لقراية الخريطة .. الالوان و تدرجاتها اللون الازرق دبموقراط بايدن اللون الاحمر جمهوريين ترامب اللون الازرق الغامق ولايات مضمونة لبايدن اللون الازرق ولايات تفضّل بايدن اللون الازرق فاتح ولايات تميل لبايدن الاحمر القانى ولايات مضمونة لترامب الاحمر ولايات تفضّل ترامب الاحمر الفاتح تميل الى ترامب امّا اللون اللخدر التركيني فده محل اللت و العجن و الخبت تركين بى شطّة خدرا و بصل و فلفل و دموع سايلة و عرق راس و وحوحة شديدة حيث ان المنافسة شرسة و فيها ولايات حاسمة زى فلوريدا وجورجيا ونورث كالورانيا و اوهايو
لقراية الخريطة فى الخريطة بنلقى خرطة الولاية مختصر الاسم و رقم الرقم ده هو عدد مناديب الولاية او الكلية الانتخابية و ده هو البحدد من المرشح الفايز نشيل الكلام ده و نطلع بيهو اعلى الخريطة بنلقى فى مستطيل طويل و يحوى كل الالوان اعلى المستطيل من جهة اليمين بنلقى ترامب و رقم الرقم ده مجموع اصوات المناد يب للولايات المضمونة زائدا الاصوات المتوقعة للولايات باللون الاحمر و الاحمر الفاتح نفس الكلام ده ينطبق على بايدن فى الطرف الشمال فى المنتصف اعلى و اسفى المستطيل بنلقى سهمين متقابلين و بيشيرو الى الرقم 270 و هو الحد الادنى للفوز فى الانتخابات داخل المستطيل بالنسبة للونين الازرق و الاحمر و حسب التدرج و مجموع اصوات الولايات لكل درجة من اللونين بالاضافة للولايات الما اتحددت هويتها لو جمعنا كل الارقام داخل المستطيل المجموع بكون 538 مندوب و لينا رجعة لهذا الرقم
متابعة لصيقة... وسهلت لينا فهم الخريطة الانتخابية.. لكن وين هي الخريطة ...ما لقينا اللنك... وشكرا كمان على فهم اختصار الولايات...ما كنا بنعرف غير ٤ او خمس ولايات وهي: NY NJ NE FL CA
ما يميّز هذه الخريطة ناخد ولاية تكساس مثالا نلقها ماخدة اللون الاحمر الفاتح لصالح ترامب لكن اخر استطلااع اظهر تقدّم بايدن فيها بى تلاتة نقاط و ده بيعنى انها تحولت للازرق الفاتح كل المطلوب انو توجّه مؤشر على ولاية تكساس و تضغط على الماوث سيتغير اللون واصل الضغط الى ان تصل للون الازرق الفاتح لاحظ ان الارقام داخل الشريط الفوق تغيرت لصالح ترامب
Post: #8 Title: Re: لمتابعي الانتخابات الامريكية Author: علي عبدالوهاب عثمان Date: 10-25-2020, 09:46 PM Parent: #7
حبيبنا جلالدونا تحياتي
اللنك لم يفتح .. لكن شغلك ده بصراحة جميل بما أنك في الداخل الامريكي .. أنا متابع الانتخابات في سي ان ان لكن يبدو أنها تميل نحو الديمقراطيين ( مع حبي للديمقراطيين ) ما هي قراءتك وتوقعاتك لأنكم داخل امريكا لذا رايكم مهم جدا وتوقعاتكم تكون الأقرب
مرحب بى الحبّوب استاذنا على كدى جرّب هنا ..... فى اللنك الفوق فى المداخلة الاولى فى شريط ازرق دوس عليهو _____ فى تقرير سابق عن الانتخابات قال لاول مرة فى تاريخ امريكا انو الناخب الامريكى يذهب الى صندوق الاقتراع و هو يا ضد ترامب يا معه و ده بيفسّر الاقبال الكبير على التصويت المبكّر الاتجاه العام و استطلاعات الرأى تؤكد فوز بايدن
Post: #10 Title: Re: لمتابعي الانتخابات الامريكية Author: Asim Ali Date: 10-25-2020, 10:18 PM Parent: #9
https://www.270towin.com/maps/consensus-2020-electoral-map-forecast Click the map to create your own at https://www.270towin.com/maps/consensus-2020-electoral-map-forecast270toWin.com
شكرا اخونا عاصم على ميزة تانية فى الخريطة يوم اعلان النتائج ح تشتغل على لونين فقط الاحمر القانى لترامب و الازرق الغامق لبايدن نقول ترامب فاز بى تكساس عادى ممكن تحول لون الولاية الى الاحمر القانى و تلقائيا الشريط الفوق بيديك النتيجة و مع كل اعلان نتيجة يتمدد اللون الى المنتصف الى لحطة الوصول للرقم 270 و حينها يتم اعلان الفائز دون انتظار لبقية نتائد الولايات الاخرى
نجى للرقم 538 ليه الرقم ده تحديدا وما مهمته الرقم ده هو المساوى لعدد مقاعد مجلس النواب زائدا عدد مقاعد مجلس الشيوخ زائدا 3 مندوبين للعاصمة واشنطون 435 + 100 + 3 = 538 طيب ليه تلاتة مقاعد لى واشنطون العاصمة الاجابة و بحكم الدستور العاصمة لا تملك تمثيل نيابى لا فى النواب لا فى الشيوخ و هم اعضاء الهيئة الانتخابية المناط بيها اعلان المرشّح الفائز طيب كل ولاية ليها عدد محدد من المندوبين يتم اختيارهم بواسطة الناخبين ليمثلوهم داخل الهيئة الانتخابية و تجتمع مرّة كل اربعة سنوات لاعلان المرشّح الفائز و من مزاياها سرعة اعلان المرشح الفائز طال مه حصد ما مجموعه 270 صوتا من عدد المناديب من دون الحوجة لانتظار ظهور كل النتائج
مرحب حامد رحم الله اخانا خالد العبيد و غفر له مصاب جلل وفقدكبير صادق التعازي لكم و لاسرته و لزملاء دربه انا لله و انا اليه راجعون
Post: #17 Title: Re: لمتابعي الانتخابات الامريكية Author: جلالدونا Date: 10-30-2020, 05:34 AM Parent: #16
نجى لى قراية احتمالات الفوز و نبدا بى تكساس اخر مرة صوتت الولاية لصالح الديموقراط سنة 1976 و فاز كارتر ياصوات الولاية اليوم حوّل الديموقراطيون الولاية الى ساحة معركة حامية ففى التصويت المبكر صوت اكثر من تمانية مليون ونصف حتى الان و لسه عندهم يومين الخميس و الجمعة و هذا الرقم يعادل 95% من احمالى المصوتين فى انتخابات 2016 المحللون الديموقراط يقولون: اذا وصل عدد المصوتين الى 12 مليون حتما سيفوزون بالولاية وذلك استنادا على الاقبال الكبير من الفئة العمرية 18 الى 30 سنة و التى قد تغيّر كثيرا من لون الولاية
الديموقراط يلعبون فى مناطق الجمهوريين ولاية اريزونا منذ انتخابات العام 1972 لم تصوّت اريزونا للديمقراط الا مرة واحدة و كان ذلك فى العام 1996حتى باتت خارج حسابات الديموقراط الان كل التوقعات تشير بأنها ذاهبة لصالح بايدن استطلاعات الرأى تظهر تقدم بايدن بثلاث نقاط زارها ترامب مرتين و خاطب مناطق المحافظين البيض فى مدينة برسكوت و اليوم يزورها بينس وله فعالتين فى مدينتى فلاق استاف و توسان الريفيتين بغية قلب ميزان الاستطلاعات فيها
بنسيلفانيا منذ انتخابات 1992 ظلت الولاية تضوّت لصالح الديمقراطيين ... فترة بل كلنتون الاولى الىاتنخابات 2012 فترة اوباما التانية فى انتخابات 2016 ذهبت اصوات الولاية لترامب اذ نال ترامب من الاصوات 2912944 بنسبة 48.8% فيما نالت كلينتون ما عدده 2844705 بنسبة 47.6% بفارق 1.2% و يعادل 68239 صوتا فى يوم السبت الفائت شهدت الولاية نشاطا ملموسا لبايدن و ذلك بمشاركته فى اربعة تجمعات انتخابية شارك فيها اوبام ومعززا بذلك تقدمه على ترامب البالغ 6 نقاط عودة الولاية لحظيرة الديموقراط اصبحت مؤكده خد عندك 20 صوتا لصالح بايدن و ابدا الحساب
MN ولاية مينيسوتا بالعود الى انتخابات 1980 كانت الولاية من ضمن خمس ولايات اضافة للعاصمة واشنطون صوّتت لصالح الديموقراط فو لاية رونالد ريجان الاولى و هى مينسوتا وست فرجينيا رود ايلاند ميرى لاند جورجيا بجانب العاصمة وحصد يومها ريجان من اصوات المجمع الانتخابي489 صوتا مقابل 49 امرشح الديموقراط حينها جيمى كارتر على ان الاغرب حدث فى اتخابات 1984 اذ صوتت كل الولايات لصالح ريجان فى فترته التانية عدا مينسوتا و العاصمة نال اصواتهما مرشح الديموقراط والتر مونديل و نال وقتها ريجان 525 صوتا انتخابيا مقابل 13 صوتا لوالتر كنصر تاريخي اظنه غير مسبوق عليه بمك نـكيد ان اصوات مينسوتا و العاضمة مضمونة للديموقراط PA 20+MN 10+DC 3 = 33
Post: #21 Title: Re: لمتابعي الانتخابات الامريكية Author: Osman Musa Date: 11-01-2020, 08:18 PM Parent: #19
الأخ جلال سلام . وكيفك يا خبير مشكور كتير على الشرح الممتع والفهم العميق للانتخاب. ونحنا في انتظار فوز الرجل المحترم بايدن . تحياتي .
