية 100% سبب هجرة أسرة المهدي من لبب هو ودنميري والقصة معروفة
لدينا ..
وأكرر أن طريقة دعوة المهدي لن يكن لديه أتباع عندنا في منطقة دنقلا لأن الموضوع لدى أهلنا كان مختلف
والمجتمع الزراعي مختلف عن المجتمعات الاخرى .. كما ذكرت لك وبكل وضوح حتى الناس كان لديهم
تبرير في تناول الخمر كما كان يقال فيه ( أذا انت تقدر تتحمل ما في مشكلة .. يمكن ان تشرب ولكن تحافظ
على الاعراض وعدم الاعتداء وتلفظ ... الخ ) اذا لم تكن من هذا النوع من الرجال ( حرام عليك الشرب)
هذه كانت فكرة في عقول الناس لم يتم البوح بها علناً ولكن تصرف وسلوك هو ( إعمال العقل ) تقريباً
ما متأكد من المصطلح ..
تأكد المهدي لو عندنا جلس يدعو الناس الف سنة لم يكن أحد يستجيب له الترابلة رأسهم قوي
تحياتي الزول الجميل حيدر .. نميري والمهدي ( هههههه شوف ملوكنا كيف )
تحياتي بشاشا أمبس .. معليش صرحت ببعض المسكوت عنه عندنا
ما راجعت عشان ما أعدل عفواً للاخطاء الاملائية
والكتابة فيها نوع من العشوائية بدون ترتيب فقط الحقائق هي الهدف
| |
|
|
|
|
|
|
|
|
|
Re: ادعو دكتور القراي الي مناظرة حول تاريخ ثو� (Re: علي عبدالوهاب عثمان)
|
الرد ادناه
اخص به الاخ علي عبدالوهاب
وبقية المتداخلين
وهو مأخوذ من الويكيبيديا
وهذا ما يهدم قول الاخ علي لأن المهدي عندما هاجر ابوه لكرري كان طفلا لم يبلغ الحلم بعد
كما ان اهل الشمالية نصروا دعوته
ولكن لا يعيب المهدي ان لم يجد انصارا من اهل الشمال ووجدهم في الجنوب
وهذا ما وقع لرسول الله فلم ينصروه اهل مكة ولكنه هاجر ونصره اهل المدينة
واليكم ما جاء في الويكبيديا
Quote: ولده ونسبه[عدل]
ولد عام 1259 هـ وقيل 1250 هـ [5] الموافق عام 1843م وقيل 1844 [6] بجزيرة لبب بمدينة دنقلا في شمال السودان بجزيرة الأشراف، لأسرة من الدناقلة تنتسب إلى سلالة الحسن بن علي حفيد رسول الله - صلى الله عليه وسلم. الجدير بالذكر ان جده الشيخ حاج شريف بن علي (أبو العشرة جد المئة) كان قد ذاع صيته كرجل صالح في جزائر الاشراف بلبب هو مدفون بشرق جزيرة لبب فيما يعرف عند أهالي المنطقة باضرحة الاشراف. والده السيد عبد الله بن فحل اشتهر بحرفة صناعة المراكب وانتقلت إليه عمادة الأسرة الكبيرة بالتتابع من جده الشيخ حاج شريف بن علي اما والدته فهي السيدة زينب بنت نصر محمد الشقلاوي وترجع باصولها لقبيلة الكنوز بمنطقة " الشقالوة" بشمال السودان.[7] له ثلاثة اشقاء ذكور وهم بالترتيب : محمد (1834-1882) والذي توفي في موقعة تحرير مدينة الأبيض " ضد الاحتلال التركي المصري" .حامد (1839-1881) توفي في موقعة قدير في أوائل سنوات الثورة المهدية .عبد الله الشقيق الاصغر( 1855–1882) والذي توفي أيضا في موقعة تحرير الأبيض في العام 1882 مع شقيقه محمد وابن اخيه أحمد بن محمد. وللمهدي شقيقة واحدة وهي نور الشام( 1850-1880) زوجة الشيخ محمد العرضي الجعلي وتوفيت قبل قيام الثورة المهدية وليس لها عقب .[8]
نشأته وتعليمه[عدل]
نشأته[عدل]
انتقلت الأسرة وهو طفل إلى بلدة كرري شمال أم درمان حيث توفي والده بعد وصولهم بقليل ودفن في وادٍ عُرف باسم "وادي سيدنا" نسبة لوالدهم عبد الله وكلمة " سيدنا " تطلق في الأدب الشعبي السوداني علي الشيخ أو الفقيه صاحب الخلوة الذي يعلم طلابه القرآن الكريم والعلوم الاسلامية. وبعد وفاة والده كفله شقيقاه محمد وحامد واللذان استمرا في تجارة صناعة المراكب كشأن والدهما .ثم انتقلت الاسرة للإقامة بمدينة الخرطوم لوقت وجيز حيث توفيت والدتهم زينب بنت نصر ودفنت في الضريح القائم اليوم بالقرب من مستشفي الشعب التعليمي .[9]
تعليمه[عدل]
