لقراية الخريطة .. الالوان و تدرجاتها اللون الازرق دبموقراط بايدن اللون الاحمر جمهوريين ترامب اللون الازرق الغامق ولايات مضمونة لبايدن اللون الازرق ولايات تفضّل بايدن اللون الازرق فاتح ولايات تميل لبايدن الاحمر القانى ولايات مضمونة لترامب الاحمر ولايات تفضّل ترامب الاحمر الفاتح تميل الى ترامب امّا اللون اللخدر التركيني فده محل اللت و العجن و الخبت تركين بى شطّة خدرا و بصل و فلفل و دموع سايلة و عرق راس و وحوحة شديدة حيث ان المنافسة شرسة و فيها ولايات حاسمة زى فلوريدا وجورجيا ونورث كالورانيا و اوهايو
10-25-2020, 08:59 PM
جلالدونا
جلالدونا
تاريخ التسجيل: 04-26-2014
مجموع المشاركات: 9387
لقراية الخريطة فى الخريطة بنلقى خرطة الولاية مختصر الاسم و رقم الرقم ده هو عدد مناديب الولاية او الكلية الانتخابية و ده هو البحدد من المرشح الفايز نشيل الكلام ده و نطلع بيهو اعلى الخريطة بنلقى فى مستطيل طويل و يحوى كل الالوان اعلى المستطيل من جهة اليمين بنلقى ترامب و رقم الرقم ده مجموع اصوات المناد يب للولايات المضمونة زائدا الاصوات المتوقعة للولايات باللون الاحمر و الاحمر الفاتح نفس الكلام ده ينطبق على بايدن فى الطرف الشمال فى المنتصف اعلى و اسفى المستطيل بنلقى سهمين متقابلين و بيشيرو الى الرقم 270 و هو الحد الادنى للفوز فى الانتخابات داخل المستطيل بالنسبة للونين الازرق و الاحمر و حسب التدرج و مجموع اصوات الولايات لكل درجة من اللونين بالاضافة للولايات الما اتحددت هويتها لو جمعنا كل الارقام داخل المستطيل المجموع بكون 538 مندوب و لينا رجعة لهذا الرقم
متابعة لصيقة... وسهلت لينا فهم الخريطة الانتخابية.. لكن وين هي الخريطة ...ما لقينا اللنك... وشكرا كمان على فهم اختصار الولايات...ما كنا بنعرف غير ٤ او خمس ولايات وهي: NY NJ NE FL CA
10-25-2020, 09:25 PM
جلالدونا
جلالدونا
تاريخ التسجيل: 04-26-2014
مجموع المشاركات: 9387
ما يميّز هذه الخريطة ناخد ولاية تكساس مثالا نلقها ماخدة اللون الاحمر الفاتح لصالح ترامب لكن اخر استطلااع اظهر تقدّم بايدن فيها بى تلاتة نقاط و ده بيعنى انها تحولت للازرق الفاتح كل المطلوب انو توجّه مؤشر على ولاية تكساس و تضغط على الماوث سيتغير اللون واصل الضغط الى ان تصل للون الازرق الفاتح لاحظ ان الارقام داخل الشريط الفوق تغيرت لصالح ترامب
10-25-2020, 09:46 PM
علي عبدالوهاب عثمان
علي عبدالوهاب عثمان
تاريخ التسجيل: 01-17-2013
مجموع المشاركات: 12477
اللنك لم يفتح .. لكن شغلك ده بصراحة جميل بما أنك في الداخل الامريكي .. أنا متابع الانتخابات في سي ان ان لكن يبدو أنها تميل نحو الديمقراطيين ( مع حبي للديمقراطيين ) ما هي قراءتك وتوقعاتك لأنكم داخل امريكا لذا رايكم مهم جدا وتوقعاتكم تكون الأقرب
مع التحية حبيبنا جلالدونا ..
