سيناريوهات ما بعد تسقط تالت!

Quote: كتب سيد الطيب: صفحة قناة الجزيرة نزلت جزء من بوست كتبته ضد سياسة الاعتماد على جيب المواطن ورفع الدعم عن المحروقات قبل ان تتخذ الحكومة خطوات جادة في السيطرة على الموارد وتوظيف المسترد من كيزان المخلوع ومحاربة الفساد وتقليل الصرف البذخي على السلطة.تعليقات الزواحف وامنجية اعلام الثورة المضادة على البوست انحصرت في:"خلاص دايرين تنطوا من المركب وتركبوا الموجة""الكلام دا نحن قلنا قبل سنتين انتو كنتوا بتتطبلوا للحكومة""البل جاييكم تسقطوا بس"عزيزتي الزاحفة عزيزي الزاحف قبل سنتين ما كان في حكومة انتقالية انت الوقت داك كنت ملثم وراكب بوكس بدون لوحات بتطارد الثوار في الشوارع وافتكرت الثورة انتهت بي فض الاعتصام.كنتوا مسخرين منابر مشايخكم واقلام صحفييكم وصحفياتكم لدعم انقلاب المجلس العسكري وتمجيد البرهان وحميدتي ومطالبته بمزيد من اراقة دماء الثوار (حمديتي رجل الدولة الصاعد) (أحسنت ايها القائد حميدتي ونطمع في المزيد) (اثلجتم صدورنا) ..الخطالما طلعتوا من جحوركم نوريكم الحصل ايام كنتو لابدين في الجحورالحكومة الانتقالية اتشكلت في سبتمبر 2019 وتم اعادة تشكيلها عقب اتفاق جوبا مع بعض الحركات.بتتكون الحكومة الانتقالية من الجيش والشرطة والمخابرات واحزاب وتجمع القوى المدنية والحركات المسلحة والدعم السريع المحسوب على حصة المجلس العسكري الانتقالي.الحكومة متعددة المكونات مافي حاجة بتخليك تدعمها في كل قراراتها او ترفض كل قرراتها لانها ما منطلقة من خلفية فكرية وسياسية وتنظيمية واحدة.لما الحكومة تنجز ملف قائمة الارهاب وتجتهد في اعفاء الديون بنقول ليهم بالتوفيق.لما الحكومة تسترد اراضي وعقارات ومشاريع من قادتكم اللصوص بنقول ليهم مبروك.لما الحكومة توقع اتفاقية تطبيع مع اسرائيل هنا اي زول فينا بنظر للامر بي خلفتيه السياسية والفكرية فينا البشوف في التطبيع مصلحة للبلد وفينا البشوف في التطبيع خيانة ودعم للمكون العسكري اللاهث وراه ولعابه سايل يتحين لحظة الغدر بالثورة.لما الحكومة تصدر قرار رفع الدعم عن المحروقات فينا البشوف دا حل لازمة اقتصادية متفاقمة وفينا البشوف دا اشبه بفتوى المخلوع قتل الثلث لينعم الثلثين وكل منا وفق خلفيته الفكرية والاقتصادية رأسمالي/اشتراكي. نختلف كثوار ونتفق كثوار والوطن من وراء القصدطيب دي بديها لكن ابسطها ليك اكتر : لما رئيسك المخلوع يبيع خط هيثرو ويبيع البواخر والطائرات ويبيع ميناء بورتسودان قبل السقوط بي ايام ويشحد مليون دولار من الامارات انت كنت بتطلع تكورك اسد افريقيا ولما الخبز ينعدم انت كنت بتكتب قيل لاعرابي لو اصبحت حبة القمح بدينار قال ما همني الله يطعمني..الخعشان كده بتشوف اي زول يؤيد قرارات حكومية شايفها صحيحة طبال ويعارض اي قرارات حكومية شايفها كارثة وجريمة في حق اهله بتشوفو خلاص داير يتلب من المركب ليه لانك ما اتربيت على انك تشغل مخيخك وتكون حر وامين مع نفسك قبل الاخرين فيما تكتب وتقول لانو في عنقك بيعة للسفاح على المنشط والمكره فنحن بنسميكم قطيع لانو اسحاق احمد فضل الله كان بسوقكم الجنوب بي غزالة بتتكلم وقرود بتكبر دون ما تفكر هل فعلا القرود بتكتبر والغزالة بتتكلم؟