أبان محمد احمد عن شغف مبكر ونبوغ في تلقي العلم والتبحر في علوم الزهد والتصوف وشجعه علي ذلك شقيقاه ويسرا له السبيل فالتحق بخلوة الشيخ الفقيه الهاشمي بكرري وحفظ القرآن الكريم وهو في سن مبكرة . ومن ثم انتقل الي خلوة الشيخ الأمين الصويلحي بمسيد ود عيسي بالجزيرة حيث اصاب قدرا من العلوم الشرعية. ودفعه شغفه للمزيد من التحصيل الي الالتحاق بخلاوي الغبش بمدينة بربر (مدينة) فالتحق بالشيخ محمد الخير عبد الله خوجلي تلميذاً وهو دون العشرين.[10] ويصف الباحث المصري الدكتور عبد الودود شلبي فترة المهدي بخلاوي الغبش قائلا : " لقد ادرك في تلك السن المبكرة من العلوم ما لم يدركه لداته، فقد حفظ القرآن وجوده ولم يفته الصرف والنحو والفقه والتصوف والتفسير، واولع بالادب والعلوم العقلية فدرس الفلسفة والعلوم الطبيعية والمنطق وعرف الغزالي وابن رشد وابن سينا وغيرهم من علماء المسلمين، ووُجد بخط يده ما يفيد بانه قرأ نسخة من كتاب تفسير الجلالين أكثر من سبعة وسبعين مرة علي مشائخ مختلفين" ..ويتحدث الدكتور عبد الودود شلبي عن مثالية سلوك المهدي كتلميذ في خلاوي الغبش حين يقول : " كان لا يأكل من الطعام المقدم لطلاب الخلوة لأن مصدره من مال الحكومة التي تجمع اموالها عن طريق اثقال كاهل الاهالي بالضرائب الباهظة فيترقب رسالة اهله ليدفع عن نفسه غائلة الحاجة والجوع ثم ينتهي به الامر الي ان يتصدق بالمال كله ويعتمد علي نفسه بالخروج الي الغابة لقطع الاخشاب ويبيع ما يقدر علي حمله منها الي السوق فيأكل ببعض ثمنه ثم يتصدق بالباقي علي الفقراء".[11]
لقد كان لفت |
| |
|
|
|
|
|
|
|
|
|
Re: ادعو دكتور القراي الي مناظرة حول تاريخ ثو� (Re: Ali Alkanzi)
|
السلام عليكم الأخ على
| Quote: [وهو مأخوذ من الويكيبيديا/QUOTE] |
يعرف موقع ويكيبيديا نفسه بأنه:
ويكيبيديا هي موسوعة رقمية، متعددة اللغات، حرة المحتوى. يستطيع أي شخص التحرير فيها بدون تسجيل، ويستطيع أي شخص الاستفادة من المحتوى، واستغلاله بهدف تجاري أو غيره وفقًا لترخيص الموسوعة. هناك 317 نسخة من ويكيبيديا بلغة مختلفة. وفي النسخة العربية، يساهم أكثر من 5٬867 مساهما نشطا في كتابة ما يزيد عن 1٬119٬031 مقالة، ويجري آلاف الزوار، من مختلف أنحاء العالم، الكثير من التعديلات، وينشئون الكثير من المقالات الجديدة يوميًا.
الويكيبيديا موقع حر يستطيع أى شخص الكتابه فيه أو إضافة أى معلومة أو التعديل لا يسأل كاتبها عن صحتها أو دقتها، لذا لا يعتد بها كمرجع معتمد للبحوث والدراسات العلمية
| |
|
|
|
|
|
|
|
|
|
Re: ادعو دكتور القراي الي مناظرة حول تاريخ ثو� (Re: علي عبدالوهاب عثمان)
|
سلامات عمنا علي عبد الوهاب
| Quote: تأكد المهدي لو عندنا جلس يدعو الناس الف سنة لم يكن أحد يستجيب له الترابلة رأسهم قوي |
لانه كان هنالك معرفة وناس واعيين ما بيستاكل راسهم ويتلعب بيهم عشرة دجل وشعوذة ما قبل جهة الشمال..
الأفضل ليه الهجرة لمناطق ينتشر وسطها الجهل وبيئة خصبة لنمو وتكاثر الخرافة وتمدد التخلف .. فهاجر اليها لبث دعوته او فتنته.
وأساساً اول ما بدأ يتهيأ ليهو او يتمثل ليه خيالات إنه المهدي المنتظر كان في البيئة الخصبة دي نفسها بصحبة المستهبل الاكبر عبدالله تورشين..
التاريـخ بيقول انه الحركات والدعوات الموغلة في الإحتيـال والخرافة مثل الدعوات المهدويـة ما تنجح ويظهر لها اثر إلا في بيئة جاهلة ومتخلفة ..
وواقع البلد والمنطقة حينها كانت مستودع للجهل والخرافة الدينية المتوارثة من قريب لعهد الفونج..
فلا غرو انه ينجح هناك حيث لفيف التعايشي ومن تحالف معهم من الانتهازية وتجار الحروب ونخاسة وتجار الرقيق وسط العامة والبسطاء ..
ويسقط المشروع في البيئة الشمالية وبادواتها ومساعدتها...
| |
|
|
|
|
|
|
|
|
|
Re: ادعو دكتور القراي الي مناظرة حول تاريخ ثو� (Re: Bashasha)
|
حيدر الزين كيف الحال ..
ذلك هو حال عزيزنا بشاشا يا صديقي مما قمنا في اسافير الله والرسول دي ..
اخليك مع الأخ العزيز على الكنزي وهو يلج المهدية من بوابة الجمهوريين.. وما بعيد انو الكنزي عندو من علم الكتاب ما يؤيد مهدية المهدي بتفويض من اوسار في نواحي كوش عن طريق الرسول صلى الله عليه وسلم
| |
|
|
|
|
|
|
|
|
|
Re: ادعو دكتور القراي الي مناظرة حول تاريخ ثو� (Re: osama elkhawad)
|
المهدية سبقت "بوكو حرام":
من افضال المهدية علينا اننا لم نتفاجأ حينما قامت " بوكو حرام" بهدم المدارس الحديثة.