10-25-2020, 10:10 PM
جلالدونا
جلالدونا
تاريخ التسجيل: 04-26-2014
مجموع المشاركات: 9387
مرحب بى الحبّوب استاذنا على كدى جرّب هنا ..... فى اللنك الفوق فى المداخلة الاولى فى شريط ازرق دوس عليهو _____ فى تقرير سابق عن الانتخابات قال لاول مرة فى تاريخ امريكا انو الناخب الامريكى يذهب الى صندوق الاقتراع و هو يا ضد ترامب يا معه و ده بيفسّر الاقبال الكبير على التصويت المبكّر الاتجاه العام و استطلاعات الرأى تؤكد فوز بايدن
10-25-2020, 10:18 PM
Asim Ali
Asim Ali
تاريخ التسجيل: 01-25-2017
مجموع المشاركات: 13492
https://www.270towin.com/maps/consensus-2020-electoral-map-forecast Click the map to create your own at https://www.270towin.com/maps/consensus-2020-electoral-map-forecast270toWin.com
10-25-2020, 10:34 PM
جلالدونا
جلالدونا
تاريخ التسجيل: 04-26-2014
مجموع المشاركات: 9387
شكرا اخونا عاصم على ميزة تانية فى الخريطة يوم اعلان النتائج ح تشتغل على لونين فقط الاحمر القانى لترامب و الازرق الغامق لبايدن نقول ترامب فاز بى تكساس عادى ممكن تحول لون الولاية الى الاحمر القانى و تلقائيا الشريط الفوق بيديك النتيجة و مع كل اعلان نتيجة يتمدد اللون الى المنتصف الى لحطة الوصول للرقم 270 و حينها يتم اعلان الفائز دون انتظار لبقية نتائد الولايات الاخرى
10-25-2020, 11:04 PM
جلالدونا
جلالدونا
تاريخ التسجيل: 04-26-2014
مجموع المشاركات: 9387
نجى للرقم 538 ليه الرقم ده تحديدا وما مهمته الرقم ده هو المساوى لعدد مقاعد مجلس النواب زائدا عدد مقاعد مجلس الشيوخ زائدا 3 مندوبين للعاصمة واشنطون 435 + 100 + 3 = 538 طيب ليه تلاتة مقاعد لى واشنطون العاصمة الاجابة و بحكم الدستور العاصمة لا تملك تمثيل نيابى لا فى النواب لا فى الشيوخ و هم اعضاء الهيئة الانتخابية المناط بيها اعلان المرشّح الفائز طيب كل ولاية ليها عدد محدد من المندوبين يتم اختيارهم بواسطة الناخبين ليمثلوهم داخل الهيئة الانتخابية و تجتمع مرّة كل اربعة سنوات لاعلان المرشّح الفائز و من مزاياها سرعة اعلان المرشح الفائز طال مه حصد ما مجموعه 270 صوتا من عدد المناديب من دون الحوجة لانتظار ظهور كل النتائج
10-25-2020, 11:07 PM
جلالدونا
جلالدونا
تاريخ التسجيل: 04-26-2014
مجموع المشاركات: 9387
نجى لى قراية احتمالات الفوز و نبدا بى تكساس اخر مرة صوتت الولاية لصالح الديموقراط سنة 1976 و فاز كارتر ياصوات الولاية اليوم حوّل الديموقراطيون الولاية الى ساحة معركة حامية ففى التصويت المبكر صوت اكثر من تمانية مليون ونصف حتى الان و لسه عندهم يومين الخميس و الجمعة و هذا الرقم يعادل 95% من احمالى المصوتين فى انتخابات 2016 المحللون الديموقراط يقولون: اذا وصل عدد المصوتين الى 12 مليون حتما سيفوزون بالولاية وذلك استنادا على الاقبال الكبير من الفئة العمرية 18 الى 30 سنة و التى قد تغيّر كثيرا من لون الولاية
10-30-2020, 10:09 PM
جلالدونا
جلالدونا
تاريخ التسجيل: 04-26-2014
مجموع المشاركات: 9387
الديموقراط يلعبون فى مناطق الجمهوريين ولاية اريزونا منذ انتخابات العام 1972 لم تصوّت اريزونا للديمقراط الا مرة واحدة و كان ذلك فى العام 1996حتى باتت خارج حسابات الديموقراط الان كل التوقعات تشير بأنها ذاهبة لصالح بايدن استطلاعات الرأى تظهر تقدم بايدن بثلاث نقاط زارها ترامب مرتين و خاطب مناطق المحافظين البيض فى مدينة برسكوت و اليوم يزورها بينس وله فعالتين فى مدينتى فلاق استاف و توسان الريفيتين بغية قلب ميزان الاستطلاعات فيها
11-01-2020, 07:28 PM
جلالدونا
جلالدونا
تاريخ التسجيل: 04-26-2014
مجموع المشاركات: 9387
بنسيلفانيا منذ انتخابات 1992 ظلت الولاية تضوّت لصالح الديمقراطيين ... فترة بل كلنتون الاولى الىاتنخابات 2012 فترة اوباما التانية فى انتخابات 2016 ذهبت اصوات الولاية لترامب اذ نال ترامب من الاصوات 2912944 بنسبة 48.8% فيما نالت كلينتون ما عدده 2844705 بنسبة 47.6% بفارق 1.2% و يعادل 68239 صوتا فى يوم السبت الفائت شهدت الولاية نشاطا ملموسا لبايدن و ذلك بمشاركته فى اربعة تجمعات انتخابية شارك فيها اوبام ومعززا بذلك تقدمه على ترامب البالغ 6 نقاط عودة الولاية لحظيرة الديموقراط اصبحت مؤكده خد عندك 20 صوتا لصالح بايدن و ابدا الحساب
11-01-2020, 08:12 PM
جلالدونا
جلالدونا
تاريخ التسجيل: 04-26-2014
مجموع المشاركات: 9387
MN ولاية مينيسوتا بالعود الى انتخابات 1980 كانت الولاية من ضمن خمس ولايات اضافة للعاصمة واشنطون صوّتت لصالح الديموقراط فو لاية رونالد ريجان الاولى و هى مينسوتا وست فرجينيا رود ايلاند ميرى لاند جورجيا بجانب العاصمة وحصد يومها ريجان من اصوات المجمع الانتخابي489 صوتا مقابل 49 امرشح الديموقراط حينها جيمى كارتر على ان الاغرب حدث فى اتخابات 1984 اذ صوتت كل الولايات لصالح ريجان فى فترته التانية عدا مينسوتا و العاصمة نال اصواتهما مرشح الديموقراط والتر مونديل و نال وقتها ريجان 525 صوتا انتخابيا مقابل 13 صوتا لوالتر كنصر تاريخي اظنه غير مسبوق عليه بمك نـكيد ان اصوات مينسوتا و العاضمة مضمونة للديموقراط PA 20+MN 10+DC 3 = 33
11-01-2020, 08:18 PM
Osman Musa
Osman Musa
تاريخ التسجيل: 11-28-2006
مجموع المشاركات: 23082
Quote: الأخ جلال سلام . وكيفك يا خبير مشكور كتير على الشرح الممتع والفهم العميق للانتخاب. ونحنا في انتظار فوز الرجل المحترم بايدن . تحياتي .