Quote: الأخ جلال سلام . وكيفك يا خبير مشكور كتير على الشرح الممتع والفهم العميق للانتخاب. ونحنا في انتظار فوز الرجل المحترم بايدن . تحياتي .
كلنا فى الانتظار و ح يحصل بأذن الله و عشان ابشّرك ده رصيد بايدن المضمون كاليفورنا CA ........ 55 نيوجيرسى NJ.......29 واشنطون WA.....12 ألينوى IL..............20 ميرى لاندMD......10 ماساشوستس MA.. 11 كونيتيكت CT...,,7 اورقون OR....7 نيويورك NY...29 دى مجموعها 185 صوت نضيف عليهن مينسوتا بنسلفينيا و العاصمة 33 صوت يبقى المجموع 218 صوت يبقى بايدن محتاج لى 52 صوت اضافى للفوز بى عقاب اليوم ده بلمّهن ليك
يا هلا بالنذير عن مينيسو تا و بنسيلفينيا فول بتلقى تحليل بسيط ليهم اتبنت عليه حساباتى فى انتخابات 2016 يمكن ما ساعد قى فوز ترامب بالانتخابات عموما راى عدد كبير من الامريكان عى تولّى المرأة للرئاسة ---- من الولايات التى حسمت امرها لصالح بايدى دلوير 3 رودايلاند 4 و هاواى 4 بمجمىع 11 صوتا ليرتفع رصيم بايدن الى .... 218=11......229 صوتا انتخابيا يحتاج لى 41 صوتا للفوز ____ مرحب جعفر بشير
يا النذير تكساس ما ولاية متارجحة ...لانها ولاية مقفولة للجمهوريين. يعني جميع سكان تكساس حيصوتوا لترامب لان كل سكان الولاية من المتطرفين اليمينيين العنصريين. .يعني ترامب مضمون ليه ال٥٥ مجمع انتخابي بتاع تكساس.... وطبعا البيجمع ٢٧٠ بالاول هو الذي يفوز بالرئاسة...
ويا جعفر نختصر ليك الموضوع ..الفايز حيكون ترامب...والله يكضب الشينة..
Quote: ويا جعفر نختصر ليك الموضوع ..الفايز حيكون ترامب.
تحياتي جلالدوان
سركا يا امتثال الله يبشرك بالخير ان عارف صاحبي الهادي ده تعبان ساي في التبشير بي بايدن ترمب كلو خير بايدن باهت وما منو فايدة طبعا للسودان ما للمقيمين في امريكا
سلام بالحلوين جعفر وجلال وإمتثال، أتفق مع إمتثال بإنو ترمپ هو الفائز، واتفق معك يا أبو الجعافر بأن الجمهوريين كويسين معانا في السياسة الخارجية، فهم ضد الإخوان المسلمين، أما داخليا ما كويسين معنا من ناحية العنصرية، والعكس صحيح بالنسبة للديمقراطين، علشان كدا نحن في فوز أي منهما مستفيدين.
كسرة: يا إمتثال كلامك مظبوط، لكن تكساس صوتت لكارتر، علشان كدا تعتبر متارجحة بالرغم إنها جمهورية، زي نورث كارولاينا هي جمهورية ولكنها صوتت لأوباما سنة 2008 شكرا يا حبيبنا جلال على البوست الجميل، وياريت نشوف سمارت أنا وفردوس جامع وناصر جامع وپروف أبو نورا في هذا الپوست.
بالعكس يا جعفر اول من بادر برفع جزء من العقوبات اوباما فى نهاية فترته التانية والله لو لا الانتخابات دى ترامب كا كان اشتغل بينا الشغلة بايدن استنكر تغريم السودان الملايين دى و كان غاضب من اجبار دولة اقتصادها منهار على الدفع بدل مساعدتها امسك فى يايدن احسن ليك ____ يا امتثال ترامب فرصتو ضعيفة شديد فى الفوز بادن داخل بى فرصتين كسب فلوريدا و تكساس يكسب خسر فلوريدا و تكساس برضو يكسب و ان شاء الله تلقى الجسبة دى صاح
تعرف يا النذير فى حتّة السياسة الخارجية لبايدن حقذو ترقد قفا بايدن ملتزم تماما بالعودة الى الاتفاق النووي مع ايران ملتزم تماما بوقف الحرب باليمن حتى لا يصبح قادة الخليج منبوذين على حد تعبيره فتح ملف خاشقجى و التحقيق فيه و فن حال حصول اى لولوة سيقوم بحطر بيع السلاح للخليج <<<<<فى سوال وجّه له فى الانتخابات التمهيدية انقله لك هنا لم يعاقب الرئيس ترامب كبار القادة السعوديين بعد تأكد «السي آي إيه» من صدور أمر من ولي العهد السعودي بمقتله. هل بإمكانك فعل ذلك؟» سؤال تم توجيهه لبايدن خلال مناظرة مع مرشحي الحزب الديمقراطي السابقين، والذي أجاب عليه قائلًا: «نعم؛ سأفعل ذلك.. وسأقوم أيضًا بوقف بيع الأسلحة للسعوديين حال استخدامها في مقتل الأبرياء والأطفال، فضلًا عن محاسبتهم».>>> امّا بالنسبة لمص فقد وصف السيسي بالديكتاتور <<<تُعد مصر إحدى الدول التي ربما تقابل تغيرًا ملموسًا في علاقتها مع واشنطن حال فوز بايدن، وظهرت مؤشرات هذا التغير سريعًا بعدما نشر بايدن تغريدة على موقع «تويتر»، انتقد خلالها ما وصفه بـ«اعتقال وتعذيب عدد من النشطاء» في مصر، بعد إطلاح سراح المواطن الأمريكي محمد عماشة، بعد احتجازه نحو 486 يومًا بسبب رفعه لافتة احتجاجية.>>>> أكد بايدن أن «اعتقال وتعذيب النشطاء مثل سارة حجازي ومحمد سلطان، أو تهديد عائلاتهم، أمر غير مقبول»، وأنه «لا مزيد من الشيكات الفارغة لـ(ديكتاتور ترامب المفضل)» في إشارة إلى الرئيس المصري عبد الفتاح السيسي.
والله يا جلالدونا انا ما عايزة ترامب يفوز لكن الواقع ومسار الانتخابات بيدل على انه الفارق بينه وبين بايدن بدأ يضيق واحتمال كبير ترامب يفوز ....واذا فاز فتاكد ان العقوبات على السودان حترجع ثاني من جديد لانه بيكره السود والعرب كراهية شديدة وقبال شويه صرح امام مؤيديه بانه لمن يفوز مرة ثانية لفترة رئاسية ثانية ما حتشوفو سوري او يمني او صومالي في امريكا لفترة ٤ سنوات وانه حيمنعهم من دخول امريكا.... وطبعا بعد يفوز حيضيف السودان بعد يرجع العقوبات تاني.