وهذا بالضبط ما فعلته المهدية بالمدارس الحديثة التي انشأها الاتراك.
وسبقت أيضا "شرطة النظام العام"، فالمهدية اول نظام حديث ينشئ شرطة النظام العام.
| |
|
|
|
|
|
|
|
|
|
Re: ادعو دكتور القراي الي مناظرة حول تاريخ ثو� (Re: osama elkhawad)
|
كتب الحبيب الجميل عمنا علي عبد الوهاب :
Quote:
الحبيب حيدر ( في كلام مهم جداً لا يعرفه إلا اهل المنطقة ) وتقول الرواية المتناقلة :
وهذه الروايات لم تذكر في كتب التاريخ وهي أن ودنميري كان رجل متسلط
في تلك المنطقة من دنقلا كان يفرض اتاوات ورسوم على المراكب التي كانت تبحر من كريمة والخندق الى دنقلا
وهو جد الرئيس النميري يرحمه الله ( شدة وغلظة نميري موروث جيني من جده )
ومازال قصره موجود على ضفاف النيل ونميري أعاد ترميمه وكان رجل طاغية وذو بأس شديد
قالوا اختلف مع والد المهدي وأصدر له انذار بمغادرة جزيرة لبب
فكانت هجرة آل المهدى من دنقلا ( لبب) بالمراكب الى عكس تيار النيل جنوباً
طبعاً القصة سماعية ولكن تاريخ المهدية ليس ببعيد
وهذه القصص موثقة في حكاوي الاجداد ..
ومعروف ودنميري بالدنقلاوية ( نميرنتود) كان رجل شديد البأس
المشكلة عندنا الباحثين لا يقوموا بزيارات ميدانية للمنطقة فقط تنظر من المكاتب |
فكتب الاخ علي الكنزي:/
| Quote: وهذا ما يهدم قول الاخ علي لأن المهدي عندما هاجر ابوه لكرري كان طفلا لم يبلغ الحلم بعد |
اعدت قراية رواية الاخ علي عبدالوهاب كم مرة بخصوص هجرة أسرة عبدالله الفحل من دنقلا ..
ثم كررت ما جاء به الكنزي في مسعاه لهدم راوية الاخ علي..
فما فهمت الكنزي هدم الراوية وين؟؟؟
ولم افهم وين علي عبدالوهاب قال انه محمد احمد الدنقلاوي ما كان طفل وقت هجرة اسرته..
الفهمتو انه الكنزي هاوي تهديم وعاوز يهدم وبس .. لغةً!
| |
|
|
|
|
|
|
|
|
|
Re: ادعو دكتور القراي الي مناظرة حول تاريخ ثو� (Re: Abureesh)
|
Quote: هذا جد، مؤلم يا جمهوريين، ومدمر لابعد حد!!!
حولا ولاقوة!!! |
مؤلم ومدمر وبائس ...
والأكثر إيلاماً انحراف الخيط بدل الدفاع عن القراي أو رجمه كما أفتتح الخيط بشاشا ليرجمه إن أظهر الشجاعه وترائى للعيان ...
انحرف للطعن في فكرة المهديه التي نجحت سياسياً ولم تفشل دينياً كما فشل القراي وزمرته دينياً وسياسياً وإقتصادياً وثورياً ...
يا باشا تجدني متابع وأشدد من عضدك لرجم هذا الرويبضه المدعو القراي ...
حتي لو ما ظهر كذلك لا تتوقف ارجمه إنه شيطان رجيم اراحنا الله منه ...
| |
|
|
|
|
|
|
|
|
|
Re: ادعو دكتور القراي الي مناظرة حول تاريخ ثو� (Re: Bashasha)
|
اول ما تلقى الاصطفاف بتاع (المع) كل زول من بلد اعرف الموضوع مستحمي ..
المع بشاشا ديل كلهم ما مقتنعين بي فكرة بشاشا وما اعتقد أنهم فهموها اصلا ..
يعني بشاشا فكرتو ليست مجرد تهاويم منجورة ساي من راسو لكن حتى الناس الواقفين معاها واقفين معاها غلط 😃
هسع مافي زول سأل نفسو فكرة المهدية بتاعت المهدي دي علاقتها بالاسلام شنو ؟!
هل المهدي ده كان تحت تحت يتبع دين اباؤه الكوشيين محمولا فوق أجنحة ال DNA؟!
ما هو الأصل الكوشي للاسلام؟!
ما مدى اتفاق قريبي محمد حمزة الحسين وأخي العزيز الكنزي مع مقولة الجذور الكوشية للمهدية ؟!
عل هم متفقين ولا مختلفين مع الكلام ده؟!
عشان لو متفقين نسألهم .. ولو مختلفين نسألهم .. الم يقل الكنزي اسألوني قبل أن تفقدوني؟!!!