كلنا فى الانتظار و ح يحصل بأذن الله و عشان ابشّرك ده رصيد بايدن المضمون كاليفورنا CA ........ 55 نيوجيرسى NJ.......29 واشنطون WA.....12 ألينوى IL..............20 ميرى لاندMD......10 ماساشوستس MA.. 11 كونيتيكت CT...,,7 اورقون OR....7 نيويورك NY...29 دى مجموعها 185 صوت نضيف عليهن مينسوتا بنسلفينيا و العاصمة 33 صوت يبقى المجموع 218 صوت يبقى بايدن محتاج لى 52 صوت اضافى للفوز بى عقاب اليوم ده بلمّهن ليك
11-01-2020, 09:33 PM
النذير حجازي
النذير حجازي
تاريخ التسجيل: 05-10-2006
مجموع المشاركات: 7159
يا هلا بالنذير عن مينيسو تا و بنسيلفينيا فول بتلقى تحليل بسيط ليهم اتبنت عليه حساباتى فى انتخابات 2016 يمكن ما ساعد قى فوز ترامب بالانتخابات عموما راى عدد كبير من الامريكان عى تولّى المرأة للرئاسة ---- من الولايات التى حسمت امرها لصالح بايدى دلوير 3 رودايلاند 4 و هاواى 4 بمجمىع 11 صوتا ليرتفع رصيم بايدن الى .... 218=11......229 صوتا انتخابيا يحتاج لى 41 صوتا للفوز ____ مرحب جعفر بشير
يا النذير تكساس ما ولاية متارجحة ...لانها ولاية مقفولة للجمهوريين. يعني جميع سكان تكساس حيصوتوا لترامب لان كل سكان الولاية من المتطرفين اليمينيين العنصريين. .يعني ترامب مضمون ليه ال٥٥ مجمع انتخابي بتاع تكساس.... وطبعا البيجمع ٢٧٠ بالاول هو الذي يفوز بالرئاسة...
ويا جعفر نختصر ليك الموضوع ..الفايز حيكون ترامب...والله يكضب الشينة..
11-01-2020, 10:34 PM
Gafar Bashir
Gafar Bashir
تاريخ التسجيل: 05-02-2005
مجموع المشاركات: 7220
Quote: ويا جعفر نختصر ليك الموضوع ..الفايز حيكون ترامب.
تحياتي جلالدوان
سركا يا امتثال الله يبشرك بالخير ان عارف صاحبي الهادي ده تعبان ساي في التبشير بي بايدن ترمب كلو خير بايدن باهت وما منو فايدة طبعا للسودان ما للمقيمين في امريكا
11-01-2020, 10:50 PM
النذير حجازي
النذير حجازي
تاريخ التسجيل: 05-10-2006
مجموع المشاركات: 7159
سلام بالحلوين جعفر وجلال وإمتثال، أتفق مع إمتثال بإنو ترمپ هو الفائز، واتفق معك يا أبو الجعافر بأن الجمهوريين كويسين معانا في السياسة الخارجية، فهم ضد الإخوان المسلمين، أما داخليا ما كويسين معنا من ناحية العنصرية، والعكس صحيح بالنسبة للديمقراطين، علشان كدا نحن في فوز أي منهما مستفيدين.
كسرة: يا إمتثال كلامك مظبوط، لكن تكساس صوتت لكارتر، علشان كدا تعتبر متارجحة بالرغم إنها جمهورية، زي نورث كارولاينا هي جمهورية ولكنها صوتت لأوباما سنة 2008 شكرا يا حبيبنا جلال على البوست الجميل، وياريت نشوف سمارت أنا وفردوس جامع وناصر جامع وپروف أبو نورا في هذا الپوست.
