|
|
|
 Re: اطالب بعمر البشير رئيسا (Re: MOHAMMED ELSHEIKH)
|
خرخرنا عديل يا حسن
ورقنا كعب
ندكها ونوزعها من جديد
اها لامن يجي البشير حاكم نقوم نتوحد تاني ضد مستلمهين اخطاء ثورة ديسمبر
لاحظ لكلمة مستلهمين دي
ونتوحد ونمرق مظاهرات تاني
وبرضو لاحظ لو رجع البشير حيوضب لينا حميدتي وبرهان وكباشي ويسلمنا نضيف 😆😆😆
| |
 
|
|
|
|
|
|
|
|
Re: اطالب بعمر البشير رئيسا (Re: عبدالحفيظ ابوسن)
|
مع انو عندنا مقلدين لناس الانقاذ
زي وراق متشبه بي نافع
ولا وزيرة المالية متشبه بقوش القال طلعت بندقية
ولا ولا
دايرنهم كلهم يجو وندور فيهم شي نكت وشي كراكتير وشي مقاطع ونسقطهم
ونعمل سي جديد
وبي خبرة كمان
اها
وزيرة المالية داير اشيلها من شبه نافع اختها مع اللمبي فهو اكثر شبها بها
| |
|
|
|
|
|
|
|
|
|
Re: اطالب بعمر البشير رئيسا (Re: اخلاص عبدالرحمن المشرف)
|
هي سمة لازمة للشعب السوداني مع كل الديمقراطيات
قبليها هتف يا عبود ضيعناك وضعنا معاك
وهتف عائد عائد يا نميري
طبعاً أبوسن متناول الموضوع بصورة ساخرة
لكن لو استمر التدهور الاقتصادي والعصرة الشديدة في معيشة الناس دي مع الولاة البنهروا الشفع سنة كدة لي قدام حتتسمع من الشعب كلو
| |
|
|
|
|
|
|
|
|
|
Re: اطالب بعمر البشير رئيسا (Re: أحمد محمد عمر)
|
تخيلي يا اخلاص ولا حيجي يوم زي دي
لا الآن ولا المستقبل البعيد
مش البشير ولا الكيزان
اجماع شبه مطلق من الناس ضد الكيزان والبشير . ولي اليوم كلمة كوز ولا مؤتمر وطني اساءة بالغة ووسم بالخيانة الوطنية
ضيقنا مش عشان نرجع البشير ولا الكيزان
اصلا هي ما ثنائية بين الديمقراطية والعساكر ولا الكيزان
بل هي خيار داخل الديمقراطية نفسها
الثورة ليست خطا مستقيما بل متعرجا
| |
|
|
|
|
|
|
|
|
|
Re: اطالب بعمر البشير رئيسا (Re: عبدالحفيظ ابوسن)
|
ممكن اختلف معاك حبة يا احمد
ليس سمة ملازمة للشعب
ولكنها ملازمة للسياسين ومن يتولون الحكم
السياسة عندهم تآمر ودسائس ومناصب للمصلحة الشخصية المربوطة بالحزب كقيادات
مافي وطني متجرد عينو علي الوطن وممكن يضحي
شوف وراق الكان بكتب هنا ومواقفو وفي اول ملف داير يتحول لي إله جبار
ولا فيصل محمد صالح مافي زول بقدح في وطنيتو ومعاناته زمن الانقاذ وشوف اداؤه هسة
الاشكالية في المنصب والقيم الاخلاقية والوطنية
نحن طلعنا كم مرة من اجل واقع افضل ويجو الساسة يخلونا نتراخى لامن يسقطو بالانقلابات
حاليا الوضع مختلف
لن نحكم بأنقلابات ولا عسكري
حركة الوعي حصل فيها تطور
اي تعبانين وقلنا الروب لكن دايرين مدنية من خلال آلية ديمقراطية
| |
|
|
|
|
|
|
|
|
|
Re: اطالب بعمر البشير رئيسا (Re: كمال عباس)
|
ود ابوسن سلام يغشاك المشكلة يا عبدالحفيظ ليست في البشير ولا في حمدوك وفي في المهدي، بالرغم من ان البشير يستحق لعنة الله وهو وجميع الكيزان فوق الارض وتحت الارض ويوم العرض، المشكلة في الشعب، الشعب بقي قطاع كبيييير منو فااااااسد بشكل
يفوق حد التصور، بتاع الدكان فاسد لانه يستغل الظروف كي يرفع اسعار السلع، انبوبة الغاز قبل يومين طلبناها قال بخمسية جنيه وترحيل بمليون جنيه بالقديم لانها سوف يتم جلبها من الحاج يوسف للخرطوم شارع الستين، والخ؟
المطلوب البحث في طريقة يتم بها تنظيف هذا الشعب من هذا الجشع الجنوني، الناس بقت تاكل بعضها البعض.