Post: #32 Title: Re: لمتابعي الانتخابات الامريكية Author: جلالدونا Date: 11-02-2020, 00:36 AM Parent: #31
اقول ليك حاجة يا امتثال ... ترامب ساقط ساقط لنو بصراحة مزنوق زوقة شديدة فى اهم ولايتين معتمد عليهم عشان يفوز استطلااعات اليوم تقول فى تكساس ترامب %48.2 و بايدن %47.2 بفرق نقطة واحدة لصالح ترامب فى فلوريدا ترامب %46.5 و بايدن %48.7 بفرق %2.2 لصالح بايدن _____ من الولايات المضمونة لصالح بايدن فيرمونت 3 نيوهامبشر 4 ليرتفع رصيد بايدن الى 236 و يحتاج الى 34 للفوز
Post: #33 Title: Re: لمتابعي الانتخابات الامريكية Author: جلالدونا Date: 11-02-2020, 01:17 AM Parent: #32
نجى لولايات فرجينيا كلورادو و نيو مكسيكو التلاث ولايات حافظت على التصويت بالنسبة للثلاث مواسم الانتخابية السابقة للانتخابات الحالية و حسب استطلاعات الرأى نجد ان فى فرجينيا ... 13 .... نجد ان بايدن متقدما ب 11 نقطة على ترامب فى كلوراجو ... 9 ..... بايدن يسبق ترامب ب 14 نقطة امّا فى نيو مكيكو .... 5 ... يقف على بعد 13 نقطة من ترامب و يمكن حسابها بسهولة ضمن الولايات المضمونة لبايدن ليحوز مجموخ اصواتها البالغ 27 صوتا ويرتفع رصيده الى 263 و عللى بعد 7 اصوات من الرقم السحري
Post: #34 Title: Re: لمتابعي الانتخابات الامريكية Author: Hafiz Bashir Date: 11-02-2020, 01:44 AM Parent: #33
Quote: أتفق مع إمتثال بإنو ترمپ هو الفائز،
ترامب فرصته في الفوز ضعيفة جدا يا النذير وكل المؤشرات بتقول إنه بايدن حيفوز ما لم يكجه جلالدونا دا
Post: #35 Title: Re: لمتابعي الانتخابات الامريكية Author: جلالدونا Date: 11-02-2020, 02:04 AM Parent: #33
بالنسبة لى ولايتى مين ME ... 4 و نبراسكا NE .....5 و ديل الولايتين الوحيدتين البيقسمو اصوات المناديب بين المرشحين يعنى الفايز ما بيخم البيض كلّو كما فى باقى الولايات و بحساب اسوأ الفروض يمكن لبايدن ان يحصد 3 اصوات من مجموع اصوات الولايتين البالغ 9 عليه يرتفع رصيد بايدن الى 266 و يحتاج الى 4 اصوات للرقم 270
Post: #36 Title: Re: لمتابعي الانتخابات الامريكية Author: جلالدونا Date: 11-02-2020, 03:10 AM Parent: #35
مرحب مولانا حافظ والله العظيم كون انو انك تتنزّل من علاك الفوق ده و تدخل بوست متواضع و صاحبو خرّيخ خلوة ياخى ده شرف لا يدانيهو شرف و قلادة فى رقبتى افتخر بها هاك الكج ده وسكنسون WI تحسم امرها و تضع اصواتها البالغة 10 اصوات لصالح بايدن بفارق 10 نقاط يتقدم بها عن ترامب فى استطلاعات اليوم ليرتفع حصاده الى 276 صوت انتخابى الف مبروك ليهو و ليك
Post: #37 Title: Re: لمتابعي الانتخابات الامريكية Author: جلالدونا Date: 11-02-2020, 04:41 AM Parent: #36
متشيجان تدخل فى خط بايدن بفارق 11 نقطة لصالحه و اضافة 16 صوتا ليرتفع رصيده الى 292 ____ ترامب ليهو يومين شغال خرخرة بداها فى تكساس بطلب سحب 100 الف صوت ثم التعرّض ليص يحمل حملة اعضاء حملة بايدن من قبل انصاره و ختمها بأعلان فوزه اذا كان قريبا من الرقم 270 الزول قال الروب عديل
سلام يا حبائبنا مولانا حافظ وجلال، وشكرا يا جلال على الرد لمولانا. تعرفوا يا شباب، الأمريكان عندهم إعتقادات، زي الكجور عندنا، فمثلا عندهم إعتقاد جازم، اللي بتصوت ليهو ولاية أوهايو هو دائماً الفائز، ركزوا معاهم في النقطة دي وبرضو عندهم إعتقاد تاني اللي بتفوزو ولاية بنسلفانيا بتوفوزو ولاية متشغن كدي لا حظوا للإعتقادات دي
Post: #39 Title: Re: لمتابعي الانتخابات الامريكية Author: احمد عمر محمد Date: 11-03-2020, 00:55 AM Parent: #38
اها الأمور ماشة لصالح منو الان الساعة الثالثة صباحا في أقاصي الشرق ومتابعين ومنتظرين ما الجديد والى من تتجه حظوظ الفوز بالسباق الرئاسي التاريخي
Post: #41 Title: Re: لمتابعي الانتخابات الامريكية Author: جلالدونا Date: 11-03-2020, 03:40 AM Parent: #39
بصراحة يا ا م ع الشغلة مشربكة شديد لكن حظوظ ترامب ضيقة شديد ده تاريخ ولاية فلوريدا فى الانتخابات من سنة 2000 47.8% ...... 49.0% .....2016 لمرشح الجمهوريين ترامب 50.0% ..... 49.1% .....2012 اوباما
51.0% .... 48.2% .....2008 اوباما
47.1% .... 52.1% .....2004 بوش الابن جمهوري
48.8% ..... 48.8% .....2000 بوش الابن بى حكم محكمة الان برغم المنافسة الشديدة احتمال بايدن يكسب وارد شديد بايدن لو فاز فى بنسلفانيا وسكنسون متشجان ما محتاج لى فلوريدا لكن ترامب لو ما فاز فى فلوريدا و معاها محتاج الفوز فى بنسلفانيا و متشيجان و جورجيا و وسكنسون يبقى يشرب و ما يروى و رغم ذلك عجائب الانتخابات الامريكية واردة مع ملاحظة انو مزنوق فى تكساس و جورجيا شديد و برضو محسوبات ليهو
Post: #40 Title: Re: لمتابعي الانتخابات الامريكية Author: waleed nayel Date: 11-03-2020, 03:17 AM Parent: #38
تحياتي جلال والاخوه ! كل الاستطلاعات تشير لفوز بايدن ،،،لكن مع الخوف من تكرار هزيمه هلاري في 2016 الغير متوقعه!!
Quote: تعرفوا يا شباب، الأمريكان عندهم إعتقادات، زي الكجور عندنا،فمثلا عندهم إعتقاد جازم، اللي بتصوت ليهو ولاية أوهايوهو دائماً الفائز، ركزوا معاهم في النقطة دي
هذه حقيقه و لكنها عن المرشح الجمهوري ،،،،،لم يحدث ان فاز مرشح جمهوري بالرئاسه ما لم يفز باهايو!اما الديمقراطي يمكنه اقتناص الرئاسه من غير اهايو
Post: #42 Title: Re: لمتابعي الانتخابات الامريكية Author: امتثال عبدالله Date: 11-03-2020, 04:28 AM Parent: #40
في بوست كاتبه الهادي بعنوان استطلاعات الراي تؤكد تفوق بايدن على ترامب وسالت سؤال عن معنى استطلاعات الراي ....فما معنى استطلاعات الراي ...لانه خلال انتخابات ٢٠١٦ استطلاعات الراي كانت بتقوب ان هيلاري كلينتون تتقدم على ترامب وفوجئنا جميعا بفوز ترامب،،، والمصيبة ان المشهد حيتكرر هذا العام..
Post: #43 Title: Re: لمتابعي الانتخابات الامريكية Author: جلالدونا Date: 11-03-2020, 04:59 AM Parent: #42
مرحب النذير مولانا يستحق الرد و الثناء حتى و لو اساء هو نحنا نطول اما كجور الامريكان الصحى صحى فى دق الخشب فى يوتا المرة بتركب ورا فى ضهر البكسى و معاها خجر زى اهل ناس كمار هنا
Post: #44 Title: Re: لمتابعي الانتخابات الامريكية Author: Hafiz Bashir Date: 11-03-2020, 07:57 AM Parent: #43
Quote: مرحب مولانا حافظ والله العظيم كون انو انك تتنزّل من علاك الفوق ده و تدخل بوست متواضع و صاحبو خرّيخ خلوة
😂😂😂 مولانا لا ينزل من علاه أبداً ولكن البوست هو الذي إرتقى لعلا مولانا وننوه إلى أن إرتقاء البوست لا يعني بالضرورة إرتقاء صاحب البوست. 😂😂😂 بعيداً من أي مكاجرات مشكور جداً يا جلالدونا (بدون المدعو) على البوست المرجعي في متابعة الإنتخابات الأمريكية وعلى الشرح والتحليل.