11-01-2020, 10:59 PM
جلالدونا
جلالدونا
تاريخ التسجيل: 04-26-2014
مجموع المشاركات: 9387
بالعكس يا جعفر اول من بادر برفع جزء من العقوبات اوباما فى نهاية فترته التانية والله لو لا الانتخابات دى ترامب كا كان اشتغل بينا الشغلة بايدن استنكر تغريم السودان الملايين دى و كان غاضب من اجبار دولة اقتصادها منهار على الدفع بدل مساعدتها امسك فى يايدن احسن ليك ____ يا امتثال ترامب فرصتو ضعيفة شديد فى الفوز بادن داخل بى فرصتين كسب فلوريدا و تكساس يكسب خسر فلوريدا و تكساس برضو يكسب و ان شاء الله تلقى الجسبة دى صاح
11-01-2020, 11:38 PM
جلالدونا
جلالدونا
تاريخ التسجيل: 04-26-2014
مجموع المشاركات: 9387
تعرف يا النذير فى حتّة السياسة الخارجية لبايدن حقذو ترقد قفا بايدن ملتزم تماما بالعودة الى الاتفاق النووي مع ايران ملتزم تماما بوقف الحرب باليمن حتى لا يصبح قادة الخليج منبوذين على حد تعبيره فتح ملف خاشقجى و التحقيق فيه و فن حال حصول اى لولوة سيقوم بحطر بيع السلاح للخليج <<<<<فى سوال وجّه له فى الانتخابات التمهيدية انقله لك هنا لم يعاقب الرئيس ترامب كبار القادة السعوديين بعد تأكد «السي آي إيه» من صدور أمر من ولي العهد السعودي بمقتله. هل بإمكانك فعل ذلك؟» سؤال تم توجيهه لبايدن خلال مناظرة مع مرشحي الحزب الديمقراطي السابقين، والذي أجاب عليه قائلًا: «نعم؛ سأفعل ذلك.. وسأقوم أيضًا بوقف بيع الأسلحة للسعوديين حال استخدامها في مقتل الأبرياء والأطفال، فضلًا عن محاسبتهم».>>> امّا بالنسبة لمص فقد وصف السيسي بالديكتاتور <<<تُعد مصر إحدى الدول التي ربما تقابل تغيرًا ملموسًا في علاقتها مع واشنطن حال فوز بايدن، وظهرت مؤشرات هذا التغير سريعًا بعدما نشر بايدن تغريدة على موقع «تويتر»، انتقد خلالها ما وصفه بـ«اعتقال وتعذيب عدد من النشطاء» في مصر، بعد إطلاح سراح المواطن الأمريكي محمد عماشة، بعد احتجازه نحو 486 يومًا بسبب رفعه لافتة احتجاجية.>>>> أكد بايدن أن «اعتقال وتعذيب النشطاء مثل سارة حجازي ومحمد سلطان، أو تهديد عائلاتهم، أمر غير مقبول»، وأنه «لا مزيد من الشيكات الفارغة لـ(ديكتاتور ترامب المفضل)» في إشارة إلى الرئيس المصري عبد الفتاح السيسي.
والله يا جلالدونا انا ما عايزة ترامب يفوز لكن الواقع ومسار الانتخابات بيدل على انه الفارق بينه وبين بايدن بدأ يضيق واحتمال كبير ترامب يفوز ....واذا فاز فتاكد ان العقوبات على السودان حترجع ثاني من جديد لانه بيكره السود والعرب كراهية شديدة وقبال شويه صرح امام مؤيديه بانه لمن يفوز مرة ثانية لفترة رئاسية ثانية ما حتشوفو سوري او يمني او صومالي في امريكا لفترة ٤ سنوات وانه حيمنعهم من دخول امريكا.... وطبعا بعد يفوز حيضيف السودان بعد يرجع العقوبات تاني.
11-02-2020, 00:36 AM
جلالدونا
جلالدونا
تاريخ التسجيل: 04-26-2014
مجموع المشاركات: 9387
اقول ليك حاجة يا امتثال ... ترامب ساقط ساقط لنو بصراحة مزنوق زوقة شديدة فى اهم ولايتين معتمد عليهم عشان يفوز استطلااعات اليوم تقول فى تكساس ترامب %48.2 و بايدن %47.2 بفرق نقطة واحدة لصالح ترامب فى فلوريدا ترامب %46.5 و بايدن %48.7 بفرق %2.2 لصالح بايدن _____ من الولايات المضمونة لصالح بايدن فيرمونت 3 نيوهامبشر 4 ليرتفع رصيد بايدن الى 236 و يحتاج الى 34 للفوز
11-02-2020, 01:17 AM
جلالدونا
جلالدونا
تاريخ التسجيل: 04-26-2014
مجموع المشاركات: 9387
نجى لولايات فرجينيا كلورادو و نيو مكسيكو التلاث ولايات حافظت على التصويت بالنسبة للثلاث مواسم الانتخابية السابقة للانتخابات الحالية و حسب استطلاعات الرأى نجد ان فى فرجينيا ... 13 .... نجد ان بايدن متقدما ب 11 نقطة على ترامب فى كلوراجو ... 9 ..... بايدن يسبق ترامب ب 14 نقطة امّا فى نيو مكيكو .... 5 ... يقف على بعد 13 نقطة من ترامب و يمكن حسابها بسهولة ضمن الولايات المضمونة لبايدن ليحوز مجموخ اصواتها البالغ 27 صوتا ويرتفع رصيده الى 263 و عللى بعد 7 اصوات من الرقم السحري
11-02-2020, 01:44 AM
Hafiz Bashir
Hafiz Bashir
تاريخ التسجيل: 12-04-2004
مجموع المشاركات: 7206
بالنسبة لى ولايتى مين ME ... 4 و نبراسكا NE .....5 و ديل الولايتين الوحيدتين البيقسمو اصوات المناديب بين المرشحين يعنى الفايز ما بيخم البيض كلّو كما فى باقى الولايات و بحساب اسوأ الفروض يمكن لبايدن ان يحصد 3 اصوات من مجموع اصوات الولايتين البالغ 9 عليه يرتفع رصيد بايدن الى 266 و يحتاج الى 4 اصوات للرقم 270