| |
|
|
|
|
|
|
|
|
Re: اطالب بعمر البشير رئيسا (Re: اخلاص عبدالرحمن المشرف)
|
عائد عائد يا نميري دي سمعتها بي أضاني في السوق
أيام الشاي بالتمر عشان مافي سكر
يا ابو سن حكومة حمدوك الآن أسهمها في الشارع صفر
شغالة تبعد من الشارع يوم بعد يوم
وفي نفس الوقت حميدتي شغال يتقرب للشارع وضابط تصريحاته وبستميل في السياسيين
كل يوم في السودان ألعن من القبله ومافي أي أمل في بكرة
مافي أي ملامح واضحة لسياسات اصلاحية في أي وزارة أو ولاية .. تحس بيهم شغالين رزق اليوم باليوم
الواحد تقول ليه مافي عيش مافي غاز يقول لك سياسة المحاور والتطبيع
شوف مأساة الاحتفال بإعلان الحلو حمدوك .. صف ونص كراسي والباقي فاضي
المفروض لو ناس امجد فريد شايفين شغلهم يكون دة مؤشر خطير جداً بالنسبة ليهم
وعلى النقيض حميدتي شعبيته ماشة في زيادة .. نعم الثوار ما ناسين ليه فض الاعتصام لكن البسطاء داخل الأحياء البعيدة بقوا شايفينو الأمل
ما بقول ليك إنه ممكن يتلب لكن بوريك لياتو درجة الناس بقت تفتش للبديل
الناس ما بتقول بعودة البشير صراحة ولا في زول عاوزه يجي لكن المقارنات مدورة طوالي
كمية من الناس بقت تقارن بين سعر طلب الفول أيام ثاروا عشان الغلاء وسعره هسة .. تقريباً أي حاجة اتضاعف سعرها 10 مرات
| |
|
|
|
|
|
|
|
|
|
Re: اطالب بعمر البشير رئيسا (Re: أحمد محمد عمر)
|
المصرى قالوا ليهو السودانيين بقو ينكتو .. قال ليهم جاعو .. هسة دا يسموهو شنو .. يإسوا .. سلموا مافى رجا؟!!
الشق المدنى فى الحكومة أرموهو البحر .. وأبدو سى جديد! .. التجربة بتكون نوع حمودك ووزرائه ما يجى زيهم تانى
وما تنسوا الشى الإسمو قحت يتفرتق وناسو يفرتقو .. بعد داك فى أمل بسام!
| |
|
|
|
|
|
|
|
|
|
Re: اطالب بعمر البشير رئيسا (Re: نادر الفضلى)
|
اوسكار ود ابو سن ...
محمد البشرى
والدة الشهيد محجوب لمن تشوف الحال المايل لوزراء حمدوك تتحسر وتقول ولدي استشهد عشان حال الوطن يكون
اجمل وافضل ....
بصراحة الحال لا يسر عدو ولا صديق....
| |
|
|
|
|
|
|
|
|
|
Re: اطالب بعمر البشير رئيسا (Re: امتثال عبدالله)
|
صدقت يا الدقم
واحدة من امراض الانقاذ الاصابت بيها الوطن . اي زول كايس يستفيد وبأي شكل دون وازع ضميري او اخلاقي
عربات شفط الحمامات في كوستي الشفط كان ألفين ج
مع الامطار مافي مكب لانو العربات تقيلة وفي صعوبة في تحركها للخلا
عملو الدور ب تمنية الف ويجوك بالليل
عارف بعملو شنو؟
بعضهم بتحرك ويفتح البلف ويتحرك والاوساخ كابة في الشارع
ولا اقرب خور او مكان مهجور
بعملو دة ممكن يسبب كارثة بيئية ويتوالد الذباب والباعوض وغيرة
كدة الفكرة
الرقابة انعدمت تماما
لاوازع ديني ولا اخلاقي ولا وطني
| |
|
|
|
|
|
|
|
|
|
Re: اطالب بعمر البشير رئيسا (Re: عبدالحفيظ ابوسن)
|
كان في امكانك اختيار عنوان غير الذي اخترت لتوصيل فكرة البرست
الكيزان دايماً لا يعنيهم المحتوى الجوهري وانما يعنيهم المحتوى الطاهري او ما نسميه بالقشور
لذلك انت وغيرك كثر يعطونهم الفرصة الكاملة لضرب الامثال عن ثورجية ندموا على اقتلاع البشير
بالامس في ممالمة تلفونية بيني وبين صديق قديم كوز من نواحية دينية متخلفةضرب لي المثل بيك
وما رضيتها صراحةً واكلت معاي جنبة زي ما بقولو
عموماً نحن في منعطف بايخ
اما نتوحد ونخرج معاً تحت مسمى المدنية
او نتفتت وكل عولاق يشوفلو صرفة
| |
|
|
|
|
|
|
|
|
|
Re: اطالب بعمر البشير رئيسا (Re: اخلاص عبدالرحمن المشرف)
|
لا أعتقد المشكلة في الحكام ... سواء عبود أو أو النميري أو البشير ..