Post: #45 Title: Re: لمتابعي الانتخابات الامريكية Author: الصادق عبدالله الحسن Date: 11-03-2020, 05:12 PM Parent: #44
=
Quote: استطلاعات الراي كانت بتقوب ان هيلاري كلينتون تتقدم على ترامب وفوجئنا جميعا بفوز ترامب
هذا الرجل في مقطع الفيديو يا امتثال يجيب بتفصيل على أسئلتك الخاصة بعمل آليات استطلاعات الرأي وقياس اتجاهات الناخبين.
البروفسور والمؤرخ (ألان ليكتمان) كانت كل تسديداته وعلى مدى 36 عاماً في قلب المرمى وجاءت كلها صائبه.
في حملة انتخابات 2016 كان هو الوحيد تقريباً الذي تكهن بفوز الكارثة ترامب لكنه الآن يقطع بشكل جازم ومن على شاشة فوكس نيوز بأن عودة (دونالد ترامب) إلى البيت الأبيض أصبحت "لحس كوع" وأن (جو بايدن) هو من سيفوز بالنتيجة ويتربع في المكتب البيضاوي:
تحياتي وشكراً يا جلال يا راقي على البوست الراقي .... .. .
مرحب وليد نايل و شاكر تشريفك البوست فعلا كلامك صحيح فى انتخابات 2000و2004 صوتت لصالح بوش الابن و2016 ضوّتت لصالح ترامب بحسب نتائج استطلاعات الرأى فيها ترامب %47.5 بايدن %46.8 و الفرق %.0.7
Quote: سالت سؤال عن معنى استطلاعات الراي ....فما معنى استطلاعات الراي ...لانه خلال انتخابات ٢٠١٦ استطلاعات الراي كانت بتقوب ان هيلاري كلينتون تتقدم على ترامب وفوجئنا جميعا بفوز ترامب،،،
استطلاع الرأى هو بكل بساطة اختيار عينة عشوائية لمعرفة رأيها فى موضوع الاستطلاع و الشغلة دى الان بتقوم بيها صحف و قنوات و مراكز متخصصة و دايما بيختو هامش خطأ ... الشائغ 3% زيادة او نقصان واصبحت لها اهمية قصوى فى تحديد المرشح الفايز على مستوى الرئاسة و مجلسى السيوخ و النواب المقتبس ادناه بيدّيك فكرة عن تاريخ الاستطلاعات فى امريكا
Quote: أول استطلاع سياسي أجرته الجريدة المحلية في هاريسبيرغ بولاية بنسلفانيا. لكن الاستطلاعات المستقلة لم تصبح مصدرا لوسائل الإعلام في تغطيتها الإخبارية للحملات الانتخابية إلا في الثلاثينيات من القرن الماضي. وتجدر الإشارة هنا إلى مركز غالوب لسبر الآراء الذي أنشئ عام 1935، وبحلول السبعينيات من القرن الماضي، كانت مراكز الأخبار في شبكات التلفزيون الرئيسية الثلاث (أي بي سي، سي بي إس، إن بي سي) تقدم استطلاعاتها الخاصة حول الانتخابات الرئاسية، وبعد ذلك في انتخابات الولايات الهامة والكونجرس الأمريكي. وأصبحت معظم وسائل الإعلام منفردة أو باشتراك أكثر من وسيلة، تجري استطلاعات الرأي بصورة مستمرة ومنتظمة وقد تتعقب الرأي العام حول المرشحين والقضايا على أساس يومي أو أسبوعي، بحيث تكون حيادية ومستقلة.
Post: #49 Title: Re: لمتابعي الانتخابات الامريكية Author: جلالدونا Date: 11-04-2020, 00:34 AM Parent: #48
بدء ظهور نتائج بعد الماقطعات تقدم لترامب فى انديانا و نيو هامشر بايدن يتقدم فى كنتاكى
Post: #50 Title: Re: لمتابعي الانتخابات الامريكية Author: جلالدونا Date: 11-04-2020, 00:41 AM Parent: #49
لمن يود المتابعة المباشرة للخريطة ابحث عن 2020 election map بالضغط على خريطة الولابة بتجيك تفاصيل التصويت اتمنى ليكم متابعة ممتعة
Post: #51 Title: Re: لمتابعي الانتخابات الامريكية Author: جلالدونا Date: 11-04-2020, 01:07 AM Parent: #50
انديانا لصالح ترامب 11 صوتا انتخابى ترامب اا بايدن 0
Post: #52 Title: Re: لمتابعي الانتخابات الامريكية Author: جلالدونا Date: 11-04-2020, 01:11 AM Parent: #51
بايدن يفتتح رصيده بالفوز فى فيرمونت ترامب 11 بايدن 3
Post: #53 Title: Re: لمتابعي الانتخابات الامريكية Author: جلالدونا Date: 11-04-2020, 01:32 AM Parent: #52
كناكى الى ترامب ب 8 اصوات ترامب 19 بايدن 3
Post: #54 Title: Re: لمتابعي الانتخابات الامريكية Author: Moawia Mohammed Date: 11-04-2020, 05:10 AM Parent: #53
للاسف بايدن حدو 245 و ترمب حيفوز بي 293 ما لم تحدث مفاجأت
مرحب معاوية بعد فرز 95% من الاصوات بايدن متقدم على ترامب فى ويسكانسون و فى متيشجان بعد فرز 96% من الاصوات بايدن متقدم برضو على ترامب فى نيفادا بايدن متقدم الوضع الان بايدن ......238 نيفا........6 ويسك ....10 ميتش .....16 احتمالات فوز بايدن لسه قايمةو قوية و ده بصرف النطر عن بنسلفى جورجيا نورث كاورلاينا و التى ينافس فيها بايدن بقوة
Post: #56 Title: Re: لمتابعي الانتخابات الامريكية Author: جمال ود القوز Date: 11-04-2020, 06:53 PM Parent: #55
شغل نضيف يا جلال فعلا متابعة لصيقة لكن حظوظ بايدن قاسية وعمك طرمبة جاي جاي ...
ــــــــــــــــــــــــــــــــــــــ
النتوقع ليهو الفوز عسى نجيب ليهو الكُج .. زول مرض فعلا ...
بايدن علشان يفوز، لازم يفوز في كلٍ من: نيڤادا أريزونا وسكانسن متشغن لو خسر اي واحدة من ديل بخسر
Post: #58 Title: Re: لمتابعي الانتخابات الامريكية Author: علي عبدالوهاب عثمان Date: 11-04-2020, 07:01 PM Parent: #56
Quote: احتمالات فوز بايدن لسه قايمةو قوية و ده بصرف النطر عن بنسلفى جورجيا نورث كاورلاينا و التى ينافس فيها بايدن بقوة
حبيبنا جلالدونا ... تحياتي مداخلتك مهمة اليوم الصباح أنا صدقت بأن ترامب فائز وأن الامر انتهي ربما لم استوعب الأمر رغم أنني كنت راضياً عن دور ترامب في رفع السودان من القائمة ولكن حسب كلام الابنة الامتثال أن ترامب ممكن يغير رأيه في أي وأنا غيرت راي ..