11-02-2020, 03:10 AM
جلالدونا
جلالدونا
تاريخ التسجيل: 04-26-2014
مجموع المشاركات: 9387
مرحب مولانا حافظ والله العظيم كون انو انك تتنزّل من علاك الفوق ده و تدخل بوست متواضع و صاحبو خرّيخ خلوة ياخى ده شرف لا يدانيهو شرف و قلادة فى رقبتى افتخر بها هاك الكج ده وسكنسون WI تحسم امرها و تضع اصواتها البالغة 10 اصوات لصالح بايدن بفارق 10 نقاط يتقدم بها عن ترامب فى استطلاعات اليوم ليرتفع حصاده الى 276 صوت انتخابى الف مبروك ليهو و ليك
متشيجان تدخل فى خط بايدن بفارق 11 نقطة لصالحه و اضافة 16 صوتا ليرتفع رصيده الى 292 ____ ترامب ليهو يومين شغال خرخرة بداها فى تكساس بطلب سحب 100 الف صوت ثم التعرّض ليص يحمل حملة اعضاء حملة بايدن من قبل انصاره و ختمها بأعلان فوزه اذا كان قريبا من الرقم 270 الزول قال الروب عديل
سلام يا حبائبنا مولانا حافظ وجلال، وشكرا يا جلال على الرد لمولانا. تعرفوا يا شباب، الأمريكان عندهم إعتقادات، زي الكجور عندنا، فمثلا عندهم إعتقاد جازم، اللي بتصوت ليهو ولاية أوهايو هو دائماً الفائز، ركزوا معاهم في النقطة دي وبرضو عندهم إعتقاد تاني اللي بتفوزو ولاية بنسلفانيا بتوفوزو ولاية متشغن كدي لا حظوا للإعتقادات دي
11-03-2020, 00:55 AM
احمد عمر محمد
احمد عمر محمد
تاريخ التسجيل: 01-10-2013
مجموع المشاركات: 1273
بصراحة يا ا م ع الشغلة مشربكة شديد لكن حظوظ ترامب ضيقة شديد ده تاريخ ولاية فلوريدا فى الانتخابات من سنة 2000 47.8% ...... 49.0% .....2016 لمرشح الجمهوريين ترامب 50.0% ..... 49.1% .....2012 اوباما
51.0% .... 48.2% .....2008 اوباما
47.1% .... 52.1% .....2004 بوش الابن جمهوري
48.8% ..... 48.8% .....2000 بوش الابن بى حكم محكمة الان برغم المنافسة الشديدة احتمال بايدن يكسب وارد شديد بايدن لو فاز فى بنسلفانيا وسكنسون متشجان ما محتاج لى فلوريدا لكن ترامب لو ما فاز فى فلوريدا و معاها محتاج الفوز فى بنسلفانيا و متشيجان و جورجيا و وسكنسون يبقى يشرب و ما يروى و رغم ذلك عجائب الانتخابات الامريكية واردة مع ملاحظة انو مزنوق فى تكساس و جورجيا شديد و برضو محسوبات ليهو
11-03-2020, 03:17 AM
waleed nayel
waleed nayel
تاريخ التسجيل: 10-31-2008
مجموع المشاركات: 1170
في بوست كاتبه الهادي بعنوان استطلاعات الراي تؤكد تفوق بايدن على ترامب وسالت سؤال عن معنى استطلاعات الراي ....فما معنى استطلاعات الراي ...لانه خلال انتخابات ٢٠١٦ استطلاعات الراي كانت بتقوب ان هيلاري كلينتون تتقدم على ترامب وفوجئنا جميعا بفوز ترامب،،، والمصيبة ان المشهد حيتكرر هذا العام..
11-03-2020, 04:59 AM
جلالدونا
جلالدونا
تاريخ التسجيل: 04-26-2014
مجموع المشاركات: 9387
مرحب النذير مولانا يستحق الرد و الثناء حتى و لو اساء هو نحنا نطول اما كجور الامريكان الصحى صحى فى دق الخشب فى يوتا المرة بتركب ورا فى ضهر البكسى و معاها خجر زى اهل ناس كمار هنا
11-03-2020, 07:57 AM
Hafiz Bashir
Hafiz Bashir
تاريخ التسجيل: 12-04-2004
مجموع المشاركات: 7206
Quote: مرحب مولانا حافظ والله العظيم كون انو انك تتنزّل من علاك الفوق ده و تدخل بوست متواضع و صاحبو خرّيخ خلوة
😂😂😂 مولانا لا ينزل من علاه أبداً ولكن البوست هو الذي إرتقى لعلا مولانا وننوه إلى أن إرتقاء البوست لا يعني بالضرورة إرتقاء صاحب البوست. 😂😂😂 بعيداً من أي مكاجرات مشكور جداً يا جلالدونا (بدون المدعو) على البوست المرجعي في متابعة الإنتخابات الأمريكية وعلى الشرح والتحليل.
11-03-2020, 05:12 PM
الصادق عبدالله الحسن
الصادق عبدالله الحسن
تاريخ التسجيل: 02-26-2013
مجموع المشاركات: 3244
Quote: استطلاعات الراي كانت بتقوب ان هيلاري كلينتون تتقدم على ترامب وفوجئنا جميعا بفوز ترامب
هذا الرجل في مقطع الفيديو يا امتثال يجيب بتفصيل على أسئلتك الخاصة بعمل آليات استطلاعات الرأي وقياس اتجاهات الناخبين.
البروفسور والمؤرخ (ألان ليكتمان) كانت كل تسديداته وعلى مدى 36 عاماً في قلب المرمى وجاءت كلها صائبه.
في حملة انتخابات 2016 كان هو الوحيد تقريباً الذي تكهن بفوز الكارثة ترامب لكنه الآن يقطع بشكل جازم ومن على شاشة فوكس نيوز بأن عودة (دونالد ترامب) إلى البيت الأبيض أصبحت "لحس كوع" وأن (جو بايدن) هو من سيفوز بالنتيجة ويتربع في المكتب البيضاوي:
تحياتي وشكراً يا جلال يا راقي على البوست الراقي .... .. .