عبود زول سوداني عادي
النميري ود فرّاش .. أي من عامة الناس ... و ليس برجوازي إقطاعي سليل أنراك
البشير ود غفير ... أي من الطبقة الكادحة السودانية ..
أمّا الحكّام المدنيين ... الساسة منهم يبيعون ولاءهم لزعماء طوائف أنانيين جمعوا ثرواتهم بممارسة الرق و إستعباد الآخرين لأنهم .. أي زعماء هذه الطوائف و أجدادهم و أحفادهم .. لا وازع أخلاقي لهم فغاب عن ضمائرهم كل معاني الحق و الحقيقة و العدالة و الفضائل الإنسانية
كما يقول أهل الإحصاء ... العينة هي تمثل الوسط ...
و هؤلاء الحكام لم يتنزّلوا من زحل .... بل هم من نفس هذا الوسط ...
إذاً العلة في هذا الشعب ... فيكم أنتم
ستين سنة و لم تتعلموا شئاً ... فتعيدون تكرار نفس الأخطاء ...
و من أين يأتيكم حكّام حكماء ؟؟!!
| |
|
|
|
|
|
|
|
|
|
Re: اطالب بعمر البشير رئيسا (Re: Mohamed Suleiman)
|
ياهيثم انا مابكتب لي زول بقرا العنوان بس . صاحبك دة لسة بلوم الحردلو في في عنوان ديوانيه ملعون ابوكي بلد
الكتابة سخرية سوداء مما يحدث لنا
عاين والينا بسكت فينا ويصفنا بقلة الادب ويقول لينا هس
الموقف ما شخصي تجاه الحكومة لكن تجاه سياساتها
وقول لي زولك
نحن درب الوطن مابنفكو تب
ولا انتمي لحزب رغم انو موقف ما صحيح . لازم نتنظم
لكن لا اجيد الانتماء لحزب
دى معلومة بس ما اكتر
| |
|
|
|
|
|
|
|
|
|
Re: اطالب بعمر البشير رئيسا (Re: عبدالحفيظ ابوسن)
|
أستاذ عبدالحفيظ أبو سن
سلام و إحترام
Quote: يا محمد فكرة البوست عبثية جدا
مافي شي وحدنا الا موقفنا من الانقاذ
داير نتوحد تاني ونترك الشقاق والخلاف |
بالطبع الكل يدرك من العنوان أن فكرة البوست عبثية ..
لكن الفكرة نفسها تطرح سؤالاً جاداً: كيف وصلنا هنا الي هذه النقطة؟
و ما ذكرته في مداخلتي ليس غير رد علي مسألة جادة جداً.
هل كان هناك عاقل يتوقع أن ينهض السودان من كبوته بعد سقوط البشير و الكل رأي كيف تسابق المثقفون و الساسة و نخب الكيانات في مبايعة قتلة و مجرمين كخلفاء للبشير ... مثل البرهان و حميدتي؟
هل يُعقل أن يتوقع أي إنسان أن يتم تنصيب حميدتي رئيساً للجنة الإقتصادية ... بينما يطأطئ خبراء و خبيرات الإقتصاد من السودانيين و السودانيات رؤوسهم لهذا العبث بالدولة السودانية؟
كيف يسكت السودانيون و السودانيات من المثقفين و هم يرون بلادهم تنهبها عصابات شركات الجيش و الأمن و الدعم السريع عيانا نهارا جهارا ... و برضو هناك من يهلل لحميدتي؟
ماذا تتوقعون من تطبيع يقوده البرهان و هو أضعف حلقة لقيادة أي تطبيع سواء مع أمريكا أو إسرائيل ... لأنه تم إبتزازه بجرائمه في دارفور و توثيقات لجرائمه يمكن تسليمها لفاتو بن سودا (ما تصدقوا حكاية القطيعة بين المحكمة الجنائية و أمريكا و إسرائيل فمعظم الأدلة في قضية دارفور سلمتها أمريكا للمحكمة الجنائية الدولية) ؟
كيفما تكونوا يولي عليكم.