في تغريدة لإلهان من اصول صومالية ( عضو الكونقرس ) قالت (( لم أتخيل ان تكون الانتخابات الامريكية كما الصومال ))
وسكونسن (10 كليات إنتخابية) ذهبت لبايدن بايدن الآن 248 مقابل 214 لترامب ولايات لم تحسم بعد: ميتشجان يتقدم فيها بايدن نيفادا يتقدم فيها بايدن بينسلفانيا يتقدمها ترامب نورث كارولاينا يتقدمها ترامب جورجيا يتقدمها ترامب الاسكا يتقدمها ترامب
لو كسب بايدن أي أثنين من الولايات التي لم تحسم فذلك يضمن لجلالدونا عدم حال كونه زول كج. فرصة فوز بايدن في ميتشجان ونيفادا تكاد تكون مضمونة وهنالك إحتمال كبير بفوزه في بينسلفينيا
ميتشجان الان تم فرز 99% من الاصوات بايدن يتقدّم بفارق 38000 صوت ___ شفت الكج بتاعك كراعو حارة كيف يا حافظ ترامب يطلب رسميا اعادة حساب الاصوات فى وسكانسون
على ما اعتقد خرخرتو دى ما بتصل المحكمة العليا لامريكا كل ولاية عندها جهازها القضائى و محكمتها العليا عموما ترامب بقول فى كلام بيشكك فى كل العملية الانتخابية فى تغريداته فى تويتر نسمع تنظير مولانا حافظ فى الحتة دى شنو
_____ بعد فرز 99% من الاصوات بايدن يتقدّم بفارق 62 الف صوت
Post: #65 Title: Re: لمتابعي الانتخابات الامريكية Author: Biraima M Adam Date: 11-04-2020, 10:08 PM Parent: #64
Quote: ترامب شكلو لو انهزم ما ح يستسلم بسهولة و ح يلجأ للقضاء
ول أبا حبابك .. لكل مقام حال .. أنتظر لما بايدن يفوز في الأول .. وهو قاب قوسين أو أدني .. الباقي حراس الحق العام سوف يقوموا بالواجب .. والعالم كله ح يشهد.
Quote: خطاب ترامب خطاب اعلان فوز دون ن يصرّح بذلك خطاب مسئول من شخص يستحق الرئاسة
قصدك بايدن فعلا خطاب شخص مسئول و حاول ان يخفف التوتر الحاصل و انه لن تكون هناك ولايات زرقاء او حمراء و انه سيكون رئيسا لكل الامريكيين. و كان لبق في حديثه عن فوزه ..
Post: #69 Title: Re: لمتابعي الانتخابات الامريكية Author: الشيخ سيد أحمد Date: 11-05-2020, 04:00 AM Parent: #68
جلال
كيفنك.
قصة كبار الناخبين ..اصلو ما وقعت لي ..
كدي عليك الله وقع لي الكلام ده.
Post: #70 Title: Re: لمتابعي الانتخابات الامريكية Author: جمال ود القوز Date: 11-05-2020, 10:08 AM Parent: #69
Quote: ميتشيجان لصالح بايدن و يرتفع برصيده الى 264 صوتا انتخابى مع تقدمه فى ولاية نيفادا
الحصل ده يا جلال اسمه قلبة تربيزة .. صراحة اتفاجأت جدا بالنتيجة في ولايات البحيرات الاتنين لكن ما حدث في ميتشغان أبهرني .. الآن عمك ترامب في طريقه لأن يتسوّح لانه لازم يفوز بالباقي كله التلاتة ممكن يفوز بيهن لكن نيفادا عصية جدا .. والستة اصوات حقتها حتجيب العيد في طرمبة .. لانها حتبقى بايدين 270 ـــــــــــــــــــــــــــــــــــــــــــــــــ
ليتك تسهب في الاحتمالات بايدن تكفيه نيفادا ويحتفل بالفوز لكن كان راحت عليهو وفقد الولايات الباقيات وده احتمال ضئيل حيكون ترامب روحه روح كلب وحيفوز ... خليهو يخارجنا ويريحنا من عنصريته وقرفه لقد أعاد أمريكا 50 سنة للوراء .... ده تاجر بطيخ ما بنفع مش يدير دولة عظمى ....
نعم القصد بايدن يا ناصر و شكرا للتصحيح ___ يا جمال قلب التربيزة الجد جد ح يحصل فى جورجيا الفرق من كان 130 الف لصالح ترامب تقلّص لى 18 الف الان ترامب 49.6% و بايدن 49.2% و نسبة التصويت 96% طيب يا جمال اذا كان الفرق بيناتن 0.4% بيساوى 18 الف نحسب ال 1% 30 االف صوت على اقل تقدير ال 30الف صوت دى نضربا فى ال4% نسبة الاصوات اللسّه ما اتحسبت 30 الف*4 بتساوى 120 الف صوت قادم و ده بيزيد فرص بايدن فى اصطياد الولاية اتوقّع انو الولاية تكون من نصيب بايدن و اضافة 16 صوتا الى رصيده فى اريزونا محافظة ماريكوفا ... V ... هكذا تنطق و تكتب ’Maricopa و دى المحافظة القاعدين فيها الامر محسوم لصالح بايدن لانو اكثر من تلتين سكانها مكسيكان
مرحب الشيخ عشان الواحد يبقى رئيس لى امريكا بيخش امتحات الانتخابات ده تلاتة مرّات فى الانتخابات الاولى و دى خاصة بالحزب درت العادة ان تقوم لجنة حزب الولاية باختيار مناديب الولاية من عضويتها المسجلة رسميا و كل لجنة ولاية عندها طريقتا فى الاختيار وديل ليهم مهمة اولى لمتابعة انتخابات الحزب بعدفوز المرشح ,, وهومن ضمن مرشحين اخرين للحزب ... بيتلموا المنديب ديل من كل الولايات فى المؤتمر العام للحزب لتسمية مرشح الحزب للانتخابات الرئاسية عشان كد بتلقى مصطلحين فوز و تسمية نجى للمجمع الانتخابي نمسك ولاية كاليفورنيا مثالا نصيبا فى مجلسى النواب و الشيوخ من الماقعد 55 معقدا على هذا العدد بيتحدد عدد مناديب الولاية و ينطبق هذا الامر على جميع الولايات لامن تجمع عدد جميع مناديب الولايات بتلقاهو بيساوى عدد مقاعد مجلس النواب + عدد مقاعد مجلس الشيوخ + 3 435+100+3=538 و التلاتة الاضافية دى تابعة لواشنطون العاصمة لانها ما عنده تمصيل نيابي لا فى النواب لا فى الشيوخ لاحظ فى اثناء العملية الانتخابية هى مجرد اصوات تحسب للمرشح الفايز فى الولاية لكن بعد انهاء الانتخابات الاصوات دى هى بتكون اشخاص بيتم اختيار عبر قواعد الحزب بتتلمّ فى يوم محدد لانتخاب و تسمية رئيس امريكا و جرت العادة انو يلتزمو بخيارات الناخبين اها الجوطة الفوق دى كلّها تتعلّق بالرئيس نائب الرئيس شغلو براهو انتخابات تانية فى مجلس الشيوخ و بالتصويت السري بتم تسمية نائب الرئيس
Post: #74 Title: Re: لمتابعي الانتخابات الامريكية Author: Asim Ali Date: 11-05-2020, 03:16 PM Parent: #73
سلام عليكم موضوع التصويت بالبريد ضمانات صدقيتو وعدم حدةث الاعب شنو ؟ عنى الزول بيمشى يقترع مباشر دى تمام لكن ورقه مرسله بالبريد يعنى كيفيه تحرى شخصيه المقترع سواء عند ارسال ورقه الاقتراع او بعد ارسالها (توقيع رقم ضمان اجتماعى او بصمه او ..الخ)؟ هل فى احتمالات تزوير وتلاعب فى التصويت بالبريد ؟ هاصه انو كحالات خاصه سابقا غير مؤثر لكن فى ظروف كورونا عدد كبير ومؤثر و(قد يفتح باب جدل كبير) تحياتى
يعنى خلاص يا معاوية بنسلفى هدية منّك يا سيدى مبروك عليهو ____ كلامك صاح يا عاطف عمر بس كان تعتبرا من نوع البلااغة ديك التقول اطلق الجزء و اراد الكل اها عاجبك كده هسى تتعب مولانا بالشكل ده
الوضع كالاتى يا عاصم عادة بتجيك رسالة من لجنة انتخابات المحافظة فيهو بطاقة التصويت و ظرف جاهز لاعادة الرسالة بالبريد البطاقة دى بس عليك بالقلم تسوّد الدايرة الصغيرة امام اسم المرشح بجانب التصويت للرئاسة برصو فيها ناس النواب و الشيوخ و ترشيحات الولاية فى اعلى البطاقة فى الطرف اليمين رقم و فى الطرف الشمال كود وتحتو رقم دى عاد يجى يفتى لينا فيها شيخنا عبدالله او دودى ليهم خبرة كبيرة فى الحاجات دى اجيك للظرف فى جانب بتلقى عنوان الجهة المرسل ليها مكتوب جاهز فى الجانب الاخر فى الجنب اليمنين بنلقى كود و تحتو اسمك و عنوانك مكتوبين تحت منة صندوق بى اطار احمر للتوقيع وتحتو رقم تلفونك و التاريخ بيقارنو الحاجات دى مع معلوماتك فى السيستم للتأكد من صحة البطاقة يعنى فرصة التزوير دى تكاد تكون معدومة
بحسب الاصوات المعلن عنها فى نيفادا... بايدن يوسع الفارق الى 12 الف صوت فى جورجيا ترامب فى المقدمة و الفارق ينزل الى 14 الف صوت بعد فرز 99% حخ الاصوات فى ن كالورانيا ترامب فى المقدمة بفارق 76 الف صوت و فى انتظار4% فى بنسلفانيا و بعد فرز 88% من الاصوات لا زال ترامب متقدما ب 115 الف صوت ____ يا معاوية احتمال كبير بايدن ينفّض لى ترامب الشغلة بقت قريبة من بعض شديد
Quote: مستغرب من قصه الارقام المعلنه من امس 214-264 رغم انو ناس بى بى سى من الصباح شايف الارقام عندهم 214-253 وشايف عاجل عن اعاده فرز اصوات جورجيا
نعم الرقمين موجودات 264 فى فوكس نيوز لانها اعلنت فوز بايدن فى اريزونا اريزونا ليها 11 صوت و بيخا يبقى الرقم 264
Post: #99 Title: Re: لمتابعي الانتخابات الامريكية Author: جمال ود القوز Date: 11-06-2020, 05:01 PM Parent: #98
خلاص يا جلال قُضي الأمر ... بنسلفانيا حتريحنا على الآخر .. مبروك بايدن .. طرمبه يمش يشوف ليهو غراب يجزو ... خخخخخخخ ... حتى خرخرتو لن يلتفت لها أحد .. ببساطة لانها بلا أدلة تقدح في نزاهة العملية الانتخابية .. بايدن يديهو بالجزمة في جورجيا الاتقدم فيها برضو .. دي هوادة وزيادة خير .. أما نيفادا فكريم شانتيه من فوق تورته الفوز بالرئاسة .....