11-03-2020, 06:03 PM
Gafar Bashir
Gafar Bashir
تاريخ التسجيل: 05-02-2005
مجموع المشاركات: 7220
مرحب وليد نايل و شاكر تشريفك البوست فعلا كلامك صحيح فى انتخابات 2000و2004 صوتت لصالح بوش الابن و2016 ضوّتت لصالح ترامب بحسب نتائج استطلاعات الرأى فيها ترامب %47.5 بايدن %46.8 و الفرق %.0.7
Quote: سالت سؤال عن معنى استطلاعات الراي ....فما معنى استطلاعات الراي ...لانه خلال انتخابات ٢٠١٦ استطلاعات الراي كانت بتقوب ان هيلاري كلينتون تتقدم على ترامب وفوجئنا جميعا بفوز ترامب،،،
استطلاع الرأى هو بكل بساطة اختيار عينة عشوائية لمعرفة رأيها فى موضوع الاستطلاع و الشغلة دى الان بتقوم بيها صحف و قنوات و مراكز متخصصة و دايما بيختو هامش خطأ ... الشائغ 3% زيادة او نقصان واصبحت لها اهمية قصوى فى تحديد المرشح الفايز على مستوى الرئاسة و مجلسى السيوخ و النواب المقتبس ادناه بيدّيك فكرة عن تاريخ الاستطلاعات فى امريكا
Quote: أول استطلاع سياسي أجرته الجريدة المحلية في هاريسبيرغ بولاية بنسلفانيا. لكن الاستطلاعات المستقلة لم تصبح مصدرا لوسائل الإعلام في تغطيتها الإخبارية للحملات الانتخابية إلا في الثلاثينيات من القرن الماضي. وتجدر الإشارة هنا إلى مركز غالوب لسبر الآراء الذي أنشئ عام 1935، وبحلول السبعينيات من القرن الماضي، كانت مراكز الأخبار في شبكات التلفزيون الرئيسية الثلاث (أي بي سي، سي بي إس، إن بي سي) تقدم استطلاعاتها الخاصة حول الانتخابات الرئاسية، وبعد ذلك في انتخابات الولايات الهامة والكونجرس الأمريكي. وأصبحت معظم وسائل الإعلام منفردة أو باشتراك أكثر من وسيلة، تجري استطلاعات الرأي بصورة مستمرة ومنتظمة وقد تتعقب الرأي العام حول المرشحين والقضايا على أساس يومي أو أسبوعي، بحيث تكون حيادية ومستقلة.
11-04-2020, 00:34 AM
جلالدونا
جلالدونا
تاريخ التسجيل: 04-26-2014
مجموع المشاركات: 9387
مرحب معاوية بعد فرز 95% من الاصوات بايدن متقدم على ترامب فى ويسكانسون و فى متيشجان بعد فرز 96% من الاصوات بايدن متقدم برضو على ترامب فى نيفادا بايدن متقدم الوضع الان بايدن ......238 نيفا........6 ويسك ....10 ميتش .....16 احتمالات فوز بايدن لسه قايمةو قوية و ده بصرف النطر عن بنسلفى جورجيا نورث كاورلاينا و التى ينافس فيها بايدن بقوة
11-04-2020, 06:53 PM
جمال ود القوز
جمال ود القوز
تاريخ التسجيل: 01-25-2013
مجموع المشاركات: 5925
Quote: احتمالات فوز بايدن لسه قايمةو قوية و ده بصرف النطر عن بنسلفى جورجيا نورث كاورلاينا و التى ينافس فيها بايدن بقوة
حبيبنا جلالدونا ... تحياتي مداخلتك مهمة اليوم الصباح أنا صدقت بأن ترامب فائز وأن الامر انتهي ربما لم استوعب الأمر رغم أنني كنت راضياً عن دور ترامب في رفع السودان من القائمة ولكن حسب كلام الابنة الامتثال أن ترامب ممكن يغير رأيه في أي وأنا غيرت راي ..
في تغريدة لإلهان من اصول صومالية ( عضو الكونقرس ) قالت (( لم أتخيل ان تكون الانتخابات الامريكية كما الصومال ))
تحياتي الحبيب جلالدونا ..
11-04-2020, 07:10 PM
النذير حجازي
النذير حجازي
تاريخ التسجيل: 05-10-2006
مجموع المشاركات: 7159
وسكونسن (10 كليات إنتخابية) ذهبت لبايدن بايدن الآن 248 مقابل 214 لترامب ولايات لم تحسم بعد: ميتشجان يتقدم فيها بايدن نيفادا يتقدم فيها بايدن بينسلفانيا يتقدمها ترامب نورث كارولاينا يتقدمها ترامب جورجيا يتقدمها ترامب الاسكا يتقدمها ترامب
لو كسب بايدن أي أثنين من الولايات التي لم تحسم فذلك يضمن لجلالدونا عدم حال كونه زول كج. فرصة فوز بايدن في ميتشجان ونيفادا تكاد تكون مضمونة وهنالك إحتمال كبير بفوزه في بينسلفينيا
11-04-2020, 09:22 PM
جلالدونا
جلالدونا
تاريخ التسجيل: 04-26-2014
مجموع المشاركات: 9387
ميتشجان الان تم فرز 99% من الاصوات بايدن يتقدّم بفارق 38000 صوت ___ شفت الكج بتاعك كراعو حارة كيف يا حافظ ترامب يطلب رسميا اعادة حساب الاصوات فى وسكانسون
11-04-2020, 09:37 PM
Nasser Amin
Nasser Amin
تاريخ التسجيل: 02-07-2017
مجموع المشاركات: 3562
على ما اعتقد خرخرتو دى ما بتصل المحكمة العليا لامريكا كل ولاية عندها جهازها القضائى و محكمتها العليا عموما ترامب بقول فى كلام بيشكك فى كل العملية الانتخابية فى تغريداته فى تويتر نسمع تنظير مولانا حافظ فى الحتة دى شنو
_____ بعد فرز 99% من الاصوات بايدن يتقدّم بفارق 62 الف صوت
11-04-2020, 10:08 PM
Biraima M Adam
Biraima M Adam
تاريخ التسجيل: 07-05-2005
مجموع المشاركات: 27344
Quote: ترامب شكلو لو انهزم ما ح يستسلم بسهولة و ح يلجأ للقضاء
ول أبا حبابك .. لكل مقام حال .. أنتظر لما بايدن يفوز في الأول .. وهو قاب قوسين أو أدني .. الباقي حراس الحق العام سوف يقوموا بالواجب .. والعالم كله ح يشهد.