| |
|
|
|
|
|
|
|
|
|
Re: اطالب بعمر البشير رئيسا (Re: عبدالحفيظ ابوسن)
|
شايفك يا عبد الحفيظ مطلع حمدوك وشلتو
من القحطيين براءة!!!
ومشيل الشيلة للعسكر وغيرك
نسبها لما اسماه الهبوط الناعم!
يوجد تعصب طائفي وايدلوجي
هو الذي يحول بيننا وبين تحقيق
أي نجاح
وما نصنعه من ذر للرماد في العيون
هو سبب ما نعاني ونشكو
ولكن الدواء المر أشد عليكم
من المرض!
| |
|
|
|
|
|
|
|
|
|
Re: اطالب بعمر البشير رئيسا (Re: عبدالحفيظ ابوسن)
|
يا سليمان ناس قحت القحط الكذبة
ممكن عادي يقبلو بحميدتي رئيس لجنة اقتصادية
لاسباب مرتبطة بأنهم قوم كاذبون وصوليون
لكن لا يقبلون بخبير اقتصادي أو صاحب رؤي اقتصادية
رائدة ليس من الشلة التي شلت أيادي الاقتصاد السوداني
وتعرضها للفشل التام
| |
|
|
|
|
|
|
|
|
|
Re: اطالب بعمر البشير رئيسا (Re: اخلاص عبدالرحمن المشرف)
|
نفس الحصل في 6 ابريل يا محمد
ناس تطالب بتمديد الفترة الانتقالية وتصفية اثار مايو . ونفس المجلس العسكر بقيادة سوار الدهب المتماهي مع الكيزان والجزولي الضعيف
لو تتذكر عصلجة بعض الثوار في الجلوس مع المجلس العسكري ومافي حل افضل من كدة والنجاحات لن تأخذها قطعة واحدة
اهو جاب زي الحاصل دة
| |
|
|
|
|
|
|
|
|
|
Re: اطالب بعمر البشير رئيسا (Re: عبدالحفيظ ابوسن)
|
فعلا مشيل العساكر النايحة يا منتصر
عارف ليه ؟
لانو العسكرية اوامر غير خاضعة للنقاش وتراتيبية تلزم الانصياع
والمدنية غير كدة والخلاف داخلها متوقع .
والحكم يحتاج للرأي والرأي الآخر والمخالف
| |
|
|
|
|
|
|
|
|
|
Re: اطالب بعمر البشير رئيسا (Re: عبدالحفيظ ابوسن)
|
تعرف يا حفيظ لا زال رأئي انه مفروض
الفترة الانتقالية كان تكون سنة ، الوضع
كان ك الاتي : الناس كرهت الكيزان كراهة
عديييل ، بانتخابات حرة نزيهة مراقبة ما بجو
٢- الفترة الانتقالية الطويلة بتكون فيها مشاكل
وزي ما شايف في النهاية بتحمل للثورة
يعني الزخم الاول ح ينتهي ، الليلة لو قامت
انتخابات ما تضمن الناس ح تدي منو
٢- الفترة الانتقالية القصيرة التعاطف الخارجي
بكون اوضح والدعم اكبر.
وبعدين يا زول خف علي حمدوك و هي حكومة
ظني بتمثلك
| |
|
|
|
|
|
|
|
|
|
Re: اطالب بعمر البشير رئيسا (Re: عبدالحفيظ ابوسن)
|
يا اخلاص انا مع المدنية بكل عيوبها لانو التصحيح فيها ممكن
ونقدنا الحار ليها دة والمتطرف عشان تنصلح
الفترة الانتقالية البسيطة ما صاح في ظني لانو مؤسسات الدولة العميقة قاعدة
الواجب الملح تفكيك مؤسسات الدولة السابقة
ودي ممكن تتلاعب وتفسد ليك اي انتخابات ويرجوها ويخجوها ليك زي الماحصل شي
| |
|
|
|
|
|
|
|
|
|
Re: اطالب بعمر البشير رئيسا (Re: عبدالحفيظ ابوسن)
|
محمد سليمان
والله كلامك عجبني شديد خلاص....