Quote: بعد المصالحة(التاريخية) بينك وبين مولاكم الذي غشاكم, يمكن القول له: تعبك راااحة!! بعدين البلاغة ما اظنها في الحقوق!!
يا تو حقوق دى يا عاطف يا زول الزول ده بتاع سلبطة بس ___ بالسر بالعلن على الاقل سياستو الخارجية بتصب فى صالح السودان لو ما بى طريقة مباشرة بالغير مباشرة بنستفيد ممكن تعتبر البرهان و حميدتى فى فتيل
Post: #102 Title: Re: لمتابعي الانتخابات الامريكية Author: Ali Alkanzi Date: 11-06-2020, 06:53 PM Parent: #101
مصدر مطلع لرويترز: من المتوقع أن يلقي بايدن خطابا إلى الأمة الليلة
يا جمال الامر محسوم من الليلة الاولى للانتخابات الجرجرة دى كلها عشان كل البطاقات الصحيحة تتحسب عشان عارفين خرخرة ترامب البدت من قبل يوم التصويت بايدن ما كان محتاج لى بنسلفى و لا جورجيا done و عدس ما عدس الكباشى و الرهان و حميدتى اخبارن شنو
بايدن و الديمقراطيين بهتموا بحقوق الانسان و الديمقراطية ، بالاضافة في دول اقليمية لاقيه راحتها في لعب دور دولة عظمى بمعني ترامب ياخد منهم الدايرو و يطلق يدهم في خلايق الله متلنا نحنا المساكين
المحاور في فتيل سيناريو السيسي السوداني في فتيل التعدي على الديمقراطية من العساكر ما وارد
لو استمر ترامب كنا شفنا العجب العجاب الليلة عساكرنا خشمهم ملح ملح حقو يفرشوا مع اخوتنا عبر البحر الاحمر و البكا برعاية السيسي "الدكتاتور المفضل"
مرحب كنزينا جرت العادة ان يقوم الخاسؤ ... ترامب ... بإلقاء خطابه اولا مهنئا الفائز و مقرا بالخسارة ثم يأتى الفائز ليلقى خطابه الظاهر حنفتقد التقليد الجميل و الراقى ده
قالا واضحة يا عاصم وحدد الملفات الح يهتم بيها شديد نحمد لحمدوك انّو ما رمى بيضو كلّو فى قفة ترامب ننتظر لى يوم عشرين من يناير يوم التتويج و لى داك الحين فى ناس كتار ح يعملو خطوات تنظيم
حملة بايدن: ترامب قد يُساق إلى خارج البيت الأبيض إذا رفض الاعتراف بالهزيمة في الانتخابات
Post: #108 Title: Re: لمتابعي الانتخابات الامريكية Author: بدر الدين الأمير Date: 11-07-2020, 01:20 AM Parent: #107
جلادونا فترنا من السهر والسكر ونحن نستنى نتيجة الانتخابات الامريكية وعلى قول المصرين ترامب مش ناوى يجبها البر
Post: #109 Title: Re: لمتابعي الانتخابات الامريكية Author: امتثال عبدالله Date: 11-07-2020, 02:13 AM Parent: #108
طبعا ترامب ما حيجيبها البر لانه لمن عرف انه حيخسر بنسلفانيا جرى بنفسه لبيوت قضاة المحكمة العليا وقال ليهم الحقوني سريع لان بايدن حيفوز في بنسلفانيا وبما ان ٥ قضاة في المحكمة العليا تابعين للحزب الجمهوري فانها امرت فورا والان ولاية بنسلفانيا باستبعاد جميع البطاقات الانتخابية التي وصلت الى مراكز فرز الاصوات بعد يوم الثلاثاء وذلك من اجل اتاحة الفرصة.لترامب ان يفوز في بتسلفانيا.... ال ديمقراطية ال.....ههههههههههههههههههههههههههههههههههههههههههههههههههههههههههههههههههههههههههههههههههههههههه وحاضحك لبكرة من الديمقراطية العرجاء
Post: #110 Title: Re: لمتابعي الانتخابات الامريكية Author: امتثال عبدالله Date: 11-07-2020, 02:30 AM Parent: #109
بعد ناس السي ان ان قرأوا ضحكتي اوضحوا ان قاضي في المحكمة العليا امر ولاية بنسلفانيا الاحتفاظ ببطاقات الاقتراع التي وصلت الى مراكز فرز الاصوات بعد الثامنة مساء يوم الثلاثاء .... واظن القاضي يريد ان تفحص الولاية هذه البطاقات مرة اخرى فاذا فاز بايدن يستبعدوا احتساب هذه البطاقات حتى يسقط بايدن ويعطوا الفرصة ان يفوز زولهم ترامب......
Post: #111 Title: Re: لمتابعي الانتخابات الامريكية Author: عمر نملة Date: 11-07-2020, 03:59 AM Parent: #110
فترنا من السهر والسكر ونحن نستنى نتيجة الانتخابات الامريكية غايتو زي افلام دراكولا بعد يقتلوه يقوم يتنفض الفلم من بدايته لنهاية ما تعرف كيف تقتل ترامبولا اقترح طرة و كتابة
Post: #112 Title: Re: لمتابعي الانتخابات الامريكية Author: Hafiz Bashir Date: 11-07-2020, 04:09 AM Parent: #111
Quote: Atif Omer Mohamed Ali يا جلالدونا انا بتكلم عن واشنطن وعن منطقة كولمبيا في مسألة الحقوق!!
طيب حلو شديد إنو كولمبيا بقت منطقة وما ولاية يلا ياريت يا عاطف تكمل جميلك وتشرح لجلالدونا الفرق بين واشنطون العاصمة وواشنطون دي سي وديستريكت اوف كولمبيا. عشان جلالدونا دا ما يقعد يطلق لينا في الكل ويريد الكل ويجي يغشنا يقول لينا دي بلاغة.
يا مولانا القصد من البوست ده محاولة لى توصيل فكرة عن الانتخابات الامريكية يعنى ما حبيت اغالتكم اولا لانكم بتحبّو الغلات تانيا انا بالى مع القارئ يا سيدى و اشنطون العاصمة بتعنى واشنطون دى سى و DC دى بتعنى مقاطعة او منطقة كولومبيا district of columbia دى سى برضو للتفريق بين واشنطون العاصمة و واشنطون الولاية و فى بعض تراجم العرب بتلقى منطقة واشنطون الكبرى ان شالله يكون لقيت لى حبّة كريدت فى الحتة دى
غايتوا "راعي العتان والخرفان في جزيرته" عارف الساعد ترمب في حملته الانتخابية منو؟
ها زول ها هى جنس بيعة ... من باع ... هى حمدوكنا قراها صاح و اتلولو على العسكر و اسرائيل و ترامب فى حتة التطبيع دى بايعنا ... من بيعة .... عشان نخفف الوجع و الغلب العلينا ده ياخ ناس هسى كتار بتترقط من الخوف ابداها من البرهان و حميدتى و الكضباشي مرورا بى عمّك السيسي و انت ماشى بعدين مش ملاحط انو تايدن اشتعمل كلمتين صعبات عن سياستو فى المنطقة الديكتاتور و المنبوذين لاحظ استعمل منبوذين ما منبوزين اصلها تفرق كتير
عمك جاي و ساني سكينو .... العربية و الحدث جقلبة جد
... .. .