بريمة
11-04-2020, 10:21 PM
جلالدونا
جلالدونا
تاريخ التسجيل: 04-26-2014
مجموع المشاركات: 9387
Quote: خطاب ترامب خطاب اعلان فوز دون ن يصرّح بذلك خطاب مسئول من شخص يستحق الرئاسة
قصدك بايدن فعلا خطاب شخص مسئول و حاول ان يخفف التوتر الحاصل و انه لن تكون هناك ولايات زرقاء او حمراء و انه سيكون رئيسا لكل الامريكيين. و كان لبق في حديثه عن فوزه ..
11-05-2020, 04:00 AM
الشيخ سيد أحمد
الشيخ سيد أحمد
تاريخ التسجيل: 07-14-2008
مجموع المشاركات: 2666
Quote: ميتشيجان لصالح بايدن و يرتفع برصيده الى 264 صوتا انتخابى مع تقدمه فى ولاية نيفادا
الحصل ده يا جلال اسمه قلبة تربيزة .. صراحة اتفاجأت جدا بالنتيجة في ولايات البحيرات الاتنين لكن ما حدث في ميتشغان أبهرني .. الآن عمك ترامب في طريقه لأن يتسوّح لانه لازم يفوز بالباقي كله التلاتة ممكن يفوز بيهن لكن نيفادا عصية جدا .. والستة اصوات حقتها حتجيب العيد في طرمبة .. لانها حتبقى بايدين 270 ـــــــــــــــــــــــــــــــــــــــــــــــــ
ليتك تسهب في الاحتمالات بايدن تكفيه نيفادا ويحتفل بالفوز لكن كان راحت عليهو وفقد الولايات الباقيات وده احتمال ضئيل حيكون ترامب روحه روح كلب وحيفوز ... خليهو يخارجنا ويريحنا من عنصريته وقرفه لقد أعاد أمريكا 50 سنة للوراء .... ده تاجر بطيخ ما بنفع مش يدير دولة عظمى ....
11-05-2020, 01:24 PM
جلالدونا
جلالدونا
تاريخ التسجيل: 04-26-2014
مجموع المشاركات: 9387
نعم القصد بايدن يا ناصر و شكرا للتصحيح ___ يا جمال قلب التربيزة الجد جد ح يحصل فى جورجيا الفرق من كان 130 الف لصالح ترامب تقلّص لى 18 الف الان ترامب 49.6% و بايدن 49.2% و نسبة التصويت 96% طيب يا جمال اذا كان الفرق بيناتن 0.4% بيساوى 18 الف نحسب ال 1% 30 االف صوت على اقل تقدير ال 30الف صوت دى نضربا فى ال4% نسبة الاصوات اللسّه ما اتحسبت 30 الف*4 بتساوى 120 الف صوت قادم و ده بيزيد فرص بايدن فى اصطياد الولاية اتوقّع انو الولاية تكون من نصيب بايدن و اضافة 16 صوتا الى رصيده فى اريزونا محافظة ماريكوفا ... V ... هكذا تنطق و تكتب ’Maricopa و دى المحافظة القاعدين فيها الامر محسوم لصالح بايدن لانو اكثر من تلتين سكانها مكسيكان
11-05-2020, 02:17 PM
جلالدونا
جلالدونا
تاريخ التسجيل: 04-26-2014
مجموع المشاركات: 9387
مرحب الشيخ عشان الواحد يبقى رئيس لى امريكا بيخش امتحات الانتخابات ده تلاتة مرّات فى الانتخابات الاولى و دى خاصة بالحزب درت العادة ان تقوم لجنة حزب الولاية باختيار مناديب الولاية من عضويتها المسجلة رسميا و كل لجنة ولاية عندها طريقتا فى الاختيار وديل ليهم مهمة اولى لمتابعة انتخابات الحزب بعدفوز المرشح ,, وهومن ضمن مرشحين اخرين للحزب ... بيتلموا المنديب ديل من كل الولايات فى المؤتمر العام للحزب لتسمية مرشح الحزب للانتخابات الرئاسية عشان كد بتلقى مصطلحين فوز و تسمية نجى للمجمع الانتخابي نمسك ولاية كاليفورنيا مثالا نصيبا فى مجلسى النواب و الشيوخ من الماقعد 55 معقدا على هذا العدد بيتحدد عدد مناديب الولاية و ينطبق هذا الامر على جميع الولايات لامن تجمع عدد جميع مناديب الولايات بتلقاهو بيساوى عدد مقاعد مجلس النواب + عدد مقاعد مجلس الشيوخ + 3 435+100+3=538 و التلاتة الاضافية دى تابعة لواشنطون العاصمة لانها ما عنده تمصيل نيابي لا فى النواب لا فى الشيوخ لاحظ فى اثناء العملية الانتخابية هى مجرد اصوات تحسب للمرشح الفايز فى الولاية لكن بعد انهاء الانتخابات الاصوات دى هى بتكون اشخاص بيتم اختيار عبر قواعد الحزب بتتلمّ فى يوم محدد لانتخاب و تسمية رئيس امريكا و جرت العادة انو يلتزمو بخيارات الناخبين اها الجوطة الفوق دى كلّها تتعلّق بالرئيس نائب الرئيس شغلو براهو انتخابات تانية فى مجلس الشيوخ و بالتصويت السري بتم تسمية نائب الرئيس