ابسطها ليك اكتر : لما حمدوك يوقع اتفاق مع الحلو انت بتهيج وتقول دا طعن في الدين، لما برهان يوقع نفس الاتفاق مع الحلو انت بتقول مرحب بالسلام.لما حمدوك يمشي زيارة مصر انت بتكورك داير يبيع حلايب، لما البرهان يمشي مصر ويحيي السيسي تحية عسكرية ويعمل مناورات عسكرية مشتركة انت بتكورك التحية لقائد جيشنا.ليه لانو عندك عقدة اسمها البوت والكاكي وبتشوف فيه مخلص ليك بي انقلاب يحلك من الثورة الدخلتك الجحر. لما يحصل انفلات امني في الشوارع وتزيد الجريمة وتتكرر احداث الاقتتال القبلي ما بتقدر تقول العساكر مقصرين في عملهم لانو محرم عليك الحديث عنهم.ابسطها ليك اكتر واكتر: دي حكومتنا الانتقالية وهي حكومة سجمانة لانها ما علقتكم في المشانق جات بعد ثورة وتضحيات عظيمة علاقتنا بالحكومة علاقة تأيد الصاح ومعارضة الخطأ وما فينا زول في عنقه بيعة على المنشط والمكره. لما يصدر قرار ايجابي بندعموا ولما يصدر قرار سلبي بنرفضه ونقيف ضده وندعوها للتراجع عنو ونضغط عليها بي وسائلنا النضالية السلمية لاننا احرار في خيارتنا ولاننا اتربينا تربية الحد الفاصل بين الحياة والموت هو الكرامة بتعرف يعني شنو كرامة وحريه؟ ما فينا زول ممكن يعمل زيك يا بانقا ويهتف يا برهان دايرنو معاك يا برهان دايرنو الان، ولا فينا ثائر قال طلعوا لينا بشه من السجن نعتذر ليه لاننا بنفرق بين اداء حكومة انتقالية وبين ثورة شعب وانت مشكلتك مع الثورة نفسها وكل من شارك فيها وكل من ساندها.اما حكاية خايفين وعايزين تنطوا من المركب الكلام دا تقولوا لي زول نزل تحت الارض يوم سقوط المخلوع وشال بقجتو وجرى على اهله في الاقاليم خوفا من البل البتهددنا بيه. وتقولوا لي الامنجية اللبسوا النقاب والملصو بنطالينهم في ميدان بري الدرايسة، نحن احرار تربية اسر سودانية اصيلة وعزيزة لم تعلمنا الانكسار امام زول، لا بنلحس بوت عسكري ولا بنتهدد بي ترغيب او ترهيب، ولما بنكتب ضد نظامك انت كنت بتخاف تعمل لايك للبوست.الامنجية والامنجيات الكشفو وجوهم وعرو اقلامهم الايام دي احب اقول ليكم انكم استعجلتوا في كشف القناع، الثورة دي موجات مد وجزر وحارسنها اولاد وبنات يسدو عين الشمس فصدقوني حا تبقى عليكم حكاية الفنان الاستعجل بعد فض الاعتصام وظهر في التلفزيون بي اغنية فوضناك يا برهان واخترناك للسودان .. حبيناك يا حميدتي واخترناك تبقى أمان.. حبيناك يا دمبلاب واخترناك تبقى ضمان وبعد مليونيات 30 يونيو بقى يفتش لقروش الاغنية ما ادوها ليه لانو العسكر عرفوا انو الشارع السوداني وقواه الثوريه هزم كل مخططاتهم وكسر كل اقلامهم امنجيتهم وحطم اعلامهم الرخيص يا رخيصين. يسعدني اني اعرف مدى تأثير ما اكتبه عليكم لدرجة استعانة صفحة الجزيرة بجزء من البوست ليدعم خط وأد الانتقالية ولسه بكرر ليك ما عندك خيار وسط يا تبقى زول يريد لهذا البلد الحريه والسلام والعدالة يا تبقى كوز يسعده مشهد معاناة الناس ويتغذي بإراقة الدماء والفتن القبلية والانفلات الامني. يا تبقى زول يا كوز والما نضفته الثورة دي تاني ما بنضف يا حطب المشروع الحضاري وضحايا تربية الذل والهوان ولحس البوت.

(عدل بواسطة محمد البشرى الخضر on 06-11-2021, 10:57 PM)