لا شك انك سياسي محنك...ووالله انا مستغربة كيف ناس زيك وعندهم فهم زي فهمك ما يكونوا مسؤولين
في هذه الحكومة ويتولوا شؤون ادارة الدولة وحل مشاكل الشعب...!!!
والمصيبة الان اجهل الناس يتولون المناصب العليا واقدر الناس من اصحاب الخبرات والمؤهلات يجلسون في مقاعد
المتفرجين.....
يعني حنتقدم كيف !!!؟؟؟
استاذ محمد سليمان:
تعليقك اوسكار الف الف نجمة ....شكرا كتير ...
الغالية اخلاص
تعليقك بخصوص ان الفترة الانتقالية مفروض تكون سنة واحدة تعليق اوسكار ولا شك ...لانه بعد ٤ او ٥ سنوات او قولي
بعد ٣٠ سنة ( اذا الفترة الانتقالية امتدت ٣٠ سنة) زخم الثورة والثوار حيكون انتهى وما بنعرف الانتخابات حتجيب منو عشان يحكمونا
لكن اذا الانتخابات كانت بعد ٦ شهور او سنة واحدة فقط كنا حنضمن ان الثوار الشباب وكذلك اصحاب الحكمة والراي من شيوخ السياسة
المستقلين يفوزوا في الانتخابات ونضمن عدم عودة اللصوص والحرامية مرة ثانية لينهبوا ويسرقوا اموال الشعب ...
| |
|
|
|
|
|
|
|
|
|
Re: اطالب بعمر البشير رئيسا (Re: امتثال عبدالله)
|
الأستاذة الفاضلة إمتثال عبدالله
لك التحية و الإحترام
Quote: محمد سليمان
والله كلامك عجبني شديد خلاص....
لا شك انك سياسي محنك...ووالله انا مستغربة كيف ناس زيك وعندهم فهم زي فهمك ما يكونوا مسؤولين
في هذه الحكومة ويتولوا شؤون ادارة الدولة وحل مشاكل الشعب...!!!
والمصيبة الان اجهل الناس يتولون المناصب العليا واقدر الناس من اصحاب الخبرات والمؤهلات يجلسون في مقاعد
المتفرجين.....
يعني حنتقدم كيف !!!؟؟؟
استاذ محمد سليمان:
تعليقك اوسكار الف الف نجمة ....شكرا كتير ... |
شكرا علي كلماتك النبيلة بحق شخصنا الضعيف ... لكن السودان يزخر بالكثير من المؤهلين و المؤهلات لقيادة هذه البلاد.
هناك حقائق بسيطة نغفلها نحن السودانيين و السودانيات:
- السودان غني بموارده الطبيعية و البشرية.
- السودان غني بتنوعه الإثني و الثقافي
كل هذه النِعم تحولت الي نِقم
سوء إدارة الخلافات و الإختلافات أدّي الي تدحرج البلاد الي هذا الدرك السحيق من الأزمات الدائرية.
و السودان لم يكن نشاذاً ... فهناك جنوب أفريقيا و رواندا تتمتع بنفس الميزات و خاضت نفس الأزمات بل أسوأ ..
الفرق أن تلك الدول إستفاقت علي حقيقة أن المخرج هو لابد من الإتفاق علي دولة متصالحة مع نفسها لتسع الجميع و تتقدم الي الإمام .... و قد كان.
هنا أيضاً .... مشكلة السودان ليست إقتصادية أو ضيق الأرض بسكانها..
لكن المشكلة الحقيقية هي عدم تصالح السودان مع نفسه .. مع مجتمعاته .. ليتحول وطن الي مرجل يغلي طارد لبنيه ليومنا هذا .
| |
|
|
|
|
|
|
| |
عبدالحفيظ ابوسن
Hassan Farah
MOHAMMED ELSHEIKH
عمر نملة
كمال عباس
محمود الدقم
محمد البشرى الخضر
نادر الفضلى
Mohamed Suleiman
Arif Nashed
منتصر عبد الباسط
فيس بوك
تويتر
انستقرام
يوتيوب
بنتيريست