11-05-2020, 03:02 PM
Maawya Hussein
Maawya Hussein
تاريخ التسجيل: 12-27-2007
مجموع المشاركات: 10136
سلام عليكم موضوع التصويت بالبريد ضمانات صدقيتو وعدم حدةث الاعب شنو ؟ عنى الزول بيمشى يقترع مباشر دى تمام لكن ورقه مرسله بالبريد يعنى كيفيه تحرى شخصيه المقترع سواء عند ارسال ورقه الاقتراع او بعد ارسالها (توقيع رقم ضمان اجتماعى او بصمه او ..الخ)؟ هل فى احتمالات تزوير وتلاعب فى التصويت بالبريد ؟ هاصه انو كحالات خاصه سابقا غير مؤثر لكن فى ظروف كورونا عدد كبير ومؤثر و(قد يفتح باب جدل كبير) تحياتى
11-05-2020, 03:41 PM
Hafiz Bashir
Hafiz Bashir
تاريخ التسجيل: 12-04-2004
مجموع المشاركات: 7206
يعنى خلاص يا معاوية بنسلفى هدية منّك يا سيدى مبروك عليهو ____ كلامك صاح يا عاطف عمر بس كان تعتبرا من نوع البلااغة ديك التقول اطلق الجزء و اراد الكل اها عاجبك كده هسى تتعب مولانا بالشكل ده
11-05-2020, 04:20 PM
جلالدونا
جلالدونا
تاريخ التسجيل: 04-26-2014
مجموع المشاركات: 9387
الوضع كالاتى يا عاصم عادة بتجيك رسالة من لجنة انتخابات المحافظة فيهو بطاقة التصويت و ظرف جاهز لاعادة الرسالة بالبريد البطاقة دى بس عليك بالقلم تسوّد الدايرة الصغيرة امام اسم المرشح بجانب التصويت للرئاسة برصو فيها ناس النواب و الشيوخ و ترشيحات الولاية فى اعلى البطاقة فى الطرف اليمين رقم و فى الطرف الشمال كود وتحتو رقم دى عاد يجى يفتى لينا فيها شيخنا عبدالله او دودى ليهم خبرة كبيرة فى الحاجات دى اجيك للظرف فى جانب بتلقى عنوان الجهة المرسل ليها مكتوب جاهز فى الجانب الاخر فى الجنب اليمنين بنلقى كود و تحتو اسمك و عنوانك مكتوبين تحت منة صندوق بى اطار احمر للتوقيع وتحتو رقم تلفونك و التاريخ بيقارنو الحاجات دى مع معلوماتك فى السيستم للتأكد من صحة البطاقة يعنى فرصة التزوير دى تكاد تكون معدومة
11-05-2020, 06:08 PM
Maawya Hussein
Maawya Hussein
تاريخ التسجيل: 12-27-2007
مجموع المشاركات: 10136
بحسب الاصوات المعلن عنها فى نيفادا... بايدن يوسع الفارق الى 12 الف صوت فى جورجيا ترامب فى المقدمة و الفارق ينزل الى 14 الف صوت بعد فرز 99% حخ الاصوات فى ن كالورانيا ترامب فى المقدمة بفارق 76 الف صوت و فى انتظار4% فى بنسلفانيا و بعد فرز 88% من الاصوات لا زال ترامب متقدما ب 115 الف صوت ____ يا معاوية احتمال كبير بايدن ينفّض لى ترامب الشغلة بقت قريبة من بعض شديد
11-05-2020, 07:27 PM
Maawya Hussein
Maawya Hussein
تاريخ التسجيل: 12-27-2007
مجموع المشاركات: 10136
خلاص يا جلال قُضي الأمر ... بنسلفانيا حتريحنا على الآخر .. مبروك بايدن .. طرمبه يمش يشوف ليهو غراب يجزو ... خخخخخخخ ... حتى خرخرتو لن يلتفت لها أحد .. ببساطة لانها بلا أدلة تقدح في نزاهة العملية الانتخابية .. بايدن يديهو بالجزمة في جورجيا الاتقدم فيها برضو .. دي هوادة وزيادة خير .. أما نيفادا فكريم شانتيه من فوق تورته الفوز بالرئاسة .....
11-06-2020, 05:44 PM
Maawya Hussein
Maawya Hussein
تاريخ التسجيل: 12-27-2007
مجموع المشاركات: 10136
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة