لايفلح قوم ولوا أمرهم امرأة

* يجازيك يا ود التاي . يا جنا انقرع. دحين قت لي (الولية) مجتمعة مع
أركان (حربها ) في أمان الله ، كأنو في لمة عواسة آبري. جا كابس عليهن
كرستلاوي كوركن : " هي سجمنا ، الراجل هجمنا". لحدما تدخلو (رجالات)
الأمن يمرقوه طلع بعل السيدة/ (الوالية). ما قلنا الطير بياكلنا. لكن هِن جيت للحق
إتا هُنَّ" تاءات تأنيث متحركات" و أي حاجة؛ علا لكن أول من تجنَّى عليهن كان
عمك سيبويه الله لا طراه ، ثم نحا نحوه الآخرون عملن جِتت ساكنات بلا حراك؛
و لا محل لهُن منالإعراب ؛ و كمان لو قدر كان طلع منهن هاء السكت الساكتة ؛
بس ربك لطف.إلى أن قامت جهينة فجدعت لسان كل (خطيب).ل ا، و حلاة كمان
الراجل لو لسة عايش يقولو عليه( حي ) يرزق أما هي لو شافوها معاه ماشة في
صفاقوو سألوه عنها: من تلك بيمينك ؛يقول: هي {حية} تسعى. وعلى ذلك فقس!!

●》سمح هاك دي حَكَماية ، لا هي والية و لا جنجويداية و لا طبيبة .

《 تخريمة) للفرفشة، و لا ناقة لها في الدين و لا السياسة》

▪ نطالب بعودة (حَكَمَة) من جيل البطولات الجميل زمان الناس حونان
وربع الرطل يرسف القزازة ؛ يقال لها أظن : منيرة عبد الساوي و لا كدي .
ففي يوم كانت حاكمة ديربي هلال مريخ مولع نار . فقام كمال عبد الوهاب بعزف
انفرادي جرجر ليك دفاع الهلال جدَّعم الواحد تاو التاني أرضن (انبطاح ) لامن
جاءللسيرد باك عبد الله موسى جهجه باكاتو ، رماه ليك جدعو نجيض هناك زي
الترتيب. لكن القرقور انحرق بالمغسة عمل ليه حركة بايخة (جر ليه لباسو بورا).
فداك كمان أحمق أصلو ما مقق ليه :قشطو طالوش بنية جابوا للواطة يشخُر شحيطة
فقامت حَكَامتناالله يطراها بالخير، بدل تشوف شُغلا، تصفر تحسبا فاول مسلن ؛
جات جارية و قلبتا ليك مناحة و شغل ناس عوضية ردحي و حنان سكليب.
يلا" مالك عليهو ضاربو يايابا يضربك الضريب قداد العناقريب !!!
كسرة/
الضريب : نزلة معوية (مائية ) بتعمل انفلات ريح و سيلان
بطني لامن يقدو ليها شناط العتقريب. بعني أخطر من الكرونة
اللي هسة مجهجهة باكاتنا دي ؛ رضي الله عنها و أرضاها.