| |
|
|
|
|
|
|
|
|
|
Re: ادعو دكتور القراي الي مناظرة حول تاريخ ثو� (Re: Bashasha)
|
نعم الي طمبارة مخابرات جيش كتشنر:
لما صيدلي، عبقري، ماهر، يركب من فيروسة الكرونة، مصل مضاد، حيوي، لمنازلة طاعون الكرونا، فهل هذه جريمة، ام اعجاز، انجاز، ياباشبوذغة المركزية الاوربية؟
كونو امامنا المهدي، زعيم اضخم واكبر ثورة في العالم باسره، في القرن ال 19م، تمكن من صنع مضاد حيوي، باستخدام فيروسات الدواعش، لتحرير شعبو، وارضو، فهل هذه محمدة تستوجب، وتستدعي الوقار، التبجيل الاحترام، أما البصق بالوكالة، من مجندي لواء مكدونالد، الجدد، من الجلابة في وجه اسطورة كالامام المهدي، يالعاركم؟؟
كيف فاكسين أو مصل الكرونا، يتكون من فيروز كرونا، فطوالي نروح نرمي المصل ده، الحقنة دي في التراش لانها مصنوعة من فيروس المرض زاتو؟
ام نحتفي بالذي تمكن باستخدام هكذا كارثة وعي كسلاح فتاك، حرر ارضنا، بلدنا؟
انتو عايزين الامام أو خليفتو عليهما رضوان امون رع، يسوو شنو، في زمن، في بلد، شعب كان مستعبد بواسطة دولة الخلافة "الاسلامية" ذات نفسها؟
اليوم، دعك من الزمن داك، الواحد مابقدر يعبر عن راي معارض أو رافض لازلام الدويلة دي كما ممثلة، في بوابين الخديوي حسن البنا، أو سفرجية ابن العثيمين، من دون مايطلعوك من الملة، أو يرجموك حي، حد الموت، فما فاهم، انتو عايزين ثورةخ ضد سلطة خلافة اسلامية، تنجح كيف، بي ترديد ترهات كارل ماركس مثلا؟
اذن العبرة مافي اصل وطبيعة المصل اللي صمم لمنازلة وباء الكرونا، وانما مدي فاعليتو، مدي نجاح هذا المصل، المركب من فيروز الكرونا ذات نفسو، ياجلابة، يا ادوات دويلة الاحتلال، الدمرتو بلدنا بي زي تفكيركم ده، لو أصلا المستعبد بفكر!!!
انتو اركزو بس، ياجلابة، لاننا سنتناول كارثة طاعون، فيروس، دويلة الجلابة أو رموزا، مقارنة بابطال ثورتنا الام، اكبر ثورات هذا العالم في القرن الماضي!!
اركزو، بث!!!
| |
|
|
|
|
|
|
|
|
|
Re: ادعو دكتور القراي الي مناظرة حول تاريخ ثو� (Re: Bashasha)
|
طيب، عايزين نقارن، لوهناك وجه للمقارنة، مابين انجازات طريقة تفكير الامام المهدي، اللي انجزت ثورة، هزمت مايعادل في الزمن داك، الاتحاد السوفيتي وامريكا، في ان معا، بي حبة سيوف عشر، وانجازات طريقة تفكير طمبارة هكس باشا، ممثلة في دويلة الاحتلال اي دويلة الجلابة أو رموذا:
حسنا، من هو ابرذ "مستنيري" الجلابة بي رندوق مفردات ادبيات وعي الاسترقاق الاري، لدي طمبارة الاحتلال، اي الجلابة؟
هو لاشك عبدالخالق محجوب، زعيم حمبرات كارل ماركس، القبلي، الجهوي، أو برضو "حداثي"، مش كده؟
طيب، هل الجلابي ع الخالق حصل فتح خشمو ولو بي حرف واحد احد، يرفض فيه استعباد امثالو في القرير، في العفاض، في مروي، لي اهلنا من دارفور، من جبال النوبة، هناك؟
لما يهتف ع الخالق، "عاش كفاح الطبقة العاملة"، هل كان في بالو الطبقة العاملة بلوشي، من مستعبدي امثاله، في العفاض؟
قطعت لا!!!
اها، أما الامام المهدي اللي جندو أصلا هو خليفتو، دون ادني ذاتية، انانية، قبلية، جهوية علي الاطلاق!!!
شفتو الفرق؟
نعم بينما خليفة رسول الحداثة، كان جعلتي، حر، نعم عباسي كما ع الخالق، نجد خليفة الامام كان "غرابي حاقد" بي تعابير عيال علي ودسعد في الخيط ده، من أمثال "المستنير" صديقنا الخواض، الما بوكو حرام!!!
اذن باختصار شديد، تاملو تفكير هؤلاء، في الخيط ده، من مستنيري الجلابة، ومانجم عن طريقة تفكير هؤلاء، من أمثال دكتور المشرف، اللي بلا خجلة بردد الي اليوم انو "عربة" أو "غيرو "زرقة" جو من تشاد، العندو كمان راي كمان ياللهول، في ثورتنا الام أو نموذج انسانا الماكان اطلاقا، بيميز بين اهلو علي اساس العرق، لون الاضان، أو الجهة، كما يفعل أمثال ود المشرف، علي مستوي جهاز الدولة ذات نفسها الجهوية، اللي ابادت وشردت ملايبن السودانيين بالوكالة!!!
أو بعد ده، أمثال المشرف، من الجلابة عندهم رأي في ثورتنا الام اللي هزت اركان السيادة النازيةالارية، هز، بي شنو؟
بي نموذج انسانا اللي ساحكي شخصيا ماعايشتو كطفل تربي علي ايدي نموذج إنسان ثورتنا في المداخلة الجاية!!!
| |
|
|
|
|
|
|
|
|
|
Re: ادعو دكتور القراي الي مناظرة حول تاريخ ثو� (Re: Hafiz Bashir)
|
عزيزي القاري،
وحاتك، اتوسل اليك، تتامل منطق هؤلاء، أو كلامم العجيب عن ثورتنا، كتبرير، كتمرير لي تصورات مسبقة، قبلية جهوية صاغها الاحتلال بي خبث!!!
نعم، واضح للكل انهم بتحاشو، الكلام عن ماحققتو الثورة من اعجاز، في أيام معدودات، مما يعني انها نجحت في ايام، ان تبعث المركوز في أعماق أعماقنا!
في ظرف صعب جدا، جدا، أو من الصفر، في مواجهة العالم باثره تقريبا!!!
