♧ آذان الأنعام £

معقولة فضفاض يا ود مهدي، علا والله يا سلام على ريدي لخلاك بقيت(CD)
ياخ أنت جادي فعلن ؟ّ! و مال وين الفي صميم الصميم . لكن ليكم حق لو سايبين
عمك القراي بهناك هدك يبرطع و داير يدخل البوذيين في الجنة و (بالصدق) كمان .
ترا متل ُشغُل صاحبك خميرتي قال :(بالغانون) والغريبة زولك مستشهد بقوله تعالي:إِنَّ
الَّذِينَ آمَنُوا وَالَّذِينَ هَادُوا وَ النَّصَارَىٰ وَالصَّابِئِينَ مَنْ آمَنَ بِاللَّهِ وَ الْيَوْمِ الْآخِرِ وَع َمِلَ صَالِحًا
فَلَهُمْ أَجْرُهُمْ عِندَ رَبِّهِمْ وَلَا خَوْفٌ عَلَيْهِمْ وَلَا هُمْ يَحْزَنُونَ) فيا قراي ياخي كدي ورينا أولن
الآية دي فيها بوذيين اللي نحن على حسب عفرتنا المتواضعة إنهم يعبدون (بوذا )و ليس
رب العالمين. يا زول تباً لك وثكلتك أمك يا قاري ، هي جنة الله و لا زريبة هوامل .

و لا دي دقنية نك ساي شغل جعليين الفي الصلاة (باينين) .م هل في صدق غير
صدق الإيمان بالله أولن. طيب أقول ليك حاجة : هاك اسمع الآيات ديل و بعدينك
فسر لينا على راحتك }مثل الذين كفروا بربهم أعمالهم كرماد اشتدت به الريح}
في يومٍ عاصبٍ {والذين كفروا أعمالهم كسراب بقيعة يحسبه الظمآن ماء حتى
إذا جاءه لم يجده شيئاً}وقَدِمْنَا إِلَىٰ مَا عَمِلُوا مِنْ عَمَلٍ فَجَعَلْنَاهُ هَبَاءً مَنْثُورًا}

• لكن و الله ما بنلومك لأنو كبيركم الذي علمكم سحر الفصاحة و اللماضة و البيان
اللي هو أستاذي(للأسف) / أحمد مصطفى دالي سبقك و ذهب إلى ما هو ألعن و (أظرط)
منهالامن أدعي أمام شخصي الضعيف يوم ناظرته (كما سأتي لاحقاً في سياق البحوار)،
أدعى لي إنو إبليس كان مخدوعاً ( و موش عارف مين عاد اللي رمالو الطعم عشان
ينطرند من ريحة الجنة) غاتيتو اليوم داك كان حاضر رب العزو و ابونا آدم و إبليس .
لا ، وإيه قالك كمان : إنو طالما االشغلانة كلها في النهاية كثائف في لطائف فسوف
لن يخلد في النار كائنٌ من كان ، بما فيهم عفاريت الجن و (بنات أبليس) اللعين.

*بس قبال ما نمش ، تخريمة سريعة بسؤال يا قراي هسة نحنا صايمين
في ال حرابة دي سخانة تلحم ، بالله عليك إنت صايم زي صيامنا دا
ولا عندكن الصيام الصمدي ( زي صيام الضب البلقاهو كلو تشلب)؟!
أرجوك تخليك أمين ، تبطل لف ودوران و تجاوب بشفافية.