Post: #115 Title: Re: لمتابعي الانتخابات الامريكية Author: علي عبدالوهاب عثمان Date: 11-07-2020, 02:38 PM Parent: #113
حبيبنا جلالدونا .. تحياتي لا اصدق ما اسمعه وأراه .. يحدث في امريكا جدال عقيم من ترامب .. ولغة لم نكن نسمعها إلا في الدول الديكتاتورية من المؤكد لو حدث هذا في أي دولة اخرى لفرضت عليها امريكا عقوبات بحجة ان هذه الدولة لا تراعي الحريات .. ( الأمر غريب )
اشعر أن الحكام المتسلطين في قمة النشوة والسعادة
تبقى أمر واحد ومهم هو استيعاب الدستور والنظام الامريكي لهذا الخلط وترجع الأمور الى مجراها وبدون اي عنف .
عندها سوف تسجل لصالح أمريكا
ما هو احساسكم وانتم جزء من الواقع
تحياتي الحبيب أنا دائما أحب اسمع من من هم في الداخل ومواطنين
ولاحظت ان أعداد معتبرة من الامريكان يؤيدون طريقة ترامب
حاولوا ان تشرحوا لنا الموضوع لأن وسائل الاعلام لها اتجاهات وتنظير
Quote: فترنا من السهر والسكر ونحن نستنى نتيجة الانتخابات الامريكية غايتو زي افلام دراكولا بعد يقتلوه يقوم يتنفض الفلم من بدايته لنهاية ما تعرف كيف تقتل ترامبولا اقترح طرة و كتابة
مرحب عمر الموضوع حدّو قريب داراكولا المرة دى ما ح يموت براهو معاهو عيالو
Quote: عمك جاي و ساني سكينو .... العربية و الحدث جقلبة جد
بالله شوف الجدية و الصرامة فى الاجابة دى ما عاوز اقول ليك شوف لغة الوجه ... من لغة الجسد ... عشان مولانا و عاطف ما يجونى ناطين و نرجع تانى لى بلاغة الجزء و الكل
ما فى غرابة فى الموضوع يا استاذنا كل الامر ان انتخابات السىة دى غير التصويت عبر البريد معمول بيهو من زمان يعنى ما بدعة جديدة لظروف الكورونا بايدن دعا مناصريه للتصويت المبكّر و عبر البريد عكس ترامب الذى دعا مناصريه بالتصويت المباشر و المبكر الحصل شنو يا استاذنا الحصل انو التصويت المبكر و المباشر تعدّى حاجز ال 102 مليون ناخب فى حين ان اجمالى عدد المصوتين حتى الان فى حدود 145 مليون من هنا بدت جقلبة ترامب لانو عدد من المحللين اعتبروا ال 102 مليون صوت ديل على الاقل 90% منها تبع بايدن فى التصويت المبكر و بالبريد عادة لجنة الانتخابات بتستلم البطاقات و تحفظها فقط الى ان يتم فرزها فى ليلة الانتخابات و عادة بيتم اولا فرز اصوات المصوتين يوم الانتخابات ثم بعدها يمشو على ناس المبكر و البريد اضافة لى انو فرز بطاقات البريد بيحتاج لى فحص اكثر من ناس المبكر و المباشر و ده الجاب اللولوة دى كلها
Post: #121 Title: Re: لمتابعي الانتخابات الامريكية Author: بدر الدين الأمير Date: 11-07-2020, 03:56 PM Parent: #119
جلادونا نشيل الليل ونشيل الريد بس ختونا ترامب واربعة سنين يعيشن العالم
انجال ترامب دون الصغير و ايريك يكيلون الشتائم للجمهوريين(مسئولي الحزب) الاول وصفهم بالجبناء و الثاني بالخرفان. *ترامب يغادر البيت الابيض لناديه للغولف في فيرجينيا
Quote: يا سيدى و اشنطون العاصمة بتعنى واشنطون دى سى و DC دى بتعنى مقاطعة او منطقة كولومبيا district of columbia
ودا كلام صاح يا جلالدونا وكلامك من البداية صحيح في إنو لتلاتة الاضافية دى تابعة لواشنطون العاصمة وممكن تقول تابعة لواشنطن دي سي او تابعة لDistrict of Columbia ومافي أي إطلاق جزء.
ومحاولة عاطف في إنو يعمل فيها ناقش وداير يصححك دي ما عندها أي معنى ولا لزوم سواء إنو داير يدخل خشمو فيما لا يعرف
Quote: Atif Omer Mohamed Ali و التلاتة الاضافية دى تابعة لواشنطون العاصمة _ لا يا جلالدونا التلاتة للولاية كولومبيا وليس فقط للعاصمة!!
Quote: يا مولانا القصد من البوست ده محاولة لى توصيل فكرة عن الانتخابات الامريكية
ما قصرت في البوست دا وفعلاً البوست يحتوي على معلومات مهمة عن الإنتخابات الأمريكية. الشيء الوحيد القصر فيهو البوست هو تضليل أخونا عاطف عمر وتضليل القارئ وعدم إعطائه المعلومة الصحيحة في النقطة التي أثارها عاطف عمر والتي أثق جداً في معرفتك بها.
Post: #126 Title: Re: لمتابعي الانتخابات الامريكية Author: بدر الدين الأمير Date: 11-07-2020, 05:31 PM Parent: #125
مبروك للدنيا كلها اخيرا جوزيف بايدن الرئيس رقم 46 للولايات المتحدة الامريكية بعد حسمه معركة بنسلفانيا ترامب يعلن انه سيواصل معركته فى حساب اصوات البريد
الان جماهير ضخمة احتفالا بالفوز امام البيت الابيض بواشنطوزن العاصمة دى كيف معاك يا مولانا _____ طبعا جرت العادة ان يخاطب الفرشح الخاسر الشعب الامريكي مهنئا المرشح الفائز ثم يتحدّث بعدم المرشح الفائز لكن شكلنا ح نفقد الحتّة
1- اعلي عدد من المقترعين 2- الفرق بين الفائز والمرشح الاخر 4 مليون صوت 3/اعلنت وسائل الاعلام فوز المرشح ولم يقر المرشح المنافس بالهزيمة. 4- انتظار 5 ايام بهم يومين والنتيجة معلقة انتظاراً لاقرار المرشح المنافس. 5- التصويت بالبريد بلغ 34 مليون 6- تمت الانتخابات في ظل جائحة عالمية ( كوفيد19) 7- كلا المرشحين شيخ سبعيني 8- رئيس سابق ( اوباما ) يساند الفائز علناً 9 - اول نائبة رئيس امرأة للولايات المتحدة الامريكية كاميلا هاريس من اصول جامايكية هندية .
مداخله للسياسي جو بايدن.. مدافعا حقوق السود في جنوب افريقيا سنة ١٩٨٦م. ويظهر جورج شولتز وزير خارجية امريكا في عهد ريجان. وصف نظام ج افريقيا حينها "Ugly White Regime"
بايدن سيلقى خطابه فى تمام الساعة الثامة مساء بتوقيت الساحل الشرقى على ما اعتقد يوم الاحد الساعة 2 صباحا بتوقيت السودان
Post: #137 Title: Re: لمتابعي الانتخابات الامريكية Author: اخلاص عبدالرحمن المشرف Date: 11-08-2020, 02:32 AM Parent: #136
نائب الرئيس كامالا هاريس متألقة وتقدم للرئيس المنتخب بادين السياسة فعل ، وكل صوت يحسب وقد حافظوا علي نزاهة العملية الديمقراطية
خطاب موجب
Post: #138 Title: Re: لمتابعي الانتخابات الامريكية Author: اخلاص عبدالرحمن المشرف Date: 11-08-2020, 02:49 AM Parent: #137
خطاب الرئيس المنتخب جو بايدن شكر الجميع كاميلا هاريس المهاجرة من اصول شرق اسيويه اول نائية الرئيس ما يجعل الحلم الامريكي ممكناً . وخطوط عامة لما سيفعل وتوفير الحياة الكريمة بالعلم . وسيكون رئيس كل الامريكيين
Post: #139 Title: Re: لمتابعي الانتخابات الامريكية Author: اخلاص عبدالرحمن المشرف Date: 11-08-2020, 10:43 AM Parent: #138
من أهم دروس الانتخابات الامريكية المسئولية 1- الاعلام المسئول والذكي و الصادق فقد اجمعت كل القنوات هي قول الحقيقة بمسئولية ، لم نري تسرعاً ولم نري مزايدة الجميع كان مسئولاً لم يلجأ للتهييج او التجييش 2- المرشحين والمسئولين لم يخرج اي مسئول في مركز اقتراع للادلاء ببيان يؤيد وجهة نظرة ، كانوا مهنيين ( التهنئة لهم)ً. المرشحان لم ينزلقا للمشاحنات ولجأ المتضرر للقانون
يا ناصر مستحيل ترامب ينزل مرشح للرئاسة عام ٢٠٢٤ وذلك لسبب بسيط جدا وهو ان الجمهوريين ما ممكن ابدا يرشحوهو مرة ثانية وهو اساسا ندمانين وسافين التراب هسع بانهم غلطوا الغلطة الفظيعة دي عام ٢٠١٦م.... الا طبعا ينزل الانتهابات كمستقل،،واذا نزل مستقل حيلقى ٤ اصوات وهي صوته هو، وصوت زوجته وصوت بنته وصوت الشافع الاسمه جاريد، زوج بنته وعامل.نفسه مستشار لوالد زوجته وطالع ونازل يتفاوض مع ملوك وامراء الخليج وكانه وزير الخارجية..
Post: #141 Title: Re: لمتابعي الانتخابات الامريكية Author: الصادق عبدالله الحسن Date: 11-08-2020, 01:51 PM Parent: #140
Quote: واذا نزل مستقل حيلقى ٤ اصوات وهي صوته هو، وصوت زوجته
بخسارة ترامب يبدو أن السيدة ميلانا قد شمّت الهواء وتنفست الصعداء وأنزلت عن كاهلها أعباء بثقل الجبال كانت تضعها رغماً عنها فوق كاهلها والسيدة ميلانيا يا امتثال يقال أنها الآن منهمكة في رص ملاياتها وتستيف كافة أغراضها وحاجياتها وبقية عِـدة المطبخ بما فيها أطقم الشاي والقهوة ورص الفناجين وجبَنَـة الطين والشرقرق.. استعداداً لمغادرة البيت الأبيض وهي لا تغادر وترحل إلى بيت الزوجية وإنما للعيش في ابعد نقطة في الكون عن تواجد هذا المعتوه
Quote: ومما سيضيف إلى مشاكل ترامب الأخرى هي زوجته ميلانيا التي تقول الصحيفة إنها “تنتظر الدقائق حتى الطلاق” بعد مغادرة ترامب البيت الأبيض، بعد زواج مصلحة استمر 15 عاما.
وكانت ميلانيا قد بكت عندما فاز زوجها بالرئاسة، ذلك أنها لم تتوقع فوزه. وظلت في نيويورك عدة أشهر قبل الانتقال إلى البيت الأبيض. وكان مبرر القرار هو أن ابنها بارون لم ينه دراسته.
وقالت مساعدتها السابقة ستيفان وولكوف إن ميلانيا تتفاوض على خطة لما بعد الزواج، تعطي بارون حصة متساوية من ثروة والده. وزعمت وولكوف إن ميلانيا كان لها غرفتها المنفصلة في البيت الأبيض وأن الزواج كان تعاقديا.
وقالت المساعدة السابقة أومروسا إن الزواج منته “وتحصي ميلانيا كل دقيقة حتى يخرج من البيت الأبيض لكي تحصل على الطلاق”. و”لو حاولت ميلانيا إهانته وهو في مكتبه فسيجد طرقا لمعاقبتها”.
يعني بالعربي فإن ترامب في مستقبل الأيام والأسابيع والسنين لن يرى صورتها أو يسمع صوتها ناهيك أن يربح صوتها.
Quote: Atif Omer Mohamed Ali ياتو تضليل؟ ما في فرق بين عاصمة ومقاطعة عند جهالتكم؟ هههههههههههههههههههههههههههههههههههه أعجبني · رد · منذ 9 س
يا عاطف إنستر قلت لي حرفيتي لو تابعتها معاي بتعب؟ وطيب إنت داير تعمل فيها الود شفت ومقددها مالك مع جلالدونا وداير تمسكوا في كلمة واشنطون العاصمة؟ وعامل فيها يعني الولد دقيق وبتاع حقوق. قال ولاية قال؟
لمعلوميتك وزي ما قال ليك جلالدونا واشنطن العاصمة او قطاع كولومبيا او واشنطن دي سي أو ببساطة العاصمة هم نفس الشئ وأسماء لمسمى واحد. وأهمية المطابقة دي بترجع لتأريخ تأسيس عاصمة للولايات المتحدة وفكرة ضرورة أن تكون العاصمة في أرض فيدرالية لا تتبع لأي ولاية كما إقترحها ألكسندر هاملتون. وديستريكت اوف كولمبيا تحتل أرض تبرعت بها ميرلاند كي تكون هي العاصمة الفيدرالية. فالعاصمة هي نفسها ديستريكت اوف كولمبيا وكل أراضيها جزء من العاصمة وتحت الإدارة الفيدرالية.
بعد تقرا، إذا فهمت، قول شكراً مولانا
Post: #144 Title: Re: لمتابعي الانتخابات الامريكية Author: جلالدونا Date: 11-09-2020, 03:26 AM Parent: #143
الصحيح يا حافظ ارض مستقطعة من ولايتى فرجينيا و ميرى لاند لكن خلينا نخت الحاجات فى حتاتا بايدن الرئيس المنتخب كاملا نائب الرئيس المنتخب الان نحنا فى طور التسمية بايدن عبر المجمع الانتخابى و دى محسومة نائب الرئيس يتم انتخابه عبر مجلس الشيوخ الان الغالبة لمجلس الشيوخ للجمهوريين و لانو التنافس حيكون بينا و بنس فهل يتم انتخابها مع حركات ترامب دى اعتقد ان بنس يمتلك قدر معقول من رجاحة العقل بالقدر الذى يجعلة ينسحب من المنافسة
Quote: الصحيح يا حافظ ارض مستقطعة من ولايتى فرجينيا و ميرى لاند
لعناية عاطف عمر
Post: #146 Title: Re: لمتابعي الانتخابات الامريكية Author: Hafiz Bashir Date: 11-14-2020, 05:51 AM Parent: #145
Post: #147 Title: Re: لمتابعي الانتخابات الامريكية Author: جلالدونا Date: 11-24-2020, 04:30 AM Parent: #146
اول خطوة رسمية لتأكيد فوز بايدن و هزيمة ترامب ادارة الخدمات العامة GSA الامريكية General services Administration تخاطب بايدن رسميا فى الشروع فى خطوات الانتقال سقط الكهنوت مبروك لكل شعوب الدنيا
Post: #148 Title: Re: لمتابعي الانتخابات الامريكية Author: جلالدونا Date: 11-24-2020, 05:27 AM Parent: #147
ميتشيجان تعلن رسميا نتيجو انتخاباتها نبد العد من جديد 16 صوت انتخابي لصالح بايدن ___ دكتورة اخلاص دى ميزة الاعلام المريكي بينقل نبض الشارع و ما بجامل فى الحتّة دى جري ترامب وراء المحاكم حق قانوني كفله الدستور و الى الان الاحكام تقول انه خسر معركته القانونية و نعم زى ما قلتى انتخابات متفردة فى كل شى و بايدن طلع متفرد اكتر فى حياراتو و تعييناتو امرأة لى ال CIA و بكرة احلى ان شاء الله
وكمان امراة وزيرة للخزانة، وهذه الوزارة تعادل وزارة المالية عندتا،، وامراة مندوبة دائمة لامريكا في الامم المتحدة، وهي افريقية الاصل ، وترامب بيقو ان الافارقة ما بشر ووصفهم باقذع الصفات واقلها shook I III I III I III III III سيبدا عهد جديد في امريكا اعتبارا من ٢٠ يناير القادم وستعود امريكا عظيمة كما كانت من قبل دخول ترامب التاجر للبيت الابيض،،،
Click the map to create your own at https://www.270towin.com/maps/consensus-2020-electoral-map-forecast270toWin.com
استعداداً لمغادرة البيت الأبيض