الجلابة ديل أو لانهم مابقدرو يقولو بغم، بخصوص ماانجزتو ثورتنا، وكنتيجة ماسكين في سفاسف امور، شكلية، دون ادني اعتبار لواقع ذاك الزمان!!
بالذات واقع استرقاقنا، بواسطة دولة "الخلافة" ذات نفسها!!!
اذن، لا ادري، من اين لهم مثل هكذا ترهات، اذا ثورتنا دي المعجزة، انجزت ماانجزتو، بفضل نموذج انسانا، اللي خلقتو، الثورة دي، في ايام من العدم، بمعني من مافي، شغل كن، فيكون!!!
اذن نموذج الانسان الانجبتو الثورة دي، يدحض والي يوم يبعثون تخرصات خطاب مخابرات جيش الغزاة، البرددو فيهو هؤلاء، شغل تسميع، من منطلق وعي جهوي صاغه الاحتلال!!!
هل صدفة انو نموذج إنسان الوعي الجلابي اللي صاغو الاحتلال كبديل لنموذج انسان ثورتنا، هو سبب الجحيم الاحنا عايشين فيهو الي اليوم، بعد رحيل مستعمرينا بالمزيكة منذ اكثر من نصف قرن، من فرط الاطمينان علي فاعلية هكذا قنبلة وعي اعدوهو في معاملم؟
هل صدفة، مثل هكذا قشر بمثل هكذا اريحية، براءة، بمثل هكذا طريقة تفكير، صاغه الاحتلال؟
وكنتيجة ابيدو وشردو الملايين، من رواد وصناع ثورتنا الام، اللي اضحو هامش، وهم من اوجد حاجة اسمها سودان دعك من مجرد مركز؟؟
هل ده صدفة؟
| |
|
|
|
|
|
|
|
|
|
Re: ادعو دكتور القراي الي مناظرة حول تاريخ ثو� (Re: Bashasha)
|
Quote:
اسمح لي اتبرع ليك بالاجابة علي السؤال اعلاه، اي "ماهذا":
هذا، عزيزي القارئي، هو المنطق بتاع اباء قباني، من مجندي لواء مكدونالد السودانيين، الحسمو المعركة لصالح العدو!!!! |
"عاد بشبش فاهدى كل قلب سلاما"
يا بشبش محافظتك على هذا المستوى من الكتابة مدعاة للاعجاب و التأمل .. قال كوش قال !!
بالمناسبة انا ممن قرأوا الكتاب و هو كتاب جدير بأن يقرأ و لا اعتقد ان القراى سيحتاج ان يناظر بشبش او غيره لان ما ورد فى الكتاب هو حقائق تاريخية اعتمد الكاتب فى ايرادها على مراجع يعرفها القاصى و الدانى .. انت لسه بتقول الثورة الام ؟! انت كنت فى غيبوبة ولا شنو ولا ثورة ديسمبر الاطاحت بالناس البطبلوا ليك ديل ما سمعت بيها ؟! عجيب يا بشبش !!
| |
|
|
|
|
|
|
|
|
|
Re: ادعو دكتور القراي الي مناظرة حول تاريخ ثو� (Re: Bashasha)
|
Quote: وكنتيجة ابيدو وشردو الملايين، من رواد وصناع ثورتنا الام، اللي اضحو هامش، وهم من اوجد حاجة اسمها سودان دعك من مجرد مركز؟؟
هل ده صدفة؟ |
أبدا ما صدفة وووه بشاشا أمبس
مستنيري الجلابة من أقصي اليسار لوسطه وأدناه إلي أقصي اليمين ووسطه وأدناه والمستقلين المستغلين وباقي أطيافهم وما يبدو ليك أن قلوبهم شتي وبأسهم
بينهم شديد إلا أنهم كما أسلافهم وآبائهم الأقدمون توحدت أهدافهم وآمالهم في محاربة وتهميش الثورة المهدية وقائده محمد أحمد المهدي وخليفته عبد الله التعايشي
وتلك أمانيهم وأحلامهم ولكن هيهات فالمد الثوري الآن وفي هذه اللحظة تجاوزهم تماما ---- الشباب فهموا اللعبة --- وإن غدا لناظره قريب.
| |
|
|
|
|
|
|
|
|
|
Re: ادعو دكتور القراي الي مناظرة حول تاريخ ثو� (Re: Bashasha)
|
وكما عادة بشاشا سيزيد من معدلات الهرجلة والكواريك لتمرير التهاويم "المطلوقه ساي" على اجنحة الفجر ترفرف فووووق اوهامك. وأى زول متوسط الذكاء يعلم تماما أن جوهر الخلاف لا يتعلق بالمهدية كحركة تحرير وثورة ضد المستعمر. وانما نقرأ التأريخ لاستلهام المعاني لا لتزييفها والفرق واضح.
ولعل قرب بشاشا من "أولاد بمبه" (نفس الملامح والشبه, والقدله ذاتها ومشيتو) قد فتح له بابا واسعا نحو الاستكراد والفهلوة. الا يقول ود بمبه بسهولة بالغة وتسليم مطلق (البتغلبو العبو) .. وهي مقولة لو ترجمناها بلسان سوداني مبين لقلنا ان ذاك هو سلوك (الارزقية وناس مو ياا).
عييييك يا عملات بشاشا, يريد لنا أن نحقن عروق الأجيال القادمة بمصل الأكاذيب ترياقا لكوفيد الفشل .. وترياق الفشل هو الحقيقة والصدق مع الذات والمناهج العلمية الصارمة والتفكير النقدي والتنمية البشرية ومجمل ما كان يمثله (منهج القراي).
| |
|
|
|
|
|
|
|
|
|
Re: ادعو دكتور القراي الي مناظرة حول تاريخ ثو� (Re: Bashasha)
|
ولكن!!!
ويدخل ذلك في باب الأمانة العلمية ..
اجد أن ضعف الحجة والمنطق في هذا البوست أسوأ مما هو الحال عليه عادة مع بشاشا.
هل يعقل بالفعل انو بشاشا قطع اجازتو عشان يقول لينا ان اكذوبة ادعاء المهدية كان اكذوبة ضرورية ويجب الإشادة بها بل واستلهامها لتشكيل المستقبل في السودان ؟!!!
الا يتناقض ذلك مع كلامو هو ذاتو ان الفكرة الجوهرية للمهدية والمتمثلة في ان إعادة بعث المهدي المؤيد بالنصر من السماء والمبارك من الالهة على راس كل زمن هو عقيدة كوشية مثبته, وانها الحق من عند آمون, وأن المهدي هو المهدي بالحق وما كانت بعثته الا الحقيقة الكوشية في تجليها الأخير؟!
ما هو يا بشاشا واحد من اتنين.
يا البعث المهدوي ده حقيقة من حقائق الوجود الروحانية وجزء من جملة المعتقدات الصحيحة للدين الكوشي الذي لا يأتيه الباطل, أو أنها اكذوبة ومجرد منتج من منتجات العقل الأسطوري في المراحل الجنينية المتأخرة للبشرية.. زي قصص ابولو وحورس وازوريس وثور واودين وانليل وانكي
يا بشاشا الجري والطيران ما ببقى .. ولا حتى الجري وحك المؤخرة ممكن ينتج لينا تناسق منطقي معقول فاستهدى بآمون كده وارخي قصة اوسار دي
| |
|
|
|
|
|
|
|
|
|
Re: ادعو دكتور القراي الي مناظرة حول تاريخ ثو� (Re: محمد حيدر المشرف)
|
والدي، بشاشا، حاكم دنقلا العجوز، كعامل لخليفة الامام، علي روحك الرحمة!
والدتي، بت شرفي، اميرتنا المروية، والدة حبوبتي نفسية حسين، علي روحكم الرحمة، فخور بيكي، يا بت كردفان الغرة، ام خيرا برا، لمانزلتي الميدان أو شاركتي في تحرير الابيض، أو بعد داك، مرقتيها كمقاتلة في كمت، لتحرير أرض اجدادك، مجازفة بي حياتك، دون ادني اكتراث، وكنتيجة حاول الترك اسرك، احفاد الغزاة، الوافدين، مستعمرينا، لتنجو باعجوبة بفضل تدخل الفارس سوار الدهب، في آخر اللحظات!!
الرحمة علي روح زوجك، جدي ود بعشوم، احد محرري منشورات ثورتنا!!
لازلت اذكر، وانا طفل يافع، كيف جدي شيخ محمد علي روحو شابيب الرحمة، لم يرجع البيت ساعة المغيب، بعد يوم عمل شاق، كمزارع، ممتد بطول وعرض 14 ساعة يوميا، بعد مايصلي المغرب، كنتا بروح جاري، عشان مااتمدد معاهو في العنقريب واستمتع يومي، أو هو بمدح لمن احيانا بدمع، مع ذكر الامام!!!
كان شئ محير بالنسبة لي، لما كبرتا متي مافكرتا في ظاهرة أمثال جدي، ده، كيف ولقرابة ال200 منذ نهاية المهدية، انو يكونو هناك، في ناس بمثل هكذا، ولاء، وفاء، تربية، حد ذرف الدموع، لثورتنا الام، أو رموزا اللي ظلت مشتعلة في دواخلم لاكثر من قرن!!!
نعم بنتكلم بي صيغة قرون، مش ساعات أو أيام!!
كيف امكن مثل هكذا ولاء، وفاء، انضباط، ظل متقد مشتعل ولاكثر من قرن، ياتري؟
ياتري، نموذج انسان الثورة دي، حينها كان كيف؟
بي نفس الطريقة، جدي الاخر في جبل اوليا، كان عندو ولع ماطبيعي بي قدوم يوم الجمعة، عشان يركب البص من جبل اوليا، أو لي ودنوباي عشان فقط يصلي الجمعة هناك كل اسبوع!
نعم بطول وعرض عشرات السنين كان بقضي يومو مديح في البص، من جبل اوليا لي ودنوباي في أمدرمان، بي نشوة أو فرحة عظيمة، أو بي كده، كان بنتقل بي ذاكرتو للعيش ولو لساعات، في العصر داك، من فرط التماهي!!
السؤال كيف امكن، لثورتنا انجاب نموذج لمثل هكذا ولاء مطلق، وفاء نقي، امتدا بالوراثة لقرابة القرنين، اذا البنقراهو هنا، اعلاه، من طمبارة ونجت، صحيح عن خطاب ثورتنا؟
| |
|
|
|
|
|
|
|
|
|
Re: ادعو دكتور القراي الي مناظرة حول تاريخ ثو� (Re: Bashasha)
|
| Quote: التاريـخ بيقول انه الحركات والدعوات الموغلة في الإحتيـال والخرافة مثل الدعوات المهدويـة ما تنجح ويظهر لها اثر إلا في بيئة جاهلة ومتخلفة |
وهل ينطبق هذا الوصف على الفكر الجمهوري الذي يدعي صاحبه انه المسيح المحمدي والانسان الكامل وان له وحي من نوع آخر وكل ذلك الدجل والخرافة التي سطرها في كتيه ؟؟؟
| Quote: المهدي المزعوم إمّا كذاب او كانت تتراءى له اشباح وكوابيس في المنام.. |
.
والله يا خواص احق الناس اليوم بوصفك هذا هم الجمهوريين واستاذهم ، فهل توافقني في ان نفس هذا الوصف ينطبق على الفكر الجمهوري .
كما ينطبق ايضا على اخونا بشاشا في اساطيره الكوشية وكل الدجل والهوس الديني الذي يسطر له باسم الشمال ومن دون تفويض من الشماليين ...
| |
|
|
|
|
|
|
|
|
|
Re: ادعو دكتور القراي الي مناظرة حول تاريخ ثو� (Re: Bashasha)
|
| Quote: التاريـخ بيقول انه الحركات والدعوات الموغلة في الإحتيـال والخرافة مثل الدعوات المهدويـة ما تنجح ويظهر لها اثر إلا في بيئة جاهلة ومتخلفة |
وهل ينطبق هذا الوصف على الفكر الجمهوري الذي يدعي صاحبه انه المسيح المحمدي والانسان الكامل وان له وحي من نوع آخر وكل ذلك الدجل والخرافة التي سطرها في كتيه ؟؟؟
| Quote: المهدي المزعوم إمّا كذاب او كانت تتراءى له اشباح وكوابيس في المنام.. |
.
والله يا خواص احق الناس اليوم بوصفك هذا هم الجمهوريين واستاذهم ، فهل توافقني في ان نفس هذا الوصف ينطبق على الفكر الجمهوري .
كما ينطبق ايضا على اخونا بشاشا في اساطيره الكوشية وكل الدجل والهوس الديني الذي يسطر له باسم الشمال ومن دون تفويض من الشماليين ...
| |
|
|
|
|
|
|
|
|
|
Re: ادعو دكتور القراي الي مناظرة حول تاريخ ثو� (Re: محمد الزبير محمود)
|
مرحب بالحميع.
حنرد علي مداخلات طمبارة منشورات مخابرات جيش كتشنر، شولة، شولة، باذنه!!
هذا اسال لعابي، لو يعلمون، كستا ليهو في السما، لقيتو في الواطة!!!
لانو بيثبت طرحنا في الاسافير لاكثر من ربع قرن، عن كارثة الوعي الجلابي اللي صاغو الاحتلال ببراعة، كطاعون، كايدز، ككرونا، لدفن روح وشعارات ثورتنا الهزت عرش السيادة النازية البيضاء، بعنف والمرة الاولي والاخيرة بواسطة افارقة!!
وكنتيجة اذلام الخديوي الهضيبي لاحظو لجاو الي تركيا، تحديدا!!!!
هذا يثبت كيف الدويلة دي، اللي صاغا الاحتلال، هي فعلا اعادة انتاج التركية السابقة، أو مش فقط النظام الهالك!!!
اعلنها داوية:
لافرق اطلاقا، مابين يسار ويمين خاذوق دويلة الاقلية، الجلابية، بل اضيف اليمين كباطل عريان أرحم من رهاب يسار مصري انجليزي، ضيع عمرنا، وكنتيجة نجد بديل اقنان الهضيبي، الفرو لي أرض الترك، هم جرسونات ع الناصر!!
بديل سفرجية ابن العثيمين هم بوابين صدام!!
وعلي راس هؤلاء في القيادة نجد طمبارة كارل ماركس، تخيلو!
نحمده انو ، ثورتنا التانية اشتعلت بزعامة ستهن، ستهم، عشان تكمل مسار الثورة الام، لتدك حصون هكذا وعي جهوي دمر بلدنا، الي الابد!
| |
|
|
|
|
|
|
|
|
|
Re: ادعو دكتور القراي الي مناظرة حول تاريخ ثو� (Re: Bashasha)
|
مسالة ظهور مهدي كانت مسالة شائعة في غرب افريقيا ،
فهذه ليست حيلة من المهدي للالتفاف على دولة الخلافة.
وقد صدّق اوهام المهدية، وما كسبنا سوى استبدال مستبد على الاقل بيبني مدارس حديثة،
بمستبد يقتل كل من لا يؤمن به استنادا الى حديث النبي محمد ص في حضرة وهمية !!!
| |
|
|
|
|
|
|
|
|
|
Re: ادعو دكتور القراي الي مناظرة حول تاريخ ثو� (Re: osama elkhawad)
|
سلامات صاحب البوست,
بالنسبة لليسار, فشتان ما بين العروبي الناصري, واليسار الذي أثبت أن الجلابة الذين تعنيهم جزء لا يتجزأ من المشكلة
مجرد لفت نظر.
كسرة:
الشيوعيون بشكل عام هم أكثر من أنصفوا المهدية كثورة اجتماعية ودولة. وليس كما يفعل بعض البراجزة الصغار من اتباع الإنجليز هنا.
| |
|
|
|
|
|
|
|
|
|
Re: ادعو دكتور القراي الي مناظرة حول تاريخ ثو� (Re: osama elkhawad)
|
Quote: الله يا خواص احق الناس اليوم بوصفك هذا هم الجمهوريين واستاذهم ، فهل توافقني في ان نفس هذا الوصف ينطبق على الفكر الجمهوري .
كما ينطبق ايضا على اخونا بشاشا في اساطيره الكوشية وكل الدجل والهوس الديني الذي يسطر له باسم الشمال ومن دون تفويض من الشماليين ...
|
اهلا استاذ محمد
قد يكون اتفاقي الوحيد مع السلفية هو محاربة الدجل والشعوذة.
عدا عن ذلك ، انا كاتب .
واطمح ان تكون لي طريقتي الخاصة في الكتابة،
ولا ارى ان تقليدي لاي كاتب من الماضي مهما بلغت مكانته الابداعية،
قد يساعد في هذا المنحى الصعب.
| |
|
|
|
|
|
|
|
|
|
Re: ادعو دكتور القراي الي مناظرة حول تاريخ ثو� (Re: osama elkhawad)
|
بين ثورة المهدي والثقافة الرقمية:
كان المهدي يرى ان اصغر مؤمن بالمهدي له مقام اعلى من مقام عبدالقادر الجيلاني.
وبنفس المنطق، معلومات أي طفل يلعب بهاتفه النقال، اغنى وافيد من ثقافة الامام المهدي.
لم يكن إمامنا "المهدي" يعرف ان هنالك عالماً جديداً، وديمقراطيات، وثورة صناعية وخلافه ..
لن نلومه، فهذا ما كان متاحاً له من معارف بسيطة وماضوية.
لكن لن تُفرض علينا معادلة إمّا ان نقبل بالاتراك او بالمهدية.
لا هذا ولا ذاك.
كلاهم شر مستطير.
ما الذي يمكن ان نتعلمه الآن من "الزرة المهدية"؟؟
لا شيئ سوى عدم القبول بالاستبداد مهما كان مصدره وقناعه.
| |
|
|
|
|
|
|
|
|
|
Re: ادعو دكتور القراي الي مناظرة حول تاريخ ثو� (Re: osama elkhawad)
|
| Quote: انو يكونو هناك، في ناس بمثل هكذا، ولاء، وفاء |
يا بشاشا رأيك كله على العين والراس سواء اتفقنا او اختلفنا معه.. بس عليك الله عشان أخوك يواصل قراءة هذه المداخلات النيرة أرحمنا من الإستلاب العروبى..
حكاية "هكذا ولاء" هذه سير أعمى فى دروب قوم صم بكم عمى.. يدعون العروبة ولا ينطقونها صحيحة.. "هكذا ولاء" ليست عربية بل لبنانية بحتة.. ولك كامل
الحق فى استعمالها والسير فى ركبهم لكن العبارة تعمل طشاش عيون خصوصا حيت يقولها من هو ضد الإستلاب. بعدين هى ما عربية أصلا، عبارة جماهيرية
عشان نخلى التعبير مقبول شوية..
أعتذر مسبقا لو الكلام دا زعلك
| |
|
|
|
|
|
|
|
|
|
Re: ادعو دكتور القراي الي مناظرة حول تاريخ ثو� (Re: Abureesh)
|
Quote: دودي سلامات وعوافي
وهل حزب الامة القومي يفرق بين الحزب وطائفة الانصار رمز ثورة التحرر كما تفضلت؟
هل الحزب لا يتاجر سياسياً بتاريخ الثورة المهدية؟؟ |
سلام الحبيب هيثم غالى
ايوه يفرق كثير جدا
حزب الامه القومى يحزب يضم المسلم والمسيحى
الثوره المهديه ثوره تحرر اشترك فيها معظم السودنيون ..
دودى
| |
|
|
|
|
|
|
|
|
|
Re: ادعو دكتور القراي الي مناظرة حول تاريخ ثو� (Re: Mohamed Doudi)
|
اعزايي،
اسمحو لي ارد علي مداخلة اخونا ابو الريش:
ياعزيزي، معليش، نظرتي لي رطانة الغزاة هذه، مختلفة اختلاف جذري عن نظرتك، أو انتا جمهوري، لاحظ، أو برضو عروبي!!!
مكان نشات مجتمعي كان لايطيق البنطقو ولو بي حرف واحد عربي!!!
ده، هو الطبيعي، من أي انسان سوي، معتز بي ذاتو، ذاتيتو، أو بالذات العربي تحديدا اللي مابطيق لسان امثالنا وهذا طبيعي!!
نعم، من النكات الكانت متداولة في طفولتي، كيف حتي الكديسة البستلفوها من الجيران، كانت بتقوم فللي، من البيت البكبو فيهو رطانة بتاعة لغة اعراب!!
اذن لايخصني في شي، لو القتو كلام لبنانيين ولا ليبيين!
لو بايدي وقسما ماكان نطقتا بي حرف واحد احد بي لغة الغزاة هذه!!!
ياغايتو ياجمهوريين، حالكم يحزن!!
| |
|
|
|
|
|
|
|
|
|
Re: ادعو دكتور القراي الي مناظرة حول تاريخ ثو� (Re: Bashasha)
|
الرجوع الى المصادر الاساسية هو السبيل العلمي لمقاربة الظاهرة المهدوية.
علينا قراءة منشورات المهدية، فهي التي تضيئ عقلية المهدي وخليفته.
من المهم جدا تحميل كتاب نقد المهم " علاقات الرق في المجتمع السوداني".
فقد اسهمت المهدية بدور "رائد" و"نشط" في نشر الرق ، وكان من مصادر بيت المال المهمة.
وكبار تجار الرقّ انضموا الى المهدية لحماية مصالحهم في استعباد خلق الله.
| |
|
|
|
|
|
|
| |
Bashasha
منتصر صلاح
Abureesh
علاء سيداحمد
يحي قباني
Osman Musa
Mohamed Doudi
بدر الدين الأمير
osama elkhawad
منتصر عبد الباسط
محمد حيدر المشرف
HAIDER ALZAIN
Ali Alkanzi
علي عبدالوهاب عثمان
وليد محمود
محمد حمزة الحسين
Hafiz Bashir
د.محمد بابكر
محمد محمد قاضي
فيس بوك
تويتر
انستقرام
يوتيوب
